ريحانة زوجي 63 أرسلي تقرير عن المشاركة قامت بالمشاركة 25 مايو, 2012 الحمدلله ذكذوكة النهاردة بريئة ومعملتش حاجة مالست كويسة أهيه أمال بتظلميها ليه يا هوبة هههههههه شارك هذه المشاركه رابط المشاركه شارك
(أم *سارة*) 981 أرسلي تقرير عن المشاركة قامت بالمشاركة 25 مايو, 2012 معاكِ حق والله يا ذيكو قصدي يا هوبة الموضوع ده منتشر جدًا في البيوت بحجة دول اخواتها وأبوها ونسيوا الحوادث والمصايب اللي بتتنشر وبتتذاع كل يوم للبنات من محارمهم والامر من كدة إن الكلام ده بتلاقيه عند بعض المنتقبات بحجة هو أنا هستغطى برة وجوه لازم ألبس كل اللي محرومة منه أنا والبنات هو احنا إذا خفنا من ولادنا وأبهاتنا يبقى فين الأمان بقى ولا تعرفيش تردي عليهم بحاجة ابدًا بس الحشمة حشمة ما دام الواحدة ربنا رزقها بالجنسين فلازم يكون هناك ضوابط حفاظ على مشاعر البنين وخاصة في هذا الزمن جزاكِ الله خير الجزاء هوبة شارك هذه المشاركه رابط المشاركه شارك
~أملي بالله كبير~ 63 أرسلي تقرير عن المشاركة قامت بالمشاركة 25 مايو, 2012 فعلاً حلقة مهمة اوي وتنبه على الخطورة اللي بتحصل في داخل البيوت انا لله وانا اليه راجعون اللهم اهدنا جميعاً وفرج عن كل المسلمين شارك هذه المشاركه رابط المشاركه شارك
اعتز بالاسلام 126 أرسلي تقرير عن المشاركة قامت بالمشاركة 25 مايو, 2012 الحمدلله ذكذوكة النهاردة بريئة ومعملتش حاجة مالست كويسة أهيه أمال بتظلميها ليه يا هوبة هههههههه شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 26 مايو, 2012 يا مرحب يا كتاكيت يا حلوين يا محتشمين جدعة يا ام اروى يختي واروى ان شاء الله هتطلع جدعة وحشمة زي امها حكم ابنك على ما تربيه وجوزك على ما تعوديه ازيك يا كراميلا روحي يا بت خملي الكوزينة يا زوينة يللي بقعد في ملفك افك طلاسم وشفرات عشان افهم كلمة مغربي واحدة ما بعرفش كفكريني اصبن الملاطي عشان الصيف جه الحمد لله ومش محتاجين الملاطي في حاجة سبحان الله كنت فاكرة الملاطي هي القيشاني والسيراميك لكن طلعت البطاطين مش بقولك يخرب بيت اللي يزعلكو نصورة حبيبتي نورتيني يا عسل اصل انا غاوية قافية ههههههههههههههههههه العجل المنقوع على وزن العشق الممنوع ربنا يعافي بيوت المسلمين من العشق الممنوع والعشق الحرام ريحانة العسولة اهلا يا عين اختك ايوة ذكية المرادي جاية ناصحة امينة الحمدلله مش كل مرة بتاعة مشاكل بس ما تخافيش هعوضهالك الحلقة الجاية ان شاء الله منولة الكتكوتة والله يا اختي ما بعرف ازاي يقعدوا قدام المحارم بالشكل ده الله يهديهم توكلت على خالقي ومولاي اهلا يا توتة البطوطة فرحانة اوي انك جيتي لخالتك ذكية وعرفتي عنوانها يا عسل اعتز بالاسلام اهلا يا معتزة يا سكر خير بعد الشر هو قلمك اتقصف وشغالة اقتباسات ههههههههههههههه كنا عايزين رأيك يا سكر شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 26 مايو, 2012 اين أنتي يا ابلة سجودة مش راضية انزل الحلقة الجدودة الا لما تبقى موجودة وتردي على اللي فاتت فين رأيك في الموضوع ؟ شارك هذه المشاركه رابط المشاركه شارك
