تعالوا نساعد بعض في شغل البيت

[أم عائشة المصرية 242]

للأسف أنا أنسى هذه الصفحة دوما...الدور والباقى على ناس صحابنا

 

أما عن حال البيت فهو والحمد لله نظيف جداااااا إلا حجرة نومي لم أنتهى منها بعد لكن ساعة بإذن الله أو أقل وتكون مثل بقية البيت..

 

ربنا يعيننى وأقدر أشارك هنا دوما...

 

زهوررررررررتى علشان خاطرى متهربيش...يالا علشان مامتك تدعيلك من قلبها وتفوزى بالدنيا والآخرة..

[#ام سلمى# 1]

السلام عليكم ورحمة الله وبركاته،،

واخيرا هشارك معاكم

امبارح الحمد لله خلصت البيت كلو فكرنى ببيتى فى ليلة الدخلة من كتر جمالو

لانى رجعت كل حاجة لمكانها حتى السجاد والملايات حطيت بتاع ليلة الدخلة

ودا بعد شغل حمس ايام وهده حيل

بس اتعشيت مع جوزى ونمانا وصحيت لقيت جوزى قلب كيان المطبخ والاوضة

هعهدلها بالليل وارجع اواظب معاكم

ياله بقا مش عيزين كسل

وفين الجدول اللى قولتو عليه

[أم عائشة المصرية 242]

وعليكم السلام ورحمة الله وبركاته،،

أهلا بيكي أم سلمى من جديد

ربنا يقدرك ومبارك عليكي التنظيف الشامل

ربنا يديمه عليكي دايما..ونحن معك

بالنسبة للجدول احنا قلنا كل واحد يعمل جدول لكن أنا لن أضع جدولى لأنى بعمل جدول يومي على حسب متطلباتى اليوم..

[وردة الغصن 0]

انا الصراحـــــة بعمل اللى اقدر عليـــه يعنى مثلا كنس او تنضيف او غسل المواعين او نشر الملابس وتنضيف المطبخ برضه كل ده بعمله على قد ماقدر لكن مثلا الطبخ والاشيــاء الصعبــة ماما هى اللـــى بتعملها

[أم عبد الوارث 24]

بارك الله فيك يا غالية :) لكن لا تهملي الطبخ لانه صعب يعني يجب ان تتعلمي :)

[فدوى المسلمي 531]

السلام عليكم ورحمة الله وبركاته،،

جميل الموضوع

أول مرة أدخله

أنا مش باعمل جدول لنفسي

كل يوم باشوف البيت محتاج ايه و باعمله

يعني مثلاً النهاردة بم إني مسافرة غداً نظفت البيت كله سريعاً لأنه كان تقريباً نظيف

و غسلت كووووووووووم ماوعين

وورايا كوم تاني شوية هاقوم أعمله

و عملت وجبات خضار و أرز و مكرونة باشاميل ووضعتها في الفريزر لأن زوجي هيوصلني وييجي يقعد أسبوع لوحده

وطبعاً مش بيحب ياكل بره

و طبعاً لما أسافر البيت هناك مقفول من فترة هيبقى محتاج نضافة

دعواتكم

أنا دايماً وقت السفر باكون مطحونة في شغل البيت

[خُـزَامَى 1492]

:rolleyes: :oops: :oops: :oops:

[(شروق الشمس) 10]

السلام عليكم ورحمة الله وبركاته،،

 

ياجمااااعه ممكن تساعدوني انا بكره شغل البيت مش بحبه وبعمل الحاجه من غير نفس خااالص واشوف مثلا المواعين ولا كأني شايفاها والتراب علي اي حاجه ولا اانظفهاا وده بسبب انه والدتي الله يرحمهاا كرهتني فيه لانها كانت بتضربني في اي حاجه

 

والله قبل كده كسرت الكرسي البيلاستيك عليا والحمدلله انه بلاستيك

 

هتاسعدوني ولا لا

[محبة لربها، ادعوا لي بالثبات 72]

بصي اعملى برنامج واكتبى ف ورقه اعمال اليوم واشطبى على بند بند كلما انتهيتى منهوقسميهم بحيث قبل صلاة الظهر مثلا تكونى انتهيتى...النظام ده نفسي اعمله ادعولى انفذ :blink: :blink:

