اذهبي الى المحتوى
شذى الهمة

عيادة الاستشارات الجلدية

المشاركات التي تم ترشيحها

السلام عليكــم ورحمـة الله وبركاتــة ،،

 

كيف الحال دكتورتنا الجميلة ؟

 

جئت إليك باستشارة خطيرة وأريد الرد بصورة خطيرة وأريد علاج بصورة خطيرة .........

 

ندخل فى الموضوع الخطييييييييير إللى هيضيع مستقبلى المهنى

 

شعرى يا دكتورة شعرى إهئ إهئ سابنى وراااااااااااااااااح

 

والله العظيم راح خالص وبصورة ما تتخيليها سقوووووووووووط فظيع وأغرب من الخيال لحد ما خلااااااص هاتجنن

 

أضع إيدى عليه يقع أغسله يقع أسرحه يقع حتى لو نفخت فيه يقع .... بيقع بطريقة غريبة جدا ومن جذورة وبسهولة جدا كأنى بمسح مكانه.... فروة رأسى ظهرت وكل يوم أقول هيهدى شوية مفيش فايدة مع إنى والله مدلعاه خالص بس مش عارفة هو بيكرهنى ليه ومش عايز يقعد معايا

 

ساعدينى ربنا يخليكى

 

حياكِ الله حبيبتى وأشرقت السماء ومرحبا بكِ يا قمر .

 

وبعدين إيه الخطر ده كلو حسستينى إن مستر إكس دخل العياده هههههههه.

 

أسأل الله أن يشفيكِ ويقدرني أن أوصف العلاج الخطييييييير اللي هيكون السبب في إنقاذ مستقبلك إن شاء الله هههههههه.

 

أولا حاولي تجيبي من الصيدليه أقراص الحديد وكالسيوم

 

تخدي قرص حديد واحد يميا بعد الغداء وكبسولة كالسيوم واحده يوميا بعد العشاء لمدة ثلاثه أشهر .

 

بعد كده بتجيبي أمبولات وشامبو ( Vichy) من الصيدلية

 

وتغسلي شعرك بالشامبو أولا ثم يجفف وتكسر أمبوله على فروة الرأس وتدلك بلطف يوميا

 

لمدة شهرين ثم إستخدام الأمبولات ثلاث مرات فى الأسبوع لمدة شهرين آخرين .

 

ثم تستخدم مرتين فى الأسبوع لمدة شهرين .

 

حاولي تعملي حمام الكريم فاشكول بالثوم على الشعر ثلاث مرات أسبوعيا لمدة ثلاثه أشهر .

 

حاولي تتغذي كويس وعليكِ بالفاكهة والخضار وتحسين حالتك النفسية والصحية .

 

وإن كانت الأمبولات والشامبو غالي الثمن ممكن تجيبي أمبولات رويال بلاسنتا وشامبو رويال بلاسنتا

 

ونفس الإستخدام للشامبو والأمبولات السابقة .

 

حاولي تقصي شعرك حتى يسهل تسريحه دون تعقيده وتساقطه بطوله .

 

سرحي شعرك بفرشه خشب أو مشط خشب .

 

ممكن تدهنيه بزيت الخروع مع زيت جوز الهند تسريحه وتلميعه وهيساعدوكِ فى كثافته جدا .

 

وأسأل الله أن يشفيكِ حبيبتى وإن شاء الله هتشوفي نتيجه طيبه جدا من الأمبولات والشامبو بعد شهرين من الإستخدام المستمر دون إنقطاع .

شارك هذه المشاركه


رابط المشاركه
شارك
السلام عليكم ورحمة الله وبركاته

 

جزاك الله عنا خير الجزاء يا دكتورتنا

 

انا لي استشارة ياريت لو تكرمتي تردي علي

بشرتي جافة جدا ومؤخرا بدات تتقشر بشكل رهيب

خصوصا وجهي

انا لا استعمل اي مرطب لاافهم بهاته الاشياء :smile:

كل ما افعله هو غسل وجهي بالماء فقط لا غير :oops:

وشكرا مقدما :lol:

 

وجزاكِ حبيبتى وحياكِ الله يا غالية .