الوردة الصافية 162 أرسلي تقرير عن المشاركة قامت بالمشاركة 26 مايو, 2012 الحلقة جميلة و مفيدة بارك الله فيك خلتو هبة على الحلقة فهناك كثير من الأخطاء الي تفعلها الأسرة داخل البيوت ربنا احفظنا من كل سوء شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 26 مايو, 2012 مع أني زعلانة منك يا هوبة إلا أنني لا أقدر الاستغناء عنك ولا عن ذكية هههههههههههه بالفعل فهذا ما يحدث في بيوت المسلمين لهذا كثر زنا المحارم والعياذ بالله الهم احفظ شبابنا وبناتنا من الفتن ماظهر منها وما بطن وابق خليك تعدي على الورود اللي نزلتهالك يا مطنشاني انت =) شارك هذه المشاركه رابط المشاركه شارك
محبة النبي عليه الصلاة والسلام 6 أرسلي تقرير عن المشاركة قامت بالمشاركة 27 مايو, 2012 يابت انتي مالكيش حل وقعدت ادور انا كمان علي البت اللي سرقت منك القصة اهزئها انا كمان بس مش لقيت احنا معاك ياباشا في اي مكان شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 27 مايو, 2012 السلام عليكم ورحمة الله وبركاته ^___________^ حيا الله هبة الغالية تسلمي حبيبتي ... الحمد لله أتيت قبل أن تنزلي الحلقة الجديدة وما فعلته صديقة ذكية لا يمت للدين ولا للشرع بصله خاصة أنها نقلت هذه العدوى لأبنائها وبناتها وصار التفسخ عادة لهم لا يرون فيها بأس فضاع الحياء وضاع الستر ولكن دعيني أفصل بعض الشيء حبيبتي وأعتقد أن رأيي معروف في هذا الأمر لمن يتابعني ^__^ لبس المرأة أمام أولادها له حدود .. ولكن لا يجب أن يؤثر هذا على حياتها مع زوجها وقد بحثت في فترة من الفترات عن فتاوى وأحكام لهذا الأمر ووجدت ما أراحني بأن عورة المرأة أمام النساء والمحارم ... هي مواضع الزينة الخاتم موضعه الكف ، والسوار موضعه الذراع ، والقرط موضعه الأذن ، والقلادة موضعها العنق والصدر ، والخلخال موضعه الساق فمثلا تلبس نصف كم أو كت عريض ..وتلبس حتى أسفل الركبة فهذا لا بأس به ولا حرج لأنني وجدت أن كثيرات يأخذن هذا الأمر ذريعة في عدم التزين ويمنعن أنفسهن وأزواجهن من الملابس الجميلة بحجة أن عندي أولاد ذكور فلا تلبس إلا الجلاليب ... والساتر لكامل الجسم وترجع تشتكي إذا رأت زوجها ينظر للخارج أو يريد الزواج من أخرى ما المانع أن تلبس المرأة ما تريد من ملابس في حدود الشرع والعرف والتقاليد عن نفسي لا أجد أبدا حرجا في ذلك ولن أمنع أبدا زوجي حقا هو له ...في أن يرى زوجته بملابس شيك وجميلة هذا رأيي ... والذي وجدت أن بعض الأخوات يخالفنني فيه :) بارك الله فيك غاليتي وجزاك الله خيرا وفي انتظار الحلقة القادمة ..,عذرا على التأخر ^ ^ 2 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 28 مايو, 2012 الحلقة جميلة و مفيدة بارك الله فيك خلتو هبة على الحلقة فهناك كثير من الأخطاء الي تفعلها الأسرة داخل البيوت ربنا احفظنا من كل سوء يختي يا عين خالتو يا