[محبة لربها، ادعوا لي بالثبات 72]

ايه الهبل ده لو ما كنتش عارفه انكوا عاقلين كنت قلت ان انا دخلت مستشفى العباسيه غلط

 

 

 

 

 

 

 

 

 

 

 

 

 

 

شجعونى بقى وادعولى اخلص قبل الظهر عشان انا شغل البيت عندى من الصبح لبليل لانى كسوله :oops:

[أم عائشة المصرية 242]

ايه الهبل ده لو ما كنتش عارفه انكوا عاقلين كنت قلت ان انا دخلت مستشفى العباسيه غلط

 

 

مش فاهمة ليه بتقولى كده!!

[رحيق العفه 2]

السلام عليكم ورحمه الله وبركاته

 

ممكن اشارك معاكم انا اول مره اشوف الموضوع ده

 

اختى عائشه المصريه ممكن اعرف انتى تسكنى فين فى اسكندريه ؟؟؟؟؟؟

اسفه على سؤالى

[#ام سلمى# 1]

السلام عليكم ورحمة الله وبركاته،،

اية يا ست زهورة اهو البيت المفروض دلوقتى نضيف

قوللنا عملتى ايه بقا شجعينا

ام عائشة معندكيش طريقة تخلى الخشب بيلمع

[تسنيمات 0]

السلام عليكــم ورحمـة الله وبركاتــة

 

انا عن نفسى مش بحب خالص شغل البيت

اشتغله غصب لأنه مرهق ويحتاج وقت ونشاط

واللى يعصبنى من شغل البيت ان بعد ان انظف وارتب كل شئ يتلغبط وكأنى لم افعل شيئا لأن اخواتى مهملين بالرغم من انهم ليسوا اطفال حتى التمس ليهم الاعذار ولا يحبوا التنظيف والنظام

والاغرب فى مجتمعنا الشرقى ان التنظيف من اختصاص الاناث وليس الذكور

مما تسبب ان الاولاد مهملين جدا وكسالا فى وضع الاشياء فى اماكنها على اساس ان البنات هى اللى هتقوم بعمل ذلك.

 

[أم عبد الوارث 24]

وعليكم السلام ورحمة الله وبركاته،،

 

 

اهلا بك اختي معنا :)

[أم عائشة المصرية 242]

السلام عليكــم ورحمـة الله وبركاتــة

 

انا عن نفسى مش بحب خالص شغل البيت

اشتغله غصب لأنه مرهق ويحتاج وقت ونشاط

واللى يعصبنى من شغل البيت ان بعد ان انظف وارتب كل شئ يتلغبط وكأنى لم افعل شيئا لأن اخواتى مهملين بالرغم من انهم ليسوا اطفال حتى التمس ليهم الاعذار ولا يحبوا التنظيف والنظام

والاغرب فى مجتمعنا الشرقى ان التنظيف من اختصاص الاناث وليس الذكور

مما تسبب ان الاولاد مهملين جدا وكسالا فى وضع الاشياء فى اماكنها على اساس ان البنات هى اللى هتقوم بعمل ذلك.

 

 

وعليكم السلام ورحمة الله وبركاته

أعانكِ الله

لو عندك أطفال سيكون الأمر أصعب فاحمدى الله وحاولى التفاهم مع إخواتك

واحتسبى أجر مساعدة والدتك وتنظيف وترتيب بيتك لأن هذا هو حال البيت المسلم دائما نظيف

وإن شاء الله ربنا حيباركلك فى وقتك وجهدك..

[أم عائشة المصرية 242]

احم احم....

 

يا رب

[أختكم آيات 1]

السلام عليكم ورحمة الله وبركاته،،

أنا برضه بكره شغل البيت وبقوم بالعافيه عايزه حد يشجعنى

[أم أنس السلفية 2]

:laugh: :angry: السلام عليكم ورحمة الله وبركاته،،

انا متاخرة قوىىىىىىىىىىى

بس البت زهرة صاحبة الموضوع دايما تعطلنى عن شغل البيت

ههههههههههه :lol:

 

كل يوم سوالف(لا اعرف هذا صحيح ولا لا الكلمة دى) معى على النت بالساعات :mrgreen: :closedeyes:

 

 

 

 

 

