ساعدوني ( كيف انظف بوتجازي )

[محبة النبي عليه الصلاة والسلام 6]

السلام عليكــم ورحمـة الله وبركاتــة ،،

يا بنات الدهون والزيوت تراكمت علي بتوجازي بشكل كبير جدا !!!!!

ايه الطريقه اللي تزيل الدهون دي وتلمعه ؟

بارك الله فيكم.

[محبة النبي عليه الصلاة والسلام 6]

ايه النشاط د؟ :biggrin: :biggrin:

[محبة النبي عليه الصلاة والسلام 6]

وكمان بسأل علي رش العطر علي المصابيح

زيتي ولا كحول؟

[يسرا عبد الرحمن 718]

السلام عليكــم ورحمـة الله وبركاتــة ،،

يا بنات الدهون والزيوت تراكمت علي بتوجازي بشكل كبير جدا !!!!!

ايه الطريقه اللي تزيل الدهون دي وتلمعه ؟

بارك الله فيكم.

شوفى يا غاليه هناك فى السوبر ماركتات الكبرى مثل فتح الله عندنا وكارفور اسبراى مخصص تنظيف البوتجاز وازالة الدهون

وممكن تنظفيه بالسلك الاستانلس بعد ان تضعى عليه صابون سائل مثل فيرى اوفيبا وادعكى بالسلك جامد

عايزه اقولك ان السلك الاستانلس بيجعله روعه ومضوى

وضعى العيون والشبكة العليا التى توضع على العيون فى ماء ساخن جدا وخل وصابون سائل واتركيهم حتى يبرد قليلا وقومى بدعكهم ايضا بالسلك وحتشوفى النظافه

وبعد ان ينظف من الدهون المتراكمه قومى برش ملمع الزجاج مثل وندكس على خارج البوتجاز من جوانبه اذا كان استانلس وقومى بمسحه بفوطه او اى قماشه ولمعيه جيدا حتجديه اصبح مرايا

واى استفسار انا تحت امرك

[محبة النبي عليه الصلاة والسلام 6]

السلام عليكم ورحمة الله وبركاته،،

والله فرحت يايسرا لما شفت ردك

انتي مش عارفاني بس والله بحبك جدا وبحب مواضيعك انتي وأم حبيبة

يارب تكوني بخير ياغالية

بارك الله فيك

[يسرا عبد الرحمن 718]

السلام عليكم ورحمة الله وبركاته،،

والله فرحت يايسرا لما شفت ردك

انتي مش عارفاني بس والله بحبك جدا وبحب مواضيعك انتي وأم حبيبة

يارب تكوني بخير ياغالية

بارك الله فيك

وعليكم السلام ورحمة الله وبركاته

الحمد الله انى ادخلت الفرحه على قلب اخت مصريه

الحمد لله انا بخير مادمت بينكن فى اخوات طريق الاسلام

جزاك الله خيرا على احتفائك بى وبام حبيبه اسال الله ان يطمئنا عليها

احبك فى الله

[يسرا عبد الرحمن 718]

اختى كيف تقولى انى لا اعرفك

طبعا عارفه ام خديجه اللى مش بتنيم البيت كله هههههههههه

بوسه لخديجه امانه توصليها على خدها

ربنا يبارك لكى فيها ويسعدك بها فى الدارين

[محبة النبي عليه الصلاة والسلام 6]

السلام عليكــم ورحمـة الله وبركاتــة ،،

وصلت الأمانة

وانتي كمان وصلي ل لينة واحدة مني

ههههههه

[محبة لربها، ادعوا لي بالثبات 72]

السلام عليكــم ورحمـة الله وبركاتــة ،،

وبعد ان ينظف من الدهون المتراكمه قومى برش ملمع الزجاج مثل وندكس على خارج البوتجاز من جوانبه اذا كان استانلس وقومى بمسحه بفوطه او اى قماشه ولمعيه جيدا حتجديه اصبح مرايا

واى استفسار انا تحت امرك

 

 

 

 

مافيش كلام احلى من كده

 

بس هاضيف حاجة كده

 

 

الزوايا واركان البوتاجاز حاولى تجلخى الدهون المتيبسه عليه بادخال سكين فى الزوايا الضيقة و التخلص منها

 

واذا لزم الامراسكبى عليه ماء ساخنا

 

او مذيب الدهون من السوبر ماركو كما ذكرت يسورتى يفى بالغرض ان شاء الله

 

 

