أزمة وعدت (تعالى احكى لنا كيف كشف الله الغم بعد الهم )

[المستبشرة خيراً 18]

بسم الله الرحمن الرحيم

 

موضوعى اليوم موضوع جديد

 

هنبعد عن المشااكل شوية معقول :grin: هو حد يقدر بردوة يعيش من غير مشاكل :-

 

اقصد ان ااننا هنناقش ما بعد المشاكل :smile:

 

عاوزين كل اخت تحكى لنا :smile: :smile:

 

عن تجربة مرت بيها وبعد محاولات من ياس وفقدان الامل :sad: و فجاة جاء الامل مسرعا :smile:

 

مشكلة ماكنش لها حل ومهما تحاول تحلها تتعقد اكثر :sad: وفجاة جة الحل من ملك الملوك :smile: :smile:

 

عقدة فى حياتها عاشت معها سنين وصبرت كثير وتصابرت :sad: وفجاة اتفكت العقدة من اوسع الابواب :smile:

 

ما كنتش راضية عن حياتها وعن عيشتها :sad: وفجاة جاء الرضى واليقين ان ذلك خيرا من غيرها :smile:

 

دعوة كانت بتدعيها ودائما على لسانها وبترددها وتختار اوقات الاجابة :sad: وربنا سبحانة وتعالى استجاب ليها :smile:

 

عاوزين نعيش ازمة وعدت ونقول نصائح للاخوات ونعطى امل لمن فقدت الامل :blush:

 

ونقول ان مع العسر يسرا ... ولعل الفرج ياتى من حيث لاتدرى

 

وفى انتظار تفاعلن مع ازمة وعدت وربنا يفرج كرب المكروبين ويزيل هم وغم المهمومين يارب

 

صدقووووووووووووونى الفرج قريب جداجداجدا

 

وبحبكن فى الله

تم تعديل 27 أغسطس, 2007 بواسطة نسألكن الدعاء

[خطابية 22]

السلام عليكم ورحمة الله وبركاته

 

بوركتي أختي الحبيبة نسألكن الدعاء على الموضوع

 

في الحقيقة من أكثر المواضيع التي كانت عائق أمامي هي معارضة أهلي في لبسي للنقاب ولم أكن متخيلة يوم من الأيام أن يسمحوا لي بذلك

 

أذكر أول مرة سألت أمي : ما رأيك أن ألبس نقاب؟ وقتها ثارت وصرخت وبكت ولم تترك لي المجال في الكلام

ثم رزقني رب العزة عمرة فكنت استغل الدعاء في كل وقت حتى ونحن مسافرين كان لساني مواظب على دعاء تيسير النقاب وأن يدخل الرضا في قلب أمي ولبست النقاب بالعمرة وهاتفت أمي أني سأعود بالنقاب فمثل ما كان متوقع بكت كثيرا ورفضت وحتى أنه بلغني حين عودتي بأنها مرضت من طلبي وكانت على فراش المرض.

 

فتركت أمر النقاب لله عز وجل وكنت على يقين أنه من يتوكل على الله فهو حسبه ويجعل له مخرجا من حيث لا يحتسب.

 

ومن بعد عودتي تقربت إلى الله أكثر وأكثر فلم أترك ليلة دون قيام ودعاء وكنت على يقين أنه سيأتي الفرج من الكريم المنان الذي إن قال للشيء كن فيكون

 

رأي أبي واخوتي لم يكن مخالفا لرأي أمي حيث أني لاقيت منهم كلاما أقسى من كلام أمي ومع ذلك إحتسبت الأمر لله عز وجل

 

فسبحان السميع العليم الذي قال "ادعوني استجب لكم " وها أنا دعوته فلم يخذلني رب العزة وسخر لي النقاب وكانت أمي راضية وهي الآن سعيدة بنقابي أكثر مني وتدعو لفتيات المسلمين أن يرزقهن الله النقاب.

