ام سيما 0 أرسلي تقرير عن المشاركة قامت بالمشاركة 2 سبتمبر, 2007 بسم الله الرحمن الرحيم ازيكم يا اخواتي عاملين ايه والله واحشينني قوي واكيد واخدين بالكم اني مش بدخل المنتدى من 3 شهور غير تخاطيف والسبب طبعاً المشكله الخطيره اللي انا واقعه فيها احكيلكوا من الأول انا طول عمري بنت طائعه لأهلي لأبعد الحدود اي حد يكلمني مكانشي بيخرج من بقي غير (نعم وحاضر) بسمع الكلام جداً ومليش طلبات خالص حتى لو محتاجه حاجه مقولشي غير لما هما ياخدوا بالهم ولو طلبت ابقى خلاص محتاجه الحاجه جداً يعني (الطلب عند الحاجه فقط) وعمري ما طلبت زيادة مصروف او فسحه او هدوم يعني عمري ما حملت اهلي فوق طاقتهم في اي شيء حتى امي كانت دايماً تقوللي (انت الوحيده اللي متعبتش في تربيتها) دراستي كلها كانت في السعوديه لحد الثانويه العامه وطبعاً مكانشي فيه اختلاط خالص ولا وانا بدرس ولا حتى لما كنت برجع اجازات في مصر , وكنت شاطره جداً في المدرسه وطلعت الاولى على مدرستي في الثانويه العامه ودخلت كلية الهندسه قسم ميكانيكا قوى (معلش انا بحكي تفاصيل وحتعرفوا ليه في الآخر) القسم ده صعب جداً واغلب اللي بيدخلوه اولاد بس انا دخلته بعد اول سنه في الكليه جالي عريس (مش من الكليه ومش من القرايب ومش من المعارف) اخته شافتني بالصدفه وكنت عند خالتي وجه خطبني (بصوره تقليديه جداً من غير سابق معرفه) اهلي طبعاً كانوا لسه بيرجعوا السعوديه وكنت انا عايشه مع جدتي وجدي الله يرحمه بابا وماما رفضوا من غير ما يشوفوه وخالتي اقنعتهم انهم يقابلوه الاول وبعدين يرفضوا هوه مهندس واكبر مني 10 سنين وكان صريح في البدايه معاهم وقاللهم انه مش غني ولا عنده املاك ولا اراضي وانه بيكون نفسه بنفسه (وعلشان كده بابا اعجب بيه جداً ووافق) واتخطبتله وانا ماعرفشي اتعامل مع شاب ازاي مش مع راجل واهلي سافروا بعد خطوبتي بأسبوع وطبعاً لأن بطبعي صارمه جداً كانت معاملتي ليه اكتر من سيئه شويه مكنتش بكلمه في التليفون واعمل نفسي تعبانه او نايمه والغريب انه كان مبسوط جداً (لأني متربيه كويس وهوه عايز زوجه كده) امي رجعت في اجازة نص السنه علشان تفسخ الخطوبه لأنها كانت متأكده ان محدش حيرضى بطباعي ابداً ولقته بيقوللها انه عايز يكتب الكتاب (يعقد قران بدون زواج فعلي) وقالت لبابا وفعلاً بعد سنه من الخطوبه اتكتب كتابي وقعدت 3 سنين انا اللي رافضه الزواج لأن كليتي صعبه ومينفعشي اتجوز وانا فيها وماما صممت على الزواج قبل ما اخلص كليه بسنه وكان هوه مش جاهز لأن الجواز عايز مصاريف كتير وعملت معاه مشكله كبيره جداً وطبعاً بسبب تربيتي اللي شرحتهالكوا (قلعت الدبله ولميت هداياه كلها والشبكه وقولتلها انت امي واللي عايزاه حيكون لوانت مش عايزاه انا كمان مش عايزاه) والعيله كلها كانت بتتكلم عني وعن اللي عملته (على اعتبار انه عمل بطولي) واني نصفت امي وعليت منزلتها على زوجي المهم جوزي اتفق معاها انه حيتجوز خلال 3 شهور وفعلاً اشتغل وظيفه تانيه بعد الظهر وخلال 3 شهور كانت الشقه مفروشه كامله من عفش لسجاد لستاير لنجف لأجهزه كهربائيه ومعمول فيها ديكورات كمان ورخام في الأرض وكل ده علشان يرضيها وعلشان الشقه صغيره شويه حب يخليهالي جنه اتجوزت وخلصت دراستي بتفوق والحمد لله وجه لجوزي شغل في امريكا وسافر وقعد في امريكا 10 شهور وبعدين نزل قعد معايا 8 شهور وبدأالقلق من الحمل وروحنا عملنا تحاليل وطلع عنده مشكله بس مكناش نعرف حجمها الحقيقي وبعدين سافر 6 شهور وانا خلالهم رحت لدكاتره كتير ومعايا نتائج التحاليل واخر دكتوره قالتلي (انت ازاي ساكته على نفسك كده انتي لو قعدتي 10 سنين تاني مش حتخلفي انتي لازم تعملي عملية حقن مجهري) وطبعاً طريقتها الغريبه في الكلام خليتني انهار