بنت ام عبد 151 أرسلي تقرير عن المشاركة قامت بالمشاركة 27 مارس, 2013 تذكرت قصة الرجل الذي ظل واقفا بالاناء يحمله حتي لا يوقظ ابويه واطفاله يصرخون جوعا كراهة ان يطعم اطفاله قبل ابويه ....... كان عليه ان ينزل مسرعا اليها يقبل يديها ويستسمحها انه تركها وصدقا ستحل البركة علي حياته طوال العمر هي لحظات لو صدقنا فيها واخلصناها لله نعمنا بثمرتها طوال العمر منذ امس وانا افكر في هذه الجملة حق الوالدين كبير وينبغي للزوج ان يقبل يدي أمه حتى في ليلة زفافه لكن هل معنى ذلك ان يترك زوجته في اول ليلة ويذهب لأمه وهي بتلك الحالة ولا ترغب في بقاؤه بعيدا عنها اظن ما ينساه الكثير ان حق الوالدين عظيم جدا لكن ليس معناه اهدار حق الزوجة فهي ايضا لها حق وتركها في اول ليلة سيعتبر تضييع لحقها خصوصا انها ليست مسئولة عن تقصيره في حق أمه بل هي مسئوليته هو فقط ولا ينبغي ان تقضي اول ليلة بمفردها الا اذا كان احد الوالدين مريض ويحتاج لرعاية فوقتها حق الوالدين يقدم على حق الزوجين مشكلتنا اننا غالبا نحكم عواطفنا مع ان الشرع واضح وصريح في توزيع الحقوق وموقف الرجل الذي وقف بجوار والديه حتى استيقظا مختلف لانهم جميعا كانوا في بيت واحد وجميعهم يشعرون بالجوع وهو اعتبر انه من البر والادب مع الوالدين ان يأكلا اولا ثم يأكل اولاده ونفس الشيء عندما تطلب الزوجة من اولادها انتظار والدهم ليأكلوا معه من باب توقيره واحترامه والترابط العائلي اما لو كان الوالدين في بيت اخر فبالتأكيد سيكون الوضع مختلف سامحيني لو كانت كلماتي قاسية لكن لا اعلم لما هزتني كلماتك وبشدة بوركت أم عبد الرحمن ... عودا حميدا يا حبيبة أفتقدناك ^_^ لم ارى قسوة أطلاقا في كلامك يا غالية ... بالعكس أراحني كثيرا وتستحقين ان اشكرك عليه خاصة في نقطة الرجل وأولاده لكن من وجهة نظرك ان أم فتحى كانت لا تستحق ان ينزل إليها مسرعا لمدة ساعة ثم يعود لعروسه ؟ شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 27 مارس, 2013 سامحيني لو كانت كلماتي قاسية لكن لا اعلم لما هزتني كلماتك وبشدة هل أفهم من ذلك أنني تجرأت على الشرع حتى هزتك كلماتي يا حبيبة ... أرجو التوضيح عرضت تساؤلات ولم تجيب واحدة من الحبيبات غلق الهاتف علي الام حتي لا تعاود الإتصال .... الردود المتعجلة ... هل هذا عقوق ؟ وعندما قلت أنه يلزمه ان ينزل يقبل يدي والدته ويعود لا ارى في ذلك إهدار لحق الزوجة (وجهة نظرى) وعندما ضربت مثال الرجل فهذا المثال من اكثر الأمثلة التى توضح أهمية البر وفضله 1 شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 27 مارس, 2013 (معدل) بنوتة الحبيبة أرى أن أم العبادلة لم تقصد ذلك مطلقا والموضوع بسيط جدا . كان من البداية قبل أن يصعد شقته مع زوجته أن يقبل يد أمه وأظن أنها تكون معه وأرى والله أعلم أن غلق الهاتف ليس من العقوق لسبب أنها اطمأنت عليه وهو اطمأن عليها ولكن أدرك أنه يمكن أن تُثار المشاكل في هذه الليلة وأولها التوتر ثانيا : كل الأزواج في هذه الليلة يغلقون الهاتف الأمر هنا لا مساس له بالشرع في شيء فمن باب البر أن يجبر خاطر أمه وخصوصا أنه يعلم طبعها ومدى تعلقها به ثانيا أيضا زوجته لها الحق