اذهبي الى المحتوى

المشاركات التي تم ترشيحها

@أم العبادلة

 

أوافقك ان المنديل ممكن يكون له دور بس مش عارفة ازاي؟

 

ممكن مش في الزيارة دي لسه أعتقد انها لسه هتحاول تقرب منها وتفهمها انها مباركة جدا على جوازها من خالد وانها مش موافقة ان ضحى تتجوز أدهم وانه مش يليق بضحى كدا يعني تفهمها انها ضد أدهم لحد ماتطمن لها والله أعلم

 

الموقف اللي حصل مع خالد وهوا لابس الجاكت ع الفانلة ضحكني جدا ههههههههههههههههههههههههههههههههههه بيفكرني بيا وانا خارجة كانت هتحصل معايا مرة وأخرج بالخمار ع الهدوم الداخلية من غير عباية بس الحمد لله ربنا ستر ومن وقتها وأنا موسوسة لازم أطمن ع اللبس كله من العباية لحد الجوانتي والشراب الحمد لله .. ربنا يسترنا ولا يفضحنا

شارك هذه المشاركه


رابط المشاركه
شارك

مفيش حلقات ولا في هدوء هتقول ان هبه بتعتذر

اهئ اهئ اهئ

شارك هذه المشاركه


رابط المشاركه
شارك

post-110778-0-15826400-1417033332.jpg

 

 

 

 

ست سميرررررررررة

 

مين ع الباب يا اعتماد

 

واحدة اسمها اوسا عادل سليم

 

مييييييييييييييييييييين !!!!!!!!!!!!!!!!!!!!!!!!!!!!!!! طب اقفلي يا كريمة دلوقتي مع السلاااااااامة

 

الله يسلمك يا سميرة , هي مالها قفلت مرة واحدة كدة !!!!

 

 

 

انتِ قولتي مين يا اعتماد ؟

 

بنقولك يا حاجة واحدة اسمها اوسا عادل سليم وبتسأل ع الست ضحى

 

ضحى !!!!! ودي عايزة ايه من ضحى ؟

 

نقولها ان الست ضحى مش موجودة ونمشيها يا حاجة ؟

 

لا استني يا اعتماد , اني هنروحولها نشوفوها عايزة ايه من بنتي وايه اللي جرأها وجابها لحد هنا , هي فين ؟

 

سيبتها واقفة ع الباب يا حاجة , ما رضيتش ندخلوها قبل ما نستأذنوكِ

 

طيب يا اعتماد , روحي انتِ شوفي اللي وراكِ

 

 

 

 

 

 

 

 

اهلا وسهلا , ازيك يا اوسا

 

السلام عليكم يا طنط

 

وعليكم السلام , خير

 

هو حضرتك مش هتقوليلي اتفضلي ولا ايه !

 

....................... اتفضلي

 

متشكرة يا طنط , هنقعدوا هنا في الريسبشن ولا في الصالون ؟

 

اتفضلي في الصالون

 

ههه متشكرة يا طنط

 

 

يااااااااااه الصالون هو هو من ساعة ما كنت هنا اني وماما وبابا واخواتي بنزوروكِ من سنين ههه فاكرة اليوم ده زي ما يكون امبارح

 

.................... خير يا اوسا , نحب نعرف سبب الزيارة وتشريفك لينا من غير معاد

 

ههه غريبة اني نزوروكوا يا طنط !

 

اصلها مش بعادة يعني , من سنين والود مقطوع

 

ههه ما اني جاية عشان نوصِلوه

 

مش فاهمة يا اوسا

 

مممم هي ضحى مش هنا ولا ايه

 

عايزة ايه من ضحى يا اوسا

 

هو في ايه يا طنط ! اهئ اهئئئئئ هو حضرتك بتعامليني كدة ليه زي ما نكون جاية نأذي ضحى لا سمح الله , طب داني نحبوا ضحى زي ما تكون اختي اهئ اهئئئئئئ انتِ ظالماني يا طنط

 

اني يا بنتي لا بنظلم ولا عايزة نظلم , اني بنسأل عايزة بنتي في ايه ؟

 

اني عايزة نشوفوها , من فضلك يا طنط خليني نشوف ضحى , ولو عايزة تحضرينا احضرينا طالما قلقانة مني كدة زي ما نكونوا مؤذية و جاية ناوية على شر

 

مممممم اخوكِ اللي باعتك؟

 

اخويااااااااا ! وهو احمد هيبعتني عندكو ليه ؟

 

احمد !!!!!! ما تلفيش عليا يا اوسا عشان اني مش صغيرة ولا ينضحك علياااا , ادهم باعتك عايز ايه من بنتي

 

ادهم !!!!!! وهو ادهم ماله ومال ضحى يا طنط

 

هأ , هو انتِ ما تعرفيش انه اتقدملها واحنا رفضنا وقفلنا الباب ده ومش هنفتحوه تاني ؟

 

اتقدم لضحى !!!!!!! رفضتوه !!!!! والله خير ما فعلتوا يا طنطططططط , ادهم ما يستاهلش ضحى اهئ اهئئئئئئئئ ده يستاهل واحدة من عينته اهئ اهئئئئئئئئئ ده مش بني ادمممممممم اهئ اهئئئئئ طول عمره عاملنا مشاكل وطول عمره بيوقع بيني وبين احمد وبيقوم بابا وماما عليا اهئ اهئئئئئ ده مكرهني نروحوا الفيلا , الله ينتقم منك يا ادهم اهئ اهئئئئئئئئئ

 

ممممم برضو عايزة ايه من بنتي يا بنت سعاااااد

 

يا طنط نبوسوا ايدك خليني نشوفوا ضحىىىىىى اهئ اهئئئئئئئ ليه المعاملة دي بس ! اني من ساعة ما جيت وانتي مكشرة في وشي ومش طايقااااااني اهئ اهئئئئئئئ مع اني بنحبوكِ يا طنطططط اهئ اهئئئئئئئئ

 

اووووووف استغفر الله العظيم , عن اذنك

 

اتفضلي يا طنط اهئ اهئ ههههه اعوذ بالله منك ولية خننننننقة , ايّوووووووووه , ايه ده , فاتحالي محضر دي ولا ايييييييه

 

 

اعتماد , شوفي الضيفة تشرب ايه عشان مهما كان دي في بيتنا , اني داخلة لضحى

 

طيب يا حاجة

 

 

 

تشربي ايه حضرتك ؟

 

عندكو حاجة ساقعة

 

ايوة

 

طب هاتيلي حاجة ساقعة تكون متلجة

 

حاضر

 

 

 

 

تن تن ضحى

 

اتفضلي يا ماما

 

كنتِ بتقري في المصحف ؟

 

ايوة يا ماما , كنت بنخلصوا الورد بتاعي ممممم في حاجة يا ماما ؟ شكلك باين عليه القلق والتوتر اوي

 

اوسا عندنا وعايزة تقابلك

 

اوسا ! اوسا بنت عمو عادل سليم

 

هي

 

طب ودي جاية ليه وعايزة مني ايه يا ماما

 

هو ده اللي عايزة نعرفوه , اني مش لاقية سبب لزيارتها ومش مطمنة

 

مممم حاجة غريبة اوي , طيب يا ماما اني هنخرج نقابلها

 

تعالي يا ضحى وعايزاكِ ما تاخديش وتدي معاها في الكلام , البت دي مالهاش امان

 

تووووء اني قلقانة اوي يا ماما ومش عايزة نقابلوها , بس في نفس الوقت عايزة نعرف هي عايزة مني ايه

 

مممم تعالي يا ضحى معايا , اما نشوفوا اخرتها مع ولاد سعاد , زي ما قولتلك ما تديلهاش ريق حلو , اني مش عايزة البت دي تيجي هنا تاااااااااني

 

طيب طيب يا ماما , اما نشوفوا بس هي عايزة ايه

 

 

 

 

اهي ضحى اهيه يا اوسا

 

السلام عليكم

 

ضحىىىىىىىىى حبيبتي هههههههه والله وحشتيني اممممممموووووووووه اممممممموووووووووووووووووووه هههههههه ازيك يا ضحىىىىىىى

 

الله يسلمك يا اوسا , اتفضلي استريحي

 

هههه يزيد فضلك يا حبيبتي , انما ايه الجمال ده كله ههه

 

شكرا , اهلا وسهلا , خير يا اوسا

 

وبعدين في امها اللي قاعدالنا زي العمل الرضي دي !!!!!! اوووووف , أأأأأ اني اني كنت عايزة نفضفض معاكِ شوية يا ضحى اهئ اهئئئئئئئ اصل اني مخنوقة ومش لاقية حد نفتحوله قلبي ونفضفضوله اهئ اهئئئئئئئئ اني الدنيا ضاقت في وشي يختي اهئ اهئئئئئئئئئئ

 

طيب بس بس كفاية يا اوسا , في ايه بس لده كله ؟؟؟؟؟

 

