وصفات مجربه

[أم ريتاج 7]

:wub: :tongue: :grin: :smile: السلام عليكم ورحمة الله وبركاته،، :- بناءا علي طلب احبتي في الله (ام ريتاج) و(ام السعد) انقل لكم هذه الوصفه في صفحه وصفات مجربه لاني مجربها واتمني تعجبكم :smile:

الوصفه ياحبيبات وصفه بالنخاع :closedeyes: اكيد انتو طبعا عارفينه المهم ندخل في الموضوع علي طول الاول انتي تروحي تشتريه مسوره من عند الجزار وبعدين تخدي النخاع اللي بيكون جوه المسوره :wub: وبعدين تسخنيه علي نار هاديه جدا وبعدين تحطي معاه زيت زيتون وتعسري عليه ليمونه وبعد ماتغسلي شعرك حطي الخليط اللي انتي عملتي وربع ساعه واشطفي شعرك ( تشطفيه مش تغسليه) وبعدها لو عند بكر للشعر لفيه شعرك كله بالبكر والنتيجه هتبهرك :ohmy:

و عليكم السلام و رحمة الله و بركاته

 

مشكورة اخيتي على المشاركة الجميلة

و تم وضع الوصفة في الوصفات النتظرة التثبيت

و منتظرين المزيد

 

 

و يا اخواتي يا غاليات

 

تم رفع الوصفات التى عجبتكم من الوصفات المنتظرة التثبيت و تم تثبيتها بالفعل و بكده اصبح عدد الوصفات المثبتة 10

 

و بالنسبة لوصفة النشا يا هدهد انا بصراحة مش عملتها بمقدار هو انا جبت كمية نشا بالويم كده و حطيت عليها اللبن لحد ما بقت عجينة بس لازم تستعمليها في ظرف ثواني لانها بتنشف على طول و هتبقى محتاجه تخففيها

معلش جربيها تانى و سمى بالله و ان شاء الله تكون كويسة

 

و بالنسبة للاستفسار عن كريم كارباميد و امكانية الاستغناء عن الفازلين و الاكتفاء به

فطبعا لالالالالالالالالالالالا ............. لا يمكن الاستغناء عن الفازلين

و يمكن استعمال الكارباميد كمكل او مساعد

يعنى اقصد في الوقت اللى احنا حاسين ان ادينا خشنه شوية او شكلها مبيض شوية و خصوصا في الشتاء و بعد الوضوء و نازلين مثلا او الوقت مش هيسمح احط الفازلين عشان المادة الدهنية بتاعتة

يبقى ساعتها استعمل الكارباميد و او البانثينول بس الميزة في الكارباميد انه مش فيه اى احساس دهنى بعد ما بنحطة

[أم ريتاج 7]

السلام عليكم ورحمة الله

أختي أم ريتاج أحبك في الله

أنا جربت وصفة الشاي الأخضر وهي هايله وكمان محتاجه نوم كفايه عشان تجيب نتيجه سريعه ، يا جماعه الشاي الأخضر مفيد جداَ أنا بأعمل كمادات شاي أخضر دافئ على عيني ، كمان بأشربه مفيد جداَ للجسم وكمان بيحافظ على قوام الجسم المعتدل لأصحاب الأجسام معتدلة القوام وده لما بيتشرب بدون سكر أو بدائله

كمان جربت الحنه مع الخل والليمون هايله جداً وبتدي لون أحمر ناري للشعر الفاتح وكل ما الشعر اللون الأحمر بيغمق وطبعاً محتاج تكرار

و عليكم السلام و رحمة الله و بركاته

انا ايضا اختى احبك في الله

و احبك الذى احببتيني فيه يا غالية

 

انا طبعا معاكي 100% عن اهمية الشاي الاخضر و زي ما انتى ذكرتي في برضوه اننا بنستخدمه مع وصفات الرجيم او تثبيت الجسم فهو برضوه مفيد جدا

 

