زوجتي وحافة الهاوية

[أمة الرحمن الرحمن 68]

لاااااااااااااااااااااااااااااااااااااااااااااااا

المحبه للزهراء :D

ياريت بلاش حبيبتى تسلم الايادى ديه خاااااااااااااااااالص مش عايزينها مش كفايه متصدعين بيها فى كل حته

مش عارفه ليه عندى احساس ان

@ هبه نور @

محضرلنا مفاجأه...... يمكن زوجة علاء ماظهرتش على الساحه لحد دلوقتى :unsure:

وان كنت ارى ان مطيعه زوجه لعلاء O_o بعد ما ترجع لرشدها شئ حلو برضه

تم تعديل 19 نوفمبر, 2013 بواسطة أمة الرحمن الرحمن

[المحبة للزهراء 231]

@@أمة الرحمن الرحمن@@أمة الرحمن الرحمن

 

اييييييييييييييييييييييييييييييييي اترعبت ياحبيبتي هو انا قلت حاجه مش كويسه ولا ايه مالها الكلمه دي :O

قوليلي ربنا يحفظك :huh: مين اللي صدعك بيها مش فاهمة ياحبيبتي

[أمة الرحمن الرحمن 68]

؟

@@أمة الرحمن الرحمن@@أمة الرحمن الرحمن

 

اييييييييييييييييييييييييييييييييي اترعبت ياحبيبتي هو انا قلت حاجه مش كويسه ولا ايه مالها الكلمه دي :O

قوليلي ربنا يحفظك :huh: مين اللي صدعك بيها مش فاهمة ياحبيبتي

المحبه للزهراء

لاحبيبتى مافى حاجه قولتيها مش كويسه تسلمى

ولكن حضرتك اكيد مش من مصر كنت هتفهمى قصدى ايه ؟؟؟ربنا يشل ايديهم يارب

يارب تكونى فهمتينى

[هبة عبد العظيم نور 2042]

علااااااااااااااااااااااء ازيك يا ابو نسب منور الفيلا يا اخو مراتي

 

 

هههههه اهلا يا جوز اختي . معلش بقى هرزل عليكو شوية

 

 

ما تقولش كدة يا راجل . البيت بيتك يا علاء واحنا ضيوفك

 

 

ما انا بقول كدة برضو ههههههههههه اخبار العيادة ايه

 

 

الحمدلله ماشي الحال . اتعشيت ولا هتنام خفيف هههههههههههه

 

هههههه ايه يا ابني اتعلمت البخل فين

 

 

هههههه لا والله بهزر ياراجل . يلا عشان تتعشى معايا

 

 

لا يا سيدي اتعشيت من بدري ولله الحمد . ويادوب اصلي القيام وادخل انام . عن اذنك يا شريف

 

 

اتفضل يا علاء . انتصااااااااااااااااااااااااااار

 

 

ههههههههه ما تحلمش انها تعشيك دلوقتي . انت اتأخرت يا شريف وانتصار معلقة ورقة في المطبخ النهاردة

 

وكاتبة على السادة سكان المنزل المحترمين عدم ازعاجي بعد العاشرة مساءا منعا للإحراج ههههههههههههه

 

 

ههههههه طيب والله كويس ورقة التعليمات دي . انتصار قلبت البيت معسكر تهذيب واصلاح . طيب وحضرتك مواعيدك لحد الساعة كام يا اميرة هانم

 

 

هههههههه انا كل اوقاتي تحت امر حبيبي . جاريتك يا مولاي . تأمر بأيه يا مولاي السلطان

 

 

اممممممممم اجري يا بنت يا جارية حضريلي عشا خفيف ولا هضرب عنقك بالسييييييييييييييف ههههههههههه

 

 

جارية !!!!!!!!!!!! انا جارية . طب تعالى هنا بقى تعالللللللللللللللللللللللللى

 

 

اميييييييييييييييييييييييييييييييييي ههههههههههههه مراتي بتجري ورايا الحقيني يا امي

 

 

ههههههه وهي فين امك دي . ما حدش هينجدك من ايدي تعالى هناااااااااااااااا

 

 

هههههههه كدة ! طب تليفون صغير واجيب امي تدافع عني يا متوحشة انتي هههههههه

 

 

لالالالالالالا حبيبي خلاص سامحني . اصفح عن جاريتك يا مولاي ههههههه العشا هيكون جاهز بعد دقايق وهجيبهولك في السرير وأأكلك بإيدي كمان يا مولاي

 

 

ههههههههه يا عيون مولاكِ انتي . انتي اللي اميرتي وانا الخادم المطيع يا مولاتي. اين الطعام يا جارييييييييييييييييييييييييييييييييييية

 

 

سمعا وطاعة سيدي . سأحضره في الحاااااااااااااااااااااال . فقط أهدأ بالا وتحلى بالصبر وارفق بجاريتك مولاي ههههههههه

 

تعجلي يا جارية في احضار والطعام وإلااااااااااااااااااااااااااا

 

 

 

إلا اييييييييييييييييييييييييه

 

 

وإلا احضرته أنا بالطبع هههههههههههه

 

 

هههههههههههه

 

 

 

 

 

 

 

 

 

 

 

 

 

 

انتصاااااااااار . صحيتي البنات؟

 

 

رايحة اصحيهم اهو يا مدام

 

 

 

قومي يا حلوة

 

 

قومي يا بطة

 

يلا يا كتكوتة انتي وهي وراكو مدرسة . يلا يا دكتورة قومي باشمهندسة

 

 

يلا الحلوة الشاطرة اللي هتقوم قبل التانية

 

 

يلا يا نورسين يا ست الحلوين

 

 

يوووووووو يا دادة عايزة انااااااااااااااااااااام . بتشيلي الغطا لييييييييييه

 

يلا يا لورين يا ست الطعمين

 

 

اممممم لالالالالالا غطيني غطيني . مش تشيلي الغطا . خليني انااااااااااااااااااااااااام

 

 

قومي يا بنت انتي وهيييييييييييييييييييييييييييييييييي . قوموا مش فاضية . مش كل يوم الموال الازرق بتاع الصحيان ده . قومواااااااااااااااااااااااااااااااااا دا ايه وجع القلب ده

 

 

 

اممممممم طيب طيب يا دادة . امممممم صحيت اهو امممممممم

 

 

صباح النور يا رايقة

 

 

. فتحي عنيكي يا لورين فتحي عنيكي هتخبطي في الحييييييييييييطة

 

 

قومي يا نورسيييييييييييييييييييين

 

 

يوووووووووووو اديني قايمة اوووووووووووووووووف . الواحد ما يعرفش ينام في البيت ده . ننام بمعاد ونصحى بمعاد . اووووووووف حاجة تزهق . صباح الخير يا دادة

 

 

صباح النور يا نورسين . انتي هتعملي ايه يا نورسين وانتي مغمضة عنيكي كدة

 

 

 

داخلة الحمام يا دادة هفتح الباب اهو

 

 

 

 

انتي فتحتي باب الدولاب يا حبيبتي . الحمام على ايدك الشمال . واستني لما اختك تخرج

 

 

 

يوووووووو طيب بتصحيني ليه يا دادة لما لورين لسة في الحمااااااااااااام

 

 

 

انا نازلة احضر الفطار واعملكو السندوتشات

 

 

 

يا دادة ارجوكِ انا الف مرة قولتلك مش بحب الجبنة البييييييييييييييضة وانتي كل مرة تعمليلي سندوتشات جبنة بيضة . من فضلك اعمليلي جبنة شيدر وفلمنك ممممممممممممممممكن

 

 

ومالها الجبنة البيضة . بتتبتروا ع النعمة ليييييييييييييه .

 

 

قولت اعمليلي جبنة شيدرررررررررررررررر

 

 

لالالالالالالالالالالالالا بلا شيدر بلا ميدر . اللي بلاقيه قدامي بعمله . كلوا وانتو ساكتين وبوسوا ايديكو وش وضهر واحمدو ربنا . غيركو مش لاقي العيش الحاف وانتو الجبن عندكو ليها اسامي زي البني ادمين . ال شيدر ونيستون وفلمنك وما فلمنكش ورومي وفيومي دا غير الجبنة المعفنة اللي امك بتاكلها

 

يووووووووووووو . يلا يا لوررررررررررررين

 

 

 

 

 

صباح الخير يا حبايب مامي

 

 

صباح النور يا مامي اموووووووووه

 

 

ازيك يا مامي اموووووووووووووه

 

سلمتوا على خالو يا بنات

 

 

خالوووووووووووووو !!!!!!!!!!!!! هو خاله هنا يا مامي

 

 

ايوة اطلعوا صحوه وصبحوا عليه وخلوه يجي يفطر معانا

 

 

هيييييييييييييييييييييييه خالوووووووووووووووووو

 

 

خالو حبيبييييييييييييييييييييييييييييييييييييييييييييي قوم يا خالو صباح الجمال يا حلو

 

 

 

هههههههههههههه اهلاااااااااااااا يا صباح النور على البنور . ازيك يا نورسين

 