اني عارفة انك مستغربة اني جايالك ليه إنتِ بالذات , وليكِ حق تستغربي يا ضحى اهئ اهئئئئئ لكن اني بقى طول عمري نحبوكِ ونتمنوا نبقوا زيك اهئ اهئئئئئئ لكن يا خسارة اني ما لقيتش حد زي ماما سميرة وبابا حامد يربوني ع الدين زي ما ربوكِ اهئ اهئئئئئئئئئ اني ماحدش بيحبني يا ضحى اهئ اهئئئئئ ماما طول عمرها تحب ادهم وتفضله عني اني واحمد اخويا الغلبان اهئ اهئئئئئئئ لدرجة احمد ما قَدَرش يستحمل معاملتها الوحشة دي اهئ اهئ وراح سكن لوحده بعيد عنها اهئ اهئئئئئ واني بقى عشان تخلص مني جوزتني لابن اختها غصب عني اهئ اهئئئئئئئ ابن اختها اللي مبهدلني وممرر عيشتي وبيضربني كل يوم والتاني اهئ اهئئئئئئئئئ

 

يااااااااااه بيضررررررربك ؟؟؟؟؟؟؟؟؟

 

ايوة يا ضحى يا حبيبتي اهئ اهئئئئئئ طب والله لو ماكانش عيب كنت وريتك اثر الضرب على جسمي , اني جسمي كله ازرق من الضرب اهئ اهئئئئئئئئئئئئ الله يسامحك يا ماما يللي رمتيني لابن اختك اهئ اهئئئئئئئئئ

 

يا خبرررررر ! طيب وعمو عادل ساكت ليه , وازاي يسيبك تتعاملي معاملة وحشة بالشكل ده من جوزك ؟؟؟؟؟؟

 

بابا !!!!!!!!!! هأ , وهو بابا فاضيلي ولا بيفكر فيا ! اهئ اهئئئئئئئ بابا مش فاضي غير لمراته التانية وبنته اللي اسمها رحمة اللي خلفها منها اهئ اهئئئئئ هي دي بس بنته حبيبته اللي ما يطيقش عليها الهوا اهئ اهئ لكن اني ولا بيفكر فيا ولا يهمه نعيش ولا نموت حتى اهئ اهئئئئئئئئئئئ اااااه ياني يا حظي الوحش في الدنياااااا ليه يارب تعمل فيا كدة داني غلبااااااااااانة اهئ اهئئئئئئئ

 

استغفري ربنا يا اوسااااااا تووووء ما ينفعش نقول ليه يارب تعمل كدة , استغفر الله العظيم , ده ملكه واحنا عبيده وهو سبحانه يفعل ما يشاء

 

استغفر الله العظيم اهئ اهئئئئئئ سامحني يارب اهئ اهئئئئئئئ شوفتي بقى يا ضحى اني جيتلك ليه ؟ اهئ اهئ اني جيت عشان تاخدي بإيدي يختي , نفسي نبقى كويسة وربنا يرضى عني اهئ اهئ نفسي نبقى زيك يا ضحى

 

 

 

يا حبيبتي يا اوسا ! طيب بس بس اهدي بالله عليكِ , دانتِ مسكينة خاااااالص , اني ما كنتش نعرف عنك كدة

 

اهئ اهئ داني اللي ما قلتوش اكتر من اللي قولته يا ضحى اهئ اهئ اني في هم يا اختي اهئ اهئئئئئئ

 

لا هم ولا حاجة ان شاء الله , انتِ عارفة يا اوسا اكيد انتِ عندك الاحاسيس دي عشان بعيدة عن ربنا

 

اهئ اهئ اني عارفة يا ضحى اهئ اهئ اومال اني جيتلك ليه ! اهئ اهئ عشان تاخدي بإيدي يا طاهرة يا ام قلب ابيض وعمران بالإيمااااااااان اهئ اهئئئئئئئئئئئئئئئئئئئئئئ

 

غفر الله لي ما لا تعلمين يا اوسا , كلنا مقصرين والله يا حبيبتي

 

احم احممممم , يلا يا ضحى قومي اجهزي عشان رايحين لاخوكِ , احنا اتأخرنا عليه اوووووووي

 

اني كنت ماشية يا طنط , مبروك يا ضحى يا حبيبتي الخطوبة , واحسن انك رفضتي ادهم , الولا ده ما يستاهلش ضفرك , انتِ تستاهلي سيد الناس كلها

 

ربنا يخليكِ يا اوسا , كل شيء قسمة ونصيب

 

طيب , متشكرة ع الحاجة الساقعة يا ماما سميرة , نشوفوكو على خير ان شاء الله , السلام عليكم

 

وعليكم السلام يا اوسا ....................... ايه رأيك يا ماما في الكلام اللي قالته اوسا ؟

 

دخل من الودن دي خرج من الودن التانية

 

ليه بس كدة يا ماما ؟؟؟؟؟؟؟؟؟

 

زي ما قولتلك البت دي مالهاش اماااااان والله اعلم جاية ليه ونيتها اييييييييه

 

هيكون نيتها ايه بس يا ماما ؟ اذا كان قصدك على اخوها , فلموضوع اتقفل واني اتخطبت لغيره وهي عارفة كدة وباركتلي كمان

 

لالالا اني ما اديش عقلي لغيري ابداااااااا اني مش مرتاحة للبت دددددي

 

ههههه عشان انتِ طول عمرك تكرهي مامتها عشان خطفت خطيب خالتو كريمة

 

الموضوع اكبر من كدة يا ضحى واني من زمان ما نحبش نتعامل مع عيلة عادل سليممممممممم اني مش عايزاكِ يبقى لك صلة بالبت دي تاااااااااني

 

ماما حضرتك عارفة اني لا بنخرج ولا بنروح عند حد , واللي يجي عندنا اهلا وسهلا , لكن احنا رايحين لامير صحيح؟

 

لا , اني كدبت عشان البت دي تمشي , ربنا يسامحني بقى توووووء اني قلبي مقبوض من ساعة ما دخلت علينا

 

ههههه حضرتك مكبرة الموضوع اوي يا ماما , اني هنروح نستعد لصلاة الضهر عن اذنك

 

طيب يا بنتي , واني كمان هنقوم نتوضى , يا ترى ايه اللي حدفك علينا يا بنت سعاااااااد , احفظنا من الكيد والمكر ياااااااارب , اعتمااااااااااااااااااااااااااااااااااااااااد

 

 

نعم يا حااااااااجة

 

بنقولولك ايه يا اعتماد , البت اللي كانت هنا لو جت تاني قوليلها ماحدش موجووووود , اوعي تدخليها تاااااااااني

 

حاضر يا حاجة تحت امرك , هي البت دي شر أوي كدة ؟؟؟؟؟؟؟

 

لا شر ولا خير , اني مش عايزاها تعتب بيتي تاني لا بخيرها ولا بشرهاااااا , اني بنتي طيبة وغلبانة وشايفة الناس كلها طيبين

 

ايوة يا حاجة , ماهي الست ضحى اسم الله عليها لا لفت ولا دارت ولا تعرف العدو من الحبيب

 

عشان كدة واجب نحموها , ربنا يسلم , اعملي اللي قولتلك عليه يا اعتماد وربنا يبعد عننا الشر

 

اللهم آمين , من عنيا يا حاجة , لو جت تاني هنقولولها ماحدش هنا وهنكشروا في وشها كماااان

 

 

 

 

 

 

 

 

 

 

 

 

 

 

 

 

 

 

 

 

تررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررن

 

دي الست اوسا جت اهيه , عن اذنك هنفتحولها

 

روحي بس ما تقوليلهاش ان سوسن هنا , اني عايزة نفاجؤوها يا اسمك ايه هههههه

 

اسمي بدور يا حبيبتي اووووووووف هنلاقوها من اوسا ولا من صحابهااااا

 

ترررررررررررررررررررررررررررررررررررررررررررررررررررررن ايّووووووه ما بتفتحش ليه البت ددددددددي , افتحي يا بت يا بدووووووووووور

 

ايوة ايوة يا ست اوسا جاااااااية

 

اهلا يا ست اوساااااااا

 

اييييييييييه نايمة على وداااااانك !!!!!! خدي شنطتي دخليها اوضتي

 

حااااااضر

 

ايه ده ! اني سامعة حركة غريبة في الصالوووووون , مين اللي هنا يا بت يا بدووووووور

 

واحدة من صاحباتك عملالك مفاجأة , ربنا ياخدك وياخدهم ويريحنااااااا

 

 

مين اللي هنا

 

هههههههههه اوساااااااااا وحشتيني يا بت

 

ايّوووووووووووووه ههههههههه ازيك يا بت يا سوسسسسسسسن

 

وحشتيني يا اوسا اموووووه امووووووووه , فينك يا بت ولا بتسألي ؟ يعني لو ما كنتش اني نسأل خلاص ما نسمعوش صوتك ولا نشوفوا وشك ؟ ههههه

 

مشاغل يا بت يا سوسن معلش , اقعدي يا بت دانتي وحشاني

 

