اذهبي الى المحتوى

المشاركات التي تم ترشيحها

ايه ده هبهوبة مش هنا

ألف سلامة عليكي حبيبتي

دخلت أطل طلة كده من غير قراءة علشان عندي امتحان بكرة إن شاء الله بس ملقتش أصلا حلقات

لا بأس طهور إن شاء الله ويارب تكوني بخير

شارك هذه المشاركه


رابط المشاركه
شارك

الف سلامة عليك ياغالية

وحشتيييييييييييييييييييينا ووحشتنا الحلقات

ربنا يتم شفاك على خير وترجعلنا بألف سلامة

شارك هذه المشاركه


رابط المشاركه
شارك

وعليكم السلام ورحمة الله وبركاته

هي هدوء الفجر فالحة بس تدخل تقولنا خالتو هوبة مش حاتحط الحلقات النهارده

فينك يا بنتي تعالي طمنينا على هوبة

هبة الحبيبة اشتقنا لتواجدك الطيب

طبعاً مش عايزين نتعب ايديكِ واناملك الرائعة بالكتابة

بس عايزين نتطمن عليكِ يا غالية

  • معجبة 1

شارك هذه المشاركه


رابط المشاركه
شارك

دي مش عادة هبة انها تغيب كده وحتى لو غابت فكانت بتدخل المنتدى متخفية

لكن كل يوم اشوف الصفحة الرئيسية ولا اجد اسمها

 

فيا ليت اللي عنده طريقة تواصل معها يطمنا عليها

  • معجبة 1

شارك هذه المشاركه


رابط المشاركه
شارك

وعليكم السلام ورحمة الله وبركاته

نعم صحيح مش عادتها أم العبادلة الحبيبة

حتى هدوء كانت بتقول انها عندها امتحنات ومش عارفة لو دخلت او لا

 

نسال الله أن يكون المانع خير

سلامة البك يا هوبة

بس يا ريت ما تتركينا هيك نقلق عليكِ

بلاش الحلقات

بس ادخلي خلينا نشوف اسمك منور بالمنتدى

  • معجبة 2

شارك هذه المشاركه


رابط المشاركه
شارك

هبة انت فين مش لقياكِ خالص طمنيني عليك ولو في حد ساكن جنبها هنا يطمنا

أنا أغلب الوقت الكهرباء قاعة عندي ومش بعرف أدخل كتير

شارك هذه المشاركه


رابط المشاركه
شارك

السلام عليكم ورحمةالله وبركاته

 

ازيكو يا حبايبي . يارب تكونوا بخييير

 

خالتو هبة تعبانه شوية ومش هتقدر تدخل اليومين دول . بس قالتلي اطمنكم عليها

وان شاء الله هتدخل من يوم السبت وتحط الحلقات عادي بإذن الله

 

ومتقلقوش هي بخير الحمدلله

دعواتكم لها بالشفاء والعافيه ...

 

 

ربنا يشفيكي ويعافيكي يا خالتو هبة يا حبيبتي ويطمنا عليكي وتدخلي تنور المنتدى وانتي بأتم صحة وعافية

ربناما يحرمنا منك يا أحلى خالتووو

  • معجبة 3

شارك هذه المشاركه


رابط المشاركه
شارك

جزاك الله اختى هدوء الفجر.

الحمد لله انك طمنتينا على هبة.

و يارب ترجع تنور المنتدى تانى وهى فى أتم صحة وعافية.

شارك هذه المشاركه


رابط المشاركه
شارك

الحمد لله إنها بخير :)

ألف سلامة عليكي حبيبتي

أسأل الله العظيم رب العرش العظيم أن يشفيكِ شفاءً لا يغادر سقما

دخلت بس أطمن عليكي بس ممكن مكملش متابعة علشان الامتحانات اتقدمت :(

شارك هذه المشاركه


رابط المشاركه
شارك

شفاكى الله وعافاكى يا اختنا الحبيبة هبه

 

ومنتظرينك ان شاء اله يوم السبت

شارك هذه المشاركه


رابط المشاركه
شارك

وعليكم السلام ورحمة الله وبركاته

بوركتِ هدوء الفجر الحبيبة

طمأن الله قلبكِ

هوبة اتاريكِ غالية علينا يا بنت :)

سلامة البك يا بطة

منتظرينك تنوري الركن والساحة وطبعاً تكملي الحلقات

شارك هذه المشاركه


رابط المشاركه
شارك

ضحىىىىىىىىىىىىىىىى

 

 

ايه ده ! مييييييين , يا خبر اسووووووووووووود !!!!!!!! أنتتتتتتتتتتتتتتتتتتتتتتت !!!!!!!!!!!!!!!!!!!!

 

 

 

 

 

ههههه ايوة انا , ازيك يا ضحى , تعرفي انك حلوة اوي ومن ساعة ما شوفتك واني مش قادر ننساكِ ؟؟؟؟ هههه

 

انت عايز مني اييييييييييه , اوعى من طريقي يا ولا انت , والله لناخدوا الطريق كله جرررررررررري يا مامااااااااااا

 

 

استنيييييييي استني يا بت انتتتتتتتتتتتتتتتتتِ يوووووووووووووووووووه , ماشي يا بنت حامد , هتروحي مني فييييييييييييين

 

 

 

 

 

تررررررررررررررررررررررن ترررررررررررررررررررررررررررررررررررن

ااااااااااه يا ماماااااااااااااا مامااااااااااااااااااااااااااااااااااا اهئ اهئئئئئئئئئئئئئئ افتحي يا ماماااااااااا دب دبببببببببب دب دببببببببببببببببببببببببببببببببببب

 

 

ايه ده , بسم الله الرحمن الرحيم , في ايييييه , مين بيدبدب ع الباب كدةةةةةةةة !

 

يا مامااااااااااااااا اهئ اهئئئئئئئئئئئ دب دببببببببببببببببببببببببببببببب دببببببببببببببببببببببببببببب

 

 

ضحى !!!!!!!! مالك يا حبيبتي , معيطة ليه ؟؟؟؟؟؟؟؟؟؟؟؟؟ في ايه يا ضحي , انتي مش قادرة تاخدي نفسك كدة ليه يا بنتي ؟؟؟؟؟؟؟؟؟؟؟

 

اااااااااااااه ااااااااااااااااه اااااااااااااااااااه مش قادرة اخد نفسي يا ماماااااااااا

 

 

طب تعالي تعالي يا حبيبتي , تعالي اقعدي واني هنقعدوا جنبك وناخدوكِ في حضني , اقعدي حبيبتي اقعدي هااا مالك يا حبيبتي , حاجة حصلت زعلتك في المدرسة ؟

 

اهئ اهئئئئئئئئئئ اني مش عارفة نقولولك ايه يا ماما اهئ اهئ الولا اللي اسمه ادهم لقيته عند المدرسة النهاردة وقعد ينادي علية وكان عايز يوقفني يتكلم معايا لولا اني جريت منه اهئ اهئئئئئئئئئئئئئئ

 

ادهمممممممممممم ! اخص عليه قليل الادبببببببب صحيح مش مترررررررررربي , الله ! طب وهو عرف طريق مدرستك منين يا ضحى ؟ هو انتي قولتي لاوسا انتِ في مدرسة ايه ؟

 

اهئ اهئ لا يا ماما , اني ما اتكلمتش معاها كلمتين على بعض وقومت من جنبها عشان كلامها ما عجبنيش اهئ اهئئئئئئئئئئئئ

 

الله !!!!!!!!! طب يا بنتي دا هما في منطقة واحنا في منطقة تانية , مين دله على عنوان مدرستك بس ؟

 

اهئ اهئ يا ماما هو كل اللي شاغل بالك مين دله على عنوان مدرستي ومش شاغل بالك قلة حياه معايا ووقوفه في طريقي عشان يكلمني ! اهئ اهئ اهئئئئئئئئئ

 

طب خلاص ما تعيطيش , اني خايفة نقوله لابوكِ تحصل مشكلة بينه وبين صاحب عمره وبصراحة كمان اني مش عايزة حد يجيب سيرتك بنص كلمة , الكلام لو اتعرف الناس هتقول وتعيد ويزودوا من عندهم كلام , دا غير ان الولا ده قليل الأدب وممكن اوي يفتري عليكِ ويقول ان بينك وبينه حاجة

 

يا خبر اسوووووووووووود !!!!!!! اهئ اهئئئئئئئئئ انا يا ماماااااااا !!!!!!!!!! اهئ اهئئئئئئئئئئئ

 

بس بس يا حبيبتي , الله يخليكِ , اني هنحلهالك المشكلة دي

 

اهئ اهئئئئئ ازاي يا ماما !!!!!