 

هههههههههه اخبط كف وهات حضن كبيرررررررررررررررررررررررررررر

 

 

هههههههههههههه اخبطي كف يا ستي بس بالراحة عليا

 

 

اااااااااااااااااه يا مفترية هههههههه

 

 

ههههههههه انشف يا خالو

 

 

ههههه هاتي بوسة وحضن بقى اموووووووووووووووووه

 

 

وانا كمان وانا وانااااااااااااااااااا

 

 

ههههههه اهلا حبيبتي اهلااااااااااااا اموووووووووووووه

 

 

عاملين ايه في المدرسة يا بنات

 

 

احنا قربنا خلاص ناخد الاجازة يا خالو عشان تودينا الغردقة زي ما وعدتنا

 

 

غردقة !!!!!!!!!!!!!! انت وعدتكو اوديكو الغردقة يا نورسين

 

 

نعم نعم نعممممممممم ايوة طبعا يا سي خالو . هو مش كلام رجالة ولا اييييييييه

 

 

يا بنت يا بنت يا شقية امتى الكلام ده حصل

 

اممممممممممم والله حصل

 

 

ايوة يا خالو انت قولت موافق تودينا الغردقة

 

 

مش فاكر مش فاكرررررر طب فكروني

 

 

يا خالو انت كنت ساعتها قاعد مشغول وبتكتب على الكيبورد في اوضتك وانا ولورين دخلنا قولنالك يا خالو مش انت هتودينا الغردقة في اجازة الصيف وانت قولت اوكيه اوكيه

 

 

هههههههههههه يا حبيبتي اكيد ما كنتش مركز معاكو خاااااااااااااااالص ومشغول بحاجة تانية عشان كدة قولت اوكيه عشان اخلص منكو هههههههه

 

 

كدة برضو يا خالو !!!!!!!!!!! طب يلا يا لورين نخاصمه

 

 

ههههههه طيب خلاص حقكو عليا . طيب ليه مش عايزين تروحوا مع بابا وماما ؟

 

 

عشان هما سافروا من غيرنا واحنا قولنالهم هنسافر مع خالو وهنسيبهم زي ما سابونا

 

اممممممم بتاخدوا بتاركو يعني . طب خلاص هشوف وقت مناسب ونسافر ان شاء الله

 

هييييييييييييييييه شكرا يا خالو شكراااااااااااااا

 

 

هييييييييييييييييييييييييييييييه انت حلو يا خالو

 

 

هههههههه انتو احلى يا قمرات . الفطار جاهز ؟

 

 

ايوة يا خالو يلا بسرعة عشان الباص بتاعنا قرب يجي

 

 

 

 

 

 

 

 

 

 

صباح الخير يا علاء يا حبيبي

 

 

صباح النور يا حبيبتي

 

 

نمت كويس

 

 

اه والله نمت كويس الحمدلله . فين شريف ؟ مش هيفطر ولا ايه

 

 

شريف بيصحى على الساعة تسعة وبيفطر براحتو . وانا اتعودت افطر مع البنات

 

 

لالالالالالا افطري معاه هو هههههههه هو اولى بالوجه الحسن

 

 

هههههههه مش كدة برضو يا خويا . قمر اختك قمرررررررررر

 

ههههه قمرين مش قمر واحد

 

 

 

يلا يا بنت انتي وهي اشربوا اللبن بتاعكو بسررررررررعة الباص زمانه جاي

 

 

حاضر يا مامي حااااااااااااضر

 

 

 

 

 

 

 

يلا عشان الاتوبيس جه يا مزاغيد

 

 

يلا يا بنات خدوا شنطكو ومع السلامة

 

 

باي باي خالو

 

 

باي مامي

 

 

استنوووووووووووو

 

 

 

نعم يا خالو

 

 

قولوا السلام عليكم ورحمة الله مش باي باي

 

 

السلام عليكم ورحمة الله وبركااااااااااااااااااااااااته

 

 

وعليكم السلام ورحمة الله وبركاته

 

 

اديني الموبايل يا عواطف اتصل اصبح على علاء ابني ههههههه

 

 

 

اتفضلي يا مدام برلنتي

 

 

 

 

 

 

تررررررررررررررررررررررررررررن تررررررررررررررررررررررررررررن

 

 

ايوة يا امي السلام عليكم

 

 

اممممممممم وعليكم السلام ورحمة الله هههههههه قولت اتصل بالاستاذ اللي مش سائل في امه ومش هاين عليه يتصل يصبح عليها

 

 

ابدا يا امي انا والله لسة في العربية في طريقي للمجلة وكنت هطلبك

 

 

يا سلااااااااااااااااااااام ومن امتى بتستنى الوقت ده كله عشان تصبح علية . انت دايما بتصبح عليا الفجر وانت راجع من الصلاة ودلوقتي الساعة عدت عشرة الصبح يا استاذ

 

 

اسف يا امي معلش حقك عليا

 

 

ومالك بتتكلم من غير نفس كدة يا ولد هو انا زعلتك في حاجة هههههههه

 

لا ابدا ولا حاجة خالص . طردتيني من البيت بس

 

 

طيب يعني حاجة بسيطة اهيه اومال زعلان ليه بقى هههههههه

 

 

ههههه اصلك مدلعاني زيادة ع اللزوم

 

 

ههههههههههههههه ما انت كفاية عليك دلع بقى . ازي اميرة وبناتها وجوزها

 

 

كويسين اوي الحمدلله . الضيفة اللي عندكو اخبارها ايه

 

 

تمام الحمدلله . عملناها الصلاة وايناس حفظتها سورتين من قصار السور وحفظتهم كويس وصلت بيهم الحمدلله

 

وعشان هي عندها رغبة فبتتعلم بسرعة ماشاء الله عليها

 

 

ربنا يهدي الجميع . على الله تكون صادقة . بس من فضلك خدي حذرك وما تأمنيش اوي يعني

 

 

ما تقلقش البنت فعلا صادقة والله وسبحان الله كانت بتبكي وهي بتصلي وخليتنا احنا كمان بكينا

 

 

ربنا يغفرلنا ذنوبنا جميعا . والوضع ده هيستمر كتير

 

 

يا ابني يعني نعمل ايه . دي بنت مسكينة مالهاش حد . وانت اديك قاعد عند اختك

 

 

يعني هو انا هفضل قاعد عند اختي كتييييييييير !!!!!!!!!!!

 

 

ربنا يحلها يا علاء . هحاول اتصرف في الموضوع ده ان شاء الله . قولت اصبح عليك يا حبيبي . مش عايز حاجة

 

 

لا يا امي شكرا . هتصل بيكِ بعد العصر ان شاء الله زي العادة

 

 

هههههه ربنا ما يقطعلك عادة يا حبيبي . مع السلامة

 

 

الله يسلمك يا امي

 

 

 

 

 

 

 

 

 

 

 

رجعنا للمجلة والصحافة ووجع القلب

 

 

 

ايه دددددددده ههههههههههههههه دي العانسة قطيعة نازلة من تاكسي هههههههه ماشاء الله نضفت وبقت تركب تاكسيات هههههههههه

 

 

 

حسابك كام يا اسطى

 

 

خمستاشر جنيه يا انسة

 

خمستاشر جنيه لييييييييييييييييه هو العداد عامل كام

 

 

ما بشتغلش بعدادات اناااااااااااااااااااا هاتي خمستاشر جنيه

 

 

هما عشرة جنيه وتاخدهم وتحمد ربنا وتمشي

 

 

بقولك ايه يا انسة ما تخلنيش انزلللللللللللك دي ساعة صبحية وما تخلنيش ابدأها بخنااااااااااااااااااااقة

 

 

انتي بتهددني ولا ايييييييييييييييه . هتنزل تعمل ايه يعنييييييييييييييييي خد العشرة جنيه اهمممممممممم مافيش غيرهم بطلوا جشع وطمع بقى

 

 

والله ما هسيبك واديني نازل اهو يا فتاح يا عليم يا رزاق يا كرييييييييييييييييييم اصطبحنا بوش مين النهاااااااااااااااااردة

 

 

 

تعالي هناااااااااااااااااااااااااا ما تجرنيش وراااااااااااااااكِ

 

 

يا ماماااااااااااااااااا الحقوني الحقووووووووووني

 

 

 

ايه ده ايه ده في ايه يا اسطى

 

 

ههههه اهلا ازيك يا استاذ علاء

 

يا سيدي الله يسلمك في ايه

 

 

البت دي ركبت معايا من باب الشعرية لحد المهندسين وبتديني عشرة جنييييييييييييه وانا عايز خمستاشر

 

 

هههههه

 

بت لما تبتك يا سمج يا وقحححححححححح

 

 

ولما انتي مش اد التكسيات ومش لاقية تاكلي بتوقفيني ليه وتركبي معايا يا شحاااااااااااااااااااااااتة

 

 

خخخخخخخخخخخ عجبك الفضايح دي ههههههههه

 

 

