هبة نور 2043 أرسلي تقرير عن المشاركة قامت بالمشاركة 8 أبريل, 2013 تيتة عايز ايه يا واد انا مش عايز القناة دي انا عايز اتفرج ع الكرتون لأ ما فيش كرتون . مش شايفني بتفرج على البرنامج يا تيتة ده معاد الكرتون اللي بحبه حبك برص . اسكت يا واد خليني اتفرج يا تيتة انا عايز الكرتون بقى ماليش دعوة بقولك ايه يا واد انت ما تقعدش تتنطط فوق دماغي زي ابو قردان كدة . مافيش كرتون يووووووووووووووووووووووووووه انتي هتمشي امتى مشش في ركبك يا قليل الادب يا ماما انتي يا ماما عايز ايه يا عمار عايز اتفرج ع الكرتون وتيتة مش راضية معلش يا حبيبي هنعمل ايه . لما تمشي ابقى اتفرج براحتك هي هتمشي امتى وانا ايش عرفني ياابني ماليش دعوة يا ماما انا عايز الكرتون طب خلاص خد محمد وخالد وروحوا اتفرجوا مع مهاب ابن طنط مايسة لأ . هروح من غير محمد وخالد ليه ان شاء الله عشان محمد وخالد بيعملوا شقاوة وبيضربوا اخوات مهاب الصغيرين وطنط مايسة بتطردنا كلنا لا خدهم معاك انا هتصل بطنط مايسة اقولها الو ايوة يا مايسة جرا ايه يا ايناس . بعتالي الفريق بتاعك كله ليه يا حبيبتي . مش كفاية عليا دوشة ولادي . هو انتي كل ماتحبي تريحي دماغك تبعتيلي عيالك . هو انا ناقصة معلش يا مايسة اصل العيال عايزين يتفرجوا ع الكرتون وحماتي مش راضية هي حماتك عندك شوفتي الخيبة يختي وايه اللي جابها زعلانة مع ابنها اللي عايش معاها هو ومراته جتك خيبة سلفتك انصح منك حدفت حماتك عليكي عشان هي تعيش من غير مشاكل وتاخد راحتها مع جوزها معقول يا مايسة ايوة طبعا .انتي ماتعرفيش شغل السلايف اسأليني انا . حاولي تطفشي حماتك بأي طريقة اطفشها ازاي قوليلي سلطي عليها العيال يزهقوها يا حبيبتي دي هي اللي زهقت العيال وطفشتهم من الشقة ربنا معاكي بقى اصبري 1 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 أبريل, 2013 تررررررررررررررررن ترررررررررررررررررررررررن الو ايوة يا ماما ازيك يا مروة يا حبيبتي الحمدلله يا ماما بخير ها طمنيني الاحوال هديت بينك وبين حماتك لأ يا ماما الاوضاع اتعقدت اكتر لا حول ولا قوة الا بالله . ليه بس كدة يا حبيبتي . حصل ايه فتحي شد معاها شوية بسببي وهي طبعا زعلت وخدت هدومها وراحت عند ممدوح وانتي سبتيها تمشي يا مروة بالسهولة دي اومال كنتي عايزاني اعمل ايه بس يا ماما كنتي حايلتيها شوية وهديتيها وبوستي على راسها عشان ما تمشيش والمواضيع تكبر اللي حصل بقى يا ماما مافيش حاجة اسمها اللي حصل يا ماما . روحي صالحيها انتي وفتحي ورجعيها بيتها عيب كدة فتحي بيتصل بيها مش بترد عليه يروح يجيبها بنفسه وانتي معاه يروح هو لوحده يا ماما . انا مش هقدر اروح مش هتقدري ليه ان شاء الله خايفة يا ماما لحسن تهيني وتكسفني قدام مرات ممدوح حتى لو حصل يا ستي يبقى عملتي اللي عليكي وبينتي نواياكي الطيبة . ولا عايزة حماتك تقول انك ما صدقتي سابت البيت والله يا مروة لو عملتي كدة وجت منك انتي المبادرة وطلبتي من جوزك انك عايزة تروحي