اذهبي الى المحتوى
om_mohamed

لو عروسة جديدة او على وش جواز تعالى ندردش شوية

المشاركات التي تم ترشيحها

اخواتى الحبيبات انا والحمد لله متزوجة منذ خمس سنوات ومرت عليا ايام حلوة وايام مرة والحمد لله كل المشاكل بتعدى اهم حاجة محدش من الطرفين يهين التانى لان المساكل بتتنسى لكن الاهانات لا.. فقلت لنفسى يلا ندردش مع العرايس ونحكيلهم ويحكولنا وباذن الله نحاول نحل كل المشاكل وربنا ميجبش مشاكل باذن الله

 

يلا ندردش واللى عندها سؤال تتفضل معانا

شارك هذه المشاركه


رابط المشاركه
شارك

مبارك عليكى يا اختى دمعة فجر وباذن الله حياة سعيدة وذرية صالحة ان شاء الله .. بس انا عندى ليكى شئ مهم اولا بعد الزواج بتظهر اختلافات بينك وبين زوجك فى الطباع مكانتش ظاهرة ايام الخطوبة .. والاختلافات دى ممكن تكون تافهة جدا بس بتعمل مشاكل كبيرة لو متحلتش بهدوء .. مثلا انا وزوجى اول زواجنا كنا بنختلف على الاكل هوه مبيحبش الطبخ بالبصل ابدا وبيحم الثوم وانا العكس ..قعدت افكر انا وهوه لحد موصلنا اننى افرم البصل جامد بالكبة فميظهرش فى الطبخ وكده بقه بياكله عادى بصى المشكلة تافهة بس لو كنا اخدناها على اعصابنا بخناق مكناش خلصنا.. عموما انا فى الخدمة لو عندك اى سؤال يا اختى الغالية

شارك هذه المشاركه


رابط المشاركه
شارك

ربنا يخليكي يا عسل ويكرمك بالذرية الصالحة(صلاح الدين وعمر)

كلامك صحيح ياغاليتي عشان كده بتخانق انا وخطيبي في الوقت الحالي :cry: عشان بكرة نعيش سمنة وبصل :mrgreen: :mrgreen:

تصدقي انو دايما نتخانق رغم اني من يوم ما تخطبت ما قعدتش معاه ولا حتي شفته :wacko:

حتؤلي ازاي بس هو لغز ولا ايه :mrgreen:

شارك هذه المشاركه


رابط المشاركه
شارك

الله يبارك فيكم يعنى مازال الامر فى البداية فقط

 

ماهذا انشاط تغيبت يوم واحد وجدت الاخت دمعة فجر احتلت المكان :mrgreen:

 

لاعليك انا ساتحمل اسئلتك وربما ساستفيد منها :tongue:

هى اسئلة ربما غبية ;-) لكننى اجدها مهمة

المهم اريد ان اعرف هل صحيح ان الرجل يتغير بعد الزواج يعنى فى فترة الخطوبة يكون بشكل وفيما بعد يظهر باخر والله كثير من البنات صديقاتى يقولوان ازواجهم فى فترة الخطوبة لو طلبو منهم القمر جابوه وعند الزواج يتغير الامر

 

كذلك قصة الحماة انا خايفة منها كثير فكل امراة تشتكى من حماتها فكيف تكسبى الزوج والحماة يعنى كيف اتجنبها فانا اريد حياة سعيدة بعيد عن المشاكل

 

وكتر خيرك ياحبيبتى :wub: :wub: :wub: :wub:

تم تعديل بواسطة مياااار

شارك هذه المشاركه


رابط المشاركه
شارك

نسيت ان اقول للاخت نونة مبروك يعنى انت عروسة جديدة

 

 

وعقبال النونووووووووووووووو او النوووووووووونة :wub:

 

يااحلى نونة

 

خبرينى الان :wub: ماهو شعورك بعد 6شهور زواج ;-)

 

هى العزوبية افضل صح ولالا :mrgreen:

تم تعديل بواسطة مياااار

شارك هذه المشاركه


رابط المشاركه
شارك

السلام عليكم و رحمه الله تعالى و بركاته

حبيييباتي معلش انا هزن عليكووو شويه باستفساراتي :grin:

اولاااا للي بيارقني :icon_eek: هو العلاقه بعد الزواج

يعني جاوبوني بصراحه

هل يدوم الحب بعد الزوااااااج :wub:

ام هل يقتل الروووتين تلك المحبه

وهل هناك تكتيكات و طرق :wub: :ninja: :wub: تحافظ بها المراه على حب زوجها لهااااا..

