اذهبي الى المحتوى

المشاركات التي تم ترشيحها

صيحى طلع مش صبحى

لما قال للدادة هاتى التليفون قولت هيدى لخطيبته اللى فيه النصيب : )

ايوة يعنى انا ما فهمتش حاجة دلوقتى

يعنى اللى كانوا مهربين ريم هو البوليس

طيب هانى ماكنش يعرف

نت لغبطتينى يا عم ميل جيبسون انتى

شارك هذه المشاركه


رابط المشاركه
شارك

بنوتة

رئيس هاني اللي هرب ريم من وراء هاني علشاني هاني يبذل مجهود اكبر في القبض على اللصوص لانه كان مقتنع ببراءة ريم

  • معجبة 1

شارك هذه المشاركه


رابط المشاركه
شارك

السلان عليكن ورحمة الله وبركاته

 

مرحبا بي معكن :)

متابعة جديدة

جمييل المسلسل اللهم بارك مبدعة يا هوووبة

<3

 

وعليكم السلام ورحمة الله وبركاته حبيبتي الرفق

 

حاجة تسعدني حبيبتي انضمامك للمتابعات

 

اهلا بيكِ يا قمرة يا سكرة ههههه

 

انتِ الاجمل حبيبتي , ربنا يبارك في عمرك اللهم آمين

شارك هذه المشاركه


رابط المشاركه
شارك

ام افنان المغيرررررررررررررررررررررررر

 

ليك وحشة يا جمييييييييييييييييييل

 

ام عبد الله

 

اهلا يا عسسسسسسسسسسسسسسسل

 

 

منورين كلو يا بناااااااااااااات

 

كنت برحب بحبايبي اللي ما رحبتش بيهم

 

البيت بيتكو , شيّ ولا ازوزة هههههههههه

شارك هذه المشاركه


رابط المشاركه
شارك

ده منزل الانسة ريم محمود عوض

 

ايوة يا حضرة الظابط , خير أي خدمة ؟

 

هههه ما تقلقيش كدة يا مدام , انا جاي اقابل الانسة ريم واقولها انها كدة اخدت البراءة وان شاء الله الاجراءات هتخلص قريب

 

 

انتو هتاخدوها تاني يا ابني ؟

 

لالالالالا ما تخافيش , الانسة ريم متوصي عليها جامد جدا , والقرار اللي عندي ان اجراءات الافراج عنها تتم وهي في البيت وده اقل اعتذار ليها

 

طيب يا ابني الحمدلله يااااااااااااااه , رعبتونا والله , يعني بنتي تقدر تروح كليتها وتمارس حياتها الطبيعية من غير مضايقات

 

من غير ادنى مضايقات يا هانم , ربنا يوفقها ان شاء الله , السلام عليكم

 

وعليكم السلام يا ابني , الحمدلله , ريييييييييييييم

 

 

ايه يا ماما اهئ اهئ هياخدوني يبهدلوني تاني ؟ اهئ اهئ اهئ

 

هههه لا يا حبيبتي امووووووووه ما تخافيش , ده ظابط من الداخلية جه عشان يطمنا ان خلاص انتِ برييييييييييئة بريئة يا قلب ماماااااااااا , القاتل هياخد جزاااااائه ههه الحمدلله يا بنتي الحمدلله

 

ياااااااااااااااااااااااااااااااه كان كابوس فظيع بشكل يا ماما ! اهئ اهئئئئئئئئئ الحمدلله ياربي الحمدلله اهئ اهئئئئئئئئ انا هروح اسجد شكر ان ربنا نجاني

 

وانا كمان يا ريم هسجد واشكر ربنا على كرمه وفضله الحمدلله

 

 

 

 

 

 

 

 

 

 

 

ماما انا هكلم بسنت اقولها اني رجعت البيت الحمدلله وبكرة هقابلها في الكلية

 

 

طيب يا حبيبتي , وانا هروح احضرلك العشا عشان نتعشى مع بعض زي زمااااااااااااان هههههه حاسة ان بقالي عمر بحاله ما شوفتكيش يا حبيبتي هههههه نورتي البيت يا قلب ماما ههههه

 

ههه ربنا يخليكي ليا يا ماما , ربنا نجاني بفضل دعواتك يا امي , ربنا ما يحرمني منك ابدا اللهم آمين

 

ولا منك يا قلب ماما , آمين يااااااااااااارب , كلمي صاحبتك يا حبيبتي على ما احضر العشا

 

طيب يا ماما , ترررررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررن

 

 

السلام عليكم

 

ههههه وعليكم السلاااااااااااااام , حزري فزري انا ميييييييييييييييين

 

رييييييييييييييييييييييم يا حبيبتي يارييييييييييييييييم ههههههههه مش ممممممممممممممممممممممكن انتِ ريم حقيقي ؟؟؟؟؟؟؟؟؟؟؟ ريم ولا واحدة بتقلد صوتهاااااااااا ؟

 

ههههههه انا ريم يا بسنت والله , وحشتيني يا حبيبتي

 

يا حبيبتي ياريم ! انتِ مممممممم انتِ .......... أأأأأأأأأأ

 

ههههههه لا ما تخافيش انا ما هربتش , انا عارفة انك عايزة تقولي كدة , انا يا ستي الفترة اللي فاتت كنت مخطوفة , مين اللي خطفني الله اعلم هههه اهم حاجة اني دلوقتي الحمدلله اخدت براءة والقاتل اعترف , بس بعد ما اتعذبت واتبهدلت واتهنت اهانات فظيعة اوي يا بسنت

 

يا حبيبتي ! معلش ياريم , في ميزان حسناتك إن شاء الله , كان ابتلاء صعب انا عارفة لكن الحمدلله ربنا نجاكِ , قوليلي يا حبيبتي هتيجي الكلية امتىىىىىىىىىىىىىىىىىى

 

بكرة الصبح ان شاء الله يا بسنت , فاتني محاضرات كتير اوي يا بسنت , مش عارفة هعوضها ازاي , والامتحانت خلاص فاضل عليها اقل من شهر

 

هههه ما تقلقيش يا حبيبتي , انا عارفة انك ذكية ومتفوقة وان شاء الله هتقدري تحصلي كل اللي فاتك

 

 

ان شاء الله يا بسنت , اسيبك دلوقتي عشان هتعشى مع ماما

 

هههه طيب يا ريم , سلميلي على طنط كتير وحمدالله على سلامتك يا حبيبتي ونورتي حياتنا من جديدددددددددددد هههههههه

 

هههههههه الله يسلمك يا بسنت , تصبحي على خير

 

اوعي تنسي ترني عليا وقت الفجر زي ما احنا متعودين , والله من ساعة ما سبتيني مش عارفة اصحى للفجر , يوم اصحى وخمسة لا ههههه اقول فينك ياريم , كنتي تقعدي ترني ترررررررررررررني لحد ما اصحى وتتأكدي اني خلاص قومت من السرير ورايحة اتوضى

 

هههه ان شاء الله هصحيكِ يا حبيبتي , مع السلامة

 

الله يسلمك يا ريمممممممممممم هههههههه , الحمدلله ياااااااااااارب صاحبتي رجعتلي بالسلاااااااااااامة هههههههه الحمدلله

 

 

 

 

 

 

يلا ياريم العشا جااااااااااااااهز هههههههه الفرحة مش سيعاني النهااااااااااردة , يا حفيظ يااااااااااارب غمة وانزاحت يا بنتي غمة وانزااااااااااااحت

 

الحمدلله يا ماما , ممممممم ماما

 

نعم ياروح ماما

 

انا عايزة امشي من هنا

 

تمشي من هنا ! مش فاهمة

 

يعني يا ماما نبيع الشقة دي ونعزل ونروح منطقة تانية

 

ليه بس يا حبيبتي !