 

ما فيش حل غير اني اوديكِ واجيبك من المدرسة بنفسي كل يوم , ولو جدع بقى يبقى يوريني هيعمل ايه السافل قليل الأدب ده

 

اهئ اهئئئئئ يا ماما بس كدة هتتعبي اوي

 

اتعب عشان احميكِ ولا اني اسيب حد يأذيكِ يا حبيبتي , اومال ازاي ابقى امك من غير نحافظوا عليكِ يا حتة من قلبي

 

يا حبيبتي يا ماما اهئ اهئ اهئئئئئئئئئئئئئ

 

لا حول ولا قوة الا بالله , الناس جرالها ايه بس , احفظ بنتي وبنات المسلمين يارب اللهم آمين

 

 

 

 

 

 

 

 

 

 

 

ههههههههههههههه يعني البت كبستك يا ادهم

 

هي مين دي اللي تكبسني يا هيماااااااااااااااا , هي بس اتفاجأت هههههه لكن بكرة تتعود تشوفني كتير

 

يا عم ما تسيبها في حالها طالما هي مش عايزاك

 

هي مين ددددددددددي !!!!!!!!!! هيمااااااااااااا ما تعفرتنيش ع المسااااااااا , طب بكرة تشووووووووف ان ما كانتش اول ما تشوفني تيجي جري عليا وهي مش مصدقة نفسها من الفرحة ما بقاش اناااااااااا

 

يعني انت هتروحلها المدرسة بكرة ؟؟؟؟؟؟؟؟؟؟؟

 

ايو طبعا , كل يوم هنخرج من مدرستي على مدرستها , اني مش هنسيبوهاااااااااااااااااااا

 

 

 

 

 

 

 

 

 

 

 

 

 

 

ههههههههه اهي ضحى خارجة من المدرسة اهيه ههههههه ايه ددددددددده يا وقعة طين , دي امها رايحة على هناك ! ايه اللي جاب الولية دي هناااااااا !!!!!!! يوووووووووووووه , اما نستخبوا ورا العربية دي لحسن تشوفني وتروح تقول لابويا

 

 

يلا يا ضحى يا حبيبتي

 

هههه يلا يا ماما

 

 

هي دي مامتك يا ضحى ؟

 

ايوة يا شهد ههه , ماما دي شهد صاحبتي

 

اهلا يا شهد يا حبيبتي

 

اهلا يا طنط ازي حضرتك

 

الحمدلله , انتِ واقفة قدام المدرسة مستنية مين يا شهد يا حبيبتي

 

مستنية اصحابي لسة ما خرجوش من المدرسة

 

طب بالله عليكِ حبيبتي ادخلي استنيهم جوا المدرسة , عشان ماتلاقيش شاب قليل ادب ولا حاجة يضايقك يا حبيبتي وانتِ واقفة لوحدك كدة

 

هههه حاضر يا طنط

 

الله يحميكو ويكفيكو شر ولاد الحرام يا حبيبتي , يلا يا ضحي

 

يلا يا ماما

 

 

قوليلي بقى عملتي ايه النهاردة في المدرسة يا ضحى ؟

 

هحكيلك على ككككككككككل حاجة عشان انتي احلى صاحبة ليا يا ماما يا حبيبتي انتي ههه

 

ههه طب احكي واني سامعة يا نور عين ماما

 

 

 

 

 

 

 

ههههههههههههه يعني لقيت امها جاية تاخدها يا ادهم

 

اسكت يا ولا يا هيما , دي كانت هتشوفني لولا اني استخبيت ورا العربية

 

خلاص بقى يا ادهم , سيب البت دي في حالها , شكلها كدة مش سكتك

 

اييييييييييييه !!!!!!! هي مين دي اللي نسيبوها في حالهااااااااا , اني وراها والزمن طويل , هي يعني هتروح مني فين ههههههههه

 

ههههههه طب يلا عشان الولا حوكشا مستنينا هو وشيكو

 

هنلعبوا كوتشينة على فلوس برضو ؟

 

ايوة يا عم

 

ههههه كويس , عشان نكسبوكو

 

ايوة يا سي ادهم ما انت طول عمرك حظك نااااااااااار

 

 

 

 

 

 

 

 

 

 

 

 

 

تقريبا هو ده الكشك اللي قالتلي عليه دعاء

 

 

وتقريبا هو ده الشاب اللي اسمه طارق , اما اناديله , طاااااااااااااارق يا طارق , انت يا ابني , طاااااااااارق

 

ايه ده !!!!!! مين ده , وعرف اسمي منين , حضرتك تقصدني انااااااااااااا

 

ايوة انت يا ابني تعالى تعاااااااالى

 

اما اروح اشوف عايز ايه

 

 

نعمممم أي خدمة

 

اقفل الكشك ده وتعالى اركب

 

اقفل الكشك واركب فين ! انت مين وعايز مني ايه ؟؟؟؟؟؟؟؟؟؟

 

انا عبد المجيد والد دعاء

 

دعااااااء !!!!!!!!! اااه ايوة ايوة انا فهمتتتتتتتتت , البت دي عضوة في العصابة اللي انت رئيسها وشكلكو كدة تجار مخدرات وعايزيني اشتغل معاكو , عشان كدة سلطت البت دي علية , مش كدةةةةةةةةةةة ؟

 

 

اركب يا ابني الله يهديك , واضح ان وقفتك في الشمس كتير اثرت على مخك

 

يعني انت مش رئيس العصابة

 

 

لا يا ابني , انا النائب بتاعه ههههه اركب يا ابني الله يهديك

 

طيب هقفل الكشك واجي

 

 

 

 

 

 

 

 

 

 

 

 

 

 

 

اديني جيت خير

 

اركب

 

مممممم ماشي

 

 

انتو موديني فين ان شاء الله ؟

 

هنروح نقعد في كازينو هادي كدة ع النيل انا وانت

 

ممممم ربنا يستر , انا ابتديت اقلق من الراجل ده

 

 

 

 

 

 

 

 

 

اتفضل اقعد , جارسووووووووووووووووون

 

 

تحت امر حضرتك

 

 

تشرب ايه يا استاذ طارق ؟

 

أي حاجة مش فارقة

 

 

 

خلاص , يبقى هات اتنين عصير لمون من فضلك

 

حاضر يا فندم , شرفتو الكازينو

 

الله يخليك , ها يا استاذ طارق , ما قولتليش انت والدك بيشتغل ايه

 

والدي بيشتغل ايه !!!!!!!!!!! هو انت خليتني اقفل الكشك واسيب اكل عيشي وتاخدني معاك في العربية وتجيبني كازينو وتطلبلي عصير لمون عشان تسألني ابويا بيشتغل ايه !!!!!!!!!!!!!!!!!

 

يا ابني خلي عندك سعة صدر ههه

 

ممممم سعة صدر ! انا لو ما عنديش سعة صدر ما كنتش اتحملت كل ظروفي والضغوط النفسية دي كلها , لو ما عنديش سعة صدر كنت انفجرررررررت , على العموم انا ابويا كان مدرس ابتدائي

 

هو مات ؟

 

الله اعلم

 

الله اعلم ! انت مش عارف ابوك عايش ولا ميت يا استاذ طارق ؟

 

ايوة مش عارف , لانه ببساطة سافر من زمان واتقطعت اخباره , او بمعنى اصح طفش هههههههههه

 

طفش !!!! ليه يا ابني ؟ هو في حاجة مزعلاه في البلد ولا ايه

 

لالالالالالالالا حاجة مزعلاه في البلد ده ايه !!!!!! دا زي ما تقول كدة , طفش من كتر الرفاهية وما قدرش يتحمل النعيم , راح سابنا لامي عشان تكمل المسيرة وطفش على برا

 

طب يا ابني انتو سألتوا عنه في السفارة او حاولتوا تدوروا عليه بأي طريقة

 

يااااااااااااه احنا مخليناش وسيلة ولا باب الا لما طرقناه , لكن ما وصلناش لاي نتيجة , وسلمنا أمرنا لله , وامي تحملت المسؤولية كاملة وللأسف كانت منتظرة تخرجي بفارغ الصبر عشان اشتغل في مجال دراستي وعشان تتشرف بيا وتشوف ثمرة جهدها وتعبها طول السنين , لكن للأسف ههه زي ما حضرتك شايف

 

لا حول ولا قوة الا بالله

 

 

 

اتفضلوا اللمون

 

 

 

شكرا

 

على فكرة يا استاذ عبد المجيد , انا كنت الاول على دفعتي وكان المفروض اكون معيد في الجامعة

 

طب وايه اللي منعك يا ابني

 

ههههههههههههههههههههههههه اللي منعني واحد تاني طالع العاشر ع الدفعة لكن ابوه من اعضاء هيئة التدريس الموقرين , فطبعا هو الأولى بالمنصب , مش واحد زيي

 

معقول !!!!!!! ازاي الكلام ده يا ابني ! بس انت المستحق والأجدر , دانت الأول ع الدفعة

 

ههههههه هو حضرتك مش من البلد دي ولا ايه يا استاذ عبد المجيد ! ما قولتليش يا استاذ عبد المجيد , انت بتحبها بالبشاميل ولا محشية لحمة مفرومة ؟؟؟؟؟؟؟؟؟

 

 

هي ايه دي يا ابني !!!!!!!!!

 

الكوسة هههههههههههههههههههههههههههه

 

عندك حق يا ابني . فعلا الكوسة حرمت شباب كتير من احلامهم , اعطت حقوق من يستحق ببساطة لمن لا يستحق , مش لاي سبب غير انه مسنود وعنده واسطة , طيب يا ابني انا عندي حل لمشكلتك دي

 

حل لمشكلتي !!!!!!!! قولي عليه الله يخليييييييييييييييييك

 

انا هجوزك دعاء بنتي

 

ميييييييييييييين !!!!!!!!! لييييييييييه !!!!!!!!!! الندااااااااااابة ! هو انا ناقص اكتآببببببببببببببببببببب ايوة ايوة انا فهمتتتتتت ااااااه قولوا بقى كدةةةةةةة , انكشفتوا وظهرتوا على حقيقتكوووووووو انتو طمعانين في الكشك بتاعي عشان كدة عايز تجوزني بنتك عشان تلهفوه منييييييي , لكن دا بُعدكووووووو , انا ماشييييييييي

 

 

طب بس اقعد واهدا , عشان نتفاهم

 

وادي قاعدة , حضرتك واعي للي بتقوله يا استاذ عبد المجيد ؟

 

 

وليه مفترض اني مش واعي

 

ايه اللي يخليك تجوز بنت حضرتك لواحد ما حيلتوش أي حاااااااااجة , دانا مش معايا حتى تمن قميص ولا بنطلون جداد اجي اخطب الأنسة بيهم

 

يا ابني انا عارف كل ظروفك وعارف انك مش هتقدر تقدم لبنتي أي حاجة طول ما انتو هنا

 

طول ما احنا هنا فين

 

بص يا ابني , انا بعرض عليك فرصة العمر , هتتجوز بنتي وتسافر انت وهي عند خالها في الكويت وهناك ان شاء الله هيقدر يوفرلك فرصة كويسة للعمل , بدل الكشك اللي انت واقف فيه ده