في الإطمئنان في أول ليلة لها معه فالزوجة ببعض الكلمات الحانية ستتفهم ومن أول ليلة يجب على الزوج أن يشرح لزوجته بالتفصيل عن طبع أمه وكل صغيرة وكبيرة ماذا تُحب وماذا تكره ومفتاح التعامل معها وكيفية الوصول لقلبها تم تعديل 27 مارس, 2013 بواسطة وأشرقت السماء 1 شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 27 مارس, 2013 تررررررررررررررررن ترررررررررررررررررررررن تررررررررررررررررررن الو ايوة يا ماما اهلا يا دينا ازيك يا حبيبتي ازيك انتي يا مامتي وحشتيني انتي اكتر يا حبيبة مامتك ازيك وازي ولادك وجوزك كويسين اوي الحمدلله . اصل انا خارجة كمان شوية انا وحاتم وقولت اكلمك قبل ما انزل خارجين رايحين فين يا حبيبتي رايحين نتفسح ونغير جو ايوة كدة يا حبيبتي اخرجي واتفسحي واتهني ربنا يخليلك جوزك يارب ويعيش ويفسحك ربنا يخليكي يا ماما وهتتفسحوا فين بقى يا دينا هنتعشى برا في مطعم يجنن ع النيل وبعد كدة هنعمل شوبنج اتعشوا برا واتهنوا واعملوا شوبنج براحتكو يا حبيبتي . انا عايزة ايه من الدنيا غير اني اشوفك مبسوطة انتي واخواتك ربنا يخليكي ياماما . طب عايزة حاجة ؟ عايزة سلامتك يا حبيبتي مع السلامة الله يسلمك يا ماما ايه ده لابسين كدة ورايحين على فين انت والمحروسة يا سي فتحي خارجين نتفسح شوية عشان بقالنا كتير ما خرجناش تتفسح دا ايه يابني حرام عليك فلوسك يا حبيبي . اقعد يا حبيبي لا تروح ولا تيجي تعالى نشرب كوبايتين شاي سوا انا وانت بس لوحدنا يا امي مروة من حقها تغير جو البيت وتشم هوا وماله جو البيت . ما الشبابيك كلها مفتحة أهو ما تشم هوا زي ما هي عايزة هو حد حاشها يا ماما انا فعلا مخنوقة ونفسي اخرج مخنوقة من ايه يا بت انتي . يبقى مخنوقة مني انا بقى . انا اللي خنقاكي وكابسة على نفسك يا ماما انا ما قولتش كدة لأ قولي ماهو ده اللي ناقص يا ست هانم . النهاردة تقولي مخنوقة من امك . بكرة تقوليله طلع امك برا لا حول ولا قوة الا بالله يا امي حرام عليكي تنكدي علينا كدة . كدة يا فتحي . يعني ان امك كئيبة . طيب يا ابن الكئيبة . خد المفرفشة واخرج السلام عليكم مش هرد عليكو سلام ما تستاهلوش طيب يا مروة بتتحديني وتاخدي الواد وتخرجي . ان ماوريتك طب والله ما هنام الا لما تيجي عشان انكد عليكي نكد متوصي عليه من اخر مؤتمر حموات انعقد الشهر اللي فات 2 شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 27 مارس, 2013 هههههههههههههه عسل يا أم فتحي .. يوه قصدي يا هوبة فعلا فعلا واقع وبيحصل كتييير جدا والله المستعان شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 27 مارس, 2013 الله المستعان أشرقت الحبيبة وضحت الأمر جزاها الله خيرا اظن كلمة تستحق خاطئة بل لابد من قول من الذي حقه الشرعي مقدم على الآخر في تلك اللحظة، الأم أم الزوجة؟ أرى أن فتحي لا يتسم بالحكمة في كل مواقفه وبدأ بالفعل يهتم بزوجته أكثر من أمه وهذا خطأ في نفس الوقت كان لابد أن يقبل يد أمه قبل أن يتركها وبما أنه لم يفعل فلو كانت في نفس البيت بسهولة يذهب اليها ويقبل يدها ولو في بيت بعيد فليراضيها على الهاتف ويذهب لها في اليوم التالي بهدية وكلمتين رقيقتين لتسامحه ويشعر بالاطمئنان لكن ان يترك زوجته ويذهب لأمه فأراه خطأ والله اعلم وأرى أن فتحي سيتعب كثيرا لأنه بدأ في تهميش أمه وكأنها لا وجود لها من باب أولى أن يعرض عليها الخروج معهم، فإن خرجت يحاولا اسعادها وان لم تخرج فجزاها الله خيرا فتحي تعود على بعض الخصال الحسنة مع أمه لكن من الواضح انه لا يفقه معنى البر ولا كيفية تطبيقه والا لكان راعى مشاعر أمه أكثر شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 27 مارس, 2013 (معدل) اهلا يا حلوات سارة محمد اه والله عندك حق الحمدلله ان هالة مشيت هههههههههههه وطنط ام فتحي كدابة عندك حق ماريا ايوة كدة ادلي بدلوك في الموضوع عشان يسخن على سخونته ههههههههههه امينة واسعد الله قلبك حبيبتي اللهم آمين ساجدة للرحمن خالتك ام فتحي بحالات وحسب الغزالة هههههههههههه سندس واستبرق حبيبتي والله سعيدة سعيدة سعيدة بمتابعتك ربنا مايحرمني منك سندوستي اشرقت السماء الست الحكيمة جت يا ولاد ههههههههههههه فعلا يا اشروقة كل واحد جواه بذرة خير بس في ناس بذرتهم كبيرة وفي ناس بذرتهم صغيرة ههههههههههههه المحبة للزهراء فعلا في حموات مهما الواحدة عملت ما بيرضو عندك حق والله يا هلولة Oum ritage فعلا في بعض الحموات تغتاب زوجة الابن وتتكلم بسوء عنها لكسب تعاطف ابنها وغيره إيماني عنواني ليه بس كدة يا موني خلي نفسك طويل زي مروة هههههههههه ام العبادلة براحة على فتحي شوية يا ام عبد الرحمن ولا انتي خايفة مرات عبد الرحمن تاخده منك ههههههههههههه والله انا شايفة انه بار بأمه وسايبها تبهدل مراته براحتها ومشغلاها خدامة فمفيهاش حاجة لما يخرج يفسح المسكينة شوية والله اعرف ازواج في قمة البر مع امهاتهم ومع ذلك لو خد مراته يفسحها مرة تبهدل الدنيا وتقلب وشها يا شيخة قولي يا باسط ههههههههههههههه بنت ام عبد مقدرة حبيبتي رقة قلبك واحساسك بالأم لكن برضو المفروض ان الحماة تراعي مشاعر زوجة الابن تم تعديل 27 مارس, 2013 بواسطة هبةنور شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 27 مارس, 2013 ها يا مروة ايه رأيك في المطعم الشيك ده حلو اوي يا فتحي وايه رأيك في العشا اللي يجنن ده طيب طالما انت شايف انه يجنن بتاخد رأيي ليه هههههههههههههههه هههههههههههه عشان تأكدي على رأيي اه فعلا هو جميل مالك يا مروة مافيش حاجة يا فتحي انا حاسس انك بتبتسمي بالعافية وغصب عنك والكلام حتى طالع غصب عنك لا ابدا متهيألك انا مبسوطة خالص مش باين . قوليلي مالك . امي مزعلاكي في حاجة لا ابدا يا حبيبي بس بصراحة !!! كملي الموقف اللي عملته مامتك واحنا خارجين وزعلها وضيقها خلاني سرحت وقولت في نفسي لو كنا عايشين لوحدنا كنا خرجنا وروحنا وجينا براحتنا من غير قيود طيب ما احنا خرجنا براحتنا أهو لأ طبعا . مامتك زعلانة وماكانتش عايزانا نخرج اصلا . لكن لو كنا عايشين لوحدنا ما كانش حد عرف عننا حاجة ولا منعنا عن حاجة انتي ندمانة يا مروة انك اتجوزتيني حبيبي ما تقولش كدة . انا بحبك اكتر من نفسي . انت كل حياتي يا حبيبي ربنا يعلم حبيبتي اد ايه بحبك انتي حياتي وروحي ودنيتي كلها ربنا يخليك يا حبيبي ومايحرمنيش منك مروة انا عايزك تكون صبورة زي ما انتي