**اخطااااائك واختراعاااااتك اول زوااااجك ,,, تعالى احكيلنا يمكن نفيد بعض**

[صاحبه القلب الطيب 12]

السلام عليكم ورحمة الله وبركاته

 

والله مواقف الاخوات اضحكتنى كثيرا

 

ربنا يبارك فيك حبيبتى على هذا الموضوع الجميل

 

ويبارك فيكى ياسندسه ويرزقك بالذريه الصالحه

 

طبعا اول الزواج كانت عندى مشكلة الغسيل زى معظم الاخوات فى بيتنا كنت يادوب بنشر الغسيل

 

فاول غسيل لى بعد الجواز عملت نفسى البت الشاطره وشغلت الغسالة وطبعا ملابس زوجى الداخلية البيضاء

 

مع ملاية سرير كان لونها تقريبا موف هادى وكانت جميله اوووى واكيد عرفتو النتيجه

 

الملابس البضاء اصبحت مووووف هههههههههه

 

ومفرش السرير التقط بعض البقع من ملابس تانيه كانت موجوده ولسه لحد دلوقتى البقع دى فى المفرش تذكار هههههههههه

 

 

واضح ان الموقف ده معدى فعلا ههه كلنا وقعنا فيه..لو بنت اتجوزت وعملت الغلطه ديه هى حرررررره :biggrin:

 

اما بالنسبه للاكل فالحمد لله كنت بعرف اطبخ قبل الجواز

 

شطوووره اللهم بارك واكلاتك فى الطيبات احبها جدااا

[صاحبه القلب الطيب 12]

بصراحة انا لسة حديثة عهد بالزواج لم يمر على زواجى ستة اشهر

انا قبل زواجى ماهرة فى الطعام فأخبرت زوجى بأننى سأعدلك (حمــــــــــــــــــــــــــــام مشــــــــــــــــــــــــــــــــوى )

فكان فى الخارج واخبرتة بذلك فى الهاتف

وبصراحة كنت اول مرة استعمل الشواية فى حياتى

وجاء زوجى وهو يتضور جوعآ وقمت بتقديم الحمام المشوى

ولكنة اصبح حمام نصفةمحروق واما رجل الحمامة غير موجودة والجناحات اختفت وهى الحمامة اختفت

مش حقولكم زوجى قعد يضحك ويقولى

تسلم ايدك

اقولة تنكر اننى اول واحدة تعملك حمام مشوى فى حياتك ههههههههههههههه

 

هههههههههه شوفتك ياحبيبتى بتتكتبى الرد وبصراحه عجبنى قلت ارد عليكى

كان لازم يعنى مشوى ما كنتى تحمريه وخلاص احنا كده الستات لازم نتفلسف ههههد

 

بس الحمد لله انها عدت بس ياترا اكلتوه ولا لاء ؟؟؟؟

[صاحبه القلب الطيب 12]

السلام عليكم ورحمة الله وبركاته،،

 

بنت ام عبد

 

ك

يفك يا صحوبة , عذراً منك تأخرت في الرد عليك

أنت عارفة أن انا شطورة وبحاول أفتكر غلطة علشان أكتبها ^______^

 

اهلا بيكى ياغاليه ولا يهمك ..شو اخبار الحمل معك ؟؟

وبالطبع عارفه انك شطووره ده امر واضح بس الامر مايخلاش برضو

الحمد لله لم يحدث معي مشاكل مع الغسيل بخصوص ملابس زوجي لكن بوظت ملابسي (بعض قطع اللانجيري ) شفت الشطارة

والي الان باحتفظ بالقطع وهي الوانها مختلطة مع بعض وشكلها تحفة ,أما الطبخ فكنت حديثة عهد بالمطبخ وأول طبق قدمته لزوجي كان في الاسبوع الأول

