اذهبي الى المحتوى

المشاركات التي تم ترشيحها

هكتب بسرعة من غير المقدمات اللي كنت كاتبها والنور قطع قبل ما تخرج للنور :(

 

اوسا شخصية طماعة وحقودة معندهاش رحمة وبالطبع مفيش دين حقيقي استفزتني جدااااا وللاسف في من شخصيتها كتير وطبعا شخصيتها تشبه شخصية مرات عم ريم حقيقي اللي زي دول ان شاء الله ربنا مش هيباركلهم لا في حياتهم ولا ولادهم

 

اوسا شاربة الغل والغيرة بتاع مامتها يعني اخت زوجها في ضيق مش مخليه زوجها يقف جنب اخته وطبعا زوجها متأسس من مامته اصلا على كرههم حسبنا الله ونعم الوكيل فيهم ناس لا تخاف الله

 

سامي شكله لا هيطول دية ولا دية وان كان ربنا سترها معاه المرة دية الله اعلم المرة الجاية هيحصل اية ومش عارفة ازاي بدور راضية على نفسها كدة

 

أحمد شكله هيكون في مشاكل كتيرة بينه وبين مامته واعتقد باباه هيكون في صف سعاد زي ما اتعودنا منه

 

حماة بهيرة ايوة من دية حماه :) مش عارفة اقول عليها اية اكتر من انها مفترية وتستاهل اللي حصل للجاتوه بتاعها ^___________^

 

بهيرة بجد مفيش كدة حقيقي مفيش واحدة بتستحمل كل دة من حماتها وحتى مش بتشتكي لزوجها مشفتش دة الصراحة بس ربنا هيباركلها في ولادها وهيحفظهم جزاء معروفها واحسانها مع الناس كلهم

 

 

مس ميرفت هي كمان في منها كتير في المدارس خصوصا الحكومية بيطلعوا العقد بتاعتهم على الاطفال

 

انا مع اني كنت في مرسة خاصة بس كان عندي مدرسة رياضة اعتقد مضحكتش في وشي الا لما خدت عندها درس

 

 

 

 

امممممممممم مين تاني

 

وليد مش عارفة هيسيب خطيبته ازاي بس هو لازم يسيبها اتصرفي باه

مامته عسوله ما شاء الله

 

عمته رخمة ومتكبرة

 

 

مش فاكرة في اية تاني بس لما بهيرة تعزم اشجان خليهم يعزومني معاهم :unsure:

  • معجبة 2

شارك هذه المشاركه


رابط المشاركه
شارك

ما شاء الله. مبدعة. بارك الله فيك

الاحداث تتسارع والشخصيات بتكتر والمسلسل يزداد تشويقا

طبعا كل شخصية في المسلسل لها مماثل في الحقيقة

يعني سلوى متلها كتير ولكن في منهم يفيق بعد فوات القطار ومنهم من لا يفيق ويبقى على كبره .

بهيرة شخصيتها حلوة ومتفائلة وصاحبة خلق ودين صداقتها مع اشجان رائعه ولكن لا تعجبني سلبيتها مع حماتها وللاسف في متلها كتير تؤثر السلامة مع حماتها فتقع في الاستعباد والظلم .لازم تحطي حد يا بهيرة .مايصحش تكون شخصيتك حلوة وانت محلية المسلسل وتكوني سلبية زي كدة

اوسا ..آه ..كما تدين تدان ..

فين ريم و وليد

وامير ولينة .وخالد و امه وهيام .

ننتظر احداثا اكثر إثارة

وفقك الله اختي هبة فانت تشبعين(التاء بالضم)الحدث حتى كأننا نراه ونعيشه

شارك هذه المشاركه


رابط المشاركه
شارك

صحيح .

الحلقة كلها حلويات ومسكرة وزي العسل النهاردة .

 

اختي ام العبادلة لا تخافي لن نكرهك .انا معجبة باسلوبك وتعليقاتك . وحقيقة كل ما ارى اسمك اتوقع كلاما ذو حكمة .ربما لم نلتقي من قبل ولكن اشعر بانني امام امرأة عاقلة ذات حكمة جاوزت الاربعين .تحياتي (مش تزعلي اذا كنت اصغر انا اقول حكمتك جاوزت الاربعين وليس انت ههههه)

  • معجبة 2

شارك هذه المشاركه


رابط المشاركه
شارك

@ام افنان المغير

- ابتسامات مصدومة -

صدمتيني بالاربعين وبعدين تداركتِ بعد صدمتي

 

بوركتي أختي على حسن ظنك بي

وأسأله سبحانه أن يغفر لي ما لا تعلمين عني

تم تعديل بواسطة ~ أم العبادلة ~
  • معجبة 1

شارك هذه المشاركه


رابط المشاركه
شارك

حلقات جميله وسرد رائع للاحداث تسلمى ياهوبة

ليه بس كده ياهبة ...كام نفسى أوسا تشوف سامى علشان تتصدم فيه وتفوق لنفسها شوية

فعلا انسانة أنانية وجشعة وعديمة الرحمة تحرض سامى على مقاطعة اخواته حتى لا يطالبوه بحقوقهم.

ربنا يستر على أحمد شكله هيدخل فى صراع مع اهله بسبب هيام.

ياعينى عليك يابهيرة صعبتى عليا والله ربنا يجازيها كل خير وربنا يهدى حماتها ...تستاهل هجوم النمل على حلوياتها.

ظهور أدهم فى الحلقات بيخوفنى الصراحة.....ربنا يستر

معلش ياهبة كنت بره البيت امبارح ولم ارجع الا متأخر و قرأت الحلقات من الموبايل ولم استطع الرد.

