موضوع كبير كبير جداً

[ام عبدالوهاب 1]

السلام عليكم ورحمة الله وبركاته،،

 

حبيبتي ام سيما

 

اياك ان تتخلي عن زوجك

 

انا سامعه كثير ما يخلفو وبعد فتره من الزمن يتفاجو بل خلفه ويصير عندهم 2و3 اطفال

 

اسأل الله ان يرزقك الذريه الصالحه

 

احبك في الله

[المستبشرة خيراً 18]

اختى الحبيبة اعلمى ان الذرية دية رزق من عند الله

وكما نصحوكى الاخوات لا تسمعى كلامك والدتك وبمعنى اصح سد ودااااااااانك عن اى كلام ضايقك اى كلام يضايقك قارنية مع الشرع وهتعرفى هل هو صح او خطأ

انصحك بالبر بامك مهما كاااااااااااااااااااااااااااااان فالاسلام وصنا بالبر حتى لو كانوا على الكفر

عامليها بالحسنة والكلام اللين والحسن احسنى اليها حتى يبارك لكى فى عمرك وزوجك ويرزقك الله الذرية الصالحة يارب

هو اختبار لكى فاصبرى اختى وان شاء الله الفرج قريب :)

تم تعديل 2 سبتمبر, 2007 بواسطة نسألكن الدعاء

[~~أم أسيل~~ 26]

السلام عليكم ورحمة الله وبركاته،،

 

 

الصراحة مستغربة جدا جدا من موقف والدتك .. يعني زوجك كويس وبيحبك .. ورضي والدتك من البداية

 

الخلفة دي بايد ربنا ... يعني ممكن تخلفي و بردو تحصل مشاكل

ربنا عارف الخير فين للانسان

 

بصي يا اختي اللي اقدر اقدمه ليكي

 

رابط لمنتدي الشيخ عبد الرحمن السحيم

اعرضي ليه مشكلته في القسم الخاص انتي و الشيخ بس اللي هتشوفوا المشكلة

 

http://al-ershaad.com/vb4/index.php

 

ربنا يهدي والدتك

 

وارتاحي انتي يا اختي و ادعيلها ... وربنا يطمنا عليكي بعد العملية الجاية

 

الله يرزقك الذرية الصالحة

[لؤلؤة الجنان 1]

السلام عليكم ورحمة الله وبركاته

حبيبتى أسأل الله العلى العظيم أن يفرج كربك وييسر أمر ويهديكِ ويهدينا إلى ما فيه الخير والصواب

أتمنى أن أسمع عنكِ كل خير باذن الله

[ام سيما 0]

بسم الله الرحمن الرحيم

 

شكراً جزيلاً

والله انتوا احرجتوني بكرمكم الزائد وقلوبكم الكبيره

ربنا يريح قلبكم زي ما ريحتوا قلبي

اشكركم جداً على اخلاقكم النبيله وصبركم عليا

ربنا يكرمكم ويرزقكم من حيث لا تحتسبوا

[سُميّــة 0]

اللهم آمين واياكِ حبيبتى ام سيما

ربنا يحفظكِ ويبارك فيكِ ويرزقك الزريه الصالحه

وييسر لك امورك

ادعى فى السجود وفى وقت السحر وفى اى وقت ان ربنا يهدى امك وترضى عليكِ ويرزقك الزريه الصالحه ويرجعلك زوجك وابوكِ بالسلامة

 

احبكِ فى الله

[لؤلؤة الجنان 1]

بسم الله الرحمن الرحيم

 

شكراً جزيلاً

والله انتوا احرجتوني بكرمكم الزائد وقلوبكم الكبيره

ربنا يريح قلبكم زي ما ريحتوا قلبي

اشكركم جداً على اخلاقكم النبيله وصبركم عليا

ربنا يكرمكم ويرزقكم من حيث لا تحتسبوا

اللهم آمين

لا شكر على واجب حبيبتى فنحن أخوة وعلينا أن نساعد بعضنا البعض

ولا تنسي أن تبلغينا بأخبارك دائما

ونتمنى ان نسمع عنكِ كل خير

[ساره أم حمزه 1041]

وعليكم السلام ورحمة الله وبركاته

 

حبيبتى ام سيما الله المستعان

حبيبتى طالما هو زوج صالح بإذن الله يبقى تمسكى به

لتعيونا بعض على طاعه الله بإذن الله

وحاولى تشرحى لامك بالحسنى وكلميها او خلى اختك تفهمها

ربنا ييسر امورك ويفرج كربك و يرزقكِ بالذريه الصالحه ويبارك فيكِ

 