و بالنسبة للحنة فاحنا هنضيف اضافاتك دي مع وصفة الحنة المثبتة عندنا ان شاء الله

[أم ريتاج 7]

السلام عليكم ورحمة الله وبركاته

بالنسبة للتشقير ب جولى ايفا انا بردوا مجرباه

العلبة لونها روز كده

بس التشقير له اضرار بلاش تشقير الوجه كله خليها الحواجب بس

وهى بتقعد شهور حسب معدل غسلك لوجهك فى اليوم

و عليكم السلام و رحمة الله و بركاته

 

طبعا يا زاد و طبعا يا اخوات

 

التشقير له اضرار

 

لاننا زي ما اتفقنا اي حاجة مش طبيبعية لها اضرار

 

بس بالنسبة للتشقير فلى تجربه معه و استفسرت جيدا عنه

 

فانا شقرت شعري وجهي باستخدام كريم كينت و ده زي جولي ايفا بالظبط و المحتويات كمان

و شقرت حواجبي بجولي ايفا

بس بالنسبة لتجربتى كينت اداني نتيجة اسرع و وصلت للون المطلوب على طول

 

و الحمد لله الاثنين كويسين

 

و الحمد لله كمان و بسم الله ما شاء الله بعد ما خلصت مش طلع لي حبوب و الحمد لله

 

يارب الا اثنين بس مش متأكده انهم بسبب الكريم و لا الدورة الشهرية لانها جاءت بعد ما عملت الكريم بيومين تقريبا

و انا متعودة على ظهور حباية او اثنين مع وجود الدورة الشهرية

 

و بعد ما سألت عرفت ان الكريمين دول ءأمن على البشره بكثيرررررررررررررررررررررررررر

من استعمال كريم الاكسجين العادي و بودرة التشقير العادية

 

و فعلا عملت تجربة على شعري

و هي اني جبت كريم كينت و حضرت منه شوية و عملت كده برضوه مع جولي ايفا

و جبت خصلتين من شعري و جربت فيهم الكريمين دول

و مش جابوا اى نتيجة يعني مش لونوا شعري

و خليتهم نفس الفترة اللى بنخلي الصبغة او الاكسجين العادي على شعرنا

و النتيجة كانت ان ولا شعرياه من شعري خدت لون

و ده طبعا عكس الاكسجين العادي و بودرة التشقير

 

بس برضوه انا قررت ان شاء الله انى اعمل التشقير ده على فترت متباعدة يعنى ممكن كل خمس او ست شهور حتى لو كان بدأ الشعر يظهر تاني

و ده عشان ادي فترة لجلدى انه يستريح

 

 

و دي كانت تجربتى مع التشقير و دي كانت اول مره بالنسبة لي

[أم ريتاج 7]

السلام عليكم و رحمة الله و بركاته

 

اخواتي الغاليات

 

اسمحوا لي ان اقدم لكم الوردة دي

 

تحية مني اليكن

 

ايها الغاليات و الحبيبات على قلبي

 

و كذلك تحية على مجهودكم الرائع و حرصكم على افادتنا جميعا بتجاربكم

 

و ربنا يوفقكم و ايانا الى الصراط المستقيم

 

يارب تعجبكم

 

[م/ هدى 0]

السلام عليكم ورحمة الله وبركاته،،

طب يا ام ريتاج

بالتقريب كده........هل كمية النشا اد كمية اللبن؟

وانتي قولتي بتطلع عجينة

يعني مش بيكون شكلها سائل ام ماذا؟

انا عرفه اني زودتها شوية في الاسئله

بس معلش ارجوك استحمليني :sad:

[أم اليسر 0]

عايزة اقولكم اني دلوقتي وانا بكتب الكام دة

حطة علي وشي ترمس مطحون وماء ورد وجلسرين

وعملته قبل كدة وكان النتيجة........زحاليق زحاليق

رووووووووووووووووعة.......كانة وش بيبي لسة مولود من النعومة

وكمان حطة علي شعري حنة علي بيض وزبادي :laugh: :mrgreen:

جربته قبل كدة وبرضه كانت النتيجة ممتازة.....

