لو عروسة جديدة او على وش جواز تعالى ندردش شوية

[عبير اهل الجنة 0]

السلام عليكم

اختي العزيزة

موضوعك بصراحة طمني خصوصا وانا مقبلة على الزواج وحكون بغربة وبعيدة عن اهلي وانا بصراحة لمن اكون وحدي وافكر مرات ابكي ومرة ثانية اصبر نفسي وبصراحة الاحساس غريب

جزاك الله خيرا ياحببتي

وان شاء الله نكون في دردشة ثانية

اختك عبير اهل الجنة

[ام هبة2 0]

السلام عليكم

عندي وجهة نظر حقولها بناء على تجارب ناس كتيرة انو الزوجة الي بتبدا حياتها من الاول بعيد عن الاهل في غربة مثلا( زي حالتك ياعبير) انا اعتقد انو احسن لها كتير وهي دايما عندها الفرصة انها تنجح اكتر من الي بتبدا عند اهلها او اهلو. لان الاهل دايما بتدخلو لو من قصد او بدون الا من رحم الله . والفترة الاولى هي اصعب فترة لان فيها بتظهر طباع الانسان والي انت مش واخدة عليها فهنا لو كنت بعيدة حترسمي طريق حياتك بطريقتك انت وهو وبس لكن مع الاهل حيبدا كل واحد يقول كلمة والانسان بيتاثر بكلام الناس مهما كان.

وعندي نصيحة صغيرة يمكن تكون ام محمد قالتها, احذري انك تدخلي اي حد في حياتك الزوجية خاااااااصة عند البداية الا اذا كان في مصيبة لاقدر الله يعني حاولي دايما تفكري تحلي مشكلتك من غير متحكي لحد ولو اضطريتي لازم يكون حد تثقي فيه اكتر من نفسك وبرضو تديلو قدر الي يحل لك مشكلتك بس, وحاجة تانية كمان اتجنبو دايما الكلام وقت الزعل خصوصا في البداية لان الناس في الاول مش واخدة على بعض وفي ناس بطبعها لما تزعل بتقول كلام يمكن يكون جارح يعني لو حصل تصرف ضايقك منو متقوليش وانت زعلانة, لانو الكلام الوحش ممكن يفضل في نفس الانسان وما يزلش ابدا حتى لو الناس اتصالحت وهنا طبعا الشيطان بلعب كويس اوي وبيخرب البيوت بالطريقة دي( اعاذكن الله جميعا).

كترت عليكو الكلام

ربنا يرزقكم جميعا الازواج الصالحين والذرية الصالحة يارب

[rime 0]

السلام عليكم

هااااااااااا قد عدت لازعج باسئلتي التي لازالت جعبتي تحوي منها الكتييير :laugh: :wub: :cry:

 

 

انا يا حبيباتي عندي سؤاال و ياريت تجاوبني علييييه الاخوات المتزوجااات

 

 

هل الغنج و التدلل على الرجل يساعد المراه على امتلاك قلبه ام بالعكس ينفره و يبعده :wub: :wub: :wub:

 

 

يعني هل يتاثر الرجل عندما تعامله زوجته بانوثه فائقه و دلال زائد ام تنقضي تلك الايااام في شهر العسل

كدلك هل على الفتاه ان تغير تعاملها مع الزوج بعد الدخله يعني شووو لازم تعمل عشاان تحافظ على علاقه مليئه بالحب المتبادل بعد الزواااااااااج

 

 

 

 

في انتظاااااااااار اجوبه المتزوجااات فلهن الخبره :wub:

مع حبي

:mellow: :wub: :wub:

[omjana 6]

جزاكى الله خيرا ام محمد

 

ردودك اكثر من رائعة

 

حفظكِ الله وسلمكِ من كل سؤ

 

اللهم امين

[rime 0]

شوووووووووو وييييينكم هجرتو الصفحه ولا شوووووووو

في انتضاااااار الافادااااااات يا اخوات

[om_mohamed 0]

حبيباتى وحشتونى معلش اتاخرت عليكم النت كانت مفصولة عندى بس الحمد لله رجعت تانى

دموعة ازيك وحشتينى بقه كده هنخاف من اولها .. اتشجعى الجواز مفيش احلى منه ..حتى مشاكله بتبقى حلوة بعد الصلح ..اهم حاجة ربنا يعينك وتحلى كل شئ بهدوء من غير عصبية هتلاقى الحياة بقه لونها بمبى وكمان معاك

انامعك انو الحياة هي الزوجة اللي تقدر تحددها مع زوجها بس الحياة الزوجية مسئولييييييييية كبيرة جدا

بس مسئولية لذيذة وربنا يوفقك انتى وخطيبك باذن الله

 

اختى عبير

موضوعك بصراحة طمني خصوصا وانا مقبلة على الزواج وحكون بغربة وبعيدة عن اهلي وانا بصراحة لمن اكون وحدي وافكر مرات ابكي ومرة ثانية اصبر نفسي وبصراحة الاحساس غريب

الحمد لله انى قدرت اطمنك وباذن الله ربنا يسعدك فى حياتك وفى انتظار دردشتك يا عروسة

 

أم هبة2 برافوا عليكى رايك اكبر صح

انو الزوجة الي بتبدا حياتها من الاول بعيد عن الاهل في غربة مثلا( زي حالتك ياعبير) انا اعتقد انو احسن لها كتير وهي دايما عندها الفرصة انها تنجح اكتر من الي بتبدا عند اهلها او اهلو. لان الاهل دايما بتدخلو لو من قصد او بدون الا من رحم الله . والفترة الاولى هي اصعب فترة لان فيها بتظهر طباع الانسان والي انت مش واخدة عليها فهنا لو كنت بعيدة حترسمي طريق حياتك بطريقتك انت وهو وبس لكن مع الاهل حيبدا كل واحد يقول كلمة والانسان بيتاثر بكلام الناس مهما كان.