اللهم آمين

احبكِ فى الله

[أم الابطال 0]

السلام عليكم ورحمة الله وبركاته،،

 

حبيبتي ام سيما طمنينا عنك

واصبري على بعد ومقاطعة امك صدقيني مع الوقت ستلييين

واستمري في الدعاااء

والله يفرج كربتك

[ام سيما 0]

بسم الله الرحمن الرحيم

والله يا جماعه الواحد لقى هنا احلى اخوات وأقرب اخوات لقلبه ربنا يكرمكم يا رب

المشكله اني خايفه من مقاطعة ماما ليه ومش عايزاها تغضب عليا ابداً انا بحبها قوي واحنا اكتر من ام وبنتها احنا اصحاب واخوات بس مش عارفه ايه اللي حصلها من ساعة اخر عمليه عملتها كأنها يأست

مع اني والله بعمل اللي عليا وجوزي كمان بيسافر ويشتغل ويجيب فلوس لأن العمليات دي مكلفه ولو مكانشي مسافر مكناش حنقدر نعملها ابداً

نفسي يدخل علينا رمضان واحنا كويسين مع بعض ده ربنا حتى مش حيتقبل صيامنا

وخايفه لو حصلي حاجه او حصلها حاجه لا قدر الله تبقى غضبانه عليا وانا مقدرشي استحمل ده ابداً

 

انا كلمت اختي من شويه علشان افهمها وجهة نظري عارفين قالتلي ايه

قالتلي احمدي ربنا انها سايباكي عنده لحد دلوقتي واحده غيرها كانت اخدتك واجبرته على الطلاق واوعي تفتكري ان فيه حد موافق على اللي بتعمليه ده كل ما حد يكلم ماما يقولها دي لو بنتي مكنتش قعدتها معاه دقيقه واحده

انا تعبت والله ادعولي ربنا يرحمني ويريحني

[زهرة الفلا 3]

ربنا يهديها يارب ويثبتك

 

حبيبتي أنتِ مسؤولة من زوجك ما تقدرش تأخدك إن شاء الله

[الولاء والبراء 35]

وعليكم السلام ورحمة الله وبركاته،،

لا حول ولا قوة الا بالله قرأت مشكلتك أختي الغالية

أختي أنا أيضاً لم أرزق بأولاد ولا أعرف من عند من السبب وأي منا لا يستطيع التخلي عن الآخر سبحان الله يوجد بين الزوجين مودة ورحمة وليس فقط الأولاد

أختي سؤال واحد فقط هل لو كان عند والدتك ولد وكان فيه أي شيء مثل ما في زوجك . هل كانت سترضى أن يقول أي شخص عليه كلمة واحدة

فإنا لله وإناإليه راجعون . هي نشرت سر زوجك في كل مكان وكل إمرأة تيجيب في سيرته وتقول فيه وفيه ولا ينجب

يا ريت لو تبلغيهم أنه يأخذ منهم حسنات أكثر مما يتخيلوا . ووالدتك هداها الله يأخذ منها الكم الأكبر من الحسنات وهي لا تعلم

ومن يعلم غير الله اصبري وسيرزقك الله الذرية الصالحة والله يعلم الله الآن ما بداخلي من ثقة أن الله سيرزقك . أختي أحياناً أدعو لبعض الأشخاص ويكون بداخلي شيء أن هذا الأمر سيستجاب وسبحان الله الذي لا إله إلا هو. يقبل الله الدعاء . اصبري وانتظري فرج الله ورحمته هو أرحم الراحمين

أختي شيء آخر . وأقولها لجميع الأخوات كان من الأفضل أن لا تخبري أحد بظروف زوجك وتقولي كله بأمر الله لمن سألتك عن الحمل ولكن قدر الله وما شاء فعل.

ننتظر أن تبشرينا بأنك حامل إن شاء الله :)

[يالله الجنة 0]

وعليكم السلام ورحمة الله وبركاته،،

 

عليك بالدعااااااء

 

وثانيا أنتي الغلط عليك ليه كل الامور الخصوصيات بينك وبين زوجك تكون عند أمك....

 

قلتي لها ان زوجك هو المريض ....حراااام عليك جرحتي رجولته حتى وان كااان فعلا ...

 

فلا أخبر أحد..تخيلي لو إنك مكانه.وعند أهله..هل ترضين؟

 

وان سألوك قولي خير ان شاء الله..

 

وأخبرتيها بالعمليات وانك تعالجين وهذا أكبر خطأ..