 

معقووووووول !!!!!!!! حضرتك بتتكلم جددددددددد

 

ايوة يا ابني , اومال يعني ههزر معاك ! هااااا موافق تتجوز دعاء بنتي

 

مممم هههه اللي تشوفه يا عمي

 

خلاص يا ابني على خيرة الله , انت تشرفنا انت ووالدتك بكرة ان شاء الله الساعة اربعة بعد العصر , يناسبك المعاد ده ؟

يناسبني جدا , ان شاء الله هاجي انا وابلة عطية مدرسة اللغة العربية

 

 

طب اكتبلي بيناتك يا ابني عشان اسأل عليك

 

واجب برضو , حاضر , معاك ورقة وقلم

 

ايوة , اتفضل يا ابني

 

 

 

 

 

 

 

 

 

مممممممممم انا حاسس اني بحلم , هو انا بحلم صحيح ! ولا فعلا والد دعاء جالي النهاردة وعرض علية العرض المذهل ده ! ممممممم انا هروح لامي المدرسة عشان احكيلها قبل دماغي ما تضرب

 

 

 

 

 

 

 

 

صباح الخير يا شباب المستقبل اللي مش باين له ملامح ,صباح الخير على عيون سباكين ومبيضين وزبالين وعواطلية المستقبل اللي هينوورا القهاوي

 

صباح النور يا ابلة عطييييييييييييييييييييية

 

اتفضلوا استريحوا اقعدوا , منورين الفصل والله

 

شكرا يا ااااااااااابلة

 

 

يلا يا ولاد , عشان افرق عليكو كراسات الواجب , عشان نبدأ درس القرااااااااااءة , يلا يا ولدددددددد يلا يا بنت , كل واحد يقعد مكااااااااانه , الحصة ابتدت من عشر دقايق ولسة الفصل فيه هرج ومررررررررررررج اقعدواااااااااااااااااا

 

 

حاضر يا ابلة

 

علي محموووووووووود

 

ايوة يا ابلة

 

خد كراستك يا حبيبي , وابقى حسن خطك عشان حرام عليك الخط المفترس ده , صغر خطك شوووووووية , وإلا والله هقول لامممممممممك , الكلام الفاضي ده , انتي بتكتب ولا بتنتقم يا ابني !!!!!!!!!!!!!!!

 

 

حاضر يا ابلة عطية

 

منى حسسسسسسسسسسسسن

 

نعم يا ابلة

 

الواجب بتاعك كله غلط يا منننننننى , مش كدة يا بنتي حرام علييييييييييكِ , انا شرحت الدرس خمسين مرة , اعمل ايه تااااااااااااااااني , اغنيهولك على رباااااااااابة !!!!!!!!!!!!!!!!!

 

يا ابلة انا فاهمة الدرس والله

 

اومال حليتي الواجب غلط لييييييييييييه

 

مش عارفة يا ابلة , انا ببقى فاهمة الدرس بس مش بعرف احله , واقعد ابص للأسئلة واعيط ,وفي الآخر اكتب أي اجابة واحط الكراسة في الشنطة وانام , وحضرتك تجيلي في الحلم وتبرقيلي و تقوليلي غلط غلط غللللللللللط اهئ اهئ واصحى من النوم وانا معيطة

 

لا حول ولا قوة الا بالله , طب يا بنتي ما تروحي لدكتور نفساني طالما انا بجيلك في الحلم واخوفك

 

هخلي ماما توديني يا ابلة

 

 

 

سامح فتحييييييييييي

 

 

نعم يا ابلة

 

انت ما عملتش الواجب ليه يا ووووووولد !!!!!!! الكراسة ما فيهاش ولا كلمة , ما فيش غير التيكيت اللي عليه اسمكككككككك , مديني الكراسة فاضية لييييييييييه ؟؟؟؟؟؟؟؟؟

 

ااصل دي كراسة جديدة يا ابلة

 

وفين كراستك التانية يا خوياااااااااا

 

اخويا الصغير قطعها , هو على طول بيقطع كراريسي انا واخواتي

 

 

يعني اعمل فيك ايييييييييييييه , مش تخلي بالك من حاجتك يا ولددددددددد , لما انت عارف ان اخوك عدواني وبيقطع الكراريس , بتخليهم قدامه لييييييييييييييه

 

وانا مالي يا ابلة ! انا كل ما اخبيهم في مكان , يقعد يدور لحد ما يلاقيهم ويقطعهمممممممممم

 

طب اقعد , اقعد جاتك خيبة , يلا عشان نبدأ درس القراءة يلالالالالالا , قولوا ورايااااااااااا

 

 

ابلة عطية يا ابلة عطية

 

عايز ايه يا واااااااااااااااائل , خليني ابدأ الدرس يا بنيييي

 

كنت عايز اسأل حضرتك على معنى كلمة

 

كلمة ايه , قول وخلصني

 

يعني ايه احتباط

 

احتباط !!!!!!!!! ايه احتباط دي كمان ! سمعتها فين الكلمة دي

 

من اخويا الكبير , كل يوم يروح يدور على شغل ويجي مكشر ويقول لماما انا عندي احتباط وماما تعيط , هي يعني ايه احتباط يا ابلة ؟

 

احتباط !!!!!! يكونش قصدك احباط يا واد يا وائل ؟؟؟؟؟؟؟؟

 

ايوة ايوة . يعني ايه يا ابلة

 

يا حبيبي الاحباط ده شعور مستقبلي لا ارادي ومش عايزاك تستعجل عليه , عشان هو كدة كدة جايلك وفي الطريق اليك انت وكل جيلك , لما يا حبيبي ان شاء الله تتخرجوا ولا تلاقوا وظيفة ولا شقة وما فيش عروسة هترضى تبص في خلاقكو , كلكو هيجيلكو احباط , ما تقلقوش يا ولاد , ولما يجيلكو مش عايزاكو تيأسوا , لانه لا يأس مع الحياة ولا حياة مع اليأس , يعني لو اتخرجت من كلية التجارة وبدل ما تشتغل محاسب اشتغلت زبال , امسك المقشة و ابتسم وقول انا كدة هنضف بلدي , ولو اتخرجت من كلية العلوم واشتغلت نقّاش , امسك الفرشة واضرب المعجون وابتسم وقول انا كدة هبيض شقق ولاد بلدي , ولو اتخرجت من كلية الهندسة واشتغلت سواق تاكسي شغل العداد وابتسم وقول انا كدة بوصل ولاد بلدي لولاد بلدي في شوارع بلدي عشان يقضوا مشاوير بلدي , لازم كل اعمالنا تكون في سبيل مصرررررر , لازم تحب مصر حتى لو مصر قلعت اللي في رجلها واديتك بيه على دماااااااااااغك , انت عايز تطلع ايه يا وائل لما تكبر

 

انا عايز اطلع دكتور كبير وابقى مشهور وعندي عيادة وعربية

 

ابقى قابلني يا حبيبي , في المشمش ان شاء الله , بس حتى يا حبيبي لو اتخرجت من الطب واضطريت بسبب ضعف المرتب تشتغل بواب , قول على مجهودك العلمي طول سنين الدراسة , الله جاب , الله خد , الله عليه العوووووووووووووووووض , اقعد يا ابني اقعد خلينا في درس النهاردة

 

 

 

 

تن تن تن

 

 

يييييييييييي , شكلي مش هقول ولا كلمة في درس النهااااااااااردة , مييييييين

 

انا ام محمد الفراشة يا ابلة عطيييييييييية

 

نعم يا ام محمد , ادخلييييييييييييي

 

ابلة عطية , ابنك الاستاذ طارق مستنيكي في اوضة المدرسين

 

اييييييييييييه !!!!!!!!! طارق , استر يارب , يكون حصل ايه , ولد يا كريم

 

نعم يا ابلة عطية

 

قوم خلي بالك من الفصل واللي يتكلم اكتبلي اسمه ع السبورة عشان اجي اذنبه لاخر الحصصصصصصصصة

 

حاضر يا ابلة

 

 

هيييييييييييييييه هييييييييييييييييه ابلة عطية مشيت ابلة عطية مشيت هيييييييييييه

 

 

اسكت يا هشااااااااااااااام هكتب اسمك

 

ما تكتبه وانا ماااااااالي هيييييييييييييييييه تعالى نعمل صواريخ يا علي

 

لا تعالي ننفخ الكيس ده ونفرقعه عشان العيال يتخضوووووووووووووا

 

اسكت يا علييييييييي اسكت يا هشاااااااااااااااااام هكتب اساميكووووووووووووو

 

هييييييييييييييييييه هيييييييييييييييييه يلا نلعب استغوماييييييييييية هيييييييييييييييه هيييييييييييييييه

 

 

بس يا عليااااااااااااااااااااء بس يا شيمااااااااااااااااااااااااء اسكتي يا هنااااااااااااااااااااااااااء

 

لا يلا نلعب صلّح هيييييييييييه هييييييييييييه

 

يوووووووووووووووه ما تبس بقىىىىىىىىىىىىى الابلة قالتلي اللي يتكلم اكتب اسمه , الفصل كله بيتكلم وعامل دوشة , اكتب اسم مين ولا مين انا بقى دلوقتي ! طب والله لروح العب معاهم هييييييييييييه هيييييييييييييييييييييييييييييييييييييه هييييييييييييييييييييييييييييه

 

 

 

 

 

 

طاااااااااااااااااااااارق , خير يا ابني مالك في ايه !!!!!!!! الكشك جراله حااااااااااااااااااااااااجة ؟؟؟؟؟؟؟؟؟؟؟؟؟؟

 

يا امي في ايه , اهدي شوية , الكشك زي الفل ما تخافيش

 

ولما هو زي الفل , ايه اللي خلاك تسيبه وتيجييييييييييي , اوعى تكون اجرته لجماعة خواجات , اصل انا عارفة ان الموقع الجغرافي بتاع الكشك ممتاز والعين عليه وكبار المستثمرين مش هيسبوك في حااااااااااااالك

