بنت ام عبد 151 أرسلي تقرير عن المشاركة قامت بالمشاركة 13 مارس, 2013 رائعة يا هوبة وأسلوب جميل ... للاسف هذا ما يحدث في العادة في مجتمعنا ولن أتحامل علي الحموات لكن صدقاً لاحظت في الغالبية أنهن من يبدأن بأفتعال المشكلات وتمتليء النفوس بلا داعي لكل ذلك ... وإذا لم تتحلي مروة بالحكمة ...فكيف ستكون حياتها في بيت مشترك مع أم فتحى؟ أعذر الأم وأقدر غيرتها علي أبنها ونحترم كلنا مشاعرها الجديدة بين الخوف والترقب ... ولكن لا ألتمس أى عذر أن تحاول قتل رجولة ابنها ويظهر ذلك في الغالبية عندما يتوفي الزوج وهذا تنبيه لنا جميعا أن نربى الذكور علي شيء من الأستقلالية وحرية أتخاذ الرأى وتحمل النتائج وتبعات القرار حتى يقوى كنت اسمع وأنا صغيرة بعض الناس يعيرون شاب انه تربية إمرأة وأنه لا شخصية له ... وعندما ألتزمت سمعت أكثر من محاضرة تتحدث عن الإمام أحمد بن حنبل وكيف أنه تربى فى كنف أمه يتيما... وهاهي أمرأة أخرجت لنا إمام أهل السنة والجماعة ... لكن ما تفعله أم فتحى هو تصغير بأبنها وسط الرجال ... نعم هي تحبه لكن رجولته وكلمته أهم من أى شيء ولولا بره وأدبه لكان له رد أخر... ولا يعذر عليه وقتها لأنها أم ولها حقوق فالأمر بالكلية في يد الأم عليها أن تعي هذا جيدا ولا تضع أبنها في حرج بين إنقاذ شخصيته وبين برها 5 شارك هذه المشاركه رابط المشاركه شارك
دره بنقابي 55 أرسلي تقرير عن المشاركة قامت بالمشاركة 14 مارس, 2013 (معدل) ربنا يكرمك هوبه الحبوبه ويسعدك كده ويفرح قلبك زي ما بنضحكينا بس بصراحه يعني أنا لو من مروه موافقش علا الجوازه دي وكذلك أمها وأبوها ازاي يوافقو ؟ وخصوصا ان أخلاق حماتها باينه جدا من أولها لسان متسلط وأخلاق غير طيبه بالمره أنا مع المثل القائل (قعده الخزانه ولا جوازه الندامه) وهي دي الحكمه تم تعديل 14 مارس, 2013 بواسطة دره بنقابي شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 14 مارس, 2013 رائعة هبة الحبيبة بصراحة حاسة إنها نسخة أخرى من ذكية المفترية : ) منتظرين الفرح وتبعاته : )) ربنا يُستر شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 16 مارس, 2013 طب مش قبل ما نتفق ع الفرح يا ام مروة نشوف استاذ فتحي هيكون جاهز امتى بالعفش فتحي ابني هيكون جاهز بالعفش بعد سبع سنين من غير مقاطعة ايه يا امي اللي بتقوليه ده . ان شاء الله يا عمي كمان تلات شهور الله يكرمك يا ابني .اصل انا ضد فترة الخطوبة الطويلة عند حق يا استاذ صابر . انا بنتي الكبيرة قعدت مخطوبة سنتين وحصل مشاكل لاحصر لها ربنا مايجيبش مشاكل يا استاذ محمود يعني فرح مروة بنتي حبيبتي بعد تلات شهور ان شاء الله ومالك يختي فرحانة اوي كدة انك لزقتيهالنا ياامي اسكتي الست هتسمعك هو انا غلطت في حاجة يا فتحي يابني . انا ساكتة اهو طيب هننزل نجيب الشبكة امتى يا استاذ فتحي ان شاء الله الخميس الجاي يا طنط حار ونار فيكي وفي بنتك يا ام اويئ فين الشربات يا جماعة الف مبروك يا ام العروسة الله يبارك فيكو وعقبال ولادكو الف مليون مبروك يا ام العريس ييارك فيكو ويكفينا شر بلاويكو 1 شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 16 مارس, 2013 (معدل) اه ياني يارجلي . لازم يابني تروح تخطب من اخر الدنيا . مش قادر تخطب من الشارع اللي ورانا عشان خاطر رجل امك معلش يا امي دعواتك بالتيسير تيسير مين . هي مش العروسة اسمها عفاف ؟ عفاف مين يا امي بس . اسمها مروة مروة مروة ياخويا وانا عقلي دفتر . اتصلي باخوك عشان انكد عليه وعلى مراته استر يارب حاضر ايوة يا ممدوح افندي اهلا يا امي انت ياواد انت واخدينك معانا عشان تقعد زي الكرسي وماتنطقش ولا ايه ايه يا امي اللي حصل ماحصلش حاجة ياخويا . قاعد زي ابو الهول وسايب الناس تضحك على اخوك وتاخد شقانا وعرقنا ويحطوه في شبكة وشوية خشب وانت ساكت لا اله الا الله . وانا هتكلم في ايه . ماهو فتحي بيتكلم وعمامي بيتكلمو . وانتي ماشاء الله عليكي غلبتي الكل في الكلام اه وانت بقى جيت عشان تفرجنا ع الجزمة الجديدة معلش يا امي حقك عليا وبعدين تعالى هنا .ست الحسن والجمال مرات جنابك ماجتش ليه لانها راحت عند مامتها زي كل اسبوع . وقالت ان وجودها مش مهم لان ده اتفاق رجالة قصدك ايه ياواد . ان امك بشنب امي تصبحي على خير انا عندي شغل الصبح وانت من اهله ياخويا . عيال تعل وتشل تم تعديل 16 مارس, 2013 بواسطة هبةنور شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 16 مارس, 2013 مالك يا ماما مافيش حاجة يا مروة لأ بجد مالك يا ماما . انتي سرحانة وحاساكي مش طبيعية خالص بصراحة يا مروة انا قلقانة عليكي قالقانة عليا ! ليه ياماما ياحبيبتي السكن مع الحما مش حاجة سهلة وبيجيب مشاكل كتير ياماما وهتيجي منين المشاكل . انا هعاملها زي ماتكون امي ومش هزعلها . يبقى هتيجي منين المشاكل يابنتي الحما بتغير على ابنها ومش هتكون مبسوطة لما تشوفه يهتم بيكي او يحاول يسعدك ليه بس ياماما .وليه ماتقوليش انها هتعاملني زي بنتها وتخاف عليا وتتمنالي السعادة والله يابنتي اللي بشوفه من الناس اللي حواليا بيأكد ان الحموات طبعهم واحد ومهما عملتي مش هترضى عنك ياماما بس انا مقتنعة بفتحي وهستحمل اي حاجة عشانه هو بصراحة فتحي انسان مهذب يا مروة وكفاية عنيه اللي مابتترفعش من على الأرض خلاص بقى ياماما فرفشي وشوفي بقى هننزل نجيب ادوات المطبخ انتى هقول ايه يابنتي . ربنا يسعدك ويفرحك ويخلف ظني وتطلع حماتك كويسة ان شاء الله يا ماما شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 16 مارس, 2013 ماقولتليش ياغادة ايه رأيك في عروسة اخوكي امورة خالص ياماما وطيبة وحتة سكر بقى كدة . طب وانتي ياهالة ايه رأيك فيها ماارتحتلهاش ياماما . شكلها كدة بت سوسة وسهونة ومش ساهلة نعم احساسي يا حبيبة امك . وانتي يا دينا وانا هحكم عليها ازاي من غير ما اعرفها يا ماما . احنا لسة ماشوفناش منها حاجة ربنا يستر ان شاء الله يا ماما هتشوفي منها كل خير دي باين عليها طيبة خالص وانتي ياست غادة بتدافعي عنها اوي كدة ليه عشان شايفاكو واخدين منها موقف من اولها وناوينلها على نوايا سودة بس يابت يللي اسمك غادة انتي عشان كلامك بيقف في زوري مانتي عارفة غادة ياماما . بتشوف كل الناس طيبين انا مش عارفة البت دي طالعة لمين . ساعات بحس انها مش بنتي واتبدلت مني في المستشفى 1 شارك هذه المشاركه رابط المشاركه شارك
