هيحصل إيه في البروفايل بتاعك على الفيس بوك لو مت؟؟؟؟ هاااااااااام

[مذنبة مستغفرة 7]

 

اولا : الموضوع ده مهم جدا حبيت اضيفه علشان كل الشباب يقراه

 

المشكلة اللى حبيت اعرضها لكم هى مشكلة بروفيل الفيس بوك

 

 

سؤال تحول إلى جروب جديد طرح قضية فلسفية بطريقة تأملية لخص فيها فلسفة الحياة وما يقدمه الإنسان من

 

أعمال في حياته مشبها إياه بالصفحة الخاصة به على الفيس بوك والتي تشبه إلى حد كبير الحياة طارحة تساؤل

 

حول مصير تلك الصفحة بعد وفاة مصممها ..

 

يضم الجروب في عضويته 19 ألف مستخدم

إنشاؤه محمود مصطفى كمال،

سرد في صفحة الجروب الرئيسية أسباب تصميمه له

 

قائلاً :الملائكة يكتبوا أعمالنا في الدنيا .. يكتبوا "صحيفة الأعمال" لكل واحد ، يعني كل واحد له file فوق كدة فيه

 

كل حاجة بيعملها عشان يتحاسب عليها في الآخرة، طب الواحد يعمل إيه لو صحيفة أعماله إتنشرت قدام كل الناس

 

اللي يعرفها، و في الدنيا، تخيل إنك مت .. و كتاب أعمالك خلاص .. أكتمل .. و تم نشره! شئ مرعب مش كده؟ و

 

لكنك واعي له تماماَ، بل إنك آنت اللي بتنشر الكتاب بنفسك قبل ما تموت، البروفايل بتاعك على فيس بوك ..

 

مبيموتش .

 

وكشف مصمم الجروب المواقف التي دفعته إلى التفكير في هذه الفكرة قائلاً

 

"الموضوع إن فيه اتنين أعرفهم توفوا في حادثين متفرقين، و الإتنين كنت أعرفهم معرفة سطحية و لكن عندي

 

على فيس بوك، الأول توفى في حادث سيارة و عرفت من صديق لي، و لما روحت البيت فتحت فيس بوك لقيت

 

واحد صاحبنا عامله tag في note فيها أدعية له .. و لكن المشكلة، إن المتوفي كان كغيره من الشباب، بيفتخر

 

بحاجات كتير غلط بيعملها، و أخر profile picture كان حاططها ، صورة له و هو ماسك كانز بيرة

 

..والموضوع كان محرج و غريب ..

 

أدعية و دعوات و صورة له ماسك بيرة .. لا يستطيع تغييرها سواه هو .. وهو مات!

 

مكنش يعرف إن الصورة دي هيبقي الـ comments اللي عليها

 

"الله يرحمك و يغفرلك" و "اللهم أغفر له خطاياه" و "اللهم أحسن خاتمتنا" ..

 

و بروفايل الفيس بوك بتاعه كان سبب اكتئاب لأخته تحديداً و اللي أنقذت الموقف بإنها دخلت عالمسنجر بتاعه من

 

اللاب توب الخاص بيه و اللي معمول فيه الماسنجر auto sign in و قفلت من خلاله بروفايل الفيس بوك خالص .

 

الشخص التاني مكنتش أعرفه خالص و لكنه كان مشترك في جروب لمحبي السيارات، كان عنده 18 أو 19سنة، و

 

كأن بيسأل أسألة تبين إنه بيحب السرعة، .. دخلت عالبروفايل بتاعه أكتبله إيه الأخبار .. لقيت علي الـ wall

 

حاجات زي

 

"هتوحشنا" و "الله يرحمك" و "يا رب إجعل مثواه الجنة"

 

و موعد عزاء .. عرفت إنه مات ..، فضولي لم يمنعني من تصفح البروفايل بتاعته .. لقيت the last activity

 

واللي هي كانت المفروض عملها يوم وفاته، كان quiz بعنوان

 

how many sex partners will you have before you die ؟

 

الحقيقة مقدرتش أفكر في أي أفكار أو يمكن الأفكار في دماغي كانت كتير فمقدرتش أركز في ولا واحدة فيهم، هل

 

الواحد ممكن ياخد quiz على سبيل الهزار أخره جملة before you die ، و هو ميعرفش إن

 

before you die دي فترة قصيرة جداًَ لا تتعدى الساعات ! و ياخد الـ Quiz ويموت و ينزل تحت الأرض و

 

إحنا قاعدين قدام شاشة الكمبيوتر بنتفرج على إن دي كانت his last activity.

 

و زي صورة كانز البيرة .. دي و كل الحاجات اللي عالبروفايل بتاعه .. غير قابلة للمحو .. لأن الوحيد اللي يقدر

 

يغير .. مات .. و البروفايل تحول إلي مزار لأشياء تحولت إلى تاريخ !