 

ههههه لا يا امي , انا قفلت الكشك خالص

 

ايييييييييييييييييه !!!!!!!!!! يا دي المصيبة , يا ابني حرام عليييييييييييك , دا احنا حفينا على ما طلعنالك تراخيص الكشكككككككككك , تقوم تقفله بالبساطة ددددددددددددددي ! روح يا ابني الله يهديك شوف اكل عيشك , وهات نص كيلو خيار وانت مروح , عن اذنك ورايا حصة

 

يا امي استنيييييييي , انا جاي اقولك اني اتخطبت وفي واحدة اتقدمتلي وابوها جه خطبني رسمي النهاردة

 

ايييييييييييييييه !!!!!!!!!! انت بتخرف بتقول ايه !!!!!!!!! وهي مين المهبولة دي اللي هتبص لواحد زيك , واضح ان وقفتك في الشمس اثرت على نفوووووووووووووووخك

 

يييييي , الجملة دي تاني مرة اسمعها النهاردة ! يا امي والله بكلمك جد , هتجوز واسافر الكويت

 

وليه يا ابني تخسرنا الكويييييييييت ؟؟؟؟؟؟؟؟؟؟؟؟؟ ثم مين اللي هيسفرك هناك اصلا وليييييييييييه

 

عارفة دعاء اللي حكيتلك عنها

 

دعااااااااااااااء , ايوة ايوة ايوة قول كدة بقىىىىىىىىىى , انا عارفة انها داخلة على طمع من الأول , ومش مرتاحالهااااااااا

 

ههههههههههه ايش ياخد الريح من البلاط يا امي ! هو انا حيلتي حاجة عشان تطمع فيا !!!!!!!!!!

 

حيلتك شبابك وشهادتك , يا ابني يا حبيبي انا بقول امتى يتصلح حالك عشان تساعدني في مصاريف اخواتك , تقوم تتجوز وتصرف على واحدة تانية واحنا في امس الحاجة اليك ! بقى كدة برضو يا طارق يا ابني ! مش كفاية ابوك اللي سابنا وطفش اهئ اهئئئئئئئئ هتبقى انت وابوك يا طارق اهئ اهئئئئئئئئئئئئئ

 

يا امي والله انا هسافر عشانكوووووو مش هسافر عشان اتخلى عنكو زي ابويا ما عمل , هسافر عشان ظروفي تتحسن واقدر اساعدك واساعد اخواتي , يعني عاجبك بهدلتي دي يا امي !

 

اهئ اهئئئئئئئ لا مش عاجباني اهئ اهئ بس اخاف يا طارق تسافر وتنسانا يا ابني ونتوه عن بعض واموت وانت بعيد اهئ اهئئئئئئئئئئئ

 

يا امي بالله عليكِ ما تقوليش كدة ! الهواجس اللي في دماغك دي مش هتحصل , انا هسافر عشانكو صدقيني وهتبقى عارفة كل خطواتي وعنواني وتليفوني هيبقوا عندك , ما تخليش اللي حصل من ابويا يعملك عقدة في حياتك , كفاية العقد اللي الواحد متعقدها الله يخليكِ

 

ااااااااااااه , ما باليد حيلة , اللي تشوفه في مصلحتك اعمله يا ابني

 

طيب هتيجي معايا بكرة عند اهل دعاء ؟

 

اومال يعني هسيبك لوحدك عشان يضحكوا عليك ! يمكن يطلعوا نصابين ولا حاجة وياخدوا الشراب بتاعك اللي لسة مخيطاه امبارح

 

 

 

 

 

 

 

ايه اللي انت بتقوله ده يا عبد المجيييييييييييييد , يعني ايه تجوز دعاء الجوازة السودة دددددددددي

 

بقولك ايه يا احسان , دعاء بنتي وانا ادرى بمصلحتها

 

 

وانا كمان امها وعايزة مصلحتها , ثم هي فين مصلحتها دي وانت عايز تجوزها لحتة واد جربووووووووع

 

ما تغلطيش في الوووووووووولد , ده شاب كويس جدا وعلى خلق وانا سألت عليه , والبنت هتروح لخالها يعني هيكون ليها اهل وعزوة يعني مش هسفرها معاه مكان مبهم ولا عند ناس ما اعرفهومش

 

يا سلاااااااام ! دانتو مرتبين كل حاجة بقى انت وفواااااااااااااااز

 

ايوة طبعا , مرتب كل حاجة , انا مش بتحرك خطوة الا وانا حاسب حساباتي كويس

 

حسابات اييييييييييه ! حسابات ايه اذا كان العريس مفلسسسسسسسسس , هو ده حيلته حساباااااااااااااات ولا ناوي تبعته لاخويا يصرف عليييييييييييييه

 

لا يا ست احسان , الولد هيشتغل وهو اللي هيصرف على بنتك

 

والله ما انا عارفة طلعلنا منين الكحيان دددددددددددده , بنت يا دعاااااااااااااااااااء

 

 

نعم يا ماما

 

 

عاجبك الكلام اللي ابوكِ بيقوله ددددددددددددده ! انتِ موافقة ع الشحات دددددددددده ؟؟؟؟؟؟؟؟؟

 

ايوة يا ماما موافقة

 

افندممممممممممممم !!!!!!!! انتو عايزين تجننونييييييييييييي , هيجيب شبكة بكااااااااااااام هيدفع مهر اد اييييييييييه

 

 

اذا كان ع الشبكة , عرقه هو شبكتي واذا كان على المهر , كفاحه هو مهري

 

نعم يختتتتتتتتتتتتتتي , انا اول مرة اشوف واحدة هتلبس شبكة عرق , وهتستحملي ريحة الشبكة يختتتتتتتتتتتتتي !!!!!!!!!!!!!!!!

 

 

ماما من فضلك دا اختياري وانا مسؤولة عنه

 

لالالالالالالالالا انا هتصل برشا تيجي تلحقنيييييييييييي , ان شاء الله هخلي جوزها يروح يقبض على عريس الغفلة ده عشان بدل ما تعملوا الفرح في نادي تبقوا تعملوه في التخشيبة وتاخدوا على قفاكو من المخبرين ان شاء الله , فين التليفوووووووووووووووووووون

 

انتِ هتهددينا برشا وجوزها ولا ايه يا احسان ! يلا يا بنتي ننزل من وشها

 

يلا يا بابا

 

 

 

 

 

معقول يا ماما الكلام اللي بتقوليه ده ! يعني ايه دعاء تتجوز حتة ولد سنكوح مالقوش مستقبل !!!!!!!!!!!!

 

زي ما سمعتي كدة يا رشا يا حبيبتي ! دماغي فيها فيوزات ضربت بسبب كلامهممممممممم , حسيت نفوخي بيغلي , قولت اكلمك تشوفيلي صرفة انتِ وجوزك

 

وجوزي ماله بس يا ماما ومال موضوع زي ده

 

ماله يعني ايه يا رشا ! هو مش ظاااااااااااااابط ؟

 

ايوة يا ماما يعني هو عشان ظابط هيعمل ايه يعني

 

يروح يقبض ع الواد ده ويرميه في السججججججججججججن

 

وتهمته ايه بقى !

 

تهمته عايز يتجوز بنتي من غير شبكة ولا مهر ودي جريمة عقوبتها الإعداااااااااااااااام

 

يا ماما , انتِ عارفة ان هاني مش بيستغل وظيفته ابدا

 

ما هو ده اللي فارسني من جوزك دددددددددددده , اذا كان هو مش هيستغل وظيفته ,يبقى احنا بقى اللي نستغله ونعيش على قفا وظيفته احلى عيشة , انا مش مجوزاكِ ظابط عيااااااااااقة , ايييييييييييه , مالنا كدة عايشين زي باقي الشعب ما هو عااااااااايش

 

اومال يا ماما عايزانا نعمل ايه يعني

 

هنعمل هنعمل وهنعمل كتير اوي بس لما نطفش عريس الغفلة , البسي وتعالي كلمي اختك كلمتييييييييييين

 

حاضر يا ماما , انا هتصل بهاني استأذنه اني جاية عندكو

 

 

 

 

 

 

 

 

 

 

 

 

 

انتِ يللي اسمك فهيمممممممممممممة انتتتتتتتتتتتتتتِ

 

ايه ده , مين بينادي , دي الست رشا مرات هاني بيه , اهلا يا مدام رشا , ازيك

 

ايه اهلا وازيك دي , انتي هتصاحبيني وتعملي راسك براسي ولا ايه !!!!!!!!!!!!

 

ايه ده !!!!! مالها دي , اسفة ان قولتلك ازيك يا رشا هانم , حقك عليا , حضرتك بتناديني ليه , تحت امرك

 

 

تعالي افتحيلي باب الاسانسير ده

 

نعم !

 

 

ايه ماسمعتيش ! طرشة مثلا !!!!!!!!!!!

