خدى بالك جوزك بياخد باله من ايه

[**أم سلمى** 657]

 

 

الزوجة الواثقة من نفسها لا تسأل زوجها باستمرار إن كان يحبها أم لا، بل تتصرف وكأنها امرأة يصعب أن لا يحبها رجل، وأنها مثيرة وذكية، وحبوبة، وتثق في أنها تثير الحب، وأن زوجها معجبا بها حتى وإن كانت متأكدة من أنه لا يحبها.

برضة دي من الحاجات اللي الزوجات بتقع فيها ، وتقعد بتسأل جوزها كل شوية ، انتي بتحبني؟ ، طب بتحبني قد اية؟ طب انا عاجبك ؟ بمجرد سؤالك بس ، بيخلية يحس انك ما عندكيش ثقة في نفسك ، وانك عاوزة طول الوقت دعم منه انه يفضل يقولك بحبك قوووي وبموووت فيكي

خليكي واثقة من نفسك ، وخليكي تقيلة على جوزك ، وخلية هو اللي يطلب منك الكلمة دي ، ويسألك .

تعرفوا يا بنات امتى حتعملوا الكلام دة ، لما تحبي نفسك وتدلعيها ، وتحسي بقيمة نفسك وان اي راجل يتمنى انه يرتبط بيكي لانك جوهرة ، لما تحبي نفسك وتدلعيها مش حتفرق معاكي ان جوزك يقولك كلام حلو او لا ، وعلى فكرة حتلاقية هو اللي حيشبعك كلام حلو ، لانه حيحس انك بعيدة عنه وان فيه حاجات تانية شغلاكي ، بس مش معني كدة اننا نطنش اجوازنا وحنقول هما اللي حيجروا ورانا ، لا انا قصدي انك ما تقفيش لجوزك على الواحدة ، ما تخليش جوزك محور حياته

لما الراجل بيتجوز بتبقى مراته جزء من حياته ، لكن الست بتتجوز بيبقى جوزها كل حياتها ، احنا عاوزين نبقى زيهم ونخلي اجوازنا جزء من حياتنا

 

 

خدى بالك جوزك بياخد باله من ايه

 

 

 

 

 

 

 

الرجالة دول مش بيفوتوا حاجة... بياخذوا بالهم من أدق التفاصيل و من حاجات مش بتيجي على بالنا... بس المشكلة وهما ساكتين ومعبييين

أولا الشعر..

الراجل بياخذ باله من شعر مراته... يعني لو اطرافه متقصفة او فيه الوان كثيرة او قصته مش حلوة.. فيه قشرة او ريحته وحشة.... بياخذ باله جدآآآآآآآآآآآآ من الحتة دي و ممكن اوى ما يبينش...بس دي حاجة بتدايقه و ممكن تبعده عنك

 

الراجل بينفر من الست اللي بتحط ميك آب تقيل... بيفضلوا الطبيعي و مالهمش في الميك آب اللي بيخفي الملامح ده...

 

الاسنآآآآآآان .... تلاقي عينه و انتي بتتكلموا مركزة اوى على شفايفك اوعي تفهميه غلط الراجل بياخذ باله من نظافة اسنان مراته و من ريحة نفسها... يعني تغسلي اسنانك 3 مرات في اليوم بمعجون مبيض و ما تتكلميش و انتي بتاكلي بلاش تفضحينا

 

الايدين و الرجلين... الرجالة مش بتحب تشوف تشققات رجلين الست و بتحب اوى الست اللي ايديها ناعمة و ظوافرها نظيفة.. بيكرهوا جدا الظوافر الطويلة و المانيكير اللي بيتقشر..

اهتمي بايديك و رجليك و رطبيهم دايما...