لانه فعلا حصلت معايا شخصيا احيانا كانت والدتى تيجى تزورنى وتنتقد زوجى كانت بتخلينى من غير مشعر ببقى عاوزة اخنقه ..بس بعدين ارجع اقول لنفسى مهو طبعه كده وكنت مبسوطة ايه اللى حصل بقه.. لحد معلمت والدتى انها لا تنتقد زوجى لانى بزعل ..فالحمد لله بطلت والامور بقت هادية

 

حبيبتى rime حمد الله على السلامة بالنسبة لسؤالك

هل الغنج و التدلل على الرجل يساعد المراه على امتلاك قلبه ام بالعكس ينفره و يبعده

ده يتوقف على طبع الرجل فيه رجل يحب الدلال والغنج الصريح وفيه رجل يحب الحياء وان الست تعمل مكسوفة ..بس كل الرجال بتحب الحنية والطيبة والمودة فلازم الست تعرف نوع جوزها وتجرب ومفيش مانع تغلط لحد متحدد امتى زوجها يحتاج الحبيبة وامتى يحتاج الام وربة المنزل وسؤالك التانى

كدلك هل على الفتاه ان تغير تعاملها مع الزوج بعد الدخله يعني شووو لازم تعمل عشاان تحافظ على علاقه مليئه بالحب المتبادل بعد الزواااااااااج

انا عندى ليكى نصيحة ..لا تعطى زوجك كل اهتمامك وحبك ومجهودك لانه باختصار هيتعود على كده ..بس انتى ان شاء الله هيجيلك اطفال فيقل اهتمامك بيه غصب عنك ..ساعتها هيحس انك اهملتيه وهيقولك مبقتيش تحبينى والكلام ده..يعنى دايما شيليه معاكى المسئولية بلاش الدلع الزايد اوى ولا الجفاء ..علشان ميحسش بالفرق لانك فى المستقبل مش هتبقى فاضية زى الاول

 

اختى zad وحشتينا ..اشكرك جدا على كلامك الرقيق ..وحفظنا الله جميعا نساء وبنات المسلمين من كل سؤ ..بس قوليلى انتى متزوجة ولا لسة ؟؟ وعندك اولاد ولا ايه؟؟ فى انتظار ردك على

[om_mohamed 0]

اختى المشتاقة للفردوس

بس ادعولي ربي يرزقني الزوج الصالح عاجلا وليس اجلا

لاني مش مخطوبة الي حد الان واملي اتزوج رجل مرفوع دكره في السماء والارض عاجلا وليس اجلا

ويحبني واحبه يارب

يارب يرزقك بزوج صالح يحبك ويحبه الله ويرضى عنكم جميعا ويرزقك الذرية الصالحة يارب العالمين اللهم امين

[omjana 6]

بس ادعولي ربي يرزقني الزوج الصالح عاجلا وليس اجلا

لاني مش مخطوبة الي حد الان واملي اتزوج رجل مرفوع دكره في السماء والارض عاجلا وليس اجلا

ويحبني واحبه يارب

 

أسأل الله العلى العظيم ان يزوجك ويزودك عاجلا غير آجل وكافة بنات المسلمين

 

اللهم امين

[omjana 6]

اختى zad وحشتينا ..اشكرك جدا على كلامك الرقيق ..وحفظنا الله جميعا نساء وبنات المسلمين من كل سؤ ..بس قوليلى انتى متزوجة ولا لسة ؟؟ وعندك اولاد ولا ايه؟؟ فى انتظار ردك على

 

الغالية ام محمد

 

انا الان مخطوبة وان شاء الله قريبا اتزوج بس لسة محددناش موعد بعينه

 

عجبتنى اوي نصيحتك بان يكون الاهتمام من بداية الزواج قليلا بعض الشيء حتى لا يلحظ الزوج فرق شاسع فى المستقبل

 

انا فعلا خايفة من النقطة دى جدا بس ربنا يعنيى واعرف اعمل كده

 

كمان كنت عايزة اسالك عن الفترة الاولى من الزواج

 

يعني انا متخيلة الوقت كله هيضيع فى الاعباء المنزلية والطبخ والاهتمام بالنفس

 

هل فعلا من خلال تجربتك الفترة الاولى مرت كده؟

 

لان مش هيبقى عندى دش ولا تليفون ولا كمبيوتر

 

فانا كنت متخيلة كده فهل هذا صحيح؟

تم تعديل 20 اكتوبر, 2007 بواسطة zad1983

[omjana 6]

كمان كنت عايزة اسالك عن علاقتك بجيرانك وايه اللى تفضيله للحفاظ على شكل العلاقة جميل

 

يعني فى ناس بيندمجوا اوي انا مش بحب كده بس ده وجهة نظرى اللى مش بعرف اطبقها

 

يعنى ممكن غصب عنى الاقى نفسي اندمجت معاهم اوي خصوصا انهم نحسبهم على خير

 

ضيفى لذلك ان خطيبى مش بيحب كده ونبهنى كذا مرة

 

بس خايفة اجتماعيتى الزيادة تعملى مشاكل وربنا يستر

 

 

كمان كنت عايزة اربط الحزاااااااااااااااااااااااااااام جامد اوي عشان اوفر جزء من المرتب

 

تنصحينى بأيه ؟

 

معلش دوشتك بكل الافكار اللى فى دماغى عن اول فترة من الزواج

 

جزيتى خيرا

تم تعديل 20 اكتوبر, 2007 بواسطة zad1983

[الفقيرة إلى الله سبحانه وتعالى. 4]

السلام عليكم ورحمة الله وبركاته

جزاكم الله خيرا اخواتي في الله على هدا الموضوع

ماشاء الله تبارك الله

اسال الله العظيم ان يرزق كل بنتا المسلمين ازجا صالحين وان يرزق كل شباب المسلمين زوجات صالحات

ادعوا لي ربنا يرزقني الزوج الصالح يارب

بس لي سؤال هل يجوز الام او الاب يخطب لبنته

وهل مثلا لو بنت عجبها واحد و عملت حاجة مثلا وصت حد يتكلم عنها او حاجة

و هل هدا يعتبر اخد بالاسباب ام انها تترك الامر لله

فهل هدا تفويض الامر لله لو ماعملت حادة ام انها حتى لو عملت يعتبر ايضا تفويض

ارجو التوضيح

ولو مافهمتوا سئالي اخبروني افهمكم ان شاء الله

[~ أم العبادلة ~ 1903]

 

بس لي سؤال هل يجوز الام او الاب يخطب لبنته

 

بسم الله الرحمن الرحيم

 

السلام عليكم ورحمة الله وبركاته،،،

 

عَنِ ابْنِ عُمَرَ عَنْ عُمَرَ قَالَ تَأَيَّمَتْ حَفْصَةُ بِنْتُ عُمَرَ مِنْ خُنَيْسِ بْنِ حُذَيْفَةَ أَوْ حُذَافَةَ - شَكَّ عَبْدُ الرَّزَّاقِ - وَكَانَ مِنْ أَصْحَابِ النَّبِىِّ -صلى الله عليه وسلم- مِمَّنْ شَهِدَ بَدْراً فَتُوُفِّىَ بِالْمَدِينَةِ. قَالَ فَلَقِيتُ عُثْمَانَ بْنَ عَفَّانَ فَعَرَضْتُ عَلَيْهِ حَفْصَةَ فَقُلْتُ إِنْ شِئْتَ أَنْكَحْتُكَ حَفْصَةَ. قَالَ سَأَنْظُرُ فِى ذَلِكَ. فَلَبِثْتُ لَيَالِىَ فَلَقِيَنِى فَقَالَ مَا أُرِيدُ أَنْ أَتَزَوَّجَ يَوْمِى هَذَا. قَالَ عُمَرُ فَلَقِيتُ أَبَا بَكْرٍ فَقُلْتُ إِنْ شِئْتَ أَنْكَحْتُكَ حَفْصَةَ ابْنَةَ عُمَرَ. فَلَمْ يَرْجِعْ إِلَىَّ شَيْئاً فَكُنْتُ أَوْجَدَ عَلَيْهِ مِنِّى عَلَى عُثْمَانَ فَلَبِثْتُ لَيَالِىَ فَخَطَبَهَا إِلَىَّ رَسُولُ اللَّهِ -صلى الله عليه وسلم- فَأَنْكَحْتُهَا إِيَّاهُ فَلَقِيَنِى أَبُو بَكْرٍ فَقَالَ لَعَلَّكَ وَجَدْتَ عَلَىَّ حِينَ عَرَضْتَ عَلَىَّ حَفْصَةَ فَلَمْ أَرْجِعْ إِلَيْكَ شَيْئاً قَالَ قُلْتُ نَعَمْ. قَالَ فَإِنَّهُ لَمْ يَمْنَعْنِى أَنْ أَرْجِعَ إِلَيْكَ شَيْئاً حِينَ عَرَضْتَهَا عَلَىَّ إِلاَّ أَنِّى سَمِعْتُ رَسُولَ اللَّهِ -صلى الله عليه وسلم- يَذْكُرُهَا وَلَمْ أَكُنْ لأُفْشِىَ سِرَّ رَسُولِ اللَّهِ -صلى الله عليه وسلم- وَلَوْ تَرَكَهَا نَكَحْتُهَا.

 

 

والسلام عليكم ورحمة الله وبركاته

[rime 0]

السلام عليكم

حبيبتي ام محمد جوزيييتي خيرا على ردودك الجامعه فعلا رائعه

ونيااااال جوزك عندو مرا بستيييين مرااااااا ما شاء الله

 

المهم انا والله في امس الحاجه لمعرفه الكتير عن العلاقه الزوجيه خصوصا و قد قبل اهلي خطبتي لاحد الشباااب الطيبييين وكانوا رافضيين بالاول بسبب مستواه الدراسي

المهم احكيلكو معلش لو طولت

انا قبل توبتي كنت احب شابا يكون من عائلتي وهو ابن خالي وكان بينا اتصال طفيييف لانو في بلد اوروبي و انا عربي يعني الحمد لله عمري ما واعدتو ولا خرجت معاااه

الا انوو كااان بيضهر لي حب عضيييم من خلال كلمات رقييقه بس دايما مهدبه :idea:

المهم لما تبت و ارتديت الحجاب و كان هو سباق الى التوبه قبلي انقطعت اتصالاتنا و جاء لخطبتي من اهليييي

وللاسف اهلي رفضوا بشده :cry: لمستواه اللدراسي خصوصا و عائلتي لهاا شروط خاصه من جهة المستوى الثقافي

لكنهم لم يقووا على افشاء سبب الرفض و قالولو اني انا يللي رفضت لاني مازلت لست في سن المسؤوليه و كلام كده

طبعا هو احتااار و شك في الامر لانو عارف اني بحبه و مش ممكن ارفض فكلمني بالهاتف و طلب رايي بصراحه و قلتلو موافقه بس اصبر :unsure:

و صااارت احدات و تعقيدات بس ربنا حلها و انا بقيت مصره لحد ما قبلت الخطبه :mrgreen: :grin: :mrgreen:

و هناااااااااااااااااااااااااااااااااااااااااااااااا مشكلتييييييييي :ninja:

صاااااااارت عندي تخوفااات رهيييبه من موضوع الزاج :cry: الى حد اني في مرات بفكر اني افسخ

و عندي عدم ثقه بالنفس رهيبه ما بدري سببها :cry: رغم اني و الحمد لله دات جمال لاباس به و لا اعاني من اي مشكله صحيه.. و الحمد لله

و دايما بقووول لنفسي كيف سيجدني خطيبي بعد الزاج هل ساعجبه ام لا و هل و هل وهل الى حد الهوس :cry: ................

اماااا لما بدخل للحماااااام :oops: ده موضوووووع تااااااااااااااااااااني عقده بجد

اشرح لكو معلش اصبروا عليا بس انا فحاجه للفضفضه و الله

 

يا ستي انا بشرتي بيضه و شعريييي اسوددددد :ninja: يوعندي شعر خفييييييييف يكسووو جسمي كله و ما راح تصدقوني ادا قلتلكو ان الشعر ده عاملي اكتئاب و عدم ثقه بالنفس :cry:

و سبب كل ده هو جهلي التااااااااااام بالعلاقه الخاااصه بين الزوجيييين فمعرفش الراجل بينتضر اييه من المراه في جسمها او طبعهاااا.....

وده عملي لخبطه و دووووووووووووووووووخه000000

اسفه على الاطااااله بس والله انا مبقتش اعرف اتعامل مع خطييبي ابدا لا فتلفووون و لا فغييييروا

وازداد ارتباكا من مساله لقائنا خصوصا صارلنا 4 سنيين مشفناش بعض

ارجووو ان تنصحوووني باي نصيييحه على الاقل ارتباكي ينقص شويه و ارجع لحالتي الطبيعيه زي الاول :wub:

خصوصا معنديش غيركو

مليش صاحبات صالحات ينصحنني و مقدرش اكلم امي بصراحه كده

بحبكوووووووووو يا اخوات

معاكو بيتي التاني

وعدرا للاطاله الممله

:wub: :wub: :wub:

[om_mohamed 0]

اخواتى فى الله انتن لا تتخيلن مدى سعادتى بسعادتكن بالموضوع ويارب اكون افدتكن ولو حتى شوية صغيرين يارب والاسئلة النهاردة كتيرة بس الله المستعان

اختى الحبوبة زاد مبارك على الخطوبة وجمع الله بينكما فى الحلال ورزقكم الذرية الصالحة يارب العالمين بالنسبة لاسئلتك

يعني انا متخيلة الوقت كله هيضيع فى الاعباء المنزلية والطبخ والاهتمام بالنفس هل فعلا من خلال تجربتك الفترة الاولى مرت كده؟

لان مش هيبقى عندى دش ولا تليفون ولا كمبيوتر

فانا كنت متخيلة كده فهل هذا صحيح؟

بصى يا حبيبتى اول الزواج بتبقى الواحدة مش عارفة تظبط امورها ..يعنى هقولك حاجة تضحك انا كنت بقف فى الريسبشن وافكر اكنس الارض ازاى !!! وابدا باى غرفة وكنت بحتار ومش عارفة اعمل ايه..شوية شوية لقيت نفسى لهلوبة وشاطرة وبوضب البيت بسرعة وتمام ..وبالعكس بقه اول الزواج بتكونى فاضية اوقات كتيرة اوى ..بعد متخلصى شغل البيت وتطبخى مثلا ..ويكون جوزك لسة موصلش هتلاقى نفسك فاضية ..بس نصيحة اشغلى وقتك بالقراية وحاجات مفيدة علشان مخك ميصديش وتلاقى نفسك بقيتى مجرد واحدة بتطبخ وتكنس ومتفهمش حاجة حواليها ..خليك متابعة الدنيا علشان انتى نفسك ميجلكيش اكتئاب ..واحلى ايام هيه الايام دى مبيبقاش لسة فيه عيال ودوشة دماغ وبتبقى الست فاضية واخر دلع ..ربنا يسعدك باذن الله

 

وبالنسبة لسؤالك التانى ده مهم جداااااااااا

كمان كنت عايزة اسالك عن علاقتك بجيرانك وايه اللى تفضيله للحفاظ على شكل العلاقة جميل

جيرانك دول اقرب من اهلك لانك لا قدر الله لو احتجت لشئ او تعبت او شئ بيبقوا هما اقرب لحين وصول اهلك ده لو كانوا كويسين طبعا ..فدايما احرصى على العلاقات الطيبة معاهم بس اوعى وحذارى وخلى بالك انك تحكى اى شئ عن بيتك لحد سواء حلو او وحش ..لانه لو حلو وجارتك تعيسة مثلا الغيرة هتدب فى قلبها منك ..ولو عندك مشاكل ممكن جارتك تديكى نصيحة توديكى ورا الشمس .. فخلى بالك .انا مع جيرانى بصبح عليهم وامسى وابارك واواسى المهم كل المناسبات الاجتماعية اشاركهم فيها ..بس بيتى محدش يعرف عنه شئ ..هقولك لدرجة انه محدش كان يعرف انى حامل وخلفت مريم الا جارة واحدة فقط .. ده اهم شئ علشان تضمنى عدم المشاكل باذن الله..وطالما خطيبك نبهك لكده وهو على فكرة زى جوزى برضه ..فلازم تسمعى كلامه لانه عندهم وجهة نظر صح لان جيرانك عندهم رجالة برضه ..وممكن تحصل مقارنة وتلاقى جارتك بتقر عليكى بجوزك الطيب وهيه لا مثلا ..فربنا يسعدك ويبعد عنك اولاد الحرام.

 

والسؤال بتاع ربط الحزام ... متخافيش اوى كده ..بس زى مقلتلك فى الاول هتبقى فيه لخبطة شوية فى المصاريف لحد متقدرى تشوفى وتحددى الثوابت بتاعة كل شهر ..زى مصاريف المية والنور والحاجات الثابتة دى ..فتعمليلها مبلغ محدد اول كل شهر تخليه على جنب ..وبعدين تشترى اكلك بالاسبوع او الشهر على حسب راحتك لان ده بيوفر عليكى وقت ومجهود وكمان لما تشترى كمية بتاخدى خصم حلو ..وباذن الله ربنا يوسع رزقك انتى وزوجك يا رب

 

واختى الغالية الفقيرة الى الله تعالى بالنسبة لسؤالك

بس لي سؤال هل يجوز الام او الاب يخطب لبنته

وهل مثلا لو بنت عجبها واحد و عملت حاجة مثلا وصت حد يتكلم عنها او حاجة

و هل هدا يعتبر اخد بالاسباب ام انها تترك الامر لله

فهل هدا تفويض الامر لله لو ماعملت حادة ام انها حتى لو عملت يعتبر ايضا تفويض

انا مش شايفة انه فيها اى غلط ان البنت لو حست ان فيه ابن حلال انها توسط شخص موثوق فيه يتكلم عنها قدامه عسى الله يوفق بينهم ..بس اهم شئ انه الشخص الوسيط يكون ثقة ويراعى حرمة الناس ويراعى الله علشان ميفشيش سر البنت يوفهم الراجل انها هيه اللى موسطاه ..لانه احيانا ممكن الراجل يعاير زوجته بانها هيه اللى سعت للزواج منه ..فالواحدة لازم تخلى بالها من الوسيط كويس ..وربنا يصلح حال بنات المسلمين ويرزقهم الازواج الصالحين والذرية الصالحة يارب

 

اختى العزيزة amatul_rahmaan الف شكر على ردك الجميل ومرورك الجميل ..بس قوليلنا بقه انتى كمان متزوجة ولا لسة؟؟ وربنا يسعدك ويرعاكى

[om_mohamed 0]

اختى الحبوبة rime ايه بس الكلام الحلو ده كله عنى ..الف شكر ليكى يا حبيبتى ويارب اكون عند حسن ظنكم بى يارب

وانتى يا غالية اسالتك مهمة اوى وباذن الله نجاوب عليها والاخوات كمان يشاركونا بخبرتهم باذن الله ..بس انا لى تعليق بسيط ويارب اكون افدتك ..انتى قلتى ان مستوى التعليم بينك وبين خطيبك متفاوت ..بس هل دماغكوا متقاربة ..اهم شئ ..علشان ميبقاش فيه حساسية بينكم بعد الجواز وميحسش انك اعلى منه فى التفكير والتعليم وممكن يعمله عقدة منك.. فياريت تخلى بالك من الموضوع ده.لو افكاركم متقاربة يبقى التعليم مش اشكال ..لكن لو مفيش شئ مشترك بينكم يبقى ارجوا انك تعيدى النظر ..لان الواحد لما بيحب مبيعرفش يفكر صح .بس بعد الجواز بيتفاجئ بان فيه خلاف بينه وبين الشخص اللى ارتبط بيه ففكرى كويس

 

وبالنسبة لسؤالك

صاااااااارت عندي تخوفااات رهيييبه من موضوع الزاج الى حد اني في مرات بفكر اني افسخ

و عندي عدم ثقه بالنفس رهيبه ما بدري سببها رغم اني و الحمد لله دات جمال لاباس به و لا اعاني من اي مشكله صحيه.. و الحمد لله

و دايما بقووول لنفسي كيف سيجدني خطيبي بعد الزاج هل ساعجبه ام لا و هل و هل وهل الى حد الهوس

كلنا كنا كده بالذات كلما اقترب موعد الزواج ..انا كنت ببكى طول الليل قرب موعد الزفاف لانى خايفة معرفش امشى البيت ..خايفة نتخانق سوى.. خايفة من ليلة الدخلة ..بس صدقينى كل ده بيهون بس لازم تصفى تفكيرك اول الجواز هتلاقى نفسك زى الفل البيت ماشى تمام وباذن الله مفيش خناق والدخلة ان شاء الله هتبقى اجمل ليلة فى عمرك ..بس لازم تعرفى شئ ..مفيش اتنين مهما كانوا بيحبوا بعض بيبقوا زى بعض فى العادات والطباع مية فى المية ..طبعا فيه اختلاف ..فلازم تعرفى انك ممكن مثلا تتفاجئى بطبع يضايقك شوية ..زى انا اول الجواز مثلا جوزى كان يحب ينام والتلفزيون شغال طول الليل وانا مكنتش بعرف انام وكنت لما اطفيه يقلق ويشغله تانى .. لحد متفقنا نشغله فى الاوضة التانية علشان يبقى صوته بعيد شوية ..وحبة حبة بقينا نقفله والحمد لله.. فلازم تقابلى الاختلاف ده بهدوء شديد وتحاولوا توصلوا لحل وسط ..لان صعب الطبع يتغير بس ممكن تتكيفى مع الوضع باذن الله.

 

وبالنسبة لسؤالك

يا ستي انا بشرتي بيضه و شعريييي اسوددددد يوعندي شعر خفييييييييف يكسووو جسمي كله و ما راح تصدقوني ادا قلتلكو ان الشعر ده عاملي اكتئاب و عدم ثقه بالنفس

و سبب كل ده هو جهلي التااااااااااام بالعلاقه الخاااصه بين الزوجيييين فمعرفش الراجل بينتضر اييه من المراه في جسمها او طبعهاااا.....

وده عملي لخبطه و دووووووووووووووووووخه000000

بصى يا حبيبتى العلاقة بين الزوجين مش خناقة ولا حاجة والشعر ده علاجه بسيط ..ادخلى على منتدى زينك وجمالك هتلاقى نصائح جميلة من اختنا ام ريتاج هتفيدك كتير باذن الله..

الراجل اهم شئ ينتظره من زوجته ريحتها ..متستغربيش ..الريحة اهم شئ ..فالنظافة اهم شئ ..يعنى اتعودى كل يوم لما تخلصى شغل البيت تاخدى دش سريع قبل مازوجك يرجع من الشغل وغيرى ملابس شغل البيت وادهنى برفان هادى وخفيف ..ده فى حد زاته بيبسط جوزك جدا حتى من غير ميقول ..بس مجرد قعدته جنبك من غير ميتضرر من عرقك مثلا ده كفاية اوى ..لان فيه ستات تلاقى ريحتها توم وبصل ..وكمان الريحة الخاصة بالاماكن الحساسة اهم شئ نظافتها علشان متعملش ريحة ..ودايما الملابس الداخلية تتغير كل يوم .. دى حاجات بسيطة جدا ومش متعبة بس بتبسط جوزك وبتخليكى انت كمان نفسيتك حلوة ..وكمان التجديد حلو يعنى هقولك على حاجة انا بعملها انا بغير لون شعرى كل كام شهر ..وكمان القصة بغيرها برضه كل كذا شهر ..وجوزى بيتبسط جدا ..ويقولى انتى شكلك كده حلو والقصة دى مصغراكى ومخلياكى زى اول متجوزنا ..

التجديد حلو ..هتلاقى انتى نفسك من جواكى مبسوطة لما تلاقى شكلك حلو .ولما انتى هتبقى مبسوطة وسعيدة هتبقى هادية وجوزك يفرح بيكى وباذن الله تعيشوا اخر سعادة ومية مية

 

وبالنسبة لمقابلتك لخطيبك بعد 4 سنوات اكيد هتلاقى شخصيته اتغيرت ولو بنسبة قليلة فحاولى تعرفى التغيرات دى كويس وتشوفيها للاحسن ولا للاسوء بس زى مقلت قبل كده خلى بالك منه ساعة الغضب ..الراجل بيبان على حقيقته فى الغضب ..يعنى بصراحة انا ساعات كنت بتعمد انرفز جوزى واحنا مخطوبين علشان اشوف رد فعله ..بس الحمد لله طلع انسان محترم عمره مغلط في ولا قال كلمة جارحة ..فده اهم شئ ..وباذن الله كله خير وتعيشى فى سعادة وهنا

 

وياريت تعتبرينى اختك الكبيرة ومتتكسفيش منى واسالى اللى فى نفسك ..انا عازراك لانى مع والدتى كده برضه وربنا يسعدك باذن الله

[om_mohamed 0]

دردشة عن الحماة

اختبارات الحماة لزوجة ابنها

خلوا بالكوا يا حبيباتى من الاختبارات التالية والتى تعدها الحماة لزوجة ابنها ..وحتى ممكن ميكونش اختبار بس برضه خلى بالك فى الرد علشان تكسبيها فى صفك.هقولكوا اللى حصل معايا

 

1- لو ليكى اخت زوج ولسة متجوزتش زى عندى كده ..فحماتى كانت تقول قدامى يا ترى لما فلانة يتقدملها عريس هنجهزها منين بس المعيشة غالية والمصاريف صعبة ..قلتلها يا ماما متشيليش هم امال اخوها راح فين -اقصد زوجى لانه الكبير- باذن الله هيه تتخطب بس واحنا عنينا ليها وهنجهزها احلى جهاز فى الدنيا :angry: شفتوا النصاحة ..كده انا كسبت عندها نقطة وقعدت تدعيلى

 

2- لو جوزك بيحب يساعدك فى شغل البيت - انا جوزى يحب يبتكر فى الطبخ بس المطبخ مقولكوش بعد مبيخلص ببقى عاوزة افجره - فساعات حماتى كانت تقفشنا وهوه بيطبخ معاى .كنت اعمل نفسى بتخانق معاه وبحاول اخرجه من المطبخ علشان يرتاح واقولها شايفة يا ماما بيتعب نفسه ومش راضى يقعد فتقولى يا بنتى سيبيه براحته وخليه على مزاجه ..بدل متتخانق معايا وتقولى سايباه يتعب وانتى مرتاحه

 

3-لو حماتك سالتك جبتى مثلا نوع الجبن ده منين او اللحم اى حاجة من دى فتقوليلها من المكان الفلانى وتقوليلها هخلى جوزى يجيبلك منها وتحلفى عليها متشتريش وخلى جوزك فعلا يجيبلها لانها عاوزة تشوفك بخيلة معاها ولا هتمنعى عنها ابنها ولا لا

 

ده مؤقتا وباذن الله نكمل تانى

[ساجدة للرحمن 2050]

ايه ده كله....... إيه ده كله

هي دى النصاحه و لا بلاش

ربنا يبارك لك في حماتك و يهديها ليك ....اللهم آمين

وفعلا لازم الواحده تكسب حماتها بالمعامله الحسنه لأنها مهما كانت فهي أم ومش عايزه تحس إن إبنها في واحده تانيه أخدته منها

وصدقوني حب زوجك ليك هايزيد لو أمه تحبك وهي هاترضى عنك و عن زوجك ....وربنا إن شاء الله يرضى عنكم .

أنا من حوالي 3 أسابيع كان زوجي يكلم والدته ..(لإننا في غربه) طلبت إنها تكلمني و لما كلمتها و سلمت عليها لقيتها بتقولي بالحرف الواحد ....(والله يا فلانه أنا بحبك أكتر من ولادي )..... ممكن تكون مبالغه شويه لأن مافيش حد يحب حد أكتر من ولاده ....بس على الأقل حسيت إنها راضيه عنى و عن زوجي ودايما لما أكلمها أطلب منها أنها تدعيلنا وبحس بتوفيق ربنا لينا من دعاء حماتي لإبنها.

وكل أخت ماتنساش إنها هاتكون حماه في يوم من الأيام ...... وكما تدين تدان.......

ولى عوده إن شاء الله لإن الموضوع جميل

[~ أم العبادلة ~ 1903]

 

اختى العزيزة amatul_rahmaan الف شكر على ردك الجميل ومرورك الجميل ..بس قوليلنا بقه انتى كمان متزوجة ولا لسة؟؟ وربنا يسعدك ويرعاكى

بسم الله الرحمن الرحيم

 

السلام عليكم ورحمة الله وبركاته،،،

 

انا متزوجة من حوالي سنة وشهر وعندي عبدالرحمن عمره تقريبا شهرين وعلى فكرة احنا اتكلمنا مع بعض كام مرة في موضوع تجمع الامهات

 

اما بالنسبة للموضع ده فانا متبعاه من اوله وعجبني كتير

 

ربنا يبارك فيكي وفي جوزك ويرزقكم بالذرية الصالحة

 

والسلام عليكم ورحمة الله وبركاته

[*أم رقية* 473]

حبيبتي ام محمد وحشاني كتيرررر

نصائحك جميلة وخصوصا مع الحماة بس ان بقي مش قادرة اعمل بانصائح كلها ودة لاني اولا خلاص اتجوزت وفي الخطوبة كانت علاقتنا عادية يعني مش حميمة وبعد الجواز بقي في حاجات كده بتحصل مببقاش عارفة اعمل اية

مثلا احنا عيشين في بيت واحد بس كل واحد في شقته وانا اجتماعية بس مبعرفش اكسب الناس ودية مشكلة المهم ان جوزي مبيحبش الاختلاط وانا الاول مش كنت بنزل كتير مع العلم ان ابنها الثاني متجوز في البيت قبلينا باسبوع وزوجته كانت بتخاف تقعد لوحدها فكانت بتنزل وبردة كانت واخدة عليهم ومعندهاش موانع يعني يعني مش منتقبة وبتتكلم مع اخواته وانا لا فده عملي حجاب بينهم

الحاجة الثانية اني منفصلة عنهم والثانيه لا لان جوزها عايز كدة لانة بيبقي مش موجود كتير فالاكل معاهم واللي عاوزه اوصلهولك انا طبعا لازم تساعدها وتعمل معها شغل البيت

اما انا فكنت لما بفضي ساعات انزلها وساعات اروح لماما ودة بيعمل مشاكل بالذات لما (سلفتي) بدات تبصلي فكنت بحاول بقدر الامكان اقلل من دة وبقيت انزل اكتر واساعدهم وكمان باباه عايزنا علي طول ننزل وبيزعل مننا لما منسالش عليه

علي قد ماهما كويسين بس انا تعبت وبقي في شي في نفسيتي لاني كمان كنت مدللة ومش واخدة علي كدة

 

معذرة لللاطالة بس بجد شى محيرني ومش عارفة اعمل اية

[om_mohamed 0]

اختى الحبيبة ساجدة .هنيئا لك حب حماتك ده احسن شئ فى الوجود لانها لما تدعيلك وتحبك جوزك هيرضى عنك وباذن الله تعيشوا فى سعادة وهناء وربنا يرزقك الذرية الصالحة يارب

اختى amatul_rahmaan عاملة ايه وحشتينى انا مخدتش بالى معلش اننا بنتكلم فى تجمع الامهات الا بعد مبعت الطلب ده وربنا يديم المعروف وبالنسبة لابنك واظبى على وضعه لواحده فى العربية بتاعته وباذن الله يتعود ومتقلقيش وربنا يباركلك فيه وعقبال متخاويه

 

حبيبتى أم دنيا انت وحشانى اكتر مبتدخليش تردى علينا كتيير ليه ؟ عاوزينك دايما معانا وبالنسبة لاستفسارك انا عندى راى ويارب ينفع معاكى..بصى يا حبيبتى بعد الجواز اهلك هما اهل زوجك ..صحيح الواحد اهله هما امه وابوه بس ياريتك بعد الجواز تعتبرى ان حماتك هيه مامتك وانتى قلتى

خلاص اتجوزت وفي الخطوبة كانت علاقتنا عادية يعني مش حميمة وبعد الجواز بقي في حاجات كده بتحصل مببقاش عارفة اعمل اية

العلاقة ممكن تبقى حميمة حتى بعد الزواج انا هقولك اقتراح

 

حددى لاهلك يوم فى الاسبوع او يومين تروحى تزوريهم فيه وباقى الاسبوع تخليه لحماتك..ومش شرط تقضى اليوم كله عندهم ..حددى معاد مثلا تنزلى وتطلعى فيه كل يوم ..يعنى هقولك على فكرة حلوة ايه رايك تخلى الفطار عندهم ..وتقولى لحماتك الفطار من غيرك ملوش طعم ..ولما تدخلى البيت لازم تحسسى حماتك انك حاسة ان ده بيتك

يعنى قومى انتى حضرى الفطار -معلش هيه متعبة بس والله هتفرح حماتك اوى- وقوليلها ريحى انتى يا امى ودردشى معاها ..واساليها عن صحتها ولو عاوزة حاجة اقضيهالها

وبعدين خلى بالك من موضوع السلايف ده ..انا مثلا مرات ابنهم الكبير اول عروسة فى البيت يعنى وفى الاول برضه كان فى شوية مشاكل لحد الحمد لله بقيت زى بنتهم ويمكن اكتر كمان..ولما اخوه الاصغر اتجوز وجات سلفتى حسيت انى اتركنت شوية على الرف ..بس مغيرتش اى شئ فى معاملتى والحمد لله حماتى بتقول لاى حد تكلمه هيه ام محمد وبس مفيش غيرها ..فاوعى تتصرفى كرد فعل على تصرفات سلفتك ده هيمسح شخصيتك خليكى على طبيعتك بس حاولى تعدلى شوية فى علاقتك بحماتك وحماك

 

وبالنسبة ان حماكى عاوزكوا على طول تنزلوا عندهم ..لما تحددى الوقت اللى قلتلك عليه هتريحى دماغك وهتريحيهم..وكمان ده هينفعك باذن الله لما تجيبى اولاد هتحتاجيلهم يساعدوكى فمتخليهومش يحسوا انك بتاعة مصلحك حد لو مش قصدك .

 

وبالنسبة لاخوة زوجك مفيش مانع تتكلمى معهم فى حدود الادب بس دايما اسالى عن صحتهم ولو حد عنده مشكلة طيبى خاطرة ولو تعرفى تحليها حاولى ..حسسيهم انك اختهم هتكسبيهم فى صفك.. وبالنسبة لجوزك مبيحبش الاختلاط فهميه انك بتحافظى على صلة الرحم وده باذن الله فى ميزان حسناتكم

 

عموما جربى كده ونشوف وباذن الله خير بس زى مقلتلك حسسى حماتك انك فى بيتها بتبقى مرتاحة مش نازلة متضررة وتعالى على نفسك شوية علشان تكسبى جوزك لانهم لو اتضايقوا منك ممكن يكرهوا جوزك فيكى من غير هما ميحسوا كمان ..

جربى وفى انتظار ردك يا حبيبتى

[~ أم العبادلة ~ 1903]

 

وبالنسبة لاخوة زوجك مفيش مانع تتكلمى معهم فى حدود الادب بس دايما اسالى عن صحتهم ولو حد عنده مشكلة طيبى خاطرة ولو تعرفى تحليها حاولى ..حسسيهم انك اختهم هتكسبيهم فى صفك.. وبالنسبة لجوزك مبيحبش الاختلاط فهميه انك بتحافظى على صلة الرحم وده باذن الله فى ميزان حسناتكم

 

 

:icon15:

[~ أم العبادلة ~ 1903]

 

وبالنسبة لاخوة زوجك مفيش مانع تتكلمى معهم فى حدود الادب بس دايما اسالى عن صحتهم ولو حد عنده مشكلة طيبى خاطرة ولو تعرفى تحليها حاولى ..حسسيهم انك اختهم هتكسبيهم فى صفك.. وبالنسبة لجوزك مبيحبش الاختلاط فهميه انك بتحافظى على صلة الرحم وده باذن الله فى ميزان حسناتكم

 

 

:icon15:

[~ أم العبادلة ~ 1903]

 

وبالنسبة لاخوة زوجك مفيش مانع تتكلمى معهم فى حدود الادب بس دايما اسالى عن صحتهم ولو حد عنده مشكلة طيبى خاطرة ولو تعرفى تحليها حاولى ..حسسيهم انك اختهم هتكسبيهم فى صفك.. وبالنسبة لجوزك مبيحبش الاختلاط فهميه انك بتحافظى على صلة الرحم وده باذن الله فى ميزان حسناتكم

 

 

:icon15:

[~ أم العبادلة ~ 1903]

 

وبالنسبة لاخوة زوجك مفيش مانع تتكلمى معهم فى حدود الادب بس دايما اسالى عن صحتهم ولو حد عنده مشكلة طيبى خاطرة ولو تعرفى تحليها حاولى ..حسسيهم انك اختهم هتكسبيهم فى صفك.. وبالنسبة لجوزك مبيحبش الاختلاط فهميه انك بتحافظى على صلة الرحم وده باذن الله فى ميزان حسناتكم

 

 

:icon15:

[om_mohamed 0]

مش فاهمة يا اختى amatul_rahman تقصدى ايه ؟؟ انتى معترضة انها تكلم اخوة زوجها؟؟