 

حاولي تجيبي من الصيدلية كريم ( كريم أميو لين ) (EMULENE CREAM)

 

تدهني بشرتك بطبقة رقيقة منه بلطف ثلاث مرات يوميا .

 

ولو لقيتى كريم ( Clarins HydraQuench Cream-Mask for Dehydrated Skin )

 

ممكن تستخدميه كويس جدا للبشرة الجافة جفاف شديد .

 

ممكن تستخدمي كريم الليل من Olay للترطيب للبشره .

شارك هذه المشاركه


رابط المشاركه
شارك
السلام عليكم ورحمه الله وبركاته

جزاك الله عنا خير الجزاء00000 بعد اذن حضرتك عندي مشكله تؤرقني ؟؟؟؟؟؟؟ :oops:

انا لما كنت حامل كنت باخد حقن عضل كتير والان اجد مكانها بقعتين زرقاوتين كبار احدهما فوق مكان الحقن والاخرى تحت

لا ادري ماسببها؟؟؟؟؟؟؟؟؟؟؟؟ولونهم ازرق غامق

فهل اجد حل لهذه المشكله

وربنا يكرمك ويجزيكي خير الجزاء :smile:

 

جزانا وإياكِ دره بنقابي الغالية .

 

حبيبتى ما حدث هو كدمة للعضلة المسكينة من السرنجه أي الحقنة وبتكون حقن الفيتامين ثقيلة قليلا وكررتي أخذ الحقنة فى نفس المكان

 

السابق الذي أخذتي فيه الحقن السابقة .

 

واللي عطاكي الحقنة إيده جمده وتقيلة حبه و للأسف في جسم كده بيبقى عنده قابلية لعمل هذه الكدمة بتاخد وقت كتير لما تصرف .

 

فهي ملهاش علاج غير مع الوقت ممكن تروح ممكن هتقلب زي بروز بني قليلا وتصغر فى الحجم كثيرا .

شارك هذه المشاركه


رابط المشاركه
شارك
الله يبارك في وقتك وجهدك يا ام الصبر الجميل على ماتقدميه ويكتب لك الاجر

عندي سؤال

هل تنصحي بكريمات التفتيح للمناطق الداكنة في الجسم! وهل هناك كريم معين تنصحي باستعماله

وكيف يمكن التخلص من سواد الركب والخشونة والتي هي عبارة عن شعيرات صغيرة على شكل حبيبات صغيرة تعطي ملمس خشن !

 

 

 

وبارك فيكِ حبيبتى ثبت قلبي على دينك .

 

أنا لا أفضل إستخدام كريمات التفتيح لفترات طويلة فقط أو على الطالعة والنازلة .

 

ممكن تستخدمي الكريم اسمه Eldoquin Forte 4% cream

 

وبتخلطيه مع كريم ثاني اسمه Diprosalic

 

وتجبيهم من الصيدلية وتدهني مره فى اليوم لمدة شهر .

 

وتجيبي كريم اسمه Bepanthen ده لنعومة أي منطقة خشنة فى جسمك .

  • معجبة 1

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

جزاكِ الله كل الخير حبيبتى ومتعكِ بالصحة والعافية

 

دا أنا أخطر من مستر إكس بكتيييييييير

 

أنا كنت باخد حديد وكالسيوم فى الحمل وبعده كمان قالتلى الدكتورة أستمر عليه وبعد ما وقفته تساقط شعرى بقوة هل معناه إنى هافضل طول عمرى آخد حديد وكالسيم ؟

 

أصل مشكلتى إنى ما بحب أبلبع حبوب كتير

 

وأنا شعرى ناعم جدا لكن جاف المشكلة دلوقتى إنه شكل الشعرة حاساه مكسر شوية يعنى زى ما يكون داس عليه قطار هههههه

 

الحمد لله على كل حال على العموم أنا هاعمل مثل ما وصفتيلى والشفاء من الله

 