 

 

 

 

 

 

 

 

 

 

 

 

بهزر طبعا

وانا خلصت النهاردة معظم شغل البيت فاضل شوية صغيرين

والشغل عبارة عن دائرة مستمرة

ربنا يعينا ويجعله فى ميزان حسناتى

 

وعقابها انها هبعت لها تاشيرة تجى تشتغلى شغل لمدة اسبوع وممنوعة من النت ومسموح لها الفرجة عليه بس هههههه

تم تعديل 12 ديسمبر, 2009 بواسطة أم أنس السلفية

[خُـزَامَى 1492]

:mrgreen: :biggrin: السلام عليكم ورحمة الله وبركاته،،

انا متاخرة قوىىىىىىىىىىى

بس البت زهرة صاحبة الموضوع دايما تعطلنى عن شغل البيت

ههههههههههه :lol:

 

كل يوم سوالف(لا اعرف هذا صحيح ولا لا الكلمة دى) معى على النت بالساعات :mrgreen: :biggrin:

 

 

 

 

 

 

 

 

 

 

 

 

 

 

 

 

 

بهزر طبعا

وانا خلصت النهاردة معظم شغل البيت فاضل شوية صغيرين

والشغل عبارة عن دائرة مستمرة

ربنا يعينا ويجعله فى ميزان حسناتى

 

وعقابها انها هبعت لها تاشيرة تجى تشتغلى شغل لمدة اسبوع وممنوعة من النت ومسموح لها الفرجة عليه بس هههههه

يامجررررررررررمة حسابك معي بس لما اشوفك

هي كلها كلمتين بس بتقوليها وتطلعي وبعدها مش بشوفك الا بعد شهر :closedeyes:

[نسمة الريحان 0]

السلام عليكم ورحمة الله وبركاته

 

اسمحولي اشارك في الموضوع

 

جيت متأخرة معلشي لسه شايفه الموضوع

 

شغل البيت تقريبا كله عليا لأن مخلصة كليه ومش بشتغل

 

وماما موجودة بس انا مسؤله عن شغل البيت من تنفيض وطبخ ومواعين وكل حاجه ماعدا الغسيل

 

بنشره بس

 

زى ماتقولوا كده بدرب عشان لما راوح بيتى ابقي ست بيت شاطرة

 

بس عندى مشكلة ان بصحي متأخر قبل الظهر وبقعد لأذان المغرب في شغل البيت

 

 

 

[نسمة الريحان 0]

وعندى نفس مشكلة الأخت تسنيمات مع انى اخواتى بنت وولد صغير

 

واختى مش بتعمل حاجه ابدا ابدا ابدا عشان بتذاكر مع انها ممكن تقعد ع النت بالساعات

[أم أنس السلفية 2]

السلام عليكم ورحمة الله وبركاته،،

 

 

:lol: :lol: :blush: :wub:

 

 

يعنى بتهربى مش هتجى تخلصى معى شغل البيت

هاموتك يا زهورتى الغالية

[أم أنس السلفية 2]

السلام عليكم ورحمة الله وبركاته،،

على فكرة هادخل المنتدى متخفية بعد كده ههههههههههههههه

[*أم رقية* 473]

السلام عليكم ورحمة الله وبركاته،،

 

وتنضم اليكن كسولة أخرى انا منضمة هنا من زمان بس كنت لا ادخل

 

بالنسبة لى المفروض انى زوجة وام والمفروض اكون مسئولة بس انا زهقت من التكرار بتاع كل يوم لا كل شوية ولما اشتغل الاقى انى ضيعت وقت كبير فى الشقة وتانى اليوم الاقى مجهودى طااااااااااااااااااااار مع انى بنتى صغيرة

كمان بمشى حسب مزاجى يعنى ممكن اول ما اصحى اشتغل ودة نادر والاكتر ان اصحى افطر واجلس عى النت بالساعاااااااااات الاقى اليوم طار افكر بقى اشتغل قبل زوجى ما يجى والموضوع دة جايبلى اكتئاب بقول نفسى ابقى زى باقية الناس اصحى بدرى اوحتى قبل الظهر واخلص شفلى وبعدين اقعد زى ما نا عايزة بس لا حياة لمن تنادى

 

ياريت تعرفوا تساعدونى