ايوة اشمت اوي جاتكو الارف كلكو رجالة تقصر العمر اووووووووووف بص يا سواق التاكسي الخردة انت مافيش غير العشرة جنيه اللي اخدتها وامشي من هنااااااااااااااااا يلا يلااااااااااااا

 

 

 

مش هخدها اتفضلي اهي . هاتي خمستااااااااااااااااااشر ما تنفعنيش العشرة دي

 

 

طب هات خسارة فيك وامشي من هنا ومالاكش عندي حااااااااااااااااااااجة

 

طب والله لاخدك ع القسم يا نصابة يا حرامية وخليهم ينزلوا فيكِ ضرب لما يبانلك صاااااااااااااااااااااااحب

 

هههههههههههههههه مافيش داعي يا اسطى . انت عايز كام

 

 

خمستاشر جنيه يا استاذ علاء

 

 

اتفضل خمسين يا سيدي ولا تزعل نفسك

 

 

هههههههه ربنا يخليك يا استاذ علاء خمسين جنيه بحالهم !. راجل كلك ذوق وانسانية . نهارك قشطة ان شاء الله

 

 

 

نهارك ابيض يا سيدي ههههههههههههههههههههههههههههههههههههه

 

 

انت بتضحك على ايه ؟؟؟؟؟؟؟ اوعى من وشي . راجل مستفززززززززززززززززززز

[أمة الرحمن الرحمن 68]

هههههههههههههههههههه

هو ايه حكاية علاء بيه مع الخمسين جنيه

^_^ كل اليقوله عايز فلوس يديلوا خمسين

[المحبة للزهراء 231]

ى مافى حاجه قولتيها مش كويسه تسلمى

ولكن حضرتك اكيد مش من مصر كنت هتفهمى قصدى ايه ؟؟؟ربنا يشل ايديهم يارب

يارب تكونى فهمتينى

• أعجبني هذا
  

• 
   
  

للااسف ياحبيبتي مفهمتش والله بس اعتقد انها حاجه تخص مصر واهلها

• 
   
  

[**صفا** 208]

@@المحبة للزهراء هلوله

امه الرحمن تقصد ان تسلم الايادى دى عنوان اغنيه بتتغنى بعد ماحصل فض اعتصام رابعه اكيد سمعتى عنه

اهو بقى معنى الاغنيه شكرا للايد اللى حاربت الارهاب

الارهاب بقى يبقى الاسلامين والسلمين اللى نزلوا يقولوا لا للظلم فالجيش والشرطه قاموا بالواجب

[**صفا** 208]

هوبه الجميله

غغبت عنك فى الرد

حلقات جميله جدا

فرحت جدا لكريمه

وفعلا جوازه كريمه. دى بيحصل زيها كتير سبحان الله تبقى واحده قربت تتجوز والاكبر منها تتجوز قبلهها وبدون سابق ميعاد لاننه كله نصيب

مطيعه ربنا يهديها خليها تتعدل ياهبه بسرعه علعلشان بقت بتحرق دمى وبصراحه انا دمى غالى ههههههههه

اعتقد البنانيه هترجع على بلدها بعد ما تتطمن ان الخطر بعد عن علاء وهيحسن اسلامها ومعرفش جايز تحبه بس معتقدتش انهم هيتجوزوا

منتظرين مزيد من الاحداث الساخنه ياههوبه :-)

[هبة عبد العظيم نور 2042]

هههههههههههه حمدالله ع السلامة يا كينج

 

 

ازيك يا استاذ علي . اخبار المال والاقتصاد ايه . انهاروا ولا لسة هههههههه

 

 

هههههه على وشك يا كينج ربنا يستر . ايه الغياب المفاجئ ده

 

 

سفرية كدة كام يوم ورجعت . عن اذنك

 

 

اتفضل

 

 

 

 

 

الكينننننننننننننننج وحشتنا يا استاذ علاء والله زمان يا كينج . بعودة الا ياااااااااااااااااااااام

 

 

ايه ياراضي ايه يا رااااااااااضي هو انا بقالي عشرين سنة غايب ولا ايه !!!!!!!!! اطلبلي القهوة بتاعتي

 

 

 

حاضر يا كينج . نورت مكتبك

 

 

حد سأل علية

 

 

 

 

الاستاذ نادر سأل عليك كذا مرة

 

 

طب ابعتهولي من فضلك

 

 

حاضر يا كينج

 

 

 

 

استاذ نادر الكينج عايزك

 

 

اخيررررررررررررررررررررررررررا ههههههههههه رايحله طيرااااااااااااااان

 

 

 

 

 

تن تن تن

 

 

 

ادخل

 

 

 

 

السلام عليكم ازيك يا كينج

 

 

وعليكم السلام ورحمة الله ازيك انت يا نادر . بلغوني انك سألت علية . خير ان شاء الله

 

 

يا كينج يا كينننننننننننننج . معاد يوم الجمعة اللي ضاع علية عشان سفرك

 

اممممممم الجمعة الجمعة الجمعة . هو كان في ايه يوم الجمعة فكرني

 

 

ياااااااااااااااااااارب . يا كينج المفروض ترد عليا في موضوع الانسة ايناس

 

 

ايوة ايوة ايوة صحيح . اسف يا نادر

 

اسسسسسسسسسسسسسسف !!!!!!!!! هي الانسة ايناس رفضت ؟؟؟؟؟؟؟؟؟؟؟؟؟؟

 

 

انا قولت كدة ؟

 

 

حضرتك قولت اسف يا نادر

 

 

انا اقصد اعتذر عن المعاد اللي ضاع

 

 

هههههههههه وقعت قلبي يا كينج . يعني هي موافقة ؟

 

 

انا قولت كدة ؟

 

 

لا حول ولا قوة الا بالله . طيب ايه رأيها

 

 

والله حضرتك هتشرفنا بكرة المغرب في الفيلا عشان تقابل عمي ونبلغك قرارنا النهائي

 

 

يعني اتعشم خير يا كينج في الموافقة

 

 

امممممممم اللي فيه الخير يقدمه ربنا ان شاء الله

 

 

يااااااااااااااااااااارب يارب يوافقكو يااااااااااااااااااااااااااااارب

 

 

 

 

 

 

 

 

 

 

 

 

تررررررن تررررررررن يا كينج

 

 

ايوة يا راضي

 

 

الانسة مطيعة عايزة تقابل حضرتك

 

 

 

مش فاضي

 

 

 

بيقولك مش فاضي

 

 

يا سلاااااااااااااااااااااااام على العجرفة الفارغة . قول لجنابه اعدي على فخامته امتى

 

 

 

ههههههه بتقولك تعدي على فخامتك امتى يا كينج

 

 

مش عارف والله انا مش فاضي النهاردة

 

 

سامعة يا استاذة

 

 

اووووووووووووف قوله هوريله المقال واخرج ومش هعطل وقت جنابه الثمين

 

 

يا كينج عايزة توريلك المقال وتخرج على طول

 

 

اوووووووووووووووف خليها تدخل

 

 

 

 

طب استأذن انا يا كينج

 

 

اتفضل يا نادر

 

 

 

 

 

 

 

 

 

صباح خيرات مولانا الطاغية المعظم

 

 

 

افندم

 

 

اتفضل شوف المقال عشان نحظى بشرف موافقة المقام العالي يا جناب الخديوي

 

 

 

حطيه عندك

 

 

 

اوووووووووف من فضلك تدي اهتمام للبني ادمة اللي قدامك . بطل الاسلوب المستفز ده

 

 

كدة ! طيب ايه رأيك مقال مرفوض من قبل ما اقرااااااااااااااااااه واتفضلي خديه واطلعي برااااااااااااااااااا

 

 

اهئ اهئئئئئئئئئئئئئئئئئئ والله العظيم انت راجل ديكتاتور وبتتعالى بمنصبك انت انسان نرجسي اهئ اهئئئئئئئئئ

 

 

 

ههههههههه طب هاتي المقال اللي محيرك

 

 

 

اتفاقية السيداااااااااااااااااااااااااااااااااااااااااااااااااااااو !!!!!!!!!!!!!!!!!