 

سبحان الله كيف غفلنا عن العبادة والدعاء بسبب شهوات الدنيا التي طغت على عيوننا وقلوبنا وقد نسينا أن لنا ربا يرزق من يشاء بغير حساب

[* آلاء الرحمن * 1]

السلام عليكم ورحمة الله وبركاته،،

 

حبيبتى " نسألكن الدعاء " بارك الله فيك على هذه الفكرة الرائعة

 

أعتقد أنى ما زلت صغيرة نوعا عن مواجهة مشاكل كبيرة فأنا لا زلت طالبة تعيش مع أهلها .. لم أتعرض يوما للإيذاء ولا لمشاكل الحياة الصعبة التى أسمع عنها كثيرا ..

 

لكن المشكلة الوحيدة التى قابلتنى هى نفس مشكلة الأخت " خطابية " ألا وعى مشكلة النقاب ..

 

أبى رجل ملتزم ولله الحمد لكن حينما فاتحته فى موضوع النقاب منذ حوالى خمس سنين رفض بشدة ... لأنه متيم بالشيخ الألبانى .. وطبعا رأى الشيخ فى هذه المسألة أنه ليس بواجب .

 

حاولت معه بكل الطرق ... لكنه ظل خمس سنوات يأبى وأمى حيادية لا معى ولا على ...

 

وحين ضاقت الأرض على بما رحبت ووصل الأمر لذروته ... كنت فى السكن ( سكن الكلية ) ولبست النقاب ( كدة وكدة ) واتصلت بأبى وقلتله إن أنا لبست النقاب ..

 

طبعا زعق فيا جامد ولحسن الحظ رصيدى خلص فالخط فصل ... ماكنتش عارفة اللى أنا عملته ده صح ولا لأ ... بس كنت بدعى وأخواتى حولى كانوا بيشجعونى ...

 

ومنهم واحدة قالتلى أنا مستبشرة خير .. أنا حاسة إنك هاتلبسيه بجد ... طبعا كنت مضايقة جدا لأنى لاأنا لابساه ولا أبى راضى عنى ... كنت بدعى بحرقة وكنت عارفة ربى لا يمكن

 

يخذلنى أبدا .... بعد يوم كامل من البكاء ( وكانت أيام إمتحانات ) كنت خلاص تعبت وهنام ... صحيت على صوت تليفونى .. كان أبى هو اللى بيتصل ...

 

وقاللى أنا اشتؤيت لك ملاحف ونقابات ( كنت أنا لابسة الإسدال بس ) وكان عند عمتى وباركت لى ... ومن فورى لبسته وخرجت مع أخت لى فى الله ( بحبها جدا ) عشان أثبت

 

الموضوع ... وسبحان الله بقى معايا أحسن من الأول وكمان لبس أمى النقاب ( رغم إنها مش عاوزة تلبسه ) ... فسبحان من بيده قلوب العباد يقلبها كيف يشاء ..

[المستبشرة خيراً 18]

وعليكم السلام ورحمة الله وبركاته،،

 

اهلا بيكن اخواتى الحبيبات خطابية والقران كتابى :) والله اسعدتنى مشاركتن معى وعلى تلك الازماااااااات ونحتسبها جميعا فى ميزان حسناتكن يارب ونحمد الله انها ازمة وعدت ...فمن وجد الله ماذا فقد ومن فقد الله ماذا وجد.

اسال الله لى ولكم الثبات والهداية على صراطية المستقيم اللهم امين

تم تعديل 28 أغسطس, 2007 بواسطة نسألكن الدعاء

[المستبشرة خيراً 18]

اخواتى الحبيبات

احببت ان ارفع هذا الموضوع مرة اخرى لعلى اجد خبرة فى ازمة وعدت لاخواتنا الحبيبا بارك الله فيكن يارب

[أم منو نه 8]

موضوع متميز ما شاء الله تبارك الله

[المستبشرة خيراً 18]

موضوع متميز ما شاء الله تبارك الله

جزاك الله خيرا يا حبيبة

اللهم اجعلنى خيرا مما يظنون ولا تؤاخذنى بما يقولون واغفر لى ما لا يعلمون :)

اختى الحبيبة هنا فى الموضوع لا يكفينى المرور بل يكفينى المشاركة :laugh: بما لديك من ازمة وعدتك ... من فرج بعد ضيق...فرح بعد حزن ...فى انتظارم مرة اخرى معنا للفضفضة يا غالية :smile:

[حنين مسلمة 34]

السلام عليكم ورحمة الله وبركاته

 

