رضــــاك ربي 258 أرسلي تقرير عن المشاركة قامت بالمشاركة 6 سبتمبر, 2012 انا دخلت عالموضوع بالصدفة و انا بقول ايه نشرة اخبار المتزوجين دي فعلا ما لقيتش كلمة اوصف بيها الموضوع بس حستخدم كلمة من لهجتي: مش نوووووورمااااااااااااااااااااااااااااااااااااااااااااااااااااال شارك هذه المشاركه رابط المشاركه شارك
ساره أم حمزه 1042 أرسلي تقرير عن المشاركة قامت بالمشاركة 6 سبتمبر, 2012 هههههههههههه انا بحب ورك الفرخه ^^ شارك هذه المشاركه رابط المشاركه شارك
ritaj 21 34 أرسلي تقرير عن المشاركة قامت بالمشاركة 6 سبتمبر, 2012 طب يا اسماعيل والله ما مسمحاك في ورك الفرخة اطفحه بالسم الهاري ياعيني عليكن بجد ضحكت كثيييييرا هههههه كنت اقولا لاخي عندما كنا صغاااار هههه ذكرايني فيها شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 6 سبتمبر, 2012 سيداتي وستاتي الحلوين اللي عملوا شغل البيت وخلصوا طبيخ واستحموا وقاعدين يشاهدونا نحييكم اللي ما خلصتش شغل البيت وسايبة الاطباق والكوبايات ع الحوض تروح تقضي مصالحها الاول وبعدين تيجي بلا كسل ستات فاضي معاكم حشرية الرخمة من قناة مكسورين الجناح اهلا بكم ومرحبا سوف ننتقل بالأقمار الصناعية لننقل لحضراتكم مراسم صلح الاستاذ محمود ومراته معانا مراسلتنا أم فتحي الغلسة من قدام العمارة ايوا يا ام فتحي يا غلسة ايوة يا ست حشرية يا رخمة اوصفيلنا الاجواء المحيطة يا ام فتحي عربيات الامن المركزي مالية الشارع يا ست حشرية يا رخمة عشان يأمنوا جلسة الصلح ومانعين دخول الحموات عشان دول مسجلين خطر وهيعملوا فتن وهيساعدوا على إثارة الشغب الزوجي احسن برضو خير ما فعلوا خلي الصلح يتم على خير . والاستاذ محمود جه ولا لسة أهو لسة نازل من الميكروباص وشايل بطيخة هو الراجل ده بيستهبل ولا ايه يا ام فتحي . في حد في الدنيا يصالح مراته ببطيخة . ولا يكون ناوي يخبطها بيها على دماغها ويودي نفسه في داهية كله هيبان يا ست حشرية يا رخمة . انا طالعة وراه اما اشوف ايه اللي هيحصل خليكو مشغلين القمر خدي معاكي خوذة يا أم فتحي واقفي بعيد عن الهدف احنا مش مستغنين عنك يختي انا عاملة حسابي ماتخافيش يا ست حشرية السلام عليكم وعليكم السلام ازيك يا عمي اهلا يامحمود يا ابني اتفضل اتفضل البطيخة يا عمي ومكلف نفسك ليه زي بعضه ان شالله ماحد حوش . فين نبيلة لسة فاكر تسأل على نبيلة دلوقتي يا عمي هي اللي سابت البيت من نفسها أنا ما قولتلهاش تسيب البيت هي يعني سابت البيت ليه مش من عمايلك اللي زي وشك ليه بس ياعمي الغلط ده هو انت لسة شوفت غلط يا استاذ . انا تقول لبنتي غوري من وشي يا عمي هي اللي نرفذتني وخلتني اقولها اللفظ الجارح ده داانت ربنا بيحبك ان الامن المركزي مانع امها من حضور الجلسة . الحمدلله . مش قادر اوصفلك سعادتي اد ايه انها مش موجودة واترحمنا من وشها اللي يقطع الخميرة من البيت . لو سمحت اندهلي مراتي حبيبتي عشان اصالحها تعالي يا نبيلة كلمي جوزك ازيك يا نبيلة والله كويس انك لسة فاكر اسمي انا عمري ما انسا اسمك ابدا عشان ده اسم الدادة اللي كانت عندنا وانا صغير . وحشتيني يا بلبلة وانت كمان وحشتني اوي اوي يامحمود . بس انا زعلانة منك عشان زعقتلي وقولتلي غوري من وشي اسف حبيبتي مش هعمل كدة تاني حقك علية . يلا بقى هاتي هدومك ويلا عشان تنوري بيتك اللي ضلم من ساعة ماسبتيه حاضر يا حبيبي تن تن تن تننننننن دب دب دبببببببب يا حفيظ يارب مين اللي بيخبط جامد كدة الحقوا يا جماعة الست ام نبيلة والست ام محمود عمالين يحدفوا بعض