 

حاضر يا ست رشا هانم , اتفضلي , اديني فتحت باب الاسانسير اتفضلي ادخلي

 

 

خلاص دخلت يا بتاعة انتِ اقفلي الباب

 

استني حضرتك شوية

 

استنى اييييييييييييه ؟؟؟؟؟؟؟؟؟؟؟ اقفلي الباب بقولك

 

استني اصل الست نوال جاية

 

ايه نوال دي كمااااااااااااااان , اقفلي باب الاسانسير , انا ماحدش هيطلع معاااااااااااااااايا

 

 

ايه في اييييييييييييه !!!!!!!!! بتزعقي لييييييييييييه , يعني ايه مش عايزاني اركب معااااااااااااااااكِ

 

الحمدلله , وقعت في مدام نوال , ووقعتها مطينة ان شاء الله

 

انتِ رايحة فين يا ست انتِ ؟؟؟؟؟؟؟؟؟؟؟؟؟؟ ما تركبيش معايا الاسانسيررررررررر

 

يا سلااااااااااااااااااااام !!!!!!!!!!!! ليه يا كتكووووووووووووووووتة , هو جوزك كتبهولك في القايمة ولا ايه يا عروسة الغفلة انتتتتتتتتتتتتتتتتتِ , بقولك ايييييييييييه , انتِ جديدة هنا وما تعرفنيشششششششش , عايزة تشوفي نفسك شوفيها على حد غيري عشان ما تندمييييييييييييييش , اتقي شررررررررررررررررررررري

 

يا مامي !!!!!!!!! حقيقي ست متوحشة , انا اللي هخرج من الاسانسير عشان انا مستحيل اركب مع واحدة زيك

 

يكون احسن برضوووووووووووو اوعي اوعي يا شييييييييخة , ايييييف ريحة البرفان بتاعك تأرف , عاملة زي ريحة فروة الخروف جاتك الارررررررررررف

 

 

اهئ اهئئئئئئئئئئ يا مامي انا اتهنت اهئ اهئئئئئئئئئ مش عارفة اتعالى عليهم اهئ اهئئئئئئ الله يسامحك يا هاني سويت راسي بروس ستات العمارة اهئ اهئئئئئئئئئئئئئئ

 

 

هههههههه ما تزعليش يا ست رشا

 

انتِ مالك انتتتتتتتتتتتتتِ , اوووووووووووووف

 

ايوة ايوة , ما الناس ما بتقدرش غير ع الغلبان اللي مالوش ضهر

  • معجبة 2

شارك هذه المشاركه


رابط المشاركه
شارك

يا دعاء يا اختي يا حبيبتي , الجواز مش هزاااااااااار , مش لعبة , وكمان ما ينفعش يقوم ع التعاااااااااااطف

 

ومين قالك انه تعاطف ! ليه ما تقوليش انه اقتناع , شاب ناجح في دراسته واتخرج ومالاقاش الفرصة المناسبة للتفوق وإثبات الذات , انا لقيت ان بامكاني اقدمله الفرصة دي , ما اتأخرتش عنه

 

يا سلام ! طيب ما هو كان ممكن تقدميله الفرصة دي من غير جواز

 

يا سلامين ! وفيها ايه بقى لو اتجوزته وشاركته كفاحه وجهاده في معركة الحياة

 

كفاح ايه وجهاد ايه ومعركة اييييييييييه , انتو هتتجوزا ولا هتحاربووووووووووا , يا بنتِ الجواز ده يعني تلاقي راجل يدلعك ويسعدك ويحسسك انك ليدي ولازم يكون غني وعنده استعداد يجيبلك ككككككل اللي نفسك فيه , تخرجوا , تسهروا , تتفسحوا , تعيشي الحياة الحياااااااااااااة تتمتعي بيهااااااا, مش تتجوزي واحد مكتئب ورايح يكاااااااااااافح , دا ايه الكآبة ددددددددددددي

 

مالكيش دعوة يا رشا , كل واحد يعيش حياته بالشكل اللي هو عايزه واللي يريحه

 

هتندمي يا دعااااااااااااااااء

 

لما اندم واجي اعيطلك ابقي اقفلي بابك في وشي . ومن فضلك كفاية بقى يا رشا عشان ما عنديش استعداد للكلام اكتر من كدة , عن اذنك عشان عايزة اوضب شعري واشوف هلبس ايه بكرة عشان طارق ومامته جايين

 

ههه والله العظيم بت مجنونة , وان شاء الله جوازة فاشلة مقدما , هارد لك ع الطلاق , هههههه معلش يا روحي ادي اخرة الكفاح هههههههههههه

 

اوووووووووووف , انتِ بتفولي علية بالطلاق من قبل ما اتجوز ! على العموم ميرسي يارشا يا اختي الوحيدة يللي ما توقعتش منك الموقف الهجومي ده , عن اذنك

 

 

 

 

 

 

 

 

 

 

 

 

 

 

 

 

 

يلا يا امي عشان نلحق نركب تورماي مصر الجديييييييدة

 

هي دي محطة التورماي اللي بيروح مصر الجديدة يا طارق؟

 

ايوة هو , يلا عشان زمانه جاي

 

طب يا ابني واحنا هنروح كدة , من غير ما ناخد معانا حاجة !!!!!!!!

 

يا امي احنا حيلتنا حاجة !!!!!!!! هما عارفين الظروف

 

يا ابني انت محسسني انهم اول ما يشفونا هيدولنا بطانية وجزمتين قدام , هو احنا رايحين نخطب ولا رايحين نشحت يا ابني ! برضو لازم ندخل بكيس فاكهة ولا حاجة عشان ما يقولوش علينا ما عندناش ذوق

 

فاكهةةةةةةةةةةةةةةةةةةة !!!!!!!!!!!!! ما معيش فلوس

 

طب دور في جيبك على أي حاجة تكون تايهة كدة ولا كدة وانا هدور في شنطتي يمكن اعتر على جنيه ولا اتنين غير اجرة المواصلات

 

اهووووووو مع اني عارف ان ما فيش حاجة بتتوه جوا , ممممممممم اهو , ادي خمسين قرش ممممم وادي بريزة يبقوا ستين قرش , ممممممممم ماشاء الله , ربع جنيه كمان اهو , اللهم صل ع النبي , لقيت كمان خمسين قرش مقفولة يا امّاااااااااا

 

ماشاء الله , معاك كل الخير ده وناكره يا طارق ! يا حلاوة , لقيت جنيه بحاله , استني كدة لالالالالالا مش مصدقة عنيا جنيه كمااااااااااان , العروسة دي باين عليها رزقها واسع والخير هيجي على اديها , الله الله الله لقيت خمسة وسبعين قرش كماااااااااااااان اللهم لك الحمد

 

يعني كدة معانا كام يا امي

 

مممممممم نحسب اللي معاك الأول , خمسين قرش وبريزة وربع جنيه ونضيف عليهم خمسين قرش مقفولة يبقى المجموع كام يا ولاااااااااااااااد ؟؟؟؟؟؟؟؟؟؟؟

 

يا امي انتِ قاعدة في الفصل ! وبعدين انتِ بتاعة عربي مش بتاعة حساب , سيبيني اجمع انا , انا كدة معايا 135 قرش وهنضيفهم على التلاتة جنيه الاربع اللي معاكِ يبقوا اربعة جنيه وبريزة , ممممممم ممكن نجيب اتنين كيلو موز ونشيل الباقي مصاريف سفر

 

عين العقل يا حبيبي , الفكهاني اهو , يلا عشان نلحق نشتري الموز ونتوكل على الله

 

 

 

 

 

يلا يا احسان قومي البسي الناس زمانهم جايين

 

 

 

ناس !!!!!!! هو انت بتسمي اللي جايين دول ناااااااااااااس !!!!!!!!!

 

 

 

لا حول ولا قوة الا بالله , قومي البسي يا احسااااااااااان

 

 

اووووووووف , انا فعلا هقوم البس عشان اروح ابلغ عنهمممممممم , انا بقى هقابلهم مقابلة زي وشهممممممم

طيب انا جبت جاتوه وحاجة ساقعة عشان تقدمي للضيوف

 

 

افندمممممممممم , على جثتي انهم يطولوا حتة جاتوه وااااااااحدة , وكمان حاجة ساقعة اااااااااااال , وقعتهم سودة ان شاء الله

 

 

 

 

 

تررررررررررررررررررررررررررررن ترررررررررررررررررررررررررررررررررررررن

 

 

 

اهو الجرس بيرن اهو , الجماعة وصلوا , روحي البسي على ما افتح

 

 

 

طيب يا عبد المجيد طيييييييييييييييييييب , صبركو بالله

 

 

 

 

اهلا اهلا اهلا يا استاذ طاااااااارق

 

 

اهلا بيك يا عمي , أمي , ابلة عطية مدرسة اللغة العربية

 

 

اهلا اهلا اهلا يا استاذة عطية , شرفتينا يا استاذة

 

 

اهلا بيك , اديله الموز يا طارق عشان يعرف قيمتنا

 

اتفضل , اتنين كيلو موز

 

اشكرك يا ابني اتفضلوا

 

 

اتفضلي يا امي

 

ماشاء الله , باين عليهم مستريحين

 

ايوة , باين طبعا من الموبيليا , الجماعة الاغنيا بيتعرفوا من الموبيليا

 

 

شرفتونا يا جماعة , لحظة هدي خبر للعروسة ووالدتها

 

 

اوعى يا عبد المجييييد , انا جيييييييييت , انا مش مستنية تديني خبررررررررررررر ,

 

 

ايه ده ! مييييييييييييين ! إحساااااااااااااااان , البخيلة الجلدددددددددة ده صحيح بقى الدنيا صغيرة اوووووووووي , زميلتي في مدرسة المنيرة الثانوية

 

ايه ده ! ميييييييين , يا خبر اسود , عطيييييييييية , أأأأأأ ازيك يا عطية

 

 

 

اهلا يا حرامية يا نصااااااااااااااابة , ما لقيتش الا بنت احسان النصابة رايح تخطبها يا ابنيييييييي

 

بس بس بسسسسسس , ههههه ايه الهزار ده يا عطعوطة هههههههه تعالي جوا نتفاهم

 

 

 

ايه ده ! انتو طلعتوا تعرفوا بعض

 

 

ايوووووووووووووة , واخدني عشان تساومني عشان اسكتتتتتتتتتت

 

 

طب تعالي بقى , بطلي هزار يا وحشة

 

 

 

 

ازيك يا احسان يا نصابة , فين الفلوس اللي لمتيها من البنات في اخر يوم امتحانات وقولتي انها عشان الفقرا وفي الآخر استخسرتي وخدتيها انتِ , وفين الخاتم الدهب اللي استلفتيه من بنت الناظرة وفي الآخر قولتي وقع مني وبعدها بكام يوم قابلتك في الشارع لقيتك لابساااااااه