 

نظافة الزوجة.. الراجل بيدور على نظافة الزوجة في ملابسها و ريحتها و كمان في بيتها و أهم سبب في هروب الزوج من البيت هو عدم راحته في بيته.. هتيجي منين الراحة و هو شايف البيت متكركب و فيه ريحة الاكل و مراته برده فيها ريحة أكل؟؟؟؟

بدل قعدتك ع النت روقي بيتك و بخريه و دش ع السريع قبل ما يجي من الشغل يلاقيكي فلة شمعة منورة

 

جوزك بياخذ باله كويس اوى من كلامك و نبرة صوتك... وبيفتخر اوى بيك لو كلامك موزون و اسلوبك راقي.. بيلاحظ ازاي بتنقي كل كلمة و ازاي بتتعاملي مع الناس ...

 

مشية الست.. في ستات بتمشي و هي بتجر رجليها و كانها بتزحف.. و في ستات بتسترجل في مشيتها... ليه كده بس؟؟ طالما انتي ف بيتك و مع جوزك خلي مشيتك مليانة انوثة خصوصا انك اول ما تقومي عنيه بتبقى وراك و ياتعرفي تثبتي نظره عليك يا يقول استغفر الله ايه العسكري اللي عندي في البيت ده...ياايه الصاروخ الارض جو ده

عموما دي مجموعة افكار و اكيد الرجالة بتلاحظ اكثر من كده...

يا رب الموضوع يكون عجبكم

 

 

 

 

 

 

[ام هانيا 35]

الله المستعان

جوزيت خيرا ام سلمي

[**أم سلمى** 657]

تجنبي تحمل مسؤولياته، او إبداء قدرتك على تدبر كل امور حياتك وحدك، اشعريه حاجتك إليه، وأن هناك امورا لا تتم بدونه، وأنك ضعيفة او غير قادرة على القيام ببعض الأمور بمفردك.

 

دي برضة من الحاجات اللي بتقع فيها البنات ودي بتبقى اكبر مشكلة اللي بتبقى صعب حلها ، عشان الجوز بيكون اتعود على تحملك للمسئولية مكانه ، لان الواحدة اول الجواز بتبقى عاوزة تبين لجوزها هى قد اية متحملة مسئولية وانها سبع رجالة في بعض، وتقولة ما لكش دعوة بالخضار والبقالة هات انت بس الفلوس وانا حاتصرف وهلم جر

 

جوزك لازم يحس انك دلوعة مش راجل بيشيل ويحط في البيت ، طبعاً معظم البنات دلوقتي هما اللي بنزلوا يشتروا الخضار ووبيطلعوا بالاكياس على قلبهم لحد الشقة ، انتي طبعا اللي بتدودي العيال المدرسة وبتذكريلهم ، انتي طبعاً اللي بتغيري جلدةالانبوبة وتسلكي الاحواض وتشيلي الانبوبة وبتنقلي اثاث البيت قدامه ، ولا كانك شمشمون الجبار ، وهو تلاقية قاعد قدام التليفزيون الانتوخ الاعظم ، طبعا حد يلاقي راحة وما يستريحش

 

طب فين انوثتك لما بتعملي كل دة قدام جوزك ، فين رقتك ودلعك ، لازم تعودي جوزك انه يشاركك ،على الاقل في الحاجات اللي هى مسؤليتة ، زي شراء الخضار والبقالة ، تغيير الانبوبة وشيلها ، هو يودي العيال المدرسة وانتي ذاكريلهم

 

لازم يحس انك رقيقة ودلوعة ، يعني لما تيجي تشيلي حاجة تقيلة قوليلة اي صباعي اتعورت ، واقعدي طول اليوم عمالة تغسلي في صباعك وتحطي مطهر ، وكل شوية قوليلة صباعي واجعني عشان يعرف انك رقيقة.

 

عودية هو اللي يقشرلك البرتقال ويفتحلك علبة العصير ، عشان يحس قد اية انتي بسكوتة ، صدقيني الرجالة بتموت في الحركات دي .

