مراتي في السبعيناااااااااات

[ساره أم حمزه 1041]

يلا بقى متشوقه اعرف اللى هيحصل فى الصعيد إن شاء الله

[~ماريا~ 1340]

مين مديحه كامل دي مش فاكراهاهههههههههههههههههههههههههههههه

 

يا نهارك يا هبه يعني مصطفى اخرته الصعيد شكله هيرجع متجوز من هناك

العار ولا التار يا بهيه

ههههههههههههههههههههههههههههههههههههههههههههه

 

 

ومين سامح ولا صلاح اسمه ايه الي عايز يخطب مها دا

طلعتيه منين

بس شكله كويس يلا خير

 

 

مدحت

ما عجبني انه يتجوز من غير ما يعرف مراته لازم يعرفها وه ليها حره الاختيار

المفروض مامته كانت قالتله كدا برضو

مش يقول وهي هتعرف منين

 

 

 

[ساره أم حمزه 1041]

دكتور حسام ده يا ماريا تقريبا اللى مدحت اتصل به وقاله على صفاء

بس هو قاله انا اتجوز اللى امى موافقه عليها تقريبا كده

[~ماريا~ 1340]

@@ساره محمد

 

لا لا مظنش

دا واحد تاني يا بنتي

[بنوته مسلمه مصريه 458]

ماريا قومى نامى

ههههههههههه انتى تلخبطى بلد

سامح مين وصلاح مين مش كفايه علينا هبه يا اختى

وبعدين اسمها التار ولا العار

قومى نامى يابت

هههههههههههه

[ساره أم حمزه 1041]

@~ماريا~

هههههه بجد انا فاكره كده

طب لما هبه تيجى تقولنا صح ولا غلط

إن شاء الله

[~ماريا~ 1340]

@@بنوته مسلمه مصريه

ههههههههههههههههههههههههههههههههههههههههههههه

هههههههههههههههههههههههههههههههههههههههههههههه

والله يا ولاء انا كنت هكتبها العار ولا النار

ورجعت قلت مفيش نار هي التار بس اي واحده الاول مش عارفه

هههههههههههههههههههههههههههههههههههههههههه

 

اه والله عايزة انام

 

@@ساره محمد

 

هههههههههههههههههههههههه

هبه دي شاطرة تجبلنا اسامي كتير وتسبنا واحنا اصلا بنحفظ اسمين بالعافيه

هههههههههههههههههههه

[ساره أم حمزه 1041]

ااه ده طلع اسمه حسن

 

:blush:

[~ماريا~ 1340]

@@ساره محمد

ههههههههههههههههههههههههههههههههههههههههههههههههههههههههههههههههههههههههههههههههههههههه

[ساره أم حمزه 1041]

هههههههه

بلاش احراج بقى يا ماريا

[هدوء الفجر 224]

يآآآآآآآآآآآآآآآرب المسلسل ده ميخلص خآآآآآلص

مش متوقعه انه هيخلص في يوم من الأياااام >> هزعل أويي

 

 

من أكتر الحاجات اللي استفدتها من المسلسل ده

إني وبلا فخر اكتشفت ان ذاكرتي الحمدلله لسه بخييير وقدرت أحفظ أسماء وأدوار الشخصيآآآات :)) :))

 

وأظرف حاجة إني وانا واقفة في المطبخ بعمل الأكل

بنادي أمي واقعد احكيلها المسلسل ،، وهي ما شاء الله مندمجه معايا أووووي

ههههههههههههههههههههههههههههههههههههههههههههههههه

بتقولي ما شاء الله عليها خيالها واااسع أووووي :))

[أم عبدالرحمن وجنة 14]

جميييييييييييييييييييييييييييييييل ماكتبت هوبه المبدعه.

منتظرين رحلة الصعيد ماتتاخريش علينا.

[رياحينو 205]

ماشاء الله مسلسل رائع

وتوقعات الأخوات رائعة

انا اول مالقيت فيه الف جنيه عرفت ان هبه مخبيه حاجه لمصطفي

واستحالة اى واحدة من الأخوات توصل

متابعه معاكى انشاء الله

وبعدين بقه خالى بالك من الصعايدة لحسن انا من الصعيد

مع انى مروحتش هناك كثير عشان انا عيشه في القاهرة

لما نشوف اخرتها ايه

[' أم آية' 667]

:)

[*أم رقية* 473]

:)) كمان يا ام اية أضحك الله سنك

 

 

هوبة ماشاء الله مودية مصطفي الصعيد لية هتكسريله اديه ولا رجليه ولا اية ولا يكونش ينقذ حد ويطلع بطل امممممممم ولا ممكن يعجب بواحدة هناك مهو الصعايدة معندهمش الحال المايل بتاع القاهرة فاكيد اللي بتعري نفسها بالفرفر على طول

كنت فكراكي الاول هتخلي ايمان تسيب خطيبها ومامت مصطفي تروح المدرسة لاي امر وتحبها خيالي واسع صح

 

المهم مبسوطة لمها الحمد لله ان ربنا رزقها بحسام ( كأن حيقة يعني وفرحانة )

 

بس يا ترى الخبر دة هيستقبله علاء ازاي واكيد هيام هتفرح وميمنعش انها تغير برضه

 

الباش مهندش يا ترى هيحصله اية في الصعيد ( انا اعرف ان زمان كان موضوع الزواج تاني سهل جدا عن الايام دية )

 

 

 

يلا بقى تعالي عشان على رأي حواء هنخرب القصة لكن اعملي حسابك في حلقات اكتر النهاردة تعويضا لبكرة

 

 

[وأشرقت السماء 1565]

ههههههههههههههههه

والله العظيم إنتوا عسل

بنت يا ماريا يا حبيبتي لسة بدري عليكِ خرفتي بدري هههههههههه

 

كدة يا هبة تعملي في البنات كدة

 

واضح إنك هتشقلبي كل توقعاتنا تماما

ومصطفى يتجوز من الصعيد ويرجع بزوجته ومدحت يطلع على حماه الله يرحمه تار وبدل ما ياخدوه من بنته ( بالرغم من إنهم بياخدوا التار من الرجالة بس ) هياخدوه من مدحت ههههههههههههههه

 

ومها هتتجوز حسام وسوزي هتتجوز أدهم

وإيمان الثغننة هتتجوز ابن يسرا إللي جاي في السكة

ههههههههههههههههههههه

[اعتز بالاسلام 126]

O_o

[~ماريا~ 1340]

@@وأشرقت السماء

هههههههههههههههههههههههههههههههههههههههههه

وكمان خليتي فيه تار

ممكن برضو

بموت في توقعاتكم

وخصوصا

حواااااااااااااااااااااااااااااااااااااااء

ههههههههههههههههههههههههههههههههههههههههههههههههههههههههههههههههههه

 

ربنا ما يحكمها على سيناريوهات خالص

ههههههههههههههههههههههههههههههههههه

[هدوء الفجر 224]

@@وأشرقت السماء

 

هههههههههههههههههههههههههههههههههههههههههههههههههههههههه

إيه العكّ الجميييييييييييييل ده

واااضح ان مش مآآريا بس وأم حوآآء اللي مخهم اتشقلب

هههههههههههههههههههههههههههههههههههههههههههههههه

ربنا يكملنا بعقلنا ياااااااااااااااااااارب

 

خلصي بقى يا خالتو هبهووبه عشااااااان بعد كده مش عارفين هيحصل لنا ايه تاني ^ـــــــــــــــــــــــــــــ^

[هبة نور 2043]

صفاااااااااء

 

يا صفاااااااااااااء

 

 

نعم يا ماما

 

 

انتي فين يا بنتي . بنادي عليكي ما بترديش ليه

 

اسفة يا ماما .كنت سرحانة شوية

 

سرحانة في ايه يا حبيبتي

 

بصراحة سرحانة في باشمهندس مدحت وموقفه الغريب وتصميمه انه يسافر لاهلي في الصعيد رغم اننا قولناله انهم ما يعرفوش ان في واحدة اسمها صفاء اصلا

 

يا حبيبتي انا كنت ناسية ان فعلا لازم حد من اهل ابوكي هو اللي يتمم عقد جوازك . ده شرع ودين يا حبيبتي ما ينفعش نتخطاه