تصالحي امه وترجعيها جوزك هيشيلهالك جميل طول العمر ويعرف اصلك الطيب وهيفضل فاكر موقفك الجميل ده طول العمر خلاص يا ماما حاضر من عيوني لما يجي فتحي هيلاقيني لابسة وجاهزة واعملهاله مفاجأة واقوله يلا بسرعة نروح نصالح مامتك ونرجعها البيت ايوة كدة . هي دي مروة بنتي حبيبتي اللي ربيتها ربنا يخليكي ليا يا ماما ومايحرمني من نصايحك ابدا ويخليكي ياحبيبتي ويصلحلك حالك يارب ويرزقك بالذرية الصالحة قريب وتفرحينا 7 شارك هذه المشاركه رابط المشاركه شارك
أم إبراهيم وعائشة 1 أرسلي تقرير عن المشاركة قامت بالمشاركة 8 أبريل, 2013 جمييييييييييييييل متابعة بصمت :| شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 أبريل, 2013 تيتة حبيبتي انا جيت . وحشتيني هاتي بوسة اهلا يا سلمى يا حبيبة تيتة خدي عشر بوسات يا حبيبتي خدي واحدة شيكولاتة يا تيتة ياخد عدوينك يا بنت ابني . جبتيها منين الشيكولاتة دي من عند تيتة صفصوفة مين تيتة صفصوفة دي اللي بتفرق شيكولاتة ؟ قصدها على ماما يا طنط هي امك اسمها صفصوفة اليومين دول . مش كان اسمها صفية البراوية بندلعها يا طنط انا بحبك اوي يا تيتة وعايزاكي تقعدي معانا على طول تسلمي يا حبيبتي طول عمرك حنينة ولسانك حلو زي عمتك غادة . حتى سبحان الله طالعة زي القمر شبهها ايوة فعلا يا طنط غادة امورة خالص لكن هالة ودينا شبه حضرتك بالظبط اخرسي قطع لسانك انا شبه هالة ودينا . اصلك ما شوفتنيش في شبابي كنت ازاي الحمدلله اني ماشوفتكيش بتقولي ايه يا بت بقول قمر يا طنط قمر ممدوح ايوة يا ايناس انا رايحة عند ماما النهاردة انتي بتستعبطي يا ايناس ؟ ليه يا ممدوح انتي مش عارفة ان امي هنا طب وانا مالي . هي عشان امك هنا اتحرم انا من زيارة امي بقولك ايه يا ايناس مافيش مرواح عند امك . انتي عايزة امي تزعل لأ بعد الشر عليها من الزعل . ازعل انا واتفلق مش مهم تررررررررررررررن تررررررررررررررررن ايوة يا ايناس ايوة يا ماما مش هقدر اجي النهاردة ليه يا حبيبتي . انا عملتلك المحشي اللي بتحبيه الست حماتي عندي زي ماانتي عارفة والبيه جوزي مش عايزني اتنقل من جنبها يا سلام .هو الواد ده اتجنن ولا ايه . مايقعد هو جنبها واحنا مالنا . هيشيلنا هم امه ليه هعمل ايه بقى يا ماما البسي يا بت وتعالي سبيه يتفلق هو وامه . هو هيحكم علينا ولا ايه مش مشكلة بقى يا ماما . ابقى اجي الاسبوع الجاي يمكن تكون انكشحت يابت اختك جاية النهاردة ونفسها تشوفك وكمان خالتك انوار جاية هي وبناتها بجد والله كلهم جايين ؟ ايوة يا حبيبتي البسي وتعالي بصي يا ماما لو جيت من غير اذنه هيعملي مصيبة . انا عندي فكرة قولي يا نوسة انتي تتصلي بيه وتعملي عيانة وتقوليله معلش يا ممدوح انا عيانة وعايزة ايناس جنبي عشان تديني الدوا انتي بتفولي علية بالعيا والمرض يا بت ؟ بعد الشر عليكي يا ماما . بس مافيش حل تاني خلاص هتصل بيه واعمل عيانة 1 شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 8 أبريل, 2013 وهذا ما كنت اقوله يجب عليها ان تذهب بنفسها هي وفتحي وإن شاء الله يكون خير :) انا متأكدة ام فتحي مع الوقت حتعرف طيبة مروة شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 8 أبريل, 2013 الست ام مروة دي اصيله بجد عامله زي بالظبط هههههههههههههههههههههههههههههه شارك هذه المشاركه رابط المشاركه شارك