كأنها اديتني قلم على وشي وسافرت لزوجي وروحت لدكتور هناك ولما شاف التحاليل قاللي نفس الكلام وقاللي اعملها في مصر اوفرلي ورجعت مصر وروحت سنتر كبير هنا وطبعاً اخدت 90 حقنة هرمونات لتهيئة الرحم ولزيادة عدد البويضات وعملت العمليه وحملت وسقطت بعد شهرين بدون اسباب وسافرت لزوجي تاني ورجعنا تاني وعملتها مره تانيه ومحصلشي حمل خالص المشكله بقه اني متجوزه من 4 سنين وعندي 27 سنه والعمليات دي نسب نجاحها بتقل بعد سن ال30 وامي عامله مشكله كبيره جداً وعايزاني اتطلق منه وبتقوللي مفيش حد بينفع الواحده غير عيالها لا اب ولا ام ولا اخوات ولا زوج ومصممه على الطلاق وبتقوللي يا تطلقي منه وتتجوزي غيره علشان تخلفي يا تخليكي معاه ومش عايزه اشوفك او اسمع حاجه منك او عنك انا جوزي طيب واللي فيه مش بإيده ده ابتلاء من ربنا ليا وليه وهيه مش مقتنعه بكده خالص بتقوللي طالما انت تقدري تخلفي يبقى لازم تخلفي وشويه تقوللي ده انت لما تكبري حيتجوز عليكي وشويه تقوللي ده حيتجوز بدل الواحده تلاته وكل واحده تعمل العمليه ويجيبولوا عيال وانتي اللي حتقعدي بحسرتك وشويه تقوللي بدل ما تكفلي طفل يتيم ربيلو عياله وانا خلاص تعبت من الضغوط النفسيه اللي انا فيها بتضغط عليا بشكل مش طبيعي شويه تقوللي ده بخيل (طبعاً بتقارن بينه وبين زوج اختي الغني جداً ابوه غني وامه غنيه جداً وبيجيبلها الفاكهه والخضار بالأقفاص وانا جوزي مش بتشوفه غير في الاجازات وبيزورها مرتين او ثلاثه في الشهر الاجازه ) وشويه تقوللي لازم يكتبلك شقه بإسمك ويعوضك عن العيال انا تعبت جداً يا جماعه والله تعبت وبقالي اسبوع بدور على دكتور نفساني وحاسه اني هموت مش قادره استحمل ده كله كل لما تكلمني تقوللي فلانه اتجوزت من شهرين وحامل وعلانه لسه متجوزه وحامل وترتانه اصغر منك ثلاث اربع سنين ومعاها عيلين وهكذا كأني انا مش فيه اللي مكفيني ونفسي ابقى ام اكتر ماهيه نفسها تبقى جده وهيه جده فعلاً لأني اخويا عنده بنتين واختي عندها بنت والتانيه في السكه طب انا ذنبي ايه انا مش عارفه يا اما اتطلق علشان ارضيها يا اما استمر مع زوجي وابقى منبوذه طول عمري وتقاطعني بالله عليكم عايزه حل انا خلاص دماغي حتنفجر من التفكير شارك هذه المشاركه رابط المشاركه شارك
زهرة الفلا 3 أرسلي تقرير عن المشاركة قامت بالمشاركة 2 سبتمبر, 2007 لا حول ولا قوة إلا بالله حبيبتي أقنعي والدتك أنا شايفة ان زوجك زوج مثالي من كلامك ثم إنك قلتي المشكلة عندك وبتتعالجي هتفرق ايه لما تتطلقي والله أعلم هتتزوجي تاني ولا محدش هيطلبك ولو تزوجتي هتبقى نفس القصة وكمان مش هتلاقي حد يعاملك معاملة زوجك كزوجة أولى بكر عارفة انك عايزة تطيعي امك ودا واجب لكن هيضرك كتير وعمرك ما هتستفيدي حاولي تقنعيها وهي أكيد عايزة مصلحتك وتحب لك الخير والخير انك تفضلي معاه ربنا ييسر لك ويرزقك الذرية الصالحة شارك هذه المشاركه رابط المشاركه شارك
ام سيما 0 أرسلي تقرير عن المشاركة قامت بالمشاركة 2 سبتمبر, 2007 بسم الله الرحمن الرحيم شكراً حبيبتي على الرد السريع بس انت فهمتي غلط المشكله عنده هوه بس انا اللي بعمل العمليات وآخد الحقن الحقن اللي باخدها لزيادة عدد البويضات اللي بينزلها المبيض في الشهر الواحد يعني بدل ما انزل واحده في الشهر انزل 2او3او4 علشان يحطوا اكبر عدد من الاجنه في بطني على امل حاجه منهم تكمل وماما زعلانه من كده اني انا اللي بتعب مع اني ممكن احمل من غير حاجه وهوه مش بيتعب خالص على الرغم من ان المشكله عنده هوه حاولت افهمها كتير والناس مش راحمينها كل شويه يسألوا عليا ولما بيجيلها خبر ان فيه واحده حملت بتتحسر عليا انا والله راضيه بقضاء الله وبحب جوزي بس مش عارفه اعمل ايه ماما مش عايزه تقتنع خالص يا اما اتطلق منه علشان ارضيها يا اما افضل معاه ومش عايزه تعرف عني حاجه وحتعتبر نفسها مخلفتنيش خالص عايزه ارضيها ومقدرشي اعيش من غير رضاها ومش عايزه اخسر جوزي ومش حقول خايفه من اللقب(مطلقه) او مش حيجيلي عرسان , لأ انا بحبه وعمري ما حلاقي زيه اصلاً اعمل ايه الله يخليكوا ساعدوني شارك هذه المشاركه رابط المشاركه شارك
