لقمه محبه خديجه وعائشه !! مطلوب على وجه السرعه

[Omtaym_ALLAH 11]

لقمه محبه عائشه و خديجه .............. دى شكلها ! ههههههههه

كميه صغيره * ضاعفى كميه المقادير اذا احتجت الى لقم اكثر هههههه

 

لعمل :-

لقمه شويه بيبى ( حوالى طبقين )

 

المقادير

كوب دقيق

ملعقه خميره مذابه فى كوب ماء دافىء + ملعقه سكر صغيره

ملعقه نشا

نصف ملعقه بيكربونات صودا

كيسين فانيليا ( فانيليا خام + فانيليا سكر )

تمزج المقادير و تترك ساعه لتخمر فى مكان دافىء

 

يحمى الزيت الغزير و تقط فيه دوائر اللقيمات ( المكعبره بتاعتى اسكتوا طلعت رغائف مش لقيمات و فرشت و حالها حال الله يكسفها بقى )

بالملعقه الصغيره ( الشاى ) اقبضى على العجين بقبضه اليد ( اليسار) و اخرجى العجين بالملعقه باليد اليمنى ( نهايتو اتصرفى بقى لان الموضوع ده خنقنى و هى لايصه فى بعض )

 

بعدما تقلب جيدا و و تحمر للونها الذهبى قومى بانتشالها من الزيت على ورق مطبخ ماص للزيت و اسقطيها فى القطر او الشيره او الشربات ( اللى هو كوب ماء و كوب و ربع سكر و قطره ليمون انا ازيد عليه فانيليا لانى احب افتى فى كل حاجه ! كالعاده مش جديد علىّ

 

* القطر البارد او الشيره البارده و اللقيمات ساخنه و ليس العكس ( ليه معرفش بس قالولى كده مش عارفه لو العكس ايه اللى يحصل بس انا مسالمه الايام دى فمجربتش العكس )

 

انا احبها بالسكر البودره و القرفه ( انا حره الله !) فعملت شويه بيبى بالسكر البودره و الحمد لله لحقت اصورلكم شويه لانى اكلت نصفها و انا بعملها ههههه

 

و ادى الصور الكلها دقيق و عجين و عسل و طرطشه زيت هههههههه

الست محبه خديجه و عائشه :

على الله يا ستهانم ماتقوميش حالا تعمليها ! و بينى و بينك البيبى اللى بتتوحميلو ده هو اللى خلانى عملتهالك ! هههههه ! حسأله و هو بيحبنى و حيقول الحقيقه لو مكالش لقمه القاضى بقى حتشوفى شغلك

تم تعديل 14 ديسمبر, 2006 بواسطة Omtaym_ALLAH

[Omtaym_ALLAH 11]

يا ست محبه خديجه و عائشه !!!!!!يعنى زن زن زن لقمه القاضى عايزه لقمه القاضى بتوحم على لقمه القاضى زن نيتى و قلت لقمه قاضى و مورتنيش طلتك البهيه من يوم ماعملت اللقم يا ستهانم انت فين ؟؟؟؟؟؟؟

هههههههه

قلقت بس عليك اخبار البيبى ايه الله يستر عليه و على اللقيمات اللى بردت فى الطيبات من اول امبارح لا و الادهى انى اتدبست فيها و اكلت طبق لوحدى بحالو بالسكر و القرفه و مش حيحصلك كويس لو زدت فى الوزن الاسبوع ده هههههههه :mrgreen:

تم تعديل 15 ديسمبر, 2006 بواسطة Omtaym_ALLAH

[محبة عائشه وخديجه 0]

أنا أسفه أم تيم حبيبتي والله كنت مشغوووووووووووووووله بالبيت ولا دخلت ركن الطيبات عذرا أخيتي الغاليه

 

أنا شفتها حلوه بس شكلك ماتركتيها تخمر ساعه استعجلتي عليها والا ايه يام تيم

 

بس حلوه عادي مش مهم الشكل المهم الطعم

 

وعلى فكره انا قرأت عنوان الموضوع مت ضحك

 

الله يبارك فيك ويخليك لينا ياام تيم ماقصرتي ابدا

[بسمة الحياة 0]

امووووت انا في الحاجات الحلوة

حجربها يا ام تيم

 