وداهنة جسمي بالجلسرين والليمون..... :tongue:

ماتتخيلوش منظري دلوقتي بقي وانا قاعدة ملزقة في كل حتة

شوية واستحمي بقي :ninja: ;-)

[بسبوووسة 0]

ام اليسر ايه ياعم النشاط ده عقبالنا

ام ريتاج كنت عايزة استفسر علي حاجه نفسي اعملها وهى عمليه تقشير البشره هل فعلا زى مابسمع عنها انها بتفتح البشره وبيبقي وشي ناعم وصافي خالص ومفيش حبوب نهائي يعنى بشرتى يبقي زى الاطفال وطبعا بعد كده هعتنى بيها بالماسكات الطبيعيه اللى احنا بنجربها مع بعض هنا ولا كل ده اوهام

وكمان سؤال تانى معلش

ياريت تعملى سيرش علي موقع اسمه (عشاق الشعر الطويل)ده موقع هيظهرلك فيه صور وفي الجنب هتلاقي عمود طويل فيه المنتجات واللى عملت المنتجات والمنتجات دى بيقولو انها خدت جوايز عشان فعاله لتطويل الشعر وصاحبة المنتج بتقول انه بيطول الشعر اتنين انش في الشهر والنهارده عرفت ان الانش بيساور اتنين سنتيمتر ونص او 3 سم تقريبا ويبارب تكون المعلومه صح وانا ياامى احب اوى الشعر الطويل اوى كده وكمان خطيبي لما عرف انى قصيت شعرى اتضيق اوى بس كان لازم عشان ضعف وبقي خشن ومش بقي يطول وقصف كمان علي العلم انه كان العكس زمان

بس بجد السؤالين دوول محيرنى اوى وباذن الله ربنا يعينك وتجوبينى عليهم ولو حد عرف ان حد استخدم حاجه زى كده يقولى النتيجه كانت ايه اصل الموقع ده اغرانى اوى ونفسي اجيبه

معلش للاطاله

سلام ياامى ياامورة

علي فكرة انا خدت الورده لوحدى ومخليتش حد يشمها حتى

اصل بغير عليكى معلش بقي :wub:

[أم ريتاج 7]

السلام عليكم ورحمة الله وبركاته،،

طب يا ام ريتاج

بالتقريب كده........هل كمية النشا اد كمية اللبن؟

وانتي قولتي بتطلع عجينة

يعني مش بيكون شكلها سائل ام ماذا؟

انا عرفه اني زودتها شوية في الاسئله

بس معلش ارجوك استحمليني :smile:

السلام عليكم و رحمة الله و بركاته

 

بصي يا هدهد بالنسبة للنشا انتى هاتى 3 ملاعق كبيرة نشا و هاتي اللبن و انزلي على النشا شوية شوية لحد ما توصلي للقوام اللى يثبت على وشك و مش يتزحلق و ينقط على هدومك

 

انا باعمل كده

 

و ايه معلش استحمليني دي ؟

احنا اخوات يا هدهد و زي ما بسبوسة و احب الرحمن ما بيقولوا لي انى امهم

هتقولي ازاي هقولك دي ارادة ربنا ان يكون لي بنانيت امامير زيكم و انت كمان معاهم يا هدهد و انسيتم الجميلة اللى وحشانى قوى

 

و براحتك يا جميلة اسئلي زي ما انتى عايزة

 

ماتتخيلوش منظري دلوقتي بقي وانا قاعدة ملزقة في كل حتة

شوية واستحمي بقي

طيب ايه الاخبار دلوقتي يا أم اليسر

مش قلتى لنا على النتائج

ربنا معاك يا جميل

 

كنت عايزة استفسر علي حاجه نفسي اعملها وهى عمليه تقشير البشره هل فعلا زى مابسمع عنها انها بتفتح البشره وبيبقي وشي ناعم وصافي خالص ومفيش حبوب نهائي يعنى بشرتى يبقي زى الاطفال