 

اهئ اهئ اهئئئئئئ يا ماما انا حاسة اني مخنوقة من العمارة ومن الشقة اهئ اهئئئئئئ وانا طالعة بصيت على شقة طنط شمس وافتكرت كل حاجة اهئ اهئئئئئئئ صعبت عليا طنط شمس المسكينة اهئ اهئ وصعب عليا اللي جرالي من غير ذنب اهئ اهئ انا حاسة ان نفسيتي هتتعب اكتر لو فضلنا هنا

 

يا حبيبتي ! طيب ياريم اديني فرصة يا حبيبتي عشان نعرض الشقة براحتنا من غير استعجال عشان تجيبلنا سعر كويس , انتِ عارفة يا حبيبتي لو استعجلنا الشقة مش هتجيب تمنها الحقيقي

 

 

خلاص يا ماما , بس ارجوكِ في اسرع وقت خلينا نمشي من هنا

 

حاضر يا بنتي , خدي يا قلبي ساندوتش الجبنة الرومي اللي بتحبيها ومعاه الزيتون الاسود اهو هههه

 

تسلم ايدك يا ماما

 

بالهنا والشفا يا حبيبتي , لكن صارحيني ياريم , بجد يا بنتي الشاب اللي قولتي عليه كان حارس للفيلا ده ماحاولش يأذيكي

 

صبحي ! صبحي ده مسكين خالص يا ماما , دي حكايته تقطع القلب والله , من وهو صغير باباه ما وداهوش مدارس ورماه في ورشة كهربائي سيارات وكان متبهدل اخر بهدلة كان باباه يصحيه من بدري ويضربه ويقوله روح الورشة ولما كانت مامته تحاول تأكله رغيف عيش وجبنة كان باباه يخطفه من ايده ويقوله انت لسة هتطفح ! ويشتمه ويضربه ويقوله روح الورشة وكان المسكين ينزل وهو بيعيط والراجل صاحب الورشة كان بيضربه ويشتمه ويهينه ,وفي الآخر هرب من البيت عشان الظلم اللي هو داقه من ابوه

 

 

لا حول ولا قوة الا بالله !!!!!! مسكين الشاب ده , الدنيا مليانة مآسي يا حبيبتي , الواحد لما بيشوف كدة يقول الحمدلله

 

الحمدلله يا ماما , بس كان نفسي صبحي يبعد عن العصابة دي , والله هو جواه انسان طيب اوي , تعرفي يا ماما انه اتعود يصلي لما شافني حريصة ع الصلاة ؟

 

واضح ان عنده رغبة انه يتغير , بس اكيد مش هيقدر يا حبيبتي بسبب البيئة الاجرامية اللي هو فيها

 

 

عشان كدة صعبان علية , ربنا معاه وقادر ينجيه ويبصره بالحق

 

آمين يا بنتي , كلي يا حبيبتي عملتلك ساندوتش تاني , خدي ياريم

 

لا يا ماما كفاية واحد

 

عشان خاطري ياريم , ما تكسفنيش يا حبيبتي , دانا فرحانة اني قاعدة معاكِ ع السفرة وبأكلك بإيدي ههههه

 

تسلملي ايدك يا ست الحبايب

 

 

طيب يلا كلي عشان تشربي كوباية اللبن دي تهدي اعصابك شوية

 

هشربها وهتوضى واصلي ركعتين قبل ما انام واظبط المنبه عشان اصحى قبل الفجر بساعة واصحي بسنت كمان

 

 

ان شاء الله يا حبيبتي , ربنا ما يقطعلك عادة ولا عبادة آمين يارب , على فكرة خالتك سابتلنا 150 جنيه

 

ممممم والله فيها الخير يا ماما , نفسي اتخرج واشتغل وارد لخالتو كل الفلوس اللي اديتهالنا , كرامتي مش سامحالي اني اعتبرهم صدقة واحسان يا ماما , انا معتبراهم دين في رقبتي ولازم ارده , انا اتربيت على العزة يا ماما ومش عايزة اتذل ابدا , انا كتبت كل الفلوس اللي خالتوا اديتهالنا , بالمبلغ ده يبقوا كدة الفين ونص وان شاء الله هردهم

 

يااااااااااااااااه يا ريم ! للدرجة دي يا بنتي ! اخر حاجة كنت اتوقعها انك كاتبة ومسجلة كل الفلوس اللي خالتك اديتهالنا

 

هرجعهم يا امي عشان راسي وراسك تفضل مرفوعة ان شاء الله , بس ادعيلي انجح السنة دي واجيب تقدير كويس ولو حتى جيد , بلاش جيد جدا , انا عارفة ان فاتني كتير وصعب اجيب تقدير امتياز زي ما اتعودت

 

ربنا يا بنتي يحققلك مرادك ويسعدك يا حبيبتي ويكفيكي شر كل ذي شر اللهم آمين

 

آمين يا ماما آمين يااااااااااااااارب , ماما

 

نعم يا عيون ماما

 

النهاردة عايزة انام في حضنننننننننننننك , وحشني حضنك اوووووووووي اوي يا ماماااااااا

 

ههه والله ناوية اعمل كدة , انتِ اصلا مش هتنامي في اوضتك تاااااااااااني , على طول في سريري وفي حضني , نعوض الغياب والحرمان اللي اتحرمناه من بعض يا حبيبتي

 

هههه بحبك يا ماماااااااا بحببببببببببببك

 

هههه يارب يحبب فيكِ خلقه يا نور عيني , انا كمان بحبببببك

 

 

 

 

 

 

 

انا مش قادر انااااااااام , مش قادر ابطل تفكير في ريم مممممم ياترى ريم تكون صاحية دلوقتي ! متهيألي لا , عندي رغبة قوية اوي اني اسمع صوتها ممممممم , مش معايا الرقم ممممم هتصل بدليل التليفون واخد الرقم , عارف انه تصرف مجنون , لكن ...... لكن غصب عني , انا مش متخيل حياتي من غيرها ومش عارف اعمل ايييييييه

 

 

 

تررررررررررررررررررن ترررررررررررررررررررررررررررررررررن

 

140 دليل يا فندم , أي خدمة ؟

 

لو سمحتي رقم محمود عوض , حدايق القبة شارع ولي العهد

 

لحظة واحدة معايااااااااااا

 

 

 

 

 

 

 

 

ترررررررررررررررررررررررررررررررررن تررررررررررررررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررررررررررن

 

ايه ده , من بيتصل بينا بعد نص الليل كدة

 

ترررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررن

 

في ايه يا ماما ؟

 

 

مش عارفة يا بنتي مين بيتصل بينا في الوقت ده

 

طيب انا هرد , السلام عليكم

 

 

............................................................................

 

 

السلاااااااااااام عليكم , الوووووووو

 

 

......................................

 

الووووووووووووووووووووو مين ع الخط ؟

 

 

اقفلي يا ريم يا بنتي , جايز تكون معاكسة

 

حاضر يا ماما

 

 

يااااااااااااااااااااااااااااااااه اد ايه كان صوتها واحشني واحشني اووووووووي . عارف انه تصرف احمق , ربنا يسامحني بقى

 

 

 

 

 

 

 

 

 

 

 

 

 

 

عزيزة , قولي لوليد احنا متظرينه على الفطار

 

حاضر يا دكتورة , اهو نازل اهوووووو ههههه وفر عليا طلوع السلم

 

 

 

صباح الخير يا دادة عزيزة

 

صباح النور يا وليد يا حبيبي , روح افطر مع البيه والهانم

 

 

 

 

صباح الخير يا بابااااااااا

 

صباح النور يا وليد , اقعد

 

صباح الخير يا ماما

 

صباح النور يا حبيبي , يا عزيززززززززة انا مش قولتلك تبلغي عبده الطباخ ان النهاردة عايزة الفطار كونتيننتاااااااااااااااال ؟

 

اسفة والله نسيت يا دكتورة , حقك عليا , بكرة الفطار يكون كونتنينتال ان شاء الله

 

اوكيه يا عزيزة , هات الساليزو ده يا وليد , مش عارفة السفرجي حاطه بعيد اوي كدة ليه

 

 

هههههه خايف لحد ياكله , شايله بعيد عننا ههههههه

 

هههه قولي انت هتتغدا مع منار النهاردة

 

مممممممم هي العصفورة لحقت تقولك ! هههههههه

 

ههههههه ممممم هتروحوا فين ؟

 

مش عارف والله يا ماما , على حسب المكان اللي هي تختاره

 

أهاااااااا , اديها السُلطة من دلوقتي يا حبيبي , خليها هي تختار وتقرر خليها تحركك زي قطعة الشطارنج , اديني الجوس بتاعي

 

 

مامتك رميتلك كلمة تحرق دمك وهتشرب العصير في قمة البرود ههههههههههه

 

 

ههههه , كدة برضو يا ماما ! انا زي قطعة الشطارنج في ايد منار ؟

 

 

حبيبي انا بنصحك مش اكتر , خلي القرار والاختيار ليك انت , نوعية منار دي انا فاهماها كويس اوووووووووي متسلطة زي مامتها , عمتك فريدة هاااااااااااانم

 

هههههههههههههه لا بقولك ايه يا ماما , صفي حساباتك مع عمتي بعيد عني انا ومنار هههههههه خرجونا من الحرب العالمية التالتة دي ههههههههههههه

 

هههههههههههههههه يا وليد يا ابني مامتك ما تقدرش تحارب عمتك عشان ما تقدرش تواجه القذائف اللفظية الموجهة بتاعة عمتك , اقصى حاجة عندها تقعد تعيط وتقولي عاجبك اختك واللي قالته اختك ؟ ههههههههه

