مراتي في السبعيناااااااااات

[ام مريم ويحيى 136]

وووووعة ييا هوبه

احلى حاجه لغبطة ماريا فى الاسمااااء

ههههههههههههههههههههههههههه

كل لما اقرأ رد ولا مره جابت الاسماء صح

يا عينى عليكى يا ماريا

هههههههههههههههههههههه

 

ايه ابراهيم

 

عارفه يا جميل ليه ما علقناش على موضوع التعدد المره دى لاننا شايفين ان نجلاء مقصرة جدا فى حق زوجها وكمان هو نبهها للموضع ده كتييير لكن هى شايفه ان ده تخلف ورجعيه

فبصراحه شايفين ان من حقه ان يتجوز ويعدد لان فيه قصور جاااااااامد من ناحية الزوجه الاولى وعدم اهتمام انها تصلح نفسها

انما فى المسلسل القديم كنا شايفين ان الزوجه الاولى ما قصرتش خالص مع زوجها بالعكس على الرغم انها كانت دكتورة برده الا انها كانت مهتمه جدا بزوجها من جميع النواحى

ولما زوجها حب يعدد بس عشان الزوجه التانيه عجبته وحبها

اما الموقف هنا مختلف تاما

وعشان كده انا حاسه انى متعاطفه مع دكتور مدحت وحاسه ان من حقه انه يعدد

[حواء أم هالة 1895]

@

 

اولا لا فض فوك وانا متفقة معك الصراحة :)

 

ثانيا حلقات رااااائعة هبة الحبيبة ربي يزيدك من فضله

لما راحوا الصعيد كان قلبي بيدق وكنت خايفة عليهم هههه لكن الحمد لله طلعو عيلة اصول وطيبين =)

فرحت بزواج سوزي وادهم واحسست انهما لايقين لبعض =)

اما مصطفى اظن انه سيعاني قليلا مع زوجته وخاصة انها لا تفقه شيئا في الزواج =)

ومها ايضا فرحت لها فقد جاءها الزوج المناسب كي تنسى علاء =)

 

مازلت لم اتأكد بعد ان حاتم سيتزوج دينا اظن سيغير رايه بعد الثلاث اشهر وسيتزوج من ابنة الرقاصة :))

 

اما هيام انا لا اتمنى ان تكون من نصيب علاء ^_^

[إبنة علي 60]

السلام عليكم ورحمة الله وبركاتة حلقات روعة يا موهبة ^___________________^ الله يزيديك من فضله حبيبتي

موقف الشيخ خالد مع ام شهينار ضحكني بس وينه وصل كان رايح يجيب أكل ويروح عند أخته و البنت سالي ايش صار لها و صديقتها وين مختفية هذا إذا ما قتلت نفسها

ماما نعمة تجنن اكتر شئ انه إسمها على إسمي : ))) إن شاء الله أكون زيها حكيمة بس سبحان الله مجرد كلمات بسيطة قدرت تأثر على سوزي وتكون سبب في هدايتها لو الدادة فاطمة إلا عاشت مع سوزي طول حياتها كلمتها ونصحتها ربما كان إتصلح حالها من زمان ولا حتى مصطفى لو كلمها تمام وأعطها كتاب عن الحجاب مثل ما خالد عمل مع شينهار كان يكون له الثواب . زواج سوزي وأدهم سريع مش عارفة إذا حد يتزوج بالسرعة ذي ؟؟؟؟ و كمان ما شاء الله عليه شهم

بت يا هبة لا تحطي شخصيات جديدة البنات بدات تخرف ^_____________________________^

منتظرة الحلقة . شكرا لكِ حبيتي

[مُقصرة دومًا 1261]

@~ماريا~

 

لما بشوف تعليقك يا بنت ولخبطة الأسماء بيحصل معايا كده

 

 

مين يسرا دي يا بنت هههههههه

 

أكثر من رائع يا هبة حاسة بطوفان من المشاكل من ناحية الصعيد في طريقه للقاهرة وأم علاء ومصطفى

 

مش عارفة نجلاء صعبانة عليا!! بس هى اللي عملت في نفسها كده دلوقتي اهتمت لما حست أن هو هيضيع منها

 

ولو لم يكن مدحت فكر في الزواج كان هيستمر مسلسل اهمالها له وانشغالها بالعيادة والمستشفى

 

والولادت المفاجأة بتعاتها دي

[هبة نور 2043]

افتحوااااااااااااااااااااااا تن تننننننننننننننننننن ترررررررررررررررررررررررن تررررررررررررررررررررررررررن

 

دبببببببببببببب دب دبببببببببببببببببببببببببببب

 

 

يا مامي مييييييييين

 

 

افتحوااااااااااااا بقول افتحوااااااااااااااا

 

 

ايه ده كرييييييييييييييييييييييم . دا كريم جوز سهام يا ماما .

 

 

اوعي من وشيييييييييي الهانم مراتي فيييييييييييييييييين انتي يا سهااااااااااااااااااااام سهاااااااااااااااااااااااااام

 

 

ايه يا ولد يا قليل الادب انت ايه اللي انت بتعمله ده . ازاي تتهجم علينا واحنا لوحدنا بالشكل ده وتفزع البنات

 

 

بقولك ايه يا طنط انا كلامي مش معاكي . الست هانم فيييييييييييييييين

 

انت عايز منها ايه ما تسيبنا في حالنا بقى يا اخي .هي مش عايزاك وعايزة تطلق

 

هههههههههههههههههههههههه تطلق . خليها تحلم . قوليلها تتنيل تلبس عشان نمشي

 

يا سلااااااااااااااااااااااااااااام ليه شايفها مالهاش اهل ولا ايه . اتفضل امشي من غير مطرود والا والله هطلبلك البوليس

 

 

والله !!!!!!!! طب اديني مستني . اتفضلي اطلبي البوليس على راحتك وادي قعدة

 

 

يا ابني بلاش فضايح الله يهديك . زي ما دخلنا بالمعروف نخرج بالمعروف

 

وانا مش عايز اطلق ومش همشي من غير مراتي . الهانم بنتك سابت البيت في غيابي واستغلت سفري برا مصر وهربت على هنا

 

 

ايه هربت دي . شايفها عاملة عملة ولا ماسك عليها ذلة . البنت ارفت من عيشتك اللي زي الزفت وبيتك اللي فاتحه لكل من هب ودب ولا بتراعي حرمة بيت ولا عرض . اسكت ما تخليش الواحد يتكلم

 

والله انا حر في بيتي وحر في مراتي وماحدش ليه عندي حاجة . انا راجل عصري ومتفتح مش متخلف ومعقد زيكو ومراتي هتطبع بطبعي . وانتي كان المفروض تنصحيها تطيع جوزها بدل ما تعصيها عليه وعايزة تطلقيها منه

 

 

تطيعك في ايه يا خنزير يا بارد . كان يوم اسود يوم ما شوفنا وشك . اتفضل غور من هنا وكفاية لحد كدة