 

 

 

يا مامي . دا مبرق .طب بعد اذنك انا وهاجي لما تخلص قراية

 

استني استني استنيييييييييييييييي استني دانتي ايامك سودة معايا ان شاء الله

 

 

 

وهي كانت قبل كدة بمبي ! ما انت مسود ايامي من يوم ما اتعينت في المجلة . ايه رأيك في المقال هههههههه

 

 

انتي عايزة ايه عايزة اييييييييييييييييييييييييييه عايزة تودي المجتمع على فين يعنيييييييييييييييييي

 

 

يا استاذ بلاء اتفاقية السيداو اتفاقية منصفة للمرأة وحقوقها

 

 

قصدك اتفاقية منسفة لشرف وكرامة المرأة . دي اتفاقية تطبق على عاهرات يا عانسسسسسسسسسسسسسسسسة

 

 

يا استاذ بلاء بلاش تنظر للموضوع بسطحية . الاتفاقية بتدي الحق للمرأة اللي ابنها مالوش اب انه يبقاله حقوق الابن الشرعي وده نصر كبير للمرأة

 

اممممممممم انتي شايفة كدة . يعني شايفة اننا ندي البنت الحق انها تصاحب في الحرام وتخلف في الحرام والاتفاقية تضمنلها حقوق الابن غير الشرعي اللي هتجيبه ؟

 

 

ايوة شايفة كدة. وده هيقضي على مشكلة الاطفال مجهولي النسب

 

 

يعني حضرتك شايفة ان الوالدين مالهومش سلطة على بناتهم والبنت من حقها تتزوج من غير ولي

 

 

 

ايوة طبعا وده نصر لإرادة المرأة

 

 

وحضرتك متخيلة اني انا هشارك في الجريمة دي وانشر الافكار القذرة دي اللي بتحارب الاسلام وبتنافي مبادئه وقيمه ؟

 

 

 

هو انتو كل حاجة تقولوا الاسلام الاسلام . من فضلك وافقلي على نشر المقال وتخلص من افكارك المتحجرة دي

 

طيب ادي المقال بتاعك هقطعه ستين حتة عشان ترتاحي . براااااااااااااااااااااااااااااااااااااااا

 

 

 

كدة !!!!!!!!!!!!! اهئ اهئئئئئئئئئئئئئئئئ حرام عليك حرااااااااااااااام تقف في طريقي بالشكل ده اهئ اهئئئئئئئئئئئئئئئئئئئئئئئئئ

 

 

 

استغفر الله العظيييييييييييييييييييييم . البنت دي بتفكر ازاي ازااااااااااااااااااااااااي

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ترررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررن

 

 

 

الو ايوة يا مطيعة

 

 

اهئ اهئ ايوة يا مدام روح اهئ اهئئئئئئئئئئ

 

 

في ايه بتعيطي ليه يا حبيبتي

 

اهئ اهئئئئئئئ بعيط بسبب الجاهل المتخلف اللي مش عايز ارادة المرأة تنتصر وعايزها تظل تحت سطوة الرجل طول حياتها اهئ اهئ اهئئئئئئئئئ

 

 

ما رضيش ينشر المقال برضو

 

اهئ اهئ لالالالالالا ما رضيش

 

 

طيب ما تنشري على الفيس

 

 

انا كدة كدة بنشر مقالاتي على الفيس رغم انه بتهاجم واتشتم كتير اهئ اهئ لكن انا نفسي انشر في المجلة دي بالذاااااااااااااااااااااااااااات

 

 

ههههههههههههه عمرك ما هتعرفي تنشري الا لو كسبتي علاء فكري في صفك وخلتيه خاتم في صباعك

 

 

اخليه خاتم في صباعي ؟ طب ازااااااااااااااااي

 

 

ههههههههههه يا حبيبتي ما تبقيش عبيطة . طب هو بيعمل كدة مع أي واحدة من زميلاتك

 

لالالالالالالالا انا بس اللي بيحاربني ويحارب افكاري

 

 

عارفة ليه ؟.

 

 

ليه

 

 

عشان انتي اكيد عاجباه وداخلة دماغه وهو نفسه يوصلك بس مش عارف

 

يوصلي !!!!!!!!! يوصلي يعني ايه ؟؟؟؟؟؟؟؟؟

 

هههههههه يا حبيبتي دا مهما كان راجل وانتي بنت حلوة ولا مش واخدة بالك من جمالك ؟

 

 

مش فاهمة حاجة

 

 

عشان ينشرلك مقالاتك وما يقفش في وشك اعرضي نفسك عليه وشوفي رد فعله هيكون ازاي هههههههههههه

 

اعرض نفسي عليه يعني ايه !!!!!!!!!!! ايه الكلام الفارغ ده . هو احنا حيوانات يا مدام رووووووووووووح

 

 

المفروض انه راجل عاقل ومثقف ويتعامل مع المرأة عقلا بعقل وليس جسدا بجسد . وبعدين مش علاء فكري علاء فكري مش كدة انا متأكدة . ليس هو هذا الرجل وليست انا تلك المرأة

 

 

ههههههههه طب خليكي بقى حاربي طول عمرك ومش هتوصلي لحاجة

 

 

 

يا نهار ابيض يعني تفتكري علاء ممكن يكون من نوعية الرجالة دي ؟

 

 

هههههههه كلهم صنف واحد يا حبيبتي . لو وصلوا للست يبقى خلاص كل السكك بيفتحوها قدامها

 

 

يا خبر !!!!!!!!!!!!! لالالالالالالالالالالالا ايه الكلام دددددده لالالالالالالالالالالا انا مضطرة اقفل

 

 

جربي يا مطيعة جربي ومش هتخسري حاجة باي باي

 

 

 

 

لالالالالالالالالالالالالالالا افكارها بشعة مدام روح لالالالالالالالالالالالا مش علاء مش علاء ابدا اللي يعمل كدة لالالالالالالالالالالالالالالالالالالالالالالالالالالالالالالا طيب يعني اجس نبضه ولا اعمل ايه

لالالالالالالالالالالالالالالالالالالالالالالا مستحيل فكرة مرفوضة بالمرة

 

 

 

 

 

 

 

 

 

 

 

 

 

 

 

 

 

 

 

 

 

 

هدى هههههههههههه يا هدى

 

 

نعم حبيبتي ايناس

 

 

النهاردة عريسي جاي يقابل عمي

 

اممممممم ههههههههه عشان كدة بحسك زي الفراشيييه عم بتطيري ههههههه

 

 

هههههههههه فرحانة فرحاااااااااااانة اصله هو طيب خالص خالص ادعيلي ربنا يتمم على خير

 

 

يارب يا البي يارب .

 

 

علاء اخويا جه بس في الجنينة مش ناوي يدخل الفيلا

 

اممممممم بحس حالي كتير سئيلييه . خليته يترك داره

 

ههههههه لالالالالالالا ما تحسيش الاحساس ده ارجوكِ . علاء قاعد عند اميرة وهي مبسوطة جدااااااا انه عندها والله . ها قوليلي ايه رأيك فيا

 

 

بتجنني يا البي اللوك تبعك بيعئِد .

 

 

هههههههه مش اوي كدة . العباية حلوة صحيح؟

 

 

كتير حلوة حبيبتي. كتير بتلبق عليكِ . الله يسعدك يارب

 

 

 

 

 

 

 

 

 

 

 

 

 

 

 

اهلا يا نادر يا ابني . علاء كلمني كتير عنك لدرجة اني حبيبتك والله من قبل ما اشوفك

 

 

هههههه اشكرك يا عمي عزت

 

 

ايناس دي غالية عندي جدا . احساسي بيها غير احساسي باخواتها وحبي ليها اكبر . يمكن عشان اخويا فكري مات وسابها صغيرة . اعتقد كان عمرها وقتها اتناشر او تلاتاشر سنة وكمان والدتها اتوفت وكان عمرها خمس سنين

 

 

معقووووووول . يعني والدة الاستاذ علاء مش والدتها

 

 

هههههههه لا انا من ام وهي من ام لكن في الحقيقة ماما بتحب ايناس زينا بالظبط والله

 

 

ربنا يديها الصحة ويخليهالكو يارب . اممممممممم يا ترى اطمع اعرف الرد

 

 

ههههههههه رد عليه يا عمي عشان قلبلي دماغي

 

 

احنا موافقين يا ابني على جوازك من بنتنا ايناس وان شاء الله تكون لك زوجة صالحة وتكون لها زوج صالح

 

 

الله اكبررررررررررررررررررررر هههههههههههههههههه ربنا يخليك يا عمي عزت ربنا يخليك يا كينج

 

 

طب اهدا اهدا مش كدة ههههههههه بص يا سيدي احنا هنعقد يوم الجمعة الجاية وخير البر عاجله

 

 

ههههههههه والله !!!!!!!!!!! والله انا مش مصدق نفسي والله

 

 

لا صدق يا سيدي

 

 

طيب والشبكة يعني . انتو عايزين شبكة بكام

 

 

ههههههه الشبكة هديتي لنت اخويا

 

 

لالالالالالالالالالالا من فضلك يا عم عزت انا اللي هجيب الشبكة . حضرتك عايز تهاديها دي حاجة ترجعلك لكن شبكة عروستي انا اللي هجيبها ولا ايه يا استاذ علاء

 

 

وانت تقدر تجيب شبكة بكام يا نادر

 

 

انا بصراحة اقدر اجيب دبلة وخاتم

 

طيب يا سيدي كويسين جدا . ننزل بكرة نجيبهم ان شاء الله

 

 

 

على بركة الله

 

 

مبروك يا نادر يا ابني

 

 

هههههههه الله يبارك فيك يا عمي الله يبارك فيييييييييييييييييييييييك ههههههههههه

 

 

ههههههههه مبسوط يا سيدي . الف مبروك

 

 

ههههههههههه الله يبارك فيك يا كينج وعقبالك ان شاء الله

 

 