عملت حمام محشي وكان مش قوي لكن أكلناه وبعد كده سبحان الله وفقني ربي وتقدمت بشكل ملحوظ وخلال اول شهرين او أقل والحمد لله الي الان اكلي بيعجب زوجي

 

سبحان الله انا العكس فى الغسيل عمرى ما ملابسى حصلها حاجه وملابس زوجى هى اللى دايما يكون فيها حاه لدرجه انى شكيت فى نفسى

واول طبق تقدميه حملم محشى واضح اننا نتحدى انفسنا ...وطبعا كل واحده بنيتها واراداتها وحبها لبيتها وزوجها تتقدم وتكون افضل

أما ترتيب البيت فسهل من المؤكد أن كل البنات بيقوموا بعملية تنظيف البيت في بيوت الاهل قبل الزواج , ونصيحة بجد لكل أم تعلم بنتها كويس جداااااااا لاني تزوجت وكنت لا أعرف في المطبخ سوي الارز وصينية بطاطس وأشياء بسيطة جداااا

 

فعلا نصيحه مهمه ياريت تعمل بها كل البنات لان سيأتى وقت وهتحتاسى فعلا

وأصطحبت معي كتاب وصفات وضعته في درج المطبخ وأظل واضعه الكتاب لأتعرف علي المقادير وكان زوجي أما يشوفني يضحك علي المنظر وكنت طول حياتي مشغولة بالدراسة خاصة الجامعة أخذتني كتير وفي الاخر أصبحت ذكري لكن دائماً بامزح مع زوجي وأقوله أنا لو أشتغلت حاكسر الدنيا يقولي عارف من غير ما تقولي أعملي كروت تخصص هدم أكيد فيه زبائن حيجولك , لكن طبعاً ده من باب المزاح متصدقيش

 

ههههه ولا يهمك ديه مرحله التعليم انا كمان عملت كده بس ماكنتش بيشوفنى والا كنت راح اصير تريأه هههه

وفعلا الدراسه اخدت من وقتنا الكثييييييييييير

 

وجزاك ربي خير يا حبوبة علي الموضوع الظريف ,إن شاء الله تنتفع منه المقبلات علي الزواج

 

اللهم امين

 

نورتنينى ياغاليه وعقبال لما ابارك على قدوم النونو قريبا

[صاحبه القلب الطيب 12]

السلام عليكم ورحمة الله وبركاته,,

 

الحبيبه بسمتى

بجد موضوع جميييييييييل اووى كما اعتادنا منك يا انجى ديما

 

، انا دلوقتى مر 5 شهور على زواجى وسلسة الاختراعات لا تنتهى طبعا

الله يخليكى ياغاليه طيب انتى لسه مستجده يعنى اصبرى شويه لما تبقا سنه واتنين ههههه

بردو مشكلة الملابس وتحول لونها من الابيض للبمبى (لسا طازة امبارح بس )

 

معلشى بس انتى عرفتى الخطأ ..الاهم الا تكرريه

وبالنسبة كمان للطعام ، انا بحب جداا اخلى الاكل سبايسى واعتادت على كده قبل ما اتزوج فى بيت اهلى

 

وزوجى لا يحبه ،فكتييير عملت الاكل ناااااااااااار وزعل منى زوجى كتير وانا بنسى بردو واعمله تانى وهو يشيط ههههه

 

اكيد ممكن تحصل مشاكل بسبب كده افتكرى دايما تظبطى ايدك فى وضع البهارات ولو حابه ليكى زياده ضيفهم على جنب

كانت لنا سيده عاقله تقوول اكل زوجك هو الاهم وانتى بعدين !!

 

ومش فاهمة ليه مش قادرة اشرب الارز كويس برغم انى كنت بعمله ممتاز قبل الزواج .