**أمينة** 29 أرسلي تقرير عن المشاركة قامت بالمشاركة 16 مارس, 2013 هههههههههههههههههههه أضحك الله سنك يا هبة مبدعــــــــــة ما شاء الله عليكي أسعد الله قلبك يا عسل أحبك في الله <3 شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 16 مارس, 2013 ترن ترررررررررررررررررررن ترن مين انا منال ياطنط اهلا يامنولة يا حبيبتي اتفضلي الف مبروك لمروة يا طنط الله يبارك فيكي يا حبيبتي وعقبال ما افرح بيكي يارب ايوة يا طنط ادعيلي اوي هههههههههههههه بدعيلك والله يا حبيبتي ربنا يعلم فين مروة الوحشة اللي كلت الجاتوه لوحديها من غيري ههههههههههه لأ ازاي بقى . انا شايلالك نصيبك من الجاتوه وهروح اجيبهولك . مروة في اوضتها يا حبيبتي ادخليلها وانا هحصلك بالجاتوه والحاجة الساقعة شكرا يا طنط تن تن تن اتفضل مبروك يا عروسة منووووووووووووولة حبيبتي الله يبارك فيكي عقبالك يارب تعالي قوليلي واعترفي منين جيبتي العريس ده عشان اروح اجيب واحد هههههههههههه ده زميلي في الشغل اه قولتيلي . ده كان بينكو غراميات بقى اخص عليكي يا منولة . انتي تعرفي عني كدة برضو . ده اكتر حاجة عجبته فيا ان ماليش علاقة خالص بأي زميل من زمايلي غير في حدود الشغل وحتى هو لما اعجب بيا وصارحني انه عايز يتقدملي ماكلمتوش ولا كلمة واديتله رقم بابا عشان يتصل بيه يامرمورة يا حبيبتي انا عارفة اخلاقك كويس . انا بهزر معاكي عقبالك يارب يا منولة بقولك ايه ماتشوفيلي شغلانة معاكو في الشركة يمكن اطلعلي بعريس انا كمان هههههههههههه ياحبيبتي نصيبك مستنيكي وهيجيلك اللي يستاهلك ان شاء الله طيب هو عريسك مالوش اخوات عايزين عرايس للأسف عنده اخ واحد ومتجوز . بس انا مش هسكت . بعد الجواز هخليه يدورلك على عريس من اصحابه ولا قرايبه وانا مستنيا يا ست مروة . اما اشوف هههههههههههه شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 16 مارس, 2013 ههههههه عسل يا نور هبة والله ههههههههههه يا رب يستر ملي جاي شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 16 مارس, 2013 منورين يا عسولات هاجي تاني ان شا الله ارحب بيكو الفرح الحلقة الجاية كلكو معزومين عقبال عندكو شارك هذه المشاركه رابط المشاركه شارك
إبنة علي 60 أرسلي تقرير عن المشاركة قامت بالمشاركة 16 مارس, 2013 تحفه هههه أنا جاهزه من دلوقتي :) شارك هذه المشاركه رابط المشاركه شارك
مسلمة معتزة بنقابى 16 أرسلي تقرير عن المشاركة قامت بالمشاركة 16 مارس, 2013 منتظرين الفرح ان شاء الله وربنا يتمم بخير شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 17 مارس, 2013 بوركت يا هوبة وهاهي أم فتحى تتحفنا دائما بمشاعرها الفياضة نحو مروة المسكينة :) أعانك الله يامروة ورزقك الصبر بإنتظار الفرح ... نريده إسلامي ... ممنوع الإختلاط ... ممنوع المعازف والموسيقي والآلات ... نكتفي ببعض الإنشاد للعروس من قبل النساء وبمكنهم إستخدام الدف وهن بمعزل عن الرجال شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 17 مارس, 2013 وأنا داخلة وقلت الفرح اتعمل خلاص شوقتينا يا هوبة عايزين نفرح ما فرحنا من زمان . والله مسكينة مروة واضح إنها لن تخرج من تحت براثن الست أم فتحي ولا بالطبل البلدي ربنا يسعدك يا هوبة يارب ويجعل جهدك بميزان حسناتك حبيبتي شارك هذه المشاركه رابط المشاركه شارك