 

 

مش همشي سهااااااااااااااااااااااااااااااام انتي يا سهام

 

 

افندم . خير عايز مني ايه

 

هاتي شنطتك عشان نمشي

 

 

مش همشي معاك يا كريم . انا عايزة اتطلق لو سمحت وخلينا ننهي الموضوع باحترام افضل

 

كدة !!!!!!!!! طب واضح ان الذوق ما ينفعش مع الاشكال اللي زيك تعالي هنااااااااااااااااااااااااااااااااااااااا

 

 

ااااااااااااااااااااااااااااااااااااااااااااه ماماااااااااااااااااااااااااااااااااا اهئ اهئ اهئئئئئئئئئئئ سيبني سيبني يا منحط يا سافل

 

سبيبها دراعها يا قليل الادب سبيها البنت حامل يا اخي حرام عليك سيبهاااااااااااااااااا

 

 

تعالي هنااااااااااااااااااا يلااااااااااااااااااااااا يلا قدامييييييييييييييييييييييييييييييييي

 

 

اااااااااااااااااااااااااااااااااااااااااااااااااااااااااااااااااااااااه الحقيني يا مامااااااااااااااااااااااااااااااااااااااااااااا اهئ اهئئئئئئئئئئئ الحقيني

 

 

اه يا حيوان يا وقح سيبهااااااااااااااااااا يا ناس الحقونااااااااااااااااااااااااااااااا يا ناس حد يلحقناااااااااااااااااااااا

 

 

 

ايه الزعيييييييييق ده في اييييييييييييييه . يا دي المصيبة الصوت جاي من شقة احلام . يارب استر يارب

 

 

في ايه يا ماما . مين بيثوت

 

 

مش عارفة يا موني في ايه . انا طالعة يا حبيبتي

 

هاجي معاكي يا ماما

 

لا يا حبيبتي خليكي

 

 

 

في ايه يا ليلى في ايه طالعة تجري على فوق ليه

 

مش عارفة يا امينة صوت صريخ عند احلام ربنا يستر

 

 

لا حول ولا قوة الا بالله خير يارب خير

 

في ايه يا ماما

 

مش عارفة يا صفاء مش عارفة انا طالعة

 

 

اطلبي البوليس يا هيااااااااااااااااااااااام اهئ اهئ اطلبي البوليس هيموت اختك اهئ اهئئئئئئئئئئئ

 

 

 

في ايه يا جماعة في ايه

 

 

الحقينا يا ليلى الحقينا اهئ اهئ الحيوان ده طايح في البيت ومبهدلنا وعايز ياخد البنت بالعافية اهئ اهئ

 

 

ياخدها بالعافية يعني ايه . هي سايبة ولا سايبة . اتفضل غور من هنا

 

 

مش همشي وهاخد مرااااااااااااااااااااتي

 

لالالالالا دا انت ولد مش محترم ولا متربي اصلا . انت بتستغل ان رجالتنا في اشغالهم يا كلب انت وبتتهجم علينا ! صحيح لا بتراعي حرمة بيوت ولا اعراض . ولد وقح صحيح

 

 

بقولك ايه ماتدخليش نفسك في حاجة مالكيش فيها يا مدام

 

ماليش فيها يعني ايه يا ولد انتي ناسي اني خالتها ولا ايه

 

 

ماحدش ليه دعوة تعالي هناااااااااااااااااااااااااا قدامييييييييييييييييييييييييي

 

 

اااااااااااااااااااااااااااااااااااااااااه مامااااااااااااااا اهئ اهئ الحقيني يا ماماااااااااااااااااااااااااااااا الحقيني يا خالتو اهئ اهئ اهئ

 

سيب البنت يا كلب انت سيبهاااااااااااا يا مين يجيبلي علاء ومصطفى يقطعوك بسنانهم اهئ اهئ اهئئ سيب البنت

 

 

يلالااااااااااااااااااااااااااااااااااااااااااا قدامي جاتك الارف

 

 

ممااااماا ااااااااااااااااااااااااااااااااااااااااااااااااااااااااااااااااااااااااااااااه

 

 

سهااااااااااااااااااااااااااااااااااااااااااااااااااااااااام بنتي بنتييييييييييييييييييييييي اهئ اهئ ايه الدم ده . الله يخرب بيتك يا شيخ باين الجنين نزل اهئ اهئ اهئئئئئئئئ يا سهاااااااااااااااااام اطلبوا الاسعااااااااااااااااااف اسعاااااااااااااااااف بنتي اهئ اهئ اهئئئئئئئئئئ

 

اختي اختي اهئ اهئ مالها اختي يا ماما اهئ اهئ

 

سهاااااااااام اختي اهئ اهئ هي جرالها ايه يا ماماااااااا اهئ اهئ اهئ

 

طيب انا ماشي بس راجع تاني . عشان طلاق مش هطلق اصلا وخليها معلقة كدة لا طايلة سما ولا أرض

 

في ستين داهية جاتك الارف اهئ اهئ اهئ الاسعااااااااااااااااااااااااااااف الاسعاف

 

 

معلش يا احلام يا حبيبتي . والله طلعت اطمن عليكو واتخضيت انا وصفاء

 

شوفتي يا امينة اهئ اهئ شوفتي السافل المنحط عمل ايه يا البنت اهئ اهئ

 

معلش يا حبيبتي خلينا ننقذ البنت دلوقتي ربنا يستر

 

 

 

 

 

 

ايه يا ولاد في ايه . يا بنت انتي وهي في ايه

 

 

خير ان شاء الله يا حاجة ام رفعت ما فبش حاجة

 

انا صحيت مفزوعة والله يا امينة يا بنتي . لا حول ولا قوة الا بالله

 

ايه يا احلام في ايه يا بنتي طمنيني

 

اهئ اهئ سهام اهئ اهئ سهام يا ماما جوزها اتهجم علينا وبهدلنا وشد البنت زي المجنون من غير رحمة وشكل الجنين نزل اهئ اهئ

 

 

سهااااااااااام حبيبتي . حبيبة تيتة اهئ اهئ اهئ سلامتك يا حبيبتي سلامتك اهئ اهئ لا حول ولا قوة الا بالله

 

 

 

اهئ اهئ لو كان علاء هنا يا تيتة كان عرف يأدب الحيوان ده اهئ اهئ

 

بس يا هيام مش وقته احنا مش ناقصين ساعدينا عشان نشيل اختك اهئ اهئ اهئ اهئئئئئئئئ

 

 

 

 

 

ايه ده ايه ده يا دي البيلاوي اللي حطت على راس احلااااااااااااام

 

 

واقفة بتتصنتي جنب الباب على مين يا ابتساااااااااااااااااااااام

 

جرا ايه يا راجل انت . هو انت واخد اجازة من شغلك عشان تراقبني ولا ايه الواد جوز سهام جه بهدل الدنيا وفرج عليهم الناس ونزل . الاخبار سخنة اوي اوي النهاردة