اجيبوني اولا على هادين السوالين :tongue: بعديها ازن عليكو باسئله تانيييييه :blush:

و كل عااااام و انتن بخييييييييييييييييييييييييييييييييييييييييييييييييييييييييييييير

مع حبي

:wub: :wub: :wub:

سلااااااااااااامووو

شارك هذه المشاركه


رابط المشاركه
شارك

:wub: وانتى ايه الى حشرك حبيبتى :ninja: انا الاولى يعنى اسالتى ثم اسالتك :blush:

 

وسؤالك طبعا جوابه سهل شوفى :icon_eek: جدتك وجدتك اذا كانو عايشين كيف يتصرفو

 

المساكين دايما :wub: شجار :wub: .................معناها لايدوم

 

 

:wub: :wub: :tongue:

 

 

:wub:

شارك هذه المشاركه


رابط المشاركه
شارك

اخواتى الحبيبات من غير خناق بس هنجاوب على كل الاسئلة باذن الله تعالى

بالنسبة لسؤال ميار هل صحيح ان الرجل يتغير بعد الزواج يعنى فى فترة الخطوبة يكون بشكل وفيما بعد يظهر باخر ... الاجابة بسيطة جدا يا ميار اثناء الخطوبة انت لست زوجته بعد ويخشى ان يفقدك فبالتالى لا يحتمل ان يرفض لك طلبا ..ولكن بعد الزواج يشعر بانك اصبحت زوجته مدى الحياة ويشعر بالامان من احساس فقدانه لك اى يشعر معك بانك هتكونى معاه على طول فاحيانا ده بيخليه ميسرعش فى اجابة طلباتك .. وكمان الزواج مسئولية كبيرة والرجل بيبقى خايف جدا انه ميعرفش يدبر مصاريف بيته خصوصا اول الزواج ..فاعلشان كده احيانا بيخاف يجيبلك الطلبات بسرعة احسن ميقدرش يكمل مصاريفه للاخر الشهر .. فالست لازم تقدر ان اول الزواج بيبقى فيه ارتباك للطرفين فى ناحية المصاريف.

كمان انتى لما تعيشى مع انسان غير لما تكونى بتشوفيه زيارات .. العيشة بتبين الاختلافات بين الزوجين .والاختلافات دى لازم تتعالج بهدوء من الطرفين وبالذات اول سنة جواز بتبقى صعبة فى التاقلم ..بس كله بالتفاهم يهون.

بالنسبة للحماة امرها سهل جدا والله العظيم ..مفتاح الحل انك تعامليها زى مامتك بالظبط ..يعنى مثلا انا اول الزواج كنت اسالها فى الوان الفستان اللى اشتريته مثلا ..واقولها ايه رايك انتى زوقك حلو يا ماما.. تفرح هيه وتقولك ده جميل جدا..ولو كانت من الحموات الصعبة وقالتلك ايه القرف ده مثلا يعنى.. خليكى هادية يعنى لو مامتك قالتلك كده هتعمليلها ايه؟؟؟؟ بالعكس قوليلها طب انتى ايه رايك يا ماما اغيره وتيجى معايا نجيب واحد تانى .. ومفيهاش مشاكل انك تغيريه ..فيه بنات هتقول ليه هوه انا مليش شخصية ؟؟؟ هوه انا مليش كلمة؟؟ هقولها يا بنتى دى خطة زكية تكسبى بيها قلب حماتك .. انا كنت بسال حماتى واخد رايها ..بس بعد مبشترى خليكوا ناصحين

المهم احسسها ان رايها مهم. ولو تعبت لازم تبقى جنبها وتخلى بالك منها.. وبعدين دايما اطلبى من زوجك انه يجيب لمامته هدية.. قوليله يديها فلوس مثلا كل فترة قوليله يمكن هيه محتاجة حاجة ومش عاوزاك تجيبها عاوزة هيه تشتريها ..انا كنت بعمل كده .. وشوية شوية جوزك هيقولك على كل مليم بيديه لمامته .. يعنى بدل ميديها من ورا ضهرك