سااقول لكى طريقتى فى عمل الرز لاى نوع وان شاء الله تفيدك وخدى بكلام محبه لربها وام الاشبال ايضا فهم خببببببببببببرررررره

الرز الابيض العادى

 

المقادير

كل كوب ارز = كوب ونص ماء "الكميه حسب عدد افراد اسرتك وعلى حسب نوع الرز "

ملعقه صغيره من الملح

ملعقه سمنه او زيت "افضل الزيت لانه عامل اساسى فى جعل الرز مفلفل "

 

 

الطريقه ببساطه

 

ننقى الارز جيدا ثم نغسله كويس جدا كذا مره حتى يصبح ابيض تماما

ننقع الرز على الاقل ساعه "كل رز على حسب نوعه (جربى مره كده وشوفى نوع رزك ياخد وقت ايه ويتنقع ولا لاء "ثم نصيفه من الماء

نقدح الزيت مع السمنالقليل جيدا فى الحله ثم نضع الرز ومعه الملح ونتركه دقيقتان يسخن "هذا ما يجعله مفلفل "

ثم نضع الماء ومع الوقت ستكتسبى الخبره بالنظر بمعنى عندما يغطى الماء الرز بمقدار نص سم بالمعلقه يعنى عقله اصبع

غطى الحله وما ان يشرب الرز الماء وطى النار واتركيه يتردد لمده 10 دقائق مثلا ثم ذوقيه وان استوى اطفى النار عليه

 

طيب كفاية كده ولو تذكرت حاجة تانية هقولكم ..

 

ننتظرك ولا تتردى وان كان باستطاعتنا افادتك سنفيدك ان شاء الله

 

[محبة لربها، ادعوا لي بالثبات 72]

ابوس ايدك بلاش كلور

 

يذيب الملابس بالبطىء وفجأة بعد استعمالين تلاقيها خرّمت((مع انى استخدم جيل العالمية والقطع المخصصة للتصدير))

 

اولا الكلور بيصفّر بعد غسلتين ثلاثة!!

 

ثانيا بياكل الملابس

ثالثا بياكل كوتش وخراطيم الغسالة :mrgreen:

 

 

 

الزهرة بتنور الغسيل

 

ما تبصيش للونها الازرق على الابيض بتنوووووووووووووووّرررررررررررررررر

 

ولو عاوزة ملابسك البيضا وغيارات زوجك :wink: تعيش اطول فترة ممكنة وجوزك يلبسها باحترامه ((من دون ثقوب))

 

بلاش حرارة غليان الا فى حال الاتساخ

 

كفاية 40 درجة حرارة فقط ومع التزهير وايريال

 

والغوامق اعمليها فى برناتمج خفيف كبروجرام الستائر مثلا وعلى البارد وبمسحوق خاص بالالواان

 

وتغسل مقلوبة

 

والابيض مع الابيض عشان ينور

 

 

وما تغلطيش غلطتى

 

والملون مع الملون

 

وطبعا الاقطان معا والصناعى معا وبدون حرارة

 

وكل يوم غسلة وحيده فقط عشان غسالتك ما تضطريش تصرفى عليها مثلى وكل شوية تبوظ وتصلحيها

 

وزوجك يشد فى شعره هههه

 

لو مضطرة

 

تغسلى ملابس كثيرة

 

يبقى مرة صباحا ومرة مساءً

 

ارجوكن اسمعن الكلام

 

انا مثلكن قديما ما كنت اسمع نصائح ..!! لكن انقرصت فاتعلمت

 

وصيهم يا انجى من فضلك

تم تعديل 27 يناير, 2011 بواسطة محبة لربها، ادعوا لي بالثبات

[~ أم البطلين ~ 26]

اختى محبه لربها ادعولى بالثبات .والله ليكى نصائح وتنبيهات مميززة .استفدت منها

 

بارك الله فيكِ

 

هاتِ كل ما عنك

[محبة لربها، ادعوا لي بالثبات 72]

ام معاذ حسستينى انى لى لازمة وقيمة حبيبتى

 

فيه ناس هنا مش مقتنعين

 

راجعى توجيهاتى فوق

 