 

بس احنا لينا ظروف خاصة يا ماما . بابا طول عمره بعيد عن اهله وماحدش يعرف عننا حاجة

 

حتى لو كان يا بنتي . اهل ابوكي فعلا لازم يعرفوا بوجودك ويعرفوا بموت ابوكي

 

هههههههه تلاقيهم نسيوه اصلا ومش فاكرين كان اسمه ايه هههههههه

 

والله يا بنتي احنا بنعمل اللي علينا . وبصراحة انا معجبة بمدحت جدا وبجد اثبتلي انه ابن اصول وهيصونك

 

وانا كمان مرتحاله اوي بس خايفة

 

خايفة ! خايفة من ايه

 

خايفة عليه من اهل بابا في الصعيد . انا زي ما سمعت منك انهم ناس صعب اوي

 

 

ربنا معاهم يا حبيبتي . وبعدين هو قاصد خير مش رايح لشر عشان يأذوه . ربنا يرجعهم بالسلامة ان شاء الله

 

 

يارب يا ماما ان شاء الله

 

ترررررررررررررررررررررررررن تررررررررررررررررررررررررررررررررررررررررررن

 

شوفي مين يا صفاء يا حبيبتي

 

 

حاضر يا ماما

 

 

مين

 

افتحي يا ست صفاء انا ليلى

 

اهلا يا طنط ليلى

 

فين مامتك

 

 

مالك يا طنط

 

فين مامتك بقولك

 

ماما جوا في اوضتها

 

اتفضلي اديها خبر اني هنا

 

حاضر يا طنط . بس من فضلك اهدي

 

 

 

اهلا اهلا يا ليلى

 

عاجبك كدة يا ست امينة

 

ايه يا ليلى في ايه يا حبيبتي

 

انا ذنب ولادي ايه يسافروا مع عريس بنتك

 

طب يا حبيبتي اهدي . انا ما طلبتش منهم يسافروا والله . انا ماليش ذنب

 

لو ولادي جرالهم حاجة يا امينة والله ما هسامحك فاهمة ولا لأ

 

كدة برضو يا ليلى ! انتي مصرة تحمليني ذنب سفرهم ! يا ستي ان شاء الله هيجوا بالسلامة ومتشكرة ليكِ جدا

 

 

اهدي بس يا طنط ليلى .معلش يا ماما . ماتخلوش موقف بسيط يزعلكو من بعض

 

هي اللي زعلانة يا بنتي من غير سبب

 

اووووووووف عن اذنكو

 

 

لا حول ولا قوة الا بالله

 

 

اعذريها يا ماما . اول مرة ولادها يسافروا الصعيد وهي قلقانة عليهم

 

عذراها والله يا بنتي .ربنا يرجعلها ولادها بالسلامة

 

 

 

 

 

 

 

يااااااااااااااااااااااااااااااااااااااااااه بقالنا ست ساعات في القطر ولسة ما وصلناش

 

معلش ناملك شوية عشان ماتحسش بالمسافة يا مصطفى

 

انا نمت وصحيت كذا مرة وبرضو لسة ما وصلناش

 

تقريبا فاضل ساعة يا استاذ مصطفى

 

طب كويس هانت يا دكتور مدحت . معلش احنا مش واخدين على السفر للساعات الطويلة دي

 

لا وكمان يا مصطفى لما ننزل من القطر لسة هنركب عربية توصلنا للنجع

 

تااااااااااااااااااااااااااااااااااني اووووووووووووف يا ريتني ما جيت معاكو . كان مالها القعدة مع ماما وموني

 

ههههههه يا عم خلاص هانت

 

 

تذاكر يا حضرات

 

اتفضل

 

 

 

بصراحة يا علاء اخوك عنده حق . الطريق طويل وممل جدا

 

هههههه جرا ايه يا دكتور مدحت . انت رجعت في كلامك ولا ايه

 

لالالالالا ما اقصدش طبعا . انا مصر جدا على الجواز من صفاء . يا ترى عاملة ايه يا نجلاء

 

 

 

 

 

 

 

 

دكتورة نجلاء

 

 

يا دكتورة نجلاء

 

 

نعم يا اجلال

 

ادخلك الحالة اللي بعد كدة

 

لالالا انا تعبانة ومرهقة وعايزة اروح عشان ارتاح شوية

 

 

سلامتك يا دكتورة الف سلامة

 

الله يسلمك يا إجلال عن اذنك

 

 

دكتورة

 

نعم يا اجلال

 

قبل ما حضرتك تمشي انا بس عايزة اسألك مالك بجد من فترة متغيرة خالص وماعندكيش نشاط للشغل زي الاول

 

كل يوم بنمشي حالات كتير وبنعتذرلهم

 

متضايقة شوية

 

ليه بس يا دكتورة

 

مشاكل عائلية ما ينفعش اتكلم فيها

 

ربنا يهديلك الحال يا دكتورة

 

متشكرة عن اذنك

 

 

 

 

 

 

 

يا حضرات يا حضرات . يا سادة يا افاضل

 

 

هاااااا ايوة

 

القطر وصل .حمدالله ع السلامة

 

الله يسلمك شكرا

 

 

ياااااااااااااااااااااااااا اخيرا وصلنا . الواحد حاسس انه لزق ع الكرسي من كتر القعدة .يلا يا جماعة اصحوا وصلنا

 

 

 

ااااااااااااااااااااه ايه ده احنا فين

 

احنا فين ايه يا عم مصطفى اصحى وفوق كدة عشان ننزل

 

حمدالله ع السلامة يا جماعة

 

 

الله يسلمك يا دكتور مدحت

 

يلا عشان نلحق ذئاب الجبل ههههههههههههه

 

ههههههههه يلا يا سيدي

 

 

 

 

في عربية جاية هناك اهيه

 

 

لو سمحت ممكن توصلنا نجع ابو سويلم

 

نجع ابو سويلم . كنكم اغراب يا فندية ؟

 

ايوا فعلا اغراب . ايه هو مافيش اغراب بتسمحولهم بدخول النجع ولا ايه

 

لع لع مين جال اكديه . احنا نفهموا في الاصول زين انتو فوج روسنا اتفضلوا

 

هههههههه الله يكرمك بداية مبشرة . ماالصعايدة طيبين أهو . اومال ايه الاشعات اللي طالعة عليهم دي

 

لحد كدة كويس . يارب يطلعوا اهل صفاء طيبين كدة

 

والافاندية جاصدين مين في النجع

 

والله احنا قاصدين عيلة الزعاترة

 

اعوذ بالله على دي عيلة زعلهم عفش . ماحداهومش الا ضرب النار على الفاضية والمليانة

 

ايييييييييييييييييه لف وارجع يا اسطى

 

يلف ويرجع فين يا علاء

 

العمر مش بعزقة يا دكتور مدحت . بيقولك ما عندهومش الاضرب النار ع الفاضية والمليانة

 

يا فندي بجول لما حد يزعلهم . انتو رايحين تزعلوهم ؟

 

لالالالالالا ابدا والله . احنا قاصدين خير

 

خلاص تبجوا في الأمان بإذن المولى

 

 

ايه ده

 

مالك يا مصطفى

 

مش ملاحظ يا علاء ان مافيش ولا ست في الشوارع بتاعة النجع . انا باصص مش شباك العربية مش لاقي ولا ست

 

ست ايه يا مصطفى . دول ستاتهم ما بيخرجوش من البيوت

 

الله ! شيء رائع حقيقي . انا سعيد بعادات وتقاليد الصعايدة . ياريتنا كنا منهم

 

 

لسة كتير ع النجع يا اسطى

 

 

لع ما كتيرش ولا حاجة . جربنا نوصل يا افندي

 

 

 

 

 

 

وصلنا النجع . جاصدين بيت مين

 

والله ما احنا عارفين حاجة . احنا عايزين اتنين . مناع ودهشان

 

احترم نفسك واتأدب يا فندي انت ولا شكلك جاي لجدرك عاد

 

جاي لقدري يعني ايه . هو انا غلطت في حاجة

 

استنى يا دكتور مدحت اما نشوف في ايه . احنا غلطتنا في ايه

 

ايه مناع ودهشان دي . بيلعبوا معاكو الحجلة اياك ؟ اسميه الحااااااااااااج مناااااااااااااع واخوه الحاااااااااااااااج دهشااااااااااااااااان يا اعمى الجلب والنظر منك ليه

 

خلاص يا سيدي ما تزعلش . صحيح الصعايدة زعلهم وحش وانت اولهم يا اسطى . مين الكبير فيهم

 

الحاج مناااااااااااااااااااع كبير الزعاترة

 

طيب ودينا بيت الحاج مناع

 

جصدك سرايته يا افندي

 

يا سيدي سرايته ولا عشته ودينا وخلاص .