دعواتك لى حبيبتى وجزاكِ الله خيرا

شارك هذه المشاركه


رابط المشاركه
شارك
السلام عليكــم ورحمـة الله وبركاتــة ،،

 

جزاكِ الله كل الخير حبيبتى ومتعكِ بالصحة والعافية

 

دا أنا أخطر من مستر إكس بكتيييييييير

 

أنا كنت باخد حديد وكالسيوم فى الحمل وبعده كمان قالتلى الدكتورة أستمر عليه وبعد ما وقفته تساقط شعرى بقوة هل معناه إنى هافضل طول عمرى آخد حديد وكالسيم ؟

 

أصل مشكلتى إنى ما بحب أبلبع حبوب كتير

 

وأنا شعرى ناعم جدا لكن جاف المشكلة دلوقتى إنه شكل الشعرة حاساه مكسر شوية يعنى زى ما يكون داس عليه قطار هههههه

 

الحمد لله على كل حال على العموم أنا هاعمل مثل ما وصفتيلى والشفاء من الله

 

دعواتك لى حبيبتى وجزاكِ الله خيرا

 

جزانا وإياكِ حبيبتى هنفضل ناخد الكالسيوم والحديد بس فترة العلاج لشعرك يعني بالكتيرة ثلاثة أشهر .

 

إن شاء الله هيشفيكِ ربنا وهيرجع شعرك زي الفل . وحاولي تخرجي صدقة حبيبتى بنية شفاء شعرك وإن شاء الله هيرجع أفضل من الأول بكتير.

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

كيف الحال ياغاليه

 

أنا دورت هذا الاكريم بس ماحصلته قالوا مش موجود في الامارات

 

http://up.arab-x.com/Sep09/inI98800.jpg

 

 

هل يوجد كريم غير حلوو ؟؟ ومضمون يشيل النمش نهائيا؟

 

 

الايزر قالت الدكتوره مايحتاج لان النمش مش كثير

شارك هذه المشاركه


رابط المشاركه
شارك

السلام عليكم ورحمة الله وبركاته

 

 

معذرة حبيبتي على تأخر الردّ :)

لي سؤالين بسيطين

- الخطوط البيضاء هل هي عادية ام لا

علما بأنني لاحظتها عندما كنت 12 او 13 سنة و عرفت انها تظهر عند تغير حجم الجلد مثلا اطول او اسمن او اخسّ أو غير ذلك

فهل هذا صحيح ؟

- بواقي الحبوب في وجهي

فإني بفضل الله ولله الحمد , الحبوب لم تعد تظهر وهذا من فضل الله واللهِ

ولكن باقي لها اثر

تعرفي ان ظهرت حباية السنة اللي فاتت وظلت شهور طويلة حتى تختفي والى الان لها اثر ؟

تم تعديل بواسطة ذليلة إلى اللـَّـه

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

معلش بقى >> غلاااااااااسة ^_______^

تم تعديل بواسطة ذليلة إلى اللـَّـه

شارك هذه المشاركه


رابط المشاركه
شارك

السلام عليكم ورحمة الله وبركاته

 

كيف حالك دكتورتنا العسولة حبيت اسالك عن موضوع الحساسية اللى انا بشتكي منه من 6 اشهر

 

بداية الموضوع كنت نائمة واستيقظت لقيت جسمي خصوصا كتفي ورجلى في اماكن ملتهبة وحمرة ومنتفخة كده زى مثلا لما الناموس يلدغ خصوصا انى عندى حساسية منه

علما انه ليس ناموس لانى ليس عندى ناموس اطلاقا بحكم انى اعيش في الامارات وفي الصيف هذا الكلام ومعروف انى لا افتح الشباك نهائيا في الصيف

 

المهم والمناطق الملتهبة دى تكون ساخنة وهى لا تؤلمنى بقدر انى احب اهرشها وطبعا يزداد التهابها