وفين الفستان اللي خدتيه من مديحة وقولتي هحضر بيه فرح وفي الآخر قولتليها امك في العش ولا طااااااااااارت , اقول تاني ولا كفاية كدةةةةةةةةةة

 

 

يا شيخة اسكتي بقى فضحتييييييييييني , انتِ عايزة جوزي يسمعككككككككككك ! انا مظلووووووووووووومة مظلومة انتِ فاهمة كل حاجة غلط

 

ولما انتِ مظلومة خايفة حد يسمعنا لييييييييييه , خليني احكي قدامهم عشان نحكمهم في عمايللك السووووووووودة

 

 

كدة برضو يا عطعوطة ! دااحنا هنبقى نسايب

 

 

, والله جوزك باين عليه راجل طيب وبنتك على ما بسمع طيبة وغلبانة , انا مش عارفة لو عرفوا حقيقتك هيعملوا ايييييييه

 

 

 

اخص عليكِ , كدة برضو , دا ماضي وراح لحاله , خلينا في فرحتنا بالولاد هههههههه ربنا يتمم بخير يا حبيبتي

 

 

مممممم طيب يختي , ربنا ستار حليييييييييييم , انا خارجة اشوف ابني

 

 

 

 

 

اوووووووووووف , طلعتيلي منين يا عطية انتي كماااااااااااااان

 

 

 

 

ازيك يا عريس بنتي هههه جاتك نيلة

 

اهلا يا طنط , ولكِ بمثل ان شاء الله , الحمدلله دعاء مش شبهها , اللهم لك الحمد , ربنا عالم بحالي , انا مش ناقص عذاب في دنيتي

 

 

 

مامتك من اعز اصدقائي يا طارق ههه اصحاب الروح بالروح , طلعت روحك انت وامك اووووووووف

 

 

شكرا يا حبيبتي , اهو انتِ ان شاء الله

 

 

 

مساء الخير

 

 

 

العروسة اهيه يا امي , ازيك يا دعاء هههه

 

 

 

ههه اهلا يا استاذ طارق , ازيك يا طنط

يختي عليها ههههه ازيك يا روح طنط ,

 

 

دعااااااااااااااء

 

 

 

نعم يا استاذ طارق

 

 

فين الحجاب بتاعك ؟

 

 

حجاب ! بس انت عارف اني مش محجبة

 

 

الكلام ده قبل ما اخطبك , انا بقولك اهو قدام ابوكِ , المرة الجاية اجي الاقيكِ بالحجاااااااااااااب , لبس واسع وما فيش بناطيييييييل

 

 

ههه حاضر , ان شاء الله

 

 

 

ههههههههه مبروك يا طارق يا ابني , مبروك يا دعاء

 

الله يبارك فيك يا عمي

 

الله يبارك فيك يا بابا ههه , عن اذنكو

 

 

الجاتوه فين يا ام العروووووووووسة

 

حاااااااااضر اخ ياني , ما اقدرش اقول لللللللا

 

 

 

 

 

 

 

يلا يا امي اتأخرنااااااااااااااااااا , لسة هنعدي على منال واخواتها ناخدهم ونروح لمحل المجوهرات

 

حاضر يا ماجد يا حبيبي جاية اهو , ههههه , مستعجل اوي كدة ليه , لسة بدري , يلا يا سيدي نتوكل على الله

 

 

ترررررررررررررررررررررررررررررررررررررن ترررررررررررررررررررررررررررررررررررررررررررررررررررررن

 

ييييييييييي , دا مين اللي جايلنا في وقت زي دددددددده , تووووووووء

 

طب افتح ليكون حد من اخواتك ولا حاجة يا ماجد

 

 

اهلا ههه دا هاني يا امي

 

السلاااااااااااام عليكم ايه ده , لابسين ورايحين فين كدة ؟

 

وعليكم السلام اهلا يا هاني ازيك يا حبيبي , رايحين نجيب شبكة عروسة ماجد هههههههه

 

مممممم الله الله الله ! ناس ليها حظ وناس ليها ترتر يا ست ماما

 

ايه حظ وترتر دي ! ايه الالفلظ دي يا ولد

 

ايوة يا ست ماما , ماجد تنزلي معاه عشان تجيبي شبكة عروسته , وانا وعصام ما اتدخلتيلناش في حاجة وحتى افراحنا غضبتي عليها وما حضرتيهاش

 

هههههههه يعني حضرتك مش فاهم ولا عامل نفسك مش فاهم , على العموم ماجد الوحيد اللي اختياره عجبني وماحدش يلومني بقى , اذا كنت انا مبسوطة وبتصرف بطبيعتي كأم فرحانة بعروسة ابنها , ومافيش داعي للكلام الكتير , انت واخوك نفذتوا اللي في دماغكو , واظن ان انتو سعدا , مش كدة ؟

 

ايوة طبعا , انا عن نفسي سعيد جدا

 

ههه طيب يا سيدي , سيبنا بقى عشان عايزين ننزل

 

طيب يا ست ماما , على راحتك , انا طالع لمراتي

 

 

 

 

 

 

 

 

 

 

 

 

 

 

ها يا منال يا حبيبتي , اختاري اللي يعجبك

 

ههه كلهم كويسين يا طنط

 

يا حبيبتي ما تتكسفيش كدة , انا عايزاكِ تعتبريني انا مامتك مش مامت ماجد ههههه بصي بقى عايزين نتفق على الولد ده وندفعه دم قلبه في الشبكة

 

هههه

 

ايه يا امي !!!!!! ههههه انتي معايا ولا علية !!!!!!!!!!

 

ههههههه انا مع منال حبيبتي , بس هي مكسوفة كدة ليه يا باشمهندس عمر

 

هههه منال طول عمرها خجولة , ساعديها يا رانيا

 

حاضر يا عمر , بصي يا ابلة منال الطقم دددددده ؟ حقيقي تحفة

 

كويس يا رانيا

 

لالالالالالا بقى يا ابلة , دا يجنن مش كويس هههههه خلاص انا هناخد الطقم ده

 

ها يا منال يا حبيبتي موافقة ولا ايه ! لو مش عاجبك ننقي حاجة تانية يا حبيبتي

 

ههه والله حلو يا طنط , مممم اصل بصراحة الدهب والمجوهرات مش بيستهوني خالص

 

هههههه انا عارفة ان الحاجات دي ما تفرقش معاكِ , بس دي هدية العريس وليها طعم تاني , على العموم اختيار رانيا لطيف جدا , خلاص احنا هناخد الطقم ده

 

خلاص يعني يا امي , ولا هترجعوا في كلامكو تاني

 

هههههه لا يا سيدي , خلاص ,مش كدة برضو يامنال يا حبيبتي ؟

 

ههه هو عجب حضرتك يا طنط ؟

 

ايوة عجبني جداااااااا

 

خلاص , يبقى عجبني انا كمان

 

ههه متشكرة لذوقك يا حبيبتي , خلاص يا ماجد , خلص تمنه , على ما اشوف طقم تاني

 

طقم ايه تاني يا امي !!!!! انا كدة فلستتتتتتتتت ههههههههه

 

هههه ما تخافش يا مفلس انت , الطقم التاني هديتي لمنال حبيبة قلبي

 

لالالا يا طنط , كفاية ده اوي والله , متشكرة لحضرتك جدا

 

بس يا بنت ! لما ماما امينة تجيبلك حاجة تاخديها وانتِ ساكتة , فاهمة ولا لأ هههه ؟

 

هههه متشكرة يا طنط

 

 

مممممم هختار انا على ذوقي المرة دي , بصي كدة يا منال , الطقم ده حلو اوي اوي , مش كدة ولا ذوقي وحش وعواجيزي ؟ هههه

 

ههههه العفو يا طنط , جميل جدا والله , مش عارفة اشكر حضرتك ازاي

 

تشكريني على ايه يا حبيبتي ! خد يا ماجد الطقم ده كمان , اعمل فاتورته بإسم منال

 

حاضر يا امي , امي راضية عنك اوي يا منال هههه

 

هههه الحمدلله

 

 

 

 

 

 

 

 

 

 

 

 

 

 

تررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررن

 

ردي ع التليفون يا بهيييييييييرة , بهيييييييييييييييييرة , انتِ يا بهيييييييييييييييرة , يا بهيرة ردي يا بهيييييييييييييييرة

 

ايوة ايوة ايوووووووووووة يا نينة جاية جااااااية

 

بقالي ساعة بنادي عليكِ عشان تردي ع التليفوووووووووووووون , ايييييييييييييه نايمة علة ودانك

 

نايمة ايه بسسسسسسس , انا في المطبخ , الوووووووووووووووووووووووووووووووووووووووووومييييييييييييين

 

ايه ده !!!!!!!! سورتي ودني يا بهيرة , انا ماما

 

ماماااااااااااااا اهئ اهئئئئئئئئئئئ حبيبتي يا ماما وحشتيني اهئ اهئئئئئئئئئئئئ

 

انتِ اكتر يا حبيبتي , ازي ياسمين واسم ايه ده جوزك

 

جوزي اسمه حسين يا ماما , سونسون يا ماما , سونسوووووووون هههههه احفظيه بقى يا ماما

 

وانا مالي ومال اسمه , هحفظه اعمل بيه ايه , انتِ مش جاية ولا ايه يا بهيرة , انتي مش قولتي هتجيلي يوم في وسط الاسبوع ؟ النهاردة الاتنين , هتيجي امتىىىىىىىى

 

لا يا ماما معلش ,تعالي انتِ بقى عشان خاطري

 

اجي ! توء , بصراحة بقى يا بهيرة , انا بقيت اخاف اخرج لوحدي ,

 

ليه يا ماما , قلقتيني , بعد الشر حصل ايه ؟؟؟؟؟؟؟؟

 