زهرة الفلا 3 أرسلي تقرير عن المشاركة قامت بالمشاركة 2 سبتمبر, 2007 آآآآآه ما انتبهتش على اساس ان المريض هو اللي بيتعالج صراحة مشكلتك صعبة أتمنى حد إن شاء الله يساعدك شارك هذه المشاركه رابط المشاركه شارك
لؤلؤة الجنان 1 أرسلي تقرير عن المشاركة قامت بالمشاركة 2 سبتمبر, 2007 السلام عليكم ورحمة الله وبركاته أختى الحبيبة أم سيما أولا أوصيكى بالدعاء والالتجاء إلى الله سبحانه وتعالى وأوصيكى دائما أن تدعى دائما بهذا الدعاء{وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا} (74) سورة الفرقان ولا تنسى أختى الحبيبة الدعاء بالذرية الصالحة لا الدعاء بالذرية فقط وأحب أن أذكرك بشئ أن هناك من اعطاهم الله نعمة الذرية ويتمنون لو لم يكونوا لهم أولاد فكثيرا ما تكون الذرية ابتلاء وخصوصا فى عصرنا هذا ولا حول ولا قوة إلا بالله أختى الحبيبة تمسكى بزوجك فوالله الزوج الصالح خير نعمة يمكن أن ينعمها الله على أحد وإن لكثيرا من النساء لم ينعم الله عليهن بهذه النعمة فاحمدى ربك على هذه النعمة وذكرى والدتك بحسناته معكى وأنه ليس من الممكن أن تجدى مثله وأعتقد أنه ليس لوالدتك الحق أن تطلب منك ذلك وليس عليكى طاعتها فى هذا الأمر ولن تكونى عاقة بها أذكركى حبيبتى الزوج الصالح كنز أنعم الله به عليكى فلا تفرطى فيه بارك الله فيكى فأنا لى صديقات كثيرات تزوجن وتطلقن بسبب عدم صلاح الزوج ومنهن من قد أنجبن وكن يمنين لو لم يحدث ذلك ولم ينجبن من هؤلاء الأزواج ونحن ما زلنا صغيرات السن فنحن فى الرابعة والعشرين من عمرنا فاحمدى ربك على ما أنتى فيه من نعمة ولا تعاقبى زوجك بما ليس له يد فيه وحاولى أن توضحى لأمك ذلك وليس العبرة بأن تنجبى ولكن بمن سيكون أبا لهؤلاء الأطفال أدعو الله العلى العظيم أن ييسر لكى أمرك ويقر عينك بالذرية الصالحة ويبارك لكى فى زوجك ويهدى والدتك ويصرف عنكى كل سوء والسلام عليكم ورحمة الله وبركاته شارك هذه المشاركه رابط المشاركه شارك
omou mossab 2 أرسلي تقرير عن المشاركة قامت بالمشاركة 2 سبتمبر, 2007 اخيتي السلام عليكم ها قد افادتك اختي لؤلؤة الجنان بارك الله فيها و تذكري يا اخية ان المراة على دين زوجها و يجب ان تطيع زوجها و زوجك ماشاء الله لو كان وحش لكان قال لامك لا تتدخلي و خليكي فحالك احنى كويسين مع بعض بل هو ترك لك انت التصرف فتصرفي تصرفا صح تاجرين عليه في الدنيا و الاخرة و ما صبركم الا لله ثم اوصانا رسول الله بعدم افشاء اسرار الزوجية فامك مثلا كان ممكن انها لا تعلم بهذا الامر خالص فهذا قضاء و قدر الله يرزق الاطفال لمن يشاء فهذا -اعذريني-تسرع منك في اخبارها فاصبري مع زوجك و ذكري امك بالابتلاء و ان الله مبتلي محبه فجوزيتي الجنة يا اخية احبكم في الله و لن انساك من صالح دعائي شارك هذه المشاركه رابط المشاركه شارك
زهرة الفلا 3 أرسلي تقرير عن المشاركة قامت بالمشاركة 2 سبتمبر, 2007 رأيي من رأي لؤلؤة أوافقه 100 % شارك هذه المشاركه رابط المشاركه شارك