اكيد يا بسبوس انت تقصدى التقشير الكميائي و الله في الموضوع ده انا معلوماتي زيك بالضبط بس مش في حد اعرفه جربه قبل كده

و بيني و بينك انا بخاف قوي من الحاجات دي مش عارفة ليه

بقول لحسن الطوبة تيجي في المعطوبة و يحصل حاجة

معلش كان نفسي افيديك

 

ياريت تعملى سيرش علي موقع اسمه (عشاق الشعر الطويل)

حاضر يا بسبوس هعمل سيرش و اقولك على النتيجة

 

علي فكرة انا خدت الورده لوحدى ومخليتش حد يشمها حتى

اصل بغير عليكى معلش بقي

طب ليه كده انا ربيتك على كده

دلوقتي يقولوا ام ريتاج مش فلحت في تربية بناتها

يا بنتى جيرانا كتير مش تخليهم يقولوا حاجة علينا :tongue: :tongue: :tongue: :tongue:

[طموحة لديني 0]

السلام عليكم و رحمة الله و بركاته

 

هذه وصفة مفيدة لصفاء البشرة جربتها خالتي و النتيجة ظاهرة عليها بشكل جيد جدا...........

 

و هي كالاتي:

 

المقادير:

 

زيت الزيتون

 

زيت السانوج

 

طريقة التحضير

 

بطبيعة الحال الكمية التي تريديها انت فمثلا اذا اخذت -كوب زيت الزيتون خذي نصف كوب زيت السانوج و امزجيهما معا في قارورة زجاج

 

و في المساء قبل النوم اطلي وجهك بكمية منه ....و عندما تنهضين في الصباح ان شاء الله اغسلي وجهك بصابون السانوج

 

وعند منتصف النهار اغسليه ايضا بصابون السانوج و ايضا قبل النوم و كرري هذه العملية حتى تظهر لك النتيجة بشكل جيد..

 

مع تحياتي :smile:

[م/ هدى 0]

و ايه معلش استحمليني دي ؟

احنا اخوات يا هدهد و زي ما بسبوسة و احب الرحمن ما بيقولوا لي انى امهم

هتقولي ازاي هقولك دي ارادة ربنا ان يكون لي بنانيت امامير زيكم و انت كمان معاهم يا هدهد و انسيتم الجميلة اللى وحشانى قوى

 

و براحتك يا جميلة اسئلي زي ما انتى عايزة

 

 

ربنا يخليكي لينا ولا يحرمنا منك يا سكر يا محلّيلي حياتي

بس انا افضل انك تكوني اختي وخاصة انك شربات يا أمر وكمان ان معنديش اخوات بنات قريبين من سنيّ

اصل اليّ بعدي اصغر مني ب 11 سنة ومن اكبر مني اولاد فالفرق وااااااااااضح

[أم اليسر 0]

النتيجة جمييييييييييلة جداً

شعري بقي لونه غير خالص

نبيتي غامق شوية.......نفسي يحمر شوية عن كدة

احط كركديه ولا ايه؟

المهم وبشرتي ناعمة وجميلة وتمام التمام

 

المهم المهم من الاهم بقي اني مخطوبة حاليا وعلي وش جواز....وكل يوم عمالة اجرب وصفات اشكال والوان علشان علي ماييجي الفرح ابقي في التمام يعني :laugh: :wub:

مشكلتي اللي هتجنني.......

الشعر الشعر الشعر

اللي في جسمي قصدي مش اللي في شعري :tongue: ;-)

للأسف انا مش بعرف اعمل حلاوة في البيت وبشتريها جاهزة من الصيديلة

بتعمل وكل حاجة بس الشعر بيطلع بعدها باسبوع كدة 10 ايام وبيتنت كدة بيخنقني :biggrin: :icon15: وبيخليني اهرش واعور نفسي :wacko: :dry:

ايه بقي؟؟؟؟؟؟

ايه؟ :icon_eek:

[~~أم أسيل~~ 26]

السلام عليكم ورحمة الله وبركاته،،

 

 

الغالية بسبوسة .. انا شفت الموقع بس الصراحة بخاف من الحاجات دي اوي اوي معرفش الحاجات طبيعية احسن

 

ام اليسر ربنا يوفقك يكملك علي خير .. جربي السعد هتلاقي الطريقة اظن في الوصفات في الاول ... بس طبيعي ان الشعر ينمو بعد 10 ايام ده كده حلو اوي ...