شارك هذه المشاركه


رابط المشاركه
شارك

زى ماقلت انه مش هيتفح فى دى بس شكله ممكن يتفضح بكره سامى

 

بس معجبنيش فى كلامه عن بعد الزواج عامل نفسه الرجاله تقول حاضر لكن الحريم مش عايزه تسشتغل يا سلام

 

لسه مكملتش قراءة

شارك هذه المشاركه


رابط المشاركه
شارك

زى ماقلت انه مش هيتفح فى دى بس شكله ممكن يتفضح بكره سامى

 

بس معجبنيش فى كلامه عن بعد الزواج عامل نفسه الرجاله تقول حاضر لكن الحريم مش عايزه تسشتغل يا سلام

 

لسه مكملتش قراءة

شارك هذه المشاركه


رابط المشاركه
شارك

من باب الفضول ليس اكثر

هى البنت اللى حكيتى عنها لبنوته

اللى كانت بترفض العرسان

مصيرها ايه دلوفت

 

:-) :-) :-) :-) :-)

شارك هذه المشاركه


رابط المشاركه
شارك

انا دمي فاار واتنرفزت بسبب حماة الغبرة دي والله ايه ده هي دي حماة ولا ماما الغولا ياربي على بهيرة المسكينة مش كده لازم يكون عندها شخصية والا حتبقى طول عمرها كده

‏ واوسا دي ما بحبهاش واللي تعملو في اخواته سيرجع لها هي فكما تدين تدان

اما الولا اللي ما يتسماش ده اتمنى يموت ونخلص منو ههههههه شرييييير وكلامه ينقط سم جته القرف

‏ الحلقات اليوم عصبتني يابت بكرى تجيبي حاجة حلوة وتفتح النفس ههههههههه

شارك هذه المشاركه


رابط المشاركه
شارك

:( ليه سعاد دايما أنانيه وبتدي لأدهم حقه أو غير حقه وعشان أحمد طيب بتيجي عليه

إشمعنا أدهم لازم يتجوز اللي هو عاوزها يا ترى أحمد هيعمل ايه المرادي

وحامد هيرفض أدهم إزاي

 

بهيره صعبانه عليا قوي حماتها دي إستغلاليا مش كفايه اللي حصلها أنا مش غبيه بس هي مستفزه

 

أوسا دي عامله نفسها ناصحه بس سامي هيطلعه على عنيها

بس يا ترى لو أوسا عرفت سعاد هتعمل ايه مع توحه

  • معجبة 1

شارك هذه المشاركه


رابط المشاركه
شارك

اتعجب اكثر ما اتعجب من الزوجات امثال اوسا ، تريد حقها مضاعفا من اهلها وتطالب ابوها بما تعتبره حقها في ماله وهو لا يزال على قيد الحياة، وفي المقابل تحرض زوجها على اخواته، ليس بحرمانهن من حقهن في الميراث بل وصلت الامور الى حد القطيعة ، والاكثر عجبا ذلك الزوج الذي عمى الطمع قلبه فنراه لا يعارض او يناقش ما تقوله زوجته رغم عدم محبته لها تزوجها طمعا في مال ابيها اما اخواته فليس لهن الحق في مال والدهن . وهذا الامر اجده حولي كثيرا ليس على مستوى الميراث بل امور اقل من ذلك ، فنجد المرأة تتباهى بهدايا اخوتها واهلها ووصلهم لها ... ولمن ؟! لحماتها وابنة حماتها ويكون زوجها مقصرا في حق اهله واخواته، فكيف ترضى هذه الزوجة ان يكون اخيها افضل من زوجها؟! او زوجة اخيها افضل منها؟! ام انها تعتبر نفسها افضل من ابنة حماها؟!!

حقا البعد عن الله، وعدم وضع مخافة الله امام اعيننا هي التي توصلنا الى هذه الحال ، الله المستعان.

  • معجبة 2

شارك هذه المشاركه


رابط المشاركه
شارك

المسلسل بقى فيه احداااااااث كتير وسخن خالص يا هوبه تسلم ايدك

 

وكنت عاوزه تبعتيلى صورة لرحمة علشان نفسى اشوفة البنوتة الامورة الملونة دى عسوووولة اوى بس لما تزودها مع ياسر مش بحبها ههههههه

 

وبعدين ايه اخبار لينا وزوجها اخو ضحى نسيت اسمة هما ده كله لسه ما وصلوش؟؟؟؟؟

 

وبعدين اوسا دى ها تشوف الى ما يعلم بيه غير ربنا على طمعها واستبدادها ده

وبدور علشان بتحب جوزها بتتحمل انها تخدم اوووسا زوجة مخلصة الصراحة مع انى ما اعرفشى اذا كان الزواج شرعى ولا لا

 

وعاوزين نفرح باحمد بقى ................

شارك هذه المشاركه


رابط المشاركه
شارك

قرآني حياتي : بدور تتحمل اوسا وتقوم على خدمتها ليس محبة بزوجها سامي على ما اعتقد ، بل محبة لمال اوسا الذي على ما يبدو يخططان للوصول اليه

شارك هذه المشاركه


رابط المشاركه
شارك

انت برضو هتروح لجوز بنتك يا مرشدددددددددي ؟؟؟؟؟؟؟؟

 

ايوة طبعا يا توحااااااا , اومال يعني نسيبو البت غضبانة عند امهاااااا ! لازم نروحوا ونعرفوا الولا مد ايده عليها ليييييييه

 

هيكون ليه يعني ! بت قليلة الادب زي امهاااااااا

 

نقطينا بسكاتك يا توحاااااا , اوعي خليني نتصلوا بالولا سامي عشان نشوفوه اتأخر لييييه

 

اتصل ياخويا , اهو التليفون متلئح عندكككككككك , اما نشوفوا اخرتها مع كُوكب وبنات كوككككككب

 

 

 

 

 

ترررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررررررررن

 

 

 

ردي ع التليفون يا بت يا بدووووووور

 

عنيا يا ست اوسااااااااا, الو

 

 

ايوة يا بت يا بدور , اني مرشدي , اديني سامي

 

اهلا يا عم الحاج ههههه عنيا حاضر , سي ساااااااااااامي يا سي ساااااااااااامي

 

عايزة ايه يا بتتتتتتتتتتتتت

 