هههههه انتِ اكتر يا قمر , كنتِ فييييين ؟

 

كنت في مشوار خير

 

هههههههههههههههههههههههههههههههههههههه قولي كلام غير ده , مش لايق عليكِ كلمة مشوار خير دي خاااااااالص

 

هههههههه داني كلي خير يا بت ووش السعد كماااااااان , بت يا بدورررررررررررر

 

نعم يا ست اوساااااااااااااا بنسقي البت شوية لبن دافيين

 

طب هاتي البت هنا نسقيها اني واعملي حاجة لسوسن تشربها

 

حااااااضر , تعالي يا نورهان يا عسل عشان ماما عايزاكِ , يلا حسان تسلبي اللبن ههههههه امووووه

 

 

 

خدي نورهان اهيه وكوباية اللبن اهيه يا ست اوسا , نعملولك شيّ يا ست سوسن ؟

 

ما يضرش هههه بنتك احلوت اوي يا اوسااااااا

 

 

ايّووووووووه خلي صاحبتك تقول ماشاء الله يا ست اوساااااااا

 

قولي ماشاء الله لتحسديلي البت ههههه تعالي يا نورهاااااان ههههه تعالي يا نور عيني

 

يأ

 

كدة يا بت ! ههههه مش اني ماما حبيبتك؟

 

لالالالالالا ماما بيتووووووور

 

ماما بدور في عيننننننك , مااني نحمل ونولد ونشوف الموت بعنيا وتقولي لغيري يا ماماااااااا , بت قليلة اصل زي ابووووووووكِ

 

اتفووووو وحسسسسسسة

 

اه يا قليلة الادددددددددب بتفي عليا يا بتتتتتتتتتت

 

تلاقي الشغالة اللي عندك اللي معلماها العادة الوحشة ددددددي

 

بدوررررررررررررررررررررررررررر

 

ايّووووووووووووو , نعم يا ست اوساااااااا بنعملوا الشيّ لصاحبتككككككككك

 

تعالي هناااااااااااااااا

 

نعميييييييييين

 

البت نورهان بتف علياااااااااااااااااااا

 

طب واني مالي انيييييييييييييي

 

مالك يعني ايييييييييييه !!!!!!! مين اللي علمها الخصلة دددددددددي ؟؟؟؟؟؟؟؟

 

والله ما اني يا ست اوسااااااااا , البت اصلا مش عادتها تتف

 

اومال بتف عليا لييييييييييه

 

بتتصرف بإحساسها , ذنبي ايه انننننننني ايّوووووه

 

طب يختي روحي اعملي الشيّ جاتك مصيييييييييييبة

 

مصيبة تشيلك

 

 

منورة يا سوسن هههههه

 

هههههه بنورك يا اوسا

 

استني اما نفكوا ايشارب التحجيبة اللي خنقني ده

 

ايه ده ! صبغتي شعرك يا اوساااااا ههههه ايّوووووووووه لونه حلو اوي يا بت

 

هههههه تعيشي , اومال ايه يا بت يا سوسن , لازم الواحدة تاخد بالها من نفسهااااااا , تغير لون شعرها وتلبس على كل شكل ولون عشان تملا عين جوزها ولا يفكر في واحدة غيرها ابدااااااااااااااااااااااااااااااا

 

هههههه صدقتي يا اوسا , يا بخت جوزك بيكِ , متجوز واحدة شايفة روحها ومدلعة نفسها ومدلعاه معاهاااااااا هههههههههههه

 

ههههههههه اتعلمي يا بت , اني سَمَعت انك خطبتي

 

كان , فعل ماضي سيبه في حاله هههههههههه فسختها اول امبارح

 

ليه يا فقرية ! يا بت ما تتجوزي وتتهدي يا بت

 

يا شيخة بلاش اررررررف , طلع ولا كداب ونص كلامه كدب في كدببببببببب , دخل علينا راكب عربية ستة متر وعمال يفشر ويقول عندي املاك وعندي عمارات وفي الآخر نسأل عليه بعد ما جبنا الشبكة وعزمنا الناس يقوم يطلع شغال سواق ع العربية اللي جايينا بيها والعمارة اللي كان بيقول انها بتاعته اتاريه مأجر اوضة فوق سطوحهاااااااااا

 

ههههههههههههههههههههههههه ده طَلَع نصاب بقى

 

ايوة يا حبيبتي وكان جاي طمعان في ابويا يديله شقة في عمارته

 

وعملتوا معاه ايه

 

هنعملوا ايه يعني , امي وخالاتي ضربوه علقة موت وقولناله الشبكة مش هنرجعوهالك يا نصاب يا حراااااااامي

 

هههههههه سيبك انتِ , انتِ طول عمرك محظوظة يا بت هههههه

 

مممممم ما تعرفيش اخبار عن هيما

 

يادي هيما وسنين هيماااااااا , ما تشيلي الولا من دمااغك

 

نشيلوه من دماغي يوم ما ناخدوا بتاري منه ومن الفلاحة الجلنفاية اللي اتجوزهاااااااا

 

أيّووووووووووووه , يا بت انتِ طول عمرك دماغك ناشفة , انتِ عرفتي انه جاب بت وسماها مهجة ؟

 

مهجة ! ممممم هنعرفوا منين , طب ايه رأيك بقى حتى لو مخلف من الولية دي دستة هنطلقوها منه يعني هنطلقوها منننننننننه

 

ههههههههههههههههه اما نشوفوا هتعملي ايه , ادينا بنتسلى

 

ايّووووووووه على اوسا وصاحبتها , استغفر الله العظيم , يتسلوا بخراب بيوت الناس ! لا اله الا الله , اني صحيح مش بنصلي بس ما نرضاش نعملوا حاجة تغضب ربنا , لا حول ولا قوة الا بالله , اهديني يارب واصلح حالي , اني ماليش غيرك , استغفر الله العظيم , الشيّ يا ست اوسا

 

حطيه عندك يا بت واخفي

 

ايّوووووووووه نسيت نقولك ده سي ادهم اخوكِ اتصل بيكِ يامَاااااا

 

اتصل يامَاااااا !!!!! تلاقيه قاعد على نار ههههه خليه يحتار شوية , ولا اقولك ناوليني التليفون يا بت نكلموه

 

حاضرررررررر دي نورهان نامت ع الكنبة , ايّوووووه وكمان ما شربتش اللبن يا ست اوساااااااا

 

ما رضيتش تيجي تقعد جنبي , نعملولها اييييييييه , ابقي شربيهولها لما تصحى

 

 

خدي التليفون اهو , عن اذنكو هنشيلوا البت نحطوها في سريرها

 

خديها يا اختي

 

البت بنتك بتقول للشغالة يا ماما ههههه

 

بت قليلة ادب نعملولها ايه , هنكلموا ادهم ثواني ونفضولك يا سوسن , اشربي الشيّ

 

هههههه بنشربوه اهو , ابقي سلميلي عليه

 

ههه يوصل

 

 

تررررررررررررررررررررررررررررررررررررررررن

 

الووووووووووووووو

 

هههههههههه يا عيني , دانت قاعد مستنيني على نار بقى

 

كنتِ فين دا ككككككككككله ايّووووووووووووووه اني اتصلت بيكِ زيادة عن عشر مرااااااااااات

 

لسة داخلة من شوية

 

عملتي اييييييييييييه

 

هههههه ما تقلقش , البت اتأثرت اووووووي

 

يعني في امل يا اوسا ؟

 

هههههه طبعا يا برنسسسسسس , سيب الحاجات دي على اوساااااا , هي بس امها العقربة دي اللي كانت عاملة زي اللقمة في الزوررررررر

 

اني ماليش دعوة بامهااااااااااااا , اني ما يخصنيش غير ضحىىىىىىىىىى

 

ههههه ما تخافش يا ولا , حضر بس انت ال 25 الف جنيي الباقيين حلاوة جوازك من السنيورة

 

هههههههه انت تأمر يا اوسا باشاااااااااا ههههههههههههههههه يتم المراد ونسلموكِ المبلغ , هتروحي تاني امتى ؟

 

هنروحوا بقى لما نباركوا ع الشبكة هههههه حضر هدية حلوة للعروسة يا برنس

 

ماشيييييييي , هنجيبولك سلسلة دهب عيار اربعة وعشرين عشان تهاديها , بس اوعي تطمعي فيها زي الاسورة بتاعة مرات احممممممممد , اني مش احمد يختي وما يضحكش علياااااااااااا

 

هههههه ما تخافش يا ولا , احنا مصلحتنا واحدة وما نعضوش في بعض

 

سلميلي عليه يا اوساااااااا

 

ههههه بالحق , سوسن صاحبتي بتسلم عليك

 

مين سوس دي ؟

 

البت بتاعة هيما اللي ضربته بالجزم هي واصحابها يوم فرحي

 

هههههههههههههه ايّووووووووووه هي البت دي لسة عايشة ! طب سلام بقى عشان عندي شغل وبكرة هنعدي عليكِ نجيبولك السلسلة

 

ههههه ماشي , سلام يا برنسسسسسسس , منورة يا بت يا سوسن هههههه

 

هههه بوجودك , شكلك بتتفقي على مصيبة انتي واخوكِ

 

ههههههههه مش هتيجي اكبر من المصيبة اللي ناوية تعمليها مع مرات هيمااااااا

 

صبرها بالله عليا , اني بنخططولها على تقيييييييييييل

 

هههههه ماشي يا ام دماغ تتوزن بالدهب

 

 

 

 

 

 

 

 

 

 

 

 

 

 

سلام بقى يا هيومة , نشوفك بالليل ان شاء الله ههه

 

ايه يا احمد ! مش هتفطر ولا اييييه , بقى ندخلوا نحضروا الفطار نلاقيك لابس ونازل !!!!!!