ما اتكلمناش على الشقة يا نادر . بص يا نادر طبعا اختي ايناس متعودة على مستوى معين

 

فالشقة دي هدية مني ان شاء الله واختاروها في المكان اللي انتو عايزينه ومالكوش دعوة بتمنها

 

 

لالالالالالالا يا كينج ازاي الكلام ده . انا ممكن اخد شقة ايجار جديد لحد ما ظروفي تتحسن ان شاء الله

 

 

اسف يا نادر اختي ما تقعدش في ايجار جديد . احنا الحمدلله ربنا عاطينا من فضله ونقدر نجيب لاختي اللي هي عايزاه

 

 

ايوة يا كينج بسسسسسس

 

 

لا بس ولا حاجة من فضلك

 

 

امممممممم طيب خلاص انا هدفع ايجار لايناس

 

 

ههههههه والله انتو حرين مع بعض تدفعلها تدفعلك دي حياتكو وانتو احرار

[نور قلبي القران 430]

السلام عليكم ورحمة الله وبركاته

 

واخيييييييييرا هرد على أختي هبة نور :D :D

 

مش عارفة هي الآنسة قطيعة بتحط نفسها فمواقف بايخة ليه؟؟؟

 

حتى تصدقي أني بقرا القصة..ولما بوصل لعندها وعلى اللي بتعمله بتكسف بدالها :))

 

ومع هيك...ياريت تتجوز اللي اسمه علاء ده ونفتك منهم هههههههههههههههه

 

بظن أنو هي برضه مش عارفة تعاليم دينها كويس..لأني لاحظت لما كانت بتتكلم مع......نسيت اسمها

 

قالت لها ممكن يكون الكلام ده صحيح؟؟؟

 

يعني هي لحد دلوئتي مش عارفة الصح من الغلط..عندها تأثيرات خارجية كتيييييييرة زيي بالظبط ههههههههههههه

 

اما السنيورة لورا...بظن أنها هتكون زي الأخت لعلاء فكري وياريت تطلع في الآخير رضعت من أمه :P :P :D

 

أما الآنسة اللي لحد دلوئتي مش باينة...فياريت تبينيها وتهنينا بقى

 

أديني رديت عليك ياطماعة -_-

[هبة عبد العظيم نور 2042]

ربنا يديها الصحة ويخليهالكو يارب . اممممممممم يا ترى اطمع اعرف الرد

 

 

ههههههههه رد عليه يا عمي عشان قلبلي دماغي

 

 

احنا موافقين يا ابني على جوازك من بنتنا ايناس وان شاء الله تكون لك زوجة صالحة وتكون لها زوج صالح

 

 

الله اكبررررررررررررررررررررر هههههههههههههههههه ربنا يخليك يا عمي عزت ربنا يخليك يا كينج

 

 

طب اهدا اهدا مش كدة ههههههههه بص يا سيدي احنا هنعقد يوم الجمعة الجاية وخير البر عاجله

 

 

ههههههههه والله !!!!!!!!!!! والله انا مش مصدق نفسي والله

 

 

لا صدق يا سيدي

 

 

طيب والشبكة يعني . انتو عايزين شبكة بكام

 

 

ههههههه الشبكة هديتي لبنت اخويا

 

 

لالالالالالالالالالالا من فضلك يا عم عزت انا اللي هجيب الشبكة . حضرتك عايز تهاديها دي حاجة ترجعلك لكن شبكة عروستي انا اللي هجيبها ولا ايه يا استاذ علاء

 

 

وانت تقدر تجيب شبكة بكام يا نادر

 

 

انا بصراحة اقدر اجيب خاتم ولما ربنا يرزقني ابقى اجيبلها تاني بعد الجواز

 

طيب يا سيدي كويس جدا . ننزل بكرة نجيب الخاتم ان شاء الله

 

 

 

على بركة الله

 

 

مبروك يا نادر يا ابني

 

 

هههههههه الله يبارك فيك يا عمي الله يبارك فيييييييييييييييييييييييك ههههههههههه

 

 

ههههههههه مبسوط يا سيدي . الف مبروك

 

 

ههههههههههه الله يبارك فيك يا كينج وعقبالك ان شاء الله

 

 

ما اتكلمناش على الشقة يا نادر . بص يا نادر طبعا اختي ايناس متعودة على مستوى معين

 

فالشقة دي هدية مني ان شاء الله واختاروها في المكان اللي انتو عايزينه ومالكوش دعوة بتمنها

 

 

لالالالالالالا يا كينج ازاي الكلام ده . انا ممكن اخد شقة ايجار جديد لحد ما ظروفي تتحسن ان شاء الله

 

 

اسف يا نادر اختي ما تقعدش في ايجار جديد . احنا الحمدلله ربنا عاطينا من فضله ونقدر نجيب لاختي اللي هي عايزاه

 

 

ايوة يا كينج بسسسسسس

 

 

لا بس ولا حاجة من فضلك

 

 

امممممممم طيب خلاص انا هدفع ايجار لايناس

 

 

ههههههه والله انتو حرين مع بعض تدفعلها تدفعلك دي حياتكو وانتو احرار

 

 

 

 

 

 

 

 

 

 

 

هههههههههههههه ماما علاء مستنيني بالعربية ومعاه نادر رايحة اجيب الشبكة بتاعتي

 

ههههههه مبروك يا عروسة . روحي يا حبيبتي ربنا يفرحك دايما يارب

 

امووووووووووووه السلام عليكم يا ماما

 

وعليكم السلام يا قلبي

 

 

 

 

 

 

 

 

 

 

 

 

 

 

 

 

 

 

 

 

 

اتفضلوا دي مجموعة الخواتم اللي موجودة في المحل

 

 

 

اختاري يا عروسة

 

اممممممممم اممممممممم اممممممممم اخد انهي واااااااااااااحد انهي واااااااااااااااااااحد بص الخاتم ده يا علاء . اخد ده ولا ده ؟؟؟؟؟؟؟؟؟؟

 

 

ده ظريف . وانت ايه رأيك يا نادر

 

 

ههههههه والله الرأي رأي الانسة ايناس

 

 

خلاص انا هاخد ده

 

 

 

ههههههههه يعني اختارتي واحد غير اللي اخترتهولك يا ست ايناس

 

ههههههه دا عاجبني اكتر يا علاء

 

 

اومال بتسأليني عن رأيي ليه لما انتي مش بتقتنعي غير برأيك ؟ ههههه

 

هههههههه

 

 

سيبها على راحتها يا كينج ههههه

 

 

دا تمنه كام الخاتم ده

 

 

لحظة يا فندم

 

 

دا هيعمله حوالي 1400 جنيه

 

 

 

ها يا نادر عامل حسابك ولا لأ ؟

 

 

ههههههه عامل حسابي ان شاء الله مع اني كنت فاكر مش هيزيد عن الف ههههههههههه

 

 

 

خلاص اوكيه هناخد الخاتم ده . ومن فضلك ورينا طقم على بعضه كوليه وحلق واسورة وخاتم

 

حاضر يا استاذ علاء

 

 

 

طقم !!!!!!!!! طقم ايه تاااااااااااااااااني . انا مش عامل حسابي

 

 

هههههههه ما تخافش الطقم هدية ماما ليها . قالتلي هات طقم كامل لايناس ده هدية الخطوبة وهدية الجواز حاجة تانية ان شاء الله

 

 

اااااااااااه اذا كان كدة ماشي

 

 

يا حبيبتي يا ماما ! ههههههه ولا قالتلي على الموضوع ده

 

 

ماما بتحب المفاجآت ههههههههه زي ما فاجئتني وطردتني من الفيلا هههههههههههههههه

 

 

 

 

الف مبروك يا جماعة . مبروك للعروسين مع تمنايتنا بحياة زوجية سعيدة ان شاء الله شرفتوا المحل

 

 

الله يبارك فيك يا فندم شكرا جزيلا

 

 

 

 

 

 

 

احم احم مبروك يا عروستي

 

هههه الله يبارك فيك

 

 

يلا يا ايناس . نقولك مع السلامة بقى يا نادر

 

 

مع السلامة ايه بس . انا عايز اعزمكو على العشا

 

 

عشا !!!!!!! هتعزمنا على ايه

 

 

كشرررررررررررررررررررررررررررري في اكبر محل كشري في القاهرة ههههههههههه

 

 

هههههههههه موافقة يا ايناس؟

 

هههه ايوة انا نفسي اكل كشري ههههه

 

 

 

يلا يا سيدي عشينا كشري . العروسة ميالة للاكلات الشعبية وده من حظك هههههههههه

 

 

هههههههههه انا ههريها اكلات شعبية

 

 

 

 

 

 

 

 

اتفضلوا هنا على الطرابيزة دي

 

 

انت يا كابتن هات تلاتة كشري بالشطة والدقة واتوصى هههههه

 

 

اممممممم الله ريحة المحل حلوة اوي ريحة تجوع

 

دي ريحة التقلية يا انسة ايناس هههههه

 

 

 

اتفضلوا يا بهوات

 

 

 

الله ! ايه الازايز دي

 

 

دي شطة . تحبي الشطة يا انسة ايناس ؟

 

 

اه احبها بس مش كتير . حطلي شوية صغيرة

 

 

اتفضلي

 

 

تحب الشطة يا كينج

 

لالالالالا شكرا .