 

لانها سوف تمل وتيأس بسرعة ....

 

فالرسول صلي الله عليه وسلم قال أقضوا حوائجكم بالكتمان...بما في معناه

 

أخيتي لاني أحبك..قدمت لك نصيحتي واني اعتذر ان كنت قسوة عليك..

[* آلاء الرحمن * 1]

السلام عليكم ورحمة الله وبركاته،،

 

حبيبتى ... أظن الأخوات قاموا بالواجب وزيادة ...

 

تمسكى بزوجك حبيبتى ولا تسمعى كلام أمك ...

 

مش فى كل الأوقات الأم بتكون على صواب .. أحيانا حبها لكى ينسيها حاجات كتير ..

 

وهى بتعمل كده بحسن نية أنا متأكدة ... بس لأنها بتحبك ... لكن لو سمعت كلامها حياتك هتدمر وهتدمرى حياة زوجك ..

 

وأكيد ربنا مانعك من الخلفة لحكمة ... ولو هيعطيك ذرية ... برضه لحكمة ...

 

ادعى ولا تيأسى

 

مع خالص محبتى ...

[ام سيما 0]

بسم الله الرحمن الرحيم

 

انا اولاً عايزه اقول للأخت ام عبد الرحمن ربنا يريح قلبك ويرزقك الذريه الصالحه ان شاء الله

كلامك ريحني والله ربنا يرحمك ويرحمني ويكرمنا ويرزقنا بالذريه الصالحه

 

ثانياً : انا والله ماقولت لأهلي على حاجه اللي حصل بالظبط ان اختي اتجوزت ومحملتشي لمدة 3 شهور وبدأت تقلق لأني انا كمان مخلفتش لسنتين وانا روحت معاها لدكتوره كبيره علشان تكشف عليها ولما لقيت ان الدكتوره دي شاطره قوي ولأني كنت مسافره بعد 5 ايام ومفيش وقت احجز معاد جديد قولتلها على الموضوع ووريتها التحاليل اللي معايا وهيه اتخانقت معايا وقالتلي اني لازم اعمل العمليه دي وطبعاً كانت اختي معايا وسمعت كل حاجه وبعد ما سافرت اختي قالت لأمي لأنها كانت خايفه والموضوع كان اكبر من تحملها وحست انه كبير عليها لو كتمته

فأنا مليش يد قوي في معرفتها وبالنسبه للعمليات انا بعملها في مصر وجوزي بيبقى في امريكا ولازم حديوصلني للبيت بعد العمليه ويكون سايق بشويش وكمان باخد حقنة تثبيت كل يوم بعد العمليه ولمدة 3 شهور والحقنه في العضل يعني معرفشي اديها لنفسي وامي هيه اللي تعرف تديها بس وكمان الصيدليات مش بتطلع بنات للبيوت يعني مينفعشي واحده تجيلي البيت تديهاني وانا ببقى نايمه على ظهري على طول

فأنا مقدرشي اخبي اني بعمل العمليه مين حيديني الحقنه ومين حيجيبلي طلبات البيت وانا عايشه لوحدي بس جنبي اهل جوزي وهما ناس كبار في السن ومينفعشي احملهم فوق طاقتهم وهما كتر خيرهم بيعملولي الأكل ويطمئنوا عليا يومياً

قولولي لو فيه حل وانا مش واخده بالي منه

وشكراً لسعة صدركم ومعلش بتقل عليكم بس انتوا اهلي دلوقتي مليش غيركم

[ساره أم حمزه 1041]

لا حول ولا قوة إلا بالله

 

حبيبتى ام سيما اكثرى من الاستغفار والدعاء والتضرع الى الله سبحانه وتعالى

 

ربنا يفرج كربك ويرحمكِ ويرزقكِ بالذريه الصالحه ويرضى عنكِ ويهدى أمكِ واهلكِ اللهم آمين

 

وممكن لو ربنا يسر اشوفلك فى كتاب طب الاعشاب ان شاء الله واقولك ان شاء الله

 

لا إله إلا الله محمد رسول الله

 

ولعله خير

[ساره أم حمزه 1041]

<>() عـــــــــــــلاج الـعـقـــــــــم ()<>

~~~~~~~~~~~~~~~~~~~~~~

ونعنى هنا العقم الناتج لغير سبب عضوى واضح ومحدد يعرفه الاطباء ويقومون بعلاجه ان استطاعوا ، وإنما يكون بسبب مس من الجن داخل جسم الانسان وهذا يعالج بالقرءان والادعيه والاذكار ...

 

وعــــلاجه ـــ

~~~~~~~~

قرءاة او سماع سورة الصافات فى الصباح وسورة المعارج عند النوم .