ولو زعلها خدى صفها ..علشان لو زعلك تاخد صفك.. والحماة دى موضوعها كبير كل يوم نقول عنه شوية

شارك هذه المشاركه


رابط المشاركه
شارك

وبالنسبة لسؤال اختى rime بصى يا ريم الحب طبعا بيفضل موجود فى القلب بس زى متقولى بيغطيه تراب متاعب الحياة الزوجية فلازم الزوجة الناصحة تنفض التراب ده اول باول بدل ميتراكم ويدفن الحب تحته ..

 

اهم شئ انك تلاقى موضوع مشترك مع جوزك تتكلموا فيه..انا اتقدملى عرسان كتير ومخترتش الا زوجى لانه بيحب الكمبيوتر زيى ..فساعتها عرفت انى هلاقى حاجة اتكلم معاه فيها بعد الجواز فلازم من الاول تختارى صح..يكون فيه توافق شئ واحد بتحبوه انتوا الاثنين علشان ميجيلكوش خرس زوجى من قلة الكلام.. وهقولك حاجات تانية انا بعملها

مثلا فى يوم انا عارفة ان جوزى هيتاخر .. رحت نيمت محمد بدرى (مكانتش مريومة لسة جت) ورحت لبست الحتة اللى على الحبل (مثل مصرى) يعنى اجمل لبس عندى وحطيت مكياج وولعت شموع وحضرت الاكل على السفرة مع اضاءة خافتة ورشيت معطر جو ..المهم خليت الجو رومانسى.. وهوه بيفتح الباب استخبيت وراه ولما دخل غميت عينه بايدى وقولتله عملالك مفاجاة.. متتصوريش الفرحة اللى فرحها والسعادة واتبسط جدا .. دى حاجة بسيطة مش هتكلفك اى شئ بس هتسعد قلبه

 

مثلا يوم تانى ممكن الزوجة تعمل حاجة مجنونة يعنى انا مثلا لبست تى شيرت كنت مقطعاه عملاه شراشيب من الديل وشورت وعملت مكياج صارخ زى بنات الاعلانات كده .. وبرضه قعد يضحك واتبسط اوى

 

المهم التجديد مش كل يوم يرجع يلاقى عاملة زى الشغالة بلبس المطبخ وريحة الاكل والبيت مش متوضب

وضبى البيت وقبل ميرجع جوزك اعملى شئ بسيط بس غيرى ملابسك وحطى اى برفان او حتى مزيل عرق

وفكى شعرك واعمليه بشكل بسيط مع مكياج خفيف او حتى كحل فقط

جوزك هيتبسط بيكى جدا..وعلشان متتعبيش خصصى لبس للطبخ وشغل البيت يعنى مثلا بنطلون وبلوزة وقبل ميرجع جوزك غيرى بسرعة

 

وحذارى واوعى تعملى شغل البيت وهوه موجود او يوم اجازته ..بيبقى اخر عكننة عاوز يرتاح ويقعد يتكلم معاكى وحضرتك بتتطبخى وتغسلى ..انا يوم الخميس بعمل اكل يومين علشان يوم الجمعة والسبت ابقى متفرغة وقاعدة معاه

 

يارب اكون افدتك وانا فى انتظار اسئلتكن اخواتى

شارك هذه المشاركه


رابط المشاركه
شارك

والله جزاك الله خيرا يعنى اجابات كافية وشافية ومعك حق فى كل شىء.

 

وكمان الزواج مسئولية كبيرة والرجل بيبقى خايف جدا انه ميعرفش يدبر مصاريف بيته خصوصا اول الزواج ..فاعلشان كده احيانا بيخاف يجيبلك الطلبات بسرعة احسن ميقدرش يكمل مصاريفه للاخر الشهر .. فالست لازم تقدر ان اول الزواج بيبقى فيه ارتباك للطرفين فى ناحية المصاريف.

 

يعنى اول شىء مشكلة المصروف

 

وفيما بعد

 

والحماة دى موضوعها كبير كل يوم نقول عنه شوية

 

انا بستنى وكل شوق لمعرفة المزيد...

