ازاى تظبطى مكياجك ... لزوجك

[dina el moslema 0]

السلام عليكم

مشكله بنات كتير انها مبتعرفش تحط مكياج ... والمشكله دى بتظهر اكبر بعد الزواج لانها متعلمتش ازاى تظبط مكياجها

انا جيبالكو طريقه سهله لوضع المكياج وممكن اى حد يتعلمها... للمتزوجات وللمقبلات ع الزواج

 

كريم الأساس :

 

أهم خطوة في الماكياج هي كريم الأساس، اختاري لوناً قريباً من طبيعة بشرتك، ويفضل مزج درجتين منه

 

لتوحيد لون البشرة لأن الأضواء تظهر العيوب مهما كانت صغيرة، اذا لم تتم تغطيتها.

 

=================================

 

البودرة :

 

بعد استخدام كريم الأساس، عليك اختيار لون بودرة من لون بشرتك، أو افتح بدرجة واحدة فقط،

 

للمحافظة على اللون الطبيعي. كما يجب عدم المبالغة في وضع البودرة حتى لا يفقد الوجه نضارته.

 

=================================

 

ظلال الجفون:

 

استخدمي الظل الفاتح أو البيج على الجفن المتحرك بدءا من زاوية العين الداخلية حتى وسطها،

 

بعدها انشري اللون البني الفاتح فوق الجفن المتحرك بدءا من وسط العين باتجاه الزاوية الخارجية،

 

ثم أضيفي الظل الأبيض عند الجفن الأعلى أي مباشرة تحت الحاجب،

 

بعدها ارسمي خطاً عند الرموش على طول العين حتى الزاوية الخارجية

 

بواسطة الكحل المائي الأسود، ثم امزجي الظل الأسود والبني وضعيه عند جذور الرموش السفلى ،

 

بدءا من وسط العين حتى الزاوية الخارجية. ثم ارسمي بقلم الكحل الأبيض خطاً داخل العين بهدف توسيعها.

 

@@@@@@

 

أحمر الخدود :

 

يستخدم أحمر الخدود لزيادة جاذبية البشرة ، ابتسمي أمام المرآة لتبزي حجم الوجنتين.

 

ثم ضعي لمسة من أحمر الخدود عليهما، بعد ذلك وزعي اللون في

 

حركة دائرية بفرشاة عريضة على كامل الخدين.

 

@@@@@@@

 

الماسكارا :

 

دور الماسكارا مهم جداً، حيث تبرز طول الرموش وتظهر بريق العين.

 

وننصحك باستخدام الماسكارا المطولة للأهداب لتزيديها كثافة وتعطيها حجماً اضافياً،

 

فتبدو رموشك لطيفة وطبيعية.

 

@@@@@@@

 

الحواجب :

 

الحاجب يضفي الجمال على العينين، فمن الضروري رسمه بالقلم الخاص به،

 

لا سيما اذا كان حاجباك غير كثيفين، وطريقة استعماله تكون عبر وضع نقاط بواسطة قلم الكحل داخله،

 

بعدها يمشط الحاجب من الأسفل الى الأعلى. وينصح بوضع اللون الأسود للمساء اذا كنت سمراء،

 

واللون البني للنهاراذا كنت شقراء.

 

@@@@@@

 

أحمر الشفاة :

 

رسم الشفاة يجب أن يكون متناسقاً ومستمداً من ماكياج العيون،

 

مع تحديد الشفاة من الداخل لتصغير حجم الفم، أو تحديدها من الخارج لتكبير حجمه.

 

احرصي على تزيع الحمرة بفرشاة مخصصة للشفاة، فهكذا تبدو كثيفة ذات سبغة غنية،

 

وتبدو الشفتين أكثر تحديداً .

 

ولإبراز جمال الشفتين استعملي اللون البرونزي أو النحاسي أو البني الذهبي، لأنه يناسب جميع ألوان البشرة.

 

ولكي تدوم حمرتك أكثر وأكثر استخدم المثبت الخاص بالشفاة.