وماتنسيش ان امي ست كبيرة ولازم نراضيها ونستحمل مهما عملت حاضر حاضر يا فتحي ربنا يقدرني واكون عند حسن ظنك ربنا يباركلي فيكي حبيبتي عايزين ناخد حاجة حلوة لماما واحنا مروحين كلك ذوق حبيبتي والله . طب ناخد ايه معانا تعالى ناخد صنية بسبوسة بالقشطة والمكسرات السلام عليكم ازيك يا امي وحشتيني وحشاك ليه ياخويا . لو كنت وحشاك كنت قعدت جنبي ازيك يا ماما ماما في عينك طب شوفي جبنالك معانا ايه جبتوا ايه بسبوسة بالقشطة والمكسرات بسبوسة ! تلاقي المحروسة بتحبها وجايبها عشانها والله جايبها عشانك انتي يا امي يا حبيبتي مقبولة منك يا حبيب امك اتعشيتي يا ماما اومال يختي هستنى لحد دلوقتي من غير عشا عشان اقع من طولي ولا يجيلي انيميا طيب عايزة حاجة يا ماما والله كنت ناويالك على نية سودة بس النوم كابس علية . خليها الصبح بقى النهار ليه عنين شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 27 مارس, 2013 طيب ايه رأيكم يا حبيبات تبحثن عن فتوي قريبة من هذة النقطة ليرتاح بال الجميع لان الامور الشرعية ليست وجهات نظر بل المفروض تكون خاضعة لفتوى ورأي الثقات من العلماء انا لا أدافع عن احد ولكن يهمني ميزان كل موقف بميزان الشرع خاصة فى هذاالموضوع لأهميته لى كزوجة ولأمى أيضا كحماة بإذن الله الموقف الاخير فتحى مخطىء تماما حتي في طريقة عرضه للخروج وفعلا كما قالت أم عبد الرحمن بدأ في تهميش والدته ومن باب الأدب لايخرج إلا ووالدته راضية تماما عن خروجه ولا يتركها متضايقة هكذا ومتوعدة له ولزوجته حبيباتي أنا لا ادافع عن ام فتحى ولكن أذكر انني عرضت موضوع هنا منذ سنوات عن السكن مع الحماة وخاصة ام الابن الوحيد لما رأيته من رفض كثير من قريباتي لعرسان مستواهم ممتازة لمجرد السكن مع امه في نفس الشقة واعتقد الموضوع يحتاج وقفات كثيرة لتعم الفائدة علينا جميعا ولا يكون الغرض الضحك والترفيه فقط هبة الحبيبة جزاها الله خيرا تعرض المواقف باسلوب لطيف ونحن علينا جميعا أن نشاركها بحلول ونقطة انضباط لنؤجر بهذا العمل جميعا بإذن الله أرجو أن تجد فكرتي قبولا 2 شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 27 مارس, 2013 هبهوب وضعت تكملة للخروج في نفسي غير راضية عن خروجهم وتركهم للأم وحدها ... أذكر فتوى عن ذلك الأمر والشيخ افتي انه يأخذ الوالدة ولو له عدد من الأخوة يمكن تبادل خروج الوالدة مع الأولاد حتي يتسني للسائل الخروج مع زوجته بمفردهم ولو مرة بالشهر. مواقف فتحى تحتاج الى نقطة انضباط تتصورن هذا الموضوع عاد بي الي الوراء سنوات وعذرت الفتيات اللاتي رفضن العريس لكونه ستسكن في نفس الشقة مع والدته ... الامر يحتاج صبر وتضحيات بوركت هبهوب وضعت يدك علي جرح الكثيرات ... اللهم ألهمنا الصواب شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 27 مارس, 2013 تررررررررررررررررررن ترررررررررررررررررررررررررررررررررررن السلام عليكم وعليكم السلام ازيك يا سارة عاملة ايه يا مروة وحشاني والله يا حبيبتي انتي وحشاني اكتر ازي ماما وبابا وهاجر كلنا كويسين وانتي عاملة ايه مع جوزك الحمدلله بخير وحماتك ههههههههههههههههه بتضحكي على ايه انتي كمان شكلها مطلعي عينك