 

ههههههههههههه على رأيك يا بابا , اشربي الجوس يا ماماااااااا

 

ممممممممممممم , اوكيه , يعني حضراتكو هتقلبوا الموقف هزار وتريئة مش اكتر , على العموم مضطرة اسيب اللقاء الاسري اللطيف ده عشان الحق الطلبة بتوعي , باي باي

 

هههههه باي باي يا جيهان يا حبيبتي , انت عرفت ان المقدم هاني زاهر اتصاب برصاصة في صدره اثناء مواجهة المجرمين دول ؟

 

ايييييييييييييييييه !!!!!!!!!! هاني بيه !!!!!!!! ماحدش قالي , حالته خطيرة ؟

 

والله يا ابني روحت سألت عليه في المستشفى لكن كانت الزيارة ممنوعة , قابلت والدته واخوه , طبعا هتزوره ؟

 

ايوة طبعا , ان شاء الله , بس طالما الزيارة ممنوعة حاليا يبقى مافيش داعي اني اروح , ان شاء الله هروح اول ما الزيارة تكون مسموحة

 

 

 

 

 

 

 

بسنتتتتتتتتتتتتتتتتتت

 

 

ريمممممممممممممممممممم هههههههههههههه حبيبتي نورتي الكلية يا ريممممممممممممم اموووووووووووه امووووووووووووووه وحشتيني يا حبيبتي

 

وانت كمان يا بسنت

 

حبيبتي مالك ! انتِ المفروض تكوني مبسوطة ان ربنا اظهر برائتك ورجعتي لبيتك وحياتك

 

اهئ اهئئئئئئئ مش عارفة ليه حاسة اني تايهة يا بسنت اهئ اهئ وحاسة اني مكسوفة اوي من الناس اهئ اهئ حاسة انهم بيبصولي ويشاوروا عليا ويقولوا البنت اللي كانت متهمة في قضية قتل اهيه اهئ اهئئئئئئئ

 

يا حبيبتي ده مش حقيقي , ما تخليش الاحساس ده يسيطر عليكي , وحتى يا ستي لو كانوا بيقولوا كدة ولا يهمك منهم , انتي ربنا اظهر برائتك , افرحي بقى وارجعي لطبيعتك ياريم , بصي انا زي ما يكون قلبي حاسس ان ربنا هيكرمك وهيكشف الغمة وهترجعي الجامعة ,عشان كدة عملت حسابك في كل المذكرات والمراجعات , كل ما اشتري مذكرة للشرح كنت اشتريلك واحدة معايا وجبتهوملك معايا النهاردة , اتفضلي ياريم عشان تلحقي تذاكري وتعوضي اللي فاتك يا حبيبتي , خلاص امتحانات الترم فاضل عليها شهر وااااااااااااحد

 

يا حبيبتي يا بسنت ! انتِ صديقة جميلة اوي يا بسنت , انا بحبك في الله والله

 

هههه احبك الذي احببتني فيه , وانا كمان بحبك في الله يا ريم , خدي بقى المذكرات دي وشدي حيلك ع الآخررررررر في المذاكرة , بس اوعي حيلك يتقطع هههههه

 

هههههه ان شاء الله , طيب قوليلي جبتيهم بكام المذكرات والمراجعات دي يا بسنت ؟

 

لالالالالالالالا كدة هزعل , دول هدية بسيطة

 

لالالا انا مش هاخدهم , دول غالين , انتِ ذنبك ايه !

 

بس يا بنت انتِ , قولت مش هاخد تمنهم يعني مش هاخد تمنهم ويلا بقى عشان نلحق المحاضررررررررة

 

ههه يلا يا بسنت يا حبيبتي

شارك هذه المشاركه


رابط المشاركه
شارك

هههههههههههههههههه طيب اقولكو باي باي بقى يا بنوتات , وليد حبيبي مستنيني بالعربية هناك اهوووووووووو

 

ههههههههه تعالى هنا مش هنسيبك الا لما تقوليلنا هتروحوا فييييييييييييييين

 

ايوة يا ماجي ما تسيبهاش لازم تقر وتعترف الاول ههههههههههههههه

 

اوعى يا بنت انت وهي هههههههههههه مش هقوووووووووووووول هههههههه خليكو كدة اضربوا اخماس في اسداس باي بااااااااااااااي

 

هههههههه باي باي يا منااااااااااااااااااار , واااااااااااااااااو خطيبها يجنن يا ماجي , هاند سم , برووود شولديرد , احب الاستايلات دي موووووووووووووت , تعرفي انه مش بيروح من بالي من ساعة ما شوفته في عيد ميلادها السنة اللي فاتت ؟

 

ههههههههه عايزة تلطشيه منها ولا ايه يا ولاء ؟ هههههههههه

 

هههههههههه وحياتك لو اعرف كنت لطشته ههههههه بس منار محاصراه من جميع الاتجاهات هههههههه واااااااااااااااو يجنن تحسي انه تقيل مووووووووووووت

 

هو من ناحية يجنن فهو يجنن طبعاااااااااا , يا بختهاااااااااااااا طول عمرها محظوظة منااااااااااااار

 

مممممم ما تستاهلوووووووش

 

 

 

 

 

 

 

 

 

 

 

 

 

 

 

 

 

 

هااااااااااااااااااااااااااااااي هههههههههههههههه

 

 

ههه اهلا منار , اتفضلي اركبي

 

مممممم مش المفروض يعني يا حضرة الظابط الراقي تنزل من عربيتك وتيجي تفتحلي باب العربية وتقولي اتفضلي اركبي ماي ليدي ؟

 

مممممم حاضر , اديني نزلت من العربية

 

 

 

اتفضلي اركبي ماي ليدي

 

ممممممممم ومالك مكشر ودمك تقيل كدة !

 

معلش , مرهق

 

 

مممممممممم طيب , هتوديني فين ؟

 

 

شوفي انتِ عايزة تتغدي فين وانا تحت امرك

 

وليد مااااااااااااااااالك

 

مافيش حاجة يا منار , انا عادي جدا

 

مممممممم اوكيه , في ريستورانت جديد انما ايه , وااااااااااااو , كل اصحابي بيشكروا فيه

 

قوليلي هو فين وانا اوديكي

 

طيب هو في المهندسين , اطلع ع المهندسين وهقولك اسمه ايه اول ما نوصل

 

اوكيه

 

مممممممم بقولك ايه , شغل الكاسيت , خلينا نسمع اغاني ونتسلى في السكة

 

اسف , ما عنديش

 

ما عندكش ايه ؟

 

كل شرايط الكاسيت كسرتها

 

اييييييييييييييييييه !!!!!!!!!! ليه بقى ان شاء الله ؟

 

ما بقتش احب اسمع اغاني

 

هههههههههههههههههههههههههههههه حقيقي ؟ يمكن العربي مش بقى يشدك , طيب انا معايا شريط كاسيت اسباني لفريق الجيبسي كينجس , هيعجبك جدااااااااااا اوعى اما اشغله

 

لالالالالالالالالا , منار قولتلك لالالالالالالالا مش عايز اسمع اغاني

 

مممممممم اوكيه , بلاش , اغني انا واسليك ههههههههه

 

 

 

 

وين مريمبااااااااااااااااااااا رتم ستارت تو بلاااااااااااااااااااي

 

 

دانس ويذ ميييييييييييييييييي

 

سوووووووووووي مي مووووووووووووور

 

لا يك أ ليزي اوشين هج ذا شووووووووووووور دانس ويذ مييييييييييييييي سوي مي موووووووووووور

 

 

 

 

 

 

ييييييييييييييييييييييي , يعني انا اكسر الشرايط تطلعيلي انت!!!!!!!!!!!! يا منار احترمي رغباتي ارجووووووووووووووكِ

 

ايه ده ! هو في ايه ! مالك مش طايقلي كلمة من ساعة ما جيت من السفر كدة !!!!!!!!!! حتى الخروجة دي كنت قربت ابوس رجلك في التليفون عشان توافق اهئ اهئ اهئئئئئئئئئئئئ اتفضل نزلني هنا انا مش رايحة معاك أي مكان اهئ اهئئئئئئئئئئئئئئئئ

 

الله ! في ايه بس يا منار ! ايه اللي حصل لده كله !