 

يلا جربو وقولولى

 

 

 

 

 

 

 

:wub:

[أم ريتاج 7]

السلام عليكم و رحمة الله و بركاته

 

مشكورة حبيبتى على الافادة

 

فعلا في بنات و ستات كتير مش بتعرف تجط الميك اب خالص

 

و على العكس في بعض الرجاله بيحبوا ان زوجاتهم تحط ميك اب كويس و تكون جميلة و ده من وجهة نظرهم

 

اما انا بقا فلما حطيت ميك اب كامل لزوجي مره

قالى كلمة ما فهمت هل هي مدح و لا ذم :rolleyes: :wacko: :wacko:

قالى يا حبيبتى ( الكلام ده و هو واخدنى على الحمام على الحوض )

يا حبيبتى ارجوكي لا تحطى مكياج تاني اصلي اخاف عليكي من الحسد حتى من نفسي اصلك بتكونى روعة بالميك اب ده :ninja: :ninja: :ninja:

 

تفتكروا ده ايه يا بنات مدح و لا ذم :biggrin: :wub: :laugh:

[أم عمار -3 0]

أختى الحبيبة أمريتاج أضحك الله سنك

فكرتينى بموقف حصل معىيشبه موقفك هذا

أنا ليس عندى أى خبرة بوضع الماكياج فاتفقت مع صديقة لى

لكى تأتىوتضع لى ميك أب كامل لكى أبهر زوجى بشكل جديد

ولكن الماكياج كان أغمق من بشرتى قليلا

ولما رآنى زوجى بعدعودته إلى المنزل دخل ولم يبدأى انطباع عن شكلى الجديد

واستسلم إلى نوم عميييييييييييييييييييق :- :- :ohmy:

وبعد أن استيقظ كنت قد غسلت وجهىفقال لى..أنت كدة شكلك أحلى!!!!!!!!!!!!

فعزمت ألا أعود إلى مثلها ثانية :sad:

ورضيت بشكلى هكذالأن زوجى والحمدلله لا يهوىالماكياج اطلاقا

وعلى العموم جزاك الله خيرا أختى دينا المسلمةعلى هذا الموضوع القيم

وسأحاول الاستفادة منه بإذن الله

وجزاكن الله خيرا

[ام عمر 2003 1]

اسم الله عليه وعلى مقامه مبيحبش اروج وبيقرف من المانيكير وعنيه احلي من غير الكحل والحمد لله خدودك حمرا من غير احمر خدود

وعلي فكرة لون بشرتك جميل

طيب والمكياجات بتاعت الجواز زي ما هي في التسريحة الله يسامحك يا سي السيد

[ساجدة للرحمن 2050]

إيه ده يا جماعه دا أنا ماطلعتش لوحدي اللى جوزها ما بيحبش الميك أب

بصراحه ارتحت أصل أنا كنت حاسه إن أنا مش طبيعيه ههههههه

 

طيب ممكن أعرف أنتوا دخلتوا الموضوع ده ليه ؟؟؟؟؟؟؟؟

[omjana 6]

والله استريحتم يااخوات

 

يارب انا كمان يطلع مبيحبش الميكب واستريح

[dina el moslema 0]

all of u make me depressed,ana kont fakra en lma hagawez will put make up dayman.and i try from now to learn how to put make up :tongue: we koloko dont put make uppppppppppp.opppsss.tab sa7e7 da7'lto hna leh?????? :smile:

[~ أم العبادلة ~ 1903]

ايه ده بقي

 

طب انا جوزي بيحبه وبيزعل لما ما احطش ويقوللي امال شارياهم ليه

 

اما انا فماليش فيه ولا بعرف احطه واشتريته علشان الكل قاللي ان ما فيش عروسة تتجوز من غير مكياج فجبته علشان ارتاح منهم ويسيبوني في حالي

[م/ هدى 0]

السلام عليكم ورحمة الله وبركاته،،

جزاك الله اختي دينا المسلمة

ومش تزعلي اهو لقيتي حد لااااازم يحط ;-)