موضوع جميل جدا أختى نسألكن الدعاء وعشان خاطرك بس هكتبلك أزمة وكنت هكتب أزمة النقاب بس قلت أغير بأه :wub:

 

كانت الأزمة أن أخويا كان فى استدعاء فى الجيش وأخويا ده بحبه جدا ومتعلقة بيه قوى المهم كان بيعمل دبلومة فى الكلية وباقى على الإمتحان أقل من أسبوعين والإمتحانات العملى امتحنوها وخلصوها وهو فى الجيش وكانت حالته النفسية سيئة جدا وكنا بنتصل بيه على موبايل الضابط بتاعه عشان نطمن عليه لما تيجى فرصة فكلمناه وكان زعلان جدا عشان الدبلومة وكمان لقى أسمه مكتوب فى الأستدعاء اللى هيتعمل السنة اللى بعدها فقال لوالدتى أنا خلاص هسيب البلد دى وهسافر جهزولى ورقى ولو لقيتوا أى عقد للعمل بالخارج قولولى عشان هسافر ... وكلام اللى أحنا عارفينه ده.

 

المهم طول الفترة دى ووالدتى بتجيب فى وسايط من العقيد الفلان واللواء فلان ومفيش فايدة أنه يطلع عشان الأمتحانات ومتتخيلوش جبنا وسايط أد أيه وفى الليلة اللى عرفت فيها أنه هيسافر مش هنساها خالص فضلت نايمة على السرير أبكى تقريبا ممكن يكونوا وصلوا 4 ساعات بكاء متواصل وبحرقة عشان وعشان هيسافر ويسبنى ودعيت ربنا أنه يرجع وييجى وييسر له أمره وكنت أيامها قبل ما ألتزم وكانت ليا معاصى كتير وكنت بدعى ربنا وأنا حاسة وبقول فى نفسى أنا مين عشان ربنا يستجيب ليا عملت أيه عشانه فى يوم بس ربنا كريم جدا ربنا كريم قوى

عارفين نمت من كتر العياط وأول حاجة صحيت عليها كانت أخويا سمعت والدتى بتتكلم فى التلفون أنه هييجى وكانت مبسوطة قوى فقمت من على السرير وبعدها بأقل من نصف ساعة كان فى البيت ونجح فى الأمتحانات النظرى بتقدير عالى قوى والمشرفين من الدكاترة لما لقوا تقديراته عالية وأتأكدوا أنه كان فى الجيش نجحوه فى الأمتحانات العملى بتقدير عالى برده ومسافرش بره لسه معايا :icon15:

 

شفتوا دعوة صادقة من واحدة أبعد ما تكون عن ربها وأستجاب لها

 

ربى كريم مجيب دعاء المضطر إذا دعاه

 

عارفين المشكلة أننا ندعو ربنا بقلب صادق لكن إجابة الدعاء المفروض منشلش همها بس إحنا ندعى بس ونسيب الباقى على مدبر الأمور ملك الملوك.

 

ولو سألتوا أخويا طلع أزاى من الجيش:

 

هو كان عسكرى الرتبة اللى فوقه علطول هو تقريبا شاويش كان علطول مش عايز يطلعه ولا يخليه يذاكر وهو هناك مرة واحدة قلبه حن على أخويا وسابه يطلع أجازة وجت حل المشكلة وانفكت من أقل الناس رتبة فى الجيش !!

 

طولت عليكم قوى أنتم اللى خلتونى أحكى

 

مش ذنبى

 

بحبكم فى الله

[الوجه الاخر 0]

السلام عليكم ورحمة الله وبركاته،،

اهلا اهلا بالغالية!!!!!!!!

اييييييييييه د كله والله احس بغبطة

جزاك الله على افكارك النيرة ,بارك الله فيك وبك وعليك

 

 

انا كنت ساكتب موضوع متعلق بكل الاحدات التي تعرضت اليها

لافيد اخواتي من تجاربي ولاصحح اخطائي بمساعدتكن ,لست ادري ان كان

هذا هو المقصود في صفحتك

ساحاول الا اخرج عن الموضوع!!!!!!!!