انتي بتقولي فيها بصراحة ست صعبة جدا وبسمع منها كل كلمة وكلمة تحرق الدم بس مابرضاش ارد عليها طب وهي تحرق دمك ليه إن شاء الله . مش كفاية انك رضيتي تتجوزي ابنها من غير مايجيبلك شقة تقولي ايه بقى . معتبراني عدوتها ومش عايزاني اعيش لحظة سعيدة اعوذ بالله . انا الست دي ما ارتحتلهاش من ساعة ماشوفتها بقولك ايه يا سارة اوعي تجيبي سيرة لماما ماما ! يعني هي ماما هتعمل ايه . هتقولك معلش يابنتي ياحبيبتي اصبري . طيب واخواته ؟ عليه اخت اعوذ بالله من الشيطان الرجيم . البت اللي اسمها هالة دي . اخر مرة مشيت بخناقة والحمدلله ما جتش تاني احسن . بس برضو مسيرها هتيجي لأ لأ اصلها مشيت زعلانة وحلفت انها مش جاية تاني واكيد مش هتيجي الالما حد يروح يصالحها . وماحدش راحلها اصلا ربنا يصلح حالك يا مروة ويكفيكي شرهم اللهم آمين . المهم ما تجبيش سيرة لماما خلاص يا ستي مش هقول . انتي هتيجي امتى ؟ هقول لفتحي واشوفه فاضي امتى يجيبني عندكو طيب تعالي قريب عشان وحشتيني اوي ان شاء الله يا حبيبتي . سلمي على ماما تن تن تنننننننننننننننننن تن تن مين مين مين انا هالة افتحي يا مروة اهئ اهئ اهئ يا مامي ايه اللي جابها دي . هي جت لما سمعت سيرتها دي ولا ايه اهلا اهلا اهلااااااااااااااااااااااااااااااااااااااااااااااااااااااااااااااااااااا هالة هلولة ام لسان سكر هيييييييييييييييييه هيييييييييييييييييييييييييييييييييه هيييييييييييييييييييييييه انتو جيتوا يا قطاقيط . دا يوم ايه البمبي ده استني يا مروة ما تقفليش ليه يا حبيبتي جايبة جيرانك معاكي ولا حاجة لأ البواب طالع بشنط الهدوم هدوم ايه اصل جوزي اتخانق معايا وطردني روحت جايبة العيال وشنط الهدوم وجيت يا مصيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييبتي شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 27 مارس, 2013 انا اكتب وانتوا شوفوا الشرع بيقول ايه في كل موقف فعلا يمكن كتير احنا بنحكم بالهوى كان لينا جارة مسيطرة على ولادها وزوجات ولادها لدرجة رهيبة كان ليها ابن ثري جدا ماشاء الله لاقوة الابالله وبار بيها جدا ومديها الاولوية في كل حياته لدرجة كان كتير يسيب مراته واولاده ويجي يبات معاها من حبه فيها واتذكر مرة زوجته اشترت كام جلابية للبيت وهي عرفت بالأمر ده فراحت اتصلت بيها وقالتلها كل اللي اشترتيه ترجعيه حرام عليكي حسي بابني شوية وماتضيعيش فلوسه ههههههههههههههههه رغم انها كانت تاخد منه فلوس كتيرة وتصرف على بنت من بناتها رغم ان ليها زوج واوضاعها كويسة يعني فلوسه حلال لاخته لكن حرام على مراته رحمها الله افضت الى ماقدمت شارك هذه المشاركه رابط المشاركه شارك
(نشوى) 105 أرسلي تقرير عن المشاركة قامت بالمشاركة 27 مارس, 2013 ربنا الهادي جميل ما كتبتِ يا هبة وفي انتظار البقية بشوق شارك هذه المشاركه رابط المشاركه شارك