 

معلش حبيبتي , نعوضوها بكرة ونفطروا سوا ان شاء الله هههه عايز ننزل بدري عشان نعدي على عم موردي في البيت عشان لسة عيان وبعدين نطلعوا ع المينا

 

ههه ربنا يجازيك خير يا حبيبي ,طول عمرك تفهم في الأصول

 

ههه مش عايزة حاجة يا حبيبتي

 

عايزاك طيب وبخير يا حبيبي , في حفظ الله

 

 

 

 

 

 

 

 

 

متهيألي هي دي شقة عم موردي , اني جيت مع ابويا زمان

 

تررررررررررررررررررررررررررررن ترررررررررررررررررررررررررررررن

 

 

افتحي الباب يا ام قاسم

 

حاضر يا ابو قاسم , مييييييييييين

 

احمد عادل سليم

 

هههه ياااااااااااااااه ! بسم الله ماشاء الله , بقى انت الاستاذ احمد ؟

 

ههه ازيك يا حاجة ام قاسم

 

حاجة ! يسمع من بقك ربنا يا ابني , اهلا وسهلا , انت جاي لموردي ؟

 

ايوة , جيت نطمن عليه

 

اهلا بيك يا ابني اتفضل , فيك الخير والله

 

مين جه يا مامااااااااا

 

ده الاستاذ احمد ابن الحاج عادل جاي لابوكِ يا صابرين , دي صابرين بنتي يا استاذ احمد

 

اهلا انسة صابرين

 

اهلا يا استاذ احمد , شرفت وآنست , عن اذنك يا ماما هننزلوا نشتروا الطلبات اللي قولتي عليها

 

طيب ما تنسيش تجيبي الدوا لابوكِ والفول عشان اختك وولادها يفطروااااااا

 

حاضر يا ماما

 

اتفضل يا استاذ احمد , واقف ليه يا ابني ! عمك موردي راقد في الاوضة دي

 

متشكر اوي

 

 

 

السلام عليكم يا عم موردي ههههه

 

ايّوووووووووووووه الاستاذ احممممممممممد هههه اهلا يا ابني يا الف اهلا وسهلا , وعليكم السلاااااااااام هاتي كرسي يا ام قاااسم

 

اني جاية وجايبة الكرسي اهو , اقعد يا استاذ احمد

 

متشكر يا خالتي ام قاسم , ازي صحتك دلوقتي يا عم موردي

 

الحمدلله يا ابني , الدكتور قالي الضغط كان فيه شوية لخبطة وكتبلي على حقن وادوية بناخدوها , بس اني شوفتك خفيت يا ابني هههه

 

ههه ربنا يكرمك يا عم موردي

 

تشرب ايه يا استاذ احمد

 

لالالا ولا حاجة يا خالتي ام قاسم , اني ماشي

 

طب اتكلم انت يا موردي , ينفع يجي ويمشي على طول من غير ما يشرب حاجة ويزعلنا منه ؟

 

ههههه اعملي للأستاذ احمد شيّ مظبوط بالنعناع يا ام قاسم , هو بيحبه كدة

 

ههههه من عنيا , اهو محمود صحي وجاي يسلم عليك اهو

 

السلام عليكم يا استاذ احمد ههههه

 

اهلا وعليكم السلام هههه ازيك يا محمود

 

بخير الحمدلله , اتفضل استريح

 

محمود بقى آخر العنقود هههه رايح اولى جامعة ماشاء الله

 

هههه ربنا يخليهولك يا عم موردي

 

هو الوحيد دونا عن بقيت اخواته اللي صمم يدخل ثانوية عاملة عشان يخش الجامعة , قاسم اخوه خد دبلوم وبعدها اشتغل كهربائي والحمدلله بيكسب كويس وعايش مبسوط ومكفي بيته وطلبات عياله , صابرين خدت دبلوم واهي قاعدة من غير شغلة ولا مشغلة واختها الكبيرة معاها دبلوم برضو بس متجوزة ومخلفة , عقبال ما تفرح بخلفك الصالح يا ابني اللي يفرح قلبك انت ومراتك الست هيام السكرة

 

هههه الله يخليك يا عم موردي

 

 

اتناول مني صنية الشيّ يا محمود

 

هاتي يا امي , عنك انتِ اتفضل يا استاذ احمد

 

متشكر يا محمود , لكن انت دخلت كلية ايه بقى ؟

 

كلية علوم

 

ماشاء الله , ربنا يوفقك

 

اللهم آمين , اتفضل اشرب الشيّ هههه انت نورتنا والله يا استاذ احمد , ابويا بيحبك اوي ودايما يدعيلك والله , واني كمان بنحبك وبنعتبرك قدوة عشان كدة صممت ندخل الجامعة زيك

 

هههه ربنا يكرمك يا محمود

 

 

 

تررررررررررررررررررررررررررررررن ترررررررررررررررررررررررررررن

 

ايوة يا صابرييييييييين جاية اهوووو

 

السلام عليكم يا ماما

 

وعليكم السلام يا حبيبتي

 

اتفضلي يا ماما الطلبات اهيه , عن اذنك ندخلوا ندوا لبابا الحقنة عشان ده معادها

 

ادخلي يا حبيبتي , اتبسمي كدة في وش الاستاذ احمد , ده ضيف برضو هههه

 

افندمممممم ! عن اذنك يا ماما

 

 

مممم السلام عليكم

 

وعليكم السلام

 

اني جيت نديك الحقنة يا بابا

 

ههه تعالي يا ستي شكشكيني , صابرين اتعلمت تديني الحقنة ازاي عشان ما نحتاجش لحد كل شوية , كنا بنتاقل على واحدة جارتنا ممرضة بس بقى صابرين قالت نتعلموا نديك الحقن عشان ما نتعبوش حد معانا

 

بارك الله فيها , طب نستأذن اني عشان ما نتأخرش ع المينا

 

طيب يا ابني كتر الف خيرك , متشكرين ع الزيارة , مع السلامة

 

الله يسلمك يا عم موردي

 

استنى يا استاذ احمد هنوصلوك

 

مافيش داعي يا محمود

 

لا والله ابدا , هنوصلوك لحد عربيتك كمان هههه اتفضل

 

ههه متشكر يا محمود

 

 

 

اديني بقى الحقنة يا ستي ههههه

 

هههه اديتهالك يا بابا

 

ايّوووووووه ماحسيتش بيكِ ههههه ايدك زي البلسم يا صابرين

 

ههه ربنا يخليك يا بابا مممم اني كان نفسي نطلبوا من الاستاذ احمد يشوفلي شغلانة بس انكسفت نكلموه

 

شغلانة ! طب وهو هيشغلك ايه في المينا يا بنتي !

 

أي حاااااااجة ان شالله على الة كاتبة , اني بنعرف الة كاتبة كويس

 

يا بنتي الاستاذ احمد مشغل الشركة بالبتاع ده اللي اسمه ...... كمبوتر ده ولا ايه

 

هههه كمبيوتر يا بابا , طب وماله , نتعلموا كمبيوتر ونشتغلوا معاه

 

والله يا بنتي الحاج عادل ما بيرضاش يشغل بنات , بس هنكلموا الاستاذ احمد ونشوف رأيه ايه

 

ياريت يا بابااااااا على الأقل نساعدوووووك المصاريف يامَاااااااااااا

 

ربنا يصلح الحال يا بنتي

 

طب عن اذنك

 

اتفضلي يا صابرين

 

 

البت اديتك الحقنة يا موردي

 

ايوة يا ام قاسم , حورية فطرت هي وعيالها

 

لسة نايمين

 

توووووء هو جوزها مش هيجي يصلحها بقى !

 

بنتك دماغها ناشفة , سيبك منها دلوقتي , الا هو الاستاذ احمد لسة ما خلفش ؟

 

لا لسة , ربنا يرزقه

 

مممم هو العيب من مين ؟

 

ايّووووووووه وانتِ مالك يا ام قاسم

 

اني بس بنقول لو العيب من مراته يبقى واجب عليه يتجوز , اومال يعني هيقضي سنين عمره مع واحدة ما بتخلفش ويخيب امله بإيده !