 

خسارة فوقية في الشغل لسة ما جاتش كانت اتفرجت . لسة شايفة كلوفوسيس طالعة تجري على فوق هي وكاتينا بنتها

 

 

طيب مش الاصول كنا طلعنا ساعدناهم يا ماما يمكن يكونوا عايزين مساعدة

 

المساعد ربنا يا حبيبتي . انا مالي انا اطلع في وسط ناس بيتخانقوا . يمكن يحدفوا بعض بحاجة تيجي في وشي وانا وشي مش ناقص . انا يا حبيبتي اعرف الاخبار عن بعد وابلغها وعليها شوية بهارات من عندي ومن غير خسائر في الارواح

 

 

 

 

 

 

 

اهئ اهئ ها يا دكتور طمنا بالله عليك

 

معلش هي فقدت الجنين بس هي حالتها كويسة ما تقلقيش يا هانم

 

اهئ اهئ كان قلبي حاسس ان الجنين نزل اهئ اهئ

 

معلش يا احلام . اهم حاجة صحتها هي . ما تقعدي يا ماما ارتاحي

 

اااه استغفر الله العظيم . راحة ايه بقى يا ليلى . اما اطمن على سهام الاول ابقى ارتاح .

 

ممكن اشوفها يا دكتور . انا جدتها

 

تفوق بس من البنج وطبعا هتدخلي تطمني عليها يا فندم

 

 

 

 

 

سهاااااااام اهئ اهئ انتي كويسة يا حبيبتي

 

الحمدلله يا ماما

 

عاملة ايه يا حبيبة تيتة

 

احسن الحمدلله يا تيتة

 

حمدالله ع السلامة حبيبتي

 

الله يسلمك يا خالتو اهئ اهئ اهئ اهئئئئ

 

بقولك ايه . الحمدلله اللي حصل حصل . ورغم زعلي على اللي حصل انا فرحانة ان الجنين نزل عشان مافيش حاجة تربطك بالسافل ده يا بنتي اهئ اهئ حمدالله على سلامتك يا بنتي يا حبيبتي اهئ اهئ

 

الله يسلمك يا ماما . بس اللي حصلي ده صعب اوي يا ماما اهئ اهئ تجربة قاسية جدا اهئ اهئ

 

 

 

ها يا دكتور ممكن ناخدها معانا

 

 

طبعا يا فندم ممكن ما فيش مشاكل

 

 

 

 

 

 

 

 

ياااااااااااااااااااااااه بقى كل ده يحصل لسهام وماحدش يتصل يبلغنا يا ليلى !

 

ابلغك ايه بس يا فكري . احنا كنا ملخومين بالبنت والله وجرينا بيها ع المستشفى بعد ما مشي الوقح اللي متجوزاه ده

 

 

لا حول ولا قوة الا بالله . فعلا الواحد ما ينخدعش بالمظاهر الكدابة ابدا . لازم الواحد لما يجوز بنته يتأكد انه بيديها لراجل يصونها ويكرمها ويكون على دين وخلق

 

نصيبها كدة يا فكري هنعمل ايه

 

ماما هي ابلة ثهام بقت كويثة

 

ايوة يا حبيبتي الحمدلله

 

طب انا هاخد ثكولاتاية واطلع اقولها ثلامتك

 

ههههه طيب يا روحي اطلعي بس ما تتأخريش

 

حاضر يا ماما . مث هتأخر

 

ااااااااااااااااااااااااااااه اللي حصل لهاني عن التفكير في ولادي يا فكري

 

يا ستي ولادك مالهم بس . بكرة يجوا بالسلامة ان شاء الله

 

 

ايوة يا فكري بس دول قالوا انهم جايين النهاردة

 

يا حبيبتي الله اعلم بظروفهم . هدي انتي اعصابك وهتبصي تلاقيهم قدامك ان شاء الله

 

 

يارب يا فكري يااااااااااااااارب

 

 

 

 

 

 

ثلامتك يا ابلة ثهام مث تعيطي اهئ اهئ

 

اهئ اهئ الله يسلمك يا موني يا حبيبتي . انتي جاية تسألي علية يا روحي ؟

 

اهئ اهئ ايوة وجبتلك واحدة ثكولاتة اهئ اهئ مث تروحي عند الراجل الوحث ده تاني اهئ اهئ

 

وانا لو ثوفته جه هنا تاني هخلي ماما وبابا يضربوه بالعثايا اهئ اهئ مث تذعلي اهئ اهئ

 

يا حبيبتي يا موني .ياريت كل الناس في برائتك اهئ اهئ

 

 

موني

 

نعم يا يثرا

 

هههههههه اشمعنى يعني كل اخواتي تقوليهم يا ابلة ماعدا انا تناديني بأسمي

 

عثان انتي ثغيرة ذي البلية

 

انا بلية يا عقلة الصباع انتي هههههههه انا في تانية اعدادي

 

يعني انتي اكبر مني بثنة واحدة يا يثرا . عثان انتي في ثنة تانية وانا في ثنة اولى

 

هههههه يا بنتي انتي في اولى ابتدائي وانا في تانية اعدادي يعني اكبر منك بسبع سنييييييييييييييييين

 

ثبع ثنين ! تبقى انتي قدي . انا عندي ثتة ونث

 

لالالالالالا دانتي هتتشككيني في نفسي . انا رايحة اتفرج ع الفيلم احسن

 

فيلم ايه ده ؟

 

البؤساااااااااااااااااااااااااء

 

ثلميلي عليهم . انا ناذلة عند ماما

 

 

 

 

ااااااااااه الكلب الجباااااااااااان ازاي يتهجم على بيتي وهو عارف اني مش موجود ومراتي وبناتي لوحدهممممممممم

 

اهئ اهئ لازم تطلقها منه يا صلاح لاااااااااااااااازم اهئ اهئ البنت مش ممكن تستنى على ذمته بعد اللي شوفناه منه ده كله

 

اوووووووووف استغفر الله العظيم . انا هتصل بابوه واكلمه بالذوق الاول . ماجوش بالذوق هنرفع قضايا

 

قضايااااااااااااااااا يا صلاح حبال المحاكم طويلة والبنت كدة هتتضر وتتبهدل في المحاكم

 

عندك حل تاني يا ستي !!!!!!!!!

 

لا تاني ولا تالت اهئ اهئ حسبي الله ونعم الوكيل فيه اهئ اهئ يا حبيبتي يابنتي . كان مستخبيلك فين ده كله اهئ اهئ

[هبة نور 2043]

اااااااااااااااااااااااااااه يا ترى انتو فين يا ولادي

 

 

يارب ترجعوا بالسلامة ياااااااااااارب

 

 

ماماااااااااااا

 

 

نعم يا حاتم

 

 

مش هتطلعي تتكلمي مع خالتي احلام في تفاصيل الفرح وتعزموا الناس بقى

 

 

فرح ايه وناس ايه وزفت ايه على دماغك . انت ما عندكش دم خالص كدة !!!!!!!!!!!