أم آسية 0 أرسلي تقرير عن المشاركة قامت بالمشاركة 2 سبتمبر, 2007 السلام عليكم أختي، أنا رأي طبعًا ألا تتركي زوجك، وكان من الممكن أن تكون المشكلة لديكي أنت بدلا منه، فهذا هو قدر الله له. وأولا وأخيرًا أمر الإنجاب بيد الله، والله إني أعرف أكثر من إمرأة ليس عندهن مشاكل أو عند أزوجهن ولم ينجبن بعد، والله أعرف أكثر من أخت كان عندها مشكلة ،وفقًا لرأي جميع الأطباء كان من غير الممكن أن تنجب ، وأنجبت بفضل الله، حتى أن إحدى هؤلاء النساء كانت عندها مشكلة نادرة مولودة بها حتى أن الطبيب جمع تلامذته من طلبة الطب حتى يشاهدوا حالتها في السونار، وقال لهم بالحرف الواحد "طبعًا هذه الحالة لا يمكن أن تنجب"، فردت عليه المرأة بعفوية "ولكني أنجبت ولدي طفلة بالفعل"، فذهل فقال لها لا هذا ليس ممكن، لكنها قالت ولكني أقول لك أني بالفعل لدي طفلة أنجبتها وسط ذهول طلبته، فأختي لا تيأسي من رحمة لله، وتذكري لو كان العيب بك لا قدر الله، هل كنتي تحبي أن يستجيب لضغوظ أهله ويتركك، وأخيرًا، أختي عليك بالاستغفار الكثير، وصدقيني لا تقنطي من رحمة الله وتذكري قول سيدنا النوح كما نقله القرءان "وقلت استغفروا ربكم إنه كان غفارًا، يرسل السماء عليكم مدرارا، ويمددكم بأموال وبنين، ويجعل لكم جنات ويجعل لكم أنهارا) ويجب أن يكون عندك يقين بأن الله بقدرته هو من أتى بالإبتلاء وبقدرته قادر على رفعه. شارك هذه المشاركه رابط المشاركه شارك
الامانة 1 أرسلي تقرير عن المشاركة قامت بالمشاركة 2 سبتمبر, 2007 السلام عليكم ورحمة الله وبركاته،، انا كمان رأيى من راي لؤلؤة ،يعنى هايفيدك بأية انك تطلقى من زوجك الصالح وتتزوجى لغيرة علشان الانجاب ماهو ممكن بالرغم من انك سليمة يكون زوجك التانى مش بيخلف وممكن تكونوا انتم الاثنين سلام لكن ربنا ما يريدش ليك بالخلفة ساعتها ها تخدى اية من خسارة زوج صالح وهاتخدى اية لو تزوجتى من اخر وانجبتى ولكن كان هذا الرجل مش صالح ربنا يرزقك بذرية صالحة ولا تيأسى من رحمة ربنا <وبشر الصابرين> ونعم بالله شارك هذه المشاركه رابط المشاركه شارك
أم عائشة المصرية 242 أرسلي تقرير عن المشاركة قامت بالمشاركة 2 سبتمبر, 2007 أنا رأيي من رأي أخواتي وأضيف لك ضعي نفسك مكان زوجك..تخيلي أنك أنت المريضة-عافاكما الله- وأن حماتك هي التي تحرضه على الطلاق منك..وأنت لا ذنب لك إنما هو بلاء من الله..ما هو شعورك إن طلقك أو حتى فكر لحظة أن يطيع أمه ويطلق زوجة لا ذنب لها بل هي من أصلح الزوجات كما تحكين.. اتق الله ولا تجرحي شعور زوجك بمجرد التفكير في أنك عندك استعداد تتركينه..ولن تفيدك أمك ول عائلتك كلها عندما تقفين أمام الله ليسألك عن تصرفك في هذا الموقف.. أسأل الله أن ييسر لك حالك ويوفقك ويرزقكما ذرية صالحة وأن يهد والدتك إلى الخير.. شارك هذه المشاركه رابط المشاركه شارك
ام سيما 0 أرسلي تقرير عن المشاركة قامت بالمشاركة 2 سبتمبر, 2007 بسم الله الرحمن الرحيم والله يا جماعه انتوا كلامكم جميل قوي وانا متفقه معاكم تماماً في كل اللي قولتوه وانا مش عايزه اسيب جوزي ابداً ودايماً بقول ان المشكله اللي عنده ابتلاء من ربنا ليا وليه لأن كان فيه مشكله قبل الجواز كبيره وكان ممكن ننفصل وربنا سهلها واتجوزنا يعني ده قضاء الله وحتى لو كنت اتجوزت واحد سليم كنت مش حخلف لحد دلوقتي لأن ده اللي ربنا كاتبهولي ودايماً برضه بقول ان المشكله لو كانت عندي مكنتش ححب ابداً ان جوزي يسيبني انا جوزي بيحبني جداً وممكن يموت لو عرف ان امي بتفكر في الطلاق مشكلة امي انها بتسمع للي حواليها كل عيلتي مش موافقين على استمراري معاه ومحدش بيقوللي انا الكلام ده كلهم بيقولولها هيه وهما ميعرفوش جوزي انا اللي عارفاه وهوه متدين واحنا بنعين بعض على طاعة الله وبنحفظ القرآن سوا وبنصلي في الجامع سوا وانا مرتبطه بيه جداً وهما مش فاهمين الحاجات دي كل اللي فاهمينه ان السعاده شقه كبيره فيها اغلى عفش وعربيه وفلوس وعيال قبل ده كله واي حاجه تانيه مش مهمه عندهم حتى التدين مش مهم عندهم ماما دايماً تقوللي انت اخدتي ايه من الجوازه دي معيشك في علبة