فطييير ببودنج الفانليا او الكاستر بالخطوات وبالصور من مطبخى

[~ماريا~ 1340]

حبيبتي أمة

لا مش بتتعمل علي نار عالية

بتعمليها علي نار منخفضة حتي تنفش

وعادي ممكن تشغلي الشواية من فوق بس علي اقل درجة ايضا

[يسرا عبد الرحمن 718]

طيب معلش يا يسورة هو درجة حرارة الفرن بتكون عالية عشان ماتقعدش فترة طويلة وتنشف زي الفطير؟

يعني بتكون درجة الحرارة على اعلى حاجة؟ و هل بتفتحي معاها الشواية في نفس الوقت و لا بعد ما تحمر من تحت تقفلي النار و تشعلي الشواية لتحمر من فوق؟

و جزاك الله خيرا

لا طبعا بتكون متوسطه او هادئه قليلا كما قالت ماريا

بصى انا باتركها فى الفرن لغاية ما تحمر من تحت ومن فوق وطبعا على حسب كل فرن

يعنى لو احمرت عندك من تحت ولعى عليها الشوايه وتكون نارها هادئه ولا تتركيها كتير تحت الشوايه يعنى يا دوب الوش يحمر

وانت من اهل الجزاء حبيبتى

وبعدين ايه معلش دى وليه معلش انا تحت امرك يا غاليه

[~ماريا~ 1340]

للرفع

:)))

[هبة نور 2043]

للرفع

:)))

للرفع

:)))

يرفع قدرك يا عين اختك

[هبة نور 2043]

لا مؤاخذة يا يسورة اصلى داخلت ادور على طريقة فطير الفطاطرى

 

وبعدين ماريا قالت هتلاقيه عند يسرا

 

يجعله عامر يا اختى

[~ماريا~ 1340]

هههههههههههههههههههههههههههههههه

جربيه هيعجبك جدااااااااااااااااااااااااااا

[هبة نور 2043]

طيب قوليلى يا ماريا

 

يعنى اربع ورقات بس يعملوا فطيرة

 

مش قليل اوى كدة

 

ولا انا مافهمتش صح

 

وبصراحة انا خايفة احشيه اى حاجة عشان بعيد عنك حشيت الجلاش مهلبية قبل كدة

 

وبقا معجن ومايتاكلش ورميته طبعا

 

طيب اشرحيلى واحدة واحدة اصل اختك بتخاف من التجارب ومن نتايجها

 

انا دخلت مخصوص عشان استفسر

 

يعنى نص كيلو جلاش يعمل اكتر من واحدة ولا الواحدة تتعمل بنص كيلو جلاش

 

عذرا لغبائى

[~ماريا~ 1340]

بصي يا هبه

متخفيش مش هتعجن ولا شيء

انت بتفردي الاربع ورقات زي ما يسرا عملت كدا وفي النص بتحطي المهلبيه او الكاستر وتقفلي عليهم كل ورقه لوحدها

العلبه هتعملك 3 وحدات فهمتي

 

بترصيهم في الصينيه مدهونه زيت وتدخليهم فرن حامي وتهدي عليهم لحد ما تحمر

اول ما يطلعو اسقيهم بالشربات ورشي السكر المطحون وحطيهم في التلاجه لما بتكون بارده بتكون اطعم وبتكون المهلبيه مسكت

فهمتيني؟؟؟؟

[هبة نور 2043]

يا يسرا

 

يسرااااااااااااااااااااااااااااااااااااااااا

 

تسلم ايدك يا حبيبتى

 

شكله رائع ماشاء الله

 

هو ممكن يتعمل سادة من غير حشو ؟

[يسرا عبد الرحمن 718]

يا يسرا

 

يسرااااااااااااااااااااااااااااااااااااااااا

 

تسلم ايدك يا حبيبتى

 

شكله رائع ماشاء الله

 