 

 

في ايه يا ماما . انا قولت ايه غلط

 

 

اخواتك ومش عارفين هما فين ولا هيجوا امتى وخالتك احلام وموضوع سهام مسود الدنيا في عنيها وحضرتك بكل برود عايزني اطلع اتكلم في فرح جنابك ونعزم الناس كمان

 

جرا ايه يا ماما . اولا علاء ومصطفى واحنا عارفين انهم في الصعيد لكن انا مالي ومال موضوع سهاااااااااااااام

 

ما اللي حصل حصل . احنا هنقعد نبكي ع الاطلال . انا ودنيا ما لناش ذنب وفرحنا الخميس الجاي وان شاء الله هيتم في معاده

 

 

هقول ايه . بني ادم ما عندكش دم ولا احساس واتفضل من وشي دلوقتي عشان انا عفاريت الدنيا بتتنطط قدامي

 

 

حاضر يا ماما حاضررررررر تحت امرك . انا نازل عند تيتة

 

اه يا خويا انزل اشتكيلها

 

 

 

 

 

 

 

 

يرضيكي الكلام ده يا تيتة

 

يا ابني يا حبيبي الصبر الصبر يا ابني

 

اصبر اكتر من كدة ايه بس يا تيتة ! ده معاد واتفاق وانا عزمت اصحابي

 

يا خويا يعني عزمت الوزرا والقناصل . من هنا ليوم الخميس يكون عدلها ربنا وان شاء الله خير

 

يعني اروح اظبط بدلة الفرح ولا اعمل ايه

 

روح يا ابني ربنا يتمم على خير ان شاء الله

 

 

 

 

انت بتجول ايه يا مناع يا واد ابوي . يعني ايه بتك تتجاوز برا النجع ؟ ديه كلام يصُح برديك . عايز الناس تجول علينا بنرمي بناتنا لاي عابر سبيل ولا ايه !

 

انا برديك هرمي بتي يا دهشان ! طب ما تخلنيش اشيل في جلبي من حديتك الماسخ ده يا واد ابوي

 

انا لولا ان الوِلد زين وابن ناس زين وراجل زين الزين ماكنت اديته كلمة وااااااااااااصل

 

طب فين اهله وناسه يا حاج مناع ياخوي .مش واجب ياجوا لحدينا يخطبوا بتنا ولا ايه

 

اومال ايه ياخوي واجب طبعا اومال ايه . انا بس حبيبت اطمن جلب الواد اني مش رافضه لكن لسة الحديت في اوله

 

لسانا ما اتحدتناش عن مهر بتي اللي تساوي تجلها دهب والمااس ياواد ابوي ولسة ناسه واهله ما جوش لحد ديارنا يطلبوا بتنا

 

 

حديتك زين يا مناع ياخوي . اهم شيء يجدر على مهر بتنا . بتنا مش شوية . احنا كبار النجع يا واد ابوي

 

العروسة زييييييييييييييييينة بت الشيخ منااااااااااااااااع اللي الف فارس وفارس يتمنى تكون من جسمته

 

 

 

 

انت بتنادم علية يا عميييييييييي سا الخير والسعادة على عيونك يا عم دهشاااااااااااااااااان

 

اهلا يا سيد عمك كيفك يا زينة

 

مليحة يا عمي مليحة . اتوحشت عليك يا عمي . مرتين ولا ريتك بعيوني

 

تسلميلي يا غالية يا بت الغالي يا زينة بنات النجع

 

هعهعهعهع ما اتحرمش منيك يا عمي ولا من حديتك اللي يشفي الجلب العليل

 

اجعدي يا زينة اجعدي يابتي

 

وادي جعدة .نورتنا يا عمي

 

جوليلي يا زينة

 

نعمين يا عم دهشان

 

انتي يابتي عايزة تفارجينا وتروحي مصر وتهملينا

 

 

يا عمي انتو ربتوني على ان الست مكانها مكان راجلها .ووين ما يكون راجلها تبجى في ضله

 

هعهعهع ونعم التربية يا بت اخوي

 

اشرب الشاي يا عمي

 

 

مين اللي عامل الشاي الماسخ اللي طعمه يسد النفس ده يا بت اخوي

 

امّاااااااااااااااي

 

ارمي عليها اليمين يا مناع

 

اديها فرصة تانية يا خوي . مهما كان دي بت عمنا برديك

 

خلاص يا خوي اللي تجول عليه يمشي . فين الضيوف عاد ؟

 

في المضيفة . اومال يعني هيجعدوا معانا في وسط حريمنا ولا ايه يا حزين انت !

 

 

اعملي حسابك يا زينة يابتي انتي وامك هتدلوا معانا مصر عشان تشوفي بت عمك حسنين

 

طب وعمي حسنين مش هشوفه يابوي

 

دا مات يابتي وشبع موت

 

إيوا يعني مش هشوفه ؟

 

يا بت بجولك ماااااااااااااات مااااااااااااااااااااااات يخرب مطنك

 

خلاص يابوي انا كنت فاكراه اتوفى

 

 

يلا همي جهزي روحك انت وامك وخدوا معاكو هدايا عشان بت عمك وامها

 

يا حبيتي يا بت عمي والله اتوحشتك يا صفاع . يا هل ترى شكليها ايه صفاع . يارب ما تطلعش شبهيي عشان ماحدش يتخض

 

 

 

 

 

 

 

احنا هنسافر امتى يا جماعة

 

 

بكرة ان شاء الله يا علاء

 

 

طيب الحمدلله يا دكتور مدحت

 

 

مصطفى انت مش ملاحظ حاجة

 

 

حاجة ايه

 

 

مش كان المفروض تشوف العروسة شكلها ايه

 

 

والله انا مش مهم عندي شكلها

 

جرا ايه يا مصطفى . يعني ايه مش مهم شكلها . حتى لو مش مهتم بالشكل وده من حقك فبرضو لازم تشوفها

 

علاء عنده حق يا مصطفى . ازاي تتجوز واحدة ما شوفتهاش

 

 

طيب يعني اطلب من ابوها اني اشوفها ؟

 

طبعا . ده من حقك . عشان لو ما عجبتكش ترجع في كلامك

 

هههههههه وساعتها يغدروا بينا ويجتلونا هههههههه

 

لا والله انا مهما كان شكلها عمري ما هرجع في كلامي. كفاية علية ادبها وحسن تربيتها

 

المهم انها تعجب ماما وترضى عنها

 

علاء انا اللي هتجوز مش ماماااااااااااااااااااا وارحموني بقى انت والست ماما . عن اذنكو انا رايح لحمايا الشيخ مناع

 

هههههه بقى حماه خلاص

 

اخويا واخد الموضوع بالدراع وهو مايعرفش ماما ممكن تهد الدنيا في لحظة

 

 

 

 

 

 

 

السلام عليكم يا جماعة

 

اهلا بالراجل المليح اتفضل يا موصطفى ياولدي

 

يزيد فضلك يا عم الحاج مناع . ازيك يا عم دهشان

 

اهلا يا ولدي كيفك . شا حوالك

 

الحمدلله تمامممممممم أأأأأأ يعني كنت يعني أأأ عايز أأأأأأأأ ممممممممممممممممم

 

 

مالك يا خروف انت عم بتمأمأ ليه ؟

 

كنت عايز اقول يعني ممكن اشوف الانسة زينة

 

الفاتحة على روحه يا دهشان ياخوي عشان هو اللي جابه لنفسيه .جوم فز يا واد وارفع ايديك لافوج واتشااااااااااااااااهد

 

 

يا عمي انا عملت ايه غلط بس

 

احنا بناتنا ما حدش يشوفهم جبل كتب الكتاااااااااااب .