كبريت (كنايه عن صغر الشقه) ومضيعه مستقبلك ومش بتشتغلي بشهادتك العليا ومتغربه عن اهلك وبتسافري معاه وكمان معندكيش عيل يعوضك عن ده كله وتتلهي بيه وتفرحي بيه ولما اقولها ان جوزي اشترى شقه كبيره بالقسط علشان الصغيره مش عاجباها تقوللي ايه يعني اشتلااها هوه كان كتبها بإسمك يعني ماهو واخدك تخدميه ومغربك معاه وعمال يحوش ويزود فلوسه ويشتري شقه لنفسه انا بقولكم اللي بيتقال بالظبط علشان احكي الموضوع من كل جوانبه ومن وجهة نظرها كمان علشان لو هيه معاها حق تفهموني يمكن انا مش بفهم انا بطلب منكم بالله عليكم رمضان داخل علينا ادعولي وانتوا صايمين ربنا يكرمني بالذريه الصالحه من جوزي ويفك كربي ويهديلي امي يا جماعه لو حد عنده سؤال او فيه حاجه مبهمه في الكلام اسألوني علشان انا محتاجه ردودكم قوي محتاجه اللي يقوللي انت صح وخليكي مع جوزك اذا واحده فيكم تعرف شيخ تحكيله يمكن يفيدني وبالذات في الخيار الصعب اللي امي حاطاني فيه عايزه اعرف هل طاعتها هنا واجبه ولا لأ وشكراً على تحملكم ليه شارك هذه المشاركه رابط المشاركه شارك
زهرة الفلا 3 أرسلي تقرير عن المشاركة قامت بالمشاركة 2 سبتمبر, 2007 لا حول ولا قوة إلا بالله ربنا يهدي أمك يارب اثبتي حبيبتي وبالرفق معاها فهميها انك راضية بل وسعيدة بزوجك وان انفصالك عنه هو دا هيبقى سبب تعاستك اللي مش هتعوضها أموال الدنيا وربنا يبارك لك في زوجك ويرزقكم الذرية الصالحة شارك هذه المشاركه رابط المشاركه شارك
أم عائشة المصرية 242 أرسلي تقرير عن المشاركة قامت بالمشاركة 2 سبتمبر, 2007 من قال أخيتى أن طاعتها واجبة؟ إذا كانت هي لو أمرتك بفعل شيء حلال وأمرك زوجك بعدم فعله عليك في شرع الله أن تطيعي زوجك..وتذكري حديث المرأة التي أطاعت زوجها ولم تخرج لزيارة أبيها المريض..غفر الله لأبيها لأنه رباها على حسن التتبعل وطاعة الزوج.. اتق الله أخيتى واصبري وأدخلى كلام أمك من أذن وأخرجيها من الأخرى وتذكري أن الصحابة زهدوا في الدنيا فعوضهم الله في الأخرة..وتذكري أيضا أن من النعمة التي أنتي فيها انكما سعداء مع بعض وان الخلافات تأ؟تي من الخارج فحصني نفسم بالدعاء وابقي مع زوجك وادعي ليل نهار بأن يحفظكما الله ويغنيكما من فضله.. شارك هذه المشاركه رابط المشاركه شارك
أم الابطال 0 أرسلي تقرير عن المشاركة قامت بالمشاركة 2 سبتمبر, 2007 السلام عليكم اختي ام سيما والله اني احترت عندما قرأت مشكلتك لم احتر بين الطلاق او عدمه احترت كيف تعرضين تلك المشكله اعذريني لكني تفاجأت كيف انك فكرتي ان تقدمي رضى امك على زواجك حبيبتي طاعة زوجك قبل طاعة امك وامك تامرك بشئ هو ابغض الحلال عند الله وزوجك الذي لا دنب له يريدك ومن حديثك يظهر بأنه شخص محترم صدقيني اختي بعض الامهات لا يدركون مخاطر الامور اكيد امك تحبك وتريد لك الخير ولكن هذا لايجعلها الوصيه على حياتك تأمرك بما شاءت اسألي حبيبتي اهل العلم اسألي الشيوخ لاأظن احد سيشجعك على الطلاق لانك انت راضيه بهذا الوضع وتريدين الطلاق بسبب فقط اصرار ولدتك حفظها الله حبيبتي اسألي المطلقات اسألي النساء الاتي بلا ازواج اسأليهن عن المرار الذي يذقنه كل يوم لاتستهويني امر الطلاق فهو يسظل يلاحقك بقية حياتك اما زعل امك فصديقيني انها سترضى بعدها عنك بعد ان تراك سعيده مع زوجك وهذا ما تريده بالتأكيد لاتظني حبيبتي انك ستجيدنا الزوج المناسب بسرعه فالرجال الصالحون اصبحو نادرين فاحمدي الله على نعمة الزوج الصالح والمحب وادعي الله ان يرزقك الذرية الصالحة واصدقي في الدعاء ورزقك من الذريه ستأخديه مع زوجك وان لم يكتب لك الله الذريه فلا مئة زوج ولا مئة طبيب سيعطيك ذلك واصدقي التوكل على الله وفكري بصعوبة الطلاق وبهذا الزوج الذي لم يخطأ في حقك