 

وايضا

 

فلازم الزوجة الناصحة تنفض التراب ده اول باول بدل ميتراكم ويدفن الحب تحته
..

 

و

 

المهم التجديد مش كل يوم يرجع يلاقى عاملة زى الشغالة بلبس المطبخ وريحة الاكل والبيت مش متوضب

 

يعنى كلام راااائع

 

انا سارجع فيما بعد واسال معنديش الان اسالة محددة :?:

 

يعنى ساظل ورائك وراك .... :mrgreen: .استشارة ببلاش :mrgreen:

 

:tongue: :tongue:

;-) شكرا

شارك هذه المشاركه


رابط المشاركه
شارك

السلام عليكم ورحمة الله وبركاته

ما شاء الله على الموضوع الجميل ربنا يجزاكى كل خير أختى om_mohamed على الموضوع ;-)

كل سنة وانتم طيبيين ، والله أنا لسه متزوجتش ،أنا لسه 3 ثانوى :mrgreen: وانا عندى اسئلة كتييييرة أكتر من أختى ميااار:mrgreen:

اول سؤال : آيه هو افضل سن للزواج ؟

ثانى سؤال : الواحدة لو اتقدملها واحد المفروض تعمل آيه فى الرؤية الشرعية ؟

وثالث سؤال بأه : فى فترة الخطوبة ايه النصايح اللى تحبى تنصحيها ؟

كفاية كده المرة دى :?:

فى انتظار روددكم

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

جزاكِ الله خيرا غاليتي أم محمد على موضوعك القيم

 

أخواتي وبناتي إليكن وصية أوصت بها امرأة زفّت ابنتها قبل أن تخرج من بيتها

 

اوصت أمامة بنت الحارث إبنتها أم إياس ليلة زفافها فقالت لها :

أي بنية :

إن الوصية لو تركت لفضل أدب تركت لذلك منك ، ولكنها تذكرة للغافل ، ومعونة للعاقل ، ولو أن إمرأة استغنت عن الزوج لغنى أبويها ، وشدة حاجتهما إليها ، كنت أغنى الناس عنه ، ولكن النساء للرجال خلقن ، ولهن خلق الرجال .

 

أي بنية :

إنك فارقت الجو الذي منه خرجت ، وخلفت العش الذي فيه درجت ، إلى وكر لم تعرفيه ، وقرين لم تألفيه ، فأصبح بملكه عليك رقيبا ومليكا ، فكوني له أمة يكن لك عبداوشيكا ،

 

يا بنية : احملي عني عشر خصال ، تكن لك ذخرا وذكرا :

أما الأولى : فاصحبيه بالقناعة .

 

والثانية: عاشريه بحسن السمع والطاعة .

 

وأما الثالثة والرابعة: فتفقّدي مواضع عينيه وأنفه، فلا تقع عيناه منك على قبيح، ولا يشمّن منك إلا طيب ريح .

 

والخامسة والسادسة: فالتفتي إلى وقت طعامه ومنامه فإنّ الجوع ملهبةٌ وتنغص النوم مغضبةٌ . (أي راعي زوجك في أمر نومه وطعامه).

 

وأما السابعة والثامنة: فالاحتراس على ماله والاهتمام بحشمه وعياله، فإن ملاك الأمر في المال حسن التقدير وفي العيال حسن التدبير. (أي حافظي له على ماله وأولاده).

 

وأما التاسعة والعاشرة: فإيّاك والفرح بين يديه إذا كان مغتمّا وإيّاك والاغتمام إذا كان فرحًا واعلمي أخيرًا أنك لن تنالي منه ما تريدين حتى تؤثري هواه على هواك ورضاه على رضاك .

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

غاليتي الصفاء

 

والله أنا لسه متزوجتش ،أنا لسه 3 ثانوى :mrgreen: وانا عندى اسئلة كتييييرة أكتر من أختى ميااار:mrgreen:

هل لي أن أحاول الإجابة عن بعض أسئلتك :?: اسأل الله تعالى أن يوفقك ويرزقك الزوج الصالح

 

آيه هو افضل سن للزواج ؟

ليس هناك سن معين مفضل للزوج بل إنما هي المقدرة على تحمل أعباء الزواج مادية ومعنوية

 

من استطاع منكم الباءة فليتزوج

 