 

بس لو انتي بقالك فترة متجوزة يبقى لازم تعودية بالتدريج عشان ما يحسش انك بتمثلي ، يعني لو حتشيلي حاجة قدامة ودي طبعاً عادة عاوزين نبطلها اننا ما نشتغلش واجوازنا قاعدين ويشوفنا واحنا عاملين زي طرزان ، اعملي نفسك بتشيل ترابيذة او بتجوري السفرة قوليلة اه ضهري مش قادرة افرده الحقني يا بيبي ، حيقوم طبعاً جري عليكي وقوليلة قعدني انا مش قادرة اعدل ضهري، واقعدي يجي شوية على الكرسي تعبانة ومش قادرة تفردي ضهرك وممكن تخلية ينومك في السرير ونامي شوية يجي ساعة او اكتر ، ولما تصحي اعملي نفسك احسن شوية بس لسة ضهرك بيوجعك ، وهو حتلاقية يقولك ما تشليش حاجة تقيلة تاني لوحدك .

 

بس وبعد كدة عودية كل ما تحبي تنقلي حاجة خلية يساعدك بس مش على طول عشان الرجالة خلقها ضيق ، بس احنا حبينا نوريهم اننا احنا قد اية رقيقين ومش بنقدر نشيل زيهم حاجات تقيلة

[~ماريا~ 1340]

B| :D

جميل يا ام سلمي

عجبني الموضوع

[راغبة بالفردوس 477]

هههههههههههه

عسل والله

:))

مقاله جميله ومفيده ..

جزاكِ الله خيراً ياحبيبه ()*

[نور قلبي القران 430]

السلام عليكن ورحمة الله وبركاته

الموضوع كتير حلو وفكرته أحلى مثلك حبيبتي

وبتعجبني مواضيعك في **جنتك ونارك**

 

وعجبتني هاي بلا ماتفضحينا...وإيه العسكري ده

 

وفعلا المرأة هي التي تثق في نفسها أولا

أذكر أن فتاة قال لها زوجها أن تشكريني لأنني اخترتك وفضلتك على كل البنات

**وطبعا لو غيرها كانت لستها الحين فبيت أبوها**

بس هي قالت وهل كانت توجد امرأة اخرى غيري

شفتي الذكاء والفطنة

ههههههههههههههه

الله يبارك فيك حبيبتي

أمتعتيني وبانتظار المزيد منك

والله يخليلك قرة عينك

[**أم سلمى** 657]

بعد الزواج، وعندما تشعر المرأة بذلك الحب الكبير من زوجها، والإحتواء الدافيء، ترغب في ان تشكو وتفضفض، لتشعر منه بالتعويض والطبطبة، والتأييد، وغالبا ما تشكو من اهلها، وأقاربها، معتقدة أن هذا سيقربه منها، والصحيح ان تتجنب المرأة أي حديث سيء عن أهلها مهما بلغت مشاكلها معهم،

وان تمتدحهم وتمتدح علاقتها بهم، ليبقى ينظر لها باحترام وتقدير.

 

ودي فيه كتير من البنات بيعملوها ، ان اي مشكلة مع اهلك تروحي تجري على جوزك او خطيبك وتشتكيلة ، ودة اكبر غلط بتعملة البنات ، لانك بكدة بتقللي من قيمة اهلك وهيبتهم قدام جوزك .

 

مع الوقت من كتر شكوتك منهم جوزك حيمل ، وغير كدة مش حيعملهم اي اعتبار ولا هيبة ، يعني لا قدر الله لو حصلت مشكلة بينك وبين جوزك ، ووقولتي لجوزك انا حاكلم اهلي مش حيخاف منهم ولا حيعملهم اي حساب ، لكن لو انتي عاملة مكانة لاهكك قدام جوزك حيبقى عاملهم حساب في حضورهم وغيبتهم .

 

لازم تحسسي جوزك انك دلوعة باباكي ومامتك ، وانهم كانوا مسمينك فاكهة البيت والعسولة بتاعتهم ، وانك كنتي مدللة في بيت اهلك ، عشان يحس انك انتي قد اية رقيقة وانه متجوزة بسكوتة ولازم يحافظ عليها ومايكسرهاش.

 

ولا تحكي لجوزك عن مشاكل بيت اهلك ، لو فيه مشكلة بين اخواتك او بين اعمامك ، اوعي تروحي تحكي وتفضفضي ، دة برضة غلط ، خلي جوزك يعتبر بيتكم دة شئ مقدس ما ينفعش يتكلم عنة باي حاجة وحشة او مهينة .