 

اختي اتريدين ان اشارك؟ترغبين في سماع قصصي؟

ساختار قصة وهي متعلقة بموضوعك

ان بعد العسر يسرا

 

والسلام عليكم ورحمة الله وبركاته

[ياقوته 0]

ماشاء الله تبارك الله ......... موضوع متميز من اخت متميزه يا حبيبتى نسالكن الدعاء

 

والله تجارب الاخوات اثرت فيا اوى وخصوصا طبعا موضوع النقاب عارفين بجد الموضوع ده جه فى وقته وكلام الاخوات ماشاء الله والله شجعنى جدا واعطانى دفعه قويه من الامل والحماس وحسيت ان ابعد شئ ممكن يكون فى لحظه اقرب ما يكون مننا

 

انا بس قلت ارد على حبيبتى نسالكن الدعاء

 

لكن والله انا لسه ازمتى معدتش ادعولى ربنا ييسر لى امرى

[الوجه الاخر 0]

السلام عليكم ورحمة الله وبركاته،،

 

لكن والله انا لسه ازمتى معدتش ادعولى ربنا ييسر لى امرى

,

 

اللهم يسر لاختنا ياقوتة امرها,يارب وفرج همها

والسلام عليكم ورحمة الله وبركاته،،

[ياقوته 0]

جزاكى الله كل خير يا حبيبتى الرائعه الوجه الاخر

 

اللهم اشفى اختنا شفاء لا يغادر سقما يا رب العالمين

 

اسال الله العظيم رب العرش العظيم ان يشفيكى

اسال الله العظيم رب العرش العظيم ان يشفيكى

اسال الله العظيم رب العرش العظيم ان يشفيكى

اسال الله العظيم رب العرش العظيم ان يشفيكى

اسال الله العظيم رب العرش العظيم ان يشفيكى

اسال الله العظيم رب العرش العظيم ان يشفيكى

اسال الله العظيم رب العرش العظيم ان يشفيكى

 

امين ......... امين ................ امين

[المستبشرة خيراً 18]

وعليكم السلام ورحمة الله وبركاته،،

اخواتى الحبيبات

حنين مسلمة والوجة الاخر و ياقوتة

والله قصتك رائعة وموقف رائع فعلا لا ملجا من الله الا الية ولا مفر من الله الا الية

فعلا الصدق واليقين فى الدعاء اهما اساس الاستجابة ..ونسال الله ان يتقبل منا ويجيب دعواتنا اللهم امين

 

*****

اختى الحبيبة الوجة الاخر نعم نحن فى حاجة شدة لك وتجاربك وقصصك وهذا هو المقصود من الموضوع

ونتظرك ونتظر مداخلاتك مرات بعض مرات حتى نفيد وتستفيد منك وبارك الله فيكى يارب

 

*****

اختى الحبيبة يا قوتة يسر الله لك ولى لبس العفاف الطهر والنقاء ولكن؟!

اليس فى حياتك ازمة وعدت بفضل الله فحايتنا كلنا ازمات ومشاكل وكثيرا ما صبرنا ودعونا الله

واستجاب الله لنا

فاذكرى لنا موقف صبرتى فية وذقتى مرارة الصبر وعجزتى عن كل حلول الدنيا وسبحان الله جاءت نتيجة الصبر حلوة والفرج من حيث لاتدرى ....

نعم الله لاتعد ولا تحصى ...وقد انعم الله علينا نعم كثيرة ....وبالشكر تدوم النعم ..وأما بنعمة ربك فحدث ...

تم تعديل 30 اكتوبر, 2007 بواسطة نسألكن الدعاء

[محبة الجنة _ 18 0]

انا الازمة اللي كانت عندي كانت من اسبوع تقريبا هي اننا عندنا شقة اخي كان يجهزها ليتزوج فيها وخلاص الفرح كان بعد اسبوعين ولكن حدث شيء غريب هو ان عامل الدهانات كن في الشقة ينهي اخر شيء في دهانات الشقة وكان معه موقد صغير فانفجر هذا الموقد وتفجرت الشقة تماما والحمد لله انفرجت هذه الازمة بانه بعد يومان اشتري خالي شقة اخري وطلب من اخي ان ياخذها وعمي اعطي شقته لاخي فالحمدلله بعد ان صبرنا علي الصدمة عوضنا الله خيرا منها شقتين اكبر واحسن منها

 

وانا اطلب من كل الاخوات المبتليات الصبر والرضا بقضاء الله وقدره والعلم انه بعد العسر يسر شديد ان شاء الله

[الوجه الاخر 0]

السلام عليكم ورحمة الله وبركاته،،

 

اليك القصة الاولى!