 

 

امممممم طعمه حلو اوي يا علاء

 

 

كلي كلي يا حبيبتي . بس خفي على نفسك شوية

 

 

ايه رأيك يا كينج

 

 

حلو اوي بصراحة . هات شوية دقة

 

 

اتفضل يا كينج

 

 

 

بالهنا والشفا يا انسة ايناس . تحبي اجيبلك كمالة

 

 

يعني ايه كمالة دي ؟

 

 

ههههههههه يعني طبق تاني

 

 

ياريت ياريت ايوة عايزة طبق تاني

 

اينااااااااااس في ايه !!!!!!!!! انت عمرك ما كلتي بالطريقة دي

 

اممممممم اصل طعمه حلو اوي يا علاء

 

 

هات كمالة هنا يا كابتن . اجيبلك كمالة يا كينج

 

 

لالالالالالالالالا حلو اوي كدة . كلي يا ايناس كلي يا حبيبتي . عايزة طبق تالت ؟؟؟؟؟؟؟؟

 

هههههههه هو انا مفجوعة يعني يا علاء !!!!!!!!!! انا بس الاكلة دي شدتني من اول معلقة ههههههه

 

 

بالهنا والشفا . اجيلكو الرز بلبن بقى

 

لالالالا ما فيش داعي

 

مافيش داعي ليه يا علاء . انا عايزة رز بلبن

 

 

هات يا عم رز بلبن . هاتي ودنك يا ايناس

 

 

امممممم نعم

 

 

الراجل يقول علينا ايييييييييييييييه

 

 

ههههههه هو انا كدة اتصرفت غلط ؟

 

 

لا العفو . فضحتينا بس

 

 

 

 

 

 

 

طب لحظة واحدة احاسب المحل واجيلكو

 

 

 

هنسبقك على العربية يا نادر

 

 

 

 

 

 

 

 

 

 

 

 

 

 

 

 

 

 

 

مع السلامة يا نادر

 

 

الله يسلمك يا كينج . مع السلامة يا عروستي ههههه

 

ههه الله يسلمك

 

 

 

 

 

 

 

 

علاء

 

 

 

نعم يا ايناس

 

 

مش عارفة ليه حاسة بحموضة

 

ههههههه لا بصراحة حاجة غريبة . جت منين الحموضة . انتي يا دوب واكلة طبقين كشري وطبق رز بلبن

 

 

يعني هما اللي عملولي حموضة

 

طبعا يا مفجوووووووووووعة يللي فضحتيني . في عروسة رقيقة تاكل طبقين كشري قدام عريسها !

 

 

ههههههههه نفسي مفتوحة . ياسلام بقى !!!!!!! هههههههه من فضلك وقف وقف في صيدلية

 

 

عايزة ايه من الصيدلية

 

 

هاتلي فوار عشان الحموضة دي يا علاء

 

 

ماشي يا ستي هركن واجيبلك حاضر. كلي كشري ودوخينا معاكِ

 

 

 

 

 

 

 

 

 

 

 

 

 

 

 

 

 

 

 

 

 

 

 

 

يلا يا نادر عشان عريس زينب زمانه جاي . لبست ولا لسة

 

 

لبست اهو يا بابا

 

 

 

زينب انتي بتعملي ايه دا كله

 

 

بلبس يا ماما بلبس

 

 

طيب يا بنتي يلا كملي لبسك العريس وامه زمانهم جايين

 

 

خايفة اوي يا ماما خاااااايفة

 

 

خايفة من ايه بس يا بنتي . لو من نصيبك ما حدش هيحوشه عنك . ربنا يكتبلك الخير يارب

 

 

عملتي صنية الكيك يا ماما

 

اه يا حبيبتي عملتها من بدري وجبنا فاكهة وحاجة ساقعة كمان ما تقلقيش

 

 

ربنا يستر بقى انا قلبي بيدق بسرعة اوي

 

هههههههه طب اجمدي كدة لحسن الصينية تقع من ايدك وانتي داخلة على العريس وامه

 

 

ادعيلي يا ماما ادعيلي

 

 

 

 

 

 

 

هو ده العنوان يا ماما ؟

 

 

هو يا هاني

 

 

اممممم باين عليهم على اد حالهم خالص يا هنونة . بس مش مهم لو العروسة حلوة يبقى جمالها يغطي على مستواها

 

 

طب يلا يا ماما

 

 

اطلع انت قدامي ورن الجرس يا هنونة يا حبيبي

 

 

حاضر يا ماما حاضر

 

 

 

تررررررررررررررررررررن تررررررررررررررررررررررن

 

 

 

العريس وصل يا زينب يلا يلا شهلي يا بنتي . افتح الباب يا نادر

 

 

 

حاضر يا امي

 

 

 

مساء الخير انا هاني ودي ماما

 

 

ياروح ماما ! اهلا اتفضل يا استاذ هاني اتفضلي يا ست مامت هاني

 

 

مساء الخير . اديلهم علبة الشيكولاتة يا هاني

 

 

ماما بتقول لحضرتك اتفضل علبة الشيكولاتة

 

 

هههههه قول لماما شكرا . اتفضلوا يا جماعة . انا نادر اخو العروسة . صحفي في مجلة دنيا العجايب

 

 

اهلا يا استاذ نادر . في الحقيقة احنا شكرولنا كتير في اخلاق اختك وعشان كدة جبت هنونة وجيت

 

 

هنونة مين ؟

 

 

هنونة ابني . العريس

 

 

اهلا يا استاذ هنونة تشرفنا

 

اقوله ايه يا ماما

 

 

قوله الشرف لينا

 

ماما بتقولك الشرف لينا

 

انا اتخنقت منك . انا رايح انادي ابويا

 

 

السلام عليكم

 

 

وعليكم السلام

 

 

انا والد زينب

 

وانا والدة هاني وده هاني قوم سلم على عمو يا هاني

 

 

ازيك يا عمو

 

 

اهلا يا عيون عمو . اتفضلوا

 

 

في الحقيقة هاني متربي تربية بيتي مالوش في السهر ولا الصرمحة بتاعة شبان اليومين دول خااااااااااالص

 

دا حتى هدومه انا اللي بنزل اشتريهاله يختي كميلة يختي عين امه امووووووووه عسل

 

ههههه بس بقى يا ماما انا مكسوف

 

 

روح يا نادر انده امك واختك يسلموا على الاستاذ وامه

 

 

حاضر يا ابويا ههههههههه منورنا يا استاذ هنومة

 

 

هنونة هنووووووووووونة اسمي هاني وماما بتدلعني تقولي يا هنونة .

 

 

 

 

 

 

 

 

زييييييييييييييينب يلا تعالي عشان تقابلي العريس . مع اني مش مقتنع بيه بتاتاااااااااااااااااااا

 

 

طب نقطنا بسكاتك انت . انت لا منك ولا كفاية شرك ولا ايييييييييه اوووووووووووف

 

 

براحتك . روحي شوفي

 

 

 

 

 

السلام عليكم اهلا وسهلا يا جماعة . انا والدة العروسة

 

 

وعليكم السلام اهلا وسهلا انا مامت العريس

 

 

هاني ابني الولد الوحيد واخواته كلهم بنات

 

ههههههه يعني ديك البرابر . ربنا يخليهولك يا مدام

 

 

ميرسي يا روحي . هاني عمره ما عمل خطوة من غير اذني متربي تربية صح الصح

 

 

ههههه واضح طبعا واضح جداااااااا هههههه

 

 

اومال العروسة فين عايزين نشوفها

 

 

 

يا زينب تعالي يا حبيبتي

 

 

 

السلام عليكم

 

 

وعليكم السلام

 

 

اقعدي يا زينب

 

 

ايه رأيك يا ماما

 

 

هي حلوة ماقولناش حاجة بس مش بيضة يا هاني ولا عنيها خضرا يا حبيبي واكيد شعرها مش اصفر وده يبقى فال وحش جدا على الجوازة يا بني

 

 

هي لازم تكون بيضة وعنيها خضرا وشعرها اصفر يا ماما ؟

 

 

ايوة يا حبيبي . من صفات الزوجة الناجحة انها تكون بيضة . التاريخ اثبت ان أي زوجة مش بيضة وعنيها خضرا وشعرها اصفر قلتها احسن .

 

 

طيب يلا نمشي يا ماما

 

 

انا بقول كدة برضو

 

 

معلش يا جماعة فرصة سعيدة

 

 

في ايه يا مدام . مش تكملي الحاجة الساقعة

 

 

معلش يافندم . اصل بصراحة بنتك ما عجبتنيش عشان خمرية وعنيها سودة والعيون السودة بتجيبلي اكتئاب

 

 

 

ايييييييييييييييييه كمان مش عاجباكي ؟؟؟؟؟؟؟؟ يعني رضينا بالهم والهم مش راضي بينا كماااااااااااااااان. مش كفاية ابنك اللي عامل زي عيال الحضانة ومسرح شعره على جنب ناقصله شنطة على ضهره وزمزمية في ايده دددددددددددددده !!!!!!!!!!