 

يا عمي بس ده من حقي

 

ودي عوايدنا يا ولدي . وطالما عايز تبجى منينا خليص تبجى زيينا

 

مش كديه ولا ايه يا زييييييييييييييييييينة

 

 

اللي تشوفه يابوي

 

طيب ان شاء الله ممكن ماما تشوفها

 

ماماااااااااااااااا بيجول ايه ده يا بوي . انا اتجوز راجل بيجول لامايته يا ماما . لييييييييييييه . ياك انا هتجوز سوسو !

 

اديك زعلت العروسة وشكلها هترجع في كلامها

 

ليه بس كدة . هي كلمة ماما عيب عندكو ولا ايه

 

ايوة عيييييييييييييب عيب على طولك وعرضك يا هلف انت . جال ماما جال . اني ما اتجوزش الراجل الناعم ديه يابوي

 

انا عايزة راجل اتسند عليه مش حيطة مايلة تجع بيا

 

يا انسة زينة انا اسف والله . انا ما اعرفش ان كلمة ماما بتزعل حضرتك كدة . طب اقولها ايه يعني

 

املا خشمك وجولها بالفوم الميان يا مّااااااااااااااااااااااي وانشف شوية زي بوي وعمي لجل ما تملا نضري يا ابن البحاروة

 

بحاورة ! ايه البحاروة دول ؟

 

يعني من بحري يا غشيم . اطلعي انتي يا زينة وجهزي روحك للسفر يابتي

 

حاضر يابوي

 

 

ههههههههههه شخصيتها تجنن . حاسس انها هتخليني من ذئاب الجبل زيهم هههههههه

 

 

 

 

 

 

 

 

 

 

 

 

 

 

رايح فين يا خالد يا حبيبي

 

والله يا امي في معاد مع والد شاهيناز عشان نحدد معاد العقد إن شاء الله

 

ربنا يتمملك بألف خير يا حبيبي يارب

 

ان شاء الله يا امي . عن اذنك

 

 

 

 

 

اتفضل العصير يا شيخ خالد

 

اشكرك

 

العفو

 

 

انا بقول ان شاء الله نعقد الخميس الجاي والبناء يكون يوم الجمعة

 

بناء ايه يا ابني . انت مش قولت شقتك جاهزة . هتبني ايه تاني

 

يا ام العروسة البناء يعني الدخول بالزوجة ان شاء الله

 

 

يا حبيبتي يا بنتييييييييييييييييييييييييييي ماكانش يومك يا شاهيناز

 

يلا يا ابني ع البركة

 

الله يبارك فيك يا عمي . الانسة شاهيناز موافقة ع المعاد

 

ههه عن اذنكو

 

هههههههه العروسة خجلانة

 

هو انت حد يشوفك ومايخجلش برضو . اشرب العصير يابني

 

اشكرك يا ام العروس

 

وهنكتب الكتاب فين يا ابني

 

في المسجد ان شاء الله يا عمي . بلغوا الاهل والاقارب عشان الاشهار

 

 

 

 

 

 

 

 

انت عزمت جوز اختك يا خالد وجوز خالتك وكل الناس اللي مقاطعهم

 

 

هروحلوهم بنفسي يا امي ما ينفعش التليفون

 

 

الله يهديك يا حبيبي ويصلح حالك يارب

 

طب عن اذنك هعزم الجيران

 

الجيرااااااااااااااان !!!!!!!!!!!!!! حاجة غريبة

 

 

 

 

 

 

ترررررررررررررررررررن ترررررررررررررررررررن

 

 

مين

 

 

الشيخ خالد

 

 

الشيخ خالد !!!!!!!!! خير يا فندم . ياترى جاي تزعق وتتخانق ليه المرة دي

 

ههههههه لا جاي ازعق ولا اتخانق والله . انا جاي اعزم حضرتك على العقد بتاعي يوم الخميس إن شاء الله

 

هههههههه معقول الف مبروك يا شيخ خالد . اخر حاجة اتوقعها انك تعزمني على العقد

 

ليه بس يا افندم . احنا مهما كان جيران والنبي عليه الصلاة والسلام وصى على سابع جار

 

عليه الصلاة والسلام . انا اجيلك على عنيا الاتنين والله يا شيخ خالد . بإذن الله هكون اول الموجودين . ربنا يتمملك بخير

 

اللهم آمين . عن اذنك

 

 

اتفضل . سبحان مغير الاحوال . ايوة كدة خلي مشايخنا يقربولنا ويزيلوا الحواجز ويفيدونا وياخدوا بايدينا

 

 

انت بتكلم نفسك ولا ايه يا راجل

 

ههههههه بصي بقى الشيخ خالد رغم انه زعلان مني جه عزمني على عقده ايه رأيك اتصل باختي ام احمد اللي مقاطعها عشان اصالحها واصفي قلبي اسوة بالشيخ خالد ؟

 

يا ريت يا خويا . هو حد يكره الصلح برضو . اتصل بيها يلا ما تضيعش الفرصة

 

 

طب هاتي التليفون هاتي

 

 

 

 

 

 

 

 

 

 

 

 

 

اهئ اهئ اهئ ياترى انت فين يا مدحت يا حبيبي اهئ اهئ

 

يا بنتي ما تعمليش في نفسك كدة . على ايه ده كله !

