لو عروسة جديدة او على وش جواز تعالى ندردش شوية

[om_mohamed 0]

اختى امة الرحمن انا معاكى طبعا انه ده يتوقف على شخصية الرجل ..وانا معاكى ان الواحدة لازم طبعا تستاذن قبل متقبل عزومة حد او تقبل حاجة من حد ..انا كان قصدى بقه ان الاذن المفتوح بينفع زى فى حالة زوجك - ربنا يرده ليكى سالما باذن الله- لانه احيانا الاتصال بيتعذر

 

انا مثلا واخدة اذن مفتوح ان ليا صديقة اى وقت نحب نخرج سوى مفيش مشاكل بس الصديقة دى فقط لانه يعرفهم كويس ويعرف زوجها واخلاقهم ..بس انا من نفسى برضه ببلغه انى هخرج معاها ولو موافقش لاى ظرف بعتذرلها عادى يعنى

وبرضه لما بنزل اشترى اى حاجة بكلمه فى الشغل واطمنه علي واشوف لو عاوز حاجة مخصوص اشتريهاله

 

ونقطة تانيا ان كثير من البنات متعودة على الاستقلالية وانها ما تستاذنشي في مشاويرها او قرارتها وخصوصا لو كانت بتشتغل وده بيخليها بعد الزواج تتعب شوية مع جوزها لانها بتستمر على كده بالنسبة لي اخدت وقت كبير على ما عودت نفسي ان حياتي مش ملكي وحدي وان دلوقتي في انسان بيشاركني فيها

وانا كمان كنت زيك وبالذات لانى كنت بشتغل فبتصرف من دماغى دايما ووالدى الحمد لله كان مديلى ثقة كبيرة وكنت قدها والحمد لله

بس لما اتجوزت اتاقلمت بسرعة والحمد لله ..ساعات كنت بنسى استاذنه فى الاول ..بس هوه الحمد لله فهمنى بلطف وزوق وقعلا مبقتش انسى الحمد لله

 

والف شكر على توضيح موضوع الاستخارة ..

[الزهراء 4]

السلام عليكم ورحمة الله وبركاته،،

ممكن أنضم لكم يا عرايس :cry:

أنا فرحي قريب جداااااااا

وعاوزة أستفيد منكم بارك الله فيكم

[om_mohamed 0]

اهلا بيكى يا الزهراء يا حبيبتى يسعدنى انضمامك وانا فى الخدمة اى سؤال اتفضلى

[rime 0]

ام محمد حبييييييييييييييبتي

 

تشكريييين على نصايحك المهمه :biggrin:

 

 

جزاك الله خيرااااااااااااااااا

:grin: :wub: :wub:

 

 

 

 

بالنسبه لعائله خطيبي

فانا سبق ان دكرت انه ابن خاااااالي و ابووووووووووه طيب طيب طيب يوخد به المثل في الاخلاق و الطيبه في العيله كلها :smile:

 

وهناك تفاهم و الحمد لله بين عائلتينا و هدا الدي اجبر اسرتي على القبووول لانهم خجلووووو يرفضو لخالي طلب خيروو سابق :grin:

 

بس الشخط و الرفض و الزعل صبوووه فيا انا :wub: بس معلش يللي يريد العسل يصبر على لدغ النحل :sad:

 

 

ادن نتوكل على الله :ohmy:

 

بس حبيبتي ارجوو انك تفيديني من علاقتك الشخصيه مه زوجك ادا سمحتي :laugh: يعني زاي بتتعاملي معااااه وازاي بتخليكي متيره معاااه

يعني بتنصحيني بايييه عشان ما اكووون ممله و لا اكوون غامضه في نفس الوقت

 

 

و تشكرييييييييييييييييييييين

في انتضاااارك

:dry: :wub: :wub:

[om_mohamed 0]

فرحتينى يا ريم بتفاهم العائلتان فاستبشرى خير باذن الله تعالى اما عن تعاملى مع زوجى ..انا حاطة فى دماغى من اول يوم ان مفيش انسان كامل ودرست عيوبه كويس قبل الجواز لقيتها ممكن التاقلم معاها لو معرفتش اغيرها فتوكلت على الله واتجوزته

 