 

 

بس يا زينب بس . شرفتينا يا مدام انتي والكتكوت . ربنا يخليك لامك

 

 

ميرسي يا عمو . ناخد الشيكولاتة يا ماما ؟

 

 

لا سيبهالهم يا هاني . احنا عندنا ذوق يا حبيبي

 

 

برااااااااااااااااااااااااااااااااااااا اهئ اهئ شوفتي يا ماما حظ بنتك والعرسان اللي بيجوا لبنتك اهئ اهئئئئئئئئئئ

 

 

 

بس يا حبيبتي بس . ربنا يرزقك بالزوج الصالح يا زينب . ده ما يتزعلش عليه يا حبيبتي

 

 

 

 

 

 

 

 

 

 

 

 

 

 

 

 

 

 

 

 

 

 

 

مبروك يا نادر هههههههههه

 

 

ههههههه الله يبارك فيك يا كينج اخيراااااااااااااااا كتبنا الكتااااااااااااااااااب انا مش مصدق نفسي حد يقرصني ياعاااااااااااااااالم

 

 

ههههههه الف مبروك يا ابني . خلي بالك من ايناس

 

 

ايناس في عنيا يا طنط والله

 

 

 

 

نوسة اختي حبيبتي مبروووووووووووووووك

 

 

مبروك يا خالتو

 

مبروك يا خالتو يا حبيبتي

 

 

ههههههه الله يبارك فيكو يارب يا حبايبي

 

 

 

هي فيييييييييييييين

 

 

هي مين

 

 

مرااااااااااااااااااااااااااااااااااااااااااااتي

 

 

مراتك ! مين مراتك دي ؟ هههههههه

 

 

ههههههههههههههه اينااااااااااااااااااااااااااااس

 

 

 

هههههههههههه تعالي يا ايناس كلمي جوزك

 

 

جوزي !!!!!!!!!!!!!! جوزي مين ؟

 

 

ههههههههههههه انتي اتعديتي من اخوكي ولا اييييييييييه مبروك يا مراتي يا حبيبتي

 

 

عيب يا نادر . ههههه

 

 

هي فين عروسة ابني عشان اخدها في حضني هههههه

 

 

هههههه انا اهو يا طنط

 

 

يا حبيبة طنط يا روح طنط انتي . ايه الجمال ده . ماشاء الله عليكِ ههههههه تعالي في حضني يا مرات ابني

 

 

هههههه ميرسي يا طنط

 

 

شوفتي بركة دعاكِ يا امي . عروسة زي القمر من اصل طيب

 

 

ربنا يسعدكو ياولاد ياااااااااااااااارب

 

 

 

مبروك يا مرات اخويا ههههه الف مبروك يا ايناس

 

 

الله يبارك فيكِ يا زينب ههههههههه عقبال كتب كتابك يارب

 

 

ان شاء الله

 

 

مبروك مبرووووووووووووووك يا مرات اخويا . شكلنا هنبقى اصحاب

 

 

هههههه الله يبارك فيكِ يا رانيا . ان شاء الله نبقى اصحاب واخوات وحبايب كمان

 

 

 

الجاتوه فين والشربات

 

 

 

 

 

 

من بكرة هدورلكو على شقة مناسبة ان شاء الله ودي هديتي ليكو

 

 

ربنا يخليك يا علاء يا اخويا يااااااااااااااارب

 

 

متشكرين اوي يا كينج ع الشقة . نردهالك فيلا ان شاء الله هههههههه

 

 

ههههههه مش بعيد يا سيدي . ربنا يرزقك ويوسع عليك يا نادر

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

استاذ راضي بلغ استاذ علاء اني عايزاه ضروري

 

 

 

حاضر يا استاذة مطيعة

 

 

 

يا كينج الاستاذة مطيعة عايزاك ضروري

 

 

 

بعدين بعدين

 

 

الكينج مش فاضي

 

 

 

قوله امر ما يتأجلش

 

يا كينج بتقول امر ما يتأجلش

 

 

 

اووووووووووف

 

 

 

خليها تتفضل اما نشوف اخرتها مع بتوع تحرير المرأة

 

 

 

تن تن تن

 

 

 

ادخل

 

 

 

 

ممم مممساااااا مممسسسسس مساء الخير

 

 

مساء النور أي خدمة

 

 

امممممممم أأأأأأأ ممممم مممكن كوباية مية ؟

 

 

انا جاية مكتبي مخصوص عشان تشربي مثلا ؟؟؟؟؟؟؟؟؟؟؟؟؟؟

 

 

أأأأأأأأ لالالالا أأأأأأناااااااا انا

 

 

 

انتي مالك بتترعشي كدة ليه

 

اهئ اهئئئئئئئ عايزة كوباية مية

 

 

اتفضلي يا ستي ادي كوباية المية

 

 

 

 

هاااااا خير ان شاء الله

 

اهئ اهئئئئئئئ ممش قادرة انطق

 

 

يا ستي انتي معطلاني من فضلك تقولي عايزة ايه وتخرجي

 

 

اهئ اهئئئئئئ انا عايزة عايزة عايزة اقول يعنيييي اهئ اهئ انا ماشية

 

 

استني هنا انتي جاية ليه وماشية فاجأة ليه

 

 

انا جاية انا مش قادرة اقووووووول اهئ اهئ طب ممكن تديني ورقة اكتب اللي انا عايزة اقوله

 

نعمممممممممم . على اساس ان لسانك قصير وما بتعرفيش تعبري يعني ؟ دانتي لسانك اطول منك

 

اهئ اهئ هات ورقة وقلم اهئ اهئئئئئئئئئئئئئ

 

 

استغفر الله العظيم

 

 

اتفضلي يا ستي الورقة والقلم انا نشوف اخرتها

 

 

 

 

ها كتبتي

 

 

اممممممم اتفضل اهئ اهئئئئئئئئئئئئئئئئئئئئئئئئئئئئئئئئئئئئئئئئئ اه ياني يا مامي اهئ اهئئئئئئئئ

 

 

 

 

وريني يا ستي

 

 

انا بقدملك نفسي بكل طواعية مقابل نشر مقالاتي وعدم اعتراض طريق نجاحي

 

 

 

 

اهئ اهئ انت ساكت ليه ومتنح كدة اهئ اهئئئئئئئئئئئئئ انا عايزة ردك. هو ماله مذهول كدة ليه !!!!!!!!!!!!!!! رد علية اهئ اهئئئئئئئئئئئئئئئئئئئئئئئئ

 

 

 

يااااااااااااااااااااااااااااااه يا مطيعة اخيرا حسيتي بيا !!!!!!!!!!!!!!!!!! انا مش مصدق نفسي اخيرررررررررررررررررررا فهمتيني

 

 

انتي بتتكلمي جد ؟؟؟؟؟؟؟؟؟؟ حقيقي يا مطيعة ؟؟؟؟؟؟؟؟؟؟؟؟؟؟؟؟؟؟؟

 

 

اهئ اهئئئئئئئئئئ ايوة اهئ اهئ دا الحل الوحيد عشان تنشرلي مقالاتي اهئ اهئ انا جربت كل الطرق لقيتها مسدودة

 

 

لالالالالالالالالالا خلاص يا مطيعة ما فيش طرق مسدودة تاني . ههههههههههههههههههههههههه

 

 

يعني انت موافق

 

طبعااااااااااااااااااا هو انا اطول

 

اهئ اهئئئئئئئئئئئئئئئئئئئئ يعني انت طلعت زي كل الرجالة اهئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئ

 

 

هههههههههه وانت ايه مزعلك يا قطة هههههههههههههههههههههههههه بس ليا شرط

 

 

اهئ اهئ كمان هتتشرط

 

 

ايوة طبعا .

 

 

اهئ اهئ ايه هو شرطك

 

 

امضي على الكلام ده

 

 

امضي !!!!!!!!!!!