 

تووووووء اوووووووووف , خدي كوباية الشيّ اغسليها وسيبي الناس في حالها ياام قاسممممممم

 

هو اني قولت حاااااجة ! مسيره يتجوز , الراجل يحب الأرض العمرانة , ما يحبش الارض البوووور , صابررررررررررين

 

نعم يا ماماااااااا

 

خدي يا حبيبتي اغسلي كوباية الشيّ اللي شرب فيها الاستاذ احممممممد , ربنا يعدلهالك يا بنتي اللهم آميييييين

شارك هذه المشاركه


رابط المشاركه
شارك

حلقات جميله

هى بتمثل عليها عشان تصعب عليها وتآمنلها : ( بس الحمد لله ان والدتها قاعده معاها ومنتبهه انها بتمثل

 

ام قاسم دى ربنا يهديها هى عشان باصه انه يتجوز بنتها صابرين تقول وتعمل كده

طب ماهى ممكن بنتها تبقى برضه تتأخر فى الخلفه

واللى ربنا كاتبه خير

شارك هذه المشاركه


رابط المشاركه
شارك

واضح والله أعلم ان فى مشكله عندك يا هبه فى النت او الصفحه الله ييسرلك الامور

هاقفل الان واشوف بكره إن شاء الله

شارك هذه المشاركه


رابط المشاركه
شارك

ولا يا حمووووووووووو اني رايح نحلق عند حمادة انتكة

 

روح احلق واتأنتك يا استاذ سااااااااامي , نعيما مقدمااااااااا

 

الله ينعم عليك يا خويا , عقباااااالك , يا سعيييييييييد يا رمضاااااااااااان خلوا بالكو من المحل وشوفوا شغلكوووووو

 

استنى يا استاذ ساااااااامي

 

عايز ايه يا سعيييييد

 

اني بس هنخطفوا رجلي مشوار كدة قيمة نص ساعة وجاي على طوووووول , خلي حمو يقف مكااااااني

 

ماشي , ما تغيبش يا سعيييييييييييد , حمو ما يعرفش يسد مع الزباااااااااين

 

عنيا يا استاذ ساااااااااامي , مممم نروحوا بقى للحاج مرشدي ع القهوة

 

 

 

 

 

 

 

 

 

حاج مرشددددي هههههه صباحك فل

 

صباحك ورد يا ولا , اقعد يا سعيد

 

ههههه ماشي يا حاج

 

هات كوباية شيّ لسعيد يا ولا يا ذكيييييييي

 

حاضر يا حااااااج , احلى كوباية شي للأستاذ سعييييد

 

 

قولي يا سعيد , البت بتاعة المحلة جت تاني ؟

 

ايوة , كانت هنا من اسبوع , اهي تغطس وتقب كل شهر ولا شهرين

 

عليها فلوس ؟

 

بالأمانة لا يا حاج

 

ممممم شكلنا ظلمناها البت دي

 

يا حاج اني والله قولتلك ع اللي بيحصل من ورا ضهرك عشان يكون عندك علم , مش عشان نوزوك ع الاستاذ ساااااامي , اني لحم كتافي من خير المحل ده يا حاج , اني عندك من واني عندي اتناشر سننننننة يعنى انت اللي مربيني ومشربني الكااااااار , ولما نشوفوا حاجة غلط تضر المحل يبقى لازم نتكلم

 

اني عارف يا ولا , كتر خيرك يا سعيد

 

الشيّ يا استاذ سعييييييييد

 

متشكرين يا ذكي هههه مممممم بنقولوا ايه يا حاج

 

قول يا ولا , في حاجة حصلت واني ما نعرفوهاش ؟

 

لالالالا , دي حاجة تخصني اني

 

خير يا ولا

 

بصراحة يا حاج اني عايز نتجوز بدور اللي بتشتغل عند الاستاذ سامي

 

طب وماله يا ولا , اخطبها ونجوزوهالك , ولو يلزمك أي مصاريف للجواز اني مش هنقصر معاك

 

ههههه ربنا يخليك يا حاج , ده العشم برضو , بس الموضوع مش كدة , اصل اني كلمت الاستاذ سامي وهو مش موافق

 

طب وسامي ماله يا ابني ! دي حاجة تخص البت وهي حرة في نفسها , سامي مالوش حكم عليها

 

مش عارف بقى يا حاج , اهو ده اللي حصل , ياريت تكلمه يا حاج عشان باين ان بدور في طوعه وطوع مراته ومعتبراهم اهلها

 

وماله , نكلموه ونشوفوا ايه الحكاية , اسبقني انت ع المحل واني هنحصلوك

 

ههههه ماشي يا حاج , يدوم الشيّ

 

 

 

 

 

 

 

 

 

 

 

 

 

حطيلي الكرسي برا يا ولا يا حمو وهات الشيشة دي هنا

 

حاضر يا استاذ سااااامي

 

يا سلااااااااااام الواحد لما بيحلق بيحس ان زي ما يكون هم وانزاح من على دمااااغه , الواحد حاسس انه منتعشششششش الولا حمادة انتكة ده عنده ازازة كلونيا بتخلي الواحد ينعنش ههههههه ايه ده ! ابويااااااا !

 

ازيك يا سامي

 

اهلا يا ابااااااا , اتفضل استريح , خد يا حمو الشيشة دي رجعها القهوووووووة

 

حاضر يا استاذ سامي , ازيك يا حاج مرشششششششدي

 

ازيك يا ولا يا حمو , وازي البت اختك المتخانقة مع جوزهااااااا

 

ولا حاجة , عملتله محضر في القسم والظابط صالحهم وروحوا على شقتهم , بالإذن يا حاج

 

روح شوف حالك يا ابني , ايه الحكاية يا سامي

 

حكاية ايه يا حاج ! ابراهيم هلال اشتكالك تااااااني ؟ اني من ساعة اللي حصل واني في حالي وهو في حاااااااااله حتى الصباح ما بنرمهوش علييييييييييه

 

اني ما نقصدش ابراهيم هلال , اني بنتكلم عن سعيد

 

سعيد ! سعيد بتاعنا ؟

 

ايوة

 

ماله

 

عايز يتجوز البت بدور

 

توووووووء ايّووووووووووووووووووه , ماقولنا لا يا حاااج

 

جرا ايه يا ولااااااااااا وانت مالك انتتتتتتتتتت ! ايه دخخخخخخخلك , المفروض البت هي اللي تقول اه وهي اللي تقول لالالالا

 

طيب ما هو ده رأي البت يا حاج

 

البت قالتلك مش عايزة سعيد

 

ايوة

 

قالتلك كدة بصريح العباااااارة

 

ايوة يا حااااااااج , هو اني هنكدبوا علييييييييييك

 

وما تكدبش لييييييييه ! اني مش تايه عن عينك الزايييييغة جايز تكون البت عاجباك وعشان كدة مش عايزها تتجوززززززززز

 

انت ظالمني ياحااااااااااج , اني برضو نبصوا لشغاااااااالة ! ده مقامي برضو يا حااااااج !

 

على العموم اني ليا كلام مع البت , باين عليها مش عارفة مصلحتها

 

جرا ايه يا اباااااااااااا , انت هتشتغل خاطططططططططبة ! احنا مالنا احنا بللي يتجوز واللي ما يتجوزززززز , يخصنا في ايه سعييييييييد

 

سعيد ده زي ابني يا ولااااااا , ابوه جابهوله من وهو صغير عشان يشتغل معانا ومن وقتها ما فارقناااااااش

 

توووووء يا حاج يبقى خلاص , شوفله واحدة غير بدوررررررررر

 

واذا كان هو عايزها

 

ايّووووووووووووووووووه طب ما تقولش كدة عشان الدم بيضرب في نفووووووووووخي

 

على العموم نتكلم بعدين , اني رايح عند اختك احلام

 

ماشي , الله يخرب بيتك يا سعيد , ولا يا سعييييييييييييد

 

ايوة يا استاذ ساااااااامي معايا زباااين

 

سيب الزباين وتعالى كلمنيييييييييييييي

 

 

 

نعم يا استاذ سامي

 

هي كلمة واحدة هنقولوهااااااااا , موضوع بدور ده تنساااااااااااه , البت مش عايزاك يا باااااااااارد خلي عندك دممممممممممم هو الجواز بالعافية ولا هي تلائيح جتت !!!!!!!!!!!

 

ممممممم ماشي يا استاذ سامي , عن اذنك نشوفوا الزباين

 

 

ايه يا سعيد , ماله الاستاذ سامي ؟

 

اني عارف حاشر نفسه في اللي ما يخصوش لييييييييييييه بس اني مش هنسكتتتتتتت

 

وريني يا ابني توب القماش المخطط ده

 

حاضر يا حاجة

 

 

 

 

 

 

 

 

 

 

تررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررن

 

رد ع التليفون يا نبييييييييل

 

ماشي يا ناهد , هرد قبل ما انزل , الوووووو

 

ايوة , لو سمحت عايز سين لام

 

عايز ايه يا اخوياااااااااااا

 

عايز سين لام من فضلك

 

هو ايه اللي عايز سين لام , بطل معاكسات يا سين الف فه لام يا قليل الادببببببببببب , ناس ما بتختشيش

 

 

مين يا نبيل

 

واحد افندي مهزئ بيعاكس , ال بيقولي عايز سين لام ااااااااال

 

ايييييييييه ! ده التليفون لياااااااااا

 

نعم يختيييييييييييييي ! انتِ اجننتي يا ناهد ولا ايييييييييييييه , راجل يتصل واقولك بيعاكس تقولي التليفون لياااااااااااا , شايفاني بقروووووووووون !!!!!!!!!