ابوك ع التليفوووووووووون

 

 

ابويا ع التليفون يا اوسااااااا , هنقولوله اييييييييه

 

 

لا تقول ولا تعيد يا سامي , اني هنروحوا نردوا عليه ونقولوله انك تعبان

 

 

 

 

 

 

الو , ازيك يا عمي

 

اهلا يا اوسا , اومال فين جوزك

 

اسكت يا عمي مرشدي , ضرسه واجعه ومنيموش طول الليييييييييييل , ويادوب خد مسكن والالم هدي شوية , قولتله ادخل نام بقى يا سامي عشان انت تعبان

 

تعبان !!!!!!! قصدك تِعباااااااان , ماشي يا اوساااااا , قولي لجوزك متشكرين وربنا ما يحوجني له ابدا لحد ما امووووووووت

 

آمين يا عمي هههههه , سلم على خالتي توحاااااااا

 

 

 

 

 

 

ايه يا اوسا , ابويا صدق اني عيان ونايم ؟

 

ياخويا يصدق ولا ما يصدقشششششش , المهم انك عملت بنصيحة مراتك اللي بتحبك يا ولا ههههه

 

هههههه اني اللي بنموتوا فيكِ يا بت وربناااااااااا

 

ههههه تعيش يا ولا

 

 

 

 

 

 

شوفتي ابنك يا توحااااااااااااااا , شوفتي الولا اللي طَلَعت بيه من الدنيا وبنقولوا انه سندي وضهررررررررري

 

حصل ايه يا مرشدي ؟ قلبت على سامي لييييييييه

 

خلفة نداااااااااامة , خليه ماشي ورا شورة الحريم اما نشوف هيكسب اييييييييييه , اني نازل رايح اشوف حل مع جوز بنتي

 

ان شالله ما تلقى حل ولا ربط , ربنا يهدي جوزها ويبصره ويرمي اليمين عليها ويستريح عشان تروح تقعد جنب امهااااااااا

 

 

يا شيخة ارحمينا من لساااااااااااانك , ربنا يخلف ظنك ان شاء الله

 

 

 

 

 

 

 

 

 

 

 

 

هاني يا هااااااااااني

 

نعم يارشا

 

المأمور بتاع القسم , جلال بيه عوني , عايز يدخلك

 

جلال بيه ! خليه يتفضل يا رشا

 

اتفضل يا فندم

 

شكرا يا مدام , اتفضلي الورد ده

 

متشكرة يا فندم

 

هههههه البطل بتاعنا , حمدالله ع السلامة يا هااااااااني

 

ههههه الله يسلمك يا فندم , اتفضل اقعد

 

شكرا يا سيدي , عامل ايه واخبار الجرح ايه دلوقتي

 

الحمدلله , افضل كتير

 

شد حيلك كدة عشان لسة القضية ما خلصتش , احنا يادوب قبضنا على المنزلاوي , اخرج بقى بالسلامة عشان تجيبلنا المغازي كمان

 

هههه ان شاء الله , ربنا يعلم اني حتى في عز تعبي وألمي بفكر برضو في المغازي وازاي نوصله بالأدلة الدامغة , ليا اتفاق مع سكرتيرته زي ما حضرتك عارف , ان شاء الله مجرد ما اخرج هكمل اللي ابتديته

 

اهم حاجة صحتك يا هاني , على العموم المغازي حاليا برا مصر , ان شاء الله على ما يجي تكون اتحسنت وخرجت من المستشفى وتقدر تواصل عملك كظابط من اكفأ رجالتي

 

هههه دي شهادة اعتز بيها يا جلال بيه

 

تن تن تن هاني

 

اتفضلي يا امي

 

مممم اسفة , ما كنتش اعرف ان عندك ضيف

 

هههه ده جلال بيه عوني , مأمور القسم , والدتي يا جلال بيه

 

اهلا اهلا يا هانم , ليا عظيم الشرف اني اشوفك , عايز احييكِ على تربيتك لهاني على الأخلاق العالية دي , حقيقي من أأدب ظباط الشرطة وأرفعهم اخلاقا , بشهادة الجميع والله

 

اشكرك يا فندم , والله انا شايفة ان اسلوب هاني ده الاسلوب الأمثل لظابط الشرطة , لازم كل ظابط يعرف ان مهمته هي حماية الناس مش ارهابهم , بياخد فلوس عشان يحمي المجتمع , مش بياخد فلوس عشان يحمي نفسه واسرته ويحيط نفسه بهالة مقدسة ويتعالى على الجميع , سياسة السادة والعبيد اللي غالبية رجال الشرطة بينتهجوها دي سياسة فاشلة ومرفوضة وبعيدة كل البعد عن الدين وبتخلي الخارجين عن القانون بيزيدوا في اجرامهم وعنادهم للمجتمع , والميول السادية وتعذيب الناس في الاقسام والمعتقلات بتنم على أمراض نفسية مصاب بيها اغلبهم , للأسف كتير من الظباط عايزين إعادة تأهيل

 

هههههه عندك حق يا هانم والله , بس للأسف ده معتقد جواهم , انهم اعلى من الجميع وان لهم السيادة على المجتمع

 

الله يهديهم يارب , استأذن حضرتك واسيبك مع هاني

 

لا , انا كنت ماشي , سلامتك يا هاني , نشوفك قريب على خير إن شاء الله , وتواصل حربك على الفساد

 

ان شاء الله يا فندم , متشكر على الزيارة يا جلال بيه

شارك هذه المشاركه


رابط المشاركه
شارك

اوسا دى همها الفلوس وخلاص

 

بصراحه انا لو مكان بهيره ممكن اعمل حاجه واحده بس ولو تعبت هامشى من غير متقولى حتى لو زعلت تتفلق هى حره

الواحد ميجيش على نفسه ويضيع نفسه عشان ... وكمان مش مقدره اللى بهيره بتعمله

شارك هذه المشاركه


رابط المشاركه
شارك

دالياااااااااا ديدي حبيبتي انتي فيييييييييين ؟

 