ساجدة للرحمن 2049 أرسلي تقرير عن المشاركة قامت بالمشاركة 17 مارس, 2013 السلام عليكم ورحمة الله وبركاته مسكينة مروة ... نظرتها وردية ولم تعرف ما يحاك لها بليل :) ولكن أظن أن بها شيء من العقل وللحكمة وستستطيع أن تنتقل من خانة الأعداء إلى خانة الأحباء ببعض الذكاء والتغافل في انتظار الأحداث القادمة شارك هذه المشاركه رابط المشاركه شارك
(أم *سارة*) 981 أرسلي تقرير عن المشاركة قامت بالمشاركة 17 مارس, 2013 السلام عليكم ورحمة الله وبركاته كدة برضوا الحلقات دي كلها ومافيش حد يدعيني ولا يحجز لي كرسي هي أم فتحي بهتت عليكم ولا إيه تحفة بجد تحفة يا هوبا لولا نبهتيني كنت فضلت زي الطرشة في الزفة قرأت الحلقات كلها دفعة واحدة وربنا يستر من عسر الهضم نيجي بقى للست أم فتحي رب يبعدها هي واللي زيها عن بناتنا بتقول سايب الناس تضحك على اخوك وتاخد شقانا وعرقنا ويحطوه في شبكة وشوية خشب وانت ساكت هو كان جاب حاجة تستاهل علشان تقول كدة دا هياخد عروسة وفرش وأجهزة ومطبخ يعني عرق وشقى أبو العروسة فين عرقه وشقاه ده ابنها ده يا دوب ديكور وبعدين يا ختي انتِ جايبة منولة الأمورة بايرة ومستنية عريس أنا يا حبيبتي دخلة على ربع قرن جواز رب يحفظني يالا هاتي الحلقة الجديدة يا عين اختك شارك هذه المشاركه رابط المشاركه شارك
oem salmaan 0 أرسلي تقرير عن المشاركة قامت بالمشاركة 17 مارس, 2013 متابعة معكن:) شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 18 مارس, 2013 امي يا امي عايز ايه مالك بتردي عليا وحش كدة ليه ما وحش الا عمايلك يا سي فتحي ليه بس كدة يا ست الكل بقى يا واد تروح تنقي العفش وماتاخدش امك معاك يا امي انا عارف ان رجليكي وجعاكي وماحبتش اتعبك معايا وطبعا الهانم وامها ضحكو عليك ودفعوك دم قلبك لا والله ابدا هما مالهومش ذنب . الاسعار هي اللي غالية جدا جبت الصالون بكام بخمستاشر الف يا مصيبتي ! ليه هو انت فاكر نفسك هتتجوز الملكة نازلي ولا الأميرة فوزية . ايش حال ان ماكانت حتة بت معصعصة ومالهاش لزمة الله يسامحك يا امي وجبت اوضة النوم بكام بتلاتاشر الف جتك تلاتاشر الف خيبة على خيبتك . مافاصلتش ليه في الاسعار عشان يخفضوهالك شوية بالعكس انا فاصلت ودي الاسعار بعد التخفيض يلا . هنقول ايه . كان ماله الصالون بتاعي اللي ماكملش خمسة واربعين سنة ولسة بشوكه . لكن انت اللي حكمت رأيك تبيع عفش امك وتجيب للهانم عفش جديد دي عروسة يا امي ومن حقها عفش جديد طيب يا حنين يا ابو قلب طيب . انا هقوم البس عشان اروح اصالح خالتك واعزمها ع الفرح طيب ما تتصلي بيها كل اما اتصل بيها تكنسل علية وتقفل الموبايل . كله من عمايلك . كان فيها ايه لو كنت اتجوزت نسمة بدل ما اختي تزعل مني وتقاطعني كله قسمة ونصيب يا امي ترررررررررررررررن ترررررررررررررررررن مين بيرن الجرس افتحي يا سهير انا اختك مديحة اختي مديحة ماتت موتة لما تشيلك يا بعيدة .اسم الله عليا امشي يا ست انتي من هنا احنا مش موجودين مش موجودين ازاي وانتي بتردي من جوا موجودين ومش هنفتحلك كدة برضو يا سهير يختي ياحبيبتي يا بنت ابويا وامي . داحنا راضعين لبن واحد بلا لبن بلا مورتة . الدم بقى مية خلاص يختي افتحي بلاش فضايح فرجتي عليا اللي طالع واللي نازل اديني فتحت . عايزة ايه طب خليني ادخل ارتاح من السلم اوف . اتفضلي اه يا رجلي ياني مين يا ماما اللي جه اهي بلاوي بتتحدف علينا يا نسمة يابنتي ازيك يا نسمة اهلا اخص عليكي دي مقابلة تقابلي بيها خالتك .