محبة لربها، ادعوا لي بالثبات 72 أرسلي تقرير عن المشاركة قامت بالمشاركة 21 مارس, 2011 اعتقد يا العروسه عشان نسد المسام ونحفظ مكوناتها بالداخل وكمان تعطى طعم اجمل بس مش كل يوم عشان ما نسمن او نقلل المادة الدهنية ملعقة زيت زيتون واحده ولا نسخنه او نقدحه انتهز الفرصه يا بشرى بعد ان تأذنى اسلم على شروقة وعبوده كيفكما يا اخوات شفاكما الله وعافاكما وبارك فى ابنتك وجعلها من الصالحات ورزقك يا بشرى ذرية صالحة تقية وبارك فيك وفى زوجك وخفف عنك يا شروقة الام الجرح حبيبتى ادهنى حبيبتى زيت زيتون مش هايضر ويمكن يفيد يا رب الالم ييجى فى حبيبتى وانت لأ جعله الله فى ميزان حسناتك حبيبتى زينب كيفها يا عبوده انبتها الله نباتا حسنا وبارك فيها وزوجك واخواتها اللهم آمين شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 21 مارس, 2011 يااااااااااه يا محبة ربنا ما يحرمنى منك حبيبتى ولا من حبيبتى بنت أم عبد سلمكى الله حبيبتى من أى سوء وبارك فيكى والله أنتن نعم الصحبة وأحلى وأجمل أخوات أسأل الله أن يجمعنى بكن فى الدنيا وفى جنات النعيم فى الآخرة شارك هذه المشاركه رابط المشاركه شارك
~ أم البطلين ~ 26 أرسلي تقرير عن المشاركة قامت بالمشاركة 21 مارس, 2011 والجزر مرة زوجى أحضرلى كيس كبيييييييير وكان طرى وصغير ومسكر وجميل بس طبعا أنا عارفة إنه هيبوظ بسرعة عملت إيهغسلت جزء وقشرته وقطعته وعملت برطمان مخلل جزر كبييير وكان جميل جزء آخر غسلته وقشرته وقطعته قطع صغيرة للبسلة ووضعته فى كيس فى الفريزر وكل طبخة آخد منه شوية على البسلة وجزء آخر تركته للسلطات والأكل وجزء سلقته بسكر وأكلناه كحلوى وكان رائع ههههه والحمد لله خلصت الكمية وروحى طلعت وقلت لزوجى ما عدت تعملها تانى آآآآآآآآه .. نفس الكيس عندى وبيموت فى التلاجه اهه عملت الجزر مخلل بس مطلعش حلو اوى .. ممكن تقوليلى عملتيه ازاى وان شاء الله هعمل بقية الافكار أحسن الله اليكِ شارك هذه المشاركه رابط المشاركه شارك
بُشرة خير 3 أرسلي تقرير عن المشاركة قامت بالمشاركة 21 مارس, 2011 السلام عليكم ورحمة الله وبركاته،،كيفك بشرة الحبيبة ؟ أنت جارتي يا بشرة , بصي يا غالية معظم الحاجات مش بتبوظ عدا الخضروات عارفةاحنا اسرة بس باشتري كميات صغيرة من الخضار لانه بيفسد في الثلاجة وخاصة الخضرة عموماً ممكن تعملي ايه افرمي البقدونس والكسبرة وضعيهم في الفريزر قسميهم علي اجزاء وكمان ممكن تعملي بالكرفس تتبيلات للسمك جاهزة علي الاستعمال او تعملي خلطة للمحشي بدون ارز يعني حزمة الخضرة اول ما تشتريها حاولي تتركي منها للسلطة ليومين والباقي خزنيه في الفريزر لعمل كفته ,سمك ,محشي (فاهماني يا بشرة ؟ عموماً اي استفسار متتاخريش اسالي ) اما الطماطم لو كانت جامدة جداااا بتعيش ولو كانت فيها مياه بتبوظ ممكن تضربيها في الخلاط وتسبكيها بملح فقط وتتركيها تبرد وخزنيها في الفريزر وتكون جاهزة علي الحلة مباشرة وانا باستخدم الخضار المجمد كتير واللبن ياحبيبة والحليب سمعت انه باظ منك اشتري العبوات اللتر فقط (الزجاجات)وكمان فيه نصف لتر شوفي انت وزوجك بتحبوا ايه واشتري منه لتر فقط علشان الصلاحية متنتهيش هو عندك من غير استخدام ممكن تشتري طلباتك بالاسبوع اقعدي مع نفسك واعملي جدول غداء لاسبوع كامل والمقادير المستخدمة واشتري الكميات دي فقط (دي احسن طريقة لعدم تهدير الطعام ) اعطيك مثال مكرونة بالبشاميل كيس المكرونة (400جرام ) بيعمل صينية ممكن تكفيك انت وزوجك يومين وممكن تزيد كمان يعني ممكن تعملي صينية مكرونة تكفي يومين (لازم تتعودواعلي الاكل البايت فيه ناس كتير مش بتلاقي نصف الاكل ده ولا حتي ربعه ) باذن الله ارجعلك هنا مرة تانية واي استفسار عن اي حاجة ومكان شرائها انا في الخدمة يا حبوبة وعليكم السلاااام ورحمة الله وبركاته يشرفنى انى معاكى فى نفس البلد يا بنت أم عبد الحبيبة ... فى الشمال انتى ولا الجنوب ؟ هسألك بقى شوية أسئلة معلش أفرم البقدونس والكزبرة يعنى ايه أفرمهم ؟ فى الخلاط ؟ ده عشان المحشى ؟ مش بعمله وماظنش انى لو حاولت هعرف ههههه أنا بجيب الخضرة للسلطة بس وساعات بحط البقدونس ع التتبيلات وزوجى اشتكى هههههه أما الكرفس ماعرفوش أنا بجيب بقدونس وكزبرة وشبت بس وساعات خس قوليلى ازاى أعمل كفتة يا بنت أم عبد معلش طيب الطماطم دى اللى هخزنها فى الفريزر تنفع لإيه ؟ الخضار ؟ المكرونة ؟ وفعلاً هعمل كدة بالنسبة للبن يا بنت أم عبد جزاكى الله خيراً وبقيت أشترى العبوات الصغنونة خالص دى اللى زى العصير بحيث أجرب النوع الأول وبعدين أشترى الكبير بس ممكن تعرفونى ايه الفرق بين كامل الدسم وخالى الدسم وقليل الدسم ؟ ومش عارفة اعمل جدول غدا يا بنت أم عبد زوجى كان بيأكل برا البيت بقاله سنين طويلة فبيحب الأكل البيتى خالص لازم رز وشوربة ولحمة او فراخ ومش بيحب كل انواع الخضار وانا مش بحب كدة أنا بأكل طول عمرى فى البيت وبحب أكل برا انا بحب الجلاش والمكرونة البشاميل والمكرونة العادية وكل ده فاحنا مش متفقين اوى هههههههه بعمله اللى هو عايزه بس مش بمزاج ههههه ومش بعرف أنوع نفسى فعلاً يبقى عندى جدول للأكل أبقى عارفة انا هعمل ايه طول الأسبوع وصاحية مش مركزة بس غير انى أفنن فى الأكلة يبقى طعمها جميل وشكلها مش تقليدى وفيها حاجة زيادة عن المعتاد وعلى فكرة زوجى بيأكل الأكل البايت الحمد لله ومش بيتأمر خالص ربنا يباركله الظاهر المشكلة فيا أنا بعمل الأرز على الأد مثلاً يكفى ليوم واحد الطبيخ هو اللى لسة مش عارفة اظبطه بيزيد منى لدرجة يقعد اسبوع ولا احنا اللى بنأكل منه قليل والله ما عارفة بس لما الفراخ واللحمة اللى عاملاهم مع الأكلة يخلصوا كدة الأكلة انتهت لان زوجى عايزنى اعمل لحمة او فراخ لازم وممكن أعمل لحمة او فراخ غيرهم لما يخلصوا بس كدة نبقى بنأكل نفس الاكلة طول الأسبوع :( لحمة وفراخ ورز ونفس الطبيخ دى حاجة تاعبانى نفسياً أوى والله يباركلك يا بنت أم عبد منتظراكى ومعلش دوشتك أوى بتفاصيل كتير صغيرة بس نفسى أبقى شطورة أوى أوى وحاسمة كل أمور بيتى ومرتاحة ياااارب حبيبتى بشرة كلنا فى الأول كدة فلا تقلقى وواحدة واحدة هتلاقى الأمور اتظبطت لوحدها وبعدين لا تشغلى بالك كثيرا إعملى كل