اني هنا يا ماميييييي , كنت بناخد شاور , لحظة واحدة , هنلفوا شعري بالفوطة ونخرج

 

 

 

هاي مامي هههههههه

 

ايه يا حبيبتي , من ساعة ما سعاد هانم كانت هنا واني مش عارفة نتلموا عليكِ عشان نسألوكِ , انتي يا إما في الكلية يإما مع صحباتك بتلفوا تعملوا شوبينج ياإما في الناااااااادي

 

ههههه واديني موجودة اهو في البيت , خير يا مامي يا قمر , كنتِ عايزة تسأليني على ايه

 

اصل حسيت من كلام مدام سعاد عنك , انها عايزة تخطبك لابنها , ايه رأيك ؟

 

هههههههههه رأيي في ايه يا مامي ! ابنها ايه وتخطبني ليه ده ايه ! هو اني نعرفوا ابنها ده ولا شوفته ! وبعدين اني نسمع من بابي ان عمو عادل سليم عنده ولدين , هي تقصد مين فيهم ؟

 

اكيد الكبير

 

ههههه وليه اكيد ! هما كمان الشبان زي البنات عندهم عادة ان الولد الكبير يتجوز الاول يا مامي ! هههههههه

 

يا حبيبتي مش قصدي كدة , بس اللي نسمعوه من باباكِ ان الكبير هو دراع باباه اليمين في الشغل وفي كل حاجة ومعتمد عليه اعتماد كلي , اكيد هو ده اللي بيدوروله على عروسة , وخصوصا اذا كانت العروسة ديدي بنتي القمر دي هههههه

 

ممممم ايوة يا مامي بس اني ما نعرفوش

 

يا حبيبتي في حاجة اسمها خطوبة , ودي اتعملت مخصوص للتعارف

 

مممممم هو شكله حلو ؟

 

ههههههههههههههه يا ربي ع البنات ودلع البنات , والله يا حبيبتي انا عن نفسي ما شوفتوش , بس باباكِ بيقول انه ملتحي

 

اييييييييييييييييييييييه ! ايه يا مامي اللي بتقوليه دددددددددده , مرفوض طبعا مرفوووووووووووووض عن اذنك اني هنعموا شعري بالسيشوار و هنلبسوا ونخرج مع صاحباااااتي

 

استني بس يا حبيبتي , اسمعيني

 

نعم يا مامي , في ايه تاني

 

الولد باباكِ بيشكر فيه وفي اخلاقه , وبصراحة بيقول انه احسن الف مرة من اخوه التاني , رغم ان التاني مدردح ومقطع السمكة وديلها , بس اني وباباكِ يهمنا الاخلاق طبعا , احنا مش هنرميكِ لاي حد

 

يا ماااااامي افهميني يا مامييييييييييييييي , ملتحي يعني متشددددددد , يعني عنده الممنوع اكتر من المسموح , ده اذا كان عنده حاجة مسموحة اصلااااااااا , اني ايه يجبرني على الجواز من واحد زي ده , معقددددددددددددد

 

يا حبيبتي اذا كنتي معترضة على لحيته , فدي مش مشكلة , تقدري تقنعيه يحلقها

 

وليه ما تقوليش اني لو اتجوزته هو اللي هيفرض عليا الحجاااااااب

 

وماله الحجاب بسسسسسسس , انا في شبابي كنت زيك كدة , نلبس ونخرج ونتنطط , بس بعد ما اتجوزت لبست الحجاب

 

هههههههههه هو ده حجاب برضو يا مامي ! حضرتك بتلبسي بناطيل وجيبات ضيقة وتايرات مكسّمة وعليها ايشارب صغنون ومطلعة من تحتيه الأوصة هههههههههههههه يبقى فين الحجاب بقىىىىىىىى !

 

اهو احسن من غيري برضو , مش احسن ما امشي من غير حجاب خاااااالص

 

ههههههه لا يا مامي , بالعكس بقى , الغير محجبة موقفها من الحجاب واضح وهو الرفض , لكن حضرتك كدة مش محددة موقفك ههههههههههههههههه انتِ في النص يا مامي , لا بتنتمي للمحجبات ولا لغير المحجبات ههههههه

 

طب سيبك من الحجاب دلوقتي وكلميني زي ما بنكلموكِ , الولد ده فرصة ومش عايزين نضيعه , شاب ناجح وغني ومن عيلة كبيرة وهيعيشك في نفس المستوى اللي انتِ عايشاه يا حبيبتي

 

ممممممم طب وهشام ابن عمي يا مامي ؟ مش هو طلبني من بابي وانتو قولتو لما داليا تخلص دراستها !

 

يا حبيبتي هشام ايه بسسسسسسس , هشام عايز يتجوزك عشان طمعان في ثروة ابووووووووووكِ كل عيلة ابوكِ طمعانين فينا , وعشان كدة كذا واحد من ولاد عمك اتقدملك , لكن احمد ده عينه مليانة وفلوسه كتير , هو اللي هيديكِ ومش هياخد منك

 

ايوة يا مامي بس اللحيييييييية

 

ايّوووووووووووووه , قولنا هنخلوه يحلقها يا داليااااااااا

 

اذا كان كدة ماشي , بس نشوفوه الاول

 

 

تعرفي ان له صورة عندنا ؟

 

معقوووووووووول , فين دي , وريهالي حالا

 

ههههههه بس كان صغير , عنده حوالي عشر سنين , كان جه مع باباه ومامته حفلة عندنا زمان

 

نعم يا ست مامي ! عشر سنين !!!!!!!!! دا اكيد شكله اتغير جدااااااااااا

 

اهو هوريكِ الصورة تاخدي فكرة وخلاص , وبعدين ما تقلقيش مدام سعاد ولادها كلهم حلوين هههههههه

 

بس اني عايزة نروحوا عندهم يا مامي , عايزة نشوف احمد ده

 

 