يقرأ على زيت الحبة السوداء .

الفاتحة ـ آية الكرسي ـ خواتيم البقرة ـ خواتيم آل عمران ـ المعوذات 7 مرات .

ثم يدهن صدره وجبهته والعمود الفقرى قبل النوم . وتقرأ نفس الآيات على عسل نحل نقى يأخذ منه كل يوم على الريق معلقه واحده ويستمر على ذلك 3 أشهر مع الالتزام بشروط جدوى العلاج الموجوده بالكتاب .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

وبالنسبة لمسائل العقم ـــ

~~~~~~~~~~~~~~~~

قد يأخذ الايذاء الشيطانى شكلا آخر بالنسبة للرجل كأن يحبس الحيوانات المنويه او يضعفها او يقتلها او يجنبها الاختلاط ببويضات اخصاب الانثى .. ويؤكد ذلك اختلاف نتائج التحليلات الطبية فى الحاله الواحده وتضاربها وتناقضها وعدم ثبات نتائجها . أما من ناحيه المرأة فيمكن ان يسبب اضطرابا فى مواعيد افراز بويضات الاخصاب . وقد يقوم بافسادها وبذلك لا يمكن ان يتم حمل او اخصاب .

وهناك لون آخر من الوان الايذاء فيه يتم حمل ويتكون الجنين ولكننا نلاحظ امراً غريبا ليس له علة طبية واضحه .. كأ، يقتل الجنين فى وقت معين ويتكرر هذا وفى نفس الوقت وقد نجد أثرا على الجنين كضربة كف او آثار اصابع حول العنق او بعض حالات يذكرها الاطباء انها تحدث بنسبة 1 فى الالف او اقل من هذه النسبة

 

( على فكره انا كده مكملتش الكتابه )

 

 

 

 

كتاب علاج امراض المرأة والطفل بالاعشاب لـــ ياسر جعفر شلبى

حبيبتى ام سيما اختارى وصفه واحده من التلاته دول وربنا ييسر الحال

لا حول ولا قوة إلا بالله

 

1/ شرب حليب الفرس بعد المباشرة بساعه ( خاص للنساء ) . بإذن الله

 

2/ احتمال المرأة دقيق طلع النخل قبل المباشرة ( الجماع ) بساعه يعين على الحمل إعانه بالغة ، وهو مجرب . بإذن الله

( مش انا اللى مجربه انا صغيره لسه بس انا بس نقلاه من الكتاب )

 

3/ شرب فنجان من مغلى حب الصنوبر يعين على الحمل ( خاص للرجال ) . بإذن الله

 

انا بنقل من كتب والحمد لله

 

وخليكِ على يقين ان الله هو الرزاق وقادر على كل شيء ولا حول ولا قوة إلا بالله

ولعله خير

 

{وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ} (216) سورة البقرة

 

ربنا يرزقكِ بالذريه الصالحه اللهم آمين

الله هو الشافى وقولى بسم الله وتوكلى على الله

 

لا إله إلا الله محمد رسول الله

[ام سيما 0]

بسم الله الرحمن الرحيم

 

ربنا يباركلك يا رب ويديكي على قد نيتك الصافيه

انا بشكرك جداً كلفتي نفسك وتعبتي نفسك ربنا يجازيكي خير

انا مش عارفه اقولك ايه بصراحه مفيش كلمات تقدر توفيكي حقك

انا بإذن الله حعمل الوصفات دي لما جوزي يرجع ان شاء الله

بشكركم جداً كلكم والله عملتوا اللي عليكم وزياده

ربنا يقدرني واقدر ارديلكوا واحد على مليون من اللي عملتوه معايا

متشكره جداً يا اخواتي اللي مخلفتكومشي امي

[ساره أم حمزه 1041]

اللهم آمين ويبارك فيكِ حبيبتى ام سيما

اللهم آمين ويجزيكِ خير

حبيبتى احنا اخوات نساعد بعضنا بإذن الله

ربنا يرزقكِ الذريه الصالحه اللهم آمين

وعلى فكره فى هنا فى المنتدى دكتورة للولادة وكده لو عايزة تسأليها عن حاجه

بارك الله فيكِ

احبكِ فى الله

لا إله إلا الله محمد رسول الله

[ساره أم حمزه 1041]

حبيبتى ام سيما الوصفات دى

