موضوع كبير كبير جداً

[ام عمر 2003 1]

بصي يا حبيبتي طبعا راي من راي الأخوات ولكن عايزة اوصل لك معلومة ان مفيش حاجة اسمها بعد الثاثين الفرصة بتقل والله زوجة خالي حامل الان وعندها 36 سنة عن طريق الحقن المجهري و بعد زواج 14 عام بدون انجاب ربنا من عليهم بالحمل والدكتور زرع لها خمس بويضات فنج الخمسة بفضله سبحانه وتعااالي واضطر انه ينزل 3 حتي يحافظ على باقي الاجنة وهي الآن حامل في الشهر الرابع والحمد لله هي والآجنة بصحة عال والحمد لله ولو عايزة اع اخبار عن الدكتور ممكن افيدك وربنا معاكي يارب يارب يارب

[ام سيما 0]

عودت لاطمئن عليكى مرة اخرى:) ربنا يصبرك يا حبيبة

واياك ان تخبرى زوجك باى شىء

فاحفظية فى نفسك

قال رسول الله : { خير ما يكنزه الرجل المرأة الصالحة إذا نظر إليها سرته، وإذا أمرها أطاعته، وإذا غاب عنها حفظته }

[رواه أحمد].

وحاولى ان تسامحى وتعفو عن من اساء اليكى فانت تبغى الاجر من الله وتعامليهم لوجة الله ورضاة فقط

فاكظمى غيظك واعفو عنهم واحسنى اليهم

"قال الله تعالى "والكاظمين الغيظ والعافين عن الناس والله يحب المحسنين"

 

بسم الله الرحمن الرحيم

ربنا يكرمك يا رب ويخليكي ليه

ربنا يطمنك ويريحلك بالك

انا الحمد لله كويسه وصابره وحامده ربنا

وعارفه ان اخواتي متعاطفين مع ماما لأنهم بيشوفوها وهيه زعلانه وبتعيط بس اللي همه مش واخدين بالهم منه انها لو بتعيط ساعه في اليوم انا بعيط24 ساعه لأنها عندها حياتها واخواتي معاها بتربيهم وبتساعدهم ويومها مشغول اما انا فعايشه لوحدي وجوزي مسافر وطول اليوم مش بفكر غير في الموضوع ده بس واقعد اعيط وكل لما حد فيهم يكلمني يقوللي انتي بتعيطي ويستغرب جداً كإن المفروض اني اكون متبلدة الإحساس واكبر دماغي واسلم لقرارات امي بكل سهوله

الحمد لله على كل حال

شكراً يا حبيبتي على اهتمامك

[ام سيما 0]

السلام عليكم ورحمة الله وبركاته،،

 

الصراحة يا اختي انا قلت اخد رأي ماما يمكن الكبار ليهم نظرة تانية

 

بس بردو قالت نفس كلام الاخوات

 

ايه اللي يعرفك اذا اتجوزتي تاني الزوج الجديد يطلع وحش ولا حتي اذا ربنا مرزقكيش محدش يعرف الذرية دي كانت هتبقي ازاي

 

ربنا مش بيشيل نعمة من حد غير بحكمه ... ممكن ادراكنا احنا ميعرفهاش ...

ربنا يهدي والدتك

 

اختي انتي لو طلبتي من اي مستشفي ممرضة تجيلك كل يوم في ساعه معينة بتيجي .. البيت عادي ماما كانت بتجيلها واحده

 

الله يعينك و يرزقك الذرية الصالحة و يهدي والدتك يارب

 

بسم الله الرحمن الرحيم

 

آمين يا رب العالمين

والله يا حبيبتي انا ساكنه في آخر الدنيا في مدينة الرحاب واقرب مستشفى حتكون في مدينة نصر او مصر الجديده يعني مشوار مش اقل من نص ساعه او ساعه الا ربع

والمركز الطبي اللي جنبي هنا كل الممرضين اللي فيه رجاله وطبعاً مينفعش ماهي لو كانت ممكن تتاخد في اي حته كنت اديتها لنفسي زي بتاعت الفخد والبطن لكن دي في العضل صعب قوي اديها لنفسي حتى لو فيه مرايه لإنها لازم تتاخد بشكل عمودي على الجلد واي غلطه لاقدر الله ممكن تعمل خراج

ربنا يستر ويسهل لما ييجي وقتها يحلها ربنا بإرادته

شكراً يا حبيبتي على اهتمامك بمشكلتي واشكريلي ماما جامد

ربنا يخليكوا لبعض وميحرمكمشي من بعض ابداً

[ام سيما 0]