بصى الملل بيقتل كل شئ حلو ..انتى نفسك بتملى لما تكررى الشئ كل يوم..تخيلى لو طلبت منك تاكلى تفاح كل يوم ..مع انه فاكهة حلوة بس لو كلتيها كل يوم هتزهقى منها ويبقى نفسك فى اى صنف تانى حتى لو ارخص

 

الراجل برضه كده بيمل وبيحب يغير لانه كمان معظم الوقت برة البيت وشايف البنات واللى عاملينه فى نفسهم ربنا يهدى الجميع فبيقارن بين اللى برة واللى فى البيت ..فانا حكيتلك انى كل فترة بغير لون شعرى..وقصة شعرى..استايل لبسى بغيره على طول

 

بس اهم شئ بقه انك تتغيرى من جواكى ..متبقيش مملة تكررى نفس المواضيع هيه هيه..شوفى اهتمامات جوزك ايه وكلميه فيها ولو متعرفيش ادرسيها ..لو تعرفى الداعية د/عبلة الكحلاوى مرة فى لقاء لها فى التلفزيون قالت انها راحت درست فى معهد متخصص فى الهندسة علشان جوزها فكسبته فى صفها ومرة خرج يسهر مع اصحابه رجع بدرى وقالها مش لاقى حد اتكلم معاه ويفهمنى زيك

 

شفتى ببساطة ازاى ومن غير خناق عرفت تقعده معاها بارادته وبرضاه

 

اما بالنسبة لابو محمد يا ريم هوه عصبى شويتين فانا اتعلمت انى لا اناقشه ابدا فى لحظات انفعاله بسكت خالص ومبردش وبهدى الجو وبعد شوية كده لما بيروق بتكلم معاه واتناقش بعقل فى المشكلة

 

بس فيه ساعات لازم تنفجرى فيها وتقفى له فى وقتها والا ميبقاش ليكى لازمة ..يعنى مرة واحد صاحبة طلع فى دماغه ياخد قرض من البنك علشان نجيب شقة اكبر وكان مصمم على كده ..فقلتله ان ده حرام لقيت مفيش فايدة ..قلتله لو جبت شقة من القرض روح عيش لواحدك فيها

 

هوه زعل بس حس انى مبهرجش وانا فعلا مكنتش بهرج ..فرجع عن قراره والحمد لله فلازم تعرفى امتى تقفى وتنفجرى وامتى تنحنى حتى تمر العاصفة

وربنا يسعدك فى حياتك يارب العالمين

[rime 0]

ااااااااااااااااااااااااميييييييييييييييييييييييييين ياااااااااااااااااا رب

 

 

 

 

 

بشكرك حبيييييييييييبتي على ردودك الطيبه

 

نفعتيني جداااااااااااااااااااااااااااااااااا جداااااااااااااااا

الله يجزيكي بالخييييييييييييير

 

 

احبك في الله

 

و السلام عليييكم

:oops: :blush: :wub:

[om_mohamed 0]

وعليكم السلام ورحمة الله وبركاته يا ريم ..بس اوعى تغيبى عننا ودايما عرفينى اخبارك وعاملة ايه..ربنا يسعدك

[ساجدة للرحمن 2050]

ربنا يبارك فيك أختي أم محمد

أنا شايفه إنك غيرتي الصوره هو ده محمد و مريم

ربنا يخليهملك و يبارك لك فيهما

 

 

 

أنا عايزه أقول حاجه بالنسبه للمخطوبات هي حاجه صغيره بس مهمه

وهي أن أي واحده مخطوبه لازم تاخد بالها خطيبها بيعامل والدته إزاي و بيعامل أخواته ازاى لأن اللي مالهوش خير في أهله مالوش خير في أي حد تاني

يعني تشوف بيبر مامته و لا لأ بيعمل إيه مع إخواته (أنا والدتي كانت تقولى زمان إن الواحد بيعامل زوجته زي ما بيعامل أخته ) يعني ولو تعامله مع أخواته البنات وحش يبقي تخافي من النوع ده

دي حاجه على السريع كده بصراحه ولو افتكرت حاجه هاقولها مع اني أنا شايفه إن أم محمد قايمه بالواجب ربنا يبارك فيها

[om_mohamed 0]

أنا شايفه إنك غيرتي الصوره هو ده محمد و مريم

ربنا يخليهملك و يبارك لك فيهما

ويبارك فيكى يارب ويصلح حالنا جميعا

 