 

كنت مريضة تمزيق في المعدة

واحجار في المرارة

وكان لازم اقوم بالعمليتين معا في نفس اللحظة

كنت خائفة بالاخص اني حلمت حلما !!!!!!!

 

كنت اطلب الله ان ييسر الامر

بعدها قبل العملية خرجت نتيجة الفحص

اني حامل ,لايمكن ان تجرى العملية

ارتحت نفسيا رغم الالام

 

علمت ان الله نجاني من العملية التي كان المفروض ان اقوم بها!!

 

 

بعد الحمل ,خفت كثيرا لان لي اطفال صغار واشفقت عليهم وخفت ان اموت ويكون السبب العملية!!!!!!!!!

كنت اقول ان الاعمار بيد الله فلا العملية ولا غيرها

اذا كان الاجل فانه الاجل!!!!!!!!!

لكن في نفس الوقت كنت اقول اعقلها وتوكل ,اي الا اذهب انا بمحض ارادتي للمستشفى

الا اضع نفسي في هذا الموقف واذا جاءت الموت فهي حق علينا!!!!!!!!!

 

اه ابنتي صغيرة واحب ان اتمم الرضاعة

فاخرت العملية مرة اخرى

وطول الوقت اطلب من الله ان يشفيني

في شهر رمضان كثفت الدعاء وطلبت من الله الشفاء

 

لما اتممت الحولين وانهت ابنتي الرضاعة قررت ان اقوم بالعملية

وانا في الاستعدادات الاخيرة سالني الطبيب!!!!

ماهو الدواء الذي كنت تتناولين ؟

قلت لاشئّّّّّّّ!!!!!!!!

اعاد السؤال وهو يضن اني لم افهم اللغة

قلت له لم اخذ دواء قط!!!!!!!!

فقال وهل تحسين بالم وبالاعراض التالية..حرقة و....و؟

قلت لا لا احس بشئ

منذ متى

منذ مدة

اسبوع ؟

لا ربما شهرين او اكثر

ولا تاخذين اي دواء ؟

لا لا ولا دواء

والاكل؟

اكل كل شئ!

قال لا داعي لعملية المعدة فقط ستكون عملية واحدة!!!!

فالسبب الذي من اجله العملية لم يبق!!!!!

فرحت فالخوف كان من عملية المعدة لان الطبيبة شرحت انها معقدة شيئا ما

والفرحة الكبرى هي ان الله استجاب لدعائي

 

كنت اطلب من الخالق الشفاء فشفاني!!!!!

 

نعم المولى ونعم الوكيل

اللهم شافي لا شفاء الا شفاؤك

اللهم شافي انت الشافي

 

ولهذا فانا احس بهذا الدعاء واستشعره

 

 

فالله هو الواحد القادر على اخراج العبد من ازمته

ولهذا اقول ان الاخلاص في الدعاء امر عظيم

ارجو ان تعجبكن مشاركتي فانها بالنسبة لي جد هامة

والسلام عليكم ورحمة الله وبركاته،،

[المستبشرة خيراً 18]

وعليكم السلام ورحمة الله وبركاته،،

اختى الحبيبة حبيبة الرسول صلى الله علية وسلم والوجة الاخر

جزاكما الله خيرا على اضافتكم الاكثر من الرائعة

سبحان الله لقد تاثرت بقصصكما كثيرا

سبحانك ياربى ما اعظمك وما احلمك

وفى انتظار المزيد والمزيد وبارك الله فيكن يارب

[الوجه الاخر 0]

لسلام عليكم ورحمة الله وبركاته،،

 

وانت من اهل الجزاء يا غالية

ان شاء الله احكي قصة اخرى!