بالحجارة وازايز الملوتوف ومش عايزين الصلح يتم الو الو ايوة يا ام فتحي الارسال راح فين يا جماعة الموضوع حمي اوي والضرب شغال من الحموات مثيري الشغب ايوة يا ست حشرية ايوة يا ام فتحي طمنيني على الاوضاع الاوضاع متدهورة ومتنيلة بنيلة يختي . ام محمود وام نبيلة راحوا جمعوا الحموات اللي زيهوم وعمالين يحدفوا ازايز ملوتوف على رجال الامن الشرفاء وعايزين يقتحموا العمارة ويبوظو الجلسة ربنا ينتقم منهم البوعدا . طب وبعدين خلاص الامن هيأمن خروج آمن لمحمود ومراته من الباب الخلفي للعمارة وربنا يستر خليكي بعيد يا ام فتحي عشان القنابل المسيلة للدموع يختي ربنا يتوب علية من الشغل في قناتكو المهببة دي يا ست حشرية ايوة يا ام فتحي . انتي بخير الحمدلله ربنا ستر وافينا بأخر الانباء تم صلح الاستاذ محمود ومراته واعتقال الحموات مثيري الشغب بتهمة اشعال الفتن الزوجية والسعي وراء انتشار الفوضى في البيوت مجرباهم يختي مجرباهم ربنا ينجينا من عمايلهم المطينة كانت معكم ام فتحي بالقمر الصناعي نشكرك ام فتحي ونواصل نشرتنا من قناة مكسورين الجناح 4 شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 6 سبتمبر, 2012 ^ـــــــــــــــــــــــــــــــــــــــــــــ^ مخلصين طبيخ وغسيل والدنيا فل الفل يا ابله حشريه كملي يا ضنايا ههههههههههه شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 6 سبتمبر, 2012 ههههههههههههههههههههههه هو الإرسال اتقطع ولا أيه؟ شارك هذه المشاركه رابط المشاركه شارك
ساره أم حمزه 1042 أرسلي تقرير عن المشاركة قامت بالمشاركة 6 سبتمبر, 2012 ههههههههههههه اللي يقطع الخميرة من البيت أنا اصطبحت بوش مين" "وشه يقطع الخميرة من البيت" هذا تشاؤم، والتشاؤم يسمى الطيرة وهو شرك قال رسول الله صلى الله عليه وسلم: "الطيرة شرك" ثلاثا [صحيح – رواه أبو داود] وقال صلى الله عليه وسلم:"لا طيرة، وخيرها الفأل، قالوا وما الفأل، قال:الكلمة الصالحة يسمعها أحدكم" [البخاري] وقال صلى الله عليه وسلم :"لا عدوى ولا طيرة، ويعجبني الفأل الصالح الكلمة الحسنة" [رواه مسلم] والله أعلم 4 شارك هذه المشاركه رابط المشاركه شارك
ام مريم ويحيى 136 أرسلي تقرير عن المشاركة قامت بالمشاركة 7 سبتمبر, 2012 ام محمود وام نبيلة راحوا جمعوا الحموات اللي زيهوم وعمالين يحدفوا ازايز ملوتوف على رجال الامن الشرفاء وعايزين يقتحموا العمارة ويبوظو الجلسة ربنا يكفينا يا اختى شر الحموات اللى زى دول ما بيصدقوا بس الواحده تغضب شويه ويولعوا الدنيا حرييييقة متابعين معاكى يا ست حشرية ما تتأخريش علينا شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 7 سبتمبر, 2012 ههههههههههههههههههههههههههههههه ياعينى يا هبهوب شكللك جيتى للبنات على الوجيعه ^____^ شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 7 سبتمبر, 2012 ههههههههههههه اللي يقطع الخميرة من البيت أنا اصطبحت بوش مين" "وشه يقطع الخميرة من البيت" هذا تشاؤم، والتشاؤم يسمى الطيرة وهو شرك قال رسول الله صلى الله عليه وسلم: "الطيرة شرك" ثلاثا [صحيح – رواه أبو داود] وقال صلى الله عليه وسلم:"لا طيرة، وخيرها الفأل، قالوا وما الفأل، قال:الكلمة الصالحة يسمعها أحدكم" [البخاري] وقال صلى الله عليه وسلم :"لا عدوى ولا طيرة، ويعجبني الفأل الصالح الكلمة الحسنة" [رواه مسلم] والله أعلم اهلا بالمشاهدة العزيزة وصديقة النشرة ازيك يا سارة يختي منورة قناة مكسورين الجناح لالالالالالالالالالا يا قمر ما قصدتش ابدا ابد ابداااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا التشاؤم من جملة وشها يقطع الخميرة من البيت ده بس الراجل بيمدح حماته ههههههههههههههههه كناية عن كثرة افتعال المشاكل ليس اكثر هنرجع تاني لتعليقات المشاهدين اللي جتلنا ع التويتر ونكمل باقي اخبارنا بكرة ان شاء الله شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 8 سبتمبر, 2012 ايه المزيعه الي بتغيب كتير دي دا انتي اكيد جايه بخساره على القناه هههههههههههههههههههههه شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 سبتمبر, 2012 نشرة اخبار المتجوزين معاكو حشرية الرخمة نقرا التعليقات اللي جاتنا من المشاهدين الحلوين جاتلنا رسالة من حواء بتقول اكتب اسمي على الحلقات عشان ماتطلتش وانا بقول يارب اللي يلطش حلقة ولا خبر انا مش مسمحاه يااختي والله وبعدين ابلة المشرفة قامت بالواجب وكتبت اسمي تعليق من ام جومانة وجنى بتقول هو الارسال اتقطع ولا ايه وانا بقولها اطلعي يختي فوق السطوح اظبطي الطبق . تعليق من المشاهدة راجية رضا الرحمن بتقول انها مبسوطة من النشرة والمذيعة مبسوطة منك يا راجية يختي تعليق من ليل المستغفرين بتقول ان النشرة رائعة واكثر وانا بقولها وانتي عسل واكثر انتي سكر واكثر انتي مهلبية بالشيكورتة واكثر نورتي القناة يا عسل اتمنى رضاه باعتة تعليق بتقول النشرة عاجباها وانا بقولها حتى لو مش عجباكي هتتفرجي عليها هههههههههههههههههه سندسة ام مريم بتقول ان الحموات مابيصدقوا الواحدة تغضب يقوموا الدنيا حريقة وانا بقول هو انتو فاكرين نفسكو في الجنة عشان تعيشوا في سلام مع حمواتكو ولا ايه ساجدة للرحمن باعتة تعليق بتقول براحة ع البنات يا هبة وانا بقولها ليه يختي شيفاني بخنق فيهم ولا بديهوم حقن هههههههههههههههه ام خديجة محبة الله باعتة تعليق بتقول ان النشرة عاجباها وانا بقولها على قناة مكسورين الجناح مش هتغمض عنيك . احجزي مقعدك من الان يا ام خديجة راغبة بالفردوس صديقة النشرة باعتة تعليق بتقول انها متابعة وانا بقولها هذا من دواعي سروري والله ياراغبة يختي . انشري التردد فاطمة 8 منورة يا اختي والله . انتي اللي وجودك معانا مش نورماااااااااااااااااااااااااااااااااال وشيئ لا يصدقه عقل سارة محمد باعتة تعليق بتقول انها بتحب ورك الفرخة انا بقولها لأ بقى انا بحب الصدر بصراحة بالهنا والشفا على قلبك يا سوسو ريتاج اللي بالانجليزي باعتة تعليق اشادة بالنشرة وانا بقولها مبسوطة بمتابعتك يا قمرة ربنا يديم التردد ولا يقطع لنا ارسال شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 سبتمبر, 2012 بيان هام في اشاعة مغرضة بتروجها المشاهدة ماريا ان انا بغيب كتير بقولها حرام عليكي اتقي الله ليه عايزة تقطعي عيشي من القناة يا ماريا يا مؤذية انا جيت اهو انا واقفة بخسارة ع القناة الله يسامحك يا مرمر يااختي 1 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 سبتمبر, 2012 نشرة اخبار المتجوزين من قناة مكسورين الجناح نحييكم سيداتي وستاتي نكمل باقي تفاصيل الانباء بالنسبة للخبر بتاع الست نوال اللي خلت جوزها يغيرلها العربية عشان اصحابها شافوها بيها الاسبوع اللي فات كتير كتير هاتولي الست دي ع التليفون عشان انا مرارتي مفقوعة منها الو ايوة يا نوال معاكي حشرية الرخمة هاي مدام حشرية هاورايو مالكيش دعوة انا كنت عايزة اتأكد من صحة الخبر خبر ايه هو جوزك غيرلك العربية زي ماطلبتي منه طبعا طبعا طبعا هو عمره ماقالي لأ على اي طلب يا سلام يختي ياسلام ليه ان شاء الله ما احنا