يعني هنروحوا من غير مناسبة يا داليا ! اقولك انا جاتني فكرة , اوسا اخته كلها شهرين تقريبا وتولد واكيد طبعا هتقعد عند مامتها , انا بقى هناخدوكِ ونروحوا , اهو نباركوا و كمان ما يبقاش شكلنا وحش لو روحنا من غير مناسبة , ولا ايه رأيك ؟

 

ممممممم اوكيه يا مامي , اني موافقة , ممكن نلبسوا وننزل بقى عشان صاحباتي مستنيني

 

ههههههه البسي يا حبيبتي واخرجي واتهني عشان بعد الجواز جوزك هيحدد اقامتك

 

ايه ! هههههههه قصدك انا اللي هناخدوه ونخرجوا ونلفوا العالم كماااااااااااااااان , بس بعد ما يحلق لحيته هههههههههههههه

 

 

 

 

 

 

 

 

 

 

 

 

 

 

 

 

 

تررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررن

 

مين ع البااااااااااااااب

 

افتحي يا خالتي شوقية اني احمد

 

سي احممممممممممممممممممممد هههههههه حبيبي ازيك يا سي احمد

 

ههههه ازيك انتِ يا خالتي شوقية , وحشاني والله

 

ان شالله ما تشوف وحش ولا رضي اتفضل ادخخخخخخخخخخخل

 

 

مين يا بت يا شوقيييييييييييييية

 

سي احمد يا ست سعاااااااااااااااد

 

اني نازلة حالاااااااااااا

 

 

 

سي احمد , قبل امك ما تنزل كنت عايزة نقولولك بسرعة انها جايبالك عروسة ومصممة تجوزهاااااااااالك

 

هههههه عروسة ليا اني ! وكمان مصممة تجوزهالي ! هو اني بنت يا خالتي شوقية عشان نتجوزوا غصب عني !!!!!!!!! اني مش هنتجوز غير اللي اخترتها

 

اوعى تقول لامك اني قولتلك حاجة لتقطع رقبتي

 

لالالالا ما تخافيش , لو فتحت معايا سيرة العروسة هنقولولها مش عايز وخلاص , الموضوع بسيط يعني

 

طب ما تقولها يا سي احمد على العروسة اللي في بالك ؟

 

مش وقته يا خالتي شوقية , كله بأوانه

 

اهي امك نازلة اهيه

 

 

 

ازيك يا احمد

 

ازيك يا امي , ايدك ابوسها اموووه

 

بت يا شوقيييييييييية روحي اعمليلي شيّ وشوفي احمد يشرب ايه

 

حااااااااضر , تشرب ايه يا سي احمد

 

ولا حاجة , اني كنت بس جاي نطمنوا على امي ونشوفوها اذا كانت عايزة حاجة

 

جرا ايه يا احممممممممممد ! هو انت كل ما تيجي تنكد علياااااااا , لا بتاكل ولا بتشرب عندنااااااااا , ايييييييييييييه ! جاي عند يهووووووووود

 

ههه طب خلاص , ما تزعليش يا امي , اعمليلي شيّ زي امي يا خالتي شوقية

 

 

ههههههه من عنيا يا غااااااااااااالي

 

 

 

 

 

 

 

 

اشرب الشيّ يا احمد , عامل ايه واخبار الشغل ايه

 

الحمدلله تمام

 

واخبار المذاكرة

 

تمام يا امي , الحمدلله , الامتحانات قربت , ادعيلي

 

ربنا معاك , بت يا شوقيييييييييييييييية , ما حطتطيش نعناع في الشيّ لييييييييييييييه

 

معلش يا ست سعااااااااااد , نسيت والله

 

طيب يا امي , انا هقوم بقى

 

الله ! ما تقعد تكمل الشي يا ولا

 

معلش , صلاة العشا قربت , يادوب الحق الصلاة , السلام عليكم

 

وعليكم السلام , تعالي يا شوقية شيلي الصنيييييييية

 

ايه ده , هو سي احمد مَشَى ؟؟؟؟؟؟؟

 

الولا بيقعد كأنه قاعد على جمرة ناااااااااااار , زي ما يكون مش طايق يقعد معايا ,وبيجي بس يعمل الواجب اللي عليه

 

معلش يا ست سعاد , اصله مش واخد عليكِ

 

نعم يختتتتتتتتتتي ! داني امه امممممممممممممه , يعني ايه مش واخد عليا

 

ممممممم ماتزعليش مني يا ست سعاد , انتِ عمرك ما خدتيه في حضنك ولا طبطبتي عليه ولا ضحكتي في وشه , طول عمر ادهم عندك فرخة بكشك , واحمد بتعامليه زي ما يكون ابن ضرتك اللي كارهاه ومش طايقاه

 

يا بت يا شوقية دا كان زمااااااااااااان

 

ولحد دلوقتي يا ست سعاد , انتِ برضو بتقعدي معاه وانتِ مكشرة , ويادوب تتكلمي من تحت الضرس , رغم اني عارفة ان قلبك اتغير من ناحيته , بس انتي مش عايزة تبيني ده , مش عارفة ليه بصراحة

 

وانت مالك انتِ يا بتتتتتتتتتتت , هو انتِ قاضي في محكمة وهتحاكميني ولا ايييييييييييييه ! اني طالعة اوضتي , ودي الصينية المطبخ وتعالى دلكيلي ضهرررررررررري

 

طالعة وراكِ على طول يا ست سعاااااااااااااد

 

 

 

 

 

 

 

 

 

 

 

 

 

 

 

 

 

 

 

 

 

ازيك يا خالد , بقالي ربع ساعة مستنيك بالعربية

 

هههه معلش يا احمد , كان عندي شغل والله , عامل ايه يا صاحبي ؟

 

الحمدلله

 

مالك مهموم كدة ؟

 

كنت عند امي بنزوروها

 

ههههه وده اللي مخليك مهموم

 