اعتز بالاسلام 126 أرسلي تقرير عن المشاركة قامت بالمشاركة 8 أبريل, 2013 سبحان الله مروة طيبة وامها كمان ايناس مش كويسة وامها كمان صحيح اكفى القدرة على فمها....................... اعجبنى جدا موقف ام مروة شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 أبريل, 2013 ايوة يا ممدوح ياابني ايه يا حماتي مال صوتك تعبانة ياابني تعبانة وعايزة ايناس ليه هي ايناس دكتورة هي اللي هتوديني عند الدكتورة يابني يا حبيبي بقولك ايه يا حماتي يا حبيبتي انا عارف كويس اوي انك مش عيانة . اعدلي صوتك بقى وكلميني كويس ايوة مش عيانة وعايزة بنتي المفروض انتي اللي تعلميها الصح من الغلط وتفهميها ان طالما حماتها في البيت يبقى مايصحش تخرج مش تشجعيها عشان تقصر رقبة جوزها هو حد جاب سيرة رقبتك يا ابني لا سمح الله عايزة تشوفي ايناس تعالي انتي شوفيها خلاص بعد الضيوف ما يمشوا هاجي حتى بالمرة اسلم على امك ايوة كدة الكلام التمام يا حماتي يا ام الاصول والذوق ازيك يا ام ممدوح اهلا يا ام ايناس . ماحدش بيقولي يا ام ممدوح الا انتي ماهو ممدوح الكبير ولازم نقولك يا ام ممدوح اصل ليا جارة اسمها ام اسماعيل كرهتني في اسم ممدوح من اصله . كانت على طول تقولي يا ام مندوح عشان كدة لما جه فتحي قولت خلاص يقولولي يا ام فتحي ربنا يخليهوملك يختي . انتي ماشية امتى بالسلامة وانتي مالك انتي هو انا قاعدة فوق دماغك اكيد بيتك وحشك لأ ما وحشنيش ومش هريحك واقولك همشي امتى هي فين ايناس . انتي فين يا نوسة اهلا يا ماما يا حبيبتي اهلا يا حبيبتي . مالك خاسة وعدمانة كدة هي مين دي يا ام ايناس اللي خاسة وعدمانة . دي ناقصلها زلومة وتروح تعيش مع اخواتها في الادغال اصل الحمل جاييلي بسدة نفس يا ماما مش طايقة الاكل . يادوب باكل نص كيلو لحمة بالعافية حتى الفرخة ما بقدرش اكملها يا حبيبة امك يختي . كبدي عليكي هتقعي من طولك . انا عارفة حملك وحش وبتخسي النص كل مرة وشكلك هفتانة هي مين دي اللي هتقع من طولها وهفتانة . دي راسها بقت شبه الكرنبة وعنيها مش باينة من نفخة خدودها يختي حرام عليكي هتحسديلي البت خمسة وخميسة الله اكبر . خدي يا نوسة يا حبيبتي جبتلك فرختين محمرين أزأزيهم قدام التليفزيون بدل اللب . انتي حامل وعايزة تغذية يا حبيبتي يختي انتي بتوصيها على ايه . وصيها على عيالها اللي بتاكل اكلهم وسيباهم معصعصين شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 8 أبريل, 2013 مروة حبيبتي انت بتحبي زوجك، هتقدري تسيبيه تعبان نفسيا وتنتظري يرجع علشان تفاجئيه بأنك عايزة تصالحي حماتك طيب افرضي ان فتحي مشي من بره بره وراح صالحها لوحده، ساعتها