 

انا ابتديت اقلق

 

ربنا يستر يا علاء . باين نجلاء داعية علية من قلبها

 

 

 

اتفضل يا فندي

 

انزلوا يا جماعة . ايه السرايا دي كلها

 

دي بتاعة واحد فيهم بس ههههههههه اومال سراية التاني شكلها ايه .

 

 

استنوا هين لما انادم على الغفر يفتحوا السرايا عاد

 

ادينا استنينا . استر يارب

 

يا وهداااااااااااااااااااااااااااااااااان يا زهراااااااااااااااااااااااااااان افتحوا باب السرايا ضيوف للحاج مناااااااااااااااااااااااااااااااااااااااااع

 

 

 

 

ضيوووووووووووووووووووووووف اضرب عيارين في الجو لجل نرحب بالضيوف

 

لالالالالالالالالالالالالالالا بلاش بلاش ارجوك

 

 

دي عوايدنا يا فندي اُضرُب يا وِلد

 

 

ططططططططططططططططططططططططططططططخ

 

 

طططططططططططططططططططططططططططططططططططططططططططططططططخ

 

 

 

 

 

طططططططططططططططططططططططططططططططخ

 

 

يا اخي ودانا بقى كفاية . ايه الرعب ده

 

اهلا وسهلا بالجودة يا واد عمي .شرفتونا اتفضلوا

 

 

يا حفيظ ترحيبهم يرعب

 

اومال زعلهم شكله ايه يا دكتور ههههههههه

 

 

ربنا يكفينا شر زعلهم

 

 

 

 

اتفضلوا هنبلغ الحاج مناع انكم شرفتونا

[هدوء الفجر 224]

يماااااااااااااااااااااااااااااااميييييييييييييييييي

 

دا أنا اللي خووووفت

 

يمااااااااااااامي

 

خآآآآآآآآآآآآآآآآآآآآآآآآآآآآآآيفه

[هبة نور 2043]

اتفضلوا يا افندية

 

 

 

السلام عليكم ورحمة الله وبركاته

 

اهلا يا ولدي وعليكم السلام ورحمة الله وبركاته . جالولي انكم جاصديني

 

ايوة فعلا يا حاج مناع . احنا جايين من مصر بخصوص .........

 

جبل ما تجولوا جايين بخصوص ايه تاخدوا واجبكم في الاول

 

لالالا يا فندم ما فيش داعي

 

 

يا ولَدي دي عوايدنا عاد . نرحبوا بضيوفنا زين في الاول عشان لو غدرنا بيهم بعد كدي يبجى ما جصرناش في الواجب

 

 

الله يطمنك

 

انا عايز اروح لامي . انا مش عايز اتجوز . مالها نجلاء . تعاليلي ياما

 

 

 

الغدا يا حورمة منك ليهاااااااااااااااااااااااااااااااااااااا

 

 

 

حاضر يا حاج مناع . بت يا زينة

 

نعمين يامّاي

 

همي حضري معايا الوكل يا بت بوكِ حداه ضيووووووووووووووف اغراب

 

 

ضيوف اغراب ! مين الضيوف دول يامّاي ؟؟؟؟؟؟؟؟؟

 

واحنا مالنا يا بتي . بوكِ جال حضروا الوكل يبجى نحضروا الوكل

 

اغراااااااااب ! وايه يجيب اغراب لحد عندينا ! واني مالي

 

واااااااااااااااااااااااااه يا بت انتي واجفة تحدتي روحك زي المجانين كديه ليييييييييييه .همي يابت همي

 

جاية يا مّااااااااااااااااي واااااااااااااااااااااااه جولت جااااااااااااااااااااية . ايه دي

 

 

 

 

ايه ده . شايف اللي انا شايفه يا علاء

 

في ايه

 

الستات اللي هناك دول بيحطو الاكل ع السفرا .

 

 

هما فين دول

 

ماهم قدامك اهو

 

يا ابني دول خمتين سود قدامي . ستات متغطين اسود في اسود من فوقيهم لتحتيهم

 

عاداتهم جميلة جدااااااااااااا ستاتهم ما بيتكشفوش على حد

 

هههههههه يا اخي العين تعشق الجمال برضو .مش للدرجة دي يعني الاحتشام

 

والله ما انت فاهم حاجة في الدنيا يا علاء . ياريتنا كنا صعايدة وعايشين هنا معاهم ونحافظ على ستاتنا بالشكل ده

 

 

اتفضلوا يا فندية . البيت بيتكم عاد . لما تخلصوا وكْل حصلوني على المندرة نشربوا الشاي ونتحدتوا في اللي انتو جايين عشانه

 

 

ربنا يجعل كلامنا خفيف عليكو

 

 

يلا يا دكتور مدحت يلا يا مصطفى هجووووووووووووووم السفرا مليانة فراخ وبط وحمام يا سلاااااااااااااااااااااام على كرم الصعايدة يا سلااااااااااااااااااااااام

 

 

الاكل لذيذ جدااااااااااااااااا

 

 

كل يا مصطفى كل يا علاء عشان ممكن دي تبقى اخر اكلة في حياتكو ههههههههههههههههه

 

يا اخي فال الله ولا فالك

 

 

 

 

 

 

السلام عليكم يا حاج مناع

 

 

يا مرحب يا جوفة مراحب بحالها واتدلت حدانا

 

الله يرحب بيك يا حاج

 

 

الشاي يا حورمة منك ليها

 

 

 

تن تن تن

 

 

الشاي يابوي

 

همي يا بت اخفي اخفي يا باعيدة

 

حاضر يابوي هخفى

 

يا مرحب بالضيوف والناس المليحة . اتفضلوا اشربوا الشاي

 

 

 

شكرا يا فندم

 

خير إن شاء الله . مشرِفينّا ليه وجيتوا لحد ديارنا وجطعتوا مسافات وبلاد لجل توصلولنا ؟

 

انا يا فندم اسمي مهندس مدحت واتقدمت لبنت اخو حضرتك عشان اتجوزها لكن والدتها رفضت وقالت لازم اطلبها من عمها

 

 

يا نهارك إسوااااااااااااااااد غطيس في ليلة مغبرة على دماغك بتجول اييييييييييييه . خطبت بت اخوي من مين يا حزييييييييييييين . وانت شوفت امها وييييييييين

 

يا زهراااااااااااااااااااااااان يا وهداااااااااااااااااااااااااااااااااان

 

نعمين يا حاج مناع

 

حد فيكو يوصل لسراية دهشان اخوي يبلغووووه انه يطخ مرته في الحال ويتاويييييييييييييييييها وحد يكتفلي التلات عجول دول عشان عيشهم اتجطع من الدنيا لحد كديه . اتحرك يا ووووووووووووووووواد

 

 

استنى بس يا اخ انت وهو . يا فندم انت فهمت غلط . يا فندم انا ما اقصدش بنت الحاج دهشان ولا شوفت الحاجة مراته اصلا والله

 

وبعدين بجى في الكلام الملخفن ديه . انت مش بتجول خطبت بت اخوي من امها ولا كانك بتحلم وانت صاحي ؟

 

يا فندم انا اقصد الانسة صفاء بنت اخوك حسنين

 

حسنييييييييييييييييييييييييييييييييييييييييين خوووووووووووووووووووووووووي وينه وين اخوووووووووووووووي

 

وينه يا افندي اتوحشته اتوحشتك يا حسنين ياخوي يا واد امي وابوووووووووووووووي

 

الحمدلله هشوووووووووووووف اخوي هشوووووووووووووووف اخوي

 

اضرب عيارين في الجو يا واااااااااااااااااد هشوف حسنين اخوووووووووووووووووووووي

 