المهم بعد ما اصحى بساعة اتنين تروح

فضل الموضوع ده شهر كده

بعدها نزلنا اجازة الى مصر

والغريب انى يوم ما نزلت والله يا زيزي وصلنا واكلنا ومن ثم قمت لاصلي الظهر والعصر

وانا في السجود

احسست ان شفتاى تؤلمانى بعد ما انتهيت

وجدت شفتاى ممكن تقولى 3 اضعاف حجمها الطبيعي

واكن منظرى فظيييع وامى الله يكرمها قعدت تعملى كمدات نشا وكده

وكنا عند والدة زوجى ومكنش متوفر عسل نحل عندهم عشان احط

المهم على الليل ذهبت

كل ده مع مشاكل جسمي

وبدانا بقه رحلة انتفاخ الشفايف انام واصحى الاقيها

المهم رحت لدكتورة وشخصت لى الحالة على انها التهابات عصبية قلتلها دا انا يوم ما نزلت مصر مكنتش عصبية خالص بالعكس دا بكون مبسوطة جداااااااا

المهم هى شخصتها كده وكتبت لى على نوعين من الحبوب وقالتلى حدى ده لو معملش مفعول خدى ده احسست انا بتلعب معايا وكتبت لى في الاخر لو الاتنين معملوش مفعول خدى حقن

المهم اخدت حقن لو حبيتي اكتبلك اسم الحقن مفيش مشاكل

المهم زوجى قالى بما انى كنت في معاناة جسمي ومنظر شفايفي في بعض الاحيان قال لى خدى الحقن على طول

انا اخدت الحقن اول مرة وحسيت ان جسمي في حاجه غريييبة

حسيت انى اخدت مخدر ولا حاجه

 

نمت ييجي 3 ساعات المهم قمت قرات الاعراض الجانبية لقيتها كلها اللى انا بشعر بيها واعتقد انها تعبتني اكتر من التعب اللى انا اشتكيت منه

 

غثيان وقيء ونعاااااااااااس وضعف في الجسم

كنت والله بيسندونى عشان اروح اتوضا كله ده بسبب الحقن هى كانت 3 حقن تتاخد على 6 مرات مرتين في اليوم

 

خلصت الحقن وطول فترة الحقن شفايفي لم تنتفخ ولا جسمي وجعنى

مفيش اسبوع الا ولقيت جسمي وشفايفي رجعو لطبيعتهم تانى انتفاخ التهاب وكده

 

وصل بي الامر انى مرة ليست شفايفي فقط وجهى باكلمه

ذهبت عند كتور شااااطر جدا ماشاء الله

المهم شاف وشي وقالى دى حساسية بس ما اقدر اقولك دى حساسية ايه

والكلام ده كان يوم الوقفة قالى امنعى نفسك من كل الاكل كلى مسلوق في مسلوق وممنوع اى حاجه فيها مواد حافظة

منعت نفسي وكتبلى على حقنة واحدة اخدتها وكبسولات امشي عليها شهر المهم قالى امنعى نفسك وخدىالادوية دى اخدتها وبعدين كان طالب مننا تحليل بس للاسف الاجازة كانت انتهت

ورحت له ليلة السفر فقالى خلاص استمرى شوية على الكبسولات دى لمدة شهر وخلاص

خلصتها

مفيش شهر ولقيت شفايفي ورمت

 

ايه الحل يا حبيبتي

 

حاليا انا قاطعه المكياج لانى اكتشفت لما احد مكياج

الليلة اللى بعدها او كده الاقي شفتى ورمت

 

حاليا يحدث طفيف جدا شيء في جسمي

لكن لم ينتهى الامر نهائيا

اطلت عليكي جدا اعذريني والله

لكن فعلا زهقت

شارك هذه المشاركه


رابط المشاركه
شارك

السلام عليكم ورحمة الله وبركاته .

 

حياكِ الله حبيبتى أم رورو نورتي العياده يا قمر

 

وأسأل الله أن يخفف عنك ويعافيكِ ويشفيكِ شفاءا لا يغادر سقما .

 

هو فعلا ما تعاني منه حبيبتى حساسية بس شديده شوية وحاولي تعرفي بنفسك السبب .

 

هل هى بتحدث عندك ما أكل معين أو أكل حاجه فيها مواد حافظة .لأن المواد الحافظة بتعمل حساسية عند بعض الناس .