 

ههههههههه بقرون ايه بس يا حبيبي انت فاهم غلطططططططططط

 

فهميني الصح قبل ما ارتكب جناييييييييية

 

ههههههه بموت في دمك الحامي يا بلبل , اصل يا حبيبي انا وماما اتفقنا نعمل اعلان في الجرايد عشان نجيب عريس لسلووووووووووى

 

عريس لسلوى ؟

 

ايووووووووة وكتبنا في الجرايد اول حرفين من اسمها , سيييييين لاااااااااااااام تبقى ايييييييييه ؟ هههههههه

 

تبقى سُل , تبقى حُممممممممممممة , تبقى وقعة سودة على دماغك ودماغ اختك الست سين لام لو رديتي على راجل وقعدتي تاخدي وتدي معاه في الكلاااااااااااام

 

خلاص يا حبيبي اقعد انت جنب التليفون ررررررد

 

يا سلاااااااااااااام ! واسيب مصالحي انا بقى واقعد جنب التليفون عشان اصطاد عريس لاختك , يااخي ان شالله ما اتجوززززززززززت انا مالي اناااااااااا

 

اهئ اهئئئئئئ اخص عليك يا بلبل , يرضيك سلوى اختى تقعد للسن ده من غير جوااااز

 

هي السببببببب , ياما جالها عرسان وياما جبنالها من معارفنا وقرايبنا وهي مش مالي عينها حدددددددد , تقوموا في الآخر هتشيلونا همهاااااااااااااااا

 

اهئ اهئئئئئئئ ايوة ماهي مش اختك اهئ اهئ ما يهمكش مصلحتهااااااا اهئ اهئ لكن لو كانت اختك كان زمانك ما بتنامش وبتفكر تجيبلها عريس ازاااااااي

 

اوووووووووووف وان شاء الله العرسان ماخدوش رقم امك لييييييييه

 

ازاي بس يا بلبل يا حبيبي ! اصل احنا باعتين بيانات سلوى من وراهاااااااااا , ولو العرسان اتصلوا عند ماما هي هتعرف كل حاجة

 

انا بقى ماليش دعوة بالعك ددددددده , وطالما اديتو الرقم لرجالة اغراب يبقى ما ترديش ع التليفون خاااااااااالص

 

مممممم طب عندي حل , هخلي الولاد يردوا ويتفاهموا مع أي حد يتصل

 

معتز ومازن بسسسسسس , هدير لااااااااااااااا , شرفي شرفيييييييييييييي

 

شرفك ! هو حد جه ناحية شرفك دلوقتي ! انت بتلككلنا انت وشرفك !!!!! اقوله عريس لاختي يقولي شرفيييييييي

 

الكلام اتسمع يا ناااااااااهد ؟؟؟؟؟؟؟؟

 

ايوة يا حبيبي خلاص والله , انا هخلي مازن ومعتز جنب التليفون ويعملوا ورديات , انزل انت مع السلامة

 

اوووووووف الله يسلمك

 

 

معتزززززززززززز يا ميزو يا حبيبيييييييييي يا ماااااااااازن مازن يا زيزووووووو ههههههههه

 

 

نعم يا ماماااااااااا

 

تعالى يا معتز اقعد جنب التليفون وخد ورقة وقلم واي عريس يجي لخالتك خد بياناته على طول

 

عريس يجي لخالتي ! والعريس هيجي من التليفون !!!!! سامع يا مازن

 

هههههه ايوة سامع , طب والعريس هيسيب بياناته ليه , هو عايز عروسة ولا عايز عقد عمل ؟ ههههههههههههههههههههههههههههههههههه

 

 

هههههههههههههههههههه حلوة يا مازن

 

 

تصدقوا انتو الاتنين ما عندكوش ريحة الدمممممممممم , اتفضلوا اقعدوا جنب التليفووووووون وكل واحد يمسك دفترررررررر

 

يا ماما انا خارج مع اصحااااااااااابي ومازن كمان خاااااااارج

 

ايوة يا ماما فعلا , انا عندي تدريب كاراتيه

 

جاتك خيبة , فالح اوي في الكاراتييييييه , كل يوم تجيلي متخرشم من التدرييييييييب , زي ما يكونوا واخدينك بيتمرنوا عليييييييييك

 

هههههههههههههههههههه طب ماشي يا مامااااااا , مسيري اخد الحزام الاسود وتفتخري بيااااااااااااا

 

يا شيخ اتلهييييييي , يلا اقعدواااااااا مافيش نزووووووووووول , هديرررررررررررر

 

نعم يا مامتيييييييييييي

 

اقفلي المفتاح بالباااااااااااب

 

هههههههههه قصدك اقفل الباب بالمفتاح يا ماما , لخبطوا ماماااااااا اتقوا الله فيها شويييييية

 

اجري اقفلي الباااااااااااااب

 

حاضر يا ماماااااااااااااااا

 

 

 

ادي المفتاح اهو وهقفل الباب ست سكاااااااااااااات هههههههه

 

 

 

المفتاح اهو يا ماماااااااااااا

 

هاااااااااتي هحطه في جيبي , قفلتي الباب كويس

 

ست سكات يا ماماااااااا الهدف مش هيعرف يهرب ههههههه

 

 

يووووووووووو شايف ماما يا مازززززززززن

 

يا ماما ما ينفعش كدددددددددددة

 

انت تخرس انت وهوووووووووو , انا داخلة اناااااااام طول الليل ماجليش نوووووووووم عيال تجيب الضغططططط

 

 

اووووووووووف وبعدين يا مازن

 

هنعمل ايه يعني يا معتز

 

تووووء تصدق البت هدير دي عايزة تترزع علققققققققققة , تعالي هناااااااااا

 

يا ماماااااااااااااااااااااا هههههههههههه وانا مالي انا يا معتزززززززززز

 

 

ترررررررررررررررررررررررررررررررررررن تررررررررررررررررررررررررررررررررررن

 

التليفون بيرن روحوا ردوا لحسن ماما تغتالكوووووووو ههههههه

 

طيييييييييييييب انا هخلي ماما تندم انها قعدتنااااااااااا اوعى يا معتز انا اللي هرررررررد

 

 

الووووووووو

 

ايوة يا سيدي الفاضل , هنا منزل الاخت الفاضلة سين لام ؟

 

ايوووووووووة

 

ممكن اكلمها بغرض الارتباط ؟

 

اتجوزت وسافرت مع جوزها اول امباااااااااارح

 

اتجوزت !!!!!! اومال ليه بتعطلولنا وبتدونا بياناتهااااااااااا , ناس ما عندهاش دمممممممممم

 

اهو انتتتتتتتتتت , وما تتصلش هنا تااااااااااني

 

 

 

 

 

تن تن مامااااااااااا الحقي يا ماماااااااااااااااا

 

في ايه يا هديررررررررررر يووووووووووووو

 

مازن يا ماما رد على عريس وطفششششششششه

 

يا نهاره كاروهات زرقا على نبيتييييييييييييييي مازززززززززززززززن

 

 

 

انت يا ولددددددددددد

 

ماما من فضلك خليني نخرج بالذوووووق

 

يا سلااااااااااام ولو ماخرجتش بالذوق هتعمل ايه يعني يا سي ماااااااااازن

 

 

 

اوووووووووف الله يسامحك يا مامااااااااااااا

 

بقولك ايه يا مازن , انت عارف ماما عنيدة , ما بتجيش بالعند ولا بالاساليب دي

 

اوووووووووووف هو ابوك شعره إبيض من شووووووووية

 

بص يا مازن انا هشاغلها وانت خد المفتاح من جيبها ونجري نفتح الباب بسرعة

 

ماشي روح شاغلها يا معتز وانا هقف جنب جيبها اللي فيه المفتاح

 

ماشي ماماااااااا

 

عايز ايه يا سي معتززززززززز

 

ههههه تعرفي يا ماما , انا واحد صاحبي قالي انت عايز تدخل كلية ايه السنة دي قولتله اداب فلسفة قالي اشمعنى قولتله عشان دي الكلية والقسم اللي دخلتهم ماما , وقولتله اصل ماما دي قدوتي في الحياة , حتى كان نفسي اسقط ثانوية عامة مرتين زيها بس الحظ ما حالفنيش وللأسف نجحت من اول مرة , انتِ انسانة عظيمة يا ماما , جاهدتي بكل طاقتك سنتين في الثانوية العامة لحد ما انتصرتي وخدتيهااااااا , انا شرطي في الزوجة اللي هتجوزها انها تكون ساقطة ثانوية عامة ودخلت الجامعة بعد ما عينها طلعت زي حضرتك

