حد يعرف المكرونه باللبن الى بتتباع عند حلوانية ديماط؟؟؟؟

[**أم مختار** 10]

السلام عليكــم ورحمـة الله وبركاتــة ،،

 

فى الواقع انا بحب المكرونة باللبن جدا جدا ((حلويات))

 

ومشهورة بعزيزة

 

وبتتباع فى دمياط ونفسى لو اخت تعرف طريقة عملها فى البيت تفيديني اصلى نفسي فيها اوي

 

جزاكم الله خيرا

[**أم مختار** 10]

للرفع

[يسرا عبد الرحمن 718]

اااااااااه تقصدى عزيزه

انا ايضا بحبها جداااااااا

لكن اسفه حبيبتى لا اعرف طريقتها ان شاء الله الاخوات الماهرات يفيونا

[سدرة المُنتهى 87 1318]

السلام عليكم ورحمة الله وبركاته,,

 

ياسلام بس كده ياستي

غالي والطلب رخيص يا أم مختار

 

أنا من دمياط وبحبها جدًا

هاقوللك على الطريقة اللي بنعملها بيها وإن شاء الله تجربيها وتحبيها وتاكلك صوابعك وراها

 

بس على شرط...

تدعيلي

اتفقنا..

 

المقادير:

 

4 كوب لبن (لتر يعني)

كيس فانيليا

6 ملعقة كبيرة نشا

نصف كوب ماء

كوب سكر أو أقل يعني مش مليان قوي

ملعقة سمن

مكرونة سباجيتي (كمية قليلة جدًا يعني حوالي 20 واحدة وتكسريهم وتسلقيهم على الآخر لغااية لما يستووا بزيادة)

لو حابة تضيفي جوز أو أي مكسرات

 

الطريقة:

تاخدي نصف كوب لبن وتضيفيه على نصف كوب الماء وتحطي عليه النشا وتقلبي كويس (ملحوظة اللبن يكون بارد عشان النشا ينفع يدوب)

تحطي اللبن على النار في حلة وتحطي عليه السكر والمكرونة المسلوقة والفانيليا وبعدين ملعقة السمن تحطيها عليهم وتقلبي النشا كويس وتحطيه عليهم وتهدي النار بعد ما تحطي النشا ولو عايزة مكسرات ضفيها عليهم

وتفضلي تقلبي لغاية لما تحسي إنها بدأت تتماسك يعني ما تبقاش زي اللبن لا تبدأ تبقى تقيلة

 

تقومي تجيبي صينية وتدهنيها سمن من تحت ومت الأجناب وما تكتريش

وتحطي فيها الخليط ده كله وخلي الصينية صغيرة لأن الحجم ده قليل أما لو هتضاعفي المكونات يبقى كبريها

 

دخليها الفرن على درجة حرارة 200 وبعدين لما تبدأ تحمر من الأجناب اطفي الفرن وشغلي الشواية على الهادي عشان تحمرلك وشها

بس خدي بالك منها لأنها بتتحرق بسرعة

 

أول لما تلاقيها بقت بني اطفي عليها

وسيبيها لما تبرد

 

وبالهنا والشفا

 

جربيها وقوليلي ايه رأيك

إن شاء الله باعملكم موضوع بالصور عنها

تم تعديل 11 يونيو, 2011 بواسطة سدرة المُنتهى 87

[يسرا عبد الرحمن 718]

السلام عليكم ورحمة الله وبركاته,,

 

ياسلام بس كده ياستي

غالي والطلب رخيص يا أم مختار

 

أنا من دمياط وبحبها جدًا

هاقوللك على الطريقة اللي بنعملها بيها وإن شاء الله تجربيها وتحبيها وتاكلك صوابعك وراها

 

بس على شرط...

تدعيلي

اتفقنا..

 

المقادير:

 

4 كوب لبن (لتر يعني)

كيس فانيليا

6 ملعقة كبيرة نشا

نصف كوب ماء

كوب سكر أو أقل يعني مش مليان قوي

ملعقة سمن

مكرونة سباجيتي (كمية قليلة جدًا يعني حوالي 20 واحدة وتكسريهم وتسلقيهم على الآخر لغااية لما يستووا بزيادة)

لو حابة تضيفي جوز أو أي مكسرات

 

الطريقة:

تاخدي نصف كوب لبن وتضيفيه على نصف كوب الماء وتحطي عليه النشا وتقلبي كويس (ملحوظة اللبن يكون بارد عشان النشا ينفع يدوب)

تحطي اللبن على النار في حلة وتحطي عليه السكر والمكرونة المسلوقة والفانيليا وبعدين ملعقة السمن تحطيها عليهم وتقلبي النشا كويس وتحطيه عليهم وتهدي النار بعد ما تحطي النشا ولو عايزة مكسرات ضفيها عليهم