 

يا ماما اهئ اهئ يا ماما ده جوزي وحبيبي اهئ اهئ وقلبي واجعني على غيابه ومش عارفة هو فين

 

 

بكرة يجي يختي هيروح فين يعني

 

يارب يا ماما يارب

 

طب قومي يلا انزلي عشان معاد العيادة

 

اهئ اهئ ماليش نفس يا ماما اهئ اهئ ماليش نفس لحاجة اهئ اهئ يا حبيبي يا مدحت اهئ اهئ

 

يا دي مدحت وسنين مدحت اللي هيضيعك معاه . غلب ايه ده بس

 

 

 

اهئ اهئ عن اذنك يا ماما

 

 

ايوة كدة اعقلي وانزلي عيادتك

 

لالالالالا انا رايحة لحماتي يمكن تكون عرفت حاجة اهئ اهئ

 

 

يووووووووووووووووووو اعملي اللي انتي عايزاه

 

 

 

 

 

ترررررررررررررررررن ترررررررررررررررررن

 

 

ميييييييييين

 

اهئ اهئ افتحي يا طنط انا نجلاء مرات مدحت

 

يييييييييييييييييييي وبعدين بقى . هتقعد تقولي راح فين وجه منين وتأوئ

 

 

اهلا يا بنتي اتفضلي

 

يا طنط يا طنط ابوس ايدك لو تعرفي حاجة عن مدحت طمنيني اهئ اهئ

 

لا حول ولا قوة الا بالله

 

اهئ اهئ يا طنط اعتبريني بنتك اهئ اهئ ترضي لبنتك تكون في موقفي كدة

 

يا بنتي يا بنتي انا ماليش دعوة بمشاكلك انتي وجوزك . دي حاجة تخصكو

 

كدة ! يعني مش عايزة تتكلمي ! الله يسامحك يا طنط اهئ اهئ عن اذنك اهئ ااهئ

 

 

مع السلامة يختي . كان فين اللقلب الحنين ده واللهفة وانتي سايبة الراجل ولا كأنه موجود في حياتك . ستات اخر زمن

 

 

 

 

 

 

تررررررررررررررررن ترررررررررررررررررررررن

 

 

الو

 

ايوة يا ليلى انا رفعت اخوكي

 

رفعتتتتتتت ازيك يا حبيبي وازي مشيرة والبنات

 

 

يعني انتي سألتي اوي . بقى تعرفي ان مها اتخطبت ومايهونش عليكي تيجي تباركي ولا تتصلي حتى بالتليفون يا ليلى , بصراحة زعلان مك جدا . ما كانش العشم يا ام علاء

 

ياخويا يا حبيبي الف مليون مبروك لمها . والله العظيم غصب عني يارفعت . احنا في مشاكل على طول ما اعرفش ليه

 

علاء ومصطفى سافروا الصعيد مع واحد صاحبهم وسهام بنت احلام حصلها اجهاض وواقعة في مشاكل مع جوزها وعايزين نطلقها منه

 

والواحد يصحى في مشاكل ويبات في مشاكل والله ياخويا التقصير غصب عني , انت عارف مها دي بنتي وحبيبتي والله وفرحتيلها من قلبي

 

 

لا حول ولا وة الا بالله . مالها سهام . اجهاض ! ايه الحكاية . هو انا مش اخوكو ولا ايه يا ليلى . انا ليه ماحدش بيتصل بيا ولا بيهتم يبلغني حاجة . والبنت عاملة ايه دلوقتي

 

كويسة يا حبيبي بقت احسن كتير . ادعيلها بس تخلص على خير من الزفت اللي اتجوزته ده . وادعي لعيالي يرجعوا كويسين من الصعيد

 

ههههههه يا ستي هو الصعيد في ايه بس . خليهم يتفسحوا ويشوفوا ناس وعوايد جديدة . انا كنت متصل اعزمكو على خطوبة مها كمان اسبوعين بس لقيت الظرف مش مناسب بسبب سهام

 

 

والله كمان المفروض فرح حاتم ودنيا الخميس الجاي ومش عارفين هنعمله ولا ايه

 

طيب ان هجيب مشيرة ونعملكو زيارة نطمن على احوالكو بكرة ان شاء الله

 

تنورونا يا حبيبي . يا الف مرحب يا ابو مها

 

 

 

 

 

 

 

 

 

 

 

 

 

 

يلا يا زينة يلا يا ام زينة . جاهزين ؟؟؟؟؟؟؟؟؟؟؟؟

 

 

ايوة يابوي وفرحانين عشان هنتدلوا مصر واشوف صفاع بت عمي واشوف حماااااااااااااااااتي ام موصطفع هعهعهعهع

 

يا حبيبتي يا حماااااااااااااااااااتي هجطعها من البوس يابوووووووووووي بس تجع في يدي عاد الغالية ام الغالييييييييي

 

 

الله يرحمها مجدما يابتي

 

 

 

 

يلا يا علاء يلا يا مصطفى

 

والله تلات ايام عدوا هوااااااااا ماحسناش بيهم

 

هههههههه ياترى ماما هتعمل ايه يا مصطفى لما تشوف زينة وهي بالشوال الاسود ده ههههههههههههههههههههههههههه

[ساره أم حمزه 1041]

يلا ياترى ايه اللى هيحصل ^^

[أنفاس الفجر 473]

^___^

الصعايدة دول ناس عساسيل أوووي

بس بصراحة أنا موش مع مصطفى في الجوازة دي خصوصا بعد اللي شفته في الحلقة دي

آل موصطفع , وصفاع آل , ايه الهم دي ربنا يعينه !!

يعني لازم كان يختار وحدة تناسب مستواه الثقافي عشان يفهموا بعض على الأقل :/

 

متطوليش علينا يا هوبة : )

[هبة نور 2043]

اهلا اهلا بحبيبات القلب ونن العين ههههههههه

 

نور قلبي القرآن

 

ادي اسمك اول اسم يا دوسا يا عسل عشان مش تزعلي ابداااااااا

 

حواء

 

منورة يا ام هالة وتوقعات بصراحة من مسلسل تاني اكيد هههههههههههههههه

 

 

هدوء الفجر

 

مريومة حبيبتي منوراني يا قمرايا

 

 

ماريا

 

اهل الصعيد باعتينلك الف تحية عشان انتي كمان حيتيهم هههههههههههه

 

صفا

 

صفا صفصوفة منورة يا قلبي والله

 

فينك يابنتي

 

 

ام ياسر السلفية

 

اهلا حبيبتي ام ياسر

 

والله زوجي كان متابع جيد جدااااااا لحلقات الست ذكية عشان طبعا حلقات منفصلة لكن المسلسلات الطويلة بحكيهاله طبعا وبينتقدني وبصراحة

 

يعني لو حاجة عاجباه يقولي كويسة لو حاجة مش عاجباه بيهزئني هههههههه وبسمع كلامه وبعدل في حاجات طبعا

 

هو ناقد ممتاز جدا لاعمالي وبرتقي بارائه بالطبع الحمدلله

 

المقتدية بأخلاق النبي

 

هههههه يختي كميلة يختي منورة يا عسلاية انتي والله

 

مااتحرمش منك يارب

 

 

مقصرة دوما

 

حياتي يا حياتي ههههههه منورة حبيبتي والله وسعيدة بالمتابعة

 

بنوتة مسلمة مصرية

 

لولووووووووو مرحب يا جميل . دفعتي تذكرة للفورجة ولا اترزعتي جنب ماريا من غير فلوس ههههههههه