 

 

ايوة اتفضلي وقعي على الكلام اللي كتبتيهولي واكتبي فوق اقر انا مطيعة صبري اني اقدم نفسي بلا زواج طواعية لعلاء فكري مقابل نشر مقالاتي وامضي تحت

 

 

اهئ اهئئئئئئئئئئئ حاضر اهئ اهئ اقر انا مطيعة صبري اني اقدم نفسي بلا زواج طواعية لعلاء فكري مقابل نشر مقالاتي

 

امضاء مطيعة صبري اهئ اهئئئئئئئئئئئئئئئئئئئئئئئئئئئئئئئئئئئئئئ

 

 

هاتي يا قطة الاقرار ده هحتفظ بيه في جيبي عشان لما تتهربي مني احطه في عنيكي ههههههههههههه

 

 

اهئ اهئئئئئئئئئئ اه يا زير النسااااااااااااااااااااااااء خسئت يا علاء يا فكرررررررررررررري اهئ اهئ

 

 

 

هههههههههههههههههه باي باي يا قطة انتظري مني تليفون في اقرب وقت

[هبة عبد العظيم نور 2042]

ههههههههههههههههههههههه

 

طبعا نمتوا عشان الوقت اتأخر

 

لالالالالالالالالا في كتير صاحيين اعتقد

 

 

متأسفة على التأخير والله ظروف خارجة عن ارادتي

 

 

منورين يا بنات والله

 

 

كلكو حبايبي وبنتظر ردودكم وتفاعلكم

 

 

البت اللي اسمها دوسا اللي عايزة تتضرب دي هههههههههههههه

 

 

يا بت محسساني اني بجيبكم من على القهوة عشان تردوا ههههههههههههه

 

 

طبعا دايما طمعانة في ردودكم وتفاعلكم يا قمر

 

لان بوجودكم وتوقعاتكم وتفاعلكم مع الاحداث بيحلو المسلسل يا قمر

 

 

منورين يا بنات وبكرة ان شاء الله نكمل الحلقات

 

 

اسيبكو للتوقعااااااااااااااااااااااااااات

[نور قلبي القران 430]

@هبةنور

 

اهىء اهىء اهىء لااااااااااااااااااااااا

 

لو هقدر وادخل للوورد بتاعك

 

أكيد مطيعة بتحلم...ياريت لو جزء بسيط

 

بالبساطة دي هانت عليك دمووووووووووووع فردوسة البسبوسة الننسوة

 

ومين اللي قال أنك جيبتيني من القهوة..جيبتيني من الدور السفلي علشان اقرا وفي الأخير تبكيني -_- -_- -_-

[أمة الرحمن الرحمن 68]

#صفا#

جزاك الله خيرا رديت ووفيتى

#علاء#

معجبنيش بصراحه لما قال لنادر خبط لزق كده -_-

^ ايناس متعوده على مستوى معين وانا الهجيب الشقه^

يعنى يذل الراجل يعنى يااريت كان جابهاله بطريقه اظرف من كده ....طريقه مش ظريفه خالص

 

-_- # زينب و الجملة (رضينا بالهم والهم مش راضى

وان كان بتحسى الهيه على لسانك وقت المصيبه لكن لاتجوز...ده تسخط على اقدار الله والمفروض الرضى بالقدر خيره وشره ....لان ربنا الاعلم بحالنا وبالخيروبالاصلح لينا مننا.... ربنا يرزقنا الرضى بالقدر خيره وشره

# اما قطيعه هانم الهتقطع نفسنا معاها#

:unsure: اظن ان بتحلم ولااااااااااااااااااااأصدق ان ده يصدر من علاء والا@@هبه نور @هقدم استقالتى!!!!

تم تعديل 19 نوفمبر, 2013 بواسطة أمة الرحمن الرحمن

[~ماريا~ 1340]

حبيبتي امه الرحمن

طبيعي جدا انه يقوله كدا هي فعلا عايشه في نستوي مختلف

ومنضحكش علي بعض مش بالسهوله

الوحده تتعود علي عيشه اقل

ونادر عارف من الاول الفرق الي بنهم

 

يا عيني يا زينب

طلع دلوع الماما

هههههههه

 

ايناس

اخب الواحده علي طبيعتها اي يعني اكلت طبقين

بعد الجواز ممكن تاكل الحله كلها ومتعنلوش

هههههههههه

انممممم

شو عم يعمول علاء

شو راح يعمول بمطيعه

[نور قلبي القران 430]

@~ماريا~

 

معك حق ماريا بخصوص علاء ونادر

 

سبق وسمعت احد المشايخ بيقول أنو الراجل لما ياخذ البنت يعمل جهده علشان تعيش فنفس المستوى اللي كانت عايشة به فبيت أبوها

 

 

أما بخصوص علاء وآنسة قطيعة فاظن ياست ياهبة يانوووور أنه بعد الظن غثم

 

فأنتظر ردك بكره بإذن الله :D

[إبنة علي 60]

يجننو الحقات هبوبه الله يسامحك يا بت خليني مدمنه للمسلسل ^____________^ كان عندي إمتحان نوتريشن جلست اقرا الحلقات بدال ما ادرس عجبك كدا هههههههههههههههه

بس عن جد استمتع فيه يمكن علاء يستخدم الورقه كالوسيله للتنفيذ اوامره انه ما تعمل اشياء غلط ويغير تفكيرها بس ايش صار مع كرمكم والمهندس طارق ؟؟ إلى الامام يا كووووووووووووووووييييييييييييين

[~ أم العبادلة ~ 1903]

سبحان الله نسيت تماما ان مطيعة افكارها وحشة وتركز عندي انها تكره الرجال فقط وفعلا هي على حافة الهاوية

 

صراحة عجبني جدا تصرف علاء معها

هو انصدم في الاول بس أكيد فكر فيها وقال البنت دي حد لعب في مخها وطالما عرضت نفسها علي يبقى اكيد ممكن تعرض نفسها على غيري

فأنا أمسك الورقة دي عليها كإثبات حتى أعرف اتصرف معها بعد تفكير تعميق ويجبرها تعمل اي شيء يرد لها عقلها ويفوقها من اللي هي فيه

[المحبة للزهراء 231]

@**صفا**

 

ااااااااااه كدا فهمت ياصفصف

حسبي الله ونعم الوكيل نقول ايه بس ربنا يرد الامه الاسلاميه ردا جميلا

[المحبة للزهراء 231]

مبرووووووووك ياايناس وعقبال بنات المنتدى باازواج صالحين

يارب

انا بقول اما فظيعه دي بتحلم او بتفكر مه نفسها بكدا او يكون تدبير من علاء لمصلحتها انو قالها كدا

والا مش علاء الا يعمل كدا ابداااااااااااا

[وأشرقت السماء 1565]

يا سلااااااااااااااام خلاص إتحولت لحد ما خلصت الحلقات : )))

تسلمي يا هوبة يارب

حلقات رائعة جدا وأحداث أسخن وأسخن

أنا كمان أعتقد إن قطيعة هتكون من نصيب علاء

فعلا أفكارها سودا والعياذ بالله

الحمد لله على نعمة الإسلام وكفى بها نعمة

اللهم اهدنا لأحسن الأخلاق يارب واجعلنا دائما ممن يبنون ولا يهدمون اللهم آمين يارب

[حواء أم هالة 1895]

السلام عليكم ورحمة الله وبركاته

 

ربي يجازيك كل خير حبيبتي هبة على الحلقات الجامدة دي =) ربنا يزيدك ابداع

 

انا اظن ان مطيعة دي تحلم في مكتبها :))

 

اما عريس الغفلة اللي عامل زي البنوتة فهو غلط كبير يقع فيه الوالدان وخاصة اذا كان الوحيد بين اخواته البنات يتأثر بهن ويرجع مثلهن في الكلام والتصرف

 

لهذا لازم الأم تكون حذرة ولا تتركه يتصرف هكذا لابد يطلع رجل والله المستعان

[((مــريــم)) 35]

تسلم ايدك هبه الحبيبه

اصبتِ في اختيار القصه انها. بتكلم عن ما ينشر في المجلات

فعلا تُكتب مهازل

جزاكِ الله خيرا

للأسف مش فاضيه اكتب من اكتر من كده:)

[**صفا** 208]

امتعتينا ياهوبه

مبروك لايناس

ايوه كده ربنا يكتر من الافراح

علاء اللى عمله ده عن قصد بس مش بنيه وحشه

هو عاوز يحمى مطيعه من نفسها

وهو ممكن يكون شايف انه مسئول عنها لو الامر تتطور ووقعت فى من لا يرحم وتخسر نفسها

وايضا من باب انه يلقنها درس علشان تفوق وتعرف اد ايه الاسلام بيحافظ عليها ويصونها

ويمكن اثناء تنفيذه لخطته ينمو الحب بينهما وده هيكون بعدما يتاكد من انها الزوجه الصالحه اللى فضل مستنيها

[أمة الرحمن الرحمن 68]

حبيبتى ^ماريا^ ^_^

انا عارفه ان الزوج يجب عليه ان يوفر لزوجته المستوى التى كانت فى السابق تعيش فيه مش كفايه :)) اخدها من وسط اهلها

بس انا انكرت على علاء فى طريقة كلامه مع نادرعن الشقه المفروض تكون بطريقه غير مباشره واظرف من كده زى مثلا ...عم ايناس لما قال الشبكه هديه منى لبنت اخويا بس هوه ده قصدى B|

اضحكوا مره المعلمه فى الدار كانت بتتكلم عن حق الزوج على زوجته فقالت ^مش كفايه الهوه نشلها من مجتمع العنوسه لولا انه سبب لكانت عنست ^ :P اوعوا تنسوا يااخوات المتزوجات نعمة ربنا عليكو

ربنا يرزق كل بنات المنتدى بالازواج الصالحييييييييييييييييييييين عاجلا غير آجل يارب