اللهم اهدينا واهد بنا واجعلنا هداة مهديين

والسلام عليكم ورحمة الله وبركاته،،

[ياقوته 0]

السلام عليكم ورحمه الله وبركاته

 

حبيبتى الوجه الاخر حمدا لله على سلامتك وفعلا ان بعد العسر يسرا

 

 

نسالكن الدعاء .............. انا مش قصدى انه ربنا مانعمش بحاجه عليا والله ابدا لكن اقصد والحمد لله مش فاكره حاجه جامده اوى يعنى وعارفه بجد اول ازمه احسها فى حياتى اوى موضوع الحجاب

 

المهم اليكن قصتى .......... كانت مشكلتى وانا حامل فى ايمان كان حملى ماشى تمام والحمد لله وفجاه فى الشهر الرابع بدات احس بالم فى الجنبين فقلنا مغص عادى بدا يزيد جدا ........ فرحنا للدكتور ( ربنا يعفو عنى انا مكنتش اعرف ان الدكتور حرام وبعدين المكان الى انا فيه كل الطبيبات الى فيه مش مجتهدات ولهم حوادث كتير مقلقه )قال انا عندى نسبه صديد فى البول بنسبه over100% والتهاب فى الكليتين وده موضوع عرضى بسبب الحمل وبدا يطلب تحاليل واشعات وانا بدات اضعف ةاخس لدرجه انى كلن وزنى بيقل مش بيزيد

 

والمشكله انى كنت ايامها فى الليصنص وكليتى صعبه اوى ومحتاجه مذاكره طبعا انا كنت نايمه دايما كل الى بعمله انى بتالم وبس والدكتور يغير الدوا كل فتره

 

وبعدين جه ميعاد الامتحانات مكنتش فتحت ولا كتاب ليله الامتحان بس كنت ابص فى الكتب مجرد نظرات كده وانا نايمه على ظهرى وبقيت اروح الامتحان فى عربيه مخصوص انا وزوجى وطبعا مكنش فيه اجابه خالص ............. انا قلت انا عايده السنه يعنى عيداها وبقيت ادعى ربنا اوى واعيط لان الدكتور كل ما نحلل يقول النسبه ثابته وفضلت كده لغايه الشهر الثامن

 

وكان الدكتور بيقول هى عايشه ازاى دا النسبه دى مميته ................. وكان الدكتور هداه الله هو السبب لانه مكنش عارف يشخص الحاله كويس ويعطى الدوا ء المطلوب

 

سبحان الله عرفنا دكتور كليه عن طريق الصدفه وكان الله يسره لنا فرحت له عطانى حقن وبعد الحقن دى سبحان الله لو اى حد سالنى كان مالك هقول مش فاكره ........... حللت لقيت الالتهاب اختفى ونسبه الصديد بقت 7%

 

والمفاجاه بقه انى انجح بس شايله ماده واحده بس والحمد لله دخلتها دور تانى ونجحت فيها

 

بجد فرج ربنا قريب انا كنت بموت والله والدكتور قال لو فضلت كده احتمال ما تقاومش فى الولاده لا قدر الله وتصدقو ان الى كان بيشوفنى مكنش بيعرفنى والله من اقرب الاقارب من كتر تغيير شكلى من التعب والحمد لله

 

ربنا سبحانه وتعالى قادر على كل شئ سبحان الله

 

اللهم لك الحمد حتى ترضى ولك الحمد اذا رضيت ولك الحمد بعد الرضا

[المستبشرة خيراً 18]

وعليكم السلام ورحمة الله وبركاته،،

 

اختى الحبيبة الوجة الاخر فى انتظااااااااارك يا اختى الموضوع موضوعك يا اختى بارك الله فيكى يارب

 

اختى الحيبة ياقوتة سبحان الله موقفك جميل جدا انت تريد وانا اريد والله يفعل ما يريد وربنا يبارك فيكى وفى ايمان ويجعلها قرة عين لك فى الدنيا والاخرة اللهم امين

[ياقوته 0]

امين يا رب العالمين

 

ويرزقك وجميع المسلمات بزوج صالح ....... امين

 

 

ولسه ان شاء الله هفكر تانى

[المستبشرة خيراً 18]

امييين يارب وفى انتظار يا ياقوتة مرة اخرى مع موقف اخرى و ازمة وعدت ;-)

[ساره أم حمزه 1041]

السلام عليكم

وعليكم السلام ورحمة الله وبركاته

 