بصي يا حبيبتي طبعا راي من راي الأخوات ولكن عايزة اوصل لك معلومة ان مفيش حاجة اسمها بعد الثاثين الفرصة بتقل والله زوجة خالي حامل الان وعندها 36 سنة عن طريق الحقن المجهري و بعد زواج 14 عام بدون انجاب ربنا من عليهم بالحمل والدكتور زرع لها خمس بويضات فنج الخمسة بفضله سبحانه وتعااالي واضطر انه ينزل 3 حتي يحافظ على باقي الاجنة وهي الآن حامل في الشهر الرابع والحمد لله هي والآجنة بصحة عال والحمد لله ولو عايزة اع اخبار عن الدكتور ممكن افيدك وربنا معاكي يارب يارب يارب

 

بسم الله الرحمن الرحيم

 

والله ياحبيبتي الدكاتره هما اللي قالولي ان نسبة نجاح العمليه بتقل 10 % بعد سن الثلاثين واكيد زوجة خالك عارفه ممكن تسأليها

ربنا يكرمها ويتمملها على خير ويرزقها الذريه الصالحه يارب

ويا ريت يا حبيبتي تكتبيلي عن السنتر اللي بتروحه زوجة خالك والدكتور بتاعها لأني غيرت السنتر بتاعي بس لسه مروحتش لحد جديد مستنيه جوزي فلو ممكن تجيبيلي معلومات عنه ورقم تليفونه يبقى كتر خيرك

شكراً يا حبيبتي على كلامك الجميل

جزاكي الله كل خير

[ام سيما 0]

بسم الله الرحمن الرحيم

 

انا حبيت اشكركم جميعاً على مشاركتكم ليا بآراءكم في مشكلتي اللي كانت صائبه والحمد لله

 

وحبيت اكتبلكم رأي الشيخ في المشكله علشان اللي عندها مشكله مشابهه تعرف تتصرف ازاي

 

 

 

وعليكم السلام ورحمة الله وبركاته

 

وكان الله في عونك ..

 

وجَعَل لك من كل هَمّ فَرَجا ، ومن كل ضيق مَخْرَجا ، ومن كل بلاء عافية

 

أولاً : لا تجب طاعة أمك في مثل هذا الأمر ، وكل إنسان أدرى بِما يُصلحه ، والأمر لا يَعددوك ، فأنت صاحبة الشأن ، إذا لم يكن لك رغبة في الطلاق فليس هناك أحد له الحق في إجبارك على الطلاق .

 

ثانيا : استعملي مع أمك أسلوب الإقناع ، وذلك بِعدّة طُرُق :

 

أ - كل إنسان له مفتاح .. فابحثي عن مفتاح أمك ، من الشخص الذي يستطيع إقناعها والتأثير عليها ، قد تكون إحدى خالاتك ، أو أحد أخوالك ، أو والدك .. أو غيرهم ..

فكلّميهم لإقناع والدتك أن تتركك في حالك !

 

ب - حاولي إقناع والدتك ، وأشعريها أنك تبحثين عن رضاها ، ولكن ما يمنعك هو الخوف من العقوبة ، وذلك لأن طلب الطلاق من غير بأس أمر عظيم .

قال عليه الصلاة والسلام : أيما امرأة سألت زوجها الطلاق من غير ما بأس فحرام عليها رائحة الجنة . رواه الإمام أحمد وغيره ، وصححه الألباني .

وأن الزوج هو نار الزوجة أو جنّتها .

ولذا لما أتت النبي صلى الله عليه وسلم امرأة في حاجة ففرغت من حاجتها قال لها النبي صلى الله عليه وسلم : أذات زوج أنت ؟ قالت : نعم . قال : كيف أنت له ؟ قالت : ما ألوه إلا ما عجزت عنه . قال : فانظري أين أنت منه ، فإنما هو جنتك ونارك . رواه الإمام أحمد والنسائي في الكبرى .

 

جـ - أن تتذكر أمك أن الولد ربما كان سبب الشقاء ، وقد يصرف الله عن عبده الذرية رحمة به .

ألا ترين أن الْخَضِر قَتَل غلاما ، ثم أخبر أنه لو عاش لأرهق والديه طغيانا وكُفرا ؟ كما في سورة الكهف .

 

ورب مستعجَل فيه الضرر ..

 

وكنت أشرت إلى هذا المعنى هنا :

 

رُبَّ امرئ حَـتْـفُـه فيما تَمَـنّـاه!

http://www.al-ershaad.com/vb4/showthread.php?t=1490

 

 

ثالثا : إذا ضاق صدرك ، وأظلمت الدنيا في عينيك ، فعليك بمن بابه مفتوح ، وعطاؤه ممنوح ..

قال رسول الله صلى الله عليه وسلم : ما أصاب أحدا قط هَـمّ ولا حُزن فقال : اللهم إني عبدك بن عبدك بن أمتك ، ناصيتي بيدك ، ماضٍ فيّ حُكمك ، عَدْل فيّ قضاؤك ، أسألك بكل اسم هو لك سميت به نفسك ، أو علّمته أحدا من خلقك ، أو أنزلته في كتابك ، أو استأثرت به في علم الغيب عندك أن تجعل القرآن ربيع قلبي ، ونور صدري ، وجلاء حزني ، وذهاب همي . إلا أذهب الله همه وحزنه ، وأبدله مكانه فَرَجًا . فقيل : يا رسول الله ألا نتعلمها ؟ فقال : بلى ، ينبغي لمن سمعها أن يتعلمها .