وزيدي من اكرامك واحترامك لامك ولا تقاطعيها ولا تعادنيها وحاولي معها باللطف فهي احب الناس اليك ولكن من غير ان تتطلقي وصدقيني سيلين قلبها عليك ولو بعد فترة فأنت لم تفعلي خطأ باستمرارك مع زوجك وادعي الله ان يلين قلبها لانه بيديه مقاليد الامور حبيبتي اما كلام الناس فهو لاينتهي وانت ادرى بحالك وحتى ان تطلقتي سيتكلم الناس عليك وعند ووالدتك فالمشكله ليست في زواجك بل المشكله في استماع امك لهذا الحدييت حبيبتي كم اناس في قصور يعيشون بتعاسة بحمدي الله ولا تفرطي بما انت فيه ولا تستمعي الى كلام الناس والله انه كلام الشياطين يريد ان يفرق بينك وبين زوجك فلم يستطع الدخول بينكما ارسل اليكم جنوده ليدخل الحزن والقلق الى قلبكم حبيبتي استعيذي من الشيطان واسألي احد الشيوخ وادعي الله اولا واخير ولا تجعلي الشيطان يفرح بذلك الم تسمعي قول الرسول الكريم كود html (قال رسول الله صلى الله عليه وسلم إن إبليس يضع عرشه على الماء ثم يبعث سراياه فأدناهم منه منزلة أعظمهم فتنة يجيء أحدهم فيقول فعلت كذا وكذا فيقول ما صنعت شيئا قال ثم يجيء أحدهم فيقول ما تركته حتى فرقت بينه وبين امرأته قال فيدنيه منه ويقول نعم أنت) حبيبي اسفه لو اخطأ في اي شيء لكن مشكلتك جعلتني احزن ان اخت في الله يقع لها هذا الامر وهو ليس هين لك ارجوك ثو ارجوك ثو ارجوك لاتتسرعي في امر الطلاق فأنه امر عظيييم ادعو الله لك الثبات والتوفيق وزقك الله الذرية الصالحة اختك ام الأبطال شارك هذه المشاركه رابط المشاركه شارك
ام سيما 0 أرسلي تقرير عن المشاركة قامت بالمشاركة 2 سبتمبر, 2007 بسم الله الرحمن الرحيم والله العظيم اللي عمري ما بحلف بيه كدب ابداً انا مش عايزه اسيب جوزي ابداً ومش عايزه اغضب امي كمان انا شرحت في الأول طريقة تربيتي ازاي وطاعتي العمياء لأهلي لما كنت في بيتهم وهيه نفس الطاعه اللي بطيعها لجوزي من اول ما دخلت بيته وانا والله ما كتبت الموضوع علشان انا بفكر في الطلاق بالعكس انا كتبته علشان الاقي اللي يقوللي انتي صح واتمسكي بجوزك اكتر من الاول وكتبته علشان حد يفيدني شرعاً في موضوع رضا ماما عني ومسألة الجواز التاني مرفوض تماماً من عقلي حتى عمري ما اتخيل نفسي متجوزه غيره ابداً ونفسي امي تفهمني ومتحطنيش في الاختيار الصعب ده علشان انا ماقدرشي استغنى عن اي حد فيهم يا جماعه انا بقالي 10 ايام امي مقاطعاني مش بتكلمني خالص وانا نفسيتي وصحتي في الضياع لا باكل ولا بنام وانا في امس الحاجه للراحه النفسيه علشان العمليه الجايه تخيلوا بقولها اني حعمل عمليه تاني قريب ادعيلي ربنا يكرمني وتنجح وبدل ما تدعيلي قالتلي تنجح ولا ان شاء الله ما عنها نجحت تخيلوا بتضغط عليا ازاي وكلامها لاذع جداً وانا مش عارفه اتصرف واخواتي واقفين معاها وكل العيله معاها وانا لوحدي مليش غير ربنا ثم انتوا ربنا يخليكوا عايزه رأي شيخ انا جوزي ميعرفشي ده كله لأنه مسافر بس لما يرجع اكيد حيعرف والمشكله حتبقى اكبر وانا محتاجاكم معايا ساعدوني بالله عليكم شارك هذه المشاركه رابط المشاركه شارك
أم أنس السلفية 2 أرسلي تقرير عن المشاركة قامت بالمشاركة 2 سبتمبر, 2007 السلام عليكم ورحمة الله وبركاته،، حبيبتى ام سيما انا راى من راى الاخوات اياكى ثم اياكى من ترك ذلك الزوج ربنا يبارك فيه ويشفيه وبعدين حبيبتى ايه اللى يخلى امك متاكدة كدة ان الزوج التانى يكون صالح هتعمله تحاليل قبل الزواج دا رزق ونصيب مش ممكن تتزوجى واحد تانى ويطلع عندة عقم فى الانجاب والاخلاق وساعتها بقى هتطلقك منه ايضا علشان تتجوزى غيرة سبحان الله ومن سيرضى بهذة الزوجة التى كلما قصر زوجها فى شئ مش بيدة تركتة لتذهب لغيرة غاليتى اعرفى ان المال ليس كل شئ والبنون ايضا وانما هما متاع الحياة الدنيا واعرف ان ذلك قد يكون ابتلاء فاصبرى واحتسبى الاجر وعاملى امك بالحسنى واجعليها تكف من التدخل فى حياتك فانت اكتر واحدة تدركى سعادة نفسك هدى الله امك وشفى زوجك واسعد قلبلك وقر عينك بالذرية الصاحة ورزقكم الجنة امين شارك هذه المشاركه رابط المشاركه شارك