والله ينور عليكى مظبوط طبعا اللى ملوش خير فى اهله ملوش خير فى حد ..وايوه كده عاوزينكم تصحصحوا معايا ونكمل بعض

[om_mohamed 0]

دموعة فينك مش باينة ..وحبيباتى كلهم مختفيين ليه النهاردة ..عاوزة اطمن على اخباركم يارب تكونوا كلكم بخير

[دمعة فجر 0]

دموعة فينك مش باينة

ام محمد مشتأتلك كتييييييير يارب تكوني بخير وكويس انك افتقدتيني

بس ايه النقاشات الساخنة دي والنصائح الجميلة رهيييييبة

بصي انا دلوقتي مستعجلة عايزة البس اروح الجامعة بس ارجع ابقي اغلس عليكم

 

بس عندي حاجة سريعة الغيييييرة وماادراكي مالغيرة شو اعمل فيها خطيبي بغار كتير انتي شو رأيك بالموضوع ونخفف الغيرةدي ازاي؟

بس بجد تسلمي في حاجات كانت غايبة عن بالي وانتي ذكرتيني بيها ربنا يخليكي لينا يارب ومايحرمنا من نصائحك الجميلة

 

ماتنسيش تدعيلي ^_^

تم تعديل 24 اكتوبر, 2007 بواسطة دمعة فجر

[omjana 6]

حبيبتى zad عاملة ايه وايه اخبار خطيبك يارب يكون كله تمام قوليلنا اخر اخبارك

السلام عليكم ورحمة الله وبركاته،،

 

 

ازيك ام محمد

 

كيف حالك

 

الحمد لله رب العالمين كله تمام بفضل الله ومنه وكرمه علينا

 

جزاكِ الله خيرا على طيبك حديثا

[*أم رقية* 473]

يااااااااااه كل النقاشات دية وانا نايمة طيب :icon17:

حبيبتي ام محمد وحشاني انا فاهمة قصدك وكلامك لان زى ما ذكرتي ان ظروفنا متشابهة وساعات فيه حاجات بتفرض نفسهاعلينابس فعلا الاخت امه الرحمن معها حق لان محدش بيتحاسب مكان حدوفعلا اللي احنا بنحاول نعملة هو الانفصال بعض الشى

مثلا انا ذكرت ان كل واحد في شقته والكلام ده ليه انا اكتر لان زوجي الحمد الله ملتزم فمكنش فيه بيني وبين اخواته غير السلام عليكم وعليكم السلام

بس بقي لما جه رمضان قالو كلنا نبقي مع بعض ومن حنا حدث الاختلاط يعني كلنا في مطبخ واحدلازم حد يسال علي حاجة بيناول حاجة يعني بداالكلام بس بره عمره مايتعديالاسئلة العادية والحمد لله عمر ما اتفتح بينا حوار ابدا ودة برضة لان زوجي فصل اكل النساء عن الرجال

 

 

 

 

اللي محيرني دلوقتي ان رمضان خلص ورجع الانفصال تاني فعشان مش عايزاهم يزعلو بحاول انزل اقعد معاهم وبجرب نصائحك وادعيلي :wub:

[omjana 6]

اختى ام دنيا تقصدين اختلاطك بازواج اخوة زوجك ام ماذا؟

[*أم رقية* 473]

اختي زاد حياكي الله

نعم اقصد اخوته

[om_mohamed 0]

حبيبتى دموعة ..الحمد لله انك بخير وربنا يوفقك فى دراستك باذن الله

بالنسبة لموضوع الغيرة ده مش هيكون اكتر من جوزى ..انا جوزى بيغير من كل الناس حتى احيانا لما اخويا كان يهزر معايا كان يغير ..بس ده دليل الحب يا بنتى مش احسن ميكون مش فارقة معاه .. المهم انك تشوفى ايه اللى بيزعله ومتعمليهوش..يعنى لو فيه حد من قرايبك بيكلمك بلاش تكلميه ولو فيه حد من زمايلك بيكلمك بلاش برضه

 

وانا بصراحة مكدبش عليكى كنت بكلم زمايلى الاولاد -قبل الالتزام يعنى - بس اول متخطبت قلتلهم بصراحة معلش مش هقدر اتكلم معاكوا تانى علشان خطيبى ميزعلش ..ومتتصوريش احترموا ده اد ايه ومبقاش فيه اكتر من صباح الخير والسلام عليكم وبس لحد مبطلنا كلام خالص والحمد لله