 

يا حبيبي يا معتز ههههه احرجتني يا ولد , تخيل ماما وبابا كانوا بيقولولي يا فاشلة , انت بس يا حبيبي اللي قدرت جهادي في الثانوية العامة لحد ما خدتها ههههه

 

ههههه تعيشي وتنقليلنا خبراتك يا ماما اموووووه

 

ههههه ميرسي يا حبيبي

 

اما اخد المفتاح وهو بتحكي على كفاحها ايوووووة اهووووو ههههه الحمدلله , معتزززز خلاص , في الاوكيه

 

ههه اسبقني وافتح الباب وانا جاي وراك على طووووول اوعى البت هدير الفتانة تاخد بالهااااا

 

ماشي , انجز بقى

 

عارف بقى يا معتز لما دخلت الجامعة لقيت الدكاترة فاشلين وما بيعرفوش يشرحواااااا وبسببهم كنت كل سنة اطلع بمواااااااد

 

معتززززززز طيراااااااااان ههههههههههههههههههههه

 

معلش يا ماما تعيشي وتاخدي غيرهااااااااااا سلاااااااااام ههههههههههههههه

 

ولدددددددددددد انت يا ولد انت وهوووووووووووووو

 

دول جريوا يا ماماااااااااا حتى ما خدوش الاسانسير نزلوا جري ع السلالممممممممممم, خلوكِ مش واخدة بالك وعمالة تتكلمي وتحكي وسرقوا المفتاح من جيييييبك

 

 

اه المجرميييييييييين , يستنوا عليا بس لما اشوفهممممممم , مممممم هدير

 

نعم يا مامتي

 

مافيش حل قدامنا غير ان انتِ اللي تردي ع العرسااااااااان

 

هههههههه اوي اوي يا مامااااااااا حاجة سهلة جداااااااااا

 

 

طيب انا داخلة انام يا حبيبتي ولو حد اتصل خدي بياناته بس اوعي تقولي لبابا

 

ههههه ما تخافيش يا ماما , سرك في بيررررررررر

 

اه يا خووووووووووفي

 

 

 

 

 

ترررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررن

 

 

الوووووو

 

ايوة , انا الاستاذ صاد جيم , حضرتك الانسة سين لام ؟

 

لا , انا الانسة هاء نوووووووون بنت اختهااااااااااااا

 

طيب ممكن اكلم الأنسة سين لام من فضلك يا انسة

 

والله يا استاذ صاد جيم اصلها مش موجودة , ممكن حضرتك تسيب بيانات حضرتك ولما بابايا يجي تصل بيك ؟

 

مممممم وهو كذلك يا انستي , انا الاستاذ صاد جيم , مهندس بترول بشتغل في الخليج ونازل اجازززة , وعندي 39 سنة وتلات شهور واربع ايام بالظبطططططططط , انا احب الدقة والباينات الدقييييييييقة , عندي شقة في الزمالك مكونة من اربع غرف واتنين حمام وتشطيب سوبر لوكسسسسسس , وعندي عربية موديل السنة دي , وهترك لحضرتك رقم التليفون وياريت الاتصال يكون بأسرع وقت عشان انا مسافر بعد تلات اسابيع بالظبط في طيارة السادسة مساءً بتوقيت جرينتشششششش

 

ههههه حاضر يا استاذ صاد جيم , كتبت كل بيانات حضرتك , هات من فضلك رقم التليفون

 

اكتبي يا انسة هاء نووووون , 32............

 

 

 

 

مامااااااااااااااااااا هههههههه عريس لخالتو يا ماماااااااااااااااااااااااا

 

 

فين يا هديررررررررررررر ههههههههه

 

اتصل دلوقتي وساب بياناته

 

اسمه اييييييييه

 

اسمه صاد جيييييم

 

يييييي يا بنتي اسمه مش اول حرفين من اسمممممممه

 

هههههه هو قال كدة انا مالي , البيانات اهيه كتبتهالك

 

ههههههه وريني وريني , مممممممممممم الله ههههه دي بيانات تجننننننننن , كأنه متفصل على سلووووووووووى , انا طالعة حالا لماما افرحهاااااااا

 

 

 

 

هههههههه ماماااااااا عريس لسلوى يا ماما

 

والله صحييييييييح ؟ ههههههه هو فين يا ناااااااااااهد

 

خدي الورقة دي

 

ورقة ايه المهربدة دي يا بنتي ! انا عايزة عريس لاختك بحق وحقيقي , ايه الكلام الهيروغليفي ده !!!!!! خط مين الوحش دددددده

 

هههه دي بياناته يا مامااااااااااا هدير كتبتهاااااا العريس مهندس بتروووووول

 

ههههههه ماشاء الله مهندس بترول مرة واحدة !

 

ماهي جالها قبل كدة اتنين مهندسين بترول يا ماما

 

الكلام ده وهو صغيررررررررة من ساعة ما كبرت ما حدش عبرهااااااا , المهم خليني في الراجل اللي في الورقة دي , نطلعه من الورقة ازاي ويبقى شحم ولحم وطول وعرض ويقف قدامنااااااا ؟

 

هههه بسيطة , هخلي نبيل يتصل بيه ويجيبه يشوف سلوى

 

وهو فين نبيل ؟

 

نبيل مش هنا , لما يجي

 

وانا لسة هستنى سي نبيل لما يجي ! اوعي يا بنتي فين التليفوووووووون

 

هتتصلي انتِ يا مامااااا !

 

وماله يا بنتي هههههه هو انا هتصل لاعز من سلووووووووى , يااااااااارب اجعله من بختها ياااااااااارب

 

 

ترررررررررررررررررررررررررررررررن ترررررررررررررررررررررررررررررررررررررن

 

الو

 

ههههه ايوة يا استاذ لام الف تيه مربووووووووطة

 

النمرة غلط يا فندم , انا المهندس صاد جيم

 

هههههه ايوة ايوة لامؤاخذة , انا قاصداك انتتتتتتتتت

 

مين حضرتك يا هانم

 

انا خالتك هيه عييييييييييين , أم الانسة سين لاممممممممممم

 

اهلا يا هانم , تشرفنا , فرصة سعيدة

 

ههههههه الله يكرمك ,بص بقى يا ابني , انت تيجي بكرة ان شاء الله عشان شكلك مستعججججججججل

 

مافيش مشاكل يا هانم , هاتي العنوان

 

ههههه اتفضل , دانت هتنورنا والله يا استاذ همزة على نبرة من اول السطررررر

  • معجبة 1

شارك هذه المشاركه


رابط المشاركه
شارك

ازيكو يا بنات يا عسولات

 

معلش على التأخير والله غصب عني

 

وكمان بعد ما حطيت الحلقة الاولى القيادة العليا وصل وقومت عشان نتعشى عقبال عندكو هههه

 

الحلقات اهيه يا كتاكيت

 

اشوفكو يوم الحد ان شاء الله

 

الاحداث محتاجة انقطاع وتركيز

 

دعواتكووووووو

 

 

فين الحبية ام ابنات 4 ؟؟؟؟؟؟

 

 

 

زهرة المنتدى منورة يا حبيبتي

 

نحو غدٍ افضل اهلا بيكِ يا سكر

 

 

ليا عودة للترحيب بباقي الحبيبات ان شاء الله

شارك هذه المشاركه


رابط المشاركه
شارك

اوعك ياهوبة تخلي احمد يوافق على اشتغال صابرين حخنقك هههه

دي امها بدأت تهندس وتخطط ياساتر

ولا أظن أن سلوى سيعجبها الأمر فأنا لا أحب الزواج بهذه الطريقة 
أوسا خبيثة ولا يهمها الا مصلحتها لكن السحر سينقلب على الساحر والنية تغلب دائما

اخت سلوى غلطت لما تركت بنتها تتكلم مع ان زوجها نبهها لكنها عايزة تخرب بيتها بنفسها الله يهديها

شارك هذه المشاركه


رابط المشاركه
شارك

ضحى مش هتروح مشوار بإذن الله , من وراء أمها

وإن شاء الله تكون أمها واعية و مش بترتاح لأوسا فمش هتخليها تروح معاها إن شاء الله .

 

ولو قالتلها متروحيش مش هتعصي كلام أمها بإذن الله

أصلا ضحى مش معطية لأمر أوسا اهتمام بفضل الله , وإن شاء الله ربنا يحفظها من شرورهم و يجعل كيدهم في نحرهم

" إِنَّ اللهَ يُدَافِعُ عَنِ الَّذِينَ آمَنُوا "

تم تعديل بواسطة آلآء الله

شارك هذه المشاركه


رابط المشاركه
شارك

آه من زوجة عمو مواردي دي ,, الله يسااامحها .