بس عايزة اعرف شكل العجين بيكون ازاي

 

الماء كوب فقط ام تضيفين ارحمي غبائي و اشرحي لي

تم تعديل 15 ديسمبر, 2006 بواسطة بسمة الحياة

[Omtaym_ALLAH 11]

مشغوووووووله عن لقيمات محبه خديجه و عائشه ؟ هههههههه على العموم مادخلتش مزاجى فشلت منى ( على فكره انا اول مره اعملها ههههه ) و التخمير مشكله يا بطه هنا جدا لان الجو بارد فأنا ادفىء الفرن قليلا و اضع العجين فوق حتى يختمر و ان تركتها الف سنه هذا اجود ما احصل عليه ههههههه على العموم ان شاء الله تنجح معك اكثر لدفء الجو و اعتذر عن التلزيق اعلاه .

بسوم انت تؤمرى بعد ما عذبتينى فى الدقيق بتاع المسمن اعذبك انا فى اللقيمات هههههههه لا حبيبى ، بصى العجين صورته فى الصوره (3) و هو يكون سائل قليلا و لكن متماسك لو لمستيه بيدك يلزق شوى و يسهل انفصاله عن اليد لزج بمعنى اخر و ليس سائل ، و يكون سميك نوعا

مش عارفه اشرح هههههههههه معلش استحملينى بس امشى على الخطلوات ان شاء الله تصلى

المعيار : اعنى كوب الماء واحد دافىء لاذابه الخميره و معها شويه سكر حتى تتخمر

المشكله ان الجو بارد كما قلت فالاكيد تنجح معكن الوصفه اكثر ان شاء الله و جربيها ان شاء الله لانه رائعه و انا اضع عليها السكر البودره و القرفه فتكون اشبه بطعم الدوناتس بس هى اصلا تسقط فى الشيره كما مبين فى الصوره الملزقه ههههه

[محبة للجنان 292]

السلام عليكم ورحمة الله وبركاته،،

 

هههههههههههههههههه

 

أم تيم بصراحة أسلوبك رائع جدا

ضحكتيني الله يسعدك دنيا وآخره

دمك زي اللقيمات

قصدي زي العسل

وتسلم ايديك يالغالية

:)

تم تعديل 15 ديسمبر, 2006 بواسطة محبة للجنان

[Omtaym_ALLAH 11]

محبه للجنان تسلميلى حبوبه ده من ذوقك و الله انت لى عسل و شيره و سكر بودره بالقرفه ( اصلى بحبها جدااا ههههههه بالسكر و القرفه ) هههه و الله ودتونى فى داهيه اطبخ و افتى و احط الصور و نهايتو انا اللى وزنى حيزيد هههه

[*لقاء* 1]

تسلم ايدك ياللى جايبالنا الكلام

 

مش تبقى تخمرى العجين كويس يا بت

 

سلمت يمناكى على اى حال

[Omtaym_ALLAH 11]

بببببببببببرد يا امى مبيخمرش ههههههههه

[rory 0]

السلام عليكم اخواتي

عندي طريقة حلوة مووت للقمة القاضي وسهلة

كوب ماء دافئ وعليه ملعقة خميرة بيرة فورية ونتركه يخمر

2 كوب دقيق +2 ملعقة لبن بودرة كبيرة

نخلط الدقيق بالماء والخميرة ومعاهم شوية حليب دافئ حتى تتكون عجينة شبه سائلة ونضيف ماء دافئ او لبن دافئ ان احتاجت العجينة ونتركها تخمر لمدة 2 ساعة

ونسخن الزيت ويا سلام لو اضفنا على الزيت ملعقة سمن البقرة الحلوب او المراعي ونقليها بالطريقة المعتادة ثم نضعها بالقطر او الشرب البارد والهنا والشفا ان شاء الله هاتطلع ولا احلى لقمة قاضي

جربوها هاتدعولي ان شاء الله

تم تعديل 19 ديسمبر, 2006 بواسطة rory

[Omtaym_ALLAH 11]

و الله يا rory نجرب ! و يمكن ربنا ييسرلنا امرنا مع لقمه القاضى المره دى احسن فطست مننا ههههه

جزاك الله خيرا :)