◕‿◕تدبيسة ولا أطيب◕‿◕

[ساره أم حمزه 1042]

كل الاكل اللى حطيته انا اللى عملاه

لكن المشروبات مش انا اللى عملاها ، لسه مجربتش

بس جربت اعمل نسكافيه بس من الجاهز

جميل سارة الحبيبة

اللهم بارك

تسلم ايديكي

 

هو السمك بتحطي عليه دقيق لوحده

ولا بتحطي بالدقيق بهارات وبعدين تحطي عليه السمك

انا بحط بهارات بالدقيق وبعدين احط السمك

بيطلع حلو

الله يكرمك ام زياد

الله يسلمك من كل سوء

اه دقيق لوحده

اصل انا بحط البهارات فى بطن السمكه من جوه ^ــ^

 

فكرة جميلة سهام اول مرة اسمع بها =)

ما شاء الله عليك يا سارة ربي يحفظك ويخليك لمامتك

منوره حواء

امين ويحفظك من كل سوء ^^

 

تسلم ايدك يا ساره

انا بحب السمك المقلي جداا

هكتفي بيه وباليوسفي

الله يسلمك من كل سوء ماريا

اه انا كنت الاول بحب المقلى جدا ومش برضى اكل المشوى

بس عكست بقى بقيت احب المشوى اكتر عشان بموت فى البطن وهى فيها سمنه " طبيعيه "

بالهنا والشفا ^ــ^

[المحبة للزهراء 231]

تسلم ايديكي ياسارة ماشاء الله اللهم بارك اكلات شهيه وفعلا بذلتي مجهود رائع

 

ربنا يبارك فيك انا هاخد الكشري عشان بسمع فيه وماتذوقته بس اكيد طعموا حلو من ايدين الحبيبه سارة جزاك الله خيرااا

 

الدور على مين بقى ؟

[ساره أم حمزه 1042]

الله يسلمك من كل سوء يا هاله ^^

بالهنا والشفا

لسه انا مخلصتش فاضلى بكره إن شاء الله وبعدين هختار واحده إن شاء الله ^ــ^

[أم لبابة بنت أحمد محمد 172]

ما شاء الله رائع

ما كنت اعرف عن التدبيسات دي الا اليوم

طيب انا عاوزة ادبس ممكن بليززززززززززززززز :unsure:

[ساره أم حمزه 1042]

اهلا بيك ام لبابه

منوره

إن شاء الله يجى عليكِ دور

بس انا فى دماغى واحده من بدرى ^^

[.~زينب محمد~. 100]

يلا يا ساره عايزين نعرف هى مين

وتسلم ايدك على العزومه الجميله يا قمر^^

[أم زيــــاد 881]

وانا كمان ولا مرة ددقت الكوشري المصري

باين عليه اكلة غير شكل

(:

 

لسة فاضل لسارة بكرا يا بنات

 

انتظروها غدا لتدبس احدى الاخوات

((:

 

يارب ما اكون انا

لسة بدري شوية ههههههههه

[ساره أم حمزه 1042]

فينك يا زينب

الله يسلمك من كل سوء

انا لسه مخلصتش فاضلى بكره إن شاء الله

 

شفتى يا ام زياد مستعجلينى امشى ازاى يرضيكِ ؟ :(

[~ماريا~ 1340]

هههههههههههههههههههههههههههههههه

لا ما يرضناش يا سوسو

ما تزعليش هما بس عايزين يعرفو مين سعيده الحظ الي هنشرفها بضيافتنا

ههههههههههههههههههههههههههه

 

انا بقي بحب الاتنين سواء مقلي او مشوى بموت في السمك عامه يعني

 

 

ام لبانه

:)

ازيك يا حلو اخبارك

[ساره أم حمزه 1042]

ااه بس ميستعجلوش كده ، غلط :(

يعنى المهم نعرف اللى اتدبس وبس ومنتفاعلش معاه ؟ عايزين اللى بعده -_-

انا اللى هاختار لما اخلص إن شاء الله

[~ماريا~ 1340]

ههههههههههههههههههههههههههه

لا متقوليش بكرا ان شاء الله اخر اليوم

لازم التفاعل يا بنات

 

قوليلي يا ساره جربتي تاكلي الكشري مع السمك المشوى؟؟؟

رااااااااااائع

[ساره أم حمزه 1042]

حاضر إن شاء الله

اه ان بموت فى الاكله دى كشرى مع سمك مشوى :)

 

بس انا مش عارفه اللى فى دماغى عندها كاميرا ولا لأ

ولو سألتها فى التحديثات هتعرفو انى هى اللى هختارها إن شاء الله ;)

[.~زينب محمد~. 100]

ازيك يا ساره :)