قبل ما نروحوا كل مرة نزوروها بنبقى متخيل حاجة واحدة في دماغي , بنتخيل اني نرنوا الجرس وامي تقول مين , نقولولها اني احمد يا امي , تقوم فاتحة الباب وتقول ابنييييييييي وتاخدني في حضنهاااااااااااااا تخليني انسى همومي طول ماني في حضنهاااااااااا تاخدني من برد العالم كله وتخليني في دفئ احضانها , لكن .......... لكن للأسف , بلاقي مقابلة فاترة جدااااااااا , يا دوب تقولي ازيك , حتى من غير ابتسامة , مجرد ما بنشوفوها , بحس ان حاجة جوايا اتكسرت وبنحبسوا دموعي واني عايز نقعدوا على البحر ونبكي ونشتكي همي

 

يااااااااااااااااااه , كل الحزن ده بيبقى جواك كل ما تقابل والدتك يا احمد ؟

 

الحزن عمره ما فارقني يا خالد , طول عمري حزين على حنان امي اللي عمره ما دوقته من واني طفل صغير

 

ايوة يا احمد , بس انت كَبَرت وبقيت راجل ومش محتاج حنانها

 

مش محتاج حنانها ! مين قال ان مهما الانسان كبر مش محتاج حنان امه وحضنها ! انت يا خالد تقدر تستغنى عن حنان امك ؟؟؟؟؟؟؟؟؟؟؟؟؟؟؟

 

........................................................

 

اديك سكتت , لانك عارف كويس انك عايش على حنانها , لهفة الام على ابنها اللي بتبان في عنيها دي غالية اوي يا خالد , وما يحسهاش غير اللي اتحرم من حنان امه زيي , الحمدلله على كل حال , خالد اني مخنوق , مش عايز نروح البيت

 

عايز تروح فين يا احمد

 

عايز نتمشى ع البحر لوحدي , معلش يا خالد , حقيقي محتاج نكون لوحدي

 

على راحتك يا احمد , اني حاسس بيك والله , هنسيبوك ونشوفوك بكرة يا صاحبي , السلام عليكم

 

وعليكم السلام يا خالد

شارك هذه المشاركه


رابط المشاركه
شارك

اوسا هتعمله مشاكل مع ابوه واخواته

 

وتوحا دى اعوذ بالله منها

المفروض تتمنى الخير للناس تحب الخير للناس زى ماتحبه لنفسها

شارك هذه المشاركه


رابط المشاركه
شارك

يلا الشيّ يا هيااااااااااام

 

حاضر يا خالد

 

وسيبت احمد يا خالد يا ابني لوحده وهو متضايق ومتكدر كدة ! توووء

 

يا امي هو قالي انه محتاج يبقى لوحده , ما حبيتش نتقل عليه ونقولوله مش هنسيبوك

 

 

اتفضلوا الشيّ , والله ما اني عارفة ام احمد دي جنسها ايه بالظبط ! ازاي يهون عليها ابنهاااااااا , ازاي تقسى عليه كدة , هي ما بتراجعش نفسها ابدااااااا ! ما فيش مرة تقول ايه اللي اني بنعملوه في ابني ده وعشان ايه !!!!!

 

 

هيااااااااااااام , انتِ ايه حشرك في الكلاااااااااام , اني بنتكلموا مع اخوكِ في موضوع ما يخصكيشششششششش

 

ما يخصنيش ! ممممم اصل يا ماما بيصعب عليا والله اللي بيحصل لاحمد من امه ده

 

طيب .روحي تبلي الفرخة اللي هنعملوها بكرة ع الغدا يا بنتي الله يكرمك

 

حاضر يا ماما , اني هنتبلو الفرخة ونكويلك الهدوم اللي نازل بيها بكرة يا خالد ان شاء الله

 

ربنا يخليكِ يا هيومة وما يحرمنيش منك ابدا يارب يا حبيبتي

 

ههه ولا منك يا خويا يا حبيبي , عن اذنكو بقى نشوفوا اللي ورايا

 

 

 

اتفضلي , ايه يا امي , مالك طلَعتي في هيام كدة ! هيام ما قالتش حاجة غلط

 

يا ابني اني مش عايزة هيام تتعلق بحكاية جوازها من احمد , اديك شايف امه وطبعها اللي مش عايز يتعدل معاه لحد دلوقتي , اني حاسة انها هي اللي هتقف في طريقهم يا حبيبي

 

يا امي , احمد راجل وقد قراره , وهو شاري هيام

 

حتى لو كان شاريها برضو ما نعرفش هتكون من نصيبه ولا لأ , ياريت ما تتكلمش عن احمد قدامها مرة تانية , اني صحيح بنحب نطمنوا عليه منك , لكن الكلام ما يبقاش قدامها الله يخليك يا ابني

 

حاضر يا امي , على العموم هانت وكل واحد هيعرف راسه من رجليه

 

ربنا يقدم ما فيه الخير يا ابني

 

 

 

 

 

 

 

مممممم هوبرطمان الفلفل الاسمر راح فين ؟ اهوووووو , قدام عيني ومش شايفاه , يا عيني عليك يا احمد , طول عمرك محروم من الحنية سواء من امك ولا اخواتك , حتى ابوك ما يهموش الا مصلحته , اني مش ناسية لما خلاه يتنازل عن كلية الطب عشان يشغله معاه وفي الآخر ماحدش حاسس بيه ولا حد بيسمعه كلمة حلوة , يامَا نفسي يكون من نصيبي عشان نعوضوه عن كل الهم اللي شافه ده , لكن المكتوب مكتوب , والله اعلم ايه مكتوب عند علام الغيوب

 

 

 

 

 

 

 

 

 

 

 

 

 

 

 

ولا يا حمووووووووو بتعمل ايه برا المححححححححل

 

اني كنت بنرشوا مية بالخرطوم عشان الجو حررررررررر قولت نرطب الجو بشوية مية

 

 

طيب حطلي الكرسي قدام المحل برا , واجري هاتلي الشيشة من القهوووووووووووة

 