وتفضلي تقلبي لغاية لما تحسي إنها بدأت تتماسك يعني ما تبقاش زي اللبن لا تبدأ تبقى تقيلة

 

تقومي تجيبي صينية وتدهنيها سمن من تحت ومت الأجناب وما تكتريش

وتحطي فيها الخليط ده كله وخلي الصينية صغيرة لأن الحجم ده قليل أما لو هتضاعفي المكونات يبقى كبريها

 

دخليها الفرن على درجة حرارة 200 وبعدين لما تبدأ تحمر من الأجناب اطفي الفرن وشغلي الشواية على الهادي عشان تحمرلك وشها

بس خدي بالك منها لأنها بتتحرق بسرعة

 

أول لما تلاقيها بقت بني اطفي عليها

وسيبيها لما تبرد

 

وبالهنا والشفا

 

جربيها وقوليلي ايه رأيك

إن شاء الله باعملكم موضوع بالصور عنها

جزاك الله خيرااااا يا غاليه

انا بحبها جداااااا

ان شاء الله اعملها

لا حرمك ربى الاجر

[**أم مختار** 10]

بارك الله فيكي حبيبتي سدرة المنتهى ولكن اللى كنا بنشتريها كانت جواها مكرونة قلم اللى هى بتاعة البشاميل ! مش كده والا انا بيتهيالى ونسيت والا ايه؟

نورتى يا يسرا صفحتى احبكن فى الله

[أم أبي 3]

في حاجه اسمها مخروطة هي دي اللي تقصديها يا قمر

[(سجى الليل) 65]

السلام عليكــم ورحمـة الله وبركاتــة ،،

 

حياك الله حبيبتي

 

انا أحبها جدا المركونة باللبن، وطريقتنا مختلفة قليلا عن طريقة سدرة الحبيبة

 

ولكن لا أعلم هل هي التي تقصيدها أم لا

 

سأخبرك بطريقتها

 

1- مكرونة أقلام مسلوقة جدا حوالي نصف كيلو

2- لبن كمية تكفي لتغطية المكرونة في الصنية

3- بيض حوالي 5 بيضات أو 7

4- سكر لا أذكر الكمية صراحة لكنها كانت كبيرة ممكن كوبان كبيران

6- ملعقتين سمن أو زبد

7- فانيليا

 

 

الطريقة

 

ندهن الصنية بالسمن ثم نضع المكورنة المسلوقة ثم نضرب البيض ونضع عليه الفانيليا ثم السكر واللبن والسمن

 

ونضيف هذا الخليط على المرونة ويجب أن يغطي المكرونة لكي لا تنشف من الوجه

 

ثم أدخليها الفرن إلى أن تحمر من اعلى ومن أسفل

 

وتؤكل باردة

 

وبألف هنا

 

وياريت طبق لو سمحتي :)

[يسرا عبد الرحمن 718]

بارك الله فيكي حبيبتي سدرة المنتهى ولكن اللى كنا بنشتريها كانت جواها مكرونة قلم اللى هى بتاعة البشاميل ! مش كده والا انا بيتهيالى ونسيت والا ايه؟

نورتى يا يسرا صفحتى احبكن فى الله

جزاك الله خيرا حبيبتى

انا كمان كنت عايزه اقول كده

ان اللى باكلها فيها مكرونه اقلام فعلا

فقلت يمكن عادى اننا نغير فى انواع المكرونه

[يسرا عبد الرحمن 718]

السلام عليكــم ورحمـة الله وبركاتــة ،،

 

حياك الله حبيبتي

 

انا أحبها جدا المركونة باللبن، وطريقتنا مختلفة قليلا عن طريقة سدرة الحبيبة

 

ولكن لا أعلم هل هي التي تقصيدها أم لا

 

سأخبرك بطريقتها

 

1- مكرونة أقلام مسلوقة جدا حوالي نصف كيلو

2- لبن كمية تكفي لتغطية المكرونة في الصنية

3- بيض حوالي 5 بيضات أو 7

4- سكر لا أذكر الكمية صراحة لكنها كانت كبيرة ممكن كوبان كبيران

6- ملعقتين سمن أو زبد

7- فانيليا

 

 

الطريقة

 

ندهن الصنية بالسمن ثم نضع المكورنة المسلوقة ثم نضرب البيض ونضع عليه الفانيليا ثم السكر واللبن والسمن

 

ونضيف هذا الخليط على المرونة ويجب أن يغطي المكرونة لكي لا تنشف من الوجه

 

ثم أدخليها الفرن إلى أن تحمر من اعلى ومن أسفل

 

وتؤكل باردة

 

وبألف هنا

 

وياريت طبق لو سمحتي :)

اااااااااااااايوه شكلها هى دى

يبقى طريقة سدرة نوع اخر من الحلوى لانها بتقول حوالى 10 وحدات مكرونه اسباكتى وانا استغربت لان التانيه كلها مكرونه