حد يبلغ دهشاااااااااااااااااااااان جولوله خوك حسنين ظهر وبااااااااااااااااااااان خووووووووووووووي

 

هو وين ويييييييييييين يا فندي

 

لا اله الا الله . يا عم اهدى شوية . اخوك مات من عشر سنين

 

خوي !!!!!!!!!! خوي حسنين مااااااااااااااااااااات . ميتى يا ولدي ميتى ؟؟؟؟؟؟؟؟

 

يا فندم بقول من عشر سنين

 

يااااااااااااااااااااااااااااااااااااااه . انا بجالي اكتر من عشرين سنة ماشوفتوووووووووش وفي الآخر اعرف انه ماااااااااات

 

يا حزن جلبي عليك يا حسنين يا خوي . والله يا ولدي دورنا عليه كاتير كاتير جوي وابوي جبْل ما يموت كان نفسيه يشوفه وينضره بعينه بس ربنا ما ارادش الحمدلله على كل شيء انت بتجول انه مْهمَل بت واسميها صفاء ؟

 

ايوة يا فندم

 

ايوة احنا جيرانهم من سنين طويلة ولما عم حسنين مات صفاء كان عندها عشر سنين ودلوقتي عروسة عندها عشرين سنة

 

 

ايوة يا فندم وانا جاي اطلب منكم تيجوا مصر عشان تحضروا العقد وواحد فيكو يبقى وكيل صفاء عشان صحة العقد

 

ماشاء الله . والله راجل زين يا عريس بت اخوي . بجى جاي لبلادنا وانت ولا شوفتنا ولا ريتنا عشان تطلب مننا يد بتنا ؟

 

 

ليا الشرف يا حاج

 

راجل راااااااااجل يا ولدي

 

 

الله يكرمك يا حاج مناع

 

وانتو بجى جيران اخوي

 

ايوة يا افندم والجوازة اصلا عن طريقنا . لان الدكتور مدحت صديقي

 

هو مهندز ولا داكتور . انتو هتلخبطونا ليه عاد

 

انا مهندس وبحضر رسالة دكتوراة

 

وماله يا ولدي مش عيب . الله يوفجك ويصلح حالك وتجيب مجموع كابير وتخش الجامعة

 

الله يكرمك

 

ها قولت ايه في جوازي من صفاء وسفرك معانا مصر

 

 

ازاي يا ولدي تكلمني في جواز بت اخوي واحنا لسة ما خدناش عزاه

 

عزاااااااااااااااااااه !!!!!!!!!! يا فندم ده مات من عشر سنين

 

ايوة يا ولدي بس احنا عرفنا ديلواك . لازمن وحتما نبلغ النجع كلاته . دي حسنين الغالي مش أي حد يا ولدي

 

الله يرحمك يا حسنين يا خوي عن اذنكم يا ولدي . الدار داركم . راجع لكم تاني

 

 

 

 

 

زهررررررررررررررررررررران وهدااااااااااااااااااااااااااااااان

 

نعمين يا حاج مناع

 

بلغ دهشان ان خوه حسنين ماااااااااااااااااااااااااات

 

وبلغلوا النجع كلاته ان العزا من النهاردة ولمدة تلات تيام

 

 

الحاج حسنين خووووووووووووووووك مات يا حاج مناااااااااااااااااااااع ؟. لا اله الا الله . حالا هنبلغ الحاج دهشان ونبلغ النجع كلاته . عظم الله اجرك يا حاج مناااااااااااااع

 

 

اااااااااااااه يا حسنين يا خوي يا واد امي وابوي

 

 

 

 

 

 

وبعدين بقى . دة بيقول ما ينفعش نتكلم في مواضيع جواز الا بعد تلات تيام العزا يا دكتور مدحت اوووووووووووووف

 

عزا ايه بس . الراجل مات من عشر سنين

 

ما فيش قدامنا غير اننا نستنى

 

يووووووووووووو دي ماما هتقلب الدنيا وهتقلق . كدة ما ينفعش يا علااااااااااااااااااااء انا عايز امشي

 

 

هنعمل ايه بقى . مضطرين يا جماعة معلش يا علاء انت ومصطفى استحملوا معايا شوية معلش

 

 

 

يلا يا مدحت ياولدي عشان تاخد عزا حماك الله يرحمه

 

 

البسوا الجلاليب دي عشان تجعدوا على راحتكو يا ولدي

 

 

جلاليب صعيدي هههههههههه دا احنا هنشوف ايام زي الفل

 

ايه ده . الكمام واسعة كدة ليه

 

هي كدة جلاليبهم البس وانت ساكت

 

 

يلا يا مدحت يا ولدي خد عزا حماك

 

مش قااااااااااااادر اااااااااااااااااااااااه حماااااااااااااااااايا حمايا مات يا علاء

 

معلش يا دكتور مدحت ما تعملش في نفسك كدة . كلنا لها

 

اتخطف اتخطف يا علاء قبل ما اشوفه بعشر سنين

 

هنعمل ايه معلش ادي حال الدنيا

 

 

 

وين عريس بت اخوي يا حاج مناع

 

قاعد هناك اهو مش جادر يصلب طوله من الزعل على حماه يا حاج دهشان

 

 

البقاء لله يا ولدي

 

ونعم بالله مين حضرتك

 

انا الحاج دهشان اخو الله يرحمه حسنين حماك

 

اااااااااااااااااااااااااااااه يا حماياااااااااااااا

 

معلش يا ولدي ادي حال الدنيا . بس هو المفروض مين يعزي مين يا غشيم انت

 

اه والله انا اسف يا فندم البقاء لله في اخو حضرتك

 

ونعم بالله . وازي بت اخوي وامها زينين ؟

 

زينين الحمدلله كويسين جدا ولا ينقصهم الا رؤياكم

 

طبعا يا ولدي هناجي معاك نشوف بت اخوي ونتمم عجد جوازها ونسترها في بيت جوزها ونديها حجها في مال بوها وارضياته وبهايمه

 

والله احنا مش جايين عشان كدة

 

لا يا ولدي ده حجها ولازم تاخده هي وامها .ربنا ما يجعلنا ناكل حج الولاية ابدا

 

والله انتو ونعم الناس يا حاج دهشان انت والحاج مناع وانا اتشرف بنسبكو

 

الله يكرم اصلك يا ولدي . الشرف لينا احنا يا واد الأصول . الراجل الزين يا ولدي يتعرف من افعاله وانت راجل صُح

 

 

الله يباركلك يا حاج دهشان بس احنا والله مستعجلين ولازم نمشي

 

 

جرا ايه يا ولدي . انا لسة بجول عليك بتفهم في الأصول . عايزني اغدر بيك ليه !!!!!!!!!!!!

 

لالالالالالا خلاص ادينا منتظرين التلات تيام

 

 

وبعدهم تلات تيام تاني ضيافة

 

لا ابوس ايدك ما ينفعش

 

لالالالا انتو ماخدتوش واجبكو

 

والله الواجب وصل وزيادة . احنا بعد تلات تيام نرجع القاهرة كلنا ان شاء الله

 

 

 

 

 

 

على فين يا بت يا زينة

 

 

هروح يامّاي اشم هوا في الغيط واجعد يمة الساجية شوية والعب مع الجاموسة

 

 

اوعي تعوجي يابت . عاودي على طووووووووووول

 

حاضر يا مّاي

 

 

 

 

 

اووووووووووووووووف انا زهقان

 

معلش يا مصطفى استحمل

 

طيب عايز اتمشى شوية

 

 

احنا من ساعة ما جينا ما اتحركناش من هنا . انا عايز اتمشى شوية

 

 

لو سمحت يا حاج مناع

 

خير ياولدي

 

ممكن اخرج برا اتمشى شوية

 

وماله ياولدي . بس اخاف عليك تتوه وماتعرفش تعاود

 

لا ان شاء الله مش هتوه

 

ابعت معاك حد من الغفر يا ولدي

 

لالا من فضلك عايز اتمشى لوحدي

 

 

 

 

 

 

يا بت بيجولك ابوكي ما تطلعيش في الجيااااااااااااااااااااااااااااالة

 

 

كل العيون لما شااااااافوووووووووووووووكي بعتوا وراكي الخيااااااااااااااااااااااالة

 

 