يسورة ممكن تطلعى موضوع تنظيف البوتاجازمن مواضيع هناء جوده ((بالبوتاس))

 

رزقها الله الذرية الصالحة وارضاها بقدره سبحانه واللهم اجرها فى مصيبتها واخلف لها خيرا منها..سلمى لى عليها

[محبة النبي عليه الصلاة والسلام 6]

جزاكي الله خيرا أسماء

موضوع هناء لم تتعرض فيه للبوتوجاز

وكمان عايزة أسأل:السلك الاستانلس الي هو بيكون مدور وفي غلاف؟

[محبة لربها، ادعوا لي بالثبات 72]

ايوة هو ده الاستانلس يا محبة النبى

[أم عائشة المصرية 242]

فى طريقة أنا جربتها والحمد لله طلعت نتيجتها جميلة جدا

وهو إنك تخلطى كلوركس ألوان وصابون سايل

فى أى زجاجة صابون سائل وتقومى بدعك مكان تجمع الدهون بسلك ستانلس..

[بنت ام عبد 151]

السلام عليكم ورحمة الله وبركاته،،

طبعاً الحبيبات كفوا يا أم خديجة , بالنسبة لي ان كانت الدهون كثيرة قوي وأتحرقت بضع قطرات من الخل المركز بدون تخفيف لمدة ثواني تجدي الدهون بدأت في الذوبان

وبعدها بادعك بالسلك الاستانلس وفيري ووقتها تجدي لمعة شديدة وبدون عناء

وممكن ان كانت الدهون خفيفة (تخففي الخل بماء دافيء وتضعيه قبل الدعك يوفر المجهود في الدعك وعلشان جسم البوتجاز ميتجرحش )

لكن المركز صراحة تأثيره رهيب وباكون مراقبة الموقف وباشوف بعيني

وممكن بدلاً من الخل كلور كنت باستعمله زمان لكن خشيت يتفاعل مع الاستانلس علي المدي محتاجين نرجع لمعادلات الكيمياء يا ام خديجة لنتأكد من صحة المعلومة ^___^

وكمان الكلور رائحته نفاذة وبتأثر علي وبيأثر علي اليد أيضاً

[محبة النبي عليه الصلاة والسلام 6]

السلام عليكم ورحمة الله وبركاته،،وانا كنت احلم بالردود دي كلها؟

لا وكمان مشرفتنا أم عائشة وبنت أم عبد؟

بارك الله فيكن جميعا ياحبيبات.

الخل المركز اللي في الزجاجة من البقال عادي؟ ولا ايه؟

[يسرا عبد الرحمن 718]

ايوه هو فى زجاجه تشبة زجاجة زيت الاكل لونها ابيض شفاف

انا عندى نوع حلو اوى مكتوب عليه خل منتجات رمسيس والزجاجه كبيره

وبيباع فى اى سوبر ماركت

[محبة النبي عليه الصلاة والسلام 6]

ايوه هو فى زجاجه تشبة زجاجة زيت الاكل لونها ابيض شفاف

انا عندى نوع حلو اوى مكتوب عليه خل منتجات رمسيس والزجاجه كبيره

وبيباع فى اى سوبر ماركت

شكرا ياقمر

[بنت ام عبد 151]

السلام عليكم ورحمة الله وبركاته،،

يوجد خل مركز يا حبيبة أنت التي تقومي بتخفيفه تقريباً كل غطاء يخفف بعشرة امثاله مياه ولا يستعمل علي الاطعمة مباشرة

ويوجد الخل الذي في الزجاجات العادية والذي نستعمله في الاطعمة , من المؤكد ان نقاط من المركز الخام تكون افضل, لكن من عند البقالات (العادي )يفي بالغرض ما دام

دون تخفيف ويمكنك تخفيفه بالماء الدافيء (اقصد الخل العادي ) لتلميع البوتاجاز او حتي الحوض والجدران لازالة الدهون منها .

ملاحظة :الخل المركز يكون نفاذ جداً ورائحة حامض الخليك رهيبة ,لا انصحك به ان كنت تخشين التعامل معه عموماً انا تعاملت معه مرة واحدة لان الزجاجة تجلس معك فترات طويلة , ووجدت العادي يفي بالغرض لكن ستكون الكمية أكبر نظراً لانه مخفف مسبقاً

أرجو أكون أفدتك غاليتي .

[محبة النبي عليه الصلاة والسلام 6]

جزاكي الله خيرا انتي والأخوات جميعا

والله لي الشرف بدخولكن موضوعي