 

ولو في مرة اتكلم اعملي زعلة كبيرة عشان جاب سيرة اي حد من اهلك بطريقة مش حلوة

[راغبة بالفردوس 477]

جوزك لازم يحس انك دلوعة مش راجل بيشيل ويحط في البيت ، طبعاً معظم البنات دلوقتي هما اللي بنزلوا يشتروا الخضار ووبيطلعوا بالاكياس على قلبهم لحد الشقة ، انتي طبعا اللي بتدودي العيال المدرسة وبتذكريلهم ، انتي طبعاً اللي بتغيري جلدةالانبوبة وتسلكي الاحواض وتشيلي الانبوبة وبتنقلي اثاث البيت قدامه ، ولا كانك شمشمون الجبار ، وهو تلاقية قاعد قدام التليفزيون الانتوخ الاعظم ، طبعا حد يلاقي راحة وما يستريحش

 

طب فين انوثتك لما بتعملي كل دة قدام جوزك ، فين رقتك ودلعك ، لازم تعودي جوزك انه يشاركك ،على الاقل في الحاجات اللي هى مسؤليتة ، زي شراء الخضار والبقالة ، تغيير الانبوبة وشيلها ، هو يودي العيال المدرسة وانتي ذاكريلهم

 

ههههههههههههه

انا بشتري الخضار بس بتصل بيه ييجي يشتال

والامبوبه شركه مع بعض

اما مزاكره العيال فلسا مفيش عيال .. ان شاء الله لما ييجوا ارميهم له يزاكرلهم ههههههههههههه

...............

 

لازم يحس انك رقيقة ودلوعة ، يعني لما تيجي تشيلي حاجة تقيلة قوليلة اي صباعي اتعورت ، واقعدي طول اليوم عمالة تغسلي في صباعك وتحطي مطهر ، وكل شوية قوليلة صباعي واجعني عشان يعرف انك رقيقة.

 

هههههههههههههههههههه ياعيني :))

 

ما هي المشكله انهم بيقولوا علينا متدلعين وبيتضايقوا مش في كل الاحوال بيفسورها رقه ههههههههه

[نور قلبي القران 430]

معك حق حبيبتي فردوسة

كنت راح أكتبها....بس سبقتيني

يعني مو كلشي عندهم رقة

هههههههههه

الله يعينكم ...ويرزقكم بالذرية الصالحة

[**أم سلمى** 657]

الزوجة الجميلة والذكية، لا تطالب الزوج بالتعبير عن مشاعره نحوها، ولا تلح على الأجواء العاطفية، وانما تترك الأمر للفرص الطبيعية، وتقتنص الظروف الطيبة، وتفهم من الأعمال والأفعال والسلوكيات الخاصة لزوجها مدى حبه وتقديره لها، فلا ترهقه بالمطالبة المستمرة للتفاعلات العاطفية المفتعلة.

فيه بنات كتير بتقعد بتطالب خطيبها او جزها انه يقولها كلام حلو ، او ساعات بتعاتبه وتقولة لية انت مش بتقولي كلام حلو ، لية مش بتقولي بحبك ، وحشتني ، او ساعات تقعد تبعتلة في رساايل وتهرية كلام حلو ، وتبقى منتظرة انه يرد عليها بكلام احلى واحلى

دة غلط ، انتي بكدة بتعمليلة ضغط ، وبيحس انه مهما يعمل معاكي مش عاجبك ، انا عارفة اننا احنا بطبيعتنا عاطفيين ، وبنبقى طول الوقت عاوزين كلام حلوووو ، لكن الراجل مش بيعرف ، او معظم الراجالة مش بتعرف تعبر عن مشاعرها بالكلام ، لكن بتعرف تعبر عنه بالافعااال

 