 

الحقيقة زيارة بروفايل على فيس بوك لشخص إنت عارف إنه مات شئ غريب جداً و إحساس غريب، بتحس إنك

 

بتكلم شبح .. بتلاقي كلام هو كاتبه في notes أو comments عالصور .. تحس إنها مينفعش تكون موجودة لأنه

 

ميت !

 

بتلاقي قائمة أصدقاء .. لا يمكن في يوم من الأيام هيزيدوا واحد .. و هتلاقي صور .. مش هيكون لها جديد.

 

الإنترنت و فيس بوك تحديداَ ..

 

خلا الواحد ممكن يعرض حياته كلها قدام الناس .. و يسيبها و يموت .. و تفضل هي .. زي بالضبط أكن صحيفة

 

أعمالك أتطبعت و بقت تتباع عند بتاع الجرايد .. ممكن تدخل على بروفايل حد مات و أنت مكنتش تعرفه أصلاَ .. و

 

تعرف كان بيحب مزيكا إيه و أفلام إيه و بيشجع أنهي فريق

 

و كان مرتبط بأنهي بنت و ليه كانوا متخانقين قبل ما يموت

 

و مين صحابه و حالته النفسية كانت عاملة إزاي

 

و شخصيته كان شكلها إيه

 

و كان شكله إيه يوم ما مات في الصور اللي إتاخدت بالصدفة من غير ما يعرفوا اللي لسه هيحصل،

 

و كمان تعرف إيه أخر حاجة كان بيفكر فيها قبل ما يموت .. قاعد تقلب في حياة واحد راقد على ظهره في مكان مظلم و عاري من كل شئ في الدنيا عدا قماشة بيضاء ملفوف فيها!

 

بل و تعرف معلومة زيادة هو نفسه مكنش يعرفها .. إنه كان هيموت بعد ما يعمل الحاجات دي مباشرة!

و مكنش هيبقي فيه أي طريقة لتغييرها .. و هتفضل قدام الكل بعد ما كتبها بمزاجه .

 

ويتساءل مصمم الجروب قائلاً

" هل الإنترنت ممكن يتحول لمقبرة أكبر من الهرم الأكبر و أقوى من النقوش الفرعونية على جدرأنه لأنه ببساطة .. لا هيتمسح ولا هيتغير إلا من خلال اللي كتبه .. هل حد فينا يتخيل إن البروفايل بتاعه ممكن يتحول لـ "نصب تذكاري"!

 

رد فعلك ممكن يكون إيه لو تقدر تقدم الوقت و تشوف صفحة بروفايلك بتاعة بكرة و لقيت مكتوب فيها الله يرحمك و هتوحشنا و هندعيلك في كل صلاة .. و صورتك هي صورة جروب عنوانه rest in peace !

 

شكرا ليكم

 

بس دى دعوة لتفريغ الجروبات من صور الأخوات

و من المحرمات

 

يعنى انت ازاى تحب البروفايل بتاعك

 

يمكن كلنا نقلدك و تاخد انت الثواب

و نشاركك فيه ؟؟؟؟

 

ولو سمحتم شوفوا الفيديو ده

هذا الموقع

 

منقول ولو أني أود لو أنكن غير مشتركات في هذا الموقع (الفيس بوك) و من كانت مشتركة فلتلغي حسابها

 

فضلا

[بنت الصديقه 0]

جزاك الله خيرا اختي نعمه الله وجعله في ميزات حسناتك :mrgreen:

[مذنبة مستغفرة 7]

 

و أنت من أهل الجزاء أختي الغالية

 

أهلا و مرحبا بك

جزاك الله خيرا اختي نعمه الله وجعله في ميزات حسناتك :mrgreen:

[** الفقيرة الى الله ** 985]

السلام عليكم ورحمة الله وبركاته

بارك الله فيكِ اختي الحبيبة

و هو في نظري موقع سيء للغاية

حقا الفيس بوك الآن أحدث فتنة و لا حول ولا قوة إلا بالله

من كانت لديها حساب هناك فرجاءا أن تلغي حسابها

جزاكِ الله غيرا يا غالية.

[محبة المدينه المنوره 0]

السلام عليكــم ورحمـة الله وبركاتــة ،،

 

الله يجزيكي الخير اختي متى الرحيل

وانا بضم ؤايي لاختي الفقيره الى الله لانو موقع خيرو اكثر من شره

وبعض الناس دخلوا لدعوه ونجرفوا مع تيار الفتن والمعاصي

وبأكد على كلام اختي الفقيره لله الي الها حساب في هذا الموقع تلغي حسابها

لانو كل شي الواحد بجازف فيه الا دينه

[(أم *سارة*) 981]

السلام عليكم ورحمة الله وبركاته،،

 

جزاك الله خيراً أختى وأحسن ختامنا

 

لكن لى رأى كل شىء فى الدنيا له وجهين وجه حسن ووجه سىء

 

والفيس يمكن عن طريقه نشر الفضيله بين شبابه والموعظة لهم وإلا لماذا الكثير من المشايخ لهم حساب عليه

 

فكل إنسان مسؤول عن ما ينشره وهو بصير على نفسه فالإنتفاضة فى فلسطين بدأت عليه وثورة مصر بدأت منه

 

وأشياء كثيرة فيها تقوى بثت عن طريق رسائل منه مثل الجوال بالضبط فهو سلاح ذو حدين إما يقتل أو يرقى بالنفس

[مذنبة مستغفرة 7]

** الفقيرة الى الله ** مشاركة بتاريخ Mar 19 2011, 06:35 AM

 

السلام عليكم ورحمة الله وبركاته

بارك الله فيكِ اختي الحبيبة

و هو في نظري موقع سيء للغاية

حقا الفيس بوك الآن أحدث فتنة و لا حول ولا قوة إلا بالله

من كانت لديها حساب هناك فرجاءا أن تلغي حسابها

جزاكِ الله غيرا يا غالية.