هو ممكن يتعمل سادة من غير حشو ؟

ايوااااااااااااااااا

جزاك الله خيرا حبيبتى

لو مش عايزه تحشيه كاستر يبقى تعملى الاتى

تجيبى نصف كيلو الجلاش وافردى ورقه ورقه في صينية مستطيلة وادهنيها بالقليل جداا من الزيت في كل طبقه لغاية ما تخلصي نصف الكميه

وبعد كده تحطي في النصف خلطة مكونه من (سودانى مطحون وجوز هند وزبيب وسكر خشن )

وبعدين تحطي نصف كميه الجلاش الاخرى بنفس الطريقه الاولى وتدخليها الفرن وتكوني مسخنه الفرن من الاول

وأول ما الوجه يحمر طلعيها وحطي عليها الشربات ويكونوا الاثنين سخنين جدااا

وبعدين صفي الشربات من الصينيه ودخليها الثلاجه ولما تبرد قطعيها وبالهنا والشفا

[هبة نور 2043]

يسرااااااااااااااااااااااااااااااااااااااااااااااااااااااا

 

يا يسراااااااااااااااااااااااااااااااااااااااااااااااااااااااااااااااااااااااااااااااااااااااااا

 

بس دى تبقا طريقة الجلاش العادية اللى انا بعملها اصلا لكن انا عايزة الفطير بتاع عمو الحلوانى

 

اصل انا هقولك حكايتى

 

اصل انا يا اختى وانا صغنونة كانت ماما الله يرحمها تاخدنى عند عمو الفطاطرى وتجيبلى فطيرتين

 

واحدة بالسكرة البودرة وواحدة بالجبنة القديمة وكنت اشوف الراجل يعمل الفطير قدامى يقعد يفرد فيه ويحط سمنة ولا زيت مش عارفة

 

وبعدين يطبق العجينة ويدخلها الفرن بس بتبقى مش مشلتتة خالص ده نوع غير المشلتت

 

تعرفيه يااختى ولا لأ

[يسرا عبد الرحمن 718]

يسرااااااااااااااااااااااااااااااااااااااااااااااااااااااا

 

يا يسراااااااااااااااااااااااااااااااااااااااااااااااااااااااااااااااااااااااااااااااااااااااااا

 

بس دى تبقا طريقة الجلاش العادية اللى انا بعملها اصلا لكن انا عايزة الفطير بتاع عمو الحلوانى

 

اصل انا هقولك حكايتى

 

اصل انا يا اختى وانا صغنونة كانت ماما الله يرحمها تاخدنى عند عمو الفطاطرى وتجيبلى فطيرتين

 

واحدة بالسكرة البودرة وواحدة بالجبنة القديمة وكنت اشوف الراجل يعمل الفطير قدامى يقعد يفرد فيه ويحط سمنة ولا زيت مش عارفة

 

وبعدين يطبق العجينة ويدخلها الفرن بس بتبقى مش مشلتتة خالص ده نوع غير المشلتت

 

تعرفيه يااختى ولا لأ

رحمها الله رحمة واسعه وغفرلها وأسكنها فردوسه الأعلى

أيوه دى جدتى ربنا يبارك فيها كانت بتعملها لى ولأخواتى وأحنا صغار

ولما كبرنا كنا بنشتريها جاهزه

بحبها جدااااااااا

طب أصبرى عليا حعرفلك أراراها

[هبة نور 2043]

جدعة يا يسرا

 

هديكى فرصة تلات ايام بحالهم عشان مايكونش عندك حجج بعد كدة

 

يلا بسرعة انتشرى

[يسرا عبد الرحمن 718]

ههههههههههههههههههههههههههههههههه

من عيوني

[هبة نور 2043]

فينك يا ليدى يسرا

 

شكلك لسة ماعرفتيش اراره

 

كل يوم اجى ابص الا قيكى لسة غطسانة

 

هتقبى امتا يختى