 

 

من عنيا يا استاذ ساااااااااااااامي

 

 

وادي قعدة ,يا قوة الله على الحريم الاشكال والالوان اللي ماشين في الشااااااااااارع , ايه الحلاوة دي !!!!!! ههههههههه نسوان تشرح القلب الحزييييييييين , الله ! اني بنشبه ع البت اللي بتشتري قماش من المحل اللي قصادنا دي

 

 

اتفضل الشيشية يا استاذ ساااااااااااامي

 

هات يا ولا , قولي يا ولا يا حمو , مش البت اللي هناك دي هي الزبونة اللي اوسا مراتي اتخانقت معاها وطفشتها من المحل ؟

 

التخينة اللي ماسكة عصاية و اتنين مسندينها عشان يطلعوها الرصيف دي ؟

 

يخرب بيت الحول يا شيييييييخ , اني بنقولك بت صغيرة , شابة يعني , وانت باصص على واحدة عندها يجي سبعين سنة ومش شايفة تحت رجليهاااااااااااا ما تبص عدل يا اعمى القلب والنظر انتتتتتتتتتت

 

اصل اني بنتكَسَف نبصوا ع الصبايا هههههههههه اومال انت تقصد مين يا استاذ سامي

 

يا ولا الشابة الحلوة الغندورة ام عباية سودة ومسيبة شعرها وعاملة اوصة ولابسة توكة طوق زرقة وبتمضع مستيكة دي , مش دي يا ولا هي اللي جت عندنا وخرجت بخناقة مع اوساااااااااااا؟

 

ايوة ايوة , هي , اصل ما عرفتهاش , اكمنها المرة اللي فاتت ما كانتش بتمضع مستيكة, وكانت عاملة شعرها ديل حمار

 

 

اسمها ديل حصان يا اهططططططططططل

 

 

, بس دي بتشتري من المحل اللي قصادنااااااااا , قصدها يعني تغيظنا يا استاذ ساااااااااامي

 

 

طيب روح انت , اني هننادي عليها , اهي خارجة من المحل اهيه , انت يا غزززززززززززال , يا جمييييييييييييل , ما ترد علينا يا حلووووووووو

 

 

ممممممم مين بينادي

 

ههههههه خدام تراب رجليك يا جميل , القمر مخاصمنا ليه وما بيجيش عندنا ؟

 

والله ! يعني انت مش عارررررررررررف ! اني اتبهدل البهدلة دي من مرااااااااااتك , لييييييييييييه ؟ عشان ايييييييييييه بأمارة ايييييييييييييه ! داني جاية ننفّعكو بقرشين , تقوموا تبهدلوووووووووووني ! اني حلفت ما نعتب محلكو ولا نيجي يمّتكو تااااااااااااااااااني

 

ههههه كدة برضو يا جميل , طب والله اني ما يرضيني زعلك , دانا بهدلت مراتي وغضّبتها عند امها عشان خاطر زعلتك , معلش , اصلها حامل وخلقها ضيق

 

هههههههه حاااااااااامل ! هيهيهي اللي جابلك يخليلك ياخويا

 

هههههههه عقبال عندك يا جميل , هترضي عننا بقى وتيجي تشتري قماش ؟

 

اني خلاص , خدت طلبي من المحل اللي قصادكو

 

ممممم وريني القماش اللي اشتريتيه من عندهم كدة

 

اهو , شوف

 

ايه ده ! شوف الغشششششش , مدينك قماش شايط وبايظظظظظظظظظ , اعوذ بالله , خلاص مافيش ضميررررررررررر

 

يا لهوي , القماش وحش يا استاذ سامي ؟

 

دانتي لو فصلتيه وعملتيه فستان مش هيستحمل لبستين وتلاقيه اتقطع وداب وبقى زي هدوم الشحاتييييييييين

 

يا لهوي ع الغش بتاع الخلققققققققق , اني هنروحوا نبهدلوهممممممممممم

 

 

لالالالالالالالا , انتي تروحي ترجعيه من غير ولا كلمة وتيجي تاخدي طلبك من عندي يا قمر , ليكِ عليا اعملك خصم عشرة في المية عن التمن اللي اشتريتي بيه من عندهم

 

هههههههههههههه هوا يا استاذ سامي , هنروحوا نرموا القماش في وشهم ونيجوا ناخدوه من عندك

 

ههههههههه وانا مستني يا جميل , ربنا ما يجعلنا قطاعين ارزااااااااااااق

 

 

 

 

 

انت يا جدع انت , اني عايزة نرجع القماش ده

 

ترجعي القماش ! ليه بس يا ست الكل ؟

 

مش عاجبنيييييييي , مش داخل مزااااااااااجي ! انت هتشاركني ولا ايه ؟

 

ممممممممم على راحتك , هاتي القماش واتفضلي فلوسك اهيه

 

هااااااااااااااااات

 

 

هي الزبونة رجعت القماش ليه يا أبو حسن

 

مش عارف والله , ال مش عاجبها , مع انها بقالها ساعة الاربع تنقي وتختار لما زهقتني

 

شوف شووووووووووووف , دي دخلت على محل الحاج مرشدي

 

ممممممممم تروح مطرح ما هي عايزة , الارزاق بيد الله وحده

 

 

 

 

 

 

 

 

 

 

ههههههههههههه يخرب عقلك يا ساااااااااااااامي , بقى انت شككت الزبونة في القماش وقولتليها انه شايط ووحش عشان تيجي تاخد من عندك ؟

 

هههههههههه ايوة يا بت , التجارة شطاااااااااااااارة , الشارع اللي اني فيه مليان محلات قماش , ولازم الواحد يحسس الناس ان اللي عنده مش عند حد تاني , وان الكل غشاش الا هو ههههههههههههه

 

هههههههههه جدع يا ولا , شاطر يا سامي , اني نحبوا التاجر الناصح المصحصح لشغله , اللي يخطف اللقمة قبل ما أي حد يمد ايده عليهاااااااااااااا