 

و عليكم السلام و رحمة الله و بركاته

 

و فيك بارك الرحمان أختي الفاضلة

 

و أنت من أهل الجزاء

 

عاشقه رضى الرحمن مشاركة بتاريخ Mar 19 2011, 06:44 PM

 

السلام عليكــم ورحمـة الله وبركاتــة ،،

 

الله يجزيكي الخير اختي متى الرحيل

وانا بضم ؤايي لاختي الفقيره الى الله لانو موقع خيرو اكثر من شره

وبعض الناس دخلوا لدعوه ونجرفوا مع تيار الفتن والمعاصي

وبأكد على كلام اختي الفقيره لله الي الها حساب في هذا الموقع تلغي حسابها

لانو كل شي الواحد بجازف فيه الا دينه

 

و عليكم السلام و رحمة الله و بركاته

 

لم أفهم وجهة نظرك جيدا أختي الحبيبة

 

فأنت تقولين أن خيره أكثر من شره

 

و أن بعض الناس دخلو بغرض الدعوة و انجرفوا مع التيار

 

لم أفهم

 

[مذنبة مستغفرة 7]

السلام عليكم ورحمة الله وبركاته،،

 

جزاك الله خيراً أختى وأحسن ختامنا

 

لكن لى رأى كل شىء فى الدنيا له وجهين وجه حسن ووجه سىء

 

والفيس يمكن عن طريقه نشر الفضيله بين شبابه والموعظة لهم وإلا لماذا الكثير من المشايخ لهم حساب عليه

 

فكل إنسان مسؤول عن ما ينشره وهو بصير على نفسه فالإنتفاضة فى فلسطين بدأت عليه وثورة مصر بدأت منه

 

وأشياء كثيرة فيها تقوى بثت عن طريق رسائل منه مثل الجوال بالضبط فهو سلاح ذو حدين إما يقتل أو يرقى بالنفس

 

و أنت من أهل الجزاء أختي الحبيبة

 

اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه

[ذليلة إلى اللـَّـه 417]

 

وعليكم الـسلام ورحمـة اللـَّـه وبركـاتـه,,

 

جزاكم اللـَّـه خير

كلمات رائعه و مفيدة جدااً

سبحان اللـَّـه !!

يقول اللـَّـه تعـالى

و حاق بهم ما كانوا به يستهزئون

هل

 

الواحد ممكن ياخد quiz على سبيل الهزار أخره جملة before you die ، و هو ميعرفش إن

 

before you die دي فترة قصيرة جداًَ لا تتعدى الساعات

 

 

[** الفقيرة الى الله ** 985]

حياكن الرحمن

أظن أن الأخت كانت تقصد أن شره أكثر من خيره و هذا ظاهر من سياق كلامها

و بارك الله فيكن يا غاليات.

تم تعديل 21 مارس, 2011 بواسطة ** الفقيرة الى الله **

[امة الله حنان 0]

السلام عليكــم ورحمـة الله وبركاتــة ،،

 

لو سمحتم ممكن اخت ترد على

 

انا قريت كتير " لا تقربو الفيس بوك" "اقفلوا الفيس بوك"

 

هو ايه الفيس بوك بس بالراحه وبالعربى لانى مش فاهمه ولا كلمه من اللى انكتب فوق

 

ليس العيب من كاتبته ولكن من غباء اختكم

 

وبعدين هو مش الفيس بوك ده ما ينفعش حد يدخل صفحتك الا باذنك مثل السكاى والياهو ؟ ام ماذا ؟

 

اسفه ان كنت اثقلت عليكم

[هبه المسلمه 1]

السلام عليكم

 

طبعا الموضوع مؤثر جدا

 

بس انا على فكره عندى أكونت عالفيس بوك ... والحمد لله لومت هكون راضيه عن اللى فيه وهاعتبره صدقه جاريه ليا ان شاء الله

 

كما قالت الاخت امه الله حنان محدش يقدر يدخل الاكونت بتاعك الا باذنك

ولما يكون ليكى صحبه كويسه عليه فايه المشكله

 

ايه المشكله انك تخليه للدعوه من فيديوهات وخطب وتوبيكات دعويه

 

سورى عالمجادله بس دى وجهه نظرى

 

وفعلا له اوجه شر كتير

بس على حسب الشخصيه

والله اعلم