 

رابعا : عليك بالصدقة ولو باقليل ، فإن ذلك سبب لتفريج الهَمّ ، بل ولحصول المقصود ، فتصدقي بنية تفريج الهمّ ، وطلب رضا الوالدة ، وبِنية تيسير الْحَمْل .

 

وعليك بالاستغفار ، والإكثار منه ، فهو من أكبر ما يُستعان به على الْحَمْل وتفريج الهموم .

وهنا :

 

http://al-ershaad.com/vb4/showthread.php?t=817

 

وهنا :

http://www.al-ershaad.com/vb4/showthread.php?t=1178

 

 

إشارات لفوائد الاستغفار ..

 

 

خامسا : عليك بالدعاء ، فإن الدعاء سلاح المؤمن ، والدعاء ينفع مما نَزَل ومما لم ينزل .

 

..

 

أخيرا ..

 

إذا استمرت علاقتك مع زوجك ، وغضبت عليك أمك أو هجرتك وقاطعتك ، فلا تهجريها ولا تُقاطعيها ..

 

ولا إثم عليك لو هجرتك بسبب ذلك ..

 

والله يحفظك ويُعينك

["جنة" 0]

من رايى الشخصى انك ترضى بنصيبك وتفضلى مع زوجك ولو فى نصيبك ان يكو ن لكى اطفال باذن الله حيكون والعكس ربنا يوفقك

[هايدى 2 0]

السلام عليكم ورحمة الله وبركاته

اختى وحبيبتى فى الله ام سيما: احرصى على التواصل مع زوجك واطردى فكرة الطلاق من دماغ والدتك كما طردتيها من دماغك واسألى الله التوفيق وحاولى ان تشرحى لها ان هذا الموقف صعب عليكى(اقصد عدم الخلفة)وتوددى اليها واطلبى منها ان تهون عليكى الامر وان لا تزيد من معاناتك وان تدعو لكى بالذرية الصالحة وبشفاء زوجك (فدعاء الام مستجاب) وحاولى ان تذكرى لها آيات من القرآن مثل: (ويجعل من يشاء عقيما) اى ان هذا ابتلاء من الله وما عليكم فعله هو الرضا واللجوء الى الله بالدعاء

وتذكرى ان (الحلو ما يكملش) وذكريها بذلك .وحاولى ان ترققى قلبها عليكى حتى لا تنبذك فى الوقت الذى تحتاجينها فيه و عليكى بتذكريها انكى كنتى ستتركيه قبل الزواج ارضاء لها (اى انكى تطيعينها )ولكنك رأيتى ان سعادتك فى هذه الدنيا مرتبطة بوجوده الى جانبك وان خاصمتك امك فلا تخافى فانها حتما هتكلمك تانى ولكن ان تركت زوجك !!!!!!!!!!!!!!!!!!!!!!!

[ام سيما 0]

بسم الله الرحمن الرحيم

 

كلامك جميل قوي يا هيدي

 

بس للأسف ماما مش حتفهم حاجه من اللي انت بتقوليها

 

ماما عندها مدام انا معنديش مشكله واقدر اخلف يبقى لازم اخلف منه او من غيره مش حتفرق كتير معاها

 

عارفه انا قولتلها لو كان ربنا ابتلاني انا بعدم الخلفه كان حيبقى موقفك ايه كنتي حتسيبيني اعيش معاه , قالتلي :كنت حخليه يكتبلك الشقه بإسمك علشان لو اتجوز عليكي يبقى عندك شقتك اللي تعيشي فيها بدل لما تجيلي بخيبتك وانتي حاطه وشك في الارض

قولتلها يعني انتي كل همك اني مجيلكيش بخيبتي طب اطمني لما يحصل كده مش حجيلك ولا حتشوفيني خالص

ارتاحتي كده (والله خرجتني عن شعوري)

وسيبتلها البيت ورجعت بيتي انا وجوزي وقعدت لوحدي احسن ما اقعد معاها وكل شويه تسم بدني بالكلام ده

والحمد لله اهل جوزي جنبي ومش عارفين حاجه طبعاً وشايليني في عنيهم

ولو انهم مستغربين عدم زيارتي لأمي بس انا اشتغلت وقلتلهم ان الشغل كتير واني مش فاضيه للزيارات

اي حجه وخلاص

ربنا يهديلي امي يا رب

شكراً يا جماعه ربنا يخليكوا يا رب ويرزقكم ويكرمكم ويجعل مثواكم الجنه