ولما تذكر هاوافيكِ

خذى الرابط هذا بجملة التوجيهات :biggrin:

https://akhawat.islamway.net/forum/index.ph...t=0&start=0

تم تعديل 27 يناير, 2011 بواسطة محبة لربها، ادعوا لي بالثبات

[~ أم البطلين ~ 26]

ايوة ماهى دى من الردود اللى استفدت منها كمان

أحسن الله اليكِ

[صاحبه القلب الطيب 12]

فيه ناس هنا مش مقتنعين

ارد على عجله

 

مين يامحبه اللى مش مقتعنين ده انت كلامك على الراس ياجميل

:biggrin: :wink:

[محبة لربها، ادعوا لي بالثبات 72]

:biggrin: ارد فى عجالة

 

تسلمى لى حبيبتى

[وأشرقت السماء 1565]

تعالوا بقى وحشتونا أوى

يارب فرج عن مصر وأهل مصر

يارب احفظ بلادنا من أى سوء

تعبنا والله

[زهرة نسرين 246]

موضوعك خفيف يا صاحبة القلب الطيب

لي عودة ان شاء الله و حاكتبلك موااااااااقف

[ام حفصة الوديعة 0]

من فضلك أختي محبة لربها ماذا تقصدين ب

الزهرة بتنور الغسيل

كما قلت هي أفضل من الكلور فهل ممكن صورة أو شرح لها جزاك الله خيرا وجعله في ميزان حسناتك

[محبة لربها، ادعوا لي بالثبات 72]

من فضلك أختي محبة لربها ماذا تقصدين ب

الزهرة بتنور الغسيل

كما قلت هي أفضل من الكلور فهل ممكن صورة أو شرح لها جزاك الله خيرا وجعله في ميزان حسناتك

 

 

ام حفوصة القمورة

 

الزهرة هى باودر مسحوق ازرق اللون عند العطارين

 

مسئول عن تنوير الملابس او الغيارات الداخلية

 

ويجب تذويبها اولا ملعقة شاى كمقدار مثالى ((انا اضع ملععقتان كبيرتان))

[ام حفصة الوديعة 0]

من فضلك أختي محبة لربها ماذا تقصدين ب

الزهرة بتنور الغسيل

كما قلت هي أفضل من الكلور فهل ممكن صورة أو شرح لها جزاك الله خيرا وجعله في ميزان حسناتك

 

 

ام حفوصة القمورة

 

الزهرة هى باودر مسحوق ازرق اللون عند العطارين

 

مسئول عن تنوير الملابس او الغيارات الداخلية

 

ويجب تذويبها اولا ملعقة شاى كمقدار مثالى ((انا اضع ملععقتان كبيرتان))

 

جزاك الله خيرا أختي الكريمة سأحاول ان أبحث عنها عند العطارين بارك الله فيك

[صاحبه القلب الطيب 12]

عذرا علي عدم الرد ولكن عندي مشكله بالجهاز وحال بلدي مصر يشغلني كثيرا قريبا سارد ع الجميع ادعو لبلدي مصريه وافتخر

[omjana 6]

السلام عليكم ورحمة الله وبركاته،،

 

 

فكريتنا باللذى مضى

 

 

لى عودة ان شاء الله

[أم ربعي 21]

يا نهاااااااارى على افعالنا يا ناس

اعتقد الكل متفق في موضوع الملابس

انا برضه حطيت بعض ملابسي مع ملابس زوجي البيضا وطلعت بمبي وكان من ضمنهم ججلابية بيضاء