أم أنس السلفية 2 أرسلي تقرير عن المشاركة قامت بالمشاركة 2 سبتمبر, 2007 السلام عليكم ورحمة الله وبركاته،، غاليتى فين والدك من الموضع انا متخسله ما تمرى به من محنة فانا لااستطيع ان استغنى عن امى ولا زوجى بس بجد حاولى تخلى والدك ياثر على امك ويفهما او اخوكى او اختك خلى حد يقف جنبك ويساعدك والجى الى الله بالدعاء شارك هذه المشاركه رابط المشاركه شارك
ضحى الفجر 0 أرسلي تقرير عن المشاركة قامت بالمشاركة 2 سبتمبر, 2007 السلام عليكم ورحمة الله وبركاته،، اختى ام سيما عايزة اقول انك صح لانك لو اتطلقتى ممكن تتزوجى ولا تنجبى وهذا يكون عقاب من ربنا على انكضيعتى زوج صالح ن اجل الانجاب انا عارفة انك مقتنعة بالكلام دة بس ياريت تقنعى والدتك بية وتقولى لها ممكن تتزوجو انسان غير صالح وانك تنجبى ذرية غير صالحة لاقدر الله او انك لاتنجبى اصلا قولى لها كل الكلام دة وهى ممكن تكون بتقول كدة على سبيل التهديد ولما تلاقيكى متمسكة بية اوى تغير رايها وان هاسالك شيخة كويسة بحفظ معها القران على اللى انتى عايزاة السلام عليكم ورحمة الله وبركاته،، شارك هذه المشاركه رابط المشاركه شارك
ام سيما 0 أرسلي تقرير عن المشاركة قامت بالمشاركة 2 سبتمبر, 2007 بسم الله الرحمن الرحيم بابا مسافر ولسه عايش في السعوديه وكلامه معانا مش كتير بيتصل علشان يطمئن علينا وبس مش عايز يعرف مشاكل وكمان بابا كل همه اننا نعيش مع بعض وخلاص وميعرفشي اي حاجه عن الموضوع ده خالص وامي حذرتني من اني اكلمه في اي حاجه وقالتلي ان هوه مش حيفهم اهمية العيال للست ايه والستات بس هما اللي يعرفوا الحاجات دي لكن الرجاله مش بتفرق معاهم ومن واحنا صغيرين بابا مش بيكلمنا كتير وماما بس هيه اللي معانا في كل حياتنا ودراستنا ومشاكلنا وبابا بعيد عن كل حاجه تماماً علشان كده حتى لو قلتله حيقوللي ده كلام فارغ متسمعيش كلامها ومش حيعملها حاجه ولا حيحل الموقف مش قلتلكم مليش غير ربنا ثم انتوا شارك هذه المشاركه رابط المشاركه شارك
ام سيما 0 أرسلي تقرير عن المشاركة قامت بالمشاركة 2 سبتمبر, 2007 بسم الله الرحمن الرحيم الله يخليكي يا ضحى ربنا يباركلك اسأليلي بجد انا محتاجه قوي رأي الشيوخ انا جوزي مسافر ومش بخرج من البيت خالص ومقدرشي اروح لأي شيخ وعلى فكره كل اللي قولتيه قولتهولها وكان ردها اني بدافع عنه وانه ماحيلي تفكيري وان ولائي بقه ليه وهيه مش مهمه عندي ولما اقولها كان تصرفك حيبقى ايه لو المشكله عندي تقوللي ماتجاوبيش على سؤالي بسؤال جاوبيني تخيلوا انها قالتلي انها مش بتثق فيه ولما قولتلها ليه (انا اهل للثقه ومش انا اللي بقول كده ده فيه واحده صاحبتي كانت حتفتح مكتب وحتكتبه بإسمي من كتر ثقتها فيه)قالتلي هوه انا الثقه بتاعتي تتبعتر في كل حته ولا ايه تخيلوا الكلام السم اللي بسمعه كل يوم منها والله ما انا عارفه ارضيها ازاي انا حقوم اصلي مفيش حاجه حتنفعني غيرها شارك هذه المشاركه رابط المشاركه شارك