 

اهئ اهئئئئئئئئئئئ ما حصلش حاجة , بتلككلك اهئ اهئ اهئئئئئئئئئئئئ

 

ههههههههه طب خلاص , حقك عليا يا ستي , اعذريني يا منار , انا جاي من السفر مرهق , حتى ما نمتش كويس وانتي اللي اصريتي على الخروج

 

وانا بعتذر لجنابك اهئ اهئ اتفضل نزلني اهئ اهئ نزلني وروح نام وابقى عيلة وستين عيلة لو اتصلت بيك تاني اهئ اهئئئئئئئئئئئئ

 

هههه خلاص بقى , قولتلك حقك عليا , ها يا ستي , قربنا ع المهندسين اهو , قوليلي اسم الريستورانت

 

 

 

 

 

 

 

 

 

 

 

 

 

 

موررررررررررررردي ,ازيك يا موردي

 

اهلااااااااااااا الحاج حاااااااااااااامد ههههههههه يا مرحب يا حاج , ليك وحشة يا راجل يا طيب

 

ههههه الله يكرمك يا موردي , ازيك وازي عيالك

 

بخير والله , سألت عليك العافية يا حاج حامد

 

 

طب خد دول , حاجة بسيطة للعيال

 

وليه بس كدة ! ههه كتر خيرك يا حاج , ربنا يزيدك من نعيمه ويخليك ولادك ويباركلك فيهم

 

الله يكرمك يا موردي , عادل في مكتبه ؟

 

 

ايوة الحاج عادل في مكتبه ومعاه الاستاذ احمد , لحظة واحدة هديه خبر

 

 

ماشي يا موردي

 

 

 

يا حاج عاااااااادل , الحاج حامد برا

 

حامددددددددد ! هههههههه خليه يدخل , اخيرا حن علينااااااااااا ههههههههههه

 

 

ههههههه السلام عليكممممممممم ازيك يا عااااااااااادل

 

 

وعليكم السلااااااااااااااااااااام , اهلا بالراجل اللي ناسي العشرة وفين وفين على ما بيعبرنا بزيارة هههههههه

 

هههههههه والله غصب عني , ازيك يا احمد يا ابني

 

هههه ازيك انت يا عم حامد وازي صحتك

 

تمام يا ابني الحمدلله , عندي ليكو خبر حلوووووووووو ههههههههه

 

هههههههه خير يا حامد , اتجوزت ؟ ههههههههههه

 

هههههههههههه لا يا سيدي , ربنا يباركلي في سميرة , معايا ست الستات ربنا يخليهالي

 

 

يا سيدي ربنا ما يحرمكو من بعض ويديكو الصحة , اومال ايه الخبر اللي هيفرحنا ؟ هههههههه

 

امير ابني اتجوز عقبال ولادك , عقبالك يا احمد يا ابني ههههههههه

 

 

ماشاء الله هههههههههه الف مبروك يا حامد

 

هههههه مبروك يا عم حامد , الف مليون مبروك لأمير , طب والله لنوزعوا تلات صناديق ازوزة ع العمااااااااااااااااال

 

ههههههه الله يبارك فيك يا احمد , صاحب واجب زي ابووووووووووك

 

 

 

 

عم مووووووووووووووردي يا عم موردي

 

نعمين يا استاذ احمد

 

 

هات تلات صناديق ازوزة وفرق ع العتالين والعمااااااااااال

 

بمناسبة ايه يا استاذ احمد ؟

 

ههههههه بمناسبة جواز الكابتن امير ابن عم حااااااااااامد

 

ماشاء الله هههههههه الف مبروك يا حاج حامد

 

الله يبارك فيك يا موردي , عقبال ما تفرح بولادك ههههه

 

ههههه تعيش يا حاج , عقبالك يا استاذ احمد

 

الله يكرمك يا عم موردي , روح بقى اعمل اللي قولتلك عليه

 

من عنياااااااااااا ههههههه

 

 

 

 

لكن ازاي يا راجل انت ابنك يتجوز وما تقوليششششششش ؟ ليا عندك حق عررررررررررب

 

 

والله يا عادل , زي ما تقول كدة الموضوع جه فجأة , الواد اتصل بيا وفهمني , البت اصلها عايشة في لندن , في كلية الطب وامها دكتورة وعايشين هناك من زمان بعد ابوها وامها ما اتطلقوا , واتعرف عليها وعلى امها في الرحلة الاخرانية دي , عجبته اخلاقها وتربيتها , اتجوزها وهيجيبها معاه على اسكندرية كمان اسبوعين

 

ههههه ماشاء الله , باين عليه نقى عروسة نقاوة فرزة اولى ههههههه

 

يا عم اهم حاجة الاخلاق والله , ولا ايه يا احمد يا ابني ؟

 

اه والله يا عمي , اهم حاجة لما الواحد يجي يتجوز يختار الدين والاخلاق

 

يسلم لسانك يا ابني , وانت مش ناوي ولا ايه يا ولا يا احمد هههههه عايزين نفرحوا بيك وعشان كمان ابوك يبقى جد يمكن يعقل هههههههههههههه

 

ههههههههههههههههههههههههههههههههه يا راجل انت اني عقلي يوزن بلد ههههههههه

 

هههههههه ان شاء الله يا عمي , , بس نخلصوا الدراسة

 

طيب يا ابني , ربنا ييسرلك كل خير , اني هنبقى جد اهو عقبال ما تحصلني يا عادل هههههه

 

والله ؟ هههههههههههههههه دا أمير ابنك ما بيضيعش وقت بقى ههههههههههههه

 

هههههههههههههههههههه ربنا يتمم لمراته على خير اهم حاجة , يلا اسيبكو انا بقى تشوفوا شغلكو واني كمان نروحو نشوفوا شغلي

 

 

لا والله , مش قبل ما نشربوا اتنين شيّ مع بعضضضضضضض , روح يا احمد انت اعملنا الشيّ عشان موردي تلاقيه ملخوم في الازوزة هههههههههه

 

ههههه من عنيا حاضر , بالله عليك يا عم حامد لما امير يجي تديني خبر عشان نقوموا معاه بالواجب

 

ههههه ان شاء الله يا احمد , احمد ابنك طيب واخلاقه عالية اوي , اطيب واحد في ولادك , بصراحة اللي يشوفك ويشوفه ما يصدقش انك ابوه هههههههههههههههههه

 

ههههههههههههههه مش عارف الولا احمد ابني ده طالع عاقل لمين , مع انا وامه اجن من بعض هههههههههه

 

ههههههههه ربنا يبارك فيه ويصلح حاله ويديله على قد نيته , ابن حلال مصفي , ربنا يفرحك بيه وتشوفه عريس

 

 

ده يوم المنى والله يا حامد , بس هو يشاور ويقول عايز دي , واني من الصبح نخطبوهاله , اهم حاجة تكون بنت ناس ومن عيلة تشرف

 

ربنا يرزقه ببنت الحلال اللي تستاهله , والله اني نحب الولا ده هو وخالد زي امير ابني , التلاتة اطيب من بعض هههههه

 

 

ربنا يصلح حالهم جميعا

 

 

اومال الولا ادهم ابنك عامل ايه

 

عمله اسووووووووووود , بتفكرني بيه لييييييييييه ! عامل زي العمل الرضي , تحس انه هو وابليس راضعين مع بعض لبن الآذية

 

ههههههه ياراجل حرام عليك , مش للدرجة دي

 

 

والله زي ما بقولك كدة , لا فلح في علام ولا فلح في حاجة , ودلوقتي عايزني افتحله مكتب تصجير واستيراد لحسابه

 

 

هو مش هيشتغل معاك هنا ؟

 

لالالالالالالالا هيعمل مشاكل كبيرة مع اخوه , واحمد مش بتاع مشاكل , قولت ابعدهم عن بعض

 

 

تن تن تن , احلى كوبيتين شيّ لعيونكم ههههههههه

 

ههههه متشكرين يا احمد يا ابني

 

 

حطهم وروح انت شوف شغلك

 

 

اني خصلت يا بابا , معلش هناخدوا عربيتي ونروح عشان عندي مذاكرة

 

طيب يا احمد بالسلامة انت

 

السلام عليكم يا عم حامد والف مبروك لامير مرة تانية

 

وعليكم السلام يا ابني , الله يبارك فيك يا احمد

 

 

 

 

 

 

 

 

 

 

 

 

 

 

 

 

 

 

 

 

 

 

عمي الحاج حامد

 

 

نعم يا خالد

 

بقة كدة برضو يا حاج ! يعني الكابتن امير يتجوز واعرف من العمال وانت ما تقوليش !