يعنى تجربى وصفحه واحده ولو منفعتش يبقى تجربى التانيه

انما متعمليش كله مره واحده

اعملى واحده منهم بس كده ان شاء الله

 

لا إله إلا الله محمد رسول الله

[نسيم محمد فوزي 0]

السلام عليكم ورحمة الله وبركاته

اختي الفاضلة .... لو ان المرأة بالذات (الزوجة ) خيرت بين رضا والديها او رضا زوجها ...فلإسلام أمر بطاعة الزوج عن الوالدين بالنسبة للزوجة على العكس من الزوج(فهو يجب عليه ارضاء والديه قبل زوجته ) وانا لا اقول هذا الكلام او افتي به من مخيلتي ولكن حسب ما سمعت من اكثر الشيوخ ..انا لا اطمعك على امك واقول للك لا تطيعيها ...انا اقول للك اياك ان تغضبي زوجك ارضاء لامك ....بالذات لامر مقدر من الله وانتم لا دخل فيه فالذرية رزق من الله.....فانا والله اذهب لدروس وعظ دينية وكلما تحدثت عن موضوع ديني ...تدخل موضوع الزوج لما له من حقوق اكتر من الوالدين ...لذللك اصبري ما دام زوجك ذو اخلاق رفيعة وانت معو مرتاحة ...تخيلي لو ربنا اكرمك بعيال وزوجك لا يهتم بك ويغضبك حينئذا هل ستكونين مرتاخة ...لذلك اعلمي اخيتي ان الرزق على الله و الاولاد ليس مقياسا لراحة البال ...وكوني متوكلة على الله طالما الشي بيده .....اصبري وتوكلي وجاهدي نفسك بين رضاء زوجك ورضاء والدتك ........والله المعين

 

 

اختك من فلسطين الناصحة للك بإذن الله

نسيم محمد فوزي

[ضحى الفجر 0]

السلام عليكم ورحمة الله وبركاته،،

اختى ام سيما

انا منستكيش بس كل اما اتصل بالشيخة لا ترد انا هافضل اتصل لغاية اما اسال وعايزة اطمن عليكى عاملة اية واية الاخبار ياريت تطمنينى عليكى

[ام سيما 0]

بسم الله الرحمن الرحيم

 

ربنا يخليكوا ليا يا حبيباتي وميحرمنيش منكم ابداً

 

انا كويسه الحمد لله ويبقى الحال على ماهو عليه لسه امي مش بتكلمني وجوزي ميعرفشي حاجه عن الموضوع

 

وربنا معايا ومصبرني

 

وانا بحاول اتجنب الكلام مع اخواتي حتى لأني بحسهم متعاطفين مع امي وانا مش في بالهم خالص

 

بشكركم جميعاً

ساره ونسيم وضحى ربنا يكرمكم ويجعل مثواكم الجنه

[المستبشرة خيراً 18]

عودت لاطمئن عليكى مرة اخرى:) ربنا يصبرك يا حبيبة

واياك ان تخبرى زوجك باى شىء

فاحفظية فى نفسك

قال رسول الله : { خير ما يكنزه الرجل المرأة الصالحة إذا نظر إليها سرته، وإذا أمرها أطاعته، وإذا غاب عنها حفظته }

[رواه أحمد].

وحاولى ان تسامحى وتعفو عن من اساء اليكى فانت تبغى الاجر من الله وتعامليهم لوجة الله ورضاة فقط

فاكظمى غيظك واعفو عنهم واحسنى اليهم

"قال الله تعالى "والكاظمين الغيظ والعافين عن الناس والله يحب المحسنين"

[~~أم أسيل~~ 26]

السلام عليكم ورحمة الله وبركاته،،

 

الصراحة يا اختي انا قلت اخد رأي ماما يمكن الكبار ليهم نظرة تانية

 

بس بردو قالت نفس كلام الاخوات

 

ايه اللي يعرفك اذا اتجوزتي تاني الزوج الجديد يطلع وحش ولا حتي اذا ربنا مرزقكيش محدش يعرف الذرية دي كانت هتبقي ازاي

 

ربنا مش بيشيل نعمة من حد غير بحكمه ... ممكن ادراكنا احنا ميعرفهاش ...

ربنا يهدي والدتك

 

اختي انتي لو طلبتي من اي مستشفي ممرضة تجيلك كل يوم في ساعه معينة بتيجي .. البيت عادي ماما كانت بتجيلها واحده

 

الله يعينك و يرزقك الذرية الصالحة و يهدي والدتك يارب