عشان كدة حااااولي تتعملي التقل شوية ، ومش لازم تقوليلة كلام كتير حب ، اديلة فرصة انك توحشية ، اصل انتي طول ما بتقوليلة بحبك ، وحشتني ، مش مدياه فرصة يعرف مشاعرك اية ، ما انتي كل ثانية بتقوليلة مشاعرك اية

انتي لو هديتي شوية ، هو وقتها حيفكر ، هى لية بطلت تقولي كلام حلو ، هو انا اية ما بقيتش اوحشها زي الاول ولا ايية ، ويبدأ يقرب منك ويكلمك عشان يشوف اية اللي غيرك

 

مش كل الازواج بيعرفوا يقولوا كلام حب ، فية واحدة صاحبتي بقالها 7 سنين متجوزة جوزها ما قالهاش بحبك غير 3 مرات في 7 سنين ، وهما الاتنين ما شاء الله عليهم ، ينخاف عليهم من الحسد ، عشان هى فاهمة جوزها ، وعارفة ومتأكدة انه بيحبها ، بس هو بيعبر عن حبه ليها بالافعال

 

الحياة بين الزوجين افعال واحاسيس مش كلام وخلاص

[نور قلبي القران 430]

معك حق فعلا الحياة الزوجية أفعال وليست مجرد أقوال

[**أم سلمى** 657]

لا تتحدثي أمامه عن الصفات الجميلة لأمرأة اخرى، فالمرأة الراقية لا تمتدح الاخريات امام زوجها، كما لا تذمهن، ولا تتحدث عن نساء اخريات لثقتها المطلقة في نفسها، ورضاها عن ذاتها.

 

اياكي انك تتكلمي عن واحدة صاحباتك قدام جوزك ، وتقعدي تمدحي فيها ، وتقوليلة دي امورة قووووي ، دي كريمة جداً ، دي شاطرة في المطبخ ولبسها شيك قووي ، دي بتروح الكوافييرة كل يوم مش عارفة بتصرف فلوسها على الفاضي

 

لان جوزك بسهولة حيبدأ يقارن بينك وبين صاحبتك وحيحس ان فيه صفات في صاحبتك كان يتمناها تكون فيكي ، وبكدة حتلاقي بطريقة لا ارادية حيبدأ يفكر في صاحبتك ويسألك عنها من الوقت للتاني ، او يتمنى ان يسمع سيرتها ويعرف اخبارها

 

وبرضة ما تتكلميش عن عيوب صحابك او مشاكلهم ، لان ممكن من خلال مشاكلهم يتعاطف معاهم ، ويعمل نفسة الفارس المنقذ ويتكلم مع صاحبتك ، او ممكن تصعب علية ويبقى متمني انه يحللها المشكلة بتاعتها ، والله اعلم اية اللي ممكن يحصل بعد كدة.

 

وبرضة ما تحكيش عن عيوبها لان ممكن يحس انك مغرورة وما فيش حد عاجبك ، عشان كدة خليكي محايدة لا تعيبي على حد ولا تمدحي حد ولا تحكي لجوزك مشاكل اصحابك

 

الراجل راجل ، ما فيش فايدة فية ، لو تديلة الفرصة مرة يبقى قولي على نفسك يا رحمن يا رحيم

[~ماريا~ 1340]

جوزك لازم يحس انك دلوعة مش راجل بيشيل ويحط في البيت ، طبعاً معظم البنات دلوقتي هما اللي بنزلوا يشتروا الخضار ووبيطلعوا بالاكياس على قلبهم لحد الشقة ، انتي طبعا اللي بتدودي العيال المدرسة وبتذكريلهم ، انتي طبعاً اللي بتغيري جلدةالانبوبة وتسلكي الاحواض وتشيلي الانبوبة وبتنقلي اثاث البيت قدامه ، ولا كانك شمشمون الجبار ، وهو تلاقية قاعد قدام التليفزيون الانتوخ الاعظم ، طبعا حد يلاقي راحة وما يستريحش

 

لازم يحس انك رقيقة ودلوعة ، يعني لما تيجي تشيلي حاجة تقيلة قوليلة اي صباعي اتعورت ، واقعدي طول اليوم عمالة تغسلي في صباعك وتحطي مطهر ، وكل شوية قوليلة صباعي واجعني عشان يعرف انك رقيقة.