بعتوا وراكي الخيالة بعتوا وراكي الخيااااااااااااااااااااااااااالة

 

 

 

 

 

ايه ده. يا الله . شوف البنت ازاي خارجة ومغطية كل جسمها وماشية كمان في قمة الحياء

 

 

لو سمحتي

 

 

انتيييييييييييييييي

 

 

 

يا خبر مطين بطين راااااااااااااااااااااااااااااااااجل الحجيني يا مّاااااااااااااااااااااااااااي يامّاااااااااااااااااااااااااي

 

 

 

طب بس بالراحة هتقعي ههههههههه يا خبر . دي جريت مني لما شافتني . يجوا بنات التحرر يشوفوا العفاف والحياء الحقيقي

 

 

 

 

يامّاااااااااااااااااااااااي يا امّااااااااااااااااااااااااااااي

 

مالك يا زينة مالك يابتي مخلوعة ليه ؟

 

خلعني يا مّاي خلعني

 

هو مين يابت اللي خلعك

 

راجل ياماي شوفت راجل غريب ياماي

 

وايش عرفك انه راجل يا بت . شوفتي الرجالة فين جبل كديه انطجي لاسفخك كف اجسمك نصين

 

يامّاي مااني بشوف بوي واعمامي يامّاي وعندي فكرة ان الرجالة صوتهم تخين ودي صوته تخين يبجى راجل يامّاي

 

 

اوعي يابت يكون عرف انتي مين

 

لع لع لع ما عرفش انا جريت منيه يامّاي

 

يجطع البنات وخلفة البنات اللي يسامحك خلعتيني

 

 

 

 

 

 

 

لو سمحت هي البنت اللي دخلت من شوية تبقى بنت مين

 

بت مين يعني ايه يافندي . مالك ومال بناتنا

 

انا بسأل بس

 

وعتسعل لييييييييييه . خليك في حالك يافندي وريح نفسك . بنات النجع ما بيتجوزش اغراب عن النجع

 

طب انا مصر اعرف هي بنت مين

 

 

الست زينة بنت الحاج مناع

زييييييييييييييينة اسم جميل

 

 

 

 

علاء

 

افندم

 

انا لقيت عروسة

 

افندمممممممممممممم عروسة ايه ياابني . انت عبيط ولا بتستعبط . عروسة من هنا ! من الصعيد ! انت اكيد اتجننت

 

 

اتجننت ليه . ايوة عروسة من الصعيد . زينة بنت الحاج مناع

 

كماااااااااااااااااااااااان ياابني اتقي الله فينا . امك مجرد مراوحنا الصعيد خلاها تخاف اومال لو قولنالها هناسب من الصعيد هتعمل ابه. ياابني امك رفضت المدرسة المحجبة رغم انها متعلمة ومتفتحة لمجرد حجابها اومال لو جبتلها امنا الغولة دي هتعمل ايه ؟؟؟؟؟؟؟؟؟؟

 

 

انا مش هسمح لماما تاني تتحكم في مصيري

 

مصطفى انت بتتكلم في ايه . انت اصلا ما شوفتهاش . افرض طلعت وحشة وشكلها مش مقبول حتى

 

عارف يا علاء لو قردة او شمبانزي هتجوزها برضو . انا مش بدور على جمال . الجمال ما هو متلئح ببلاش في كل حتة

 

طب بس بس انت شكلك خرفت والسفر اثر على دماغك

 

 

هتجوزهااااااااااااااااااااااااااااااااااااااااااااا هتجوز زينة

 

 

فين الحاج منااااااااااااااااااااع يا حاج مناع

 

 

خير يا ولدي

 

لو سمحت عايز اتجوز زينة بنتك

 

 

اييييييييييييييييييييييييييييييييييييييييه شوفتها وين وعرفت اسمها من وين وجعتك مطينة بطين يا واكل ناسك

 

 

اتشاهد على روحك . حد يديني الفرفر الفرفرررررررررررررررررررر

 

 

يا عمي نتفاهم فرفر ليه بس انا عملت ايه . انا ماشوفتهاش ولا اعرفها اصلا

 

لكن حيائها دلني عليها انا عايز زوجة مصونة في بيت اهلها واطمن اني اول راجل في حياتها

 

ايه يا ولدي كلام السيما الماسخ ده . أي ست يا ولدي جوزها اول راجل في حياتها يا حزين انت

 

هههههههه يا عمي دا عندكو هنا في الصعيد . طبعا في كتير محترمين في القاهرة لكن برضو بيخرجوا سافرات والناس بيشوفوهم . انا عايز مراتي ما حدش شافها قبلي ابدااااااااااااااااااااااااااااااااااااا

 

 

هههههه يا عم الحاج مناع اصل مصطفى اخويا هربان من سنة 1900 هههههههههه من ايام ما الستات كانوا منتقبات وكان نفسه يعيش في العصر ده

 

 

هعهعهعهعهعهعع ضحكتني يا ولدي

 

 

طيب طالما ضحكت وافق وافق بقى بالله عليك

 

 

والله يا ولدي صعب . طيب افرض انا رضيت انها تروح معاك مصر لان الست مكانها مكان جوزها ايش ضمني امها ترضى

 

 

طيب اعرض الامر على والدتها ابوس ايدك . انا عايز الموضوع بأسرع وقت

 

انا يا عمي في اخر سنة في كلية التربية . فاضلي الترم التاني بس والحمدلله عندي شقتي في عمارة من عمارات والدي

 

ووالدي صاحب شركة مقاولات كبيرة وليها اسمها .قولت ايه يا عمي

 

والله يا ولدي مش عارف ليه مرتاحلك إكديه وعندي رغبة اديك بتي عارف ليه

 

ليه يا عمي

 

عشان ياابني بتخاف ع العرض واللي يخاف ع العرض يتشال فوج الراس ومايتجالوش لع

 

انت عايز مراتك متصانة في بيت ابوها ويسلمهالك بعفافها وكمالها . والله يا ولدي بتي مش خسارة فيك . بس في الاول اشوف رأي امها ورأي البت برديك

 

ههههههه الله يبشرك بالخير ويكرمك يا عمي يا ابو الاصول انت

 

 

بقى عمك خلاص !!!!!!!!!!!! استني لما تروح لامك . دانت قدامك مواويل زرقة

 

 

 

 

 

 

جولتي ايه يا ام زينة موافجة ان زينة تتجوز وتسافر مصر وتفارجك

 

 

في داهية ياخوي . شايفني طايجاها جوي !

 

وانتي يا زينة

 

هعهعهعهعهعع ماتكسفنيش يابوي

 

 

طب الحمدلله

 

 

العريس اسميه ايه يا بوي

 

 

اسميه موصطفى

 

 

موصطفع . زين . عريسي اسميه موصطفع ياماي

 

مبروك عليكي يا زينة يابتي .

 

 

 

 

 

 

 

هاااااااااا يا عمي العروسة قالت ايه

 

العروسة موافجة وامها موافجة

 

ههههههههههههههه ينصر دينك يا عمي

 

 

زيييييييييييييييييييييييييييييييييييينة هتجوز زينة يا علاء هتجوز زينة يا دكتور مدحت

 

 

 

يا سلااااااااااام يعني اشمعنى يعني يكلمك في موضوعك وانا يعطلي موضوع صفاء

 

 

متهيألي يا دكتور مدحت عشان موضوع صفاء فيه كلام كتير وميراث واراضي وبهايم هههههههه يا بختك يا عم

 

يا بختي ايه يا عم علاء . انا مالي ومال ميراثها .