 

ههههه يا ابني على يدك اني بقالي كتير ما جيتش هنا , وبعدين والله الموضوع جه فجأة ومن غير ترتيب , اتجوز برا مش هنا , لما يجي هنعملوا حفلة ونحتفلوا بيه هو وعروسته وانت اول المعزومين طبعا يا خالد يا ابني

 

والله يا حاج اني بس كنت عايز نعرف عشان نقوموا بالواجب

 

هههه يا سيدي طول عمرك سباق بالخير , ما فبش فرق بينا يا خالد يا ابني , روح شوف شغلك يا ابني واني هنروحوا نشوفوا الطباخين ماشيين ازاي , اني لازم نتمم على كل حاجة بنفسي كل ما اجي هنا

 

طبعا يا حاج , اتفضل مممممممم امتى بقى السنة دي تعدي واللي بعدها ونتجوز يا ضحىىىىىىى ياااااااااااااااااه امتى الحلم ده يتحقق يا ست البنات , يا مهون يا رررررررررررب

 

 

 

 

 

 

 

 

 

 

 

 

 

 

 

دادة اعتماااااااااد , يا دااااااااااااادة

 

نعم يا ست ضحى

 

فين علبة الشيكولاتة اللي قولتلك هاخدها معايا الكلية عشان نفرقوا على زميلاتي بمناسبة جواز امير ههههههه

 

ههههههه استني هنجيبوهالك

 

 

 

 

خدي يا حبيبتي , عقبال ما نفرقوا شيكولاتة فرحك عن قريب ياااااااااااااااااارب ههههههه

 

ههه , بس بقى يا دادة بنتكسف

 

هههههههه يختي عليها يختي , كل ما نجيبولها سيرة الجواز وشها يحمر وتبص في الارض هههههههه ربنا يسعدها يارب ويهنيها ويرزقها بابن الحلال اللي يستاهلها يااااااااااااارب

 

 

 

 

 

 

خدوا يا بناااااااااااااات عقبالكو يااااااااااااارب ههههههه

 

ههههههه مبروك لاخوكِ يا ضحى

 

مبروك يا ضحى , هي عروسة اخوكِ انجليزية صحيح زي ما سَمَعت ؟

 

لالالالا مصرية بس اتولدت وعاشت في لندن طول عمرها

 

ايوة يوة , مبروك يا ضحى , عقبالك يارب يا حبيبتي

 

 

ضحى , هي عروسة اخوكِ عرفها منين ؟

 

هههههه ايّووووووووووووووه , يا جماعة اهو اتجوز وخلااااااااص , شوفي يا ستي , العروسة مش عايشة في مصر عايشة في بلاد براااااااااااا

 

عيني علينا احنا يللي في بلاد جوااااااااااا ههههههههه يعني يا ضحى مش كان اخوكِ ده بدل ما اتجوز البت تربية الخواجات دي , كان حن على واحدة غلبانة زيي واتجوزها ؟ بس هنقولوا ايه , هما كدة الرجالة زي القرع يمدوا لبرا ههههههههههههه

 

ههههههههههههههههه والله انتي عسل يا عبير , بكرة يا حبيبتي يجيلك احسن عريس في الدنيا

 

يارب يا ضحى , انا وانتِ في يوم واحد , قوليلي يا ضحى , وانتِ ما فيش حاجة كدة ولا كدة ؟ ههههههه

 

مممممم مش فاهمة يا عبير

 

هههههههه يا بت انتي ما تبقيش حويطة , قوليلي قوليلي واني مش هنقولوا لحد , يعني معقول واحدة في جمالك يا ضحى ما فيش حد اتكلم عليها ولا شاور وقال عايز من دي هههههههههههههههههه

 

ههههههههههه يا بت انتي بتضحكيني مممممم طب اني هنقولولك بس ما تقوليش لحد

 

مش هنقولوا والله , مين مين يا ضحى ؟ هههههههه

 

مممممممم هو واحد كويس وابن ناس طيبين بس اهلي مأجلين الموضوع لحد ما نخلصوا يعني

 

هو انتِ كدة قولتي حااااااجة ! يعني هو بيشتغل ايه وشقته فين , انتِ ليه ما لكيش في الرغي واللت والعجن يا بت انتِ ! هههههههههه

 

ههه هو في كلية الهندسة سنة رابعة يعني فاضله السنة الجاية واني كمان طبعا فاضلي السنة الجاية وبعدين نعلن الموضوع ونتخَطَب رسمي ان شاء الله

 

مممممم اسمه ايه

 

بس بقى يا عبيررررررر , والله ما هنقولوا على اسمه ههههههه

 

ههههه طب اول حرف

 

لالالالالالا مش هنقولوا ويلا بقى عشان المحاضرة قربت تبتدي

 

طب والله انتِ بايخة يا ضحى هههههههه على العموم ربنا يتمملك بخير يارب اللهم آمين

 

آمين يارب

 

 

 

 

ايوة صحيح يا سعاد , اني نسيت نقولك , الولا أمير ابن حامد مندور اتجوز ومراته حامل

 

اتجوز ! ومراته حامل كمان ! وده امتى حصل ! هو لحق اتجوز ومراته حملت ! اومال يعني ماحدش عزمنا على فرحه !!!!!!!!

 

الولا اتجوز برااااااا , اتجوز تلميذة في كلية الطب وامها دكتورة وعايشين في بلاد برا

 

ايوة ايوة , تلاقي امه اللي قالتله ياخد عروسة من بلاد برا عشان تغيظ خلق الله بيها وتقول عروسة ابني خواجاية

 

البت مصرية يا سعاد , وبعدين لا امه قالتله ولا العفريت قاله , وبعدين واحنا مالنا احنا !

 

اومال بتقولي لييييييييييه

 

مش هتروحي تباركي لسميرة مرات حامد ؟

 

نعم نعم نعم , نباركوا لمييييييييييين ! والله ما نرحولها ولا نخطولها عتبة ولا نقولولها مبروك , هي كانت عبرتني لما البت اوسا اتجوزت ! دي حتى ما هانش عليها ترفع سماعة تليفون وتقول مبروووووووك , ال نرحولها ال

 

على راحتك , اني بس حبيت نقولك

 

واديك قولت , اخلي البت شوقية تعملك شيّ يا عادل

 

اني عايز الشيّ من ايديك انت يا جميل

 

ههههه لا يا شيخ ! وده من امتى طقم الحنية ده !!!!!!!!

 

وربنا المعبود حبك معشش في قلبي يا جميل بس انت ولا داري ههههههههههه

 

هههههه ايّوه عليك يا عادل لما تبقى رايق

 

هههههههه وايّوه عليك انت لما تسوق في دلالك يا غزال هههههههه

 

ههههههه ياراجل وطي صوتك , الولا ادهم هنا

 

هنااااااااا ! طب قومي اعملي الشيّ يا سعاد

 

هههه من عنيا يا عادل

تم تعديل بواسطة هبةنور

شارك هذه المشاركه


رابط المشاركه
شارك

اهو المحل بتاع سامي جوزي اهو , اقف هنا يا اسطى , على الإمة الجاية دي

 

ماشي يا مدام

 

اجرتك كام ؟

 

 

سبعة جنيي

 

طب خد عشرة جنيي وهات الباقي

 

مامعيش فكة , يا إما تديني سبعة جنيي يا إما ناخدوا العشرة وتسامحيني في التلاتة جنيي

 

ونسامحوك ليييييييييييه ! استنى هننادوا على الولا اللي شغال مع جوزي , اهو واقف يمة المحل بيرش مية

 

 

ولا يا حمّوووووووو , انت يا ولا يا حمّوووووووووووووو

 

 

ايوة يا ست اوسااااااااااا , الست اوسا واقفة جنب تاكس ع الإمة يا استاذ سااااااامي

 

اوسا ! ايه اللي جابها دي ! اني هنروحوا نشوفوها

 

 

 

 

 

ايه يا اوسا في ايه ؟ ماسكة عشرة جنيي في ايدك وواقفة جنب التاكسي ليه ! ماتدي الراجل فلوسه خليه يمشيييييييييييي

 

ايّوووووووووووه , حسابه سبعة جنيي , بنديلوه العشرة قالي سامحيني في البااااااااااااقي , ناديت ع الولا حمو عشان يحاسبه

 

اعوذ بالله !!!!!!!! يا شيخة ما تبقاش ايدك ناشفة كدة , تووووووووء , خد يا اسطى خمسة جنِي اهم

 

يا استاذ اني حسابي سبعة جنيي , سبعة جنيييييييييييييي , تديني خمسة ازاااااااااااااااي

 

 

 

عشان انت حرااااااااااااااامي , سبعة جنيي ليه ان شاء الله من ثروت للأنفوشي ! هما خمسة جنيي تاخدهم وتتوكل على الكريمممممممممممم وإلا مش هندوك ولا مليم واخبط دماغك في احلى حيطططططططططططة

 

اعوذ بالله , هات يا سيدي هااااااااااااااااااات , اني عارف ايه الناس ددددددددددي , لا وكمان صاحب محل وعنده زباين داخلين خارجيييييييييييين