هتقول هي عليكي ايه اما ايناس فاللهم اكفينا شرها وشر امها يا رب شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 8 أبريل, 2013 ما شاء الله علي ام ايناس ههههههههههههههههههههههههههه اي دا النوع دا في منه كتير بتبقي بنتهم صحتها زي الحصان بس كل شويه تقولك دي تعبانه دي غلبانه ديدي :) بس ممدوح برافو عليه وقف حماته عند حدها دا الصح في بقي رجاله بيسمعو شتيمه امهم قدامهم وعادي هههههههههههههههههههههههه شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 8 أبريل, 2013 انا بقى لساني طويل ومش بسكت يعني لما انزل الاقيها مكشرة اقوم قايلالها هو انتي كل ماتشوفيني تكشري وتدوري وشك الناحية التانية ليه هههههههههههههههههههههههههه يقوم جوزي يقعد يضحك الله المستعان لالالالالالالا ما ينفعش كدة يا هبة انت لازم ضوبي لسانك لجوة خليها مستورة معانا مش أحسن من الفضايح الي ما الها أول من آخر كمان دي ست كبيرة مينفعش تردي جواب عليها معلش استحملي شوية أنا عارفة شغل الحموات بس نعمل إيه استحملي وتعالي اكتبيلنا عن أم فتحي :P انا بقى لساني طويل ومش بسكت يعني لما انزل الاقيها مكشرة اقوم قايلالها هو انتي كل ماتشوفيني تكشري وتدوري وشك الناحية التانية ليه هههههههههههههههههههههههههه يقوم جوزي يقعد يضحك الله المستعان لالالالالالالا ما ينفعش كدة يا هبة انت لازم ضوبي لسانك لجوة خليها مستورة معانا مش أحسن من الفضايح الي ما الها أول من آخر كمان دي ست كبيرة مينفعش تردي جواب عليها معلش استحملي شوية أنا عارفة شغل الحموات بس نعمل إيه استحملي وتعالي اكتبيلنا عن أم فتحي :P ههههههههههههههههههههههههه لأ ما تتخضيش يا سندوسة انا بهزر معاها والله باخد الموضوع هزار عشان التكشيرة تتفك بس ههههههههههههههههه بالعكس انا اللي بيعجب جوزي اني باخد كلامها بضحك وهزار مرة يا اختي عملت ملوخية اول جوازي وهي كانت هتتغدا معانا اليوم ده المهم جوزي طبعا واخد على ملوخية مامته اللي تجنن فعلا والله وانا مبتدئة بالنسبة لها المهم جوزي بيقول الملوخية مش عارف مش لذيذة ليه قالتله العيب مش على الملوخية العيب على اللي عملتها ههههههههههههههههههههههههههههه انا سمعت الجملة دي وماقدرتش امسك نفسي من الضحك والله حتى هو استغرب وقالي كنت فاكرك هتزعلي وتعمليها مشكلة يعني والله الواحد ياما بيعدي مواقف ومواقف ما اقدرش ارد عليها والله شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 8 أبريل, 2013 : ) شارك هذه المشاركه رابط المشاركه شارك
((مــريــم)) 35 أرسلي تقرير عن المشاركة قامت بالمشاركة 8 أبريل, 2013 :)) موضوع شيق شارك هذه المشاركه رابط المشاركه شارك