 

عودية هو اللي يقشرلك البرتقال ويفتحلك علبة العصير ، عشان يحس قد اية انتي بسكوتة ، صدقيني الرجالة بتموت في الحركات دي

 

لالالا

انت فاهمة غلط خالص

يعني احنا لو قلنا اي واه يا صوابع رجلي الصغيرة هيفرحو

هههههههههههههههههههههه

هيقولو اي البنت المايعه دي

انت متجوز واحده مدلعه ولا ايه

 

 

بالنسبه للشيل والحط وتغيير الامبوبه وكل حاجه

 

بالعكس انا شايفه اننا فعلا المفروض نكون بنعرف نعمل كدا لاننا كتير ما بنلاقيهم معانا ودايما في شغلهم هنستناهم لما ييجو

ولا ايه؟؟

 

هما اه لو قاعدين

نخليهم يشيلو معانا

 

وبالنسبه للخضار والله امنيه حياتي انزل واجيب الخضار

هههههههههههههههههههههههه

[~ أم العبادلة ~ 1903]

موضوع لذيذ

[~ماريا~ 1340]

لا تتحدثي أمامه عن الصفات الجميلة لأمرأة اخرى، فالمرأة الراقية لا تمتدح الاخريات امام زوجها، كما لا تذمهن، ولا تتحدث عن نساء اخريات لثقتها المطلقة في نفسها، ورضاها عن ذاتها.

 

:))

دا انا مصيبه في النقطه دي

بتكلم كتير عنهم بس بكلام حلو

[**أم سلمى** 657]

الزوجة الذكية

 

تعتقد المرأة أنه بمجرد الزواج اصبح بإمكانها أن تكشف عن كل عيوبها أمام زوجها،

وتعتز بعض النساء بمقولة إننا لا نخفي أمرا على بعضنا كزوجين، و الصحيح هو ان يتمتع كل طرف من أطراف العلاقة الزوجية بشخصيته،

وبعض اسراره، وأن يبقي بعض الحدود الرفيعة بينه وبين شريكه، لينعم بحياة راقية، وعلاقة صادقة ناجحة.

 

فعلاً دة غلط كبير بتقع فيه الزوجة ، وخاصاً اول الجواز ، بس اللي ما تعرفوش الزوجة ان دة غلط كبير كدة ، ودة بيقلل من جاذبيتك لجوزك ، طبعاً حتقولولي ازاي الكلام دة ، دة احنا بنعمل كدة عشان نحس اننا قريبين من بعض واحنا الاتنين ستر وغطاء على بعض

 

بصي يا دلوعة لو انتي بتلاحظي حتلاقي جوزك كدة ، يعني لما يخرج مع صحابة ، مش بيجي يقولك على اللي حصل مع صحابة على القهوة ، ممكن يقولك موقف او اتنين كوميدين حصلوا لكن مش حيحكي كل شئ بالتفصيل زينا

يعني انتي مثلاً بتخرجي مع صحابك ، واول ما بتدخلي بتقوليلله مين كان معاكى وقالوا ايه وهزروا ايه ومين اتاخرت .............، وبعد كدة روحنا اتغدينا عند هارديز واكلت كذا وكذا ، وكمان حصل حتة موقف واحنا في الشارع ، استني حاقولك علية .