 

فنصيحة شوفى ايه اللى بيخليه يغير وبطلى تعمليه ..بس الغيرة حلوة يا بنتى الواحدة بتحس انها متجوزة راجل مش واحد مش فارقة معاه

 

 

حبيبتى zad

الحمد لله رب العالمين كله تمام بفضل الله ومنه وكرمه علينا

 

جزاكِ الله خيرا على طيبك حديثا

الحمد لله رب العالمين يارب دايما بخير وسعادة

 

حبيبتى ام دنيا ..وحشانى كتير ..شوفتى النقاش سخن ازاى وانتى مش هنا ..خليكى متابعة معانا بقه علشان متفوتكيش حاجة

بس بره عمره مايتعديالاسئلة العادية والحمد لله عمر ما اتفتح بينا حوار ابدا ودة برضة لان زوجي فصل اكل النساء عن الرجال

الحمد لله ان جوزك انسان ملتزم وبيساعدك على كده وده احسن طبعا ..انا انبارح لسة كنت بسمع الشيخ محمد حسان وواحدة اتصلت بيه وقالت ان اخو جوزها حاول يطلعلها الشقة وجوزها مش موجود اكثر من مرة ولما قالت لجوزها وواجه اخوه انكر ..فالحمد لله ان الزوج واعى لخطورة هذه الاشياء وربنا يسترنا جميعا

 

اللي محيرني دلوقتي ان رمضان خلص ورجع الانفصال تاني فعشان مش عايزاهم يزعلو بحاول انزل اقعد معاهم وبجرب نصائحك وادعيلي

بس حاولى ان كل قعدتك تكون مع حماتك الزقيلها يعنى ومتقعديش مع حماكى لوحدكم برضه ..وربنا يسعدك ويهديلك اهل زوجك وزوجك يارب العالمين

 

فين بقيت الناس بقه انا هزعل منهم علشان مبيسالوش

فينك يا ميااار وعاملة ايه؟

وnoona رحتى فين وعاملة ايه؟؟

والصفاء

وساجدة للرحمن

م هبة2

انسيتم الجنة

ام مصعب

و sohanda

 

رحتم فين بقه كلكم عاوزة اعرف عاملين ايه؟

[om_mohamed 0]

واختى amatul_ramaan فينك بقالى كتير مبشوفكيش يارب تكونى بخير

[~ أم العبادلة ~ 1903]

بسم الله الرحمن الرحيم

 

السلام عليكم ورحمة الله وبركاته،،،

 

حد بينادي علي؟؟ انا هنا اهوه يا حبيبة قلبي ... كنت بس عندي مسلسل مكسيكي على راي نادية في الشارع اللي ورا وكان لازم اخلص كتابة احداثه

 

معلش يا ام محمد هقطع عليكي شوية ...

 

ام دنيا: انتي ممكن تنزلي الصبح لما يكون كل الرجاله في الشغل او الدراسة واقعدي مع حماك وحماتك ... على فكره حماكي محرم عليكي تحريم ابدي يعني هو من محارمك وزي والدك وممكن تقعدي معاه عادي وتكشفي وشك وشعرك قدامه ... اما اخوان زوجك الاولاد واولادهم او ازواج اخواته البنات واولادهم فهم ليسوا محارم

 

بعض الافكار علشان تفصلي بين النساء والرجال

بصي يا ستي ... انتي ممكن تيجي في يوم وقولي للحريم تعالوا نقعد بالمطبخ ونعمل شوية حاجات زي اكلات جديدة وطبعا الرجالة مش هيقعدوا معاكم ... ومرة تانية قوليلهم تعالوا نقعد في الغرفة وكلميهم في مواضيع حريمي شوية اللي مش ينفع تتقال قدام الرجالة ... وهكذا كل مرة اطلعي بحجة لغاية ما يتعودوا

 