صغنن يا كميل انت نورتي يا هلولة يا عسل شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 28 مايو, 2012 يابت انتي مالكيش حل وقعدت ادور انا كمان علي البت اللي سرقت منك القصة اهزئها انا كمان بس مش لقيت احنا معاك ياباشا في اي مكان يا حبيبتي يختي تسلميلي يا قلب اختك بصي هتلاقيها في منتدى اسمه ايف مصر يعني حواء مصر والبت اللي سرقاه اسمها عروسة حواء المفروض تسمي نفسها نشالة حواء لما تلاقيها كتفيها وهاتيهالي اقوم معاها بالواجب ولا يعني اتسرق واسكت يا محبة يختي والناس تاكل وشي شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 28 مايو, 2012 نورتي يا حواويئو يا ام هالة والله بتنوري الموضوع بطلتك الحلوة يا عيوني ابلة سجودة اخيرا جيتي يا ابلة سجودة كلامك مظبوط طبعا الواحدة تلبس شيك وحلو ويجنن بس بضوابط امام المحارم ومع جوزها تبقى تشيل الضوابط والروابط هما حرين مع بعض بقى شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 28 مايو, 2012 *~* يوميــ الست ذكية ـــــــات *~* (38) بقــ هبةنور ــلم ذكية النهاردة صوتها جايب لآخر الدنيا وعمالة تنده على جارتها اللي في الشقة اللي قصادها ومتعصبة خالص يا ترى ليه تعالوا نشوف ايه الحكاية يا عواطف انتي يا عواطف يا عواااااااااااااااااااااااااااااااااااطف انتي يا ست عواطف عواااااااااااااااااااااااااااااااااااااااااااااااااااااااااااطف ايه يا ذكية في ايه يختي مالك بتزعقي كدة ليه هو انتي يا جارة الهنا مش بعتي الواد المقروض ابنك امبارح عشان ياخد عشرين مشبك غسيل ايوة يا ذكية طيب ما انا رجعتهوملك مع الواد انهاردة انتي رجعتي تمنتاشر مشبك بس وطمعتي في مشبكين يا حرامية المشابك لا حول ولا قوة الا بالله . والله يا ذكية انا عدتهم قبل ما ارجعهوملك وكانوا عشرين عيب عليكي يا عواطف اطلعي بالمشابك بدل ما اخلي فضيحتك بجلاجل والله يا ذكية انتي مفترية انا ماختش منك حاجة طيب انا عرف ارجع مشابكي ازاي . الواد ابنك عندي جوا بيلعب مع حمادة انا هاخده رهينة ومش هتشوفيه تاني الا لما تقبي بالمشابك طيب بالله عليكي غديه يا ذكية عشان الواد على لحم بطنه من الصبح انتي هبلة يا ست انتي انا بقولك هاخده رهينة مش هاخده اعوضه عن حنان امه . انا بعون الله هربطه في رجل السرير واخلعله ضوافره وانتفله حواجبه واعميله عنيه يا لهوي يا ذكية كل ده عشان مشبكين وكمان ظالماني فيهم . طيب خلاص سيبي الواد وانا اقولك خبر حلو خبر ايه الحلو ده يا شيخة منصر المشابك مش انتي كنتي عايزة تشتغلي ايوة امال ايه عايزة طيب في واحدة ست هانم كدة كانت عايزة بيبي سيتر عايزة ايه دي يعني عايزة جليسة اطفال لولادها طيب ما تجلس هي مع ولادها ولا الحوجة للبوبي سيتو لأ يا ذكية لأ اصلها موظفة ووقتها مش ملكها ومش فاضية تقعد بالعيال طيب وهتديني كام هتديكي بالدولار يا بت يا ذكية صحيح يا عواطف يعني الدنيا هتضحكلي يابت وهجيب التوكتوك اللي نفسه فيه وابقى من الأكابر طبعا طبعا يا ذكية طب اديني العنوان سيبي الواد الأول حاضر يختي . روح لامك يا عبده عشان تحميك وتغيرلك الهدوم المعفنة اللي انت لابسها دي وماتجيش تاني الا وانت لابس شبشب في رجليك بهدلتلي الدنيا جاتك الهم حاضر يا خالتي ذكية اسكت يا عبد الصمد مش انا هشتغل بوبي سيتو بوبي ايه يختي يعني جليسة اطفال ياخويا انا مش موافق يا ذكية وبعدين انا مش محتاج لشغلك لكن انا محتاجة لشغلي ليه يا ذكية .