 

ايه ابراهيم

 

جرا ايه يا بت يا يويو انتي يابت بتقوميهم عليا عشان بتكلم في الجواز التاني هههههههه

 

يابت انا منيامهم في العسل وجبتلهم الموضوع ايزززززززززي جدا وخليتهم هما اللي يقولوا لااااااااااازم يتجوز على مراته هههههههه

 

على رأيك لعبتها صح ههههههههه

 

بالنسبة انك بتقولي ازاي التيتة ملتزمة وبناتها مش ملتزمات

 

اقولك انا شوفت الاغرب

 

شوفت واحدة جارة بنت عمي في مصر الجديدة اسمها طنط سوسو وبنت عمي قالتلي تعالي نسلم على طنط سوسو

 

دخلت يختي لقيت طنط سوسو هانم كدة ورحبت بينا جدا وكانت ماسكة سيجارة ومش محجبة اصلا وبنتها ماشاء الله محجبة ورقيقة كدة ومش بتشرب سجاير هههههههههههه

 

كنت اول مرة في حياتي اشوف ست على الطبيعة بتشرب سجاير . ولما سألت بنت عمي عنها

 

بنت عمي قالتلي طنط سوسو كدة من زمان ههههههههههه

 

 

 

يعني ممكن البنت تكون ملتزمة وامها مش ملتزمة والعكس

 

 

ام عبد الله

 

حبيبتي والله منورة تسلميلي

 

 

ام العبادلة

 

متشكرين يا داميل يا منور الجعدة هههههههههههه

 

 

اشرقت السماء

 

اشرووووووووقة حبيبتي ايه الانوار دي يا عسل

 

ام عبد الرحمن وجنة

 

حبيبتي ومشاهدتي الجميلة دائما ههههههههه

 

روضة الجنة

 

اهلا روضة حبيبتي تسلميلي على كلامك الجميل يارب

 

 

اتمنى رضاه

 

مشرفانا ومنورانا ومكترانا يا ام مريم هههههههههههههه

 

 

امة الرحمن الرحيم

 

اهلا امومة حبيبتي تسلمي يا عسل والله

 

 

مريم

 

مريومة حبيبتي منورة منورة منورة

 

 

سارة محمد

 

اهلا سوسووووووو حبيبتي الجميلة ياناس ههههههه

 

ام اية

 

اهلا يا ام يويو هههههه بتسعديني بوجودك يا قلبي والله

 

 

 

ام لبابة السلفية

 

 

اهلا بالعروسة الننوسة حبيبة قلبي اللي منوراني

 

 

سندسة ام مريم

 

يا توقعاتك النارية يا باشا هههههههههه

 

انفاس الفجر

 

نفووووووووووسة مرحب يا جميل يا طعم ههههههههه

 

 

اعتز بالاسلام

 

معتزة الوزة منورة يا معتزتي يا حبيبتي

 

 

ريحانة السماء

 

تحية جامدة جامدة جامدة من اعماق الصعيد لريحانة السماء ههههههههههه

 

اجدع ناس يا بت عمي هههههههههههه

 

 

ام رقية

 

دودو حبيب قلبي الجميل ههههههههه ما تخافيش على مصطفى

 

مادام وقع في ايد زينة خليص هههههههههههههه

 

 

ام صفية

 

ام صفية حبيبتي والله سعيدة سعيدة سعيدة يا قلبي بوجودك

 

الله ما يحرمني منك يارب

 

ارجو مغفرتك

 

ههههههههههه وسع للزلط هههههههه حاسبي يابنت ههههههههه

 

انتي الاروع يا حبيبتي والله

 

 

حفيدة الانبياء

 

بسبوستي الحلوة الطعمة ههههههه

 

ايه النور ده يا جميل

 

ابنة علي

 

اهلا قفشتك يا بنت هههههههههه اسمك نعمة

 

ماشي يا نعومة ياجميلة انتي

 

يابنتي ابطل اكتب شخصيات جديدة ازاااااااااااااي

 

عايزة بنات المسلسل يعنسوا يعني ههههههههههههه

 

والله يابنتي الشخصيات مافيش تشابه بينهم ولا بين اساميهم

 

لكن نقول ايه في ماريا والبنات بوظوا الدنيا ههههههههه

 

 

 

نورتوا يا بنااااااااااااااااااااات

 

نكمل بكرة بعون الله

 

 

مفاجآت مفاجآت احنا بتوع المفاجآت ههههههههههه

[أنفاس الفجر 473]

لأ بقا ايه ده وأنا اللي مستنية زينة هتقابل صفاع وحماتها ازاي تقومي تقولي هكمل بكرة :(

[~ أم العبادلة ~ 1903]

الله يعينك يا مصطفى على زينة ويرحمك مجدما

آل عايز عروسة محتشمة وتطلع له ..... والله المستعان

 

يا بت بجولك ماااااااااااااات مااااااااااااااااااااااات يخرب مطنك

 

خلاص يابوي انا كنت فاكراه اتوفى

 

يا حبيتي يا بت عمي والله اتوحشتك يا صفاع . يا هل ترى شكليها ايه صفاع . يارب ما تطلعش شبهيي عشان ماحدش يتخض

 

يا حبيبتي يا حماااااااااااااااااااتي هجطعها من البوس يابوووووووووووي بس تجع في يدي عاد الغالية ام الغالييييييييي

الله يرحمها مجدما يابتي

[ساره أم حمزه 1041]

الله يكرمك يا هبه ( :

[رياحينو 205]

والله ياهوبه

انتى زى العسل

اضحك الله سنك

دائما احب ادخل على المنتدى بالليل عشلن تكونى نزلتى الحلقات الجديدة

ودائما زوجى يكون قاعد جانبى

وانا شاغلة اقرأ واضحك

لدرجت انه في مرة من كتر الضحك قاعد يقرأ هو كمان

بجد مبدعة والله

 

"" يا حبيبتي يا حماااااااااااااااااااتي هجطعها من البوس يابوووووووووووي بس تجع في يدي عاد الغالية ام الغالييييييييي ""

 

لااعتقد ان ام مصطفى هتلحق تقول رايها قبل ما زينه تموتها من البوس هههههههههههههه

منتظره الباقى بشوق

[مُقصرة دومًا 1261]

يا عيني عليكِ يا سهام!!

 

جلبي حاسس بمصيبة هتحط على راسك يا موصطفع

 

^_____________^

 

مُبدعة يا هبهوبة : ))

[** الفقيرة الى الله ** 985]

السلام عليكم ورحمة الله وبركاته

 

وأخيرا قرأت آخر حلقة من المسلسل ولحقت بالركب : )

مسلسل رائع جدا هبة الحبيبة!!

ويناقش عدة قضايا مهمة..