الموضوع محتاج عزيمة وتصميم ومحدش يقدر يجبرك على شئ ... ولو لا قدر الله الامور مشيت مش حلو ومافيش مفر انهم يوافقوكي ... يبقى اقعدي لوحدك ... ولو قالولك انتي عايزة تفرقينا عن بعض ... قولي انتم اللي عايزين تفرقونا عن بعض وبعدين محدش غصبكم على حاجة ... انا مش عايزة اقعد معاهم وهقعد لوحدي ... اللي عايز يقعد معايا اهلا وسهلا واللي مش عايز برده اهلا وسهلا ... طبعا هيسيبوكي كنوع من انواع الضغط عليكي بس انتي وريهم انك مش همك وديما خللي معاكي شئ تشغلي نفسك بيه علشان ما تلهيش نفسك بيهم وتقولوا نفسي ومش نفسي وفي نفس الوقت ما تديلهومشي فرصة يحسوا انك قاعدة وحيدة

 

طبعا هيحاولوا معاكي مرة واتنين و تلاتة علشان هما عايزينك معاهم بس في الاخر هيسلموا ... وحط في اعتبارك انك قولتيلهم انك مش فرضه عليهم حاجة وان رغبتك تكوني لوحدك بيهم او من غيرهم ... وده معناه انهم لو لسه بيحاولوا معاكي يبقى هما عارفين انهم غلط وعايزين يخدوكي في طريقهم علشان ما تحسسهمش بغلطهم

 

بالنسبة للغيرة فانا كمان زوجي غيور جدا واظن اكتر واحد هيغير منه هو اخويا "اخويا عايش بالخارج ولسه ما شافوش" ... اخويا يا ستي دا اخر العنقود والولد الوحيد ودمه زي العسل .. ربنا يهديه يا رب ... بس بيحب يهزر بايده

 

لما يكون عايز منك حاجة يجي يحضنك ويبوسك ويقولك يا اختي يا حبيبتي وساعات يقوم فجاة كدة وهو بيحضنك ويقوم قارس دراعه عليكي وطبعا مافيش مفر انك تتوجعي وتصرخي كمان ... حللي مع اخويا اني ما اقعدشي جنبه علشان ما يلمسنيش وبالتالي ان شاءالله زوج مش هيغير منه وتنتهي المشكلة ... فشوفي ايه التصرف اللي بيسبب غيرة زوجك وابعدي عنه

 

والسلام عليكم ورحمة الله وبركاته

[om_mohamed 0]

ايوه كده نورينا يا امة الرحمن وساعدينى شوية الله يخليكى

 

وانا على فكرة كنت اقترحت على ام دنيا انها تنزل وقت الافطار ..فده احسن وقت علشان بيبقى الرجالة كلهم برة

وربنا يقوينا على طاعته

بعض الافكار علشان تفصلي بين النساء والرجال

بصي يا ستي ... انتي ممكن تيجي في يوم وقولي للحريم تعالوا نقعد بالمطبخ ونعمل شوية حاجات زي اكلات جديدة وطبعا الرجالة مش هيقعدوا معاكم ... ومرة تانية قوليلهم تعالوا نقعد في الغرفة وكلميهم في مواضيع حريمي شوية اللي مش ينفع تتقال قدام الرجالة ... وهكذا كل مرة اطلعي بحجة لغاية ما يتعودوا

 

وانا من رايك برضه ده حل حلو ..وربنا ييسر الامور يارب

[الزهراء 4]

السلام عليكم ورحمة الله وبركاته،،

اللهم يكرمك أم محمد

انا لم أقرأ الردود كلها بس الواضح انه في فضفضة حلوة

عاوزة افضفض ياناااااس

 

 

انا مش فاضل على فرحي كثير

هروح بيت زوجي

بس هو مش لوحده في البيت هو بيت العيلة

معايا حماتي وحمايا

يعني تعاملي مش معاه بس مع اهله كمان

وخصوصا حماااااااتي أنا خايفة كثير

[rafaa 0]

السلام عليكم ورحمة الله وبركاته،،

اللهم يكرمك أم محمد

انا لم أقرأ الردود كلها بس الواضح انه في فضفضة حلوة

عاوزة افضفض ياناااااس

 

 

انا مش فاضل على فرحي كثير

هروح بيت زوجي

بس هو مش لوحده في البيت هو بيت العيلة

معايا حماتي وحمايا

يعني تعاملي مش معاه بس مع اهله كمان

وخصوصا حماااااااتي أنا خايفة كثير

 

أعتذر لتطفلى ولكن أنا متابعة الموضوع وعاجبنى جدا

 

وحبيت أقولك يا الزهراء انك متخافيش من حماتك ولا من التعامل معاها انتى لو اتقيتى الله فى التعامل معاها

 

صدقينى هى هتحبك جدا وهتقدر كل حاجة بتعمليها علشانها

 

وانا مجمعة عندى حاجات عن الحماة منمكان تانى ومن كلام أم محمد ومن باقى الاخوات

 

مجمعة الكلام فى وورد عندى على الكمبيوتر هنقله لكى علشان تستفيدى( ده بعد اذن الأخت أم محمد وباقى الأخوات)

[rafaa 0]

لكى تحبك حماتك

 

--------------------------------------------------------------------------------

 

 

 

اذا اردتى ان تحبك خدى هذه النصائح لعلها تصيب:

*لا تتدللى على زوجك امامها.