 

ام ريتا حبيبتي ... وحشاني والله

 

بدأت استخدم المسكات تاني الحمد الله

 

انصحكم كلكم فعلا للتقشير .. زيت الزتون + السكر تحفففففففففففففففففففة

[المبتلاة 0]

السلام عليكم ورحمة الله وبركاته،،

 

حبيباتي زيت الحلبه مفييييييييييييييد لتقوية الشعر و منعه من التساقط و مفيد

 

لفروة الرأس انا جربتو و نتيجتو حلوه كتييييييييير. :mrgreen:

[~~أم أسيل~~ 26]

السلام عليكم ورحمة الله وبركاته،،

 

اختي المبتلاه ده بيستخدم حمام زيت ولا ايه وهل بيسخن شوية؟؟

[المبتلاة 0]

السلام عليكم ورحمة الله وبركاته،،

 

اختي المبتلاه ده بيستخدم حمام زيت ولا ايه وهل بيسخن شوية؟؟

 

وعليكم السلام ورحمة الله وبركاته،،

انا اشتريتو مجهز و هو عباره عن زيت يعني بتحطيه كحمام زيت بدون تسخين :smile:

[omjana 6]

ام ريتاج ازيك وحشانى اوى

 

ادعيلى لحسن مشغولة اوى

 

انسيتم الجنة اازيك عملة ايه دلوقت شفاكِ الله وعفاكِ

[أم ريتاج 7]

السلام عليكم و رحمة الله و بركاته

هذه وصفة مفيدة لصفاء البشرة جربتها خالتي و النتيجة ظاهرة عليها بشكل جيد جدا...........

و هي كالاتي:

المقادير:

زيت الزيتون

زيت السانوج

طريقة التحضير

بطبيعة الحال الكمية التي تريديها انت فمثلا اذا اخذت -كوب زيت الزيتون خذي نصف كوب زيت السانوج و امزجيهما معا في قارورة زجاج

و في المساء قبل النوم اطلي وجهك بكمية منه ....و عندما تنهضين في الصباح ان شاء الله اغسلي وجهك بصابون السانوج

وعند منتصف النهار اغسليه ايضا بصابون السانوج و ايضا قبل النوم و كرري هذه العملية حتى تظهر لك النتيجة بشكل جيد..

مع تحياتي :cry:

و عليكم السلام و رحمة الله و بركاته

بارك الله فيكي اخيتي و بارك الله في خالتك

و لكنك ذكرتي ان النتيجة مرضية لخالتك

طيب و انت يا جميل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

ربنا يخليكي لينا ولا يحرمنا منك يا سكر يا محلّيلي حياتي

و يخليكي ليا هدهد يا جميلة

انا بقا يا ستى مش كان عندي اخوات خالص

يعنى كنت البنوتة الوحيدة

بس اتعاملت يعني و اتقضت :tongue: :tongue: :rolleyes:

 

النتيجة جمييييييييييلة جداً

شعري بقي لونه غير خالص

نبيتي غامق شوية.......نفسي يحمر شوية عن كدة

احط كركديه ولا ايه؟

المهم وبشرتي ناعمة وجميلة وتمام التمام

المهم المهم من الاهم بقي اني مخطوبة حاليا وعلي وش جواز....وكل يوم عمالة اجرب وصفات اشكال والوان علشان علي ماييجي الفرح ابقي في التمام يعني

مشكلتي اللي هتجنني.......

