عيزه اسطب ويندوز جديد

[دعاء بنت مصر 8]

السلام عليكم ورحمه الله وبركاته

 

لو سمحتم عيزه اسطب ويندوز جديد

 

انا عندي كذا اسطوانه ويندوز اكس بي واسطوانه فيستا واسطوانه لويندوز 7

 

وانا نفسي في ويندوز 7 بس الديل اب بتاع النت عندي مش اشتغل عليه فياريت لو في طريقه اقدر اشغله عليه

 

وعيزه بقى اخت ربنا يكرمها كده تتطوع وتقولي اسطب الويندوز ازاي خطوه بخطوه لاني مجربتش اسطبه قبل كده خالص وخيفه الصراحه اعك في حاجه وانا فضيت السي من الحاجات اللي انا عيزاها

 

وجزاكم الله خيرا

[سدرة المُنتهى 87 1317]

 

وعليكم السلام ورحمة الله وبركاته،،

 

حياكـِ الله أختنا الكريمة

 

طيب هذا موضوع كيفية تثبيت نسخة ويندوز جديدة

 

https://akhawat.islamway.net/forum/index.php?showtopic=235511

 

إن شاء الله يفيدك كثيرًا ..

وأنصحك بتثبيت نسخة ويندوز إكس بي .. لأن الجهاز أحسنله الإكس بي عن تجربة لأن هناك برامج كثيرة لا تتوافق مع ويندوز 7

 

اتبعي الخطوات الموجودة في الموضوع السابق ولا تخافي فهو سهل جدًا

أولًا يجب أن يكون عندك اسطوانة التعريفات الخاصة بالجهاز وإن لم يكن عندك الاسطوانة فاتبعي خطوات الحصول عليها في الموضوع السابق

 

ثم تضعي اسطوانة الويندوز وقبلها يجب أن تتأكدي من أن

first boot

يكون على

cd rom

وهذا يتم اختياره عند بداية فتح الجهاز في الشاشة السوداء بالضغط على

f2

أو f10

أو على delete

حسب نوع الجهاز

واختاري boot sequence

وحددي فقط cd rom

 

بعدها ستعمل اسطوانة الويندوز اتبعي الخطوات الموجودة في الموضوع السابق وعموما الخطوات تكون مكتوبة أسفل الشاشة

وانتبهي لشيء مهم جدًا أن يكون الفورمات على السي وليس على درايف آخر والخطوات بسيطة وسهلة وستجدي الجهاز يفتح ويغلق من نفسه حتى يكمل تسطيب الويندوز ويهذا يأخذ حوالي 15 إلى 20 دقيقة

وبعدها قومي بتغيير الفرست بووت كما كان وأدخلي اسطوانة التعريفات أو سطبيها من على الجهاز إن لم يكن لديك الاسطوانة وقومي بتحميل البرامج الضرورية

وفقط

 

بالتوفيق ولكن اقرأي الموضوع جيدًا وانتبهي للخطوات

باركـ الله فيكـِ

 

 

 

تم تعديل 16 سبتمبر, 2011 بواسطة سدرة المُنتهى 87

[دعاء بنت مصر 8]

جزاكم الله خيرا حبيبتي سدره

 

طيب معلش سؤال

 

هو لازم اعمل فورمات والفريست بوت وكده ؟؟

 

ولا ادخل الاسطوانه واتبع تعلماتها وخلاص ؟؟

 

مش عرفه حسه اني مستصعبه الموضوع او يمكن علشان انا جبانه شويه وخيفه اللي ع الجهاز يضيع :(

[*اريج الايمان* 46]

ايوة حبيبتى لازم تعملى فيرست بوت

لانك بتختارى المكان اللى هيتسطب منه الويندز

ما تخافى انتى بتعملى الخطوات وان شاء الله تكون سهله

[سدرة المُنتهى 87 1317]

ما تخافي الجهاز مش هيضيع ولا حاجة ولو ضاع يبقي وديه لعمو اللي بيصلح وخلاص

 

الفرست بووت لازم وسهل جدًا عشان يفتح الاسطوانة عالتسطيب علطول

 

واهم شيء اسطوانة التعريفات او اتبعي تعليمات كيفية الحصول عليها في الموضوع السابق

ووقت ما اسطوانة الويندوز اشتغلت هتلاقيها سهلة وهتلاقي الخطوات تحت

[دعاء بنت مصر 8]

جزاكن الله خيرا

 

طيب معلش انا لما كنت بدخل اسطوانات قبل كده وبعمل ريستارت كانت بتشتغل عادي لكن دلوقتي نسخت اسطوانه اكس بي تانيه ولما بعمل ريستارت مبتشتغلش والويندوز بيفتح عادي