جزاك الله خيرا حبيبتى على الوصفه والطريقه

جعله الله فى ميزان حسناتك

[**أم مختار** 10]

حيرتونى معاكوا يا اخوات

[**أم مختار** 10]

طيب ولو عملتها بطريقك اختى الحبيبه سجي الليل هاتمسك فى بعضها ازاى؟؟؟؟؟؟؟؟؟؟

[**أم مختار** 10]

 

هى ديه الصورة تقريبا يا اخوت

[يسرا عبد الرحمن 718]

حيرتونى معاكوا يا اخوات

يا حبيبتى الطريقه اللى قالت عليها سجى هى اللى انت بتسالى عليها فعلا لان كلها مكرونه

 

 

طيب ولو عملتها بطريقك اختى الحبيبه سجي الليل هاتمسك فى بعضها ازاى؟؟؟؟؟؟؟؟؟؟

يا حبيبتى ما هو قالت انك حتاكليها بارده

يعنى لازم توضع بالثلاجه قبل اكلها علشان تمسك فى بعضها مثل المهلبيه لان المكرونه بها نشا

[~ماريا~ 1340]

طيب قولولي وانا اقولكو

انا كمان من دمياط

انا اقولك وهتبقي زي بتاعت المحلات والله

 

كيس مكرونه اقلام

لبن حسب ما انت عايزه كيلو او اكتر مش هتفرق

سكر حسب ما انت بتحبي

فانليا

معلقه سمن بلدي

مكسرات ( زبيب جوز الهند مبشور

 

نقوم بسلق المكرونه

جيداا لازم تستوي خالص خالص ولما تستوي والماء ينشف من غير ما تغسلي المكرونه

تضيفي اللبن المغلي اليها والسكر والفانليا

وتتركيهم فتره مع بعض

وبعدين تجيبي معلقه سمن بلدي او زبده وتسيحيها علي النار وتضفيها للمكرونه

وبعدين تجيبي صينيه مدهونه بشويه زيت وتضعي نصف الكميه وتحطي في النص المكسرات

وتضعي المكرونه المتبقيه

ودخليها الفرن

حتي تحمر

هدي عليها

وبس

والله راح تدعيلي

انا جوزي ماكان بيحبها بس لما عملتها اكلها والله

 

راح اعملها وانزلها ان شاء الله

[(سجى الليل) 65]

طيب ولو عملتها بطريقك اختى الحبيبه سجي الليل هاتمسك فى بعضها ازاى؟؟؟؟؟؟؟؟؟؟

 

 

:)

 

ما هي فيها لبن وسكر وبيض

 

لما تبرد تمسك ببعضها يا حبيبة

 

نفسي اعملها من زماااااااااااااااااااان

 

لكن أنا عارفة لو عملتها هنقض عليها لذلك صابرة ومش راضية أعملها

 

لو عملتها بإذن الله أصورها وأضعها لك

[***أم محمد*** 8]

فتحتو نفسي...

وجدت لكم هذا ...اختارو و اعملو الي بدكم اياه ..

 

هنـــــــــــــــــــــــــــــــــــــــــــــــــــــــــــا

[~ماريا~ 1340]

ام محمد

كتير حلو الموقع دا

بس ولا صوره بضغط عليها بتفتح

ولا هو صور بس؟؟؟؟؟

[موده واخاء 417]

ايه يا ام محمد ده انتى حطاه تذلينا بالشكل اللى يجوع

مابيفتحش اى صورة وغريبة الاكلات كلها على اطباق واحدة من طقم واحد

[موده واخاء 417]

 

هى ديه الصورة تقريبا يا اخوت

 

ازيك يا بت يا بسبس

 

يابنتى ما المكرونة بالبشاميل من غير نشا وبتكون ماسكه

 

المكرونات كلها نشا يابنتى

 

جربيها واخبرينا نجربها

[***أم محمد*** 8]

ههههههههههههههه

الموقع صور ............حبيت احطها تصبيرة لكن وكمان عشان تفتح نفسكو زي ما بتفتحو نفسي لما حتطلعوه في عين البيبي ههههه

[سدرة المُنتهى 87 1318]

السلام عليكم ورحمة الله وبركاته,,,

 

حبيبتي ممكن تعمليها بأي مكرونة

لكن أنت سألت عن اللي عند الحلواني

واللي عند الحلواني بيعملها بمكرونة اسباجتي وتبقى قليلة زي ما قلتللك كده بس بالآخر بتحسي إنها كثيرة

أما لو عملتيها كلها مكرونة هتحسي انك بتاكلي مكرونة بس

أنا أحبها بالطريقة اللي قلتلك عليها لأنها بتطلع طرية وجميلة

لو كلها مكرونة بتطلع جامدة

 

وعموما جربي كل الطرق واللي يعجبك استمري عليه

وإن شاء الله أعملها النهاردة واحطلكم الصور