نشرة أخبار المتجوزين

[~ماريا~ 1340]

مش لاقيه تعليق

رهيييييييييييييبه يا حشريه

ههههههههههههههههه

[ساره أم حمزه 1042]

نحن نرصد بلاوي الستات

ههههههههههه

[ويبـا 39]

بس جوزها عمل نفسه مسامحها واول ما عرف ان امها جاية راح حط قشرة موز ع السلم وزحلق امها

 

وقالها اللي يكهرب لامي صباع اكسر لامه رجل

 

بجد مقدرتش امسك نفسى من الضحك ماشاء الله عليك وعلى موهبتك

 

ومتابعه معاك باقيه النشرة

[~ أم العبادلة ~ 1903]

@__@

[دره بنقابي 55]

ههههههههههههههههههههههههههههههههههههههههه

[اتمنى رضاه 117]

هههههههههههههههههههههههههههههههههههههههههه عجبتنى اوى يا هوبة "اللى يكهرب صباع امى اكسر رجل امه " رههييييييييييييبة اما الراجل اللى بيحلف بالطلاق عمال على بطال فانا لا اعتبر الرجل رجل اذا لم يستطيع ان يفرض شخصيته بدون حلف سواء مع اصدقائه اواقربائه

[هبة نور 2043]

بقلـــم " هبةنور"

 

 

نشرة أخبار المتجوزين من قناة مكسورين الجناح نحييكم

 

اليكم العناوين وهروح اقطف الملوخية واجيلكو بالتفاصيل

 

سيداتي وستاتي معاكو حشرية الرخمة واليكم العناوين

 

 

 

 

 

كعبلة الست فجلة العجلة في السجادة ووقوعها فوق جوزها وهو قاعد جنب باب الشقة بيربط رباط الجزمة مما أدى الى استغاثته بالجيران عشان يشيلوها من فوقه قبل ما يفطس

 

 

حد يطلبله الاسعاف يا جماعة الراجل هيروح في شربة مية

 

 

خناقة بين الحاجة حفيظة وجوزها الحاج اسماعيل على ورك فرخة

 

يا جماعة حد يضحي عشان التاني مش كدة

 

 

بعد ما هالة لبست اتبرفنت وحضرت عشا معتبر على اضواء الشموع وجوزها رن جرس الباب وجريت عشان تفتح لقيته ساحب امه في ايده وبيقول حطي العشا بسرعة عشان امي جعانة

 

 

قليل البخت يلاقي العضم في الكرشة يا هالة يختي

 

 

نوال اشترطت على جوزها يغيرلها العربية عشان اصحابها شافوها بيها الاسبوع اللي فات كتير كتير

 

اللي يلاقي دلع ومايتدلعش يبقى حرام عليه

 

 

كانت هذه العناوين واروح اقضي مصالحي واجي بالتفاصيل

 

اوعي تتحركي يا ست انتي وهي لحسن اخرطكو زي الملوخية

 

استنوني كمان هقرا تعليقات المشاهدين

 

بالإذن يا حلوين

[هبة نور 2043]

طلب من الحاجة ساجدة المشرفة

 

شيلي ياابلة بعد اذنك عبارة زمن اغبر

 

عشان بصراحة خايفة منها

 

عايزين نضحك مع بعض من غير ذنوب

[أم زيــــاد 881]

ههههههههههههههههههههههههههههههههههههه

جاااااااااااامدة يا هبة

ههههههههههههههههههههههههههههههه

اسلوبك حلو اوي

[راغبة بالفردوس 477]

رائعه ههههههههههههه

[هبة نور 2043]

بقلـــم " هبةنور"

 

سيداتي وستاتي جينالكو بعد الفاصل معانا التفاصيل

 

 

جيران الاستاذ راضي والست فجلة العجلة صحيوا الصبح على اصوات استغاثات من داخل الشقة مما اثار فزع ورعب الجميع

 

وقالولو افتح يا استاذ راضي قال مش قادر افتح الولية وقعت فوقي ومش قادر اتنفس ياتلحقوني يا متلحقونيش الحقوووووووووووووووووووووووووووووووني

 

وقعدوا يقولوا للست فجلة العجلة طب قومي انتي من فوق الراجل قالت انا عندي خشونة في الركبة ورجلي وجعاني وعايزة حد يقومني

 

ولحد دلوقتي الراجل تحت الأنقاض مش عارفين يطلعوه . معانا مراسلتنا أم خميس من قدام باب شقة الغلبان ده