الشعر الشعر الشعر

اللي في جسمي قصدي مش اللي في شعري

للأسف انا مش بعرف اعمل حلاوة في البيت وبشتريها جاهزة من الصيديلة

بتعمل وكل حاجة بس الشعر بيطلع بعدها باسبوع كدة 10 ايام وبيتنت كدة بيخنقني وبيخليني اهرش واعور نفسي

مبروك عليكي النتيجة يا أم اليسر

بس ليكي عندي نصيحة

بالنسبة للفترة دي بالذات

الوصفة اللى تعجبك سجليها و دومي عليها و بلاش كل حاجة تجربيها لانها مرة تصيب و مرة تخيب

و بعد كده اقصد بعد الزواج ان شاء الله جربي بقا الباقي لانك مش هتكوني منتظرة مناسبة خطيرة زي دي و الوقت مش يسمح فيها بتصحيح اى خطأ يحصل " حفظك الله "

 

اما بالنسبة للشعر اللى في الجسم فدي مشكلتنا كلنا بس زي ما انوسة قالت لك الحل في السعد بس عايز الصبر و المداومة

و دي مشكلتنا كلنا عايزين النتيجة من اول مره و مش بنصبر

 

اما بقا يا ام البسر مسأله الهرش لحد ما تعوري نفسك دي بقا :cry: :cry: :oops: مش عارفة اقولك ايه ؟

دي قلة حُما و لا ايه :rolleyes: :rolleyes: :tongue:

انا بهزر :laugh: :laugh: :laugh:

 

ام ريتا حبيبتي ... وحشاني والله

 

بلاش ريتا دي يا انوسة لحسن ماما زمان كانت جيبالي قردة لعبة و كنت مسمياها ريتا :laugh:

المهم انك وحشانى جدااااااااااااااااااااااااااااااااااااااااااااااااااا

و ربنا يقويكي و يفرحنا بيكي انتى و هدهد و ام اليسر و احب الرحمن و زاد و ريم و كل البنات يا رب

 

بالنسبة لوصفة التقشير ممكن تذكري لنا الطريقة يا انوس

 

السلام عليكم ورحمة الله وبركاته،،

حبيباتي زيت الحلبه مفييييييييييييييد لتقوية الشعر و منعه من التساقط و مفيد

لفروة الرأس انا جربتو و نتيجتو حلوه كتييييييييير.

جوزيتي الفردوس اختى المبتلاة

طيب النتيجة ظهرت بعد اد ايه

و بعد ما ابطله الشعر يرجع يقع تاني

 

اصل يا جماعة لما جربت زيت الحية كان الشعر فعلا مش بيقع لكن لما وقفته بعدها بيومين بالظبط بدأ الشعر يقع تاني

عامل زي ما يكون بيلزق الشعر في الراس :oops: :oops: :tongue:

 

ام ريتاج ازيك وحشانى اوى

ادعيلى لحسن مشغولة اوى

انسيتم الجنة اازيك عملة ايه دلوقت شفاكِ الله وعفاكِ

ازيك يا زوز عاملة ايه

ان شاء الله بخير و تخلصي على خير

و نيجي عشان نأكل الكحك بتاع العروسة ان شاء الله

دعيالك يا حبيبتى انتى و كل بنات و شباب المسلمين ان ربنا يستركم و يعفكم آمين يارب العالمين

[أم ريتاج 7]

السلام عليكم ورحمة الله وبركاته،،

 

الغالية بسبوسة .. انا شفت الموقع بس الصراحة بخاف من الحاجات دي اوي اوي معرفش الحاجات طبيعية احسن

 

و عليكم السلام و رجمة الله و بركاته

و انا من رايك يا انوسة

[~~أم أسيل~~ 26]

ام ريتاج ازيك وحشانى اوى

 

ادعيلى لحسن مشغولة اوى

 

انسيتم الجنة اازيك عملة ايه دلوقت شفاكِ الله وعفاكِ

 

 

السلام عليكم ورحمه الله

 

تمام التمام يا زاد ولله الحمد .. ورجعت اعمل مسكات تاني الحمد الله

 

الفازلين فعلا رووووووووووووووووووووووعة للكعوب انصح كل البنات باستخدامه

 

الله يعينك وييسرلك امورك يااااااااااااااارب

[المبتلاة 0]

حبيبتي ام ريتاج فعلا زيت الحلبه ده هايل

 

انا شعري كان ضعيف و اصبح قوي و لا يتساقط.