*لاتتحدثى على الحفلات والساهرات التى تذهبين اليها مع زوجك امامها ولم تدعيها لها.

*اطلبى منها بدلال ان تعلمك طريقة طهيهيا بقولك لها انك لم تتذوقى مثله قط.

*رددى دائما بان الذى اعجبك فى ابنها تربيته العالية وحسن اخلاقه.

*اذا جأت لزيارتك فجاة استقبيليها بالرحب والسعة وقبيليها.

*اشعريها دائما انها على جانب عظيم من الذوق السليم.

*اذا دعوتها للغذاء اجليسيها فى مكان الصدارة واهتمى بها كل الاهتمام.

*اذا حدث خلاف بينها وبين ابنها كونى حمامة السلام بل وأكثر دافعى عنها اذا اقتضت الضرورة.

*يجب ان تعلمى ان هذه السيدة هى ام زوجك - وجدة اولادك.

 

واخيرا تذكرى انكى ستكونين "حماة" فى يوما من الايام............

 

 

اول درس للحماة

اقرب طريق لقلب جوزك

 

العلاقة بين العروسة والحماة حساسة جدا وهى تبدا من فترة الخطوبة وليس من اول الزواج كما تعتقد بعض النساء اهم شئ انك تعرفى نوع حماتك وطبيعة شخصيتها فمثلا:

1- النوع المنتقد دائما

تقبلى انتقادها بصدر رحب وعامليها كانها والدتك وفهميها ان انك بتحبى نصايحا علشان تستفيدى من خبرتها وخلى بالك طويل لان النوع ده بيخنق شوية بس مع طول صبرك هيه هتستسلم

 

2- النوع الحشرى

احذرى من النوع ده لانها هتعملك اختبارت كتيرة واوعى تكذبى لانها هتتاكد من كلامك من اكتر من مصدر فمثلا حماتى كانت تسال جوزى اشتريت دى بكام .وبعدين تسالنى نفس السؤال من غير معرف طبعا انها سالت جوزى وتشوفنى بكدب ولا لا لحد لما اتاكدت انى مبكدبش بقت مبتسالش والحمد لله

 

3- النوع المجامل

لازم تجامليها انت كمان فى المناسبات وخلى بالك اوعى فى مناسبة زى عيد الام مثلا تجيبى هدية لمامتك اغلى من هديتها جوزك هيزعل وهيقولك يعنى مامتك عندك اغلى من امى عندى

 

4- النوع الحنين

خليكى حنينة عليها مثلا انا كنت بسند حماتى فى المواصلات واساعدها فى الطلوع والنزول لما كانت بتخرج معاى ايام الخطوبة كانت بتفرح اوى وتقول لجوزى خطيبتك (اياميها ) حنينة وطيبة

 

واهم حاجة انك تحننى قلب زوجك على والدته ودايما تفكريه باحتياجاتها ..لو عاوزة دواء ..لو محتاجة تروح مشوار ولا اى حاجة

واذا زعلوا خلى بالك خدى صفها وقوليله اللى ملوش خير فى مامته ملوش خير فى حد وده لسببين

1- انهم هيتصالحوا فمتبقيش عزول فى النص

2- علشان اولادك يحنوا عليكى باذن الله لما يكبروا

 

دردشة عن الحماة

 

اختبارات الحماة لزوجة ابنها

خلوا بالكوا يا حبيباتى من الاختبارات التالية والتى تعدها الحماة لزوجة ابنها ..وحتى ممكن ميكونش اختبار بس برضه خلى بالك فى الرد علشان تكسبيها فى صفك.هقولكوا اللى حصل معايا