**صفا** 208 أرسلي تقرير عن المشاركة قامت بالمشاركة 27 مارس, 2013 جميل ما كتبتى يا هوبه بصراحه الست ام فتحى ربنا يهديها :S وكل كلمه بتقولها ببقى عايزه ارد عليها من انفعالى بس نقول ايه ربنا الهادى ومروه معذوره بس لازم تنتبه انها وقعت فى مجلس غيبه انا عارفه انها بتفضفض من غلبها بس الواحده لازم تاخد بالها من لسانها وتفوض امرها لله بس بصراحه الست دى لازم يشوفلها حل وسلمت اناملك ياهوبه 2 شارك هذه المشاركه رابط المشاركه شارك
ساره أم حمزه 1041 أرسلي تقرير عن المشاركة قامت بالمشاركة 27 مارس, 2013 سارة محمد اه والله عندك حق الحمدلله ان هالة مشيت هههههههههههه وطنط ام فتحي كدابة عندك حق يييييي اهى هاله رجعت تانى -_- شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 27 مارس, 2013 بصراحة الموضوع إحلو أوي أوي لي عودة بإذن الله شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 27 مارس, 2013 البت ام العبادله والبن بنت ام عبد ما بيتكلموش مع بعض غير لما واحده فيهم تفهم التانيه غلط قرفتوني بالنسبه لفتحي انتو ليه وخدنها انه بدأ في تطنيش امه لمجرد انه قالها انه خارج مع مراته الامر عادي جدااااا وبعدين ان مخدهاش المره دي هياخدها المره الجايه ولو كان مطنشها مكنش فكر في شيء يييجبهلها وهو راجع بس اكيد هو عارف طبع والدته وعلي الاساس دا بيتعامل معاه اما ان الواحد ينزل يبوس ايد مامته فدا عادي وليس فيه اهدار لحق الزوجه مره اخطئت لما حكت لاختها عن حماتها وعيوبها الصح ان اهل العروسه ما يعرفو عنها شيء ولا عن مشاكلها انا عن نفسي كدا بس ممكن افضفض لصديقه لي :)) ومش موضوع غيبه يا جماعه في اوقات الواحده من كثره الي بتشوفه بتحتاج لحد تتكلم معاه ومش هيبقي جوزها طبعا لانها مش هتروح تقوله امك واختك وتزهقه في حياته اما ذهاب هاله فربنا يستر وانا مع مروة في مخاوفها الامر هيكون صعب جدااااا شارك هذه المشاركه رابط المشاركه شارك
**صفا** 208 أرسلي تقرير عن المشاركة قامت بالمشاركة 27 مارس, 2013 اختى ماريا اليست الغيبه هى ذكر اخاك بما يكره انا عارفه ان اى واحده بتبقى عندها مشكله بتبقى عايزه تفضفض بس لازم تكون حريصه على ان تكون الفضفضه خاليه من الكلام المسئ للشخص المتحدث عنه كان يكفى ان تقول ربنا يهديها لى او عذراها طبيعه الام ان تغير على ابنها او تقول انها تعبانه معاها بس من دون ذكر مساؤها مشكلتنا نحن النساء ان الفضفضه بتاعتنا ممكن تودينا فى داهيه واحنا مش حاسين :)) ربنا يستر انا ماقصدت تعدى على رايك ماريا الحبيبه بس المشكله ان اللسان افه يجب الحرص منها 2 شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 27 مارس, 2013 @**صفا** تعدي شو يا بنتي لا تعدي ولا شيء انا فاهمه الي بتقوليه وما بعترض عليه انا بتكلم بصفه عامه ان الواحده بتحتاج للفضفضه لحد انا من راي ميكنش اهلها بل صديقه مقربه ولا اقصد انها تفضل تشتم فيهم او تذمهم شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 27 مارس, 2013 بصراحة الموضوع إحلو أوي أوي لي عودة بإذن الله ^___^ مترجعيش وايدك فاضية يا جميل ... هاتي معاك فتاوى علي مواقف فتحى المختلفة ان استطعت وخاصة موقف ليلة الزفاف لست ابدا في صف احدهما ولكن اريد بحق رأى الشرع وجزاها الله خير ام العبادلة علي اثارة هذة النقطة من جديد شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 27 مارس, 2013 أضحكتيني يا ماريا ماريا فقط للتوضيح انا قلت هيكون اهدار لزوجته لو نزل يبوسها وهي في منطقة تانية يعني هو في بيته وامه في بيت اخته في منطقة تانية، ينفع يسيب مراته ويروح لأمه في بيت تاني علشان يبوس ايديها وبالتأكيد هتمسك فيه ومش هتسيبه ومراته هتكون لوحدها بالبيت؟ هنا قصدت انه يكون اهدار لحق الزوجة اما لو امه ساكنة في نفس البيت وراح يبوس ايدها فلا مشكلة فيه هبة لا والله انا ما فكرت في مرات عبد الرحمن خالص لكن فكرت في نفسي انا مع اهلي وما أمر به حاليا معهم شارك هذه المشاركه رابط المشاركه شارك
**صفا** 208 أرسلي تقرير عن المشاركة قامت بالمشاركة 27 مارس, 2013 انا فاهمه قصدك ياجميل بس انا بحكى مشكله فينا وطبيعه النساء الكلام كتير فلابد ان نكون حرصين وان كانت الفضفضه ضرورى ومش مأمنه من الوقوع فيما لايرضى ممكن تكلمى مع نفسك وتهديها لغايه مانفسك تهدى وتحسى انك لو اتكلمتى مش هتغلطى :) :) شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 27 مارس, 2013 أضحكتيني يا ماريا ماريا فقط للتوضيح انا قلت هيكون اهدار لزوجته لو نزل يبوسها وهي في منطقة تانية يعني هو في بيته وامه في بيت اخته في منطقة تانية، ينفع يسيب مراته ويروح لأمه في بيت تاني علشان يبوس ايديها وبالتأكيد هتمسك فيه ومش هتسيبه ومراته هتكون لوحدها بالبيت؟ هنا قصدت انه يكون اهدار لحق الزوجة اما لو امه ساكنة في نفس البيت وراح يبوس ايدها فلا مشكلة فيه هبة لا والله انا ما فكرت في مرات عبد الرحمن خالص لكن فكرت في نفسي انا مع اهلي وما أمر به حاليا معهم أم العبادلة الحبيبة والله مقدرة وجهة نظرك وفكرت مثلك تماما لكن تعلمت من كذا موقف حدث معى أن أستفتي فهناك بعض الأمور الإجابة تكون بعيدة تماما عن توقعنا وأكثر ما أخشاه هو إهدار حق الأم ... الزوجة سهل تراضيها بكلمتين حلوين من زوجها لكن الأم صعب ويظل جرحها ينزف لأنها أعطت وبذلت يارب تكون وجهة ونظري وصلت وانا سأبحث بإذن الله عن موقف مشابه ويكون به الرأى القاطع لنتعلم جميعا شارك هذه المشاركه رابط المشاركه شارك
ام مريم ويحيى 136 أرسلي تقرير عن المشاركة قامت بالمشاركة 27 مارس, 2013 (معدل) سلمت انااملك هوبه الحبيبة اليومين اللى اغيبهم الاقى كل ده حصل وكله كوم وغضب هاله ومجيتها على امها وعند مروه هى وعيالها كوم تااانى الله يكون فى عونك يا مروة ولا يمكن يكون خير ان هاله تيجى البيت يمكن ام فتحى لما تشوف مروه ومعاملتها لبنتها واولادها تحن شويه على مروة وطبعا التناقض الغريب فى موقف خروج دينا وزوجها ودعواتها ليهم وبين خروج مروة وفتحى يعنى اللى ترتضاه لبنتها المفروض ترضاه لمرات ابنها الله المستعان تم تعديل 27 مارس, 2013 بواسطة سندسة ام مريم 2 شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 27 مارس, 2013 تمام يا غاليات الاختلاف في الراي لا يفسد للود قضيه اهم شيء ما نتضايق او نزعل :)) امومة ايوة يا بنت فاهمه قصدك هو يبوس اديها في الفرح وخلاص هههههههههههههههههههههههه دا لو بتها بعيد يعني ههههههههههههههههههههه صفا ايوه عارفه كلام الحريم الي بيودي في داهيه يا اختي ههههههههههههه وبعدين يا بنت انت نتكلم مع نفسنا ازاي انت عايزانا نتجنن ولا ايه يادي النيله شارك هذه المشاركه رابط المشاركه شارك