 

 

ايوة يا ام خميس

 

ايوة يا ست حشرية

 

وافينا يختي بأخر التطورات

 

لسة الوضع زي ماهو يا ست حشرية الراجل عمال يقول الحقوني ياناس . شيلوها من فوقي لتموتني الحقوني

 

طب والجيران موقفهم ايه

 

عايزين يكسروا الباب بس المشكلة ان المذكورين واقعين ورا الباب والوضع متدهور

 

لا حول ولا قوة الا بالله

 

طب وبعدين الحل ايه

 

واحد من الجيران اقترح الاستعانة بعربية مطافي والدخول من الشباك عشان ينقذوا الراجل

 

طب اديلنا حد من الجيران نكلمه

 

حاضر

 

كلم الست حشرية يا استاذ

 

يا عيني عليك يا راضي ياخويا يا احسن جار في العمارة

 

انت يااستاذ يللي بتتحسر أنت معانا ع الهوا

 

ايوة يا استاذة حشرية

 

ايه اخر تطورات الموقف

 

انه قولتله الست دي هتجيب اجلك ماصدقنيش . ادي اللي انا خايف منه حصل

 

يا حفيظ يارب . بتقول كدة ليه يا خويا ان شاء الله سليمة بكرة ربنا ينجيه ويرجع احسن من الاول

 

عشمنا في ربنا كبير

 

طب وهتعملوا ايه دلوقتي

 

هنطلع على المواسير وندخل من شباك المطبخ

 

انت ومين ياخويا . هو انتو كذا واحد هيطوع في حملة الانقاذ

 

ايوة طبعا . هو حضرتك فاكرة ان واحد لوحده يقدر يقومها

 

طب ياخويا ربنا يعينكو ويقدركو تنقذوا الراجل من جبل المقطم اللي وقعت فوقه اديني ام خميس

 

ايوة يا ست حشرية

 

خليكي عندك يا ام خميس ووافينا بالأخبار تباعا .

 

طب هروح اشرب عصير قصب من ع الناصية وارجعلوهم تاني يا ست حشرية

 

وماله يختي روحي بلي ريقك وارجعيلهم تاني . بس هاتيلي معاكي شوية في كيس عشان عطشانة انا كمان

 

حاضر معاكو ام خميس من قناة مكسورين الجناح

 

 

طيب ناخد فاصل ونروح للخبر اللي بعده ان شاء الله خليكو قاعدين اوعوا تروحوا كدة ولا كدة انا بحذركو

[ندى الورود 11]

فظظظظظظظظظظظظظظظظظظظظظظظظظيعة

اللهم بارك موهوبة يا هبهوووووووووووبة

متابعين ياختى

[سماء الفردوس 305]

جميل ياهبه ماشاء الله عليكى

 

اخبار ك تموت من الضحك

 

والله انا طول مابقرا مابطلتش ضحك وخصوصا على فجله العجله ربنا يقومها من على راضى ويطلع لجيرانه بالسلامه

 

متنسيش تعملى حسابى معاكى فى عصير القصب ابل ريقى من كتر الضحك اللى وقف قلبى ههههههههههههههههههههههههههههه

 

متااااااااااااااااااااااااااااااااااااااااااااااااااابعه معاكى كل اخبارك انتى وحشريه

[هبة نور 2043]

نشكر فخر المشاهدين الحلوين

 

أم اروى

 

شاهدينا تجدي مايسرك يا ام اروى وقولي لجيرانك يجيبو تردد القناة ويتفرجو على الفضايح

 

ريتاج

 

معلش يختي كاتبة اسمك بالعربي اصلي مكسلة ادوس الت شيفت منورة يا قمر

 

ماريا

 

نتمنى لكي افطارا شهيا مع برامجنا

 

سارة محمد

 

معانا مش هتقدري تغمضي عنيكي

 

ويبا

 

سيبي اللي في ايدك يا ويبا وهاتي كيس لب وتعالي أزأزي قدام الشاشة ربنا مايقطعلك ارسال

 

أم العبادلة

 

مخاصمني بجاله مدة وفي ليلة الشوق ناداني طب حتى عبرينا بتعليق ولا احنا شوية في البلد يا ام عبد الرحمن

 

درة بنقابي

 

تسلم ضحكتك اللي خرمت القمر الصناعي

 

أم زياد

 

يجمد دم عدوينك يااختي منورة . اوعي تقومي من قدام شاشتنا . برنامج عالم البحار كمان شوية

 