 

ابويا بقى ماكانش كدة , كان يعمل الف خاطر وحساب لتجار الشارع ويشكر فيهم قدام زباينه ههههههههههههههه لما حد يجي يشتري حاجة منه وما يلقيهاش يقوله روح اشتري من الحاج فلان , البضاعة عنده مية مية ههههههههه

 

مممممممم اتاريه ماعملش ثروة , ما حيلتوش غير المحل ده والعمارة الكحيانة بتاعتكو

 

اصل ابويا طيب يا اوسا وبيتضحك عليه , هو لو ماكانش طيب كان اتجوز امي برضو ! ههههههههههههههههههههه

 

ههههههههههه على رأيك يا ولا , اني نسمعوا من امي ان خالتي توحا كانت حلوة ونغشة وكان عليها رنة خلخال ترج الدنيا من حواليها , وابوك ما استحملش في ايدها غلوة , كلت بعقله حلاوة وخليته يرمي كُوكب مرات ابوك واخواتك

 

اصل امي زي الفريك ما تحبش شريك يا بت هههههههههههههههههههههههههه

 

ممممممممم ولا اني يا سامي

 

أأأأأأأ تقصدي ايه

 

نقصدوا انك لو فكرت مجرد تفكير انك تتجوز عليا , هتبقى نهايتك يا ولااااااااااااا , اني اتعقدت من ساعة ما ابويا ما اتجوز على امي , ومش مستعدة نكونوا سعاد جديدة يا سااااااامي , يوم ما تعمل كدة ربنا وحده يعلم ايه اللي هنعملووووووووه , اني لا اي ست ولا اهلي اي اهل سمعتني يا ولا ؟

 

سسس سس سمعت سمعت يا اوسا

 

 

 

 

 

تن تن تن

 

دي البت بدور يا سامي

 

بببببدوووووور , ععععععايزة ايه

 

 

, عايزة ايه يا بدووووووووور

 

 

هههههه اني جبت المية السخنة والملح عشان ننقعوا رجلين سي ساااااااامي

 

طب تعالي يا بت ادخلي

 

لالالالالالالا امشي يا بتتتتتتتتتت , امشي بالمية السخنة والملح دي لنقوموا نسقوهاااااااااااااالك

 

مالك يا سامي طَلَعت في البت سَرَعتها كدة ! دي جاية تغسلك رجليك زي كل يوم

 

اني رجلي زي الفل ومش عايز نغسلوهاااااااااااا , غوري يا بتتتتتتتتتتتتتتتتت

 

 

خلاص يا بت يا بدور , خدي المية وامشي

 

هيهيهي امرك يا ست اوسااااااااا , تأمر بأيتها خدمة يا سي ساااامي

 

لالالالالالالالالا مش عايز حاااااااااااااااااجة غطيني يا اوساااااااااااا غطيني عشان بردااااااااااااااااان

 

هههههه سلامتك من البرد يا ولا , روحي انتِ يا بت يا بدور نامي

 

تصبحي على خير يا ست اوسا , تصبح على خير يا سي سامي يللي مغطي وشك بالبطانية هيهيهي

  • معجبة 1

شارك هذه المشاركه


رابط المشاركه
شارك

منورين يا كتاكيت يا طعمين يللي في حلقاتنا حاضرين ومشرفين

 

 

افتح صندوق أزوزة يا ولا يا حموووووووووووووووو هههههههههههههههههه

 

 

 

عايزة اقولكو اطمنوا على باقي الابطال , كلهم بيسلموا عليكو وجايين بنفسهم ينوركوا ههههههه

 

 

ليا عودة للترحيب بكل حبيباتي

 

عذرا لضيق الوقت والله

 

اسيبكو مع الحلقات ويارب تعجيبكووووووووو

شارك هذه المشاركه


رابط المشاركه
شارك

ااه بقى هى بتقابله من غير ابتسامه وبتتكلم بالعافيه مممممم مكنتش اعرف كده

شارك هذه المشاركه


رابط المشاركه
شارك

جزاك الله خيرا

والله ابدعت

الكلام صار يخجل امام ابداعاتك

يسلموا على الازوزة

مشتاقين لباقي الابطال ..زهقنا من اوسا وسامي .

شارك هذه المشاركه


رابط المشاركه
شارك

وسامى ده اعوذ بالله منه برضه

ابوه كان احسن منه

 

بس هو ليه خايف كده من اوسا

شارك هذه المشاركه


رابط المشاركه
شارك

ازيك يا قمر المنتدي وحشتيني يا هوبه

سعاد دي اخرتها الله اعلم هتكون عامله ازاي والله احمد مايستاهلش منها كده واضح ان هتحصل مشاكل كتير في جوازه من هيام

وداليا مين دي اللي عاوزه تجوزهاله قال يحلق دقنه قال جتها خيبه حد طااااااااااااايل ههههههههههههههه :D

اما اوسا بقي مش عاوزه اتكلم عنها بصراحه مش عارفه اقول عليها ايه ربنا يحفظنا من الناس اللي زيها

الف شكر علي الحلقات والأزوزه يا جميل ;)

شارك هذه المشاركه


رابط المشاركه
شارك

تسلم ايدك يا هوبتنا الجميلة على الحلقات الجميلة الى لسه ما قراتهاش

 

قلت اعلق الاول قبل ما النور يقطع وبعدين احفظ الحلقات واقراها وانا مطمنة على رواقة ...

 

الصراحة النور بقى حاجة صعبة اوى بيقطع اكتر من ما ييجى

انا ماشية بقى قبل النور ما يقطع

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ قال الإمام ابن القيّم رحمه الله : ‏ ‏ومن عقوبات الذنوب : ‏ " ‏أنهـا تـزيـل النـعم ، ‏وتحـل النــقم ، ‏فما زالت عن العبد نعمة إلا بذنب ، ‏ولا حلت به نقمـــة إلا بذنب" ‏ ‏الداء والدواء ( ١٧٩/١)

×