سُميّــة 0 أرسلي تقرير عن المشاركة قامت بالمشاركة 2 سبتمبر, 2007 السلام عليكم ورحمة الله وبركاته بارك الله فيكِ وجزاكِ الله خيرا حبيبتى ام سيما على حسن العشرة لزوجك ربنا يبارك فيكِ وفى زوجكِ ويحفظكم من كل سوء طبعا طاعه الوالدين واجبه بعد طاعه الله عز وجل ولكن لا طاعه لمخلوق فى معصيه الخالق يعنى امك طلبت منك انك تطلبى الطلاق من زوجك تعد معصيه لان زوجك مش بإيده انه يخلف ده شىء بيد الله وربنا قادر على كل شىء إذا قال للشىء كن فيكون يعنى لو صبرتى ان شاء الله ربنا يرزقك ويعوضك خير يمكن يكون خير انك متخلفيش والخيرة فيما اختاره الله ابغض الحلال عند الله الطلاق قال رسول الله صلى الله عليه وسلم ( أيما امرأة طلبت الطلاق من زوجها من غير ذى بأس حرام عليها رائحه الجنه ) او كما قال او فيما معناه وامك ان شاء الله هتبقى غضبانه شويه وان شاء الله هتلاقيها مش مستحملة تسيبك وهتكلمك ان شاء الله وانتى عليكِ انك تكلميها بالحسنى وتنصحيها وتقنعيها بالحسنى والله المستعان هدى الله امك واهلك وبارك فيكم ورزقكِ ذريه صالحه ويسر لك الحال والله تعالى اعلى واعلم ( على فكره امى هى اللى بتقول مش انا علشان انا صغيرة ) احبكِ فى الله شارك هذه المشاركه رابط المشاركه شارك
ام سيما 0 أرسلي تقرير عن المشاركة قامت بالمشاركة 2 سبتمبر, 2007 بسم الله الرحمن الرحيم شكراً يا سميه ربنا يباركلك يارب ويسعدك ويفرح مامتك بيكي واشكريلي مامتك قوي انا محتاجه اراء الأمهات لأنهم حيفهموها بتعمل كده ليه اكتر مني هيه دايماً تقوللي انت لو ام كنتي حتفهمي انا بعمل كده ليه فياريت الأمهات يقولولي هيه بتعمل كده ليك جزاكي الله كل خير شارك هذه المشاركه رابط المشاركه شارك
لؤلؤة الجنان 1 أرسلي تقرير عن المشاركة قامت بالمشاركة 2 سبتمبر, 2007 السلام عليكم ورحمة الله وبركاته حبيبتى أم سيما أما عن رأى الأمهات التى تريدينها فأنا أعرف حالة مثلك تقريبا فأخت زوجى لم تنجب حتى الآن وذلك بسبب مشاكل عند زوجها وحماتى تقول هذه إرادة الله ولو لم يقدر الله أبدا فكفى أنه يحب ابنتى ويتق الله فيها فانظرى إلى فرق التفكير ومن قراءتى وما فهمته أن والدتك تراه أقل مالا ممن حولكم وتربط حبه لكِ بشقة يكتبها لكِ وأشياء مثل ذلك فللأسف نظرة والدتك مادية والمادة لا تسعد ولو كانت تسعد لرأيتى أصحاب القصور هم أسعد أناس على هذه الأرض وأعتقد ان ذلك غير صحيح وأكيد أنكِ ترين فى حياتك ممن حولك من يثبت لكِ غير ذلك هدى الله والدتك وأنصحكى أختى لا تصغى لأحد فلو قدر الله أن أصابك أى مكروه هل يتركك زوجك؟ ولا يضمن فينا أحد نفسه فلنتق الله وحافظى على ما فى يديك من نعمة ولا تضيعيها وبعد ذلك تسكبى العبرات على ما فقدتيه الطلاق ليس بالأمر الهين أبدا فمن تركت زوجها وهى مصممة لسوء دينه وخلقه تشعر بمرارة هذا الأمر على الرغم من أنها هى التى اختارت وأنه لا تستقيم العشرة على الوضع الذى كانوا عليه فتخيلى من تترك التقى الصالح لهباء منثور هداكِ الله أختى الحبيبة ويسر لكِ أمرك وشرح صدرك وهون عليكِ ما أنتِ فيه وآخر دعوانا أن الحمد لله رب العالمين شارك هذه المشاركه رابط المشاركه شارك
سُميّــة 0 أرسلي تقرير عن المشاركة قامت بالمشاركة 2 سبتمبر, 2007 اللهم آمين ويبارك فيكِ حبيبتى ام سيما هى امك كأى ام بتعوز لابنتها عيال بس ده مش بإيدك وهى المفروض متطلبش منك انك تطلبى الطلاق انتى قوليلها من الاحسن انها تدعيلك ان ربنا يرزقك وتشجعك على الصبر ربنا يصبرك ويرزقك الزريه الصالحه ويحفظكم من كل سوء ويبارك فيكم شارك هذه المشاركه رابط المشاركه شارك
ام سيما 0 أرسلي تقرير عن المشاركة قامت بالمشاركة 2 سبتمبر, 2007 بسم الله الرحمن الرحيم الله يخليكم يا جماعه ويريح قلبكم زي مانتوا ريحتوا قلبي مش عارفه اقولكم اد ايه انا مبسوطه من ردودكم اللي نصفتني ورجعتلي ثقتي بنفسي ومعلش حتقل عليكم قولولي اقنع ماما ازاي اقولها ايه بالظبط بقالها 10 ايام مقاطعاني ومش عايزه تكلمني خالص وانا لما بطلبها في البيت بتشوف نمرتي ومتردش اختي بس هيه اللي بتكلمني واتكلمت معاها كتير بس ماما عنيده ومش بتقتنع بسهوله ياريت حد يقوللي اقولها ايه شارك هذه المشاركه رابط المشاركه شارك
