۩ §¤ ملتقــــ الطيِّــبــآت ـــى~ ¤§ ۩

[ندى الورود 11]

السلام عليكــم ورحمـة الله وبركاتــة ،،

 

كيف حالكن ياغاليات

 

انا النهار الاول ونهار الثانى نفس الشيء لاخاطر ماكلينا والو كلشى بقى

ومزية مادرتش الطاجين درت الحريرة وبوراك وحميص وسلاطة مشكلة

ولحم الحلو

والبارح درت شربة فارميسال ودرت المحمر بوراك وحميص ولحم الحلو

 

واليوم ان شاء الله ماعلابليش واش ندير

 

هدهد رانى خليتلك شوية اسئلة على القلب اللوز خرجلك ماشاء الله

[* قدوتي عائشة* 60]

السلام عليكــم ورحمـة الله وبركاتــة ،،

 

نسرين.... :dry: جربيها انت قبل أنا عييت ملقلب اللوز

 

هدى...راني خايفة نجربوا البارح زوجي قالي أعطيه للحمام ياكلوه :icon15: صبر بزاف و البارح تشجع و قالهالي :biggrin:

 

ندى الورود ...نورت الملتقى حبيبتي

 

اسلامية ماراهيش تبان غير الخير :grin:

[هـــدى 147]

 

هدى...راني خايفة نجربوا البارح زوجي قالي أعطيه للحمام ياكلوه :wub: صبر بزاف و البارح تشجع و قالهالي :closedeyes:

 

 

:unsure:

 

آآآآآآآآآآآآآآآآه يا أبا هاجر كم عااااااااانيت :mrgreen: :mrgreen: :mrgreen:

هههههههههههههههههه قتلتيني بالضحك ^^

 

اممممم ننصحك جربيه بصح كمية قليلة كيما انا درت 250 غ ماشي كيلو ههههههههههههه ماتقوليليش درت كيلو ؟؟؟؟؟؟؟؟

[* قدوتي عائشة* 60]

السلام عليكــم ورحمـة الله وبركاتــة ،،

 

اممممم ننصحك جربيه بصح كمية قليلة كيما انا درت 250 غ ماشي كيلو ههههههههههههه ماتقوليليش درت كيلو ؟؟؟؟؟؟؟؟

 

 

لا لا درت كامل الدقيق اللي كان عندي حوالي 600غ

 

همسة...أبو ياسر أنا هاجر

[ندى الورود 11]

السلام عليكــم ورحمـة الله وبركاتــة ،،

 

صح معليش توصفولى نوع السميد

[* قدوتي عائشة* 60]

السلام عليكــم ورحمـة الله وبركاتــة ،،

السلام عليكــم ورحمـة الله وبركاتــة ،،

 

صح معليش توصفولى نوع السميد

 

ندى مازالك حايبة اديري قلب اللوز ...غير خطيك :cry:

 

وصفة هدى راهي تبان مليحة يا درى اذا غير مالفوق و الذوق :wink:

 

 

نوع الدقيق ان شاء الله تجاوبك هدهود

 

ما هو برنامجكن لليوم

 

أنا عندي الشوربة نزيد بطاطا بيوريه و اسكالوب(شرائح الديك الرومي) و سلطة مشكلة (اور دوفر) و البوراك

 

و أنتن؟

[هـــدى 147]

لا لا درت كامل الدقيق اللي كان عندي حوالي 600غ

 

 

همسة...أبو ياسر أنا هاجر

اها اوك :cry:

[هـــدى 147]

ندى مازالك حايبة اديري قلب اللوز ...غير خطيك :wink:

 

و أنتن؟

 

شووووووووف كاش راهي تفشل فالغاشي :ohmy:

 

لالالا ماعنداااااااااااك جربيه والله غير مليح ^^ انا عجبني وماما تاني قالت مليح :))

 

السميد ديري لخشين ياك ؟ واذا ماكاش قع ديري موايان

 