الواحدة لو اتقدملها واحد المفروض تعمل آيه فى الرؤية الشرعية ؟

من أراد أن يتزوج امرأة فله أن ينظر إليها من غير أن يخلو بها

 

فى فترة الخطوبة ايه النصايح اللى تحبى تنصحيها ؟

ما يجوز للخاطب من المخطوبة وما لا يجوز

شارك هذه المشاركه


رابط المشاركه
شارك

جزاكى الله كل خير اختى أم الزهراء المصرية وعلى فكرة انتى وحشانى جداً وكل سنة وانتى طيبة وعيد سعيد عليكى

واستفدت من رودوك ومستنية رد باقى الأخوات

أحبك فى الله

شارك هذه المشاركه


رابط المشاركه
شارك
ماهذا انشاط تغيبت يوم واحد وجدت الاخت دمعة فجر احتلت المكان

هلا بميورة شو يختي مستكترة عليا هالكلمتين ماااااااااشي وانا واقفالك اهو بالمرصاد^_*

الله يكرمك يا حبيبتى ..اكيد بتتخانقوا فى التليفون بقه صح ولا ايه؟؟؟؟؟؟؟؟؟؟

ايه والله علي التليفون بس بجد رهيبين هو في بلد وانا في بلد ههههههه الكل بستغرب بنتخانق علي ايه مش فاهمين^_^

بصوا بقي انتو لازم تدعولي يعني مو اختكم انا خلص ماتنسوني من دعواتكم والله يجمعني فيه يارب علي خير

شارك هذه المشاركه


رابط المشاركه
شارك

ايه خدمة يا ميار بس انتى اسالى وانا هجاوبك باذن الله

وشكرا لاختى ام الزهراء على مرورها وردها الكريم

وبالنسبة لاسئلة اختى الصفاء اعتقد ان ردود اختى ام الزهراء كافية ولكن اسمحولى اضيف بعض الاراء فى فترة الخطوبة

اهم شئ يا اختى فى هذه الفترة ان تختبرى خطيبك فى عدة مواقف ..اهمها عند الغضب

فالرجل الذى عند غضبه يقول الفاظ غير لائقة اعرفى انه بعد الزواج سيهينك بسهولة

اما الرجل الذى عند غضبه يتماسك فاعرفى انه بعد الزواج مشاكلكم ستمر بامان

لا تسمحى له ابدا بتعدى الحدود معك فى الكلام او الهزار ..يعنى مثلا اعرف ناس خطيبها يقولها انتى عبيطة ..مثلا يعنى او انتى مبتفهميش .. هذه الاشياء التافهة تدل على انه بعد ذلك ممكن يشتمك ..اذا حصل وقال اى كلمة من هذه قفى له واعمليها زعلة (بس مش كبيرة اوى) المهم انه يحس ان الشتيمة حتى لو بهزار غير مسموح بيها نهائى

وبعدين لاحظى هل هو بخيل ام لا ..لان الرجل البخيل لا يطاق

وهل هو غيور عليكى ام لا ..وهل يراعى حدود الله معك ويخاف عليكى ام لا

فمثلا الخطيب الذى يسمح لخطيبته ان تكلم زميلها فى التليفون مثلا ..او تسلم على جارها فى الشارع وهى معه فهو ليس رجل واحذرى منه

وايضا لاحظى تحمله للمسئولية فهل يعتمد عليه ام لا ..لانه اذا كان لا يعتمد عليه فالمسئولية كلها ستقع على عاتقك بعد الزواج

 

هذا مؤقتا وللحديث بقيه رزقك الله بالزوج الصالح

وربنا ييسر امرك يا اختى دمعة الفجر ويجمعك بزوجك على خير باذن الله

شارك هذه المشاركه


رابط المشاركه
شارك

رضي الله عنك غاليتي ام محمد علي النصائح الجميلة واسعدكِ في الدارين

 

وهل هو غيور عليكى ام لا
دي بقي الغيرة رهيبة عند خطيبي بجد والله حتي مرة ؤلتله بالاخير حتغار من اخواني ألي ما تستبعديش الحكاية :icon_eek: :icon_eek:

فربنا يعيني يارب ويصبرني علي غيرته وكله دا وهو لسه لا قعد معايا :wub: ولا مايحزنون ربنا يستر :wacko:

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×