على العموم انا جاية اعزمكو على فرح فتحي تصدقي انك ست ماعندكيش ريحة الدم . انا جاية تغيظينا وتحرقي دمنا يا ست انتي على العموم انا عملت اللي عليا وجيت لحد عندك يا سهير وان كنت انا اهون عليكي انتي ماتهونيش علية . ونسمة بنتي زي ما هي بنتك وربنا يفرحنا بيها عن اذنك يختي 1 شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 18 مارس, 2013 مبروك يا توحا الله يبارك فيكي ياغادة مبروك يا ماما الله يبارك فيكي يا غادة يا حبيبة ماما ماقولتليش يا ماما انتي جبتي عباية جديدة تحضري بيها الفرح ايوة يا دينا انا جبت عباية حلوة اوي كلها ترتر ترتر ايه يا امي دي كدة هتبقى مخالفة شرعا بقولك ايه يا فتحي خليك في حالك يابني عشان قلبي ما يغضبش عليك صحيح يا جماعة انتو هتجيبو مين يغني في الفرح انا بقول نجيب نانسي وهيفا فكرة يا هالة دول هيخلو الفرح يجنن . الواحد عنده كبت وعايز يطلعه اه ياولاد خلاص اتصلوا بيهم قولوهم خالتكو ام فتحي عايزاكو وهما هيجو يجروا بس متهيألي يا ماما مش هيرضو يجو عشان دول بياخدو فلوس كتيرة اوي اوي ما انا عارفة يا هالة يا حبيبتي . انا هراضيهم وادي كل واحدة خمسة جنيه في ايدها وهعشيهم كمان واروحهم مبسوطين وهتجيبو رقاصة طبعا يا دينا هو الفرح يبقى فرح من غير رقاصة برضو يابنتي ايه يا جماعة اللي بتقولوه ده . مغنيين ايه ورقاصة ايه . انا هعمل فرح اسلامي اسلامي اسلامي ايه يابني اسلامي اسلامي !. هو احنا قولنالك هنجيب كفار قريش يغنوا . احنا هنجيب مسلمين موحدين بالله وندر علية اجيب الرقاصة كمان مسلمة هي والصبي بتاعها اومال ايه يابني انا مايخلصنيش زعلك . هو انا عندي كام فتحي حرام يا امي حرام تجيبي رقاصة خليعة معرية جسمها وبترقص على انغام الشيطان والله يابني انت اللي حرام عليك تخوض في عرض الولايا . طب دانا حاطة عيني على حتة رقاصة اخر ادب واخر اخلاق كانت بترقص في فرح البت مشيرة . حتى من ادبها واخلاقها كانت بترقص وهي باصة في الارض وبتترعش من كسوفها وام ابراهيم من كتر ما انبسطت من اخلاقها كانت عايزة تخطبها لابنها بس الرقاصة مارضيتش وقالت انا مااسيبش اكل عيشي عشان راجل يا امي لو سمحتي انا مش هبدأ حياتي بمعصية تغضب ربنا . وبعدين سبحان الله دانتي حجيتي بيت ربنا ووقفتي عند الكعبة ازاي تقبلي تعصيه انت ياواد هتكفرنا عشان حتة فرح . طب ايه رأيك يا فتحي لو عملت فرح اسلامي مش هحضره . وكمان ليك عندي مفاجأة مش هسكنك معايا ابقى روح بقى اعمل فرح اسلامي وخلي المسلمين يلمو من بعض ويجيبولك شقة لا حول ولا قوة الا بالله معلش يا فتحي انا هقنعها ان شاء الله ربنا يخليكي ياغادة دايما واقفة جنبي شارك هذه المشاركه رابط المشاركه شارك