 

وانا سطبت ويندوز 7 بس جهاز النت للاسف مش شغال عليه

 

فاعمل ايه دلوقتي علشان الاسطوانه تشتغل عادي؟؟

[دعاء بنت مصر 8]

والموضوع ده الصور مش ظاهره ولا المشكله من عندي ؟؟

 

https://akhawat.islamway.net/forum/index.php?showtopic=134151

[سدرة المُنتهى 87 1317]

جزاكن الله خيرا

 

طيب معلش انا لما كنت بدخل اسطوانات قبل كده وبعمل ريستارت كانت بتشتغل عادي لكن دلوقتي نسخت اسطوانه اكس بي تانيه ولما بعمل ريستارت مبتشتغلش والويندوز بيفتح عادي

 

وانا سطبت ويندوز 7 بس جهاز النت للاسف مش شغال عليه

 

فاعمل ايه دلوقتي علشان الاسطوانه تشتغل عادي؟؟

 

 

عشان حبيبتي لازم تعملي الفرست بووت اول يبقى على السي دي عشان تتفتح الاسطوانة وتمشي في الخطوات بعدها

لكن طالما الفرست بوت عندك على

hdd

هيفتح الجهاز عادي خالص

 

والموضوع اللي بتقولي عليه مافيهوش صور هو شرح كتابي فقط

[دعاء بنت مصر 8]

طيب معلش ياسدره انا دوست على اف 12 باين او اف 2 المهم انه جبلي الصوره السوده بتاعت الجهاز من جوه يعني

 

وانا مفهمتش فيها اوي الصراحه بس اللي قدرت القطه ان في موضوع البوت ده مكتوب بتاع 6 حجات فوق بعض واول حاجه فيهم هي السي دي دي وتاني حاجه حاجه فيها حرف اتش كده بس مش هارد ع ماافتكر وبعدين بقى الباقي عادي كلام مش محدد كده

 

فانا مش عرفه ماشيه كده صح ولا ايه النظام ؟؟

 

وعلى فكره انا لما كنت بحط سيديهات تانيه كانت بيفتح ويقولي دوسي ع اي زرار عادي بس هي السيديهات اللي نسخاها ع الكمبيوتر عندي اللي بتعمل كده مع ان واحده فيهم لما بفتح الكمبيوتر وادوس ع الايقونه بتاعت السي دي بتفتح اوتو رن عادي !!

[سدرة المُنتهى 87 1317]

السلام عليكم حبيبتي

 

انتِ تسألين عن تشغيل أي اسطوانة أم تسألين عن تشغيل اسطوانة تسطيب الويندوز؟؟

إن كنتِ تسألين عن تشغيل اسطوانة الويندوز فاتبعي الخطوات التي ذكرتها لك من قبل وهي تحديد "وضعية الإقلاع first boot" على السي دي أولًا ويمكن ألغاء الوضعيات الأخرى لحين الانتهاء من تسطيب الويندوز الجديد ثم بعد ذلك يتم تعديلها بعد تسطيب الويندوز لتصبح على HDD أولًا

 

أما إن كنتِ تسألين عن تشغيل أي اسطوانة فهي ليس لها علاقة بـ"وضعية الإقلاع First Boot" إما أن تفتح تلقائيًا وإما أن تضغطي عليها كليك يمين ثم اختيار فتح أو "تشغيل تلقائي"

[دعاء بنت مصر 8]

احم انا عكيت :(

 

بصي ياسدره انا دلوقتي سطبت ويندوز اكس بي بروفيشنال من سيديهايه كانت عندي وكان وهو بيتسطب كان بيقولي ان في ملفات مش موجوده ولو تحب تكمل فانا كنت بكمل الصراحه حصلت بتاع اربع خمس مرات لاني قولت اخلص من ويندوز 7 اللي مش عرفه اسطب من عليه حاجه ده

 

المهم جيه شويه والتسطيب مكملش فقفلت الجهاز وقولت شكل الويندوز متسطبش اصلا وهو قبل مايسطبه عملت فورمات لوحده للبارتيشن سي بس لما جيت افتحه تاني كانت بيفتح العلامه بتاعت ويندوز اكس بي في الاول فانا حطيت سيديهايه ويندوز اكس بي تانيه وجربت اني اسطبها بقى دي غير اللي لسه مسطباها المهم اتسطبت كويسه الحمد لله

 

بس لما جيت افتح الكمبيوتر بقى اتضح ان الجهاز تقريبا مش متعرف على بطاريه اللاب توب !!! وكمان لما بفتح البارتيشن (E) بيقولي ان الملفات هنا مخفيه وان فيها ملفات للجهازوكده ولما باجي افتح بالاقي علامتين ان تقريبا في ويندوزين متسطبين !!!!!!!!!!!!!!