راغبة بالفردوس

 

يا حلاوة قعدتك قدام شاشتنا يا مشاهدة السعد والهنا منورة والله حبيبتي

 

ندى الورود

 

هاتي وردة من اللي معاكي يا ندى الورود يختي

 

سماء الفردوس

 

كوباية العصير بجنيه بس انا بجيب بكيس وطالع منه شاليموه . اجيبلك واحد ؟

 

 

 

 

نشرة اخبار المتجوزين

 

بيوتكم على الشاشة

 

عارفين يعني ايه بيوتكم على الشاشة

 

يعني خليكو حلوين مع اجوازكو لحسن ابعتلكو ام محمد وام خميس

[ساره أم حمزه 1042]

هههههههههههههههه

متابعه معاكِ إن شاء الله

يلا ^ـــ^

[حواء أم هالة 1900]

رائعة يا هوبة كعادتك ومبدعة ما شاء الله

ربي يزيدك إبداع ويبعد عنك السارقات ههههههههههههه

اكتبي اسم المنتدى تحت أو اسمك عشان متسرقهوش واحدة ثانية زي السابق

حفظك الله وراعاك

[ام جومانا وجنى 515]

جميل يا هوبه

متابعين يا قمر

[راجية رضا الرحمان 1 55]

هههههههههههههههههههههههه اضحكتني اضحك الله سنك غاليتي هبهوبة

 

ما شاء الله عليكي في قمة الروعة

 

تسلمي على الاخبار الجميلة

 

متاااااااااااااااااااابعة معك

[ليل المستغفرين 14]

وييييييييييينك ياظريفة

رائعة وأكثر

[اتمنى رضاه 117]

ههههههههههههههههههههههههههههههههههه رائعة يا هوبة اللهم بارك

[ام مريم ويحيى 136]

هههههههههههههههههههههههه

ما بطلتش ضحك أضحك سنك يا هوبه وأسعدك كما تسعدينا

متابعين مع الست حشرية اخبارها الفنية

ما تتأخريش عليناااااااااااااااااا

[ساجدة للرحمن 2050]

^___^

براحة على البنات يا هبة

..

تم التعديل ..وإضافة اسمك حفظا للحقوق :)

[هبة نور 2043]

سيداتي وستاتي نواصل اخبارنا مجددا

 

معاكو حشرية الرخمة من قناة مكسورين الجناح

 

نرجع للخبر بتاع الحاجة حفيظة اللي اتخانقت على ورك فرخة مع جوزها الحاجة اسماعيل

 

وجالنا فيديو مصور بالأحداث اتفضلوا شاهدوا الفيديو ولنا عودة ان شاء الله

 

 

 

 

 

ايه اللي مخبيه ورا ضهرك ده يا اسماعيل

 

مافيش حاجة يا حفيظة

 

وريني يا اسماعيل مخبي ايه عشان كدة كدة هعرف

 

يا ست سبيني في حالي بقى وروحي شوفي مصالح بيتك

 

طب وريني ايدك . ايه ده . مش ده ورك الفرخة بتاعي يا اسماعيل

 

لأ مش هو . يخلق من الشبه اربعين

 

سيب ورك الفرخة يا اسماعيل

 

ابعدي ايدك عن ورك الفرخة لاكسرهالك

 

بس ده بتاعي يا اسماعيل انت كلت بتاعك امبارح

 

وهاكل ده انهاردة . انتي شريكتي يا ست ولا ايه

 

طب يا اسماعيل والله ما مسمحاك في ورك الفرخة اطفحه بالسم الهاري

 

 

 

 

 

 

 

طبعا شوفنا الفيديو اللي بيعبر عن التضحية والإيثار بين الزوجين وان الواحد مايهونش عليه ياكل اللقمة من غير التاني

 

حقيقي مستوى مشرف وراقي وحاجة تسر العين

 

 

 

لينا عودة مع باقي الاخبار والبلاوي

 

هنروح بالأقمار الصناعية نصور مباشر صلح محمود على مراته ده إذا اصطلحوا اصلا

 

اخبار تجيب ضغط بعيد عن السامعين

[أم خديجة محبة الله 45]

طب يا اسماعيل والله ما مسمحاك في ورك الفرخة اطفحه بالسم

 

ههههههههههههههههههههههههههههههههههههههههههههه

 

ايه الحلاوة دى ياهبة ىا عسل

متابعة معاكى ياختى كملى ربنا يحفظك

[راغبة بالفردوس 477]

متابعين يامبدعه