انتي كل طلباتك مجابة ومش ناقصك حاجة وعمري مارفضتلك طلب لا يا عبد الصمد انا طلبت منك كوتشي من اللي بينور الشهر اللي فات وماجبتليش طيب هجيبهولك وشيلي فكرة الشغل من دماغك لأ يا عبد الصمد هشتغل والعيال يا ذكية العيال مش محتاجينلي والاكل في التلاجة والمكوجي بيكوي زي الفل والحمدلله عن اذنك عندي معاد مع الست اللي عايزة البوبي سيتو عايزة الحق يا ذكية انتي بوبي من غير سيتو صباح الخير يا ست انتي البيبي سيتر ايوة يا ست واسمي ذكية اهلا يا ذكية . تونة لأ تشكري لسة متغدية قبل ما اجي لأ انا اسمي تونة مفتتة ولا قطع يختي انا بابي هو اللي سماني الأسم ده عشان مامي كانت موظفة وكان مافيش اكل في البيت غير التونة يا كبد امه يعني سماكي الاسم ده من قهرته ومامي اسمها سردينة عشان برضو تيتة كانت موظفة وماكانش في اكل في البيت الا السردين ايوة ايوة فهمت يبقى اكيد ستك الله يرحمها كان اسمها الحاجة سلمون انتي عرفتي منين ماهي شجرة عيلتكو باينة طيب بصي تخلي بالك من الاولاد كويس اوي وتهتمي بمواعيد اكلهم لكن خلي بالك اكتر من توتي عشان لسة بيرضع طيب وده هرضعه ازاي ده محتاجك انتي يختي عشان اللبن الطبيعي بتاعك ايها المرأة الحلوب لأ انا مش برضع يا عيني يختي يبقى اكيد واحدة دخلت عليكي نشفت لبن صدرك لأ ماحصلش انا اللي مش بحب ارضعه ايوة ايوة يبقا اكيد الواد ده ابن جوزك وبلاكي بيه وانتي بتربيه وسط العيال عشان بنت اصول لأ لأ طبعا مش كدة يبقى اكيد لقتيه على باب جامع وختيه عشان تكسبي فيه ثواب انتي بتقولي ايه ده ابني نور عيني جاكي قلع عينك يا بعيدة تونة انتي ياتونة يا توووووووووووووووووونة عن اذنك هكلم جوزي روحي يختي طريق السلامة خير خير في ايه يا صبري انا نفسي اكل طبيخ ورز ولحمة زي زمان ايام امي يعني شايفني فاضية انا ست موظفة وماعنديش وقت للكلام الفاضي ده والله انتي ظلماني وظالمة العيال اللي بتنزلي وهما نايمين وترجعي وهما نايمين ومالكيش اي علاقة بيهم والله انا مش هتنازل عن طموحاتي ومركزي عشان شوية عيال ده اخر كلام عندك ومافيش غيره عندي طيب انا ماشي واستني ورقتك ايه انت بتقول ايه استنى يا صبري استنى نتفاهم ارجوك يا صبرى صبرى اهئ اهئ اهئ ايه يا ست تونة مالك صبري مشي ومش راجع تاني عشان مش لاقي راحته معايا يعني ايه ياست هيطلقك ايوة ايوة اهئ اهئ اهئ يا لهوي طيب خدي يختي شيلي المحروس توتي عشان الحق اعمل حلة محشي لعبد الصمد وادعكله رجليه بالحجر يمكن يسامحني يا ام توتي منتديات أخوات طريق الإسلام 3 شارك هذه المشاركه رابط المشاركه شارك