راجية رضا الرحمان 1 55 أرسلي تقرير عن المشاركة قامت بالمشاركة 8 أبريل, 2013 هههههههههههههه و الله روعة جزاك الله كل خير اختي هبة شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 8 أبريل, 2013 ههههههههههههههههههههههههههههههههههه.....رهيييييييييييييييييييييييييبة كلة كوم ههههههههههههههههههههههه وام ايناس كوم تانى ..............والجميل ان من كلام ممدوح وانه فاهم حركات حماته ان العلاقة بينهم كويسة جدا ..........وعلشان كدة هى تقبلت كلامه بصدر رحب وقالتله انا اللىى هاجى اما بقى كلام ام مروة ..... فدة كان اللى فعلا المفروض يحصل .....وكيس ان امها نبهتها ............لان كان ممكن جدا لو فتحى اللى قالها الكلام دة ممكن تقول فى نفسها دة بيجى عليا علشان امه ............انما النصيحة لما تيجى من امها يكون ليها طعم تانى ^_____^ ههههههههههههههههههههههه حلو موضوع الملوخية دة هههههههههههههههههههه عسل يا هوبة ربنا يحفظك يا قمراية ههههههههههههههههههههههه موضوع الركتون دة بقى فكرنى ههههههههههههههه بموقف لاابنى .........هههههههههههههههههههه كان يا حبيبى يصحى من النوم ياخد فطاره وياكل قدام الكرتون لما جه حماتى وحمايا بقو يصحوا قبله ههههههههههه ويتفرجوا على الاخبار الصباحيه ......وكان كل مرة يجى عندى الاوضة ويقولى ننا وجدو بيتفرجو على الاخبار .هههههههههههه حتى صحى مرة قبليهم علشان يتفرج شوية قبل ما يصحوا (لانى طبعا قايلاله لما ننا وجدو يجو عايزين الريموت علشان يتفرجوا تتديهلهم من غير ولا كلمه او اعتراض )ههههههههههههههههههوطبعا كان بينفذ كلامى علشان عارف انه لو اعترض همنعه من الكرتون طول اليوم شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 8 أبريل, 2013 هههههههه ما شاء الله طلعت ايناس شبه امها بالظبط لكن لا يجوز قول خمسةوخميسة وابق قوليها لأم ايناس ههههههههههه شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 8 أبريل, 2013 هههههههه ما شاء الله طلعت ايناس شبه امها بالظبط لكن لا يجوز قول خمسةوخميسة وابق قوليها لأم ايناس ههههههههههه شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 8 أبريل, 2013 هههههههه ما شاء الله طلعت ايناس شبه امها بالظبط لكن لا يجوز قول خمسةوخميسة وابق قوليها لأم ايناس ههههههههههه شارك هذه المشاركه رابط المشاركه شارك
المتضرعة لرب الكون 115 أرسلي تقرير عن المشاركة قامت بالمشاركة 8 أبريل, 2013 مروة فيها الخير عكس ايناس وهي اصيلة بنت اصيلة ام مروة عايزة مصلحتها وبتنصحها عكس ام ايناس عيزة تخرب بتها وبتسلطها على زوجها مروة تحلم بالاستقرار والراحة والسعادة ككل الزوجات وهدا لايعني انها قاسية او مبتحبش الخير لحماتها 1 شارك هذه المشاركه رابط المشاركه شارك
ريحانه عبد الرحمن 102 أرسلي تقرير عن المشاركة قامت بالمشاركة 9 أبريل, 2013 رغم أنني منذ صغري بقول إن الواحده لو عاملت والدة زوجها بالحسنى مش هيحصل بينهم مشاكل حتى وإن كانت عايشه معاها في بيت واحد إلا المشاكل الطبيعيه إلي بتحصل في أي بيت --إلي لابد منها-- وكنت بقول إن مهما كان ومهما كانت والدة الزوج تتعامل مع زوجة إبنها بأي طريقة كانت يجب --من باب الأصول -- أن لا ترد زوجة الإبن على والدة زوجها وهذا يعتمد على الفطره