محتاجة مساعدة بخصوص تغطية الأنتريه

[شذى الهمة 331]

السلام عليكــم ورحمـة الله وبركاتــة ،،

بإذن الله قربت أنزل أجازة في مصر

وعايزة أعمل بياضات للأنتريه بتاعي

بس مش متخيله شكل البياضات عليه خالص

هومودرن وبسيط جدا والدنيا حوله متناسقة معاه وبسيطة لأبعد الحدود

يعني كله ساده وقرعه كده

فمش متخيلة البياضات عليه

لإني كل الأغطية اللي شفتها كانت على استايلات أنتريهات كلاسيك

وطبعا ماينفعش أسيبه من غير غطا لأنه مش هيبقى أنتريه من العيال خصوصا إنه في الصالة

ولا يوجد باب يفصله

وإيه الألوان المقترحة تليق مع لون الجدران ( نبيتي ولون سن الفيل العاجي )

ولون الستائر والسجاد جملي أو دهبي مطفي

وأعمله سادة ولا مزخرف

وياريت لو حد عنده صور لأشكال بياضات يضعها لي

وجزاكم الله خيرا

تم تعديل 7 يونيو, 2011 بواسطة سجودى لله فقط

[فدوى المسلمي 531]

السلام عليكــم ورحمـة الله وبركاتــة ،،

 

ما شاء الله

هتنوري مصر سجودة الحبيبة :P

 

تيجي بألف سلامة يارب

بالنسبة لموضوعك

أنا خبرتي قليلة لكن حسب رؤيتي المتواضعة

لا تستخدمي بياضات مطبوعة ومزخرفة طالما الصالون بالكامل مودرن مش هيليق

استخدمي بياضات سادة وحتى ان كان بها شغل يكون في القماش نفسه وبنفس لونه وخيوطه كأنه مشغول منه فيه أنا عندي القماش ده وشيك جدا بس مش هاعرف أجيبلك صورة طبعا :icon15:

أو انك تستخدميه سادة تماما

ورأيي اللون الجملي أنسب شيء

العاجي فاتح وسريع الاتساخ والنبيتي قاتم ومش هيكون مناسب

وبلاش الذهبي اختاري الجملي المطفي جميل جدا

[أمّونة 624]

السلام عليكــم ورحمـة الله وبركاتــة ،،

 

إن شاء الله توصلي بالسلامة أختي الحبيبة

وبما إنك مغتربة يبقى أكيد عندكم كارفور

رأيت فيه بياضات جاهزة للأنتريهات وهي معمولة بشكل ممكن يناسب كل أحجام الانتريهات

وألوانها كلها سادة وجميلة

حتجديها في الجزء الخاص بالبطاطين والألحفة

أنا الصراحة لم أجربها لكن قلت يمكن تستفيدي .

[~ أم العبادلة ~ 1903]

السلام عليكم ورحمة الله وبركاته،،

 

بورك فيكِ يا إيمان، أنا أيضا استفدت من ردك لأني منذ سنتين وأنا عايزة أغطي الانتريه بس دائما الوقت لا يسمح وبعد حادثة السرقة، لا اظن زوجي سيدخل اي غريب البيت

بالتالي فالجاهز يكون افضل س يا رب نلاقي المقاس المناسب لطقمنا

[أمّونة 624]

السلام عليكم ورحمة الله وبركاته،،

 

بورك فيكِ يا إيمان، أنا أيضا استفدت من ردك لأني منذ سنتين وأنا عايزة أغطي الانتريه بس دائما الوقت لا يسمح وبعد حادثة السرقة، لا اظن زوجي سيدخل اي غريب البيت

بالتالي فالجاهز يكون افضل س يا رب نلاقي المقاس المناسب لطقمنا

 

وعليكم السلام أمومة

إن شاء الله حيناسبك لأنه معمول بشكل ممكن يتمط على قد الكرسي أو الكنبة أيّا كان المقاس

[محبة لربها، ادعوا لي بالثبات 72]

بلاش بتوع كارفور يا بنوتات

 

وحشة جدااا انا شوفتها

 

الافضل تفصيل

 

 

 

والافضل منهما انك تخللى كل قعدتك بالداخل وما فى دواع للخروج والجلوس بمكان الاستقبال ابداااا

 

 

 

عوديهم

[~ أم العبادلة ~ 1903]

بورك فيكن يا غاليات

 

ان شاء الله نشوف الألوان ولو سيئة مش هنجيبها بس يا رب تطلع حلوة

 