خُـزَامَى 1492 أرسلي تقرير عن المشاركة قامت بالمشاركة 28 مايو, 2012 ههههههههه ايوا ياذكية اجري سوي حلة المحشي قبل يقع الفاس فوق الراس شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 28 مايو, 2012 ههههههههه ايوا ياذكية اجري سوي حلة المحشي قبل يقع الفاس فوق الراس لا لا لا مش ممكن مش مصدقة عنية ياولاد ابلة زهورة بحالها ردت على ذكية يا سعدك يا هناكي يا ذكية ايه النور ده يا ابلة زهورة ما اتحرمش من دخلتك علية يا نور عنية تعالي يختي اغرفلك طبق محشي شمري كمك وتعالي بسم الله ده حدث تاريخي في حياة ذكية المفترية شارك هذه المشاركه رابط المشاركه شارك
ريحانة زوجي 63 أرسلي تقرير عن المشاركة قامت بالمشاركة 28 مايو, 2012 ههههههههههههههههههههههههههههههههه ربنا يهديكي يا ذكيه شارك هذه المشاركه رابط المشاركه شارك
سندس محمود 42 أرسلي تقرير عن المشاركة قامت بالمشاركة 28 مايو, 2012 دمك شربااااااااااااااااااااااااااااااااااات ياذكية فعلآ اذا المرأه قصرت فى حق اولادها تقعد علطول فى البيت من غير كلاااااااااااام تسلم ايديك ياعسل ( هوبة) شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 28 مايو, 2012 ههههههههههههههههههههههههههههههههههههههههه عسل يا هبوبة كالعادة اللهم بارك انا مع تواجد الزوجات فى البيت وضد كل امراة عامله (دة مش معناه انى بكرهم ولا احاربهم لا بس انا معترضة على تصرفهم فقط ) اولا مش ممكن زوجه عامله لا تقصر فى بيتها او زوجها او فى حق اهلها ومهما حاولت ان تقنعنى انها غير مقصرة فلن اقتنع ثانيا الاولاد منذ ولادتهم وهم فى حاجة الى حب وحنان امهاتهم واعتقد لو الامراة تعمل بالتاكيد سينقص اولادها حب وحنان وبالتاكيد دة هيكون له تاثير سلبى على شخصياتهم سواء فى الصغر او فى الكبر ثالثا انا ضد استخدام المربيات للاطفال واعتقد ان فكرة المربية الصحيحة غير موجودة حاليا بل اصبحت مجرد خادمة للاطفال وربما تتضرب الاولاد او تهينهم ولن تحسن تربيتهم انا اعتقد ان عمل المراة خارج بيتها يؤثر على محيط الاسرة وخارجه ولذللك انا ضدددددددددددددده ولكم حق الاختلاف فى الراى معى شارك هذه المشاركه رابط المشاركه شارك
ام اروى السلفيه 1 أرسلي تقرير عن المشاركة قامت بالمشاركة 28 مايو, 2012 هههههههههههههه جزاكى الله خيا يا بلبل انا مش بحب الستات تشتغل الاهم تربيه اولادها وترعى زوجها احسن مايدور على اللى يرعاه بس فى ستات مضطره تنزل تشتغل دول بقى الله يكون فى عونهم شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 28 مايو, 2012 ^_____^ بارك الله فيك هبهوب .. 1 شارك هذه المشاركه رابط المشاركه شارك