حنا كاين شوربة وقع لجماعة :cry: ليوم ندير لجاج باني بلفريت ^^

[ندى الورود 11]

السلام عليكــم ورحمـة الله وبركاتــة ،،

 

علاه راكى تهبطيلى فى المورال نتاع هدى يبان هايل ان شاء الله نجربه وراهى شرحتلى مليح

 

اذا برك كاين مشكل وحدخور :cry:

 

انا اليوم عندى شربة فارميسال ولحم الحلو ونزيد معاهم لوبيا سوتى ودجاج وبوراك بالبطاطا والطون والزيتون

[هـــدى 147]

السلام عليكــم ورحمـة الله وبركاتــة ،،

 

علاه راكى تهبطيلى فى المورال نتاع هدى يبان هايل ان شاء الله نجربه وراهى شرحتلى مليح

 

اذا برك كاين مشكل وحدخور :wink:

 

انا اليوم عندى شربة فارميسال ولحم الحلو ونزيد معاهم لوبيا سوتى ودجاج وبوراك بالبطاطا والطون والزيتون

 

راكي تشوفي ههههههههههه هي دارت وجربت و وكلاتو لراجلها مسكين بالسيف <<<< خافها :ohmy: حتى لبارح باش اعترف قرييييب رفداتو لومبولانس من التسمم هههههههههههههه امزح :cry:

 

لالا ماتخافيش ماكان حتى مشكل ^_*

[زهرة نسرين 246]

السلام عليكن

كيفاش راكم مع الصيام

حبيت نحط الصور نتاع مايدتي و لكن اكابل ما حبش يقراه الميكرو

لا باس

اليوم ان شاء الله نحضر soupe de maiz في مكان الشوربة

ما نحبهاش كل يوم الواحد ينوع شوي في الشوربات

نزيد معاها خضار محشية في الفرن يعني فلفل باذنجان طماطم كوسة

نزيد معاهم سلطة منوعة و سلطة الفواكه

اليوم راني مرهقة قتلتني السخانة و حتى كوزينتي صغيرة نوعا ما

و انتوما؟

[هـــدى 147]

soupe de maiz

 

ممكن الوصفة ؟ وهل هي لذيذة ؟

 

حنا نديرو كامل الشهر شوربة فريك أبي لا يأكل غيرها ..

انا ليوم ندير شوربة وجماعتهاهههههه من فلفل وبوراك وكسرة وتاني ندير شوية سلطة ارز-اوردوف- ..

 

وانتن ؟؟؟

[* قدوتي عائشة* 60]

السلام عليكــم ورحمـة الله وبركاتــة ،،

 

صح تعبنا من الشوربة فريك 30يوم بزاف لازم نبدلو شوية

 

البارحة حضرت ميني تارت بالسبانخ طبعا مع الشوربة و ماكفانيش الوقت لأنني لما رحت أنيم الأطفال نمت معاهم و نسيت روحي و لهذا حضرت فريت أوليت و سلطة و اللحم لحو عندي واجد

 

اليوم نحضر كيك مالح مع الشوربة و تشكتوكة و سمك مقلي و سلطة

 

و انتن...

[♥ أمـ نـادية ♥ 4]

السلام عليكم ورحمة الله وبركاته،،

 

ممكن سؤال عاجل يا اخوات بارك الله فيكم

 

كم مقدار المرق او الماء بالنسبة للارز البسمتى ؟؟

 

يعنى مثلا كوب ارز بسمتى يحتاج كم كوب ماء ؟؟؟؟

 

وجزاكم الله خيرا

[♥ أمـ نـادية ♥ 4]

يا اخوات انا لى عتاب عليكن

 

انا لا افهم لهجاتكم المغربية هذه وانتم ما شاء الله كل الصفحات باللهجات على مااظن مغربى جزائرى

 

وبالتالى بصراحة انا كنت متحمسة جداا لفكرة ملتقى الطيبات وخصوصا بسبب الحيرة اللى بتواجهنى فى تحضير الطعام

 

ولكن بسبب عدم فهمى ولا كلمة فعزفت عن الدخول بصراحة ، ولكن لاحتياجى لمعرفة السؤال السابق فما وجدت اقرب من هذا الموضوع اسأل فيه

 

رجاءا يا اخوات نظرة شفقة للناس الجهلاء - بلهجاتكم الرائعة -امثالى .. وجزاكن الله خيرا ..