ساره أم حمزه 1041 أرسلي تقرير عن المشاركة قامت بالمشاركة 18 مارس, 2013 اااه معلش بقى شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 18 مارس, 2013 منورين الفرح يا جماعة عقبال ولادكو مين الستات الجرابيع اللي داخلو القاعة دول يا هالة اكيد قرايب العروسة يا ماما اه والله يا بنتي عندك حق يا جماعة عيب كدة ما يصحش بس يا بت يللي اسمك غادة انتي عشان انا مبقوقة ومتغاظة منك يا بتاعة الفرح الاسلامي انتي واخوكي ماله بس ياماما ماهو جميل اهو اه يختي جميل اوي . وان شاء الله هيسمعونا اغاني ولا هسمعونا حاجة عن عذاب القبر عشان نتعظ لأ ياماما هيشغلوا اناشيد اناشيد ايه يعني يابنتي . انا حافظة نشيد بلادي بلادي اقوم اقوله ؟ لأ يا ماما اناشيد اسلامية اهي الاناشيد ابتدت ايه ياماما الفرح العجيب ده هنعمل ايه يا دينا يابنتي حكم القوي ع الضعيف ماما الحقي دول مشغلين نشيد بيقول افراح وقرود . قصدهم مين بقى ع القرود قصدهم ع العروسة واهلها يا حبيبة امك افراح وقرود ايه يا جماعة اسمها افراح وورود لو سمحتو ممكن اقعد جنبكو انتي تبع مين ياست انا قريبة العروسة يبقى ارجعي ورا في اخر القاعة . ليه يعني هو كدة واللي مش عاجبه يروح بيتهم طب حضرتك بتزعقي ليه انا حرة . فرح ابني وازعق براحتي اه حضرتك ماما العريس . الف مبروك وانتي مالك انتي تباركيلي بصفتك ايه يعني خلاص حقك عليا مبروك يا مديحة لالالالالالالالالا مش ممكن .يا حبيبتي يا سهير كنت عارفة اني مش ههون عليكي لا مش اوي كدة . انا جيت بس اشوف البت اللي هياخدها فتحي احسن من بنتي في ايه يختي لا احسن ولا اوحش كل واحد بياخد نصيبه مبروك يا خالتي الله يبارك فيكي يا نسمة عقبالك يا حبيبتي قريب . قريب اوي ان شاء الله بصي بصي يا ماما العروسة شكلها وحش اوي يع يع يع إخي إخي على ذوقك يا فتحي هو ده بقى الفرح نعمل ايه يا سهير . فتحي حكم علينا نعمله اسلامي والله يا جماعة مافي احلى من الفرح الاسلامي اللي مافيهوش معصية لله قوموا البت دي من جنبي لاجيبها من شعرها حاضر يا ماما خلاص هروح اقعد في حتة تانية مبروك يا ام العريس الله يبارك فيكي يا ام العروسة خلي بالك من مروة وماله ياحبيبتي ابقي قوليلي على مواعيد الرضعة بتاعتها اااااه الله يكون في عونك يا مروة يابنتي مبروك الف مبروك يا مروة الله يبارك فيكي يا غادة والله يا مروة فتحي محظوظ انه اتجوز عسولة زيك من ذوقك والله يا غادة . تعرفي اني حبيبتك خالص وانا والله يا مروة مبروك يا مرات اخويا الله يبارك فيكي يا هالة يلا يا جماعة المأذون كتب الكتاب والعريس هياخد عروسته على شهر العسل لولولييييييييييييييييييييييييييييييييييييييييييييييييييييييييييييييييييييييييييييييييييييي 1 شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 18 مارس, 2013 نورتو الفرح يا معازيم الهنا والله النت بطيئ جدا وكتبت بأعجوبة ربنا ييسر واجي ارحب بيكو بس البيت بيتكو وانتو مش محتاجين ترحيب كلكو حبايبي والله نورتو الموضوع ربنا مايحرمني منكو شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 18 مارس, 2013 عسل ياهوبة ربي يحفظك ويهدي أم فتحى وتتقي الله في البنت المسكينة شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 18 مارس, 2013 والله يابني انت اللي حرام عليك تخوض في عرض الولايا . طب دانا حاطة عيني على حتة رقاصة اخر ادب واخر اخلاق كانت بترقص في فرح البت مشيرة . حتى من ادبها واخلاقها كانت بترقص وهي باصة في الارض وبتترعش من كسوفها وعجبي شارك هذه المشاركه رابط المشاركه شارك