 

الله اكبر في عينكككككككككككككك , يلا امشي من هنا لتفقرناااااااااااااااااااااااا , ايه العالم الفقرية دي

 

انا ماشي يا خويا , ربنا يكفينا شرك وشر مرااااااااااااتك , ربنا يقل من امثالكووووووووووووو

 

الراجل بيدعي علينا يا ساااااااااااااااامي , بيقول ربنا يقل من امثالكو

 

لا يا اوسا , ده بيدعيلنا يا حبيبتي , بيقول ربنا يقل من امثالنا عشان نفضل انا وانتِ لا حد قدنا ولا حد زينا يا طِعم ههههههههههههههههه

 

هههههههههههه والله عندك حق , ال واني اللي بنفتكروا الراجل بيدعي علينا

 

ادخلي يا اوسا , سمي قبل ما تدخلي عشان النحس ما يحلش ع المحل , اني مش ناقصصصصصصصصص

 

يا خويا يعني اني داخلة محل علي بيه مبارك ولا محل سعد بيه زغلووووووووول

 

اول مرة نعرفوا ان سعد زغلول كان بيبيع قماش , واني اللي طول عمري بنفتكر انه بيبيع بلح

 

 

 

اقعدي يا اوسا على الكرسي اللي قدام مكتبي ده عشان نتملوا في محاسنك

 

انت اللي دور وشك عشان اني بنتوحم

 

اني مش عاجبك يا اوساااااااااا

 

فيك حاجات عاجباني وحاجات لا , عنيك ضيقين شوية , اني عايزة ابني تبقى عنيه اوسع من الفنجان , مع ان عنيك حلوين يا ولا هههههههه

 

كتر خيرك يختي , مش احلى من مناخيرك , شوف طلبات الزبونة اللي داخلة دي يا ولا يا رمضاااااااااااان

 

حاضر يا استاذ سامي , طلباتك يا ست الكل

 

عندك حرير مألم يا معلم ههههههههههه

 

هههههههه عندي يا جميل , ولو ما عنديش نيجبولك يا حلوووووووووو

 

 

 

لكن ايه الناس دي كلها يا سامي , المحل بيشغي زباين يعني , دا كل واحد من صبيانك واقف مع دستة حريم بيبيعلهم

 

الله يخرب بيت عنيكِ يا شيخة , قولي ماشاء الله يا اوسااااااااااا , انتِ داخلة محل جوزك مش محل جوز اممممممممممممك

 

جرا ايه يا ساااااااااااامي ! هو اني هنحسدوك ولا ايييييييييييه ! هو اني ناقصة مال ولا ابويا شوية في البلدددددددددددد , اني بنت عادل سليم وحش الميناااااااا , هو في حد زي بابا في اسكندرية بطوالها وعرضهااااااااا

 

عمالة تقولي ابويا ابويا , والواحد ما بيشوفش من وراه غير كيس الفاكهة اللي بيدخل علينا بييييييييه

 

الله ! اومال يعني عايزه يغرف ويديلك ولا ايه !

 

لا يختي , مش عايز من وشكو حااااااااااجة , ما انا متجوزك عشان سواد عنيكِ يا غزال البلااااااااااااااا

 

اسمها غزال الفلا يا ولا هههههههههههه , هاتلي ازازة ازوزة نبلّو ريقي

 

ايه ده ! هو انتِ لسة هتقعدي تتآنسي !!!!!!

 

ايوة , قولت نعدوا عليك قبل ما نروحوا لماما

 

انتِ هتروحي لامك النهاردة كمان ! مش كنتِ عندها اول امبارح ؟

 

نعملوا ايه ! اني بنزهق , اومال البت الشغالة هتيجي امتى ؟

 

كلها يومين تلاتة وتكون عندك

 

ماشي يا سامي , اما نشوفوا اخرتها مع الشغالة اللي كل يوم والتاني تقولي جاية بكرة لا دي جاية بعده

 

 

هات واحد ازوزة يا حموووووووووووووووووووووووو

 

 

 

 

 

 

 

اتفضلي يا ست اوسا

 

شكرا يا ولا يا حمو

 

اشربي الازوزة وروحي لامك بقى يا اوسا خلينا نشوفوا مصالحنا

 

اني هنشربوها ونمشوا على طول , ايه ده يا سامي ! ايه البت ام وسط مخلع دي اللي واقفة مع الولا البياع تتدلع وتضحك

 

زبونة يا اوسااااااااا زبونة , والزبون دايما على حق , يعني يدخل المحل يتدلع , يدخل يتحزم ويرقص هو حررررررر , وبعدين دي زبونة المحل وعلى طول تيجي تشتري من عندنا عشان كدة متعشمة فينا وبتعتبرنا اخواتها الكبار

 

اووووووووووووف , بت مايعععععععععععععة

 

 

 

شوفلي لون تاني هيهيهيييييييي

 

وماله اللون ده بس يا جميييييييييييل , طب استني نحطو القماش جنب وشك كدة , الله ! طب والله لايق عليك يا حلووووو

 

ههيهيهييييي انت شايف كدة ؟ اصل اني نحب ناخدوا ذوق الرجالة اوي

 

هههههه طب ما تجيبي جوزك معاكِ

 

عيني عليا , لسة ما جانيش العدل ههيهيييييييييي

 

اخص ع الرجااااااااااالة , حد يسيب الحلاوة دي من غير جواز برضو

 

انت متجوز يا اسمك ايه ؟

 

متجوز وعندي اربع عيال , تحبي نعرفوكِ على مراتي ؟ ههههههههه

 

نعملوا بيها ايه ! ما الحريم زي الهم ع القلب , بس الرجالة مش لاقينهم هيهيهيييييييييييييييييييييييي

 

 

 

 

اووووووووووووووف دي زودتها اوي , جرا ايه يا بت يا مايصة يا مايعة انتتتتتتتتتتتتتِ ! انتي داخلة تشتري ولا داخلة عشان ايه بالظبططططططططططططططططططططططط

 

ايه دي بقى !!!!!!!!! مالك ومالي يا ست انتِ !!!!!! اني كلمتك ! اني دوستلك على طرف ! اني زبونة وبنختاروا حتة قماااااااااااش

 

يختارولك قماش كفنك عن قريب قولي ان شااااااااااااالله , هي اللي بشتري قماش تقعد تضحك زي ما يكون حد بيزغزهااااااااااااا ! عمالة من ساعة ما دخلتي هيهيهييييء ومهيهيهيء , ايييييييييييييييييه ! داخلة ملهى ليلي بتصطادي زباييييييييييييييين

 

ما تحترمي نفسك يا ست انتِ , هو اني داخلة المحل نتهزئوا ولا ايه ! اني غلطانة اني بندخلوا محلات مش محترمة ما بيعرفوش يعاملوا الزباين ازاااااااااااااااي , اني خارجة ومش جاية هنا تاااااااااااااااني

 

 

في ستين داهية جاتك الأرررررررف

 

استني بسسسسس استني يا انسسسسسسسسسة استنييييييييييييي , الزبونة طفشت يا استاذ سامي

 

 

 

 

عاجبك كدة يا اوسااااااااااااااااا ! انتِ جاية توقفي حالنا وتطفشي الزباين ولا ايييييييييييييه !!!!!!!!!!

 

هي دي تتسمى زبونة برضو يا سااااااااااامي ! دي بت قليلة الادب , عمالة تتدلع وتتمايص على البياااااااااااع , اللي يدخل يشتري حاجة يدخل باحترامه , مش يدخل يضحك ويتمرئع , دي ما بطلتش مياصة من ساعة مادخلت المحل

 

ايّووووووووووووووووووووه , وهي كانت عملت ايييييييييه ! شوفتيها دخلت المحل خدتنا بالحضن ونزلت فينا بوس ! , ما كانوش ضحكتين اللي الغلبانة ضحكتهم , وبعدين فيها ايه يعني لما تضحك ضحكتين يرنوا في المحل يفرحونا ويفرحوا الشارع كله ويعملولنا حس بين المحلااااااااااااااات , قطّاعة ارزاق صحييييييح

 

 

بصراحة الست اوسا عندها حق يا استاذ سامي , طب والله اني ما بنحترم ابدا الزبونة اللي تقف قدامي تتدلع وتتمايص وتتكلم بطريقة مش هي , الاحترام حلو برضو يا استاذ سامي

 

شايف الصبي بتاعك بيقول ايه يا ساااااااااامي ؟

 

ده ولا كدااااااااااااااب , اومال لما انت مش عاجبك اسلوب الزبونة وبتقول عليها مايصة بتجاريها في الكلام ليييييييييه ! ما انت كمان واقف تهزر وتضحك معاهااااااااااا