ابدا يا بهيرة .الشبان بقوا حاجة فظيعة والواحدة بقت تخاف على نفسها , مرة كنت بعدي الشارع لقيت شاب قرب مني , وقالي استني لما اعديكِ شكل نظرك ضعيف ومش شايفة العربيات , فخوفت منه وجريت بعيد وقولته احترم نفسك يا قليل الأدب , هو ما فيش بنت تعرف تنزل الشارع من غير ما تضايقوها وتعاكسوها !!!!! وخليت العسكري بتاع المرور يعديني , وعديت ع الرصيف التاني , ووطيت جبت طوبة وحدفته بيها وجريت , بس يا خسارة ما جاتش فيه

 

يا ماما ايه يا مامااااااااااااا ! دا كتر خيره , لقاكِ ست كبيرة ومش عارفة تعدي ونظرك ضعيف , راح قرب منك عشان يعديكِ , ما فيهاش حاجة دي يا ماما

 

هي مين دي اللي ست كبيرة ونظرها ضعيف يا بنت انتتتتتتتتتتتتتتتتتتتتتِ

 

 

لالالالا يا ماما , ما تزعليش , انا اقصد , انا انااااااا انا اللي ست كبيرة ونظري ضعيف , وانت لسة صغيرة وحلوة والشبان بيعاكسوكي

 

ايوة كدة , اعترفي انك اكبر مني يا بهيرة , طيب خلاص هاجي عشان خاطرك انتِ وياسمين

 

 

طب بالله عليكِ يا ماما , كنت عايزة منك خدمة

 

خدمة ايه يا حبيبتي , عنيا ليكِ

 

 

عارفة يا ماما المحل بتاع الشباشب الحريمي اللي بعد عمارتك بكام عمارة كدة ؟

 

ايوة ايوة عارفاه , كل الشباشب بتاعتي بجيبها من عنده , ماله ده ؟

 

 

اصل شوفت شبشب عنده حلو اوي وعجبني , بس ما لقيتش مقاسي , فقالي بعد اسبوع هجيب المقاس اللي انتي عايزاه , هاتيلي منه اتنين , واحد لبني وواحد فوشيا

 

انتِ هتجيبي واحد ليكِ وواحد لحسين ؟

 

يا ماما يعني معقول حسين هيلبس شبشب حريميييييييييي !!!!!!!!!

 

ومالهم الحريم , مالهم الحريييييييييييييم , انتي مستقلية بينا لييييييييييه !

 

يا ماما ما اقصدش , اقصد انه هيطلع صغير على رجله هههه انا عايزة الشبشب التاني لاشجان جارتي , اصل بصراحة جمايلها كتير وعايزة اجيبلها هدية

 

ما لقتيش غير الشبشب تهاديه بيه ! باين عليها مقامها كبير اوي عندك

 

يا ماما , الشبشب شيك وعجبني وقولت بدل ما اجيب واحد , اجيب اتنين وادي التاني لاشجان , وما تخافيش , كله بتمنه يا قمر هههههه

 

 

اخص عليكِ يا بهيرة , هو انا بخيلة يا بنتي ؟ انا عنيا ليكِ يا بهيرة

 

ههههه تسلم عنيكي يا مامتي يا صغيورة انتِ ههههههه

 

طب بس انا هعرف الشبشب اللي تقصديه ازااااااااي ؟ وكمان الراجل تلاقيه نسيكِ ومش هيفتكر انك سألتيه اصلا

 

لالالالالالا مش ممكن ينساني , قوليله الشبشب اللي عجب المدام اللي بنتها فتحت الفاترينا ورميتلك الشباشب في الشارع , لو نسيني عمره ما هينسى ياسمين يا ماما , بنتي بتترك بصمة وذكرى اليمة في أي مكان نروحه

 

ربنا يخليها

 

قوليلي صحيح , هو محمود اخويا ما اتصلش من ايطاليا

 

اتصل وبيسلم عليكِ اوي , وبيقول هيتجنن ويشوف ياسمين

 

هههه والله انا اللي نفسي اشوفه , ربنا يجيبه بالسلامة

 

آمين يارب , ويصلحله حاله هو وكل المتغربين عن ديارهم , طيب انا هعدي اجيب الشباشب واخد تاكسي واجيلك على طول

 

 

مستنياكِ يا ماما يا قمررررررررر

 

 

 

 

 

 

 

انتِ يا بهيييييييييرة

 

نعم يا نينة نعمممممم نعمين تلات نعمااااااااااااااااات

 

بتكلمي مين ده كله وعمالة تلتي وتعجني مع ميييييييييييين

 

دي ماما

 

ماما ! ايوة يختي سيبي شغل البيت واللي وراكِ وسيبيني اتفلق من غير غدا واقعدي كلمي اممممممممممك

 

يا نينة الطبيخ خلاص قرب يستوي

 

والله يختي انا اللي استويت من عمااااااااااايلك , اعوذ بالله يا شيخة من الرغي والرغاييييييييين , دانا ما اطيقش اتكلم في التليفون تلات دقايق على بعض , ما اعرفش انتو بتجيبو الرغي ده منييييييييييييين

 

 

ترررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررن

 

 

 

التليفون بيرن تاني يا مرات ابني , روحي يختي , تلاقيها واحدة صاحبتك فاضية زيك ومش لاقية حاجة تعملها , اكل ومرعة وقلة صنععععععععععععععة

ترررررررررررررررررررررررررررررررررررررررررررررررررررررررررن ترررررررررررررررررررررررررررررررررررررن

 

استغفر الله العظيم ! معلش يا نينة , اهو بنتسلى بدل ما نقعد ع القهوة , يا مرارتي ياااااااااني , الووووووووووو

 

 

ايوة يا بهيرة يا مرات اخويا , ازيك

 

اهلا يا عايدة يا اخت جوزي , الله يسلمك

 

ماما عندك ؟

 

ايوة , ابعتهالك ؟؟؟؟؟؟؟؟؟؟؟؟؟؟؟؟؟؟؟

 

لالالالالالالالالا ههههههه انا جوزي زي الفريك ما يحبش شريك هههههههههههههه

 

يا صباح الروقان يا حبيبتي , هديكِ ماما يا روح ماما , يا نيييييييييييييينة

 

 

ايوة يا بهيرة عايزة ايه

 

عايدة ع التليفون

 

بنتي ! حبيبتي , حتة من كبدي , شيلي التليفون و هاتيهااااااااااااالي , بس شيليه بحنية عشان المتصلة غالية عليااااا

 

خدي اهيه , شيلتها بحنية يا نينة , استني اما اطبطب ع السماعة الأول وابوسها عشان عايدة جواها , امووه امووووه امووووووووووووه

 

هاتي يختي هاتي . الو . ازيك يا عايدة يا حبيبتي وازي جوزك وولادك

 

ههههه كويسين يا ماما , نزل راح عند امه قولت اكلمك على رواقة

 

راح عند امه ! احسن برضو , يروح عندها احسن ما يجيبهالك يا حبيبتي تطلع عنيكِ

 

لالالالالالا يجيب مين يا ماما هههه انا قولتله انا تعبانة والعيال مدوخيني , دا غير الحمل اللي تاعبني

 

يا حبيبتي يا بنتي ! والله انتِ لو قريبة كنت بعتلك بهيرة تنضفلك الشقة وتشوف طلباتك انت والعيال , دانتي حامل وتعبانة وعايزة اللي يخدمك

 

معلش يا ماما , انا عارفة انك اد القول , يا خسارة بهيرة بعيدة , حتى ع الأقل كنت بعتيلها العيال وارتحت من ارفهم

 

طب ما تبعتيهم , هي يعني وراها ايه ولا بتعمل ايه !

 

لا ما فيش داعي , بلاش نتقل ع الناس برضو ,

 

ماشاء الله ,طول عمرك حساسة زي امك , ياريت كل الناس زينا يا حبيبتي

 

اه والله يا ماما , طب دي بهيرة مرات اخويا محظوظة بيكِ , ياريت كان ليا حما زيك حنينة وطيبة

 

اهو الواحد بيعمل المعروف ويرميه البحر يا بنتي , بهيرررررررررررررررررة ,. خلصي اللي في ايدك وتعالي ادعكيلي رجلييييييييييييييي

 

حاضر يا نينة , يا وردة من جوا جنينة , بقالها ساعة بتددشش مع بنتها , وتقولي ما بتكلمش غير تلات دقايق !

 

 

 

 

قوليلي يا عايدة , جوزك عامل حسابه ع الولادة بتاعتك ولا ايه ؟

 

ايوة طبعا يا ماما

 

اوعي يا حبيبتي يوديكِ مستشفى حكومة , لالالالالالا اوعي توافقيه , انت بتولدي قيصري والمستشفيات الحكومية ما بيهتموش بالناس غير ان مافيش نضافة والجرح ممكن يتلوث الف بعد الشر عليكِ

 

مستشفى حكومة ايه بس يا ماما !!!!!!!! دانا شارطة عليه يوديني احسن واغلى وانضف مستشفى

 

ايوة يا حبيبتي , سلامتك بالدنيااااااااا , ربنا يقومك بالسلامة ياااااااااارب , آمين يارب آميييييين

 

ربنا يخليكِ يا ماما وتعيشي وتدعيلي , اسيبك انا بقى دلوقتي عشان اشوف العيال

 

روحي يا حبيبتي , ابقي كلميني تاني بالليل

 

ان شاء الله يا ماما

 

 

 

 

 

 

 

انا جيبت المرهم وجيت اهو يا نينة

 

ايوة تعالي , اااااااه يا رجلي رجلي ياااااااااااااني , اقعدي في الأرض كدة , وادعكيهوملي بشويش

 

حاضر يا نينة , وادي قعدة

 

ابقي اسلقيلي بيضتين قبل الغدا يا بهيرة عشان البيض مفيد ليا لوي

 

والله معلش يا نينة , البيض خلص والله , هبقى اخلي حسين يجيب

 

, انتي اللي فقرية وايدك ما فيهاش بررررررررركة , اصل انا بقى عكسك , الحاجة عندي فيها البركة على طول , احط ايدي على الحاجة تتملي خير , انما انتِ الحاجة عندك تقل ما تزيدشششششش , دانا كانوا بيقولوا علية ام ايد مبروكة