حاجة بروقان وهتلاقى كل شيء تمام لكن لا تضعى فى بالك أن ما تفعليه لا يعجب زوجك كونى واثقة من نفسك حبيبتى وكلام حبيبتى بنت أم عبد إللى مطنشانى خالص عين العقل وهذا ما أفعله لو زوجى أتانى بطماطم كتير بضربها فى الخلاط وأسبكها على النار وأعبيها فى برطمان وأضعه فى الثلاجة وبتسوق كل أسبوع يعنى ما بكثر خالص من الخضار أو الطماطم أو الحاجات إللى ممكن تبوظ منى لأنى فعلا كان فى حاجات كتير بتبظ بسبب كثرتها وبالنسبة للخضار زى الشبت والبقدونس والكسبرة بغسلهم كويس وأفردهم على صينية وأقطعهم وأوزعهم فى أكياس صغيرة على مقاس الطبخة والطماطم بختارها الصفراء والجامدة جدا وكلها يومين وتلاقيها احمرت واستوت والجزر مرة زوجى أحضرلى كيس كبيييييييير وكان طرى وصغير ومسكر وجميل بس طبعا أنا عارفة إنه هيبوظ بسرعة عملت إيه غسلت جزء وقشرته وقطعته وعملت برطمان مخلل جزر كبييير وكان جميل جزء آخر غسلته وقشرته وقطعته قطع صغيرة للبسلة ووضعته فى كيس فى الفريزر وكل طبخة آخد منه شوية على البسلة وجزء آخر تركته للسلطات والأكل وجزء سلقته بسكر وأكلناه كحلوى وكان رائع ههههه والحمد لله خلصت الكمية وروحى طلعت وقلت لزوجى ما عدت تعملها تانى الخلاصة حبيبتى إذا عملتى أكل ممكن يكفى ليومين بيكون كويس لكن أكثر من ذلك بيبقى دمه تقيل وأى سؤال نحن فى الخدمة حبيبتى أشرقت الجميلة والله زوجى لا ينتقد كثيراً بالعكس أنا حاسة انه متغافل عن حاجات كتير وبيشكرنى كمان جزاه الله خيراً العيب فيا بس خلاص هأودع الاحباط ونستعيد الثقة بالنفس ونتحددددددددى الفشل :) وعلى فكرة مش سهل انى أنزل كل أسبوع عشان شغل زوجى بس سهل ان زوجى يجيب لى الخضار كل أسبوع ان شاء الله وعجبنى تصرفك مع الجزر اللهم بارك جزاكى الله خيراً أشرقت الحبيبة وحشتونى كيفك يا عروسه لازم هاتبوّظى فى الاول اكل كمتير كلنا تلك المرأة! وفكرة اشرقت جميلة بس اضيف انى لازم اسلق الجزر بتاع البسلة نصف سلق((غلوتين فقط)) قبل وضعه بالفريزر وخلطة المحشى او الطماطم المسبكه التى تقومين بتبخير سائلها على النار حتى تصبح معجونا غير سائل بططيها فى طيس بحيث يصبح طبقة رقيقة جدا وضعيه على صينية مفرودة فى الفريزر يتشكل الكيس بشكلها الى ان يتجمد فتخرجيه عند الطبخ وتكسرين منه بمنتهى السهوله مقدارا للطبخة الحمد لله رب العالمين بخير يا محبة بفررررح أوى لما أللاقى حد لسة بيقوللى يا عروسة لغاية دلوقتى هههههه جزاكى الله خيراً محبة ربنا يفرحك يااارب اعتقد يا العروسه عشان نسد المسام ونحفظ مكوناتها بالداخل وكمان تعطى طعم اجمل بس مش كل يوم عشان ما نسمن او نقلل المادة الدهنية ملعقة زيت زيتون واحده ولا نسخنه او نقدحه انتهز الفرصه يا بشرى بعد ان تأذنى اسلم على شروقة وعبوده كيفكما يا اخوات شفاكما الله وعافاكما وبارك فى ابنتك وجعلها من الصالحات ورزقك يا بشرى ذرية صالحة تقية وبارك فيك وفى زوجك وخفف عنك يا شروقة الام الجرح حبيبتى ادهنى حبيبتى زيت زيتون مش هايضر ويمكن يفيد يا رب الالم ييجى فى حبيبتى وانت لأ جعله الله فى ميزان حسناتك حبيبتى زينب كيفها يا عبوده انبتها الله نباتا حسنا وبارك فيها وزوجك واخواتها اللهم آمين خدى راحتك محبة ربنا يباركلك احنا محتاجين نسمن على فكرة ههههههههه شارك هذه المشاركه رابط المشاركه شارك