 

 

ههههههههه انا عارف والله يا دكتور مدحت انك عمرك ما تبص لحاجة زي كدة

[هبة نور 2043]

تن تن تن ترررررررررررررن

 

 

ميييييييييييييييييييييييييييييين

 

 

انا نجلاء يا طنط افتحي

 

نجلاء مين

 

نجلاء مرات مدحت يا طنط

 

 

مرات مدحت ! ايه الزيارة الغريبة دي

 

 

اهلا يا نجلاء ايه التنازل ده يا حبيبتي . بقى معقول جاية تزوريني

 

اهئ اهئ اهئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئ

 

ايه اللي داخلةو بيتي بالبكا والنكد دي . هو الواحد ناقص مرار . في ايه يا نجلاء يا بنتي مالك

 

مدحت مدحت متغير خالص يا طنط اهئ اهئ اهئ

 

متغير ازاي يعني

 

اهئ اهئ اهئ مابقاش يحبني يا طنط مابقاش يهتم بيا زي الاول . انا لما كنت اتأخر في المستشفى كان يتصل بيا ويسأل علية

 

وعمره مانام الا لما ارجع ويطمن عليا . دلوقتي لما بتأخر في المستشفى مش بيسأل علية وكمان ارجع البيت الاقيه في سابع نومة اهئ اهئ اهئئئئئئئئئئئئ مش ده مدحت جوزي ابدا وكمان يا طنط مش بيفكر فيا خالص كزوجة اهئ اهئ

 

يختي وهو ما عادش فيه خشى ولا حيا ال مابيفكرش فيها كزوجة ال . دا كلام يتقال يا اخواتي . ال صحيح اللي اختشوا ماتوا

 

اهئ اهئ بتقولي حاجة يا طنط

 

بقول معلش يا حبيبي . البيوت ياما بيحصل فيها

 

طنط

 

نعم

 

مدحت فين يا طنط

 

مش قالك يا بنتي انه مسافر

 

مسافر فين وليه

 

وبعدين بقى ! انا ما بحبش اكدب . اقولها ايه دي بقى . سبحان علام الغيوب يابنتي

 

يعني ايه يا طنط مش فاهمة

 

يعني هقوم اعملك كوباية لمون تروق دمك . ال على رأي المثل ابني على حجري وبعدين اسيبه يتلطش مني وارجع ادور عليه في الشارع

 

 

اهئ اهئ ايه يا طنط المثل العجيب ده . اهئ اهئ حضرتك بوظتي المثل خالص اهئ اهئ انا مشاية

 

مع السلامة يا مرات ابني والقلب داعيلك

 

 

 

صباح الخير

 

صباح النور يا فندم أي خدمة ؟

 

لو سمحت انا بسأل على مهندس مدحت

 

الباشمهندس في اجازة

 

اجازة !!!!!!!!!!!!!!!!!!!! يعني مش في مأمورية تبع الشغل

 

مأمورية !!!!!!!!!!!!!!!!!!!!!!!!!!!!!!!! لا يا فندم باشمهندس مدحت في اجازة

 

 

اااااااااااااااااااااااااااااااااااااااااه الخاااااااااااااااااااااااااااااااين الغدااااااااااااااااااااااااااااااااااااااااااااااااااااااار

 

 

افندم !!!!!!!!!! حضرتك بتكلمي نفسك يا مدام

 

 

وانت مالك انت . راجل بارد صحيح

 

 

 

ال والست امه عاملة نفسها ما تعرفش هو فين . اقطع دراعي ان ماكانت عارفة كل حاجة . اااااااااااااه يا ناري منها ومن ابنها

 

طيب يا ام مدحت طييييييييييب يا حماتي . والله لروح بيت بابا واجيبلهم ماما تقلب الدنيا على دماغهم يا ماميييييييييييييي اهئ اهئ اهئئئئئئئئئئئئئئئئئئئئئ

 

 

 

 

اهئ اهئئئئئئئئئئ ترررررررررررررررررررن ترررررررررررررررررررررررن افتحي يا ماماااااااااااااا اهئ اهئ

 

 

 

نجلاااااااااااااء مالك يا حبيبتي بتعيطي ليه ادخلي

 

 

اهئ اهئ مدحت مدحت يا ماما مدحتتتتتتتتتتتتتت ااااااااااااااااااااااااااه اهئ اهئ اهئ

 

لا حول ولا قوة الا بالله . امتى يا بنتي . الله يرحمه ويحسن اليه كان لسانه متبري منه

 

يا ماما بتقولي ايه اهئ اهئ بعد الشر عليه اهئ اهئ جوزي حبيبي

 

اومال عمالة تعيطي وتأوئي على ايه لما هو لسة عايش

 

مدحت يا ماما اهئ اهئ يا إما إتجوز يا إما هيتجوز اهئ اهئ

 

يتجوووووووووووووووووووووووز يتجوز على ميييييييييييييييييين على بنتي اناااااااااااااااااااا ليييييييييييييه

 

والله دانا ما ارحمه ساعتها واوريه الوش التاني

 

يا ماما وش ايه وقفا ايه دلوقتي . انا في جوزي اللي مش عارفة راح فين

 

 

ما تسألي المحروسة امه

 

مش بتقول حاجة الكهينة السهتانة . عارفة كل حاجة وشايفاني بعيط وقاعدة بصالي كأنها بتتفرج على فيلم سينما

 

 

فيلم سينما . طب خلي ابنها يتجوز كدة . وانا اعملهم دور نجمة ابراهيم في فيلم جعلوني مجرما واخلي ابنها يعجز بعنيه

 

 

اما اشوف يا ست ماما هتعملي ايه

 

ارمي همومك على امك يا حبيبتي وما تشيليش هم . روحي انتي شوفي اكل عيشك

 

 

ماليش نفس للشغل يا ماما اهئ اهئ . ماما

 

 

نعم

 

انا بحب مدحت اوي يا ماما وما عرفتش قيمته الا لما بعد عني اهئ اهئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئئ

 

انت فين يا جوزي يا حبيبي

 

جتك خيبة تخيبك . يا بت ما تعمليش كدة عشان راجل . والله يا حبيبتي مستقبلك اهم صدقيني انا . الرجالة ما وروهومش الا وجع القلب . عايزين الست تسيب حالها واشغالها وتقعد جنبهم تطبطب وتدلع وفي الااااااااااااااااخر برضو ما يعجبهومش العجب

 

انزلي يا بنتي شوفي شغلك ومستقبلك بلا رجالة بلا هم . ومع ذلك اوعدك اني هرجعهولك تحت رجليكي يطلب السماح

 

 

بجد يا ماما اهئ اهئ ؟

 

بجد يا روح ماما . مع السلامة انتي . ال يتجوز على بنتي ال . لييييييييييييه ما يعرفش ان وراها ام تاكل الزلط ولا ايه

[هبة نور 2043]

يلا يا مايسون عشان نروح لماما نعمة . مش نفسك تشوفيها زي ما قولتي ؟

 

اه والله يا ابلة نفسي اوي . انا حبيتها من ساعة ما كلمتيني عنها

 

طيب فرصة نزورها ونطمن عليها . انا معايا العنوان في الورقة دي

 

طيب يلا يا ابلة سوزي

 

 

يلا يا حبيبتي

 

 

 

 

 

يلا يا مايسون وصلنا

 

ايه ده يا ابلة . هي عايشة هنا ؟؟؟؟؟؟؟

 

ايوة ده العنوان

 

يا حرااااااااام هي عايشة هنا ازاي . دي منطقة فقيرة اوي

 

سبحان الله . عشان نعرف اننا في نعم كبيرة اوي يا مايبسون ومش حاسين بيها

 

 

 

 

تن تن تن

 

 

مين

 

افتحي يا ماما نعمة انا سوزي فاكراني ؟

 

اهلا اهلا اهلا بحبيبتي . ماشاء الله على النور اللي طالع من وشك الله اكبر اهلا اهلا حبيبتي

 

هههه الله يخليكي يا ماما نعمة . دا نور الحجاب مش نوري انا

 

لا ونور الصلاة كمان حبيبتي . مين الامورة

 

انا مايسون اخت ابلة سوزي الصغيرة ازيك يا طنط

 

اهلا اهلا يا حبيبتي اتفضلوا

 

 

يااااااااااه يا ابلة هي عايشة في اوضة ؟

 

لا حول ولا قوة الا بالله . قوليلي يا ماما نعمة أأأأأممممم يعني تسمحيلي اسأل انتي عايشة في الاوضة دي ازاي

 

دي ضيقة اوي ومش بيدخلها الشمس وحاجتك كلها فيها

 

ههه الحمدلله يا حبيبتي . دي الاوضة وسعت عليا بعد ما اتجوزوا البنات ههههه كانت صحيح ضيقة لما كانوا موجودين

 

يا خبر . انتو كنتو كلكو عايشين في الاوضة دي !!!!!!!!!