بس الحمد لله ده اول سنة بسسس

كمان كان عنده قميص لونه اصفررر حطيته في الغسالة بالغلط مع الابيض

طلع طبعا حته فاتحه وحته باهته

والاكللل وما ادراكم

انا بحب الاكل مالح شوي او ممكن تقولى مظبوط وهو بيحبه دلع

بس الحمد لله بدات اظبط الموضوع ده خالص

بس لسه موضوع الفلفل الاسمر ساعات وساعات

انا مكنتش بعرف اعمل غير الخضار الاعتيادي وبس

اول مرة عملت محشي ههههه محطتش ولا سمنة ولا زيت

وكان طعمه :((

وكل ما اكل صابع اقول البتاع ده ناقص حاجه بس الميزة انى بعمل صوابع الكرنب صغننه خالص

فكان شادد زوجى شكل المحشي وتغاضى عن طعمه هههههه

ولى عودة اذا تذكرت شيء

 

 

 

 

بالنسبة للاخت بسمتي

انا هاقولك على حاجه تعمليها في الارز بجد بجد جربيها ومش هتندمي ابداااا

 

كل كوب رز اى كان حطي له كوب ونص شوربة اوماء

وطي عليه وهو لسه في فقافيق باقي الشوربة

ولا تفتحى الغطا الا بعد لا يقل عن ربع ساعة

هتلاقي الرز استوى من فوقه لتحته من غير تقليب وهتلاقيه مفرفر جدددددددا شرط الشوربة تكون مغليه

وبركز على ماتفتحيش الغطا الا بعد ربع ساعة على الاقل

ان شاء الله هيظبط جدا جدا

الحمد لله انا بعمل اى نوع رز بياخد منى بالظبطط ثلث ساعة

تشويح وسوى عشان مش بفتح عليه كتير ومش بقلبه ولا مرة

[صاحبه القلب الطيب 12]

هلا بالغاليات

 

لى عوده

 

ان شاء الرحمن

[((ام معاذ)) 2]

جزاكِ الله خيراً حبيبتى صاحبة القلب الطيب

 

اما انا فأختراعى كان غير كل الاخترعات

فانا حبيت ان انتحل مهنة :roll:

 

V

 

 

V

 

 

V

الحـــــــــــــــــلَاق :mrgreen:

ههه

وعينك ما تشوف الا النور :wub: :blink:

 

للاسف ان زوجى وافق احلق له

وبمجرد ان امسكت المكنة الكهربائية بيدى احسست ان الموضوع بسيط جدا

وهو يعلمنى وانا اقول

عارفة ...عارفة

وفى الاول كنت ماشية كويس حتى جاءت الطامة :icon_eek:

و خلعنا رأس المكنة و اصبحت مثل ما يقولون على (الزيرو) لنساوى الجناب

وساعتها بدأت من نصف الرأس وعندما رأيت منظر زوجى جعلست اضحك بشدة :lol: :lol:

مع انى والله كنت زعلانة و مندهشة وخائفة من رده فعله

لكن ما نزل عليا الا الضحك :mrgreen:

وهو متعصب جدا ويقوول

عملتـــــــــــــــــــــــــــــــــى ايـــــــــــــــــــه؟؟؟

وتعصب على شوية وعدت الحمد لله

لكنه بقى فترة يسمع احلى كلام ممن يعملون معه

مثل

 

مين اللى شوه راسك كده

مين ال... اللى حلقلك

 

وياعنى يقول انــــا اللى حلقت لنفسى :blush: :blush:

حتى انبت شعره مرة اخرى والحمد لله ونسى الموضوع

 

بس كده

ايه الرغى ده

هههههههه :tongue:

احبكنَ فالله :wub: :wub:

تم تعديل 22 فبراير, 2011 بواسطة ((ام معاذ))

[***أم محمد*** 8]

ههههههههه

ام معاذ ..........كويس ما شلتيلي قطعةمن فروة الراس ^ـــــــــــ^

المثل بيقول .اعطي الخبز لخبازه لو اكل نصه ..........كان لازم تعملي حالك ام العريف زي حالاتي ؟ ههههههه

على فكرة : كان ليا تجربة سابقة في موضوع الحلاقة بس مع ابني......بس اخده ابوه على الحلاق بسرعة ليصلح ما يمكن اصلاحه ههههه