[حياة إسلامية 135]

السلام عليكــم ورحمـة الله وبركاتــة ،،

 

أهلا بالجميع ....

 

كنت رح أنبه لكن سبقتيني أم البراء ... أهلا بك في الملتقى نورتي

 

أخوات ممكن كل وحدة تحاول تتكلم بلغة مفهومة للأخوات .. يعني تجنب الألفاظ الدارجة غير المفهومة قدر المستطاع

 

بارك الله فيكن و أثابكن

 

عموما يا أم البراء الحديث كله يدور عن الاطباق التي تحضرها كل اخت في رمضان .. فقط

 

أولا بخصوص سؤالك أم البراء ... انا ببلدي مش متواجد الأرز البسمتي و لا فعاداتنا ما تستعملوش أبدا

 

نستعمل الرز العادي اللي يغلي بمقدار كبير من الماء

 

لكن أنا تابعت وصفات ... هو انه الرز البسمتي ينقع بالماء حوالي 10 دقائق مع شوية ملح ..

 

و بعدين لما يطهى يتغطى بالماء حيث يكون الماء فوق الرز بمقدار سمك الاصبع تقريبا و لما يغلي

 

غلوة نوطي النار و نغطيه لحد ما يتشرب ...

 

أتمنى احدى الاخوات المصريات تدخل و تأكد او تفيدك أكثر يا اختي الحبيبة

 

لو اي استفسار ما تترددييييييش بخدمة الناس الطيبين :unsure:

 

كل عام و انت بخيييييير

 

[حياة إسلامية 135]

انا أيضا تعبت من شوربة الطماطم ... استبدلتها بشوربة الخضار باللحم المفروم

 

أما بخصوص شوربة الذرة لم اجربها .. يا ريت تقولينا الطريقة نينو ...

 

احنا البارحة عملنا متوم و ... نسيت ... ايه غراتان

 

حقا ... جرى ديكالاج بالجدول ... لما يبقى أكل بالغد نسخنوه و نضيف معاه شي آخر و هو الحاصل

 

نطبخ القليل و مع هذا يبقى ... أنا شخصيا مش كالعادة بهذا العام ما اكل كتير ... رح نشيان :))

 

[زهرة نسرين 246]

اختي ام البراء

حسب ما اعرفه ان ارز بسمتي يقاس بالضعفين

اي 3 اكواب ماء لكل كوب ارز و الله اعلم

نحن في بلدنا لا نستهلكه و لكن رايت وصفات الاخوات لي فيها ارز

و اعذرينا على استعمال لهجتنا لاننا نسينا نفسنا من كثرة وجودنا لوحدنا

 

المهم اعطي لكن وصفة شوربة الذرة

اولا ان كنتن من محبي الذرة اكيد راح تعجبكم

صراحة من يوم طبختها اول مرة في السنة الماضية اصبحت لا اكل شوربة الفريك الا اذا كنت ضيفة عند احداهن

طبخت شوربة الفريك في اول ايام رمضان و الان لا انوي العودة اليها لان حتى زوجي يحب شوربة الذرة كثيرا

المهم

علبة ذرة

بصلة متوسطة مقطعة رقيق جدا و من الاحسن مبشورة

كمية قليلة جدا من المعدنوس و الكرفس

انا اضيف الاكليل و نجمة الارض

اسكالوب مقطع مكعبات

جبن ابيض

نضع كل المقادير مع بعض في القدر و نتركهم يتقلو

نضيف الماء اقل من اللتر

نترك اللحم يطهى جيدا و كذلك الذرة

لما تنقص كمية الماء نطفي عليها

انا احبها خفيفة شوي مش خفييييييييييفة و لكن شوربة

نضيفلها جبن مبشور بعد الطهي مباشرة

هي اسهل ما يكون و لا تاخذ وقت

بالكثير 30د

ان شاء الله تجربوها و تعجبكم

[زهرة نسرين 246]

