صينية قراميط بالبطاطس من مطبخى

[وأشرقت السماء 1565]

السلام عليكــم ورحمـة الله وبركاتــة ،،

 

جايبالكم النهاردة صينية قراميط فى الفرن يارب تعجبكم

الطريقة

نضع بصلة مقطعة فى الزيت على النار لغاية ما تدبل

وبعدين نضيف لها البهارات (فلفل أسود وكمون وكزبرة ناشفة(

على فكرة البهارات لما تتحط فى الزيت بتعطى ريحة ونكهة جميلة فى الأكل

وبعدين تضيفى بقدونس أخضر مفروم ومعلقتين صلصة طماطم والملح والبطاطس المقطعة حلقات وتقلبى

 

 

بعد غسل القراميط كويس جدا نقلبها الأول فى (دقيق+ذرة ملح+كزبرة ناشفة+كمون) وبعدين نحمرها شوية صغيرة فى الزيت

وبعدين نضيفها على البطاطس

 

 

وبعد كدة ندخلها الفرن

وبالهنا والشفا

 

ومحدش يسألنى يعنى إيه قراميط

 

[@hasby alah@ 2]

السلام عليكــم ورحمـة الله وبركاتــة ،،

شكلها جميييييييييل تسلم ايديكي :lol:

بس :icon15: ااا :icon15: اية قراميط هههههههههههههههههههههه

[اللوتس رآجية الجنة 471]

عندي سؤال بس ما تضربيني :icon15: هو ايه القراميط :lol:

[** الفقيرة الى الله ** 985]

و عليكم السلام ورحمة الله وبركاته

الطبق شكله جميل ... تسلم إيديكي حبيبتي 

بس شو هو القرامييييييييييييييييييييييييييييييييط ؟؟؟؟؟؟؟؟؟؟؟؟؟؟؟؟؟؟؟؟ 

جزاكِ الله خيرا :)

[وأشرقت السماء 1565]

 

حبيباتى

حسبى الله

راجية الجنة

الفقيرة إلى الله

 

جزاكن الله خيرا على المرور

 

بس مش أنا قلت محدش يسألنى يعنى إيه قراميط

فيه حد فى الدنيا ميعرفش القراميط

شكلكوا ستات بيوووووووت عسل

ولو إنى أساسا مش بحب القراميط

بس لأنكم سألتم هجاوبكم وأخد فيكم ثواب

القراميط نوع من السمك بيكون طويل كدة وبيتلعبط فى الميه

مشوفش حد يقولى يعنى إيه بيتلعبط أصل بعد كدة أضع الموضوع وأقف لكم على الباب بالعصاية :blush:

ودى صورة ليه فى شبكة الصيد

 

يارب تكونوا عرفتوه ولو ما عرفتوه مش مهم إعملوا مكانه سمك بلطى بنفس الطريقة

 

 

[اللوتس رآجية الجنة 471]

حببتي واشرقت السماء

انا راح ابكي :cry:

انا والفقيرة لله جزائريات وتسمية قراميط منعرفهاش :rolleyes: لهذا احنا سألنا واحنا ستاة بيوت مشاء الله علينا :grin:

 

وعليكم السلام

[هادية عبدالله( ابتهالات) 2]

السلام عليكــم ورحمـة الله وبركاتــة ،،

 

 

تسلمي على هذه الوصفة

 

ان شاء الله رايحة اعملها, . لانني لم اجرب السمك الا مقلي او مشوي او صيادية

يعني مش غلط اجربه بهذه الوصفة لكن مع نوع سمك ثاني مش بالقراميط

 

تحياااااااتي

[محبة لربها، ادعوا لي بالثبات 72]

ههههههههه حبيبتى اشرقت

 

وحشتينى اوى

 

انت زى ماما بتحب القراميط اللى بتلعب فى المياه

 

وبتعمل صينية السمك مثلك بالضبط بس بتقطع البطاطس اصابع كبيرة ..تغيير

 

لكن القاهريين هنا علمونى اشوح السمك بالزيت اولا مثلك قبل ما اضع التقلية بالتسبيكة

 