 

ماشاء الله يا نينة , ياريت كل الستات زيك , ماكانش حد غلب

 

ايوة اومال ايه , طب دا كان ابو حسين الله يرحمه يجيبلي بيضتين , يقولي اعمليهم ع الفطار , اقعد طول الليل اقول , طب اعمل ايه واسوي ايه , البيضتين دول مش هيكفوا , اقوم حاطة ايدي عليهم واسيبهم في التلاجة , اصحى الاقيهم عشر بيضات

 

يا سلام وسلم يا نينة !!!!!!!!!!! دانتي مبروكة بقى بصحييييح , البيض في تلاجتك بيولد بيض

 

اومال ايه , طب دا ابو حسين , كان غاوي صيد العصاري , كان ياخد السنارة ويروح يصطاد , كان زي ما يروح زي ما يرجع , ايد ورا وايد قدام , والدمعة مالية عنية , بالراحة على رجلي يللي تنقرصي انتتتتتتتِ

 

اااااااااااه , بلاش العنف ده يا نينة , وبعدين كملي الحدوتة

 

ولا قبلين يا مرات ابني , كان يفعد مهموم وزعلان وحاطط ايده على خده , والزاد مخاصم جوفه واقوله ما تزعلش يا ابو حسين , بكرة خدني معاك وانت بتصطاد وهيحصل المراد

 

مراد مين يا نينة

 

مراد ابن الست رتيبة اللي اتجوز اعتماد بنت الست زينات , وخلف منها اربع صبيان وست بنات , واتغرب عنها في بلاد الهند والسند وقعدت تبص عليه وتدور في البنورة المسحورة وما لقتلوش اثر

 

طب خليني في حدوتة الصياد والسنارة عشان عاجباني اوي يا نينة وبعدين احكيلي حكاية البنورة المسحورة

 

اكملك يا ستي ما انتي , اروح انا تاني يوم لابسة وواخدة اكبر شنطة خضار عندي واروح معاه

 

يقولي انتِ جايبة الشنطة دي ليه يا محروسة

 

اقوله هنحط فيها السمك يا ابو حسين

 

يقولي هو فين السمك بس يا محروسة

 

اقوله ارمي السنارة وانت تشوف يا ابو حسين , واخده ونروح وهو بوزه مكشر , اقوم اقعد جنبه وهو يرمي السنارة وشوية تتقل في ايده ويقول فرجك يارررررررررررب وهو يشد وانا اشددددددد , يشد وانا اشدددددددددددد

 

يا خبر ! دي باين عليها سمكة كبيرة اوي

 

لالالالالالا سمكة ايه يا بهيرة , احنا بنبص في السنارة لقينا عروسة البحور طلعلتلنا

 

 

يا سلااممممم !!!!!!!!!! يا سلام وسلم , عروسة البحور ! ودي عملتوا بيها ايه يا نينة

 

 

ولا حاجة , كانت ماسكة كبشة في ايدها وحطت ايدها في وسطها وقعدت تزعقلنا و قالتلنا انا كنت واقفة في المطبخ بعمل الأكل لعريس البحر وانتو جرحرتوني من قدام البوتجاز بالسنارة بتاعتكو دي , اعمل فيكو ايه دلوقتييييييييييييييي

 

قولنالها ما تزعليش , حقك علينا , احنا ما نقصدكيش انتِ , وابو حسين قالها بقالنا سنين وسنين مش عارفين نصطاد ولا بسريايا

 

راحت معيطة وقالت انتو صعبتوا علية , انا هديكو هدية

 

قولنالها هاتي الهدية يا عروسة البحور

 

راحت مدت ايدها تحت المية وطلعت شوال كبير وحدفته علينا

 

شوال كبير , وده كان في ايه يا نينة

 

كان فيه قشر بصل وقشر توم وقشر بتنجان

 

ايه يا نينة ! هي اديتلكو هدية ولا لمت زبالة المطبخ بتاعها وحدفتها في وشكو !!!!!!!!!!!!!

 

يا بت يا عبيطة , اسكتي انتي مش عارفة حاجة , احنا خدنا الشوال ده ولما روحنا البيت بنفتحه لقينا قشر التوم وقشر البصل والبتنجان اتحول لدهب وياقوت ومرجان

 

يا حلاااااااااااااوة هههههههه صحيح يا نينة ؟؟؟؟؟؟؟؟؟؟؟ وبعدين حصل ايه يا نينة

 

حصل اني صحيت على صوت ابو حسين بيقولي قومي اقلي البيضتين يا ولية خليني افطر واروح الشغل

 

يا خساااااااااااارة ! هو طلع حلم يا نينة !!!!!!!! دانا كنت لسة هقولك اديني عنوان البحر اللي هي ساكنة فيه عشان اخد حسين ونروحلها عشان تحدفلنا شوال زبالة وبعدين يتحول لدهب وياقوت , يقوم في الآخر يطلع حلم ! اهئ اهئ

 

اومال يعني يا هبلة انتِ بحق وحقيقي !!!!!!!!!! انا قولت لحسين من اول ما شوفتك ان عندك عرق عبط ما صدقنيششششششششش , قومي يختي قومي شوفي شغلك , انتي هتصاحبيني ولا اييييييييييييه

 

 

تررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررن

 

 

روحي شوفي مين الاول

 

حاضر يا نينة يا عروسة البحور

 

 

 

مييييييييين

 

اني اشجان يا بهيرة

 

اهلا اهلا شجونة حبيبتي , تعالي ادخلي

 

بتعملي ايه

 

بدا , كنت قاعدة مع نينة بتحكيلي حواديت الف ليلة وليلة , تعالي اسمعي

 

الله ! اني بنحب الحواديت يَامَا هههههههه

 

طب تعالي ادخلي

 

 

مين يا بهيررررررررررررررة

 

دي اشجان جارتي يا نينننننننننننننننة

 

ازيك يا حاجة هههههه

 

اهلا يا حبيبتي , اتفضلي

 

جيت اقعد معاكو شوية

 

ايوة ما احنا فاتحينها ملجأ , اهلا يا حبيبتي بيتك ومطرحك

 

ههههه تعيشي يا حاجة

 

 

لا وكمان ماما جاية كمان شوية هههههه

 

امك جاية !!!!!!!!! جاية تعمل اييييييييييه , تلاقيها جاية تتغدا , ما هو حسين فاتح تكية , حرام عليكو ارحموا الواد وشقااااااااااااه , مش كفاية انتي بتاكلي على حسااااااااااابه , كمان هتجبيلوه امك تااااااااااااااااااااكل

 

يا نينة في ايه يا نينة ! دي ماما فين وفين على ما بتيجي تزورني , طب دي حتى اشجان عمرها ما شافتها من قلة ما بتيجي عندي

 

قصدك انا اللي باجي كتير ولا اييييه ! لا يا حبيبتي , دا بيت ابني وابني هو اللي بيصرف , يبقى انا اجي عشان امه اولى بخيره منك ومن اهلك , سامعة ولا لاااااااااااااااأ دانا اجي واجي واجي واروح واجي تاني لحد ما اخيلك واعملك روشة في نفوووووووووووووووخك

 

هو انا قولت حاجة يا نينة دلوقتي ! انا برد على كلامك واتهامك لامي انا جاية تتغدا بعد الشر , واحب اقولك ان ماما اصلا مش جاية تتغدا ما تخافيش , دي جاية تزورني ع السريع وتشوفني وتشوف ياسمين وتمشي على طول

 

ايوة اذا كان كدة ماشي , انما بتستقطعي ابني وتجيبله اهلك عشان ياكلوا يبقى انا اللي هقفففففففففففففلك , ما حدش ياكل عند ابني الا اناااااااااااااااا , انا اللي تعبت وانا اللي سهرت وعلمت وربيت , يبقى انا بس اللي اكل من خيرررررررررره , هي كانت امك سهرت جنب ابني ولا خيطتله زرار بنطلون مقطوع ولا عملتله كمدات مية ساقعة وهو سخن زي انا ما عملت عشان تيجي تاكل ع الجاهززززززززز !!!!!!!!

 

لا اله الا الله , حد جاب سيرة اكل ولا شرب دلوقتي ! , تشربي ايه يا اشجااااااااااااااااااان

 

 

هههههههه بتزعقلي ليه يختي

 

بزعق من غلببببببببببببببي , تشربي اييييييييييييييييييييييييييييييييييه

 

هههههههه مش عايزة نشربوا حاجة

 

طب والله لانتوا شاربين يا اشجاااااااااااااااااان , ما يصحش تيجو عندي وما تشربوش حاجة يا اشجااااااااااان , دانتو زي اختي يا اشجاااااااااان , فاهمين ولا لأ يا اشجاااااااااااااااااان

 

ههههههه خلاص يا بهيرة , هنشربوا ومش هنزعلوكِ ههههههههههه

 

عن اذنك يا نينة رايحة المطبخ

 

روحي يختي وما تغطسيش جواااااااااا , اياك انادي عليكِ ما ترديششششششش

 

 

حاضر يا نينة يا مالية البيت علينا

 

اني جاية وراكِ يا بهيرة , عن اذنك يا حاجة

 

روحي يختي ونسيها , خبتين واتلموا على بعض , اتلم تنتون على تنتن

  • معجبة 3

شارك هذه المشاركه


رابط المشاركه
شارك

السلام عليكم ورحمة الله

 

ازيكو يا بنات

 

اسفة والله اتأخرت لظروف صحية

 

دعواتكم بالشفاء

 

ان شاء الله نكمل بكرة

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏‏ثبتت امرأةُ فرعونَ وهي في بيتِ أكبر طاغية! وانتكست امرأةُ نوحٍ وهي في بيتِ أكبر داعية! ضغط الواقع ليس عذرًا للتفلت من التكاليف الشرعية . ╰🌸🍃╮

×