[بسبوووسة 0]

معلش ياام ريتاج وانسيتم الجنه اصل شعرى كان طوييل وكان كويس وتقيل وناعم بس مش اوى ومرة واحده اخشن وبقي جااف ومبقاش يطول وبقي يقع بالخصله كل مااجى اغسله اواسرحه ومقصف وحالته حاله وانا ضايقت من التجارب وحسيت انى محافظتش علي شعرى وبصراحه مش حبه انى اجرب فيه تانى وكويس انها جت لغاية كده وطبعا قصيته وبقي كارريه خالص وبصراحه بتعلق بأى حاجه ممكن تخليه يرجع زى الاول فبعد اذنكم انا هجربو ويارب يكون فيه خير ليا

ادعولى بقي :-

[أم اليسر 0]

يا ام ريتاج تعالي بسرعة

بصي ياستي

انا عملت وصفة الحلاوة بتاعة الفسوخ والشبة دي وبعد معاناة اخيرا واستوت طلعت سووووووووووووووووووووووووووودة سودة خالص

اعمل بيها كدة عادي وهي سودة

:ohmy:

[الدنيا بخير 0]

السلام عليكم

 

حبيت اقدم منفعة لكن اخواتي في هذه الوصفة المجربة بالنسبة لي وهي ..

 

عند الإنتهاء من عملية نزع الشعر من الوجه ..اخلطي بودرة التالك مع قليل من الماء حتى يصبح الخليط كالكريم

ثم ضعيه على وجهك طيلة الليل طبعا ذكرت ليلاُ للواتي يعمل ازواجهن ليلاُ بلاش بعدين تخوفيه منك بذلك القناع هه هه

او اذا كان زوجك يعمل نهارا حاولي ان نقومي بتلك العملية باكرا وذلك حتى يأخذ المفعول لعدة ساعات

حاولي لما تضعي الخليط يكون بهدوء وكل ما يجف عودي بوضع طبقه اخرى يعني مش تبقي رايحة جايه تحطي لا انما بنفس اللحظة

 

وصفة اخرى عن تجربتي

رش الماء البارد على منطقة الصدر لشد النهدين بعد كل حمام مفعوله رائع طبعا حاولي اولا ان ترشي الماء البارد من اسفل قدميك بالتدريج ولا تنسي التسمية بقلبك

ان شاء الله اتذكر وصفات مجربة واضعها لكن عسى ان اقدم لكن الخير بإذن الله تعالى .

[~ أم العبادلة ~ 1903]

يا ام ريتاج تعالي بسرعة

بصي ياستي

انا عملت وصفة الحلاوة بتاعة الفسوخ والشبة دي وبعد معاناة اخيرا واستوت طلعت سووووووووووووووووووووووووووودة سودة خالص

اعمل بيها كدة عادي وهي سودة

:icon16:

ام ريتاج في الشغل دلوفتي

 

ايوة هي المفروض تكون سودة ... اعملي بيها وهي كده

[أم اليسر 0]

يا ام ريتاج تعالي بسرعة

بصي ياستي

انا عملت وصفة الحلاوة بتاعة الفسوخ والشبة دي وبعد معاناة اخيرا واستوت طلعت سووووووووووووووووووووووووووودة سودة خالص

اعمل بيها كدة عادي وهي سودة

:wub:

ام ريتاج في الشغل دلوفتي

 

ايوة هي المفروض تكون سودة ... اعملي بيها وهي كده

جزاكِ الله خيراً امة الرحمن

ان شاء الله بعملها وفي انتظار النتيجة