فكرتينى بيها بإذن الرحمن اعملها فى اول فرصة

 

ماشاء الله لا قوة الا بالله

 

ابقى حصنى نفسك وارقيها مع آية الكرسى يا ريت تكتبيها هنا

 

لانى كلما وضعت طبخة_سبحان الله_ اتشاكلت مع زوجى او حصلت مشكلة كبيرة او حد مرض

 

عافانا وعافاك وحفظكم من كل سوء حبيبتىىىىىىىىىىىىىىىىىىىىىى

[مسلمة مجاهدة 353]

وعليكم السلام ورحمة الله وبركاته

 

سلم ايديكِ باين عليها أكلة لذيذة!!

 

ومحدش يسألنى يعنى إيه قراميط

 

 

:unsure:

 

رغم انك قلت ما نسأل برضوا حنسأل وجاوبتي وبرضوا مش فاهمة شو هو بالضبط >> مراعاة اختلاف اللهجات :oops:

 

ممكن الاسم بالانجليزي لو سمحتِ!!! لو تعرفي :blink:

 

وسؤال نقدر نستعمل أنواع تانية من السمك لو السمك الموجود بالوصفة غير متوفر!!!

 

جزاكِ الله خيرا

 

[محبة لربها، ادعوا لي بالثبات 72]

استعملى اى نوع البلطى بيبقى جمييييل فى الوصفة دى وكذلك البورى سيرينا

[يسرا عبد الرحمن 718]

تسلم ايديكى اشرقت

امممممممممممممممممم شكلها تحفه

انا بمووووووووووووووووت فى اكلة القراميط

لكن زوجى مش بيحبها :cry:

وبحبها انا اكثر بالفريك بتبقى طعمها تحففففففففففففففه

جزاك الله خيرا

[وأشرقت السماء 1565]

حببتي واشرقت السماء

انا راح ابكي :cry:

انا والفقيرة لله جزائريات وتسمية قراميط منعرفهاش :roll: لهذا احنا سألنا واحنا ستاة بيوت مشاء الله علين :grin:

 

حبيبتى راجية الجنة إوعى تبكى

أنا بحب الجزائريات بزااااااف

طب عينى فى عينك كدة :cry: :biggrin:

لو ما فهمتى عليا ممكن تعمليها بأى نوع آخر من السمك بيكون جميل وخصوصا البلطى

لو زرت الجزائر فى يوم فكرينى أجبلك قرموط معايا ولو إنى أساسا بخاف منه ومستحيل أمسكه على بعضه

 

تسلمي على هذه الوصفة

ان شاء الله رايحة اعملها, . لانني لم اجرب السمك الا مقلي او مشوي او صيادية

يعني مش غلط اجربه بهذه الوصفة لكن مع نوع سمك ثاني مش بالقراميط

تحياااااااتى

 

وعليكم السلام ورحمة الله وبركاته

حبيبتى ابتهالات منورة صفحتى يا غالية

ممكن تجربيه مع أى سمك وخصوصا البلطى بيبقى تحفة أحلى من القراميط كمان

 

 

 

[وأشرقت السماء 1565]

ههههههههه حبيبتى اشرقت

 

وحشتينى اوى

 

انت زى ماما بتحب القراميط اللى بتلعب فى المياه

 

وبتعمل صينية السمك مثلك بالضبط بس بتقطع البطاطس اصابع كبيرة ..تغيير

 

لكن القاهريين هنا علمونى اشوح السمك بالزيت اولا مثلك قبل ما اضع التقلية بالتسبيكة

 

فكرتينى بيها بإذن الرحمن اعملها فى اول فرصة

 

ماشاء الله لا قوة الا بالله

 

ابقى حصنى نفسك وارقيها مع آية الكرسى يا ريت تكتبيها هنا

 

لانى كلما وضعت طبخة_سبحان الله_ اتشاكلت مع زوجى او حصلت مشكلة كبيرة او حد مرض

 

عافانا وعافاك وحفظكم من كل سوء حبيبتىىىىىىىىىىىىىىىىىىىىىى

 

 