 

وممكن فعلا الماكياج يعملك حساسية بالمواد الكيميائية اللي فيه .

 

فامتخفيش دي حالة وحساسية عادية متخوفكيش .

 

يكفي حقنة

SOLU-CORTEF INJ عند اللزوم .لما تتورم شفايفك ويدرن جسمك . وخلي الحقنة فى التلاجة تخديها فقط عند اللزوم لما تحدث الحالة اللي بتحكي عليها .

 

مع ELCOM CREAM دهان للمناطق المدرنة وبتهرشي فيها وورمة ومحمرة فقط مرتين فى اليوم بطبقة رقيقة .خليه بردو عندك على طول وقت اللزوم تدهني .

 

ووممكن تدهني أي مرهم مضاد حيوي بليل قبل ما تنامي على المناطق المدرنة ومحمرة وملتهبة .

 

ومعلش الحساسية دي بتروح وبتيجي متقلقيش منها حبيبتي وحاولي تراقبي نفسك إيه اللي حصل قبل ما تصابي بالحساسية

 

هل أكلتي حاجه سببتها؟؟؟ هل لبستي لبس معين به ألياف صناعية ؟ هلى قصرتك حشرة سواء ناموسه أو نملة أو أي حشرة ؟؟؟ وهكذا هتعرفي سببها .

شارك هذه المشاركه


رابط المشاركه
شارك

السلام عليكم ورحمة الله وبركاته

كيف حالك حبيبتنا الدكتورة

كنت عايزة اسألك سؤال عن الحساسية من القمح ؟

خالد لفترة لم نعطيه أي قمح أو دقيق تخوفا من الحساسية وخصوصا أن نسبته كانت على البوردر في التحاليل كانت 50

المهم الأسبوع اللي فات أخذ لقمة عيش واكلها المهم لما رأيته شبطان فيها وبيبكي سبته يأكلها

المهم حصل حكة بسيطة جدا بالليل راحت بالهستوب

استبشرت خير وبقيت أعطيه كل يوم قطعة خبز حاف وفعلا كانت تحدث حساسية بسيطة ( يعني مش الحساسية المخيفة اللي أمنع بسببها )

المهم قلت اسلق له قمح بليلة على أساس إن القمح مستخلص منها فمش عايزة أقلك حصله إيه؟

والغريب إن حدث معه سخونة شديدة وطفح جلدي رهيب وترجيع

فهل الدقيق غير قمح البليلة والان أعطيته مكرونة مسلوقة بماء فقط فحدث له حساسية في وجهه ؟ فلماذا وهي مصنوعة أيضا من دقيق القمح القاسي

الحقيقة مش عارفة لأني قرأت مقالة تفيد إنه لا ينبغي حرمان الطفل من مواد أساسية حرصا من الحساسية وهذا ظلم للطفل

مش عارفة ؟

شارك هذه المشاركه


رابط المشاركه
شارك

السلام عليكم ورحمة الله وبركاته

كيف حالك حبيبتنا الدكتورة

كنت عايزة اسألك سؤال عن الحساسية من القمح ؟

خالد لفترة لم نعطيه أي قمح أو دقيق تخوفا من الحساسية وخصوصا أن نسبته كانت على البوردر في التحاليل كانت 50

المهم الأسبوع اللي فات أخذ لقمة عيش واكلها المهم لما رأيته شبطان فيها وبيبكي سبته يأكلها

المهم حصل حكة بسيطة جدا بالليل راحت بالهستوب

استبشرت خير وبقيت أعطيه كل يوم قطعة خبز حاف وفعلا كانت تحدث حساسية بسيطة ( يعني مش الحساسية المخيفة اللي أمنع بسببها )

المهم قلت اسلق له قمح بليلة على أساس إن القمح مستخلص منها فمش عايزة أقلك حصله إيه؟

والغريب إن حدث معه سخونة شديدة وطفح جلدي رهيب وترجيع

فهل الدقيق غير قمح البليلة والان أعطيته مكرونة مسلوقة بماء فقط فحدث له حساسية في وجهه ؟ فلماذا وهي مصنوعة أيضا من دقيق القمح القاسي

الحقيقة مش عارفة لأني قرأت مقالة تفيد إنه لا ينبغي حرمان الطفل من مواد أساسية حرصا من الحساسية وهذا ظلم للطفل

مش عارفة ؟

حياكِ الله أم عمر وأنا بخير ولله الحمد .

 

شوفي حبيبتى دلوقتى كل ما حكتيه هذا يثبت أن خالد عنده حساسية من القمح أو بمعنى أوضح عنده حساسية من بروتينات القمح .

 

للأسف جهاز المناعي عندما يتعرف على بروتين القمح تعرف خاطىء بيحصل إنه بيكون أجسام مضاده تهاجم هذا البروتين

 

وبالتالي تعطى أعراض الحساسية التى حكيتي عنها .

 

بالنسبة إنك أكلتيه خبز ولم تجدى نفس حدة أعراض الحساسية عندما أطعمتيه البليلة والمكرونة .

 

لأن المكرونة وما شبهها محتويه على جميع بروتينات القمح وخاصة بروتين (Gluten) اللي ممكن متلقهوش فى الخبز .

 

وبالتالي زادت عنده الحساسية مع المكرونة والبليله . إنما الخبز بيبقى مخلط أنواع مختلفة من الدقيق لا تحتوى على كل أنواع بروتينات القمح .

 

ونفس الوقت قطعة الخبز اللي أكلها ليست محتويه على كمية االبروتين المهيج للجهاز المناعي وبالتالي أعطى ردة فعل ضعيفة .

 

فبلاش أي أطعمة محتويه على بروتين القمح وخاصة اللي فيها الجلوتين .

شارك هذه المشاركه


رابط المشاركه
شارك

بقالى يومين بستناكى

 

انا زهقتك فمش عايزة تردى علىّ :mrgreen: ؟؟؟؟؟؟؟؟؟؟؟؟؟؟؟

 

ليه بس يا أم نودي هو أنا أقدر على زعلك يا جميل .

 

سامحيني والله إتشغلت شوية حبيبتى وأنا تحت أمرك فى أي شىء .

 

ومتقوليش زهقتي دي خالص أنا لا يمكن أزهق منكم أبدا .

شارك هذه المشاركه


رابط المشاركه
شارك

معلش يا أم الصبر فهميني تاني

أنا الآن بديله خبز ومفيش شئ هل ها يؤثر سلبا عليه؟

 

ولا أستمر عادي؟

مش مهم بليلة دلوقتي هوقفها شوية؟

شارك هذه المشاركه


رابط المشاركه
شارك

معلش يا أم الصبر فهميني تاني

أنا الآن بديله خبز ومفيش شئ هل ها يؤثر سلبا عليه؟

 

ولا أستمر عادي؟

مش مهم بليلة دلوقتي هوقفها شوية؟

 

ما دام إستجابة جهاز المناعى لأكلة الخبز ضعيف÷ ولله الحمد ولم يعطى أي تأثير سلبي عليه من حيث تصنيع أجسام مضادة بحيث تؤدي

 

لظهور أعراض الحساسية المخيفة أو الخطيرة .إذن خير أستمر أعطيله خبز بس مش كميات كبيرة .

 

وأوقف المكرونة والبليلة . وممكن تجربي بسكوته صغيره ساده وبردوا لاحظي الأعراض .لو لم يعطى أي أعراض شديده ممكن تعطي بسكوته صغيره يوميا .

شارك هذه المشاركه


رابط المشاركه
شارك

السلام عليكم ورحمة الله وبركاته

كيفك دكتور حبيت أدخل أسلم عليكِ وأشوف الموضوع إيه

لقيت موضوع حساسية القمح دلوقتي بس عرفت ليه الدكتور قال لي لا آكل غير الخبز الأبيض جدًا (اللبناني)

متهيئلي علشان مفيهوش جميع البروتينات كاملة زي ماهي موجودة في الحبة الكاملة للقمح أو المكرونة

طيب ممكن أسألك إزاي أعالج حب الشباب عند مريم الصغيرة بدون كريمات أو مراهم لأن والدها ما عندوش حل غير الأدوية

ولا ما فيش حل للموضوع ده

شارك هذه المشاركه


رابط المشاركه
شارك

جزاكم الله خيرا دكتورتنا الحبيبة

أرحتي قلبي ربنا يرزقك الراحة في الدنيا والآخرة

البسكويت للأسف ممنوع لأن بيدخل فيه لبن أو زيت أو سمن

الدكتور مانع تماما تجربة أي مشتقات ألبان أو مواد حافظة

أحاول أعمله فالبيت بس مش عارفة إزاي من غير زيوت ولا زبدة ولا لبن

 

خالتو منال

فعلا العيش البناني خفيف بس المشكلة بيكون داخل فيه لبن

لقيت مكتوب في المكونات عالكيس والحمدلله إني انتبهت

شارك هذه المشاركه


رابط المشاركه
شارك

سلامة ابنك سجودة الحبيبة

والله الحساسية دي مشكلة رب يشفيه لك ويفرحك به ويرزقك بره

عارفة ببقى نفسي أوي آخد شيكولاته أنا وهاجر بنتي بس اللي بتعمله فينا رب ما يوريكِ

هاجر بتتملي حبوب وأنا بتأثر على صدري والجيوب الأنفية الحمد لله على كل حال أحسن من غيرنا كتير

منتظرة ردك حبيبتي أم الصبر

تم تعديل بواسطة منال كامل

شارك هذه المشاركه


رابط المشاركه
شارك

السلام عليكم ورحمة الله وبركاته

كيفك دكتور حبيت أدخل أسلم عليكِ وأشوف الموضوع إيه

لقيت موضوع حساسية القمح دلوقتي بس عرفت ليه الدكتور قال لي لا آكل غير الخبز الأبيض جدًا (اللبناني)

متهيئلي علشان مفيهوش جميع البروتينات كاملة زي ماهي موجودة في الحبة الكاملة للقمح أو المكرونة

طيب ممكن أسألك إزاي أعالج حب الشباب عند مريم الصغيرة بدون كريمات أو مراهم لأن والدها ما عندوش حل غير الأدوية

ولا ما فيش حل للموضوع ده

 

 

أولا العياده نورت وتعطرت بوجودك فيها منولة حبيبتى .

 

إنتِ اللي وحشتيني يا جميل وألف سلامة عليكِ وعلى حبيباتك الغاليين .

 

ربي يشفيكم ويعافيكم ويخفف عنكم .

 

بالنسبة لحب الشباب عند مريم أول علاج وأهمهم حالتها النفسية إنها تكون متقبلة الأمر ده

 

وعلى إنه مجرد عرض هياخد فترته لسن معين ويختفى لوحده .

 

ثانيا تنظيف بشرتها بإستمرار وعدم تعرضها للشمس بأي شكل من الأشكال .

 

غسيل وحهها بماء دافىء وتعما ماسك النشاء مع ماء الورد مرتين فى الأسبوع لمدة شهرين .

 

وبعد كده تستخدم الزنجبيل الأخضر وتفرك به الحباية مرتين فى الأسبوع .

 

وأهم شىء متكنش عصبيه . وتبعد عن الأكل الدهني .

 

هى سنها كام سنة يا منال ؟؟؟؟؟

شارك هذه المشاركه


رابط المشاركه
شارك

سلامة ابنك سجودة الحبيبة

والله الحساسية دي مشكلة رب يشفيه لك ويفرحك به ويرزقك بره

عارفة ببقى نفسي أوي آخد شيكولاته أنا وهاجر بنتي بس اللي بتعمله فينا رب ما يوريكِ

هاجر بتتملي حبوب وأنا بتأثر على صدري والجيوب الأنفية الحمد لله على كل حال أحسن من غيرنا كتير

منتظرة ردك حبيبتي أم الصبر

 

 

معلش نسيت حاجه مهمة ممنوع منعا باتا اللعب أو فرك الحباية بيدها وتحفيرها بها .

 

شارك هذه المشاركه


رابط المشاركه
شارك

هي عندها 14 سنة رب يهديها ويحفظها

 

وبالنسبة للفرك ما تخافيش أنا منبهة عليها وقيللها إنه لو فركتها هتعمل بقع سوداء

 

بس هي بتغسل وجهها بغسول ماء الورد متهيألي لا يضرها هذا وبإذن الله أحاول أقنعها بالماسك

 

رب ما يحرمني منك يا غالية

شارك هذه المشاركه


رابط المشاركه
شارك

السلام عليكن و رحمة الله و بركاته،

حيّا الله الغاليات : )

لي اسئلة من بعد إذنكنّ : )

إبني يبلغ من العمر سبعة أشهر و حينما بلغ الشهرين و النصف ظهر على وجهه بقع حمراء أخذته للطبيب و قال أن لديه أكزيما رُضع ، ثمّ أخذته لطبيب جلدية يصنع خلطات الدواء بنفسه ، و بفضل الله تحسّن و زال عنه كلّ الأكزيما و لا زلت مُستمرة في نصائح الطبيب .

كلا الطبيبين ، الأطفال و الجلدية قالا بأن الأكزيما يزول على الأكثر عند بلوغ الطفل السنتين ، فهل هذا صحيح ؟

من النصائح كانت أن أُراقب طفلي من أي تحسس عند البدء في طعامه . و هذا ما أفعله .

عندما بلغ أُبي عمر الستة أشهر اشتريت لهُ سريلاك نستلة بنكهة القمح لكن لم يرغب في تناوله ، فعاودت المُحاولة بعد أسبوعين ، أي كان ستة أشهر و نصف و لم أطعمه سوى القليل ثلاثة ملاعق صغيرة – الملاعق الخاصّة بالأطفال - ، ثمّ أرضعتهُ و نام بعد تقريباً نصف ساعة بدأ يبكي في نومه فحملتهُ و نام ، ثمّ عاود البكاء في نومه و بدأ بفرك عينيه بشدّة ، فأعطيته مُسكن خاصّ بالأطفال ، فعاود النوم ، و هو نائم شعرت بصعوبته في التنفس فمسكت أنفهُ ليستيقظ فبدأ أنفه بالسيلان ، ثمّ إحمر وجهه و كان على رقبته بقع حمراء كالحساسيّة ، و عيناه مُنتفخة و جفونه حمراء .

أخذناهُ للطبيب فأعطاهُ إبرة و أعطاني الطبيب دواء نقط مُضاد للحساسيّة .

بعدها بأسبوع أطعمته تفاح مسلوق لمدّة أسبوع كامل و لم تظهر لديه حساسيّة و لله الحمد . ثمّ بدأت بإطعامه الموز لمدّة ثمانيّة أيام و لم تظهر لديه حساسيّة سوى اليوم الثامن و كانت على شكل بقع حمراء في وجهه و جسده و زالت بفضل الله .

الأطباء قالوا لي أن أنتبه من الموز و البيض و الفراولة .

اسئلتي هي .

هل إبني لديه حساسيّة قمح ؟ إن كان الجواب نعم والعيّاذ بالله فماذا عليّ فعله ؟

مع العلم أني من قبل قُمت بوضع القليل من الخبز في مرقة الدجاج و لم يحدث له شيء و لله الحمد .

كلا الطبيبين ، الأطفال و الجلدية ، قالا بأن الأكزيما تزول بعمر السنتين على الأكثر ، فهل هذا صحيح ؟

و هل الأكزيما لهُ علاقة بالتحسس من الأطعمة ؟ إن كان نعم ، فهل إن تعافى من الأكزيما يتعافي أيّضاً من التحسس تجاه الأطعمة ؟

الصرّاحة أنا في حيرة من أمري خاصّة أن إبني يرغب في الأكل ، فهو عند جلوسنا للطعام يبقى يُنادي حتى أطعمهُ .

أفيدوني بارك الله فيكنّ و جزاكنّ الله عني و عنهُ خير الجزاء

بإنتظار ردودكنّ : )

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×