 

اني من النوع اللي بيعامل الناس بمعاملتهم , يعني الزبونة اللي مش محترمة بتخليني اني كمان ناخدوا عليها ونهزروا معاها , لكن من جوا قلبي والله ما بنحترموها , لكن الزبونة المحترمة بتجبرني نحترموها وما نرفعوش عيني فيها , تلاقيها تتكلم بأدب واحترام من غير ضحك ولا هزار ولا مياعة , ومن جوايا بنبقى مبسوط لما نشوفوا الاحترام ده , ونقولوا يا ريت كل الستات كدة

 

 

 

لا بقى , اني عندي الزبونة المفرفشة احسن من الستات اللي بيدخلوا بيقولوا من فضلك ولو سمحت ويدفعوا الفلوس بتاعة المشتروات من غير ما يعبروا البياع بكلمة ولا ضحكة زي ما يكونوا بيتعاملوا مع يهووووووووودي , اعوذ بالله من غضب الله , ادي واحدة منهم دخلت اهيه

 

 

 

السلام عليكم

 

وعليكم السلام يا مدام

 

من فضلك والله كنا عايزين قماش لتنجيد الانتريه

 

كل اللي قدامك هناك ده قماش انتريهات

 

 

طيب , لو سمحت وريني الموف ده

 

 

 

اتفضلي يا مدام

 

, لا الخامة مش قد كدة , اديني نفس اللون وخامة اعلى

 

حاضر , اللي هناك ده احسن , اتفضلي شوفي كدة

 

ايوة , ده كويس , اديني من ده

 

حاضر يا مدام

 

 

 

شايفة الزباين اللي تعقدددددددددددد , هو الواحد ناقص عقددددددددد

 

ايوة يا سي سامي , ما انت عايز الزباين كلهم على واحدة ونصصصصصصصصصص

 

يا شيخة بقى بلا واحدة ونص بلا واحدة وربع , قومي شوفي امككككككككك

 

اديني قايمة يا مبصبصاتي , شوفلي معاك فكة عشان نحاسبو التاكس

 

ما تركبي ترااااااااااااام

 

اني اوسااااااااااا بنت عادل سليييييييييييم نركبوا ترااااااااااااااام !!!!!!!!!

 

خدي يختي , سلميلي على ابوووووووووووووووووووووكِ

 

الله يسلمك يا سامي

 

 

 

 

 

 

 

 

 

 

 

 

ياسمييييييييييييين

 

نعم يا ماما

 

خلي بالك من اخواتك , هروح لطنط اشجان اقولها على حاجة

 

حاضر يا ماما

 

مامااااااااا

 

عايز ايه يا ياسرررررررر

 

هاجي معاكي عند طنط اشجان عشان العب مع رحممممممممممممممممة

 

اقعد اكتب الواااااااااااااااااجب , ال يلعب مع رحمة ااااااااااااااال , اياك ارجع الاقيك ما كتبتش الواجب

 

 

حاضر حاضررررررر كل يوم واجب واااااااااااااجب

 

 

الحق يا ياسرررررررر , ياسين هيقطع الكراسة بتاعتتتتتتتتتتتتتتتتتتتتتك

 

ايه دددددددددده , اوعىىىىىىىىىىىىىىى اوعى انت كمان , هو انا ناااااااااااقصك

 

ايييييييه , سيب الكياااااااااااااااااسة سيب الكيااااااااااااااااااسة اهئ اهئ اهئئئئئئئئئئ مامااااااااااا

 

هي كانت بتاعتك !!!!!!! يلا امشي وما تدخلش اوضتي تاااااااااااااني

 

تعالى يا ياسين أأكلك طبق المهلبية ده

 

هيييييييييه هييييييييييييه هههههه

 

خد يا حبيبي يلا افتح بقككككككك همممممممممم

 

همممممممممممم ههههه

 

يلا افتح بقك تاااااااااااااااني

 

 

 

مس هتّيك يا ياسل

 

مش عايز منك حاااااااااجة , اما اشوف الواجب ده اللي مش عايز يتعممممممممممممممل

 

 

 

 

 

 

يعني جوزك زار سيادة المقدم ولقى الزيارة ممنوعة

 

ايوة , لسة في العناية المركزة , بس بيقولوا الحالة مسقرة

 

ربنا يشفيه يارب عشان خاطر امه وعياله

 

ها يا اشجان قولتي ايه ! هتروحي معايا نزور سيادة المقدم ولا لأ ؟؟؟؟؟؟ صحيح الزيارة ممنوعة بس برضو نروح نقف جنب الحاجة ام عصام اللي جمايلها مغرقانا

 

انا عايزة نروح والله , داني من ساعة ما سمعت الخبر واني زعلانة وحزنانة ومش عارفة نعملوا ايه , بس بصراحة انا ما بنحبوش مراته , انعورة كدة ودايما رافعة مناخيرها في السما , تتصوري يا بهيرة كذا مرة نقولولها ازيك يا مدام تقوم باصالي من فوق لتحت ومدورة وشها وما تردش !

 

معلش , هي اصلها عيانة , العيان ماحدش يآخذه على عمايله

 

عيانة بإيه

 

عيانة بمناخيرها بعيد عنك , عندها حساسية باين , والدكتور قايلها تعرض مناخيرها ساعتين للشمس كل يوم , عشان كدة تلاقيها رافعاها وباصة في السما , يعني هي ما تقصدش تتعالى , دي بعيد عن السامعين بتعالج مناخيرها

 

والله ! يبقى اني بقى فَهَمتها غلط , اني كنت فاكراها متكبرة

 

لا يا حبيبتي , ربنا يشفيها ويزيح عنها , وبعدين هي في ايه ولا في ايه دلوقتي ! اكيد زعلها على جوزها وطى مناخيرها شوية وعرفت ان البني ادم مننا ولا حاجة وممكن يروح في ثانية للعالم الآخر

 

يختي انتي بتقوليلي اني ليه ! ما تروحي تقوليلها هي , اني عن نفسي متواضعة الحمدلله رغم اني احلى منها الف مرة

 

ههههههه خليهم الفين , واحنا دافعين حاجة !

 

ههههههه على رأيك يختي , اني هنروح عشان خاطر الحاجة ام عصام غالية عليا وليها عليا جمايل

 

جمايلها ع الكل والله يا اشجان , انا قولت اقولك عشان ما يصحش نتأخر عليها اكتر من كدة

 

خلاص , هنتَصل بعادل ونستأذنوه وناخدك ونروحوا

 

وماله يختي , نروحوا عشان نلحقوا نيجو بسرعة هههههههههههه

 

 

طنط بهيرررررررررررررررررة , انتِ هنا يا طنط

 

لا يختي عفريتي هههه ازيك يارحمة

 

كويسة , فين ياسرررررررررررر

 

ياسر بيكتب الواجب

 

طيب انا هاخد كراريسي انا كمان و هروح اكتب الواجب معاااااااااااااااااه

 

 

استني يا بت اقعدي اتغدي الاوووووووووول

 

لالالالالا لما اجي , باي باااااااااااااي

 

باي باي يختي والقلب داعيلك , تشربي شيّ يا بهيرة

 

ياريت يا اختي , والله نفسي في كوباية شاي وكسلت اعمل , بس اظبطي ايدك في مقدار الشاي شوية عشان انتي مرة تعمليه خفيف زي المية ومرة تعمليه حبر كوبيا ما يتشربش

 

هههههه ما تخافيش , هعملهولك بفتلة واتحكمي فيه انتي

 

يكون احسن برضو

 

 

 

 

 

 

عصووووووووووووومة ههههههههههه

 

ههههههههه يا حياة عصومة يا عقل عصوووووووووووووومة , ايه الجمال والأنوثة دي كلها يا اماني هههههه الروز يجنن عليكِ يجننننننننن

 

ههههههههه عجبك ؟

 

هههه انتِ على طول عاجباني ومجنناني ومدوباااااااااااااااااني هههههههههه حرام عليكِ ارحميني شوية , انا مش قدك

 

ههههههههههههههههه انت !!!!!!!!!!!!!!!! اخ منك انتتتتتتتتتتتتتتتتتتتتتتتتتتتتتتتت

 

هههههههههههههههههههههههههههههههههههههه بجد انتِ حسستيني احاسيس جميلة اوي مفتقدها , معاكِ بحس اني في عالم تاني , بحس اني تايه حتى عن نفسي , او حتى مش عايز افتكر نفسي ولا افتكر أي حاااااااااااااجة

 

 

هههههههه مش قولتلك هنسيك اسمك يا عصومة

 

هههههههههه هو انا كان اسمي ايه عشان نسيت ؟

 

 