1- لو ليكى اخت زوج ولسة متجوزتش زى عندى كده ..فحماتى كانت تقول قدامى يا ترى لما فلانة يتقدملها عريس هنجهزها منين بس المعيشة غالية والمصاريف صعبة ..قلتلها يا ماما متشيليش هم امال اخوها راح فين -اقصد زوجى لانه الكبير- باذن الله هيه تتخطب بس واحنا عنينا ليها وهنجهزها احلى جهاز فى الدنيا شفتوا النصاحة ..كده انا كسبت عندها نقطة وقعدت تدعيلى

 

2- لو جوزك بيحب يساعدك فى شغل البيت - انا جوزى يحب يبتكر فى الطبخ بس المطبخ مقولكوش بعد مبيخلص ببقى عاوزة افجره - فساعات حماتى كانت تقفشنا وهوه بيطبخ معاى .كنت اعمل نفسى بتخانق معاه وبحاول اخرجه من المطبخ علشان يرتاح واقولها شايفة يا ماما بيتعب نفسه ومش راضى يقعد فتقولى يا بنتى سيبيه براحته وخليه على مزاجه ..بدل متتخانق معايا وتقولى سايباه يتعب وانتى مرتاحه

 

3-لو حماتك سالتك جبتى مثلا نوع الجبن ده منين او اللحم اى حاجة من دى فتقوليلها من المكان الفلانى وتقوليلها هخلى جوزى يجيبلك منها وتحلفى عليها متشتريش وخلى جوزك فعلا يجيبلها لانها عاوزة تشوفك بخيلة معاها ولا هتمنعى عنها ابنها ولا لا

 

ده مؤقتا وباذن الله نكمل تانى

________________________________________________________

 

وفعلا لازم الواحده تكسب حماتها بالمعامله الحسنه لأنها مهما كانت فهي أم ومش عايزه تحس إن إبنها في واحده تانيه أخدته منها

وصدقوني حب زوجك ليك هايزيد لو أمه تحبك وهي هاترضى عنك و عن زوجك ....وربنا إن شاء الله يرضى عنكم .

أنا من حوالي 3 أسابيع كان زوجي يكلم والدته ..(لإننا في غربه) طلبت إنها تكلمني و لما كلمتها و سلمت عليها لقيتها بتقولي بالحرف الواحد ....(والله يا فلانه أنا بحبك أكتر من ولادي )..... ممكن تكون مبالغه شويه لأن مافيش حد يحب حد أكتر من ولاده ....بس على الأقل حسيت إنها راضيه عنى و عن زوجي ودايما لما أكلمها أطلب منها أنها تدعيلنا وبحس بتوفيق ربنا لينا من دعاء حماتي لإبنها.

وكل أخت ماتنساش إنها هاتكون حماه في يوم من الأيام ...... وكما تدين تدان.......

تم تعديل 24 اكتوبر, 2007 بواسطة rafaa

[~رؤى~ 0]

حلوة دروس التقوية دي

 

جزاكم الله خيرا

[غربة و حنين 0]

جواز ايييييه :dry: علي رأي الشاعر اللي بيقوول

ألا ليت البنوتيه تعود يوما فأخبرها بما فعل الزواج :biggrin:

أنا متزوجه بقي لي 3 سنين ودائما احن لأيام العزوبيه والحريه بعيدا عن قيود سي السيد :tongue:

[الزهراء 4]

السلام عليكم ورحمة الله وبركاته،،

أعتذر لتطفلى ولكن أنا متابعة الموضوع وعاجبنى جدا

 

وحبيت أقولك يا الزهراء انك متخافيش من حماتك ولا من التعامل معاها انتى لو اتقيتى الله فى التعامل معاها

 

صدقينى هى هتحبك جدا وهتقدر كل حاجة بتعمليها علشانها

 

وانا مجمعة عندى حاجات عن الحماة منمكان تانى ومن كلام أم محمد ومن باقى الاخوات

 

مجمعة الكلام فى وورد عندى على الكمبيوتر هنقله لكى علشان تستفيدى( ده بعد اذن الأخت أم محمد وباقى الأخوات)

لا أدري كيف أشكرك أختي الغاليةrafaa على هذاالنقل الطيب

نصائح رائعة فعلا ربنا يقدرني واقدر اعملها

هي حماتي جامدة شوية بس زي ماقلتي سأعاملها بمايرضي الله دائما استحضر ربنا قدامي

ادعولي كثير محتاجة الدعاء