انا موجوده بس بحاول اقلل دخولى عشان المذاكره وكده يعنى ^^

لا تنسينا من صالح دعائك^^

[ساره أم حمزه 1042]

الحمد لله ازيك زينب ^ــ^

ااه الله يوفقك وييسرلك المذاكره

[~ماريا~ 1340]

طبعا هنعرف

ههههههههههههههههههههههههههههه

بس برشو اساليها

هنعمل نفسنا مش فاهمين

ههههههههههههههههه

 

 

زينب

الله يعينك حبيبتي

[ساره أم حمزه 1042]

طبعا هنعرف

ههههههههههههههههههههههههههههه

بس برشو اساليها

هنعمل نفسنا مش فاهمين

ههههههههههههههههه

هههههههههه

لا مش هسألها خلاص

انا هختارها بكره إن شاء لله ونشوف لو معندهاش كاميرا هختار واحده تانيه إن شاء الله

[ظِلّ زَهرَة 73]

السلام عليكن ورحمة الله وبركاته

أنا كنت بتصفح المنتدى شفت العنوان ودخلت،لقيتو موضوع رائع،جزاك الله خيرا أم زياد

وماشاء الله على الشطورتان زنوبة وسرورة

متابعة إن شاء الله

[ساره أم حمزه 1042]

وعليكم السلام ورحمة الله وبركاته

منوره ام ابراهيم

الله يكرمك ^^

[ظِلّ زَهرَة 73]

النور نورك يا شطورة

بارك الله فيك

[ساره أم حمزه 1042]

امين وفيك بارك الله

هاخرج واجيلكم بكره إن شاء الله

[المحبة للزهراء 231]

لالالالالالا ياسرورة في حد بس عاوز يخلص من القمر متقوليش كدا احنا مستمتعين معاكي كتير وكمان بنتعرف عليكي اكتر من خلال الضيافه

 

زينب ازيك ياقمر ربنا يوفقك ويعينك سلميلي على الوالده

[أم حبيبة المصرية 2011 20]

السلام عليكم كيف حالك ياساره تبارك الله على اكلك بصراحه فتحتى نفسى على هذا السمك الجميل بمووووت فيه خاصة هذا الحجم احبه واتلذذ به عندى زوجى ما شااااء الله ياتينى بسمك بولطى حوووووووت.                        

{ابتسامه} جوزيتى خيرا سلمت وسلمت يداكى وما تنسنيش فى طبق اليوسفى.

[ساره أم حمزه 1042]

الاكل ده مش انا اللى عملته لانى باخد اجازة الجمعه من الطبخ فامى اللى عملته ^^

لوبيا

 

بتنقعى اللوبيا فى ميه ساعتين كده

وبعدين تخرطى بصل وثوم فى الحله وتحطى اللوبيا والميه والصلصه

وبعدين لما اللحمه طابت حطتها مع اللوبيا

 

اللحمه

 

اللحمه بتغسليها وتحطيها فى حله وتغطيها بالميه وبصله وبهارات

وبعدين لما طابت حطتها فى اللوبيا

 

 

مهلبيه بالكاكاو

 

اللبن تحطى عليه سكر و3 او 4 معالق نسا كبار و معلقه ونصف كاكاو

وباكو فانيليا وتقلبيهم كويس وبعدين تحطيهم على النار وتفضلى تقلبى عشان متلزقش

هى بتعملها من غير كاكاو بس سعات تعملها بكاكاو

 

بالليل إن شاء الله هختار عضوة إن شاء الله

الحقوا اسألونى بقى

[ساره أم حمزه 1042]

لالالالالالا ياسرورة في حد بس عاوز يخلص من القمر متقوليش كدا احنا مستمتعين معاكي كتير وكمان بنتعرف عليكي اكتر من خلال الضيافه

الله يكرمك يا هاله

طب اسألينى بقى اسئله ^ــ^

 

السلام عليكم كيف حالك ياساره تبارك الله على اكلك بصراحه فتحتى نفسى على هذا السمك الجميل بمووووت فيه خاصة هذا الحجم احبه واتلذذ به عندى زوجى ما شااااء الله ياتينى بسمك بولطى حوووووووت.

{ابتسامه} جوزيتى خيرا سلمت وسلمت يداكى وما تنسنيش فى طبق اليوسفى.

وعليكم السلام

الحمد لله ازيك ام حبيبه

الله يكرمك ويبارك فيك

جميل الحمد لله

هههههههههه اللهم بارك

انا عكسك بحب الحجم الصغير ، لما بيبقى حجمه كبير كده باكل سمكه ونصف فقط فى الغدا

الله يسلمك من كل سوء

اتفضليه كله بالهنا والشفا ^^

مش عايزه تسألينى ؟

[ساره أم حمزه 1042]

طماطم وخيار انا اللى عملاه