[بُشرة خير 3]

السلام عليكم صاحبة القلب الطيب

قرأت بعض ردود الأخوات وسأعود لأكملها إن شاء الله

 

عروسة من أقل من 20 يوم وبواجه حاجات عجيبة هههههههههه

لكن كان أشد شئ محيرنى

الفراخ

بعد ما بسلقها وأحمرها بتلزق ف الطاسة وتطلع من غير أى جلد .. لحم أبيض بس .. ومفتفتة جداااااا ههههههههههه

وكل مرة أغير الزيت .. طيب أقلل السوا بتاعها ... طيب مش عارف ايه ... وعمالة أعملها كل مرة وشكلها يكسف وأقول لزوجى الظاهر لازم أفهم للبوتاجاز ده وأعمل الحاجة ع العين المظبوطة وأعرف العين اللى بتبوظ هههههههههههه

 

وفى النهاية واحدة الله يكرمها قالتلى اتأكدى انك بتطلعيها تبرد قبل ما تحمريها

وطبعاً أنا ماكونتش بعمل كدة ... ده أنا كنت بسلق الفرخة بدرى خالص .. ولما أقرب أحمرها أروح مولعة عليها تانى وهى فى الشوربة لغاية ما تسخن كويس أوى وبعدين أخدها على طول أحمرها ههههههههههههههههه

 

والحمد لله امبارح بس طلعت الفراخ مش مفتفتة .. وفيها جلدة بنى جميلة افتقدتها بقالى 20 يوم ههههههههههه

 

بس المشكلة انى لما قللت السوا بقيت ألاقى الفرخة من جوا من عند العضم فيها لون أحمر ... ده معناه انها مااستوتش صح ؟

أول ما بشوفها كدة بقرف جدا ومش بأكلها والحمد لله ان زوجى مش قرفان ومفكرنى يا عينى مش بحب الفراخ مع انى بحبها أكتر م اللحمة

انصحونى يا بنات

 

 

أما عن الغسيل ... كنت حريصة عشان كنت قارية نصايحكم

لكن عملت غلطة تانية

نقعت ملابسى الخاصة الداخلية بس نقعت كله مع بعضه أحمر على أسود على أبيض فكانت النتيجة ان قميص لونه أبيض بقى أبيض وأحمر وأسود مع بعض تقريباً علم مصر عشان ما أحسش بالغربة :D

[صاحبه القلب الطيب 12]

السلام عليكــم ورحمـة الله وبركاتــة ،،

 

الاخت بشره خير

 

السلام عليكم صاحبة القلب الطيب

قرأت بعض ردود الأخوات وسأعود لأكملها إن شاء الله

 

عروسة من أقل من 20 يوم وبواجه حاجات عجيبة هههههههههه

 

الف مبروك غاليتى على الزواج وربناا يرزقك الذريه الصالحه ولا تقلقى كلنا حدث لنا هذا واكثر بالبدايه ومازال يحدث بعض الاشياء لا تقلقى

لكن كان أشد شئ محيرنى

الفراخ

بس المشكلة انى لما قللت السوا بقيت ألاقى الفرخة من جوا من عند العضم فيها لون أحمر ... ده معناه انها مااستوتش صح ؟

أول ما بشوفها كدة بقرف جدا ومش بأكلها والحمد لله ان زوجى مش قرفان ومفكرنى يا عينى مش بحب الفراخ مع انى بحبها أكتر م اللحمة

انصحونى يا بنات

 

بصى ياحبيبتى ببساطه كده خديها واحده واحده

 

اولا تغسلى الدجاجه جيدا بالماء والملح والفلفل ولودقيق وخل ياريت وتسيبها شويه عشان تروح ريحه الزفاره

 

ثم تشوحى بصله مفريه فى سمنه مقدوحه "تستنى عليها لما تقدح "ثم تضعى قطع الدجاج وقلبي لحد ما تبدا يتغير لونه.."يتشوح "

ضيفي البهارات " ملح وفلفل ورق لورى وحبهان ومستكه وزعتر "وقلبي لحد ماتختلط بالدجاج ثم صبي المايه عليها وخليها تغلي اكثر من مرة لحد ما تستوي..