موضوع جميييل يا نسألكن الدعاء ومواضيعك جميله ما شاء الله لا قوة إلا بالله وخصوصا انها بتبقى عباره عن حكايات

اصل بحب الحكايات

 

انا عندى حكايه بس مش عارفه هى تابعه للموضوع ولا لا مش متأكده

 

المهم هى

 

ان وانا صغيره بريئه لسه كان فى يوم كسوف الشمس وكان يوم الجمعه وابتى واخويه فى المسجد وانا وامى واخواتى فى البيت كنا بنعيط وخايفين جداااااااااااااا خلاص كان فى دماغى اننا كده كده هنموت النهارده وكنت مرعوبه جدااااا

وكنت بفكر وبقول ابتى واخويه هيموتوا بره واحنا هنموت هنا لوحدنا

وصلينا مع امى صلاة الكسوف وكنا بنعيط وبعدين ببص كده لاقيتنا لسه ممتناش ولاقيت ابتى واخويه جه من المسجد

قلت فى نفسى ايه ده دول ممتوش شفتوا بقى بس الحمد لله الحمد لله الحمد لله

 

على فكره انا بفتكر حكايات علشان احكى ان شاء الله

 

لا إله إلا الله محمد رسول الله

[(المسلمه) 1]

السلام عليكن

 

انا الايام دى بمر بااسوء ايام حياتى وعندى هم وكرب وضيق لا يعلمه الا الله ولكنى اعلم علم اليقين انه مهما طال الليل لابد من طلوع الفجر

 

واعلم علم اليقين ان من المحال دوام الحال وان الفرج قرييييييييييب وان الله سميع الدعاء وسامع لكل شكوى وربنا قريب اوى هيفرج همى وكربى وغمى

 

والحمد لله على كل حال

[المستبشرة خيراً 18]

وعليكم السلام ورحمة الله وبركاته،،

 

بارك الله فيكى اختى الحبيبة سارة محمد المصرية

 

هههه طب قوليلى عملتوا اية فى يوم البرق والرعد :)

 

ربنا يبارك فيكى يارب وفى اسرتك الطيبة وموقفك يدل على عظمة الخالق سبحانة وتعالى ومظاهر الكون المبدعة سبحانك يارب

 

*****

 

اختى الحبيبة (المسلمة)

 

اسال الله تعالى ان يفرج كربك وينفث همك ويبدل حزنك والمك فرحا وسروا واستبشارا اللهم امين

 

انظرى الى مواقف الاخوات كلها ...وتعلمى منها .. وثقى بالله ... واجعلى عندك حسن ظن بالله ويقين

 

واعملى ان الفرج مع الصبر

 

وان مع العسر يسرا

 

وانا التمس من كلماتك انك على يقين وايمان بالله سبحانة وتعالى فاستبشرى خيرا يا اختاة :)

 

فمن يتق الله يجعل لة مخرجا ويرزقة من حيث لا يتحسب

 

ومن يتوكل على الله فهو حسبة

 

فكفى بالله وليا وحسيبا :)

[المستبشرة خيراً 18]

وعليكم السلام ورحمة الله وبركاته،،

 

بارك الله فيكى اختى الحبيبة سارة محمد المصرية

 

هههه طب قوليلى عملتوا اية فى يوم البرق والرعد :)

 

ربنا يبارك فيكى يارب وفى اسرتك الطيبة وموقفك يدل على عظمة الخالق سبحانة وتعالى ومظاهر الكون المبدعة سبحانك يارب

 

*****

 

اختى الحبيبة (المسلمة)

 

اسال الله تعالى ان يفرج كربك وينفث همك ويبدل حزنك والمك فرحا وسروا واستبشارا اللهم امين

 

انظرى الى مواقف الاخوات كلها ...وتعلمى منها .. وثقى بالله ... واجعلى عندك حسن ظن بالله ويقين

 

واعملى ان الفرج مع الصبر

 

وان مع العسر يسرا

 

وانا التمس من كلماتك انك على يقين وايمان بالله سبحانة وتعالى فاستبشرى خيرا يا اختاة :)

 

فمن يتق الله يجعل لة مخرجا ويرزقة من حيث لا يتحسب

 

ومن يتوكل على الله فهو حسبة

 

فكفى بالله وليا وحسيبا :)