~أملي بالله كبير~ 63 أرسلي تقرير عن المشاركة قامت بالمشاركة 29 مايو, 2012 حلقة جميلة واخيراً. ادركت الست ذكيه انه ملهاش غير زوجها واولادها فعلاً المرة ديه ذكيه ولحقت نفسها من اول يوم اشتغلت فيه هههههههههههههههه الله يهدينا جميعاً لكل خير ويقر اعيننا بازواجنا. ويقر اعينهم فينا يعني الله يخلي كل وحده وزوجها :) سبحان الله انا استغرب من المرأة التي تشتغل كيف حياتها وهل زوجها سعيد معها شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 29 مايو, 2012 ^ـــــــــــــــــــ^ حلقة روعة وفي الصميم . وكويس إن ذكية فهمت ولحقت نفسها جزاكِ الله خيرا هوبة الحبوبة شارك هذه المشاركه رابط المشاركه شارك
(أم *سارة*) 981 أرسلي تقرير عن المشاركة قامت بالمشاركة 29 مايو, 2012 (معدل) لا حول ولا قوة إلا بالله بصرف النظر عن المشبكين اللي ضاعوا لذيكو وفضحت الدنيا علشانهم وعن الأسلوب اللي يهلك من الضحك كعادة الكاتبة الرائعة الموهوبة إلا إن من المؤسف واللي عمت به البلوى في زمننا هذا هو ذلك الطموح وإثبات الذات الذي سيطر على المرأة وتركها لبيتها وأولادها والتخلي عن المسئولية الأولى والأخيرة لها مع أن أعلى طموح وأعلى مكانة تستطيع أن تصل لها المرأة دون سواها من البشر هو إثبات ذاتها الحقيقي ومهارتها في تنشة جيل سيكون هو حامل لواء الدين والأمة وليس تركه لغيرها ليربي بدلاً منها فيزرع في نفوس أبنائها اللامبلاه والأفكار الفاسدة وحرمانهم من الصدر الحنون والمدرسة الحقيقية لهم غير حرمانهم من الطعام الرباني الذي وهبهم الله وكل ذلك من أجل مصطلحات غربية ما أرادت بنا إلا التفسخ والتشتت والانحلال الأخلاقي وإخراج جيل لا ينتمي للبيت ولا للأسرة وبالتالي لا يمنتمي للمجتمع بسبب بعد الأب وعدم تواجد الأم فهي الوحيدة التي تعوض بعد الأب وانشغاله فكيف بيتمهم من الناحيتين من حق المرأة أن تعمل وتطمح للمناصب الإدارية ولكن ليس على حساب الأهم تستطيع إثبات ذلك بعد أن يشب الأبناء وينمو عقلهم ويعوا لكل ما يدور حولهم تستطيع ذلك بعد أن يصبحوا قادرين على الاعتماد على أنفسهم ويصبح لهم فكرهم المستقل والذي بُني على أساس صحيح أكرمك الله هوبة وأسعدك فأنتِ تضعين يدك على جروح الأمة حقًا تم تعديل 29 مايو, 2012 بواسطة منال كامل 3 شارك هذه المشاركه رابط المشاركه شارك
اعتز بالاسلام 126 أرسلي تقرير عن المشاركة قامت بالمشاركة 29 مايو, 2012 السلام عليكم ورحمة الله وبركاته هنعمل ايه يا هبه ياختى العيال من كتر اللعب على الكومبيوتر لوحة المفاتيح بتعلق المهم زيكو لحقت نفسها بس انا ليا تعليق هوه مش ممكن الواحدة تشتغل من غير ما تقصر فى حق زوجها واولادها انا مثلا اشتغل على نصف الاجر بروح ثلاثة ايام بالاسبوع بنتى الكبيرة وابنى بيروحوا مجمع لتحفيظ القران من 8ص الى 1ظ والصغيرة فى الحضانة بنفس الوقت زوجى بقى بيخرج من الساعة 8ص الى الساعة 10م وانا شغلى من 8ص الى 2ظ هوه صحيح بيلح عليا اسيب الشغل انا عارفة انى المفروض اقعد بالبيت بس بصراحة بمل من القعدة لوحدى ايه رايكم بقى جزاكى الله خيرا هبة الحبيبة جعله الله فى ميزان حسناتك على فكرة زوجى لما بيجى من شغله بيلاقى المية والملح وبغسل رجليه برضه مش ذكية لوحدها اللى بتعمل كده يعنى شارك هذه المشاركه رابط المشاركه شارك