بيتقالنا لأ خمسين مرة في اليوم . هو انتي احسن مننا في ايه يختي زايدة ايد ولا رجل يعني هو انتي وباقي الستات هتشبهوا نفسكو بيا ولا ايه يا حقوديات انتو . انا جوزي بيموت في التراب اللي بمشي عليه وحفي على مارضيت اتجوزه جاز عليكي الهم يا شيخة . هو انتي عايزة تفرسيني طب اقولك جود باي يا حشرية بقى عشان بحضر الشنط عشان مسافرين باريس نتفسح والطيارة كمان ساعتين وهتتفسحي في باريس كمان . عيني عليا وعلى بختي . اقفلي السكة يا ست انتي واخفي من القناة . يارب سواق الطيارة بدل ما يوديكو باريس يوديكو الصومال وتنشفي زيهوم ال جوزها مابيقولهاش لأ ال وهيغيرلها العربية . وانا جوزي بيديني حق تذكرة المترو بعد ما بيطلع عيني فاصل ونكمل باقي الاخبار اياك تتحركو من قدام شاشتنا المدمرة . اتفرجو ع الكرتون على مااجي 1 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 سبتمبر, 2012 نواصل اخر تطورات الاوضاع الزوجية نشرة اخبار المتجوزين من قناة مكسورين الجناح حشرية الرخمة تحييكم عودة للخبر بتاع هالة الغلبانة اللي بعد ما لبست واتغندرت وحضرت سهرة رومانسية على اضواء الشموع لقيت جوزها ساحب امه وجاي . خبر مستفز ورزل بس هنعمل ايه . معانا في الاستوديو لتحليل الموقف المتردي الخبيرة بالشئون الزوجية الحاجة صابرة عبد الصبور خبرة تلاتين سنة جواز . بنرحب بيكي يا ست الخبيرة اهلا بيكي يا ست حشرية طبعا عايزين تحليل تفصيلي وشامل للحدث بتاع هالة وجوزها لا تحليل ولا حاجة دي مسألة مش محتاجة حيرة . دي عملة عادية من عمايل الرجالة اللي تجيب شلل . المفروض اذا كان المحروس ناوي يجيب امه يتصل ويقول للغلبانة عشان تعمل حسابها . مش جايب امه في ايده وطالع على غفلة ويحرق دم الغلبانة دي .ياخسارة الشمع يختي يا خسارة طيب معانا هالة ع الهاتف ايوة يا هالة اهئ اهئ اهئ ايوة عايزين ايه انتو كمان واحنا مالنا يختي هو انتي هتطلعي غولبك فينا ولا ايه . على العموم عذراكي عشان الموقف المرير ده مر بيا قبل كدة . بس الست الجدعة تاخد الصدمة وتقف على رجليها تاني يا هالة يختي عندك حق يا ست حشرية . انا لازم ابطل عياط واحباط وارجع هالة بتاعة زمان اللي عمايل جوزها ما بتهزش فيها شعرة ايوة كدة يختي ياما دقت على الراس طبول . كلمي الست صابرة الخبرة ايوة يا هالة يابنتي قلبي عندك اهئ اهئ قلبك فيه الخير يا طنط معلش يابنتي المرة الجاية تبصي من العين السحرية لو لقتيه جايب امه تاني في سهرة رومانسية خبي كل الاكل في دولاب المطبخ واطفي الشمع وخشي نامي وخليه هو وامه ياكله بواقي الجبنة اللي في التلاجة عشان يحرم يعمل كدة تاني ميرسي يا طنط على النصيحة الغالية العفو يا هالة انتي برضو زي بنتي وانا عايزالك الخير . معاكي الست حشرية متشكرين يا هالة على المداخلة ميرسي يا ست حشرية مع السلامة نشكر ضيفتنا في الاستوديو الحاجة صابرة عبد الصبور خبيرة الشئون الزوجية 4 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 سبتمبر, 2012 نشرة اخبار المتجوزين نحن معكم وبكم بفضايح البيوت نرتقي عذرا للسرية حكاوينا ع المكشوف واللي يعيش ياما يشوف نشرة اخبار المتجوزين بيوتكم على الشاشة 1 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 سبتمبر, 2012 خبر عااااااااااااااااااااااااااااااااااااااجل تعالوا بسرعة نجاة الاستاذ راضي من تحت انقاض مراته وفرحة عارمة تملأ أجواء العمارة تمكن سكان العمارة المتطوعين في حملة انقاذ الاستاذ راضي من انتشاله حيا بعد خمسة ساعات من تراكم مراته المكونة من خمسين طن من اللحوم