يا هلا وغلا بحبيبة قلبى

على فكرة أنا مش بحب القراميط زوجى هو إللى بيحبها

فى مرة ماما اشترت قراميط من السوق وأرسلته لى مع واحدة جارتنا وأنا معرفش هو إيه فأخويا وضعه فى طبق كبير ووضع عليه ميه وعينك ما تشوف إلا النور

طلعت فوق الكنبة وفضلت أصوت لما الشارع اتلم علينا

ومرة كنت أنا فى السوق وماما خلتنى أشيل الكيس وسبقتها على البيت فالقراميط قطعت الكيس وطلعت تجرى فى الشارع ههههههههههه وأنا وقفت مكانى والناس تجرى وراها وكان جنبى بحر هههه نزلوا فيه وروحت البيت من غير قرامييييييييييييط

 

أنا شكلى نسيت نفسى فى الكلام ولا إيه

 

ربنا يخليكى ليا حبيبتى ويبارك فيكى

[أم سوفي 0]

ههههههههههههههههه واحدة واحدة على البنات يا شبة محدش يعرف القراميط غير المصريين

 

ما شاء الله هو شاكله حلو اووووي

بس بيعيد عنك عمري مااكله ابدااااااا شكله بيتعبني جدا هههههههههههه

انا بعمل نفس الواصفة بسالمون بيكون راااااااائع

تسلم ايدك يا قمر

[اللوتس رآجية الجنة 471]

حبيبتى راجية الجنة إوعى تبكى

أنا بحب الجزائريات بزااااااف

طب عينى فى عينك كدة :cry: :biggrin:

لو ما فهمتى عليا ممكن تعمليها بأى نوع آخر من السمك بيكون جميل وخصوصا البلطى

لو زرت الجزائر فى يوم فكرينى أجبلك قرموط معايا ولو إنى أساسا بخاف منه ومستحيل أمسكه على بعضه

 

السلام عليكم

 

انت تنوري الجزائر يا غاليا

معلش هو نوع السمكة هذا غير متوفر بكثرة عندنا بالجزائرا راح اعملوا بنوع سمك اخر تسلمي يا حلوة

 

احبك في الله

[وأشرقت السماء 1565]

وعليكم السلام ورحمة الله وبركاته

 

سلم ايديكِ باين عليها أكلة لذيذة!!

 

ومحدش يسألنى يعنى إيه قراميط

 

 

:unsure:

 

رغم انك قلت ما نسأل برضوا حنسأل وجاوبتي وبرضوا مش فاهمة شو هو بالضبط >> مراعاة اختلاف اللهجات :wink:

 

ممكن الاسم بالانجليزي لو سمحتِ!!! لو تعرفي :biggrin:

 

وسؤال نقدر نستعمل أنواع تانية من السمك لو السمك الموجود بالوصفة غير متوفر!!!

 

جزاكِ الله خيرا

 

يا سلااااااااام مشرفتى الغالية موجودةة هنا

ياريتنى عملت الطبخة دى من زمان

إيه رأيك هادور على كل الطبخات الغريبة وأضعها علشان تنورونى :biggrin:

ممكن حبيبتى تستعملى أى نوع تانى من السمك وبالأخص البلطى بيبقى جميل

 

شوفى الصورة دى يمكن تعرفيه

 

[أزفـــ الرحيل ـــ 20]

وعليكم السلام ورحمة الله وبركاته

 

فعلا باين عليها اكلة شهية بس للاسف انا كمان زوجى مش بيحب القراميط

 

عموما اجربها بنوع سمك تانى

 

تسلم يدك

[وأشرقت السماء 1565]

تسلم ايديكى اشرقت

امممممممممممممممممم شكلها تحفه

انا بمووووووووووووووووت فى اكلة القراميط

لكن زوجى مش بيحبها :biggrin:

وبحبها انا اكثر بالفريك بتبقى طعمها تحففففففففففففففه

جزاك الله خيرا

 

 

الله يسلمك من أى شر يا يسورا

منورة حبيبتى

أنا مش بحبه خالص وبخاف منه هههه

العكس عندى تماما

جزاكى الله خيرا على مرورك يا غالية

 