 

صدقيني الراجل كدة حيضيع منك ، وبعدين اوعي تفتكري ان جوزك مركز معاكي ، حتلاقي نص كلامك اللي قلتية نسيه بمجرد ما خلصتي كلام

 

خليكي غامضة خلي جوزك هو اللي يجري وراكي وعاوز يعرف اللي حصل في الخروجة ، احكيلة على حاجات بسيطة بس ، زي ما هو بيعمل معاكي ، شوفي هو لما مش بيحكي انتي بتكوني عاملة ازاي ، بتكوني بتموووتي وعاوزة تعرفي خرج عمل اية مع صحابة ولا اتكلموا في اية ، ويكون عندك فضول لو جاتلة مكالمة تليفون ودخل الاوضة وبيكلم واحد صاحبة ولما يخرج حيقولك بس دة وائل صاحبي وبس ، لكن لو انتي انا متاكدة انك حتقولي المكالمة كلها ، وبكدة حتفقدي جاذبيتك قدام جوزك ، وحيبقى متاكد انك مش بتخبي علية حاجة ، وحتبقى بالنسبة لية كتاااااااااب مفتووووووووووح

 

واياكي تقعدي قدام جوزك وتتطعلي عيوبك قدامه ، يعني ما تقعديش تقوليلة انا تخينة قوي وعاوزة اخس ، انا شعري مش عارفة لية ناشف كدة نفسي اعملة كراتين ، انا اللبس اللي لابساه مش عاجبني .

 

خلي عندك ثقة في نفسك ، حتى لو جوزك قالك غير كدة ، يعني لو جة قالك انتي تخينة خسي شوي ، قوليلة لا انا عاجنبي جسمي كدة ، قوليلة بدلع دة كل صحابي بيقولي انتي امورة وانتي تختوخة كدة ، وانا عسولة كدة ، مش تقوليلة اه عندك حق انا عاوزة اخس ومخنوقة قووي من شكلي دة ، او مثلا تقلبي المووضوع نكد وتتقمصي علية وتقولوه اية يعني مش عاجبك الجسم دة دلوقتي ، اومال فين ايام زمان لما كنت تدلعني وتقوليي قمر كدة وانا عاوزة كدة.

[ظِلّ زَهرَة 73]

ههههههههههههههههههههههه

أضحكتيني أم سلمى :))،أضحك الله سنك

بس لي سؤال،الموضوع ده بقلمك؟

[ظِلّ زَهرَة 73]

جميل جزاك الله خيرا

[ساجدة للرحمن 2050]

السلام عليكم ورحمة الله وبركاته

^____^

 

موضوع جميل

وأتابع معك يا غالية

[**أم سلمى** 657]

خلاص لو فى نصايح تانى لي وليكوا هجبها :)

 

مع السلانه بقى عشان انا زوجى قرب يخبط على الباب

هقوم احضر الفطار عشان هو صايم

واستقبله :)

 

الى اللقاء ام سلمى :)

 

يارب مكنش تقلت عليكم

[نور قلبي القران 430]

لا تتحدثي أمامه عن الصفات الجميلة لأمرأة اخرى، فالمرأة الراقية لا تمتدح الاخريات امام زوجها، كما لا تذمهن، ولا تتحدث عن نساء اخريات لثقتها المطلقة في نفسها، ورضاها عن ذاتها.

 

:))

دا انا مصيبه في النقطه دي

بتكلم كتير عنهم بس بكلام حلو

 

الله يكون بعون زوجك

هههههههههه

حبيبتي أصعب نقطة وفعلا مصيبة

لازم تغيريها

كلام حو على أساس عاملة شي كتير حو ومابتتكلميش بالعاطل

[نور قلبي القران 430]

خلاص لو فى نصايح تانى لي وليكوا هجبها :)

 

مع السلانه بقى عشان انا زوجى قرب يخبط على الباب

هقوم احضر الفطار عشان هو صايم

واستقبله :)

 

الى اللقاء ام سلمى :)

 

يارب مكنش تقلت عليكم

 

الله يتقبل منه

وفعلا طلعت بتعملي بالنصايح

هههههههههه

لأ فعلا نصايح بتهبل وحلوة كتير

بانتظار المزيد

[اعتز بالاسلام 126]

السلام عليكم ورحمة الله وبركاته

^____^

 

موضوع جميل

وأتابع معك يا غالية

[المتضرعة لرب الكون 115]

جزاك الله خيرا وبارك الله فيك على النصائح

[* صبيحة * 59]

بارك الله فيكِ و على نصائحك ،،

بانتظار المزيد يا غلى ♥

جزيتِ خير الجزاء :)