محبة الحبوبة، احنا أصلا ما عندنا داخل ولا خارج، شقتنا ليس فيها مكان للجوس غير غرفة الصالون وحتى لو مش هنجلس فيها فمحتاجة تغطية علشان يحفظها من التراب خصوصا ان طقمي قماش وبيتسخ بسرعة من التراب وغيره

 

بورك فيكِ يا حبيبة

[محبة لربها، ادعوا لي بالثبات 72]

ممكن تعملى غرفة الاولادجلوس او معيشة مثلى

 

وشكراااا على ذوقك بجد

[شذى الهمة 331]

السلام عليكــم ورحمـة الله وبركاتــة ،،

 

ما شاء الله

هتنوري مصر سجودة الحبيبة :blink:

 

تيجي بألف سلامة يارب

بالنسبة لموضوعك

أنا خبرتي قليلة لكن حسب رؤيتي المتواضعة

لا تستخدمي بياضات مطبوعة ومزخرفة طالما الصالون بالكامل مودرن مش هيليق

استخدمي بياضات سادة وحتى ان كان بها شغل يكون في القماش نفسه وبنفس لونه وخيوطه كأنه مشغول منه فيه أنا عندي القماش ده وشيك جدا بس مش هاعرف أجيبلك صورة طبعا :wink:

أو انك تستخدميه سادة تماما

ورأيي اللون الجملي أنسب شيء

العاجي فاتح وسريع الاتساخ والنبيتي قاتم ومش هيكون مناسب

وبلاش الذهبي اختاري الجملي المطفي جميل جدا

 

منورة بوجودك ياغالية

فعلا أحس إن اللون النبيتي هيكون قاتم شوية

بس المشكلة إن الستائر سادة وكبيرة جدا ولونها دهبي مطفي فمش عايزة الدنيا تبقى كلها اده

بس الصورة اللي وضعتيها جميلة جدا

ممكن أعمل كرسيين نبيتي فاتح وكرسيين جملي

لأن الحوائط أصلا لونين

وفكرة إن الشلته تكون لها كيس لوحدها شيك جدا ويحافظ على شكل الأنترية

بجد جزاكم الله خيرا

[وأشرقت السماء 1565]

السلام عليكــم ورحمـة الله وبركاتــة ،،

 

تسافرى وترجعى بألف سلامة سجودة الغالية

 

فعلا مشكلة كبيرة حتى بدون لعب الأولاد فالأنسب تغطيته من التراب

 

لو متاح حلى بالنسبة لكى فده ما نفعله دائما إنك تذهبى لمحلات القماش وتختارى ما يليق وما يعجبك وفيه شخص متخصص لصنع الفرش ده وغالبا ما بيكون عنده القماش وهو بيحدد الكمية المناسبة من القماش وبيفصله بالإستايل إلى تختاريه

 

وفيه فعلا فرش جاهز رأيته هنا فى مول الجزيرة وعجبنى جدا

 

ربنا ييسر أمرك حبيبتى

[~ أم العبادلة ~ 1903]

مش هينفع يا محبة لان غرفة الاولاد ليس بها مكان للجلوس وفي كل الاحوال لازم نغطي الطقم سواء هنستعمله او لا

 

أشرقت مول الجزيرة في اي بلد او مدينة؟؟

والفرش في محل معين فيه ؟؟ وعندك فكره عن الأسعار؟؟

[وأشرقت السماء 1565]

مش هينفع يا محبة لان غرفة الاولاد ليس بها مكان للجلوس وفي كل الاحوال لازم نغطي الطقم سواء هنستعمله او لا

 

أشرقت مول الجزيرة في اي بلد او مدينة؟؟

والفرش في محل معين فيه ؟؟ وعندك فكره عن الأسعار؟؟

 

فى الرياض يا أمومة موجود فى العليا

 

كنت بتسوق فى مرة ودخلنا على قسم الملابس والفرش ولقيته على الأرفف وبصراحة أنا شفت السعر لكن ما عدت فاكرة على ما أعتقد إن غطاء كان مكتوب عليه 40 ريال لكن كان لكنبة واحدة تقريبا وبصراحة مش فاكرة باقى الأسعار

[~ أم العبادلة ~ 1903]

فين بالضبط في العليا يا غالية،زوجي قرب العليا الآن وبيسأل هو فين بالضبط لاننا اول مرة نسمع عن المول ده

[وأشرقت السماء 1565]

فين بالضبط في العليا يا غالية،زوجي قرب العليا الآن وبيسأل هو فين بالضبط لاننا اول مرة نسمع عن المول ده

 

يا كسوفى أنا بصراحة ما أعرف أوصف الأماكن خالص وزوجى مش موجود الآن علشان أسأله

 

هو مول كبير للتسوق وفيه قسم للمفروشات والملابس فى نهايته والأدوات المنزلية

 