ههههههههههههههههه واحدة واحدة على البنات يا شبة محدش يعرف القراميط غير المصريين

 

ما شاء الله هو شاكله حلو اووووي

بس بيعيد عنك عمري مااكله ابدااااااا شكله بيتعبني جدا هههههههههههه

انا بعمل نفس الواصفة بسالمون بيكون راااااااائع

تسلم ايدك يا قمر

 

 

أم سوفى الغالية كنتى فين كل الغيبة الطويلة دى

منورة حبيبتى لا حرمنا الله من وجودك معنا

ما أنا عارفة إن مفيش حد يعرفه كتير علشان كدة قلت أمسك لهم العصاية وأعقدهم شوية

بيعد عنى ليه ماهو عندى برده أنا مش بحبه خالص

بحبه بالبلطى

الله يسلمك من أى شر يا غالية

 

وعليكم السلام ورحمة الله وبركاته

 

فعلا باين عليها اكلة شهية بس للاسف انا كمان زوجى مش بيحب القراميط

 

عموما اجربها بنوع سمك تانى

 

تسلم يدك

 

حبيبتى أزف الرحيل

منورة حبيبتى

جربيها حبيبتى بنوع تانى وأهو تغيير فى شكل السمك

هى فعلا لذيذة

جزاكى الله خيرا على المرور

[' أم آية' 667]

ما شاء الله

بارك الله فيك حبيبتي

انا استعمل البطاطا مع السمك لكن ليس بالفرن

ان شاء الله اجربها

في امان الله

[حياة إسلامية 135]

ماشاء الله الظاهر جميلة جدا

بارك الله فيك

اعتقد ممكن استعمال انواع اخرى من السمك مثل الهامور

و ما حد يسالني شو يعني هامور :biggrin:

[بنت ام عبد 151]

السلام عليكم ورحمة الله وبركاته،،

سلمت يداك يا حبيبة ,شكلها شهي (للهم بارك)

ولكن سؤال يحيرني (من اين لكِ هذا ؟؟؟) هو موجود هنا ؟؟؟

وانا بخاف منه مثلك تماماً مرة اول زواجي احضره زوجي وكانت حكاية وجري في كل الشقة حتي هو نفسه مش عارف يتعامل معه ازاي لكن انا قلت له كيف نتمكن من قطعه قرب الراس لنتمكن من تقطيعه وساعدني فيه وقلتله زوجي الحبيب اول واخر مرة يا غالي تحضر لي هذا السمك واهديت غالبيته لحماتي لان ملمسه الناعم بيضايقني في الاكل واكثر من مرة امي تحضره ويكون رائحته مش طيبه ممكن يكون بيعيش في مستنقع ويتغذي علي مخلفات زيتيه واضطررنا لالقائه في القمامة (كان استحاله ناكله ) ومن يومها لم ناْكله , لكن فكرتينا به يا غالية جزاك ربي خيرا وحفظك من كل سوء .

 

 

 

 

 

 

9

[** الفقيرة الى الله ** 985]

جزاكِ الله خيرا حبيبتي أشرقت على التوضيح :)

المهم سمك و خلاص

سلمت يداكِ

تعرفي أول مرة اسمع يهذا النوع من السمك يجسري في الشارع و داخل المنازل و يبقى حي بعد خروجه من الماء سبحان الله !!

و شو هو الهامور ست إسلامية ؟؟؟؟

تم تعديل 18 يناير, 2011 بواسطة ** الفقيرة الى الله **

[انوار القلوب 1]

السلام عليكــم ورحمـة الله وبركاتــة ،،

جزاكى الله خيرا على هذه الآكلة

بحب القراميط جدا

تسلم ايدك ياقمر

[**حنين للجنة** 16]

حلوة فكرة السمك بالبطاطس ان شاء الله اجربها

انا عمرى ما كلتة ولا عمرى هافكر اكلة لانى مابحبوش وبخاف منه

[**أم مختار** 10]

وانا زي معظم البنات زوجي بيحبش القراميط بس انا بموت فيها

 

تسلم ايديكي حبيتبي