البشرية المركزة في القاعدة وذلك بعد الاستغاثة والصراخ ومعنا على الهاتف الاستاذ راضي ايوا يا استاذ راضي حمدا لله على سلامتك ايها الرجل الهمام الله يسلمك يا استاذة حشرية ياترى طلعت سليم ولا فيه كسور وكدمات أنا طلعت مفشفش ومدغدغ ومش قادر اقف على رجلي . الناس انقذوني وشالوني ونيموني في السرير طيب ايه اللي سكتك على مراتك لحد ماوصلت للحجم العائلي ده انا تعبت معاها يا استاذة والله وهي مابتبطلش اكل طول اليوم . فكرنا نشفطلها الدهون . جهاز شفط الدهون انفجر في وشنا قولتيلها تعمل ريجيم واشتركتيلها في مركز للتخسيس في الشارع اللي ورانا لقيتها وهي نازلة واخدة كيس نايلون مليان سندوتشات بطاطس محمرة ولحمة ولما سألتها ايه اللي انتي بتعمليه ده ياست انتي قالتلي اصلي بجوع في السكة وبحب اتسلى وانا ماشية يالهوي هي بتلحق تجوع لحد مابتوصل للشارع اللي وراكو شوفتي المأساة اللي انا فيها يا استاذة حشرية ربنا معاك انت واللي زيك وياخد بيدكو ياخويا . اما اقوم اروح عشان احط المحشي ع النار شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 سبتمبر, 2012 فاصل ونعود اليكم بأخبار طازة انا بعت ام محمد وام خميس ينتشروا في الشوارع ويجيبوا اخبار انتظرونا على قناة مكسورين الجناح شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 8 سبتمبر, 2012 هههههههههههههههههههههههههههههههههههههههههه هههههههههههههههههههههههههههههههههههههههه ههههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههه ^___________________________^ اية الاخبار السودا دى اااااااقصد الحلوة دى صعبت عليا اوى هالة اللى كانت مولعة شموع وفرستنى ممممممممممممممموت اللى بتغير العربية كل اسبوع وراحة تتفسح فى باريس (واحنا بنروح مصر نتفسح فى شقتنا هناك ) الحمد لله اللى نجى الراجل الغالبان دة من تحت دهون مراته اخبارك عسل مكرر يا هوبة اللهم بارك شارك هذه المشاركه رابط المشاركه شارك
رضــــاك ربي 258 أرسلي تقرير عن المشاركة قامت بالمشاركة 8 سبتمبر, 2012 ههههههههههههههههههههههههههههههههههههههههههههههههههههههههههههههه ماااااااااااااشاء اله عالموهبة يا حشرية لازم الكل يبرك عشان ما تصيبكشي عين شارك هذه المشاركه رابط المشاركه شارك
ساره أم حمزه 1042 أرسلي تقرير عن المشاركة قامت بالمشاركة 8 سبتمبر, 2012 سارة محمد باعتة تعليق بتقول انها بتحب ورك الفرخة انا بقولها لأ بقى انا بحب الصدر بصراحة بالهنا والشفا على قلبك يا سوسو الله يكرمك يا هبه ^ــــــ^ شارك هذه المشاركه رابط المشاركه شارك
ام مريم ويحيى 136 أرسلي تقرير عن المشاركة قامت بالمشاركة 8 سبتمبر, 2012 ههههههههههههههههههههههههههههههههههههههههههه متابعين معك يا ست حشرية باقى الاخبار شارك هذه المشاركه رابط المشاركه شارك
ذليلة إلى اللـَّـه 417 أرسلي تقرير عن المشاركة قامت بالمشاركة 8 سبتمبر, 2012 :):):):) اخبار لذيذة زي المحشي اللي هتعمليهولي يا بوبتي ان شاء الله :) مش كده ولا ايه ^_^ متابعة بفضل الله ..خبر خبر ونشرة نشرة وزنقة زنقة ^_^ اللهم بارك .. ظريفة جدا بقولها حرام عليكي لا يجوز قول حرام إلا لو هي حرام فعلاً شارك هذه المشاركه رابط المشاركه شارك
ندى الورود 11 أرسلي تقرير عن المشاركة قامت بالمشاركة 9 سبتمبر, 2012 خلاص انا ادمنت الاخبار بتاعك ياست حشرية شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 9 سبتمبر, 2012 ههههههههههههههههههههههههههههههههههه منتظرين يا حلو شارك هذه المشاركه رابط المشاركه شارك