وللتأكد من تسوتيها بشوكه او خله اغرسيها فى اللحم وشوفيها اذا اتفتت بسهوله تبقا استوت وده طبعا مش اقل من نص ساعه وطبعا تكونى مغطيه الحله عشان تستوى

 

بعد كده تسيبها تبرد شويه

 

وبعدين تجبيى طاسه وتقدحى فيها معلقه سمنه مع شويه زيت بس متقلليش اوى ولا تكترى اوى ولو عايزه انها فعلا متلزقش بعدما ما يقدح السمن والزيت ضعى رشه ملح بسيطه مش هتلزق وهتطلع تمام ومتحمره ومقرمشه بس قلبيها طبعا على الوجهين

 

بانتظار النتيجه

 

واى سؤال تفضلى ان كان باستطاعتى ساجيب

واجبتك عن دوره الطبخ بالموضوع الاخر

 

بس لى عندك سؤال ماذا عملتى فى موضوع الفستان والفرح وكده ؟؟؟ افتكرت حالا

[صاحبه القلب الطيب 12]

جزاكِ الله خيراً حبيبتى صاحبة القلب الطيب

 

اما انا فأختراعى كان غير كل الاخترعات

فانا حبيت ان انتحل مهنة :roll:

 

V

 

 

V

 

 

V

الحـــــــــــــــــلَاق :mrgreen:

ههه

وعينك ما تشوف الا النور :biggrin: :smile:

 

للاسف ان زوجى وافق احلق له

وبمجرد ان امسكت المكنة الكهربائية بيدى احسست ان الموضوع بسيط جدا

وهو يعلمنى وانا اقول

عارفة ...عارفة

وفى الاول كنت ماشية كويس حتى جاءت الطامة :icon_eek:

و خلعنا رأس المكنة و اصبحت مثل ما يقولون على (الزيرو) لنساوى الجناب

وساعتها بدأت من نصف الرأس وعندما رأيت منظر زوجى جعلست اضحك بشدة :lol: :lol:

مع انى والله كنت زعلانة و مندهشة وخائفة من رده فعله

لكن ما نزل عليا الا الضحك :mrgreen:

وهو متعصب جدا ويقوول

عملتـــــــــــــــــــــــــــــــــى ايـــــــــــــــــــه؟؟؟

وتعصب على شوية وعدت الحمد لله

لكنه بقى فترة يسمع احلى كلام ممن يعملون معه

مثل

 

مين اللى شوه راسك كده

مين ال... اللى حلقلك

 

وياعنى يقول انــــا اللى حلقت لنفسى :blush: :blush:

حتى انبت شعره مرة اخرى والحمد لله ونسى الموضوع

 

بس كده

ايه الرغى ده

هههههههه :tongue:

احبكنَ فالله :wub: :wub:

 

دمك شربات

 

اللهم بارك

 

هههههههههههههههه

 

ضحكتينى كتير وفكريتنى بابى مره حلق لاخويا ههههه وكان يوم اخى اتحبس فى البيت لحد ما شعره طلع تانى هههههههه

 

ياجماعه سيبوا العيش لخبازه :laugh:

 

 

موقفك جميل وكويس ان زوجى ىنسى ولو انه كل ما يبص فى المريه يفتكر ههههههه

 

انتظر مواقفك اخرى خفيفه الظل مثلك ؟؟؟

[صاحبه القلب الطيب 12]

ساحاول الرد على كل الاخوات لان الموضوع سيفرز الكثير

ولكن سامحونى لضيق الوقت

 

وساذكر لكم بعض مواقفى هههههههههه