وفيه الدور العلوى للألعاب الأطفال

 

إسمه أسواق الجزيرة

[~ أم العبادلة ~ 1903]

ايوة كده اسمه اسواق مش مول

 

قعدت ابحث عن المول على النت بدون نتائج لكن اسواق جابتلي عنوانها وعنوان فروعها المختلفة

 

بورك فيك يا غالية

 

بس على فكرة ما فيش في العليا

في في المنفوحة والسليمانية

[~ أم العبادلة ~ 1903]

سامحيني طلع في فرع ثالث اسمه فرع موسى في شارع العليا

[وأشرقت السماء 1565]

ايوة كده اسمه اسواق مش مول

 

قعدت ابحث عن المول على النت بدون نتائج لكن اسواق جابتلي عنوانها وعنوان فروعها المختلفة

 

بورك فيك يا غالية

 

بس على فكرة ما فيش في العليا

في في المنفوحة والسليمانية

 

هههه مش قلتلك أنا فاشلة فى حفظ الأماكن

 

أنا ليا حوالى 3 سنوات ومع ذلك مش فاكرة

 

الموجود فى المنفوحة لسة جديد

 

أما التانى ممكن يكون فعلا فى السليمانية هتأكد وأقولك بإذن الله وهو ده الموجود فيه

[وأشرقت السماء 1565]

أيوة حبيبتى أنا شفت صور الفروع على النت وإللى أقصده موجود فى السليمانية لأنه هو الأكبر والأشمل

 

وفيه الدور العلوى لألعاب الأطفال

[شذى الهمة 331]

إيمان عبدالعليم

جزاكم الله خيرا

هحاول أشوف الجاهز لأن الواحد بينزل مدة قصيرة وفكرة يبقى في شئ جاهز

 

أمة الرحمن

لازم تغطي الأنتريه قبل السفر طبعا

أنا بجمعه مع بعض بعيد عن الجدران وبفرش عليه قماش قديم واخداه من والدتي وحماتي الله يرحمها

زي الستائر القديمة أو أكياس اللحاف والملاءات

بس البياضات مهمه تستقبلي عليها الضيوف وفي نفس الوقت نحافظ على قماش الأنتريه نفسه

[شذى الهمة 331]

محبة لربها

مش هينفع أعودهم لأن الأنتريه مفتوح عالصالة ولا يوجد باب

فقط ستائر تشد لما ييجي رجال

 

أشرقت

جزاكم الله خيرا

لو سعر الواحدة 40 ريال يبقى كويس جدا هحاول أشوفهم بإذن الله

بوسيلي الواد عبودي كتير

[~ أم العبادلة ~ 1903]

ايه الاخبار يا بنات

 

حد شاف اطقم الانتريه الجاهزة ؟؟

 

سبحان الله كل ما أقول خلاص هنروح، يحصل شيء وما نروحشي، ادعوا لي بالتيسير

 

سجودة، انا فعلا بجمعه في وسط الغرفة وبغطيه بملاية بس برده بيجي عليه تراب لأن طقمي قماش وبيلم تراب بسهولة

أشروقة، الصور بتاعت الفرع رهيبة

[~ أم العبادلة ~ 1903]

انا بحثت كتير بالرياض ولم اجد التلبيسة الجاهزة في فروع كارفور ولا هايبر

 

لم نوفق للذهاب لمكان الاخر

 

المهم سألنا منجد وطلب نشتري قماش كتان حتى يتحمل بس الكمية رهيبة، تخيلي طلب 30 متر، انا شكيت في الامر بس حاولت احسبها عشوائي لقيت انه فعلا هياخد كمية قماش كبيرة

 

المهم اشتريناه بسعر 7.5 جنيه للمتر وحاليا منتظرين المنجد يتفرغ علشان يعمله لانه حاليا موسم زواج والكل مشغول

[شذى الهمة 331]

انا بحثت كتير بالرياض ولم اجد التلبيسة الجاهزة في فروع كارفور ولا هايبر

 

لم نوفق للذهاب لمكان الاخر

 

المهم سألنا منجد وطلب نشتري قماش كتان حتى يتحمل بس الكمية رهيبة، تخيلي طلب 30 متر، انا شكيت في الامر بس حاولت احسبها عشوائي لقيت انه فعلا هياخد كمية قماش كبيرة

 

المهم اشتريناه بسعر 7.5 جنيه للمتر وحاليا منتظرين المنجد يتفرغ علشان يعمله لانه حاليا موسم زواج والكل مشغول

 

مبارك يا أمومة عقبالي :angry:

أنا برضه طلب مننا المنجد 40 متر

ربنا ييسر الخير