 

فضل ونعمة يا بنتي الحمدلله . مكان متاوينا ومقفول علينا ومستورين

 

 

اهئ اهئ اهئ انا مش مصدقة يا ابلة سوزي اهئ اهئ طيب يا طنط لو سمحتي خدي الاسورة بتاعتي الدهب دي وبيعيها انا مش عايزاها اهئ اهئ

 

ههههه يا حبيبتي يا بنتي . لا يا حبيبتي خلي اسورتك في ايدك . انا مش عايزة حاجة والله . كفاية زيارتكو الجميلة اللي قلبي انشرحلها دي

 

ماتزعليش يا ماما نعمة من مايسون هي بس تقصد لو انتي محتاجة حاجة تقولي

 

لا يابنتي والله . مستورة والحمدلله

 

استنوا لما اعملكو شاي ولا انتو مش بتشربوا عند الناس الفقرا ؟ هههه

 

ازاي بس يا ماما نعمة احنا لينا الشرف والله

 

 

كوباية شاي ومظبوطة وجميلة تسلم ايد

 

 

الله يخليكي يا حبيبتي الف هنا

 

طيب عن اذنك بقى يا ماما نعمة عشان اتأخرنا

 

 

 

اتفضلوا يا حبيبتي شرفتوني والله

 

 

 

ايه ده يا ابلة سوزي انا زعلانة منك اهئ اهئ

 

 

ليه بس يا مايسون

 

ليه ما عرضتيش عليها فلوس ليييييييييه اهئ اهئ ؟ شوفتي حالتها عاملة ازاي

 

حبيبتي مين قالك اني مش هساعدها , انا هساعدها بس من غير ما تعرف اني انا اللي بساعدها عشان ما اجرحهاش

 

 

ازاي يا ابلة ؟

 

انا معايا العنوان وهبعت مبلغ شهري من غير ما تعرف مين اللي بعته

 

ههههههه بجد يا ابلة سوزي

 

طبعا يا حبيبتي بجد

 

انا بحبك اوي يا ابلة سوزي بحبك اوي . تعرفي ان من ساعة ما جيتي تعيشي معانا وانا اتغيرت ونظرتي للحياة كلها اتغيرت

 

هههههه انا بحبك اكتر ومبسوطة بكلامك اكتر حبيبتي . يلا عشان ما نتأخرش عشان انتي عارفة ان بابا جاي النهاردة عشان نتفاهم هعيش مع مييييييييين بابا ولا مامااااااااااااااا هههههه سبحان مغير الاحوال

 

 

 

 

 

 

 

 

 

 

يووووووووووووووو يعني ايه يا استاذ مراد عايز تاخد البنت عندك . بنتي هتفضل معايا

 

لالالالالالالا انسي يا راجية هانم بنتي هتعيش معايا

 

لالالالالالالالالا هتعيش معايا انا

 

لالالالالالالالالالالالالالالالالالالا معايا انا

 

 

طيب لما تتفقوا بلغوني وانا منتظرة في التراس بعد اذنكو

 

 

 

لالالالالالالالالالالالا انا هاخد البنت

 

لالالالالالالالالالالالا بتحلمي يا هانم انا هاخد بنتي بالذوق او بالعافية

 

 

ترررررررررررررررررررررررررررن ترررررررررررررررررررررررررررررررررن

 

 

مين

 

 

 

افتحي يا مايسون انا ادهم

 

 

 

ابيه ادهممممممممممممممممم حبيبي وحشتني

 

اهلا حبيبتي

 

لالالالالالالالالالالالالالالالالالالا انا هاخدها

 

بقولك لالالالالالالالالالالالالالالا هاخد بنتي يعني هاخد بنتي . انا استقريت في مصر عشانها

 

 

 

هو في ايه يا مايسون

 

 

ههههههههه بيتخانقوا على ابلة سوزي مين هياخدها عنده

 

ههههههههههه والله العظيم حاجة غريبة

 

 

لالالالالالالالالالالالالالالالالا دا اخر كلامي يا سيد مراد انا اللي هاخد سوزي عندي

 

 

لالالالالالالالالا يا هانم انا اللي هاخد سوزي

 

 

خلالالالالالالالالالالالالالاص كفاية لا انت ولا هي انا اللي هاخد سوزي عندي

 

اييييييييييييييه . ايه تاخد سوزي عندك دي يا ولد يا قليل الأدب انت

 

يا جماعة فهمتوني غلط . انا هكتب كتابي عليها واخدها واريحكو من الخناااااااق هههههههههههههههه

 

 

بتقول ايه ههههههههه عايز تتجوز سوزي بنتي يا ادهم ههههههه

 

هههههههههه ليا الشرف يا طنط راجية و على الاقل ارد جزء من جمايلك علية

 

هو انا يا ولد الاقي عريس لبنتي افضل منك . دانت تربية ايدي يا ادهومتي هههههههههههه

 

هههههههه الله يخليكي يا مرات ابويا

 

يا سلالالالالالالالالالالالام وانا ماليش رأي ولا ايه ؟؟؟؟؟؟؟؟؟؟

 

رأيك ايه يا عمي

 

موافق طبعا . انت ولد ممتاز وسمعة شركتك وصلالي . موفق ان شاء الله

 

 

طيب عن اذنكو التليفون هتتصل بالمأذون

 

اتفضل يا حبيبي

 

 

 

 

 

 

 

 

 

يلا يا سوزي المأذون مستني برا

 

مأذوووووووووون مأذون ايه يا استاذ ادهم

 

 

المأذون اللي هيكتب كتابي عليكي

 

افندممممممممم حضرتك شارب حاجة مثلا

 

ههههههههه انا في كامل وعيي على فكرة هاتي البطاقة عشان المأذون وراه جوازتين تاني

 

انتي بتبصيلي باستغراب كدة ليه . مش وقته نتفاهم بعيدين

 

 

انت بتتكلم ازاي . انت اصلا ايه خلاك تعمل كدة

 

ابوكي وامك ماسكين في خناق بعض وانتي هتبقي محتارة تراضي مين وانا جيت بقدر الله . اسيبهم يتخانقوا ولا اتصرف بحكمة ؟ ههههههههههه

 

حكمة !!!!!!!!!! يا بني انت ما خطبتنيش اصلا .

 

معلش ان شاء الله بعد ما نتجوز هبقى اخطبك

 

ههههههه استغفر الله العظيم يارب

 

هاتي البطاقة بقى

 

ادي البطاقة يا سيدي . الراجل ده اكيد مجنون ههههههههه

 

 

 

 

 

 

 

 

طيب قبل ما تمشوا نعمل اشهار يا جماعة . اتصلوا حالا بقرايبنا وحبايبنا عشان نزف العروسة لبيت جوزها

 

وفستان الفرح يا ماما . هي ابلة سوزي مش هتلبس فستان فرح

 

هي مش عايزة خلاص هنعمل ايه

 

 

 

 

 

 

 

الوووووووووووووو ايوة يا مروة انا مايسون تعالي بسرعة اخويا هيتجوز اختي دلوقتي

 

اييييييييييييييييه ايه الجنان ده . ازاي اخوكي هيتجوز اختك . ده حرااااااااااااااااااااااام

 

هههههههههههه لالالالا ما تفهميش غلط اصل هو اخويا من بابايا وهي اختي من مامتي يعني هو ليه ماما غير مامتي وهي ليها بابا غير بابايا

 

مش فاهمة حاااااااااااااااجة

 

مش مهم تفهمي المهم اخويا هيتجوز اختي النهاردة لكن هما مش اخوااااااااااااااات هههههههههههههه

 

 

 

 

 

 

 

 

يا ادهم انا مستغربة اني بقيت مراتك فجأة وهروح معاك بيتك فجأة

 

هههههه اسمه بيتنا يا حبيبتي

 

 

هي فين الشقة اصلا

 

في الجيزة على النيل يا حياتي شقة خمس اوض وطبعا مفروشة على ذوق رجالي مخنشر ههههههه

 

ايوة بس انا ما اختارتش فيه أي حاجة

 

 

حبيبتي ليكي مطلق الحرية . لو أي حاجة مش عاجباكي من الصبح اغيرهالك

 

لو الديكورات مش عاحباكي اهدها واعملك غيرها ما تشيليش هم حاجة سوزي حبيبتي

 