لي سؤال من فضلكن عن العجينة المورقة

انا اشتريتها جاهزة و لما عملت بيها لي مونشون ما كانت النتيجة مرضية

قلت ربما لازم يعملولها شيء قبل استعمالها

هل تستعمل مباشرة او هناك امور اخرى؟

ان شاء الله تجاوبوني في اقرب وقت

[حياة إسلامية 135]

أهلا نسرينة ....

 

نعم اختي الحبيبة تتعمل مباشرة ... عملتها منذ مدة هنا هاهو الرابط ..

 

 

تطبيقات عجينة البف بستري .. مونشون + فولوفون ...

 

بورك فيك على الوصفة ... نجربها ان شاء الله متوفرة عندي المكونات .. اسعدك الله

 

تم تعديل 6 أغسطس, 2011 بواسطة إسـلامية

[زهرة نسرين 246]

شكرا اسلامية

ان شاء الله نحضرها وحدي المرة الجاية

انا شريتها جاهزة

لما تكون جاهزة ما نديرلهاش زبدة و لا زيت كي نحلها

نستعملها مباشرة نحلها فقط؟

انا استعملتها مباشرة و ما عحبتنيش

 

ان شاء تجربي شوربة الذرة و تعجبك

[♥ أمـ نـادية ♥ 4]

اشكرك اسلامية ، الطريقة اللى قلتى عليها دى هى نفس طريقة الارز العادى ...

 

شكرا نسرين بس 3 اكواب ماء احس انه كتير ..

 

جزاكن الله خيرا يا غاليات اهل الخليج اكثر استعمالا للارز البسمتى وهما ادرى اكيد اتمنى لو اخت من هناك تقولى.

 

:)

[ღ سديـــم ღ 199]

السلام عليكــم ورحمـة الله وبركاتــة ،،

 

حيا الله ام البراء

 

بالنسبة لسؤالك يا غالية

 

انا أطبخه دائما و المعيار كما قالت الغالية .. إسلامية ..

 

فقط يكون بمقدار يغطي الارز و ان احتاج مرة اخرى تضيفي قطرات يسيرة ..

 

او بمعيار كاس و ربع ماء على كل كأس أرز

 

انا عادة لا استخدم المعيار اطبخه بالبركه :) .. لان هناك بعض انواع الارز البسمتي تحتاج ماء اكثر من غيرها

 

وفقك الله يا غالية

[زهرة نسرين 246]

السلام عليكم

اليكن بعض صور ما حضرته

 

 

 

 

 

 

 

 

 

هذو مش في يوم واحد طبعا

ان شاء الله يعجبوكم

حتى الان فقط تمكنت من استعمال الكابل

اعدكم بالمزيد

و انتم اين موائدكم؟

[* قدوتي عائشة* 60]

السلام عليكــم ورحمـة الله وبركاتــة ،،

 

ماشاء الله نسرين راكي طباخة ماهرة...مائدتك الرمضانية تشهي اللهم بارك

 

أما بخصوص سؤالك عن العجينة المورقة الجاهزة فمن المفروض ان لا تضيفي لها شيء حليها مباشرة لكن حاولي أن لا تعجنيها

 

يعني كيما تخرجيها من الكيس حليها

 

التي تحضر في البيت أحسن بكثير لكن لازملها الشطارة و لي برا

 

 

 

أنا اليوم حضرت الشوربة مثل العادة و لوبيا ماشتو و بطاطا و جزر سوتي(فاصوليا خضراء سوتي) و اسكالوب

و فطائر و تارت بالعنب

 

 

اسلامية افتقدناك في المنتدى لم تظهري من مدة :mrgreen: