اذهبي الى المحتوى
om_mohamed

لو عروسة جديدة او على وش جواز تعالى ندردش شوية

المشاركات التي تم ترشيحها

حبيبتي ام محمد وحشتيني كتيررررررررررررر

بس زعلانة منك اكترررررررررررررررررررررررررررررررررررررررررررررر

بقالي حوالي اسبوع مبدخلش عالنت وانت مسالتيش عليا خالص بجد زعلانة : :wink: :smile:

شارك هذه المشاركه


رابط المشاركه
شارك

اختي هدي جزاكي الله خيرا واللهي صعقت لماقرات الخبر هي ملها نادية ارجوكي طمنيني

اسال الله العظيم رب العرش الكريم ان يشفيها ويسهل عمليتها امين امين امين

شارك هذه المشاركه


رابط المشاركه
شارك

اخواتى معلش اتاخرت عليكم اصل انا عند حماتى اليومين دول فمبدخلش كتيير ..وباذن الله نتواصل اكتر لما اروح البيت

 

اختى ساجدة

و إن شاء الله ربنا يرزقك حجا مبرورا و عمره متقبله
آمين يارب العالمين

 

اختى هدى مالها نادية الف سلامة عليها ..ربنا يقومها بالسلامة يارب

 

حبيتى ام دنيا

حبيبتي ام محمد وحشتيني كتيررررررررررررر

بس زعلانة منك اكترررررررررررررررررررررررررررررررررررررررررررررر

يا خبر ابيض هوه انااقدر على زعلك بس والله بدخل بسرعة واخرج بسرعة اصل انا عند حماتى ..النهاردة بس يدوبك عرفت اكتب كلمتين ..انما والله كلكم واحشنى جدا وحاسة زى مكون قاعدة من غير اخواتى وباذن الله اول مروح البيت هزهقكم منى

 

والف سلامة على نادية وربنا يشفيها يارب

شارك هذه المشاركه


رابط المشاركه
شارك
يا خبر ابيض هوه انااقدر على زعلك بس والله بدخل بسرعة واخرج بسرعة اصل انا عند حماتى ..النهاردة بس يدوبك عرفت اكتب كلمتين ..انما والله كلكم واحشنى جدا وحاسة زى مكون قاعدة من غير اخواتى وباذن الله اول مروح البيت هزهقكم منى

ماشي هنعذرك المرة ديه يلا خليها علينا نعمل ايه بقي بنحبك وهنستناكي :blush:

شارك هذه المشاركه


رابط المشاركه
شارك

اخواتي العزيزات

 

انا تابعت كل الصفحات الخاصة بهذا الموضوع الاكثر من رائع ...

 

و قرات شغلات مفيدة... بس في شغلات خوفتني بجد من ايام بكرة ... طبعا انا مخطوبة ..و زواجي قريب بس لسه ما تحدد الموعد ..

 

خطيبي من النوع اللي بيغضب بسرعة ... و احيانا بيرفع صوته ..

 

بس لما يهدى و يروق ... ما في احلى و احن منه ...

 

هاي الشغلة كثير قلقاني ... خصوصا اني كمان من النوع الللي بيزعل مش بيغضب بسرعة

 

صراحة في شغلات خوفتني بموضوعكم ... و كتير حابة استفيد

 

و عندي كلام و اسئلة كتيرة بس راح تكون ان شاء الله بالتدريج

 

 

و جزاكم الله خير

شارك هذه المشاركه


رابط المشاركه
شارك

:cool: السلام عليكم حبيباتي كيف حالكن؟ :wub:

انا كثير حبيت النقاش دا وبتمنى اشاركن فيه :smile: وشكر كثير لأم محمد ع طرح الموضوع :rolleyes:

سامحولي دخلت لأتي لسا عــــــــــــــــــازبـــــــــــــــــــــــــــــــــــة :wub: بس في الطريق ان شاء الله. :wub: ادعو لي الله يكرمكن :rolleyes:

:wub: noursama بتحبكم :wub:

شارك هذه المشاركه


رابط المشاركه
شارك

ام محمد ازيك انا لاقيتك اون لاين قلت اسلم عليكِ

شارك هذه المشاركه


رابط المشاركه
شارك

موضوع ونقاشات جميله جدااااا

 

فعلا انا استفدت منها وشكرا كتيييير ليك ام محمد على كلامك ونصائحك الجميله وطبعا شكرا لكل اخواتى فى الموضوع

 

واتمنى اكون صديقه او اخت ليكم

 

انا ايمان مخطوبه بس عندى مشكله ان خطيبى كلامه قليل ومش بيتكلم معايا كتير رغم انه بيحبنى مش عارفه اعمل ايه

شارك هذه المشاركه


رابط المشاركه
شارك

إيه يا جماعه أنتوا فين

مجرد ما الواحد يقعد يومين ما يدخلش يلاقي كل واحده راحت في حته

أنا مستنياكوا

حبيبتي إيمي

انا ايمان مخطوبه بس عندى مشكله ان خطيبى كلامه قليل ومش بيتكلم معايا كتير رغم انه بيحبنى مش عارفه اعمل ايه

ممكن عشان أنتوا لسه مخطوبين مش قادر يتكلم في وجود المحارم أصبري لما تعقدى و إن شاء الله عقدة لسانه هتنفك

أما لو كان هو من النوع اللي مش بيتكلم كتير فأنصحك إنك تحاولي تشوفي اهتماماته إيه يعني الموضوع اللي يحب يتكلم فيه ( شغله مثلا أو الكوره { الله يهديهم }) كل الرجاله لما بتفتحيهم في موضوع الشغل ما بيسكتوش

أنتي عارفه أنا من كتر ما بكلم زوجي في شغله بقيت إيه..... أستاذه في الهندسه ههههههه

أعمل إيه بقى عشان يتكلم

و ربنا يتم ليكي على خير

شارك هذه المشاركه


رابط المشاركه
شارك

اخواتى الحبيبات وحشتونىىىىىىىىىىىىىىىىىىى كتييييييييييييييييييييييييييير .. الحمد لله رجعت من عند حماتى انبارح ..اخيرا :wacko:

 

وانا لقيت عضوات جديدات اهلا بيكوا نورتوا الموضوع يا حبايبى

 

اول شئ واجب اعتذار حار لحبيبتى ام دنيا اذا كنت قصرت فى السؤال عنها ..واحشانى جدا والله انتى وكل البنانيت الحلوين

ميار و noona298 و البت دموعة فجر و rime والصفاء و ساجدة للرحمن و sohandaو ام هبة 2 و انسيتم الجنة

zad1983 و ام مصعب2 و amatul_rahmaanو rafaa و غربة وحنين و الزهراء ونور 84

 

كلكم واحشنى اوى اوى ونرجع نتابع مع بعض تانى ..

 

بالنسبة لسؤال اختى أنوار المحراب

خطيبي من النوع اللي بيغضب بسرعة ... و احيانا بيرفع صوته

بس لما يهدى و يروق ... ما في احلى و احن منه ...

هاي الشغلة كثير قلقاني ... خصوصا اني كمان من النوع الللي بيزعل مش بيغضب بسرعة

 

يا حبيبتى كل الرجالة عصبيين .وبعدين هوه بيتعصب على الفاضى ولا بسبب لو بسبب ممكن الواحد يعالجه حاولى تعالجيه لو على الفاضية والمليانة يبقى هوه غاوى مشاكل بقه

.وعاوزة اعرف بيرفع صوته ..هل بيسبك او بيهينك مثلا ..لانه لو اتعود على كده من دلوقتى يبقى هيبقى اسوأ بعد الجواز .. ودى عن تجربة مع صديقاتى ..كانوا يقولوا بعد الجواز هيتعدل بس بالعكس بيبقى اوحش من الاول لانه لو دلوقتى بيراعى انك ممكن تسيبيه بعد الجواز بيبقى ضامن انك مش هتقدرى تسيبيه ..فلازم تاخدى بالك ..لو بيهينك الافضل انك تسيبيه لان النوع ده بيفضل كده على طول

 

و عندي كلام و اسئلة كتيرة بس راح تكون ان شاء الله بالتدريج
وانا فى انتظار اسئلتك يا حبيبتى وباذن الله يكون خطيبك راجل كويس مش من النوع اللى بيشتم

 

اختى الحلوة noursama

سامحولي دخلت لأتي لسا عــــــــــــــــــازبـــــــــــــــــــــــــــــــــــة بس في الطريق ان شاء الله. ادعو لي الله يكرمكن
انتى نورتينا وباذن الله ربنا يتمم بخير ويرزقك بالزوج الصالح والذرية الصالحة يارب العالمين

وباذن الله نتواصل مع بعض على طول

 

حبيبتى زاد وحشانى جدا والله يارب تكونى بخير وصحة وسعادة

 

حبيبتى emy20007

فعلا انا استفدت منها وشكرا كتيييير ليك ام محمد على كلامك ونصائحك الجميله وطبعا شكرا لكل اخواتى فى الموضوع

 

واتمنى اكون صديقه او اخت ليكم

الشكر لله وحده يا حبيبتى واهلا بيكى بين اخواتك وانا مستنياكى على طول واوعى تكسلى زى البنات الكسلانة اللى مسالوش عليا بس انا مسامحاهم بقه

 

انا ايمان مخطوبه بس عندى مشكله ان خطيبى كلامه قليل ومش بيتكلم معايا كتير رغم انه بيحبنى مش عارفه اعمل ايه

 

بصى يا حبيبتى فيه رجالة كده طبعا الهدوء مبيحبش يتكلم كتير ..بس اهم شئ افعاله هل بتدل على انه طيب وبيحبك وبيراعى ربنا ؟؟ ده اهم شئ وبالنسبة لموضوع الكلام بقه

راى اختى ساجدة هايل وممتاز ولو تقرى الموضوع من اوله هتلاقينى بقول ان اول نصيحة للبنت لما تختار شريك حياتها انه يكون فيه شئ مشترك بينهم علشان يلاقوا حاجة يتكلموا فيها

وساجدة قالت

أنتي عارفه أنا من كتر ما بكلم زوجي في شغله بقيت إيه..... أستاذه في الهندسه ههههههه
ده اكبر صح

لازم تشاركى زوجك فى اهتماماته وشوفى ايه اللى بيحبه واتكلمى معاه فيه واقرى عنه وباذن الله خير

ولو متكلمش بقه قوليلى وانا هتصرفلك معاه :laugh:

وربنا يوفقك ويسعدك يارب

 

وادينى رجعتلك يا حبيبتى ام دنيا

وهدوشك سؤال ورغى بقه

شارك هذه المشاركه


رابط المشاركه
شارك

السلام عليكم ورحمة الله وبركاته،،

ما شاء الله ولا قوة الا بالله موضوع بجد حلو اوي ومفيد اوي جزاكم الله خيرا

هو انا لسة مش متجوزة ولا مخطوبة بس بجد محتاجة لمشورتكم اوي انا متقدملي عريس هو ميعرفنيش ولا شافني ولا انا شوفته بس هو احد معارف اخويا فأنا لسة هشوفوا بكرة واتكلم معاه طبعا في وجود اخويا بس انا مش عارفة اتكلم معاه في ايه ولا اسأل علي ايه وبجد قلقانة اوي وعايزاكم تقوللي ايه المواضيع اللي اتكلم فيها وايه اللي متكلمش انا بجد محتارة وخايفة

ارجو الرد بسرعة لان الموعد بكرة :wacko: :laugh:

 

وجزاكم الله خيرا :biggrin:

شارك هذه المشاركه


رابط المشاركه
شارك

السلام عليكم ورحمة الله وبركاته

:wub: نصائح و ارشادات زوجية فعلا في قمة الروعة برافو عليكن :oops:

انا عندي سؤال اتمنى القى جواب لديكن ؟؟؟ :icon17:

واحدة صحبتي مخطوبة ولما ح تتجوز حتعيش مع حماتها اخ زوجها وامراتو. بس هي بتقول انهم طيبين اوييييييييي والله اعلم :sad: بعد الجواز :wacko: هي كدا خيفه.....

وسؤالها الي حيرتني به :wub: وعوزاني اساعدها فيه.. بس انا معرفش ومعنديش خبرة في الأمور دي..وفكرت في اخواتي و حبيباتي يا ريت القى الحل عندهن :icon15:

تقول لو انا حبيت اجعل زوجي في جو رومانسي لوحدنا وتعمل لوووو مفاجاءات رومانسية الخ... بتفكر انها مش لوحدها فمعاها حماتها و مراة اخ زوجها، تتراجع....

 

ارجكن اخواتي الي عندها اي فكرة تقول لي علاشان اطمنها والفف شكر لقلوبكن الطيبة

 

بحبكن في الله :wub:

شارك هذه المشاركه


رابط المشاركه
شارك

اختى الغارقة

مرحبا بيكى بيننا وربنا ييسر لك الامر بما فيه الصالح لكى ان شاء الله

اخويا فأنا لسة هشوفوا بكرة واتكلم معاه طبعا في وجود اخويا بس انا مش عارفة اتكلم معاه في ايه ولا اسأل علي ايه وبجد قلقانة اوي وعايزاكم تقوللي ايه المواضيع اللي اتكلم فيها وايه اللي متكلمش انا بجد محتارة وخايفة

بصى يا حبيبتى اول شئ اساليه عن شغله وطبيعه عمله وسيبيه يحكى واسمعيه كويس شوفى بيتكلم ازاى ..؟هل بيحب شغله ولا اهو شغل وبس ..هل عنده طموح ؟؟ اساليه نفسه يعمل ايه فى شغله قدام شوية ..متقوليلوش هتعمل ايه فى حياتك قوليله فى شغلك ..علشان لو قلتى حياتك هيفتكر انك بتلمحى على الجواز منك ..سيبيه هوه هيتكلم لوحده

واساليه ايه هواياته ؟؟؟ اساليه بيحب المراة العاملة ام لا؟؟ بيعمل ايه ايام اجازته ؟؟ علشان لو من النوع اللى بيريح فى البيت يبقى مش هيفسحك هههههههههههههههههه

بيصلى ولا لا؟ بيقرا قرآن ؟؟ بيصلى فى المسجد ولا البيت ؟؟ بيتفرج على التلفزيون والاغانى والكلام ده ؟؟ ومن رودوه هتقدرى تعرفى حاجات كتير عنه ..وبرضى لاحظى هل دمه خفيف ولا تقيل ؟؟ لان الانسان المرح بيكون مرح فى بيته وبيسعد زوجته باذن الله

وربنا يوفقك لما يحبه ويرضاه

ولو حصل نصيب باذن الله ادعيلنا بقه

 

حبيبى noursama

انا عندي سؤال اتمنى القى جواب لديكن ؟؟؟

واحدة صحبتي مخطوبة ولما ح تتجوز حتعيش مع حماتها اخ زوجها وامراتو. بس هي بتقول انهم طيبين اوييييييييي والله اعلم بعد الجواز هي كدا خيفه.....

هيه هتعيش معاهم فى نفس الشقة؟؟؟ ولا فى شقة منفصلة؟ لو معاهم فى نفس الشقة انا افضل لا .. لان هيبقى فيه مشاكل مش هتبان الا بعد العشرة ..وبعدين اخو زوجها هيبقى معاها فى الشقة وده هيحد من حريتها جدا ..واحيانا ممكن تحصل خلوة ولا حاجة ..فمش مفضل الموضوع ده

انما لو شقة لوحدهم وفى نفس البيت مفيهاش مشاكل باذن الله لانهم برضه هيبقوا لوحدهم فى بيتهم ومحدش هيضايقهم

 

وسؤالها الي حيرتني به وعوزاني اساعدها فيه.. بس انا معرفش ومعنديش خبرة في الأمور دي..وفكرت في اخواتي و حبيباتي يا ريت القى الحل عندهن

تقول لو انا حبيت اجعل زوجي في جو رومانسي لوحدنا وتعمل لوووو مفاجاءات رومانسية الخ... بتفكر انها مش لوحدها فمعاها حماتها و مراة اخ زوجها،

لو معاهم فى نفس الشقة هيكون صعب يا حبيبتى ..وانا لا احبذ انها تتزوج منه لانها مش هتعيش سعيدة.. عارفة لو حماتها بس معاها كنت اقولك مفيش مانع لانها امه ومش معقول هيرميها فى الشارع

لكن اخوه وزوجة اخوه كمان صعب ..وكمان لسة هيبقى فيه اولاد هتبقى زحمة جدا ومش هتعرف تتلم على جوزها نهائى

بس زى مقلتلك لو شقة منفصلة مفيش مشاكل خالص وباذن الله تعيش سعيدة ومبسوطة

وانا تحت امرك وربنا ييسر الامر ليكى ولصاحبتك يارب العالمين

شارك هذه المشاركه


رابط المشاركه
شارك

ويا حبيبتى لو مش قادر يجيب شقة ممكن يفكر فى الايجار الجديد على الاقل هتكون شقة منفصلة وبعدين هل اخوه هيعيش معاهم على طول؟؟ من فضلك وضحيلى الظروف شوية

شارك هذه المشاركه


رابط المشاركه
شارك

اختى الحبيبة zad1983 اشكرك على ردك وخوفك على والله هو الحارس ..والف مبروك عليكى يا اختى ام مصعب وعقبال منبارك على مجئ مصعب ويبارك لك فى زوجك وحياتك باذن الله وعندك حق ساعات الواحد يقول فين ايام الراحة وخلو البال ..بس بعد كده بقول ضحكة واحدة من اولادى بالدنيا كلها وربنا يرزقك بالذرية الصالحة ويسعدك يارب

 

بالنسبة لاسئلتك بقه يازاد فاول ايام الزواج على اد مهى حلوة على اد مهى صعبة ..الواحدة بتبقى حاسة بلخبطة شديدة جدا جسديا طبعا ونفسيا ..يعنى مثلا بتسمعى عن البنات اللى بتعيط ليلة الدخلة ..انا بقه عيطت رابع يوم ليه متعرفيش يا بنتى كنا بنتفرج على التلفزيون وفجاة انفجرت من العياط وقلت له ودينى لماما وحشونى عاوزة اروح .المهم الراجل كتر خيره صبر وقعد يطبطب عليا وقالى خلاص هوديكى متزعليش ..وبعد كده سيبك نسيت الدنيا واتلبخت بحياتى الجديدة بقه

 

المهم انك تكونى هادية وتعرفى انك مقبلة على مسئولية كبيرة اوى بس برضه على سعادة غامرة ..فالبيت بيتك ملكك ..تطبخى اللى انتى عاوزاه ..تعملى اللى تحبيه ..انا اول الجواز كنت لما اكسر كوباية او طبق اضحك اوىىىىىىىى..جوزى يقولى بتضحكى ليه اقوله اصل فى بيتنا كان زمان ماما اديتنى كلمتين فى العضم

المهم انه ده هيبقى بيتك مملكتك باذن الله واهم شئ ترتبى اولوياتك علشان متتعبيش

طبعا اول شهرين كده الاحوال المالية هتبقى اخر لخبطة وهتلاقى الفلوس بتطير ..طبعا فسح فى الاول بقه وهدايا ..والواحد مش عارف يصرف ايه ويجيب ايه وبعد كده بتظبطى نفسك

مثلا اول كل شهر تاخدى مصروف البيت من جوزك وتعملى ميزانية بسيطة خالص

تطلعى ايجار البيت والمية والنور على جنب

واحسن شئ تشترى الاكل بالشهر او بالاسبوع على حسب متقدرى تشيلى انتى وزوجك ..وعلى فكرة عوديه يجى معاكى السوف وتشتروا سوى بتبقى لحظات حلوة وكمان بيعرف الاسعار ويتابع علشان ميقولكيش الفلوس بتطير والكلام ده لما ينزل معاكى هيعرف

يعنى فى الاول مثلا تشترى الاكل وتطيه فى الفريزر علشان متنزليش السوق كل يوم ..وتطبخى واظبطى كمية اكلك حسب انتى وزوجك يعنى لو اكيلة اوى يعنى ابقى اعملى 3 كوباية رز لو بتحبوه ..لو مكرونة كفاية نص كيلو ..يعنى تظبطى كده وباذن الله كله خير ومتقلقيش الست بتتولد ست بيت وهيه مش عارفة وباذن الله هتبقى خبرة مع الوقت

وربنا معاكى باذن الله

ويرزق بنات المسلمين بالازواج الصالحين والذرية الصالحة وانا فى الخدمة اسالى بس

شارك هذه المشاركه


رابط المشاركه
شارك

حبيبتي ام محمد مرسيييييييييييي اويييييييي ع النصائح بس حوضح لك اكثر هي كانت قالت لي عندهم 3 طوابق في البيت و اظن انهم حيقسموهم على بعض كل واحد بطابقو....واظن حيكون احسن ...ويجتمعو في الاكل وما شابه معرفششش؟؟؟؟؟؟؟؟؟؟؟؟؟؟؟؟؟؟

شارك هذه المشاركه


رابط المشاركه
شارك

حبيبتى عود المسك نورتينا ومستنينك تتواصلى معانا على طول

 

حبيبتى الغارقة

واسألكم الدعاء لي بتيسير الامور
اى خدمة وربنا ييسر لك امرك باذن الله

 

حبيبتى noursama

هي كانت قالت لي عندهم 3 طوابق في البيت و اظن انهم حيقسموهم على بعض كل واحد بطابقو....واظن حيكون احسن ...ويجتمعو في الاكل وما شابه معرفششش؟؟؟؟؟؟؟؟؟؟؟؟؟؟؟؟؟؟
اذا كان كده فمفيش مشاكل باذن الله وتقدر تعمل جو رومانسى براحتها فى شقتها بقه ههههههههههههه

وباذن الله ربنا يسعدها ويسعدك يا حبيبتى

شارك هذه المشاركه


رابط المشاركه
شارك

جزاك الله خيرا ام محمد والله يكرمك بلي تتمنيه في دنيا و اخرة :icon17:

ونا مش حتردد :idea: وحوصل الخبر الحلو دا لصحبتي وحتدعي لك باذن الله :icon17:

احبك في الله :idea: noursama

شارك هذه المشاركه


رابط المشاركه
شارك

السلام عليكم ورحمة الله وبركاته

جزاكم الله خير الجزاء انا باذن الله هتزوج كمان اربع شهور وفعلا استفدت كتير من كلامكوا ونصايحكوا الجميله وشكري الخاص للاخت ام محمد وطبعا باقي الاخوات جزاهم الله خيرا

بس هو انا عندي استفسار معرفش حد من الاخوات طرحوا ولا لسه وهو

انا وخطيبي بفضل الله فينا حاجات مشتركه كتير بس في حاجه انا قلقانه منها جدا وهي اني بطبيعتي بحب اسمع اكتر من اني اتكلم وبيجي علينا اوقات بسكت وهوكمان بلاقي ساكت واحنا قاعدين مع بعض وطبعا بيكون معانا محرم فانا خايفه ان ده يحصل بعد الزواج وعارفه ان ده لو حصل هو هيمل مني ويزهق مع العلم اني اتخطبتلوا اقل من شهر وسافر بلد تاني وهيجي يتزوجني وياخدني معاه يعني مش هيكون في وقت اقرب منه في عقد يعني ,بس انا مش عارفه احنا بنسكت كده ليه يمكن عشان اخويه او ابويا بيبقوا قاعدين ولا ده عيب فيا ولازم اغيروا عشان ميملش مني والحياه بينا هتكون طويله باذن الله

انا اسفه اني طولت عليكو بس بالله عليكم افيدوني افادكم الله

شارك هذه المشاركه


رابط المشاركه
شارك

حبيبتى أمة الله العفو

 

شئ جميل جدا ان يكون فيه حاجات مشتركة كتير بينك وبين زوجك ..واحيانا يا حبيبتى عدم الكلام بيكون ضرورى علشان تشحنى مخك شوية ههههههههه مهو مش معقول كلام 24 ساعة.

انا احيانا بكون اقرا فى كتاب وجوزى بيشتغل على الكمبيوتر وبنفضل جنب بعض ساكتين ممكن بالساعات ..ده مفيهوش مشاكل خالص واحيانا بيدينا فرصة نفكر ونهدأ...

 

مش عارفه احنا بنسكت كده ليه يمكن عشان اخويه او ابويا بيبقوا قاعدين ولا ده عيب فيا ولازم اغيروا عشان ميملش مني والحياه بينا هتكون طويله باذن الله
اعتقد انا كمان ان سكاتكم راجع لوجود المحارم طبعا ده بيقلل كتير من تنوع الكلام بينكم وده جزء كبير منه هيختفى بعد الجواز باذن الله

 

واحيانا يا حبيبتى زوجك يحتاج لهدوء فمش من العقل انك تزعجيه بالرغى على طول ..بس بقه لو لقيتى السكات طول ممكن تكسرى حاجز الصمت مثلا تقوليله تحب اعملك شاى او قهوة او اى شئ بيحبه وبعدين تتكلمى معاه عن شغله عمل فيه ايه النهاردة .. تحكيله عن خبر سمعتيه وتناقشيه فيه ..المهم انك تحاولى تكسرى الصمت ده لو طول عن اللازم طبعا.

 

وبعدين حاولى تعرفى ايه هواياته ..لو بيحب يقرا شوفى كتب ايه اللى بيحبها واقرى منها وناقشيه فيها..ومفيش مانع تطلبى منه شرح جزء معين من الكتاب لانك عاوزاه يوضحهولك - حتى لو انتى فاهماه - هينسجم معاكى ويبدا يتكلم

ولو بيحب الرياضة اساليه امتى معاد الماتش مثلا.. مين كسب الماتش الفلانى ..اخبار اللاعب الفلانى ايه وهكذا

 

قرروا انكم تحفظوا القرآن سوى واتفقوا على كده من دلوقتى ..يبقى لو سكت قوليله تعالى نسمع لبعض ونراجع سوى

 

المهم يا حبيبتى خليكى متجددة فى افكارك اقرأى كتير وباذن الله هتزهقى من كتر الكلام وتقولى ياريته يسكت شوية

وربنا يسعدك ويرزقكم الذرية الصالحة باذنه تعالى

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×