اااااااااااااه تعرف يا ادهم . انا كنت فاكرة اني اجن واحدة في العالم بس واضح اني وقعت في راجل اجن مني هههههه

 

ههههههه لا بقولك ايييييييييه انا بقيت جوزك يعني تحترميني سامعة ولا لأ ؟؟؟؟؟؟

 

هههههههه من عيوني يا جوزي يا حبيبي . مع ان انا لحد دلوقتي حاسة اني بحلم

 

لا حبيبتي دي حقيقة .يلا يا ستي على بيتنا

اتفضلي عروستي الجميلة

 

بسم الله الرحمن الرحيم

 

 

 

بصي يا ستي هسيبك تلفي في الشقة براحتك وتتفرجي عليها براااااااااااحتك جدا وانا منتظر هنا في الهول

 

 

بصرااااااااااااحة ذوقك راقي جدا الهول يجنن . مين مهندس اليدكور اللي عامل الديكورات

 

هههههههه جوزك

 

معقووووووووول بجد ذوقك يجنن انا متشوقة اشوف باقي الشقة عن اذنك

 

 

اتفضلي يا حياتي

 

 

 

 

يااااااااااااااااااااه الله بجد راااااااااااااااائع ذوقه هايل جدااااااااا

 

ايه دددددددددددددددددده يا نهارك مش فايت يا ادهم . طب والله لانا رايحاله

 

 

 

 

 

خيااااااااااااااااااااااااانة يا استاذ يا محترم ومن اول يوم

 

خيانة ايه بس يا حبيبتي في ايه

 

 

ايه يا استاذ كل ازايز البرفانات الحريمي اللي على التسريحة دي !!!!!!!!!!!!!!!

 

 

دي بتاعتك يا حبيبتي

 

 

بتاعتي !!!!!!!!!!!!!!!!!! احنا هنكدب من اولها يا ادهم ولا اييييييييييييه

 

ههههههههه بصي يا حياتي دي برفانات كلها من ارقى العطور الفرنسية

 

كنت كل ما اسافر اجيب معايا مجموعة عشان لما اتجوز مراتي تدخل اوضتها تلاقي ارقى واروع عطور في انتظارها

 

يااااااااااااااااا يا ادهم اد كدة انت رومانسي . بتفكر في الزوجة اللي عمرك ما شوفتها وانك ازاي تسعدها وتحسسها بأنوثتها !

 

هههه طبعا حبيبتي لازم الراجل يفكر ازاي يسعد مراته من قبل ما يشوفها ولما يشوفها يعيشها في اكل الوان السعادة والاحاسيس الدافية

 

جميل انت جميل يا ادهم . تعرف انك اخدتني لعالم جمييييييييييل جدا مستمتعة بيه

 

ربنا يقدرني واسعدك دايما حبيبتي

 

طب عن اذنك يا اجمل زوج اكمل فورجة على باقي الشقة

 

اتفضلي يا روحي بس ما تتأخريش اوي وتنسى انها ليلة عمرنا هههههههه

 

ههه عن اذنك

 

 

 

 

 

 

 

 

 

صبااااااااااااااااح الخير على عيون حبيبتي وعروستي الجميلة

 

ههههه صباح النور يا حبيبي

 

ايه ده انت جايبلي الفطار في السرير

 

ايوة طبعا . بس ما تاخديش على كدة ههههههه انا بدلعك بس عشان لسة عروسة جديدة . انا كمان احب مراتي تدلعني مش انا بس ادلعها هههههههه

 

هههههه ربنا يخليك ليا يا حبيبي

 

 

 

 

 

 

يلا ناخد الشاي في التراس على اجمل منظر للنيل ممكن تشوفه عيون حبيبتي

 

 

يلا يا حبيبي

 

ياااااااااااااااااااااااااااااااااه جمييييييييييييييل منظر النيل اكتر من رائع

 

 

شوفتي بقى . انا مابختارش حاجة وخلاص . انا اخترت شقة تطل على منظر مريح للأعصاب وكمان اخترتها على النيل عشان سبب تاني يا حبيبتي

 

ايه هو يا حبيبي

 

 

عشان لما تحبي تنتحري تاني تنطي على طول وماحدش ينقذك المرة دي ههههههههههه

 

كدة ! طب والله لعضك هات دراعك ههههههه انت عارف موضوع الانتحار يعني

 

وكنت زعلان جدا انك توصلي لحالة زي دي .سوزي انا عارف انك تعبتي

 

وانا كمان تعبت وعانيت كتير ويمكن عشان كدة كنتي دايما على بالي وبتصعبي علية جدا لان حالك من حالي

 

انتي امك سابتك واتجوزت وانا امي سابتني وسافرت بلدها وحتى مش فاكر شكلها

 

 

تعرفي يا سوزي انا كمان عيشت احساس الحرمان من الام بكل قسوة

 

صحيح طنط راجية كانت بتعمل اللي عليها لكن طبعا اداء واجب لابن جوزها لكن مشاعر الام الحقيقية طبعا ما قدرتش تديهالي وده غصب عنها لان ده احساس فطري ما ينفعش غير من الام الحقيية

 

 

تعرفي يا سوزي عمري ما حسيت اني ماليش ام الا لما شوفت ام واحد صاحبي واحنا في الابتدائية

 

وكان يوم النتيجة وامه خدته في حضنها وقعدت تبكي وهي فرحانة وتقوله يا حبيبي فرحتني

 

ساعتها دموعي نزلت وحسيت ان قلبي مكسور لان عمري ما حد ضمني بالشكل ده وفرح لنجاحي ولا حس بوجودي اصلا

 

عشان كدة يا سوزي بحس اننا انسب اتنين لبعض لاننا حاسين بألام بعض

 

ههههههههه ايه يا ابني في ايه انت محسسني اننا من اطفال الشوارع

 

ههههههههههههههههه مش للدرجة دي الحمدلله يا ستي

 

 

انا والله كلامك وجعني اوي يا ادهم بس مش حابة اننا نبدأ حياتنا بالكلام عن اوجاعنا وهمومنا والحمدلله يا سيدي احنا بقينا زوجين ومش محتاجين حنان من حد هههههههه

 

اوعديني يا سوزي تكوني امي اللي برتاح على صدرها واختي اللي تحس بيا وصاحبتي اللي بشكيلها همومي

 

 

اوعدك اوعدك يا حبيبي . ربنا يقدرني واسعدك يا ادهم زي ما اسعدتني وخدتني للعالم بتاعك الجميل الرومانسي الدافي ده

 

 

 

 

تررررررررررررررررررررن تررررررررررررررررررررررررن

 

ههههههههه مين اللي جاي يخرجنا من العالم الرومانسي الدافي ده

 

ههههههههه اكيد ماما عشان قالتلي هجيلك من الصبح بدري

 

 

اهلااااااا يا ماما اتفضلي

 

اهلا اهلا روح قلب ماما . ها يا عروسة طمنيني ؟؟؟؟؟؟؟؟؟

 

هههه لازم تكسفيني يعني

 

ههههه خلاص انا كدة اطمنت الف مبروووووووووووك مدام سوزي هههههههههه

 

الله يبارك فيكي يا ماما اتفضلي

 

 

 

اهلا يا طنط راجية ازيك

 

ازيك يا حبيبي عامل ايه يا ادهم يا جوز بنتي يا حبيبي

 

هههههههه بخير يا حماتي . البيت بيتك . انا نازل اشتري حاجة يا سوزي

 

اتفضل يا حبيبي بس مش تتأخر

 

من عيوني يا حبيبتي

[هبة نور 2043]

تن تن تننننننننننننننننننننن تررررررررررررررررررررررررررررررن تررررررررررررررررررررررررن افتحوااااااااااااااااااااااااااااااا انتو يللي جواااااااااااااااااااااااا افتحوااااااااااااااااااااااااااااااااااااااااااااااااااااا

 

تن تنت تنننننننننننننننن تررررررررررررررررررررررررررررن ترررررررررررررررررررررن

 

 

ايه ده استر يارب مين اللي بيخبط يا بنات

 

 

 

مش عارفة يا ماما انا خايفة

 

 

روحي افتحي يا هيام شوفي مين استر يارب !!!!!!!!!!!!!!!!!