وتربيتها في بيت أهلها لأن هي أم ومن تدري معنى الأم وتتخيل المراحل التي مرت بها حتى أصبح إبنها رجلا يستطيع أن يذهب إلى العمل ويستطيع أن يأتي ويرد ويتكلم ويقف ويجلس بعد أن كان هي من تفعل له كل هذا ،،، وجاءت زوجة الإبن لتأخذ هذه الحصيلة الجميلة - نعم هي لا تستفرد به -- ولكن يجب أن تقدر أنها أم ومهما ذاقت منها سيكتب لها كل ذلك عند ربها ولعله يكون هو السبب في دخولها الجنة إن أخلصت النية لله وما كان لفتحي أن ينام بل أن يجلس في بيت أمه لحظة واحده بعد أن مشيت مغضبة حتى وإن كانت هي المخطئة فهي أم ،، أختي هبه -- معلش مش عارفه إنتي أد إيه عشان كده قولتلك هبه علطول -- هو إنتي كاتبه الموضوع من خيالك وألا الحاجات دي شوفتيها واقعيا لإن أنا بحس إن الموضوع فيه مبالغه شويه وألا في فعلا ناس عايشه كده؟؟ بس ربنا يكرمك تكتبي لنا بعد ما إبداع أم فتحي يخلص إبداع آخر تكون أم الزوج فيه لطيفه كدا والحياه حلوه ههههههههههههههههههههههههههه اولا اهلا بيكي يا ريحانة عندي 34 سنة وكام شهر كدة بالنسبة للموضوع من نسج خيالي طبعا اما بالنسبة للمبالغة فباين عليكي طيبة اوي زي سجودة هههههههههههههه في حموات بيعملو ا بلاوي اكتر من كدة والله يعني ام فتحي تعتبر طيبة وعلانياتها ليا صديقة حماتها سليطة اللسان جدا لدرجة ان مرة امها جت عندها عشان تصلح بينها وبين زوجها راحت الحماة اهانت الام وشتمتها وواحدة تالتة حماتها مش بتتحرك من السرير لمرضها وهي القائمة على خدمتها ومع ذلك بتكدب وتقول انا بنادي عليها عشان تناولني كوباية مية ما بتردش علية وواحدة تشوف مرات ابنها تعبانة ومع ذلك تتصل ببتاع الفراخ عشان يبعت لهم كام فرخة حلوين كدة وتغصب عليها تقوم تطبخ رغم تعبها وكمان سهرها مع ابنها الرضيع طول الليل وعشان مانظلمش حد في حموات طيبين يعني انا مثلا حماتي رغم تكشيرها الدائم ولله الحمد وابتسامتها اللي شوفتها كام مرة يتعدوا على صوابع ايدي وغيرتها طبعا اللي لازم تتوفر في اي حماة بس برضو ما اقدرش اقول انها بتأذيني كل واحد عايش في حاله احنا في نفس العمارة والعمارة بتاعتها اصلا بس شقتي فوق شقتها انا بقى لساني طويل ومش بسكت يعني لما انزل الاقيها مكشرة اقوم قايلالها هو انتي كل ماتشوفيني تكشري وتدوري وشك الناحية التانية ليه هههههههههههههههههههههههههه يقوم جوزي يقعد يضحك الله المستعان نورتي يا ريحانة يا عسل ههههههههههههههههههه ،، ربي ينور حياتك ،،، الله المستعان ،،، بس إنتي ما شاء الله زي العسل ودمك خفيف ودي حاجه بتسهل التعامل مع المشاكل يعني لو مروه أخدت كلام أم فتحي بهزار الموضوع هيعدي إن شاء الله -- إبقي خليها تجرب :) -- بس بصراحه عشان منظلمش أم فتحي دمها خفيف أوي -- متهيألي لو أنا مكان مروه هضحك من كتر ما بتهزأ --- الحمد لله إني مش مكانها ال جواز ال-- شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 9 أبريل, 2013 السلام عليكن ورحمة الله وبركاته بارك الله فيك يا هبة ظنيت أنك نقلتيها بس ما شاء الله كتبتيها امتى؟؟؟؟ وصارلي يمكن أسبوع مادخلت...وقبل ما أدخل قلت لازم أعرف أم فتحي ومروة وصلوا فين؟؟؟ وفي حاجة تانية من كلامك مبين أنو عندك 20 سنة والله سبحان الله بس 34 برضه لسه صغير ة شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 9 أبريل, 2013 السلام عليكن ورحمة الله وبركاته بارك الله فيك يا هبة ظنيت أنك نقلتيها بس ما شاء الله كتبتيها امتى؟؟؟؟ وصارلي يمكن أسبوع مادخلت...وقبل ما أدخل قلت لازم أعرف أم فتحي ومروة وصلوا فين؟؟؟ وفي حاجة تانية من كلامك مبين أنو عندك 20 سنة والله سبحان الله بس 34 برضه لسه صغير ة وعليكم السلام ورحمة الله وبركاته اهلا يا نور يا سكر حبيبتي انا اعمالي كلها من قلمي بفضل الله دي موهبة بحمد ربنا عليها الحمدلله المواقف بكتبها بشكل يومي من نسج خيالي لاني بتعايش مع الشخصيات وبالمناسبة بكتبها بدون اوراق يعني الموقف اللي بتخيله بكتبه فورا يعني يا قمر لسة لحد دلوقتي انا شخصيا ما اعرفش هعمل نهاية القصة على ايه زي ماخيالي يوديني بقى وانتو ونصيبكو هههههههههههههههههه وبالمناسبة برضو انا شديدة الغيرة على اعمالي ومابحب حد ينقل منها حرف بدون اذني ولازم كتابة اسمي على العمل الكلام ده لاي حد عايز ينقل اي عمل من اعمالي وبالمناسبة بحب اشكر سندسة ام مريم شكر خاص لانها نقلت بعض حلقات يوميات الست ذكية لمنتدى اخر وكتبت اسمي عليها امينة يا سندوسة ربنا يبارك فيكي يا قمر هاجي تاني يا بنات ارحب بيكو انا بس كنت برد على نور لأن سؤالها محتاج اجابة فورية شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 9 أبريل, 2013 الله يبارك فيك سبحان الله أكيد سؤالي كان محتاج إجابة فورية الله يخليلك موهبتك ياحبيبتي لأنها بجد موهبة ماشاء الله وماتخافي أنا برضه بحب لما أنقل أي شيء بكتب انو منقول دكرتيني بأختي كانت بتنزل مواضيع طبخ فأحد المنتديات فقامت أخت ماشاء الله ونقلت الموضوع كله بس على أساس أنها هي اللي عملت كل إيشي سبحان الله يلا كنت بنتظر النهاية بس الحين عرفت أنك انت برضه بتنتظريها متلنا هههههههههههههه شارك هذه المشاركه رابط المشاركه شارك
ام رحمة السلفية 12 أرسلي تقرير عن المشاركة قامت بالمشاركة 9 أبريل, 2013 هبة بجد موهبة رائعة الله يحفظك وكل الاخوات دمهم ذى العسل بجد ام فتحى بقت بترفه عنى بدخل اضحك وانسى شوية هموم الدنيا لكن طبعاً الله يكون فى عون مروة ويهدى حماتها وترضا عنها شارك هذه المشاركه رابط المشاركه شارك
سماء الفردوس 305 أرسلي تقرير عن المشاركة قامت بالمشاركة 9 أبريل, 2013 ماشاء الله لاقوة ا بالله ربنا يبارك فيكى وفى يمينك الغالى هبه حبيبتى الغاليه كل يومى يزداد اعجابى بموهبتك والتى منها نتعرف على حلول لمشاكلنا من تعليقات الاخوات ونصائح كلا منا لبعضنا ويزداد تشويقى لمعرفة جديد ام فتحى شو واخر مغامراتها ههههههههههههههههههههههههه ربى يجازيكى الفردوس الاعلى ويحميكى من كل سوء شارك هذه المشاركه رابط المشاركه شارك