البنت كرامتها في أن تتخلق بالحياء وأن تكون مطلوبة وليست طالبة

وأن تكون عزيزة وليست مذللة

لا تعرض نفسها على هذا وهذا حتى يأتي لها ! , الله المستعان ..

 

شتان بين تصرف أم البنت دي , وبين الدكتورة الجديدة اللي عند دكتور عصام .

وكذلك الولد أدهم , الله المستعان .. يقضي كل همه في أن يتزوج من ضحى , ومر سنوات وسنوات وهو يفكر فيها ويبني أحلاما على سراب

لكنه لم يكن عاقلا كفاية ليدرك أن الله هو المُقدَر وأنها إذا لم يقدرها الله له فمهما فعل فلن تصبح أبدااااُ كذلك

فمشيئة الله فوق كل شيء يا من تظن نفسك لأن أبوك غني أن كل ما تطلبه سيحصل لك

أنت تغتر بأعمال أنت لم تقم بها ولم تبذل فيها قرشاً فعلام الغرور , الله المستعان

 

الشيخ حازم شومان كان يتكلم عن محبة الله في درس رائع جدا بفضل الله

استمعن له يا حبيبات .

http://ar.islamway.n.../118407/حب-الله

الصحابة والسلف من حب الله ماذا فعلوا ؟

شتان بينهم وبين ما نفعله في هذا الجيل والله المستعان .. هل نضحي من أجل الله كما يضحي الولد من أجل البنت تضحية في الضلال ؟

ماذا حققنا بهذا الحب إن كنا نحب الله حقاً

, ما وجه انعكاسه على عبادتنا ومعاملاتنا .

لو كنا نحب الله بصدق لما انشغلنا بغيره , وكل الاعجاب بين الفتيان والفتيات الان بسبب فراغ القلب من محبة الله .

" أَتَسْتَبْدِلُونَ الَّذِي هُوَ أَدْنَى بِالَّذِي هُوَ خَيْرٌ "

أدهم هذا رغم ما فعله ,ماذا ستفعل له ضحى هل سيضمن أن تحقق له السعادة

وأية سعادة تلك في الدنيا مقارنة بالآخرة , الله المستعان

 

يوم القيامة لن يغنوا عنك من الله شيئاً , سيحاسبك الله على كل وقت ضيعته , وعلى مكرك واستعمال عقلك بالباطل لتضل الناس عن سبيل الله

لن يحمل أحد عنك يوم القيامة من أوزارك شيئاً

سيتبرئون و ينكرون ..

 

اللهم ردنا إليك رداً جميلاً

 

_____

معلش طلعت عن الموضوع : )

جزاك الله خيرا حبيبتنا هبة المبدعة بفضل الله : )

بانتظار المزيد من الحلقات بالله عليك متتأخريش : )

تم تعديل بواسطة آلآء الله
  • معجبة 1

شارك هذه المشاركه


رابط المشاركه
شارك

ههههههه يضحكوا سين لام ووهمزة على نبرة

 

مممممم سعيد مصمم بس طب لو هى رفضت بنفسها هيصمم برضه

طلع هو اللى بلغ والد سامى أحسن برضه

 

المفروض ان الابناء ميعايبوش على تعليم والدهم او والدتهم

كمان هى غلطانه منى ان تحط رقمها فى الجرايد كله يتصل

اكيد طبعا جوزها هيعرف ان هدير هى اللى ردت

شارك هذه المشاركه


رابط المشاركه
شارك

حلقات رائعة ما شاء الله

سوسة عايزة ضحى تتعاطف معاها وللأسف ضحى طيبة وبيضحك عليها بسهولة وبتصدق كل حاجة لكن الحمد لله إن أمها واعية وفاهمة أسلوب المكر ده وده هيكون عائق و حاجز بين سوسة وأهدم وبين ضحى وأظن إن لما دادة اعتماد تمنع السوسة من الدخول هتدخل غصب عنها والمشاكل هتكبر لكن مظنش إنهم هيخطفوها لإنها مش بتخرج لوحدها إلا إذا حصل ظرف يضطرها للخروج وحدها

 

أما سعيد فهيكون بداية كشف موضوع سامي وبدور وكويس إنه معرف الحاج مرشدي بموضوع سامي والست اللي عينيه زايغة عليها

 

أما سوسة تستاهل اللي نورهان عملته فيها وطبيعي إنها متعلقة بماما بيتوووووووور

 

زوجة عم موردي تصرفاتها سيئة المفروض تعتبر هيام زي بنتها وتدعيلها بالذرية الصالحة وتدعي لبنتها بالزوج الصالح وتبطل عمايلها دي لإن ممكن تتردلها في بنتها أو فيها زي أم شريف أبو لورين ونورسين (:

 

ممممم مين تاااانييي! كفاية كده دلوقتي (:

تم تعديل بواسطة ♡ راجية الجنان ♡

شارك هذه المشاركه


رابط المشاركه
شارك

السلام عليكماختى هبه

فرحت جدا عندماذكرتينى فى ترحيبك بالاخوات مشقادره اوصفلك فرحتى بإن كاتبه كبيره مثلك تتذكر واحده من متابعيها المغمورين ربنا يرضيكى دنيا و آخرة

معلش مقصره معاك جدا فى التعليق بس والله ظروف المدارس و الامتحانات وطبعا عارفه البنات و دلعها يعنى الواحد يادوب بقرا الحلقات بعد لما ارجع الصبح بعد توصيلى البنات للمدرسه و بكون بفطر الحلقه تخلص اقوم الف فى الشقه زى النحله علشان الحق اخلص إلى ورايا قبل ما انزل اجبهم من المدرسه وبعدين نرجع على الغدا و الواجب وهكذا كل يوم مربوطه في ساقيه

النهارده الجمعه و مخرجناش طبعا علشان كدة تلاقينى رديت عليكى و الله من إمبارح عاوزة ارد بس اعمل إيه كل مامسك التيليفون علشان اكتب الاقى حد بينده او عاوز حاجه

الحلقات اقل حاجه يقال عنها إنها رووووعه ربنا يبارك فيكى ويجعله فى ميزان حسناتك

بس مش عارفه اتوقع أدهم و اوسا حايعملو إيه

يمكن يخطفو ضحى مشقادره افكر زيك يامبدعه

سامحينى على تقصيري فى الرد

احبك فى الله

شارك هذه المشاركه


رابط المشاركه
شارك

حتى اللحظة لا استطيع ان افهم : ما الذي يخططوا له ثلاثي الشر؟ بس ان شاء الله سيرد كيدهم الى نحورهم ...

بعيدن شو يا ست هبه احنا مش اتفقنا الاجازة الاسبوعية يومان فقط؟ حرام عليك، خلي البنات يعرفوا يركزوا بدروسهم ..ههههههههههههههه

شارك هذه المشاركه


رابط المشاركه
شارك

ادهم يريد أن يخطف ضحى بعد أن ترتاح ل أوسا

يعني هما معتقدين ان ضحى راح تخرج مع أوسا إلى المسجد مثل ا

وبعدها أدهم يخطف ضحى ويعتدي عليها وبعدها أهلها راح يوافقون غصبا عنهم.

هذه هي خطتهم كما أعتقد.

الي اعرف ان خطتهم لن تنجح .الله سيحفظ ضحى من هذين الشريرين

 

وبالنسبة لي أوسا اتوقع أنها بالنهاية ستموت

 

  • معجبة 1

شارك هذه المشاركه


رابط المشاركه
شارك

حلقات راااااااائعة .جزاك الله خيرا .ابداع .

اوسا شريرة ومتكبرة .لكن عاقبتها وخيمة بإذن الله تعالى. وادهم كمان

شكلك ياهبة بتشجعي الزواج الثاني كثيرا .يعني بدك احمد يتزوج على هيام بنت موردي .اممممممم.

ضحى ربنا سيحفظها من شرورهم ان شاءالله .

سلوى لمصطفى اكيد

شارك هذه المشاركه


رابط المشاركه
شارك

لا لن يتزوج احمد من صابرين .. انا مش موافقة ههههههههههههههههههه

لا اعتقد ان احمد يستبدل هيام الدرة المصونة التي حفظت نفسها وامها المرأة الاصيلة (رأينا كيف تصرفت الام عندما فاتح احمد خالد بموضوع هيام) لن يستبدلها بصابرين التي تحاول امها لفت نظره اليها (شتّان ما بين الثرى والثريا)

شارك هذه المشاركه


رابط المشاركه
شارك

هبة نور كاتبه فى التحديثات

 

اخواتي الحبيبات متابعات رواية خلف هذه الجدران , نظرا لما تمر به بلادي الحبيبة مصر من احداث مؤسفة ونظرا لعودة الظلم للبلاد وقهر العباد ونظرا للحالة النفسية السيئة التي نمر بها , فأنا اعتذر عن نشر الحلقات هذا الأسبوع حزنا على دماء الشباب المهدرة وتضامنا مع كل القلوب الحزينة في بلادي , عذرا حبيباتي , التقيكم الأحد القادم بمشيئة الرحمن الذي نرجوا رحمته

  • معجبة 3

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×