 

جزاكِ الله خيرا وأحسن إليكِ ونفع بكِ

متابعة معكِ يا غالية ~

[~ماريا~ 1340]

هع هع هع هع هع هع هع هع

ضحكه صعيدي

ههههههههههههههههههههههههههههههههههههههه

 

 

الواد جوز سهام صح كدا اسمه كريم :)

 

منه كتير يا قلبي

عامل راجل مع الحريم بس اول ما مراته تعبت وشاف الدم هرب وقال هرجعلها تاني

 

انا مبسوطه انها اجهضدت لان الخلفه من واحد زي دا حرام بالنسبه للطفل وماساه كبيره

 

 

 

جارتنا الي بتتنصت للاخبار السخنه فقط

الجار للجار المفروض عليها كانت طلعت ساعدتهم او تشوفهم محتاجين شيء

 

 

 

موني

ههههههههههههههههههههههههههههه

تاحبه واجب والله

 

 

نجلالالالالالالالالالالالالالالالالالالالالالالالالالالاء

كان فين الحنيه والحب يا قلبي ميجيش منه بقى خلاص

 

 

 

زيييييييييييييييييييييييييييييييييييييييييييييييييييييينه

والله انك عثل بس تقيل شويه

هههههههههههههههههههههههههههههههههههههههه

 

 

اللغه بتاعت الشخص مش هي الي تحدد ان الشخص دا كويس ولا لا

عادي جداا ان لهجتها كدا

بس ممكن تكون تصرفاتها واخلاقها احسن بكتير وتخلي الكل يحترمها ويحبها

وياعالم يا تتعلم اللهجه البحراويه

يا تعلمهم هما اللهجه الصعيديه

:))

 

 

حاتم

 

انا من رايه التاخير ماله لازمه خلاص الي حصل حصل

 

حلقات جميله يا هبه

وتحيه تاااااااااااااااااااااااااااااااااااااااااااااانيه لاهل الصعيد لعيونك يا هبه

هههههههههههههههههههههههههههههههههههههههههههههههههههههه

[هدوء الفجر 224]

@~ماريا~

 

سهام سا سهام كان فين الحنيه والحب يا قلبي ميجيش منه بقى خلاص

 

تقصدي بيها سهام اللي هي مرات مدحت؟؟!!!! :ph34r: :ph34r:

[ساره أم حمزه 1041]

سهام سا سهام كان فين الحنيه والحب يا قلبي ميجيش منه بقى خلاص

 

 

قصدك على دكتوره نجلاء ؟

[بنوته مسلمه مصريه 458]

ياسلام يا ست ماريا

يعنى ابله هبه بتقول اترزعت جمب ماريا وانتى مترديش

يابت ياهبه بطلى المش بدوده اللى بتاكليه ده حبيبتى كلى شوية عسل سكر اى حاجه يمكن تأثر يا امه

^ـــــــــــــ^

اقولكم انا بقى ايه اللى هيحصل

البت زينه (مش عارفه ازاى وهى بتقول صفاع وموصطفع) بس يلا يخلق مالا تعلمون المهم البت دى هتبقى قاعده معاهم وكريم ده هيجى تانى

هتمسكه هى وامها وهيمسحو بيه سلالم العماره وهيبقى اسمه جعيدى بعد كده

[~ماريا~ 1340]

@~ماريا~

 

سهام سا سهام كان فين الحنيه والحب يا قلبي ميجيش منه بقى خلاص

 

تقصدي بيها سهام اللي هي مرات مدحت؟؟!!!! :ph34r: :ph34r:

 

هههههههههههههههههههههههههههههههههههههههههههههههههههههههههههههههههههههههه

ايوه مرات مدحت

هي اسمها ايه

دا سهام دي بنت احلام

ههههههههههههههههههههههههههههههههههههههههههههههههههههههههههه

مفيش فايده في اللخبطه ابداا قوليلي يا بنتي هي اسمها ايه

[~ماريا~ 1340]

@@ساره محمد

 

ايوة

هي نجلاء يا سوسو

ههههههههههههههههههههههههههههه

انتو قعدنلي يا بنات ولا ايه

ههههههههههههههههههههههههه

 

اما اروح اصلحها

 

 

@@بنوته مسلمه مصريه

هههههههههههههههههههههههههههههههههههههههههه

متسبيها تقول يا ولاء اه احنا كدا وبنتفرج ببلاش مش عاجبها ولا ايه

هههههههههههههههههههههههههههه

لو زعلانه يا لولو انها بتقولك انت مش بتدفعي حق التذكرة

ابقي ادفعي بس ادفعيهم ليا انا

هههههههههههههههههههههه انت مش قاعده جمبي ولا ايه

[هدوء الفجر 224]

@~ماريا~

 

لالالا بجد انتي ملكييييش حل

 

مش عارفة من غييرك المسلسل كان هيحلوّ ازاااي

 

ههههههههههههههههههههههههههههههههههههههههههههههههههه

 

لا مؤاخذه يا خالتو هبه ههههههههههههههههه

[روضة الجنه 21]

حلقات رائعه وفي انتظار المزيد ان شاء الله

[*أم رقية* 473]

حلقات رائعة يا هوبة تسلم دماغك وايدك :))

 

صراحة انا مش مع مصطفى خااااااالص أولا هو انسان متدين فالمفروض كان رضي بقضاء الله وعرف انه ملوش نصيب بالمدرسة إيمان

وكمان أخطأ في التسرع بطلب الزواج من زينة اللي واضح انها مش زينة خالص :)

 

 

 

نجلاء صعبت عليا لما راحت لمامته وتاني وقالتلها اعتبريني بنتك لكن تذكرت موقفها معها ولما اتصلت بيها ساعة لما مدحت كان تعبان قلت هي اللي جابته لنفسها

 

وعلى فكرة احنا معلقناش عشان بس تعرفوا اننا مش بنهاجم الزاج التاني كدة وخلاص لا طبعا دة شرع ربنا

وقصتك دية اثبتت فعلا ان الزواج مستحب لناس ومكروه لناس تانيه

 

سهام كويس انها فقدت الجنين عشان ميبقاش في شئ يربطها بشبيه الرجال ده

 

لكن صحيح في سؤال كل ما بفتكر اسأله انسى

 

هو ليه تيته ام رفعت مسكنه البنات معاها وابنها هو اللي بره

 

تاني حاجة سألت قبل كدة عن موني ومش جاوبتي الصراحة على قد ما هي لذيذة لكن فلتت منك المرة دية يا هوبة مش قادرة اركب كلامها على سنها :))

 

كملي يا توتو بسرعة ولوني مش عارفة بكرة هقدر اتابع ولا لا

 

ربنا يجعل بكرة يوم خير على مصر وعلى كل المظلومين واسود على السيسي الظالم وحاشيته

قولوا امين

 

[همسآت داعية 1]

ما شاء الله

 

مسلسل رائع فضلت طول الليل اقرء فيه علشان انتهي منه وأكون متابعه معاكم

 

ربنا يكرمك يا أختي هبه ويجعله في ميزانك