 

وانا ليا حاجات ع بارتشين الايي ده اعمل ايه بقى دلوقتي :((

[دعاء بنت مصر 8]

وانا تقريبا بكمل عك وقولت اعمل فورمات للسي فعملتله فورمات بس جيه في اخره وقالي ان الويندوز ميقدرش يعمله فورمات

 

وانا خيفه دلوقتي اللاب يفصل شحن وهو مش متعرف ع البطاريه اصلا (يارب اكون فهمت موضوع البطاريه دي غلط )

[سدرة المُنتهى 87 1317]

السلام عليكم ورحمة الله وبركاته،،

 

أنتِ لم تتبعي الخطوات الموجودة في الموضوع الذي وضعت لكِ رابطه ولهذا حصلت هذه المشكلة

 

بما أنكِ لم تقومي بتحديد وضعية الإقلاع على السي دي فقام بتسطيب الويندوز على الدرايف E وبهذا تكوني قد فقدتِ كل ما عليه وهذا ما حذرتك منه قبلًا

وانتبهي لشيء مهم جدًا أن يكون الفورمات على السي وليس على درايف آخر

ويبدو أن لديك اسطوانة ويندوز سيئة وغير كاملة

 

طيب نعالج المشكلة خطوة بخطوة

أولًا أريد اسم اللاب توب عندك ورقمه بالضبط

 

ثانيًا قومي باستعادة الملفات المحذوفة التي كانت موجودة على E

باستخدام برنامج ريكيوفا وأنتِ تعرفينه

 

وبعدها نبدأ بتسطيب ويندوز آخر لأن لديك الآن نسختين ويندوز ويفضل أن تحصلي على نسخة ويندوز سليمة من أحد الأماكن المتخصصة في تصليح الأجهزة

[دعاء بنت مصر 8]

والله اختي سدره انا اخترت اني اسطبه على السي بالفعل ولاقيت الاسطوانه نفسها بيقولي انه هيفرمت البارتشن نفسه لكن في الاسطوانه التانيه الصراحه مسالنيش عيزه اسطب الويندوز على انهي بارتشين

 

انا وديته لمركز كمبيوتر امبارح وقالي انه هيشتغل في موضوع الشاحن لانه فيه مشكله تقريبا ومش هيشحن وبعدي قالي امر السوفت وير سهل والحمد لله الملفات اللي على البارتشين متمسحتش وهو شال الاخفاء اللي على الملفات وشفتها بفضل الله وقالي انه هاخده السبت بس اخدت اللاب معايا علشان ليا حاجات عليه انقلها على فلاشه

 

ادعيلي بقى الشحن اللي فيه يقدر يخليني انقل الملفات دي :(

 

وجزاك الله خيرا على تعبك معايا :)

وان شاء الله لما يتصلح هاطمنك دعواتك بس :)

[سدرة المُنتهى 87 1317]

طيب حبيبتي

 

بالتوفيق

[دعاء بنت مصر 8]

الحمد لله ياسدره الراجل صلحلي موضوع الشاحن ده وسطبلي ويندوز اكس بي بروفيشنال سيرقس باك 3 وجبته امبارح

 

بس مشكلته انه خطه صغير اوووووووووووي ولما بجيب من appearance

مبلاقيش الايقونه اللي متعوده اكبر منها الشاشه بس جايب اوبشن تاني اني اكبر حاجات معينه زي مثلا الجزء الازرق اللي بيحدد البوكس من فوق اني اتخنه او اصغره او الايقونات او كده وانا كبرت الايقونات اللي ع الديسك توب بس الكلام في الفير فوكس والمسنجر والسكاي بي وكده لسه صغير اوووووووووووي

[سدرة المُنتهى 87 1317]

طيب حبيبتي جميل إن شاء الله يبقى تمام

 

بالنسبة للكلام الصغير جربي من كليك يمين على الديسك توب واختاري خصائص واختاري settings

 

ومنها خلي screen resolution على

800

by 600 pixels

وهتلاقي الكتابة كبيرة ان شاء الله

[دعاء بنت مصر 8]

انا لاقيتها على اكتر حاجه 1200 ولما حاولت اقللها شويه الشاشه اتضغطت وظهر شريط اسود فوق وتحت

[دعاء بنت مصر 8]

ولما بدوس

ADVANCED>>DPI settings>>large size(120 DP1)

 

بيطلعلي الصوره دي

 

http://www.m5zny.com/upfiles/myr95095.bmp

 

ولما بدوس اوك بيطلعلي كده

 

http://www.m5zny.com/upfiles/otl95095.bmp