محبة لربها، ادعوا لي بالثبات 72 أرسلي تقرير عن المشاركة قامت بالمشاركة 21 مارس, 2011 الطماط المخزنة يا عروستنا تنفع لكل شىء اقلى البصلة مع ثوم ثم اضيفيها وتبليها ملح و فلفل وغلوتين واشتغلى على خضار على مكرونة على فكرة انا برد بدل بنت ام عبد لانى خايفة تتأخر عليك لانها مشغولة كتير وتعبانة ربنا يشفيها..لغاية ما تيجى بالسلامة اسمحى لى انت وهى ارد انا باحب الرز والخضار اوى عشان مش بيعمل لى امساك زى النواشف الاخرى((لابد من طعام به طراوة)) واهتمى بالسلطة يوميا يعنى طماطمايتين وخيارة وعودين مقدونس ومثلهما كسبرة خضراء وشبت وجزرة مبشورة وبصلة خضراء او بديل بصلة عادية نونو الكفتة كيلو لحم مفروم بصلة مفرومة عودين شبت ومثلهما مقدونس وملعقة ص ملح ومثلها فلفل اسود ومثلها زنجبيل واعجنيها مع بيضتين وثلاث ارباع كوب بقسماط مطحون اقدحى ملعقتان كبيرتان زبد على النار واعملى حفرة فى معجون الكفتة وضعيهما فى الحفرة وسخنى فحمة على النار لمده عشر دقائق الى ان تتوهج! ثم ((طشيها )) فى الزبد المقدوح والموجود فى الحفرة واغلقى عليها غطاء محكم حتى تتشرب من نكهة الفحم الملىء به دخانها وكلما غمرتى الفحمة فى الزبد كلما زادت نكهتها ثم اعجنى مرة ثانية حتى تتشرب الخلطتان ان شاء الله تعالى وصبعيها بالطريقة المعتادة او تضعى ماعقه خشب او قلم جاف فى الالكفته واجعليه بمثابة سيخ ولفيه وانت (تشكلى عليه الكفته) وممكن تدخلى الاطباق الرئيسية تجدى مشاركة ام مريم وهاجر الحبيبة وغيرها من الحبيبات على فكرة نصف كيس خضار مجمد 400 جرام يقضى يومان على اعتبار انك لا تأكلين منه كثيرا وعدد 3 كوسة مثلا حجمها متوسط يكفى زوجك وملؤ اليدين بازلاء يكفيكما يوما واحدا بإذن الله وكيس مكرونة 400 ج بيشاميل يقضينى واولادى وزوجى يوم ونص بالنسبة للجدول حبيبتى يوم بيشاميل او جلاش يوم سمك يوم محشى يوم بقول كاللوبيا والفاصوليا باحبها جدااا يوم مقليات كالكفته والبطاطس المحمرة يومان خضار وفراخ او لحمة او بالتبادل شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 31 مارس, 2011 السلام عليكم ورحمة الله وبركاته،، كيفك يا بش بش ؟ وايه اخبارك مع المطبخ ؟ الحمد لله محبتنا جاوبت عليك يا حبيبة واصلاً انا بتعلم منها فلا تعليق بعد اجابة سمسم , وأنا في وسط البلد ياحبوبة تقريباً ومتغبيش عنا يا بشورة وطمنينا عليك دائماً وعلي احوالك في المطبخ واي استفسار كلنا في خدمتك حبيبتي ربنا يرزقك بالذرية الصالحة (اللهم آمين) شارك هذه المشاركه رابط المشاركه شارك
محبة لربها، ادعوا لي بالثبات 72 أرسلي تقرير عن المشاركة قامت بالمشاركة 31 مارس, 2011 تسلبمى لى بنت ام عبد حبيبتىىى انت العلم كله والذوق كله ما انحلرم منك يا رب يا حبوبتى ازيك يا بشورة عاملة ايه يا عروستنا والعريس مبسوط من اكلك ولاااااا شارك هذه المشاركه رابط المشاركه شارك