هههههههههههههههه اسمك عصام حبيبي وروح قلبي , يا قلبي انت يا قلبي ههههههههههههههه

 

ههههههههه تجنني , تعالي اقولك على حاجة نسيت اقولها امبارح

 

هههههههههه وانا تحت امرك يا حياتي

  • معجبة 1

شارك هذه المشاركه


رابط المشاركه
شارك

اظن حلو اوي كدة ومية مية والحلقات كتير وتكفيكو لحد يوم السبت يا بنات يللي عايزين حلقات كتير

 

 

 

 

ام العباااااادلة

 

اظن كدة الحلقات شوية صغيرة ومش هتطعطلي في القراءة هههههههههههههههههههههههههه

 

لو كتير قسميهم على اليومين يا عسل

 

 

 

اشوفكو يوم السبت يا بنات ان شاء الله

 

يارب الحلقات تنال اعجابكم ان شاء الله

شارك هذه المشاركه


رابط المشاركه
شارك

السلام عليكم

سلمت يداك يا هبه

أعتقد ان وليد مش هيستمر مع خطيبته بصراحة كانت مفاجأه انه ضابط

شارك هذه المشاركه


رابط المشاركه
شارك

بسنت دي جدعة والله ما شاء الله ,, جميلة أوووي الصحبة الصالحة ,, بيتعاونوا في الدراسة وفي العبادة كمان

 

وليد شكله قلب على منار ,, مع انه مش ملتزم واهله هآآآي ,, بس شكل ريم أثرت عليهو وشاغلة باله ,, لكن منار قعداله في البخت ,, يا ترى هيخرج من الورطة دي ازاااي

 

فرق كبييير بين المحترمة اللي داخلة بكل أدب وعارفة طلبها بدون ميآآعة ودي بتجبر الكل على انه يحترمها

 

,, وبين اللي داخلة تتعاكس وتتمايص وترخص نفسها ومش لاقية حد يلمها ,, مستفزززة

 

أيّووووووووووووه ع البنات وأسئلتهم اللي يموتوا لو مسألوش هههههه ,, ناقص يسألوا ضحى هي لونها ايه وبتاكل ايه وبتشرب ايه ههههههههه

 

 

 

تسلمي يا خالتو هبة ,,, الحلقات جميييييلة كالعاااادة ما شاء الله

تم تعديل بواسطة هدوء الفجر

شارك هذه المشاركه


رابط المشاركه
شارك

الحلقات طويله ^^ قصريها شويه

 

المهم الحلقات جميله

بس انا مبحبش البنات اللى بيقعدوا يسألوا الواحده عن خطيبها واسمه ايه وبيشتغل ايه ويبصوا عليه

 

اما صاحبة ريم كويسه ما شاء الله مجاش فى بالى الموضوع ده هههههه

 

هى البت رحمه عندها كم سنه دلوقتى ؟

شارك هذه المشاركه


رابط المشاركه
شارك

أم العبادلة أنا بقى هقولك وليد هيشوف ريم ازاى : )

هو هيروح لهانى يزوره وهتكون ريم قرأت عن اصابته فهتروح هى ومامتها

المهم هيتقابلوا هناك واكيد لما تشوفوه هتشبه عليه بس مش قادرة اتوقع ردة فعله بصراحه ^_^

يعنى دا ان هبه ما اخلفتش التوقعات

 

 

لما شوفت الضحكة وباى باى كونت مستحلفالك بس لقيتها بقيت الحلقة

نفدتى منيها ههههههههه

بس اخص عليك بجد الله يسامحك يا هبه انا مش هرد عليكى ماشى

  • معجبة 1

شارك هذه المشاركه


رابط المشاركه
شارك

بنوتة

انا شايفاها مقابلة تقليدية وهتكون مرة واحدة

المفروض يقابلها في مكان بتروحه باستمرار علشان يروح دائما يشوفها

وبعدين هتعرفه ازاي اذا كان شايل المكياج والحاجات العجيبة المخيفة اللي كان مغير بيها وجهه

 

 

بالنسبة للحلوين عصام واماني

نفسي اعرف هبة محضرة لهم ايه

ﻻنها زوجتهم في فترة العدة وده مخالف للشرع واكيد هيكون له عواقب عليهم

  • معجبة 1

شارك هذه المشاركه


رابط المشاركه
شارك

تسلم ايدك يا هوبة الحلقات جميلة خالص

 

وعصام ولا دريان بالى حصل لاخوه؟؟؟؟

 

وكمان مراته فى الهوا ولا عارفة الى بيحصل من وراها بيتهيألى لو عرفت مش ها تزعل اهل حاجة عندها الموضة والكلاب والقطط طول ما هما بخير يبقى هيا بخير ههههههههههههههههه

 

وكمان اكيد وليد ها يتجوز ريم بس منار دى ها تأرفها وخصوصا انها قريبته ..ربنا يستر

شارك هذه المشاركه


رابط المشاركه
شارك

جميل

 

:)

 

تعرفي يا هبة

 

انا البارحة قريت الحلقات وكل ما اكمل رد انزل بهدوء ولما الاقي لس في حلقة افرح هههههه (كنت اقرا بالجوال)

 

كما قالت حواء حلقات لا قصيرة ولا طويلة :)

  • معجبة 1

شارك هذه المشاركه


رابط المشاركه
شارك

أم العبادلة

ما انا بقول تشبه عليه مش تعرفه

أما توقعك الاخير اممممممم مش عارفه

بس احنا فين وعلى ريم ما تخلص وتشتغل وتقابل وليد

شارك هذه المشاركه


رابط المشاركه
شارك

جزاااك الله خيراً ياهبة حلقات رائعة ،

صبحي طلع ظابط شييء غير متوقع ،،

لكن المتوقع أنه سيتزوج ريم لأنه معجب بشخصيتها

ولأنها غيرت فيه أشياء مثل مواظبته على الصلاة وعدم سماعه للأغاني ،

كما أن علاقته بخطيبته متوترة والأهل كانوا غير موافقين عليها .

 

 

أوسا أعتقد أن زوجها سيتزوج عليها في يوم من الأيام واحدة من تلك المائعات

اللاتي يأتين عنده بحجة الشراء طالما أنه(غير ملتزم ولا يتقى الله في نظراتة للنساء )(كما أنه لم يتزوجها إلا طمعاً في مال أبيها ).

 

 

أحمد سيلقى معارضة كبيرة من والده حينما يريد الزواج لأن أباه سيوافق إن كانت من عائلة كبيرة ونسب يشرف كما قال

لحامد << كان الله فى عون أحمد .

 

رشا أعتقد أنها ستتغير للأحسن بقربها من منال هى وأولادها .

 

نسرين وأسرتها مستفزين لأبعد الحدود ،، لم أستطع التخيل أن هناك أناساً بتصرفاتهم تلك ،

ولكن الحقيقة المؤلمة هو أنه فعلاً يوجد منهم الكثير والله المستعان >>غفلة>غفلة >في ملهيات الدنيا

فهم فى حياتهم الخاصة التى رسموها لأنفسهم ولا يرون غيرها . <<<<اللهم اهدهم >

 

 

عصااام وأماااني >> غفلة من نوع آخر >> أعتقد أن هبة محضرة لنا مفاجأة بشأنهم

فما يكون لزواج مثل هذا أن ينعم بالسعادة .

 

رحمة وياسر >>>انتبهن أيتها الأمهات إلى أبنائكن وبناتكن .

 

 

فى انتظااار المفاجآت ياهوبه : ) .

تم تعديل بواسطة ~ محبة صحبة الأخيار~
  • معجبة 1

شارك هذه المشاركه


رابط المشاركه
شارك

هووووووووووووووبه الغالية

وحشتييييييييييينى كتيييييييييييييييييييير

 

احداث ساخنة جداااااااااا

لم اتخيل ان يكون صبحى ضابطا مفاجاة فعلا

اعتقد سيتزوج ريم

اوافق الاخت محبة صحبة الاخيار فى توقعاتها

 

بس ياترى انت محضرة ايه؟

 

 

بالانتظار ياحبيبة

شارك هذه المشاركه


رابط المشاركه
شارك

الحلقات رائعة ما شاء الله

انا المهم بالنسبة لي انه هاني ما يتزوج على مرته ، بلاش يصير الزواج الثاني موضة والعدوى تنتشر بين الرجال هههههههههههههههههههههههه ان شاء الله وليد يتزوج ريم

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏‏ثبتت امرأةُ فرعونَ وهي في بيتِ أكبر طاغية! وانتكست امرأةُ نوحٍ وهي في بيتِ أكبر داعية! ضغط الواقع ليس عذرًا للتفلت من التكاليف الشرعية . ╰🌸🍃╮

×