وأنا عن نفسي عمري ما حطيت على وجهي شيء ونفسي أجيب أي حاجة وأحاول أحطها

دا حتى يوم ما حبيت احط مسكرة راحت ماما قالتلي خشي اوضتك وحطي عشان بابا طالع

روحت سيباها على التسريحة تاني ومش حطيت

ههههههه

[dina el moslema 0]

fata7ty nfsy ya amat el rahman :smile:

[الهام كنجو 0]

حبيباتي

هو في راجل بيحبش الحاجات دي

باين ان حضراتكم بهدلتو وجكم علشان كدة قال بدون المكياج افضل

حاولو مرة تانية ويا ريت انه واحدة فنانة تساعدكو وبعدين قولولنا سي السيد بتاعكو عمل ايه

 

بعرف احكي مصري ولا ايه رايكو

[اصل الحياة 0]

حبيباتي

هو في راجل بيحبش الحاجات دي

باين ان حضراتكم بهدلتو وجكم علشان كدة قال بدون المكياج افضل

حاولو مرة تانية ويا ريت انه واحدة فنانة تساعدكو وبعدين قولولنا سي السيد بتاعكو عمل ايه

 

بعرف احكي مصري ولا ايه رايكو

[/

جزاكى الله خيرا اى راجل بيحب يرى زوجتة اجمل من الحقيقة ادعوا لى ان يرانى زوجى احللللللللللللللى شكرا

[لجينة 0]

حبيباتي

هو في راجل بيحبش الحاجات دي

باين ان حضراتكم بهدلتو وجكم علشان كدة قال بدون المكياج افضل

حاولو مرة تانية ويا ريت انه واحدة فنانة تساعدكو وبعدين قولولنا سي السيد بتاعكو عمل ايه

 

بعرف احكي مصري ولا ايه رايكو

 

بتعرفي .. بس فيه 3 كلمات فلتوا منك

حبيباتي .. المصريات بيقولوها لو هيكتبوا كلام لغة عربية .. لكن في العادي ممكن يقولو حبايب قلبي مثلا.

وجهكم: عمر ما المصريات بيقولوها ... بيقولو : وشكم :)

احكي: المصريات بيقولوا اتكلم .. لكن أحكي معناها أقص قصة مثلا

 

أتمنى أكون أفدتك..

بالنسبة بقى للماكياج .. أنا فعلا عاوزة أعرف .. اللي جوزها مش بيحب الماكياج تبقى هي بتحطه وحش ولا هو فعلا مش بيحبه .. أصلى عندي نفس المشكلة وأنا أصلا معرفش أحط ماكياج.. وأنا دخلت هنا قلت يمكن أقرالي كلمتين ينفعوني :)

[بائعة الكبريت 0]

السلام عليكم ورحمة الله وبركاته،،

 

الظاهر نحن غير المتزوجات غير معنيات :mrgreen: :P :P

 

 

:smile: :icon_eek: على كل مشكورة اختي

 

ساستخدم طريقتك في الاعراس :wub: :rolleyes:

[om_mohamed 0]

ضحكتونى وفكرتونى ..مرة حبيت اعمل لزوجى مفاجاة حلوة فدخلت اوضة النوم والنور كان قليل اوى وحطيت ميكب كامل بس علشان النور ضعيف تقلته اوى وانا فاكرة انه كده مظبوط بس وطلعتله الصالة وعينكم متشوف الا النور من الضحك ..اصلى كنت شبه المهرج بتاع السيرك انا نفسى لما بصيت فى المراية قعدت اضحك لما فطست من الضحك ..بعد كده بقيت اعمل مكياج ونور البيت كله منور هههههههههههههههههههههههههه

[ام حلا 6]

بجد موضوع ملفت للنظر اول زواجي كان زوجي يقول اني بتحطي المكياج علشان تصيري حلوة فكنت ازعل و اغسل وشي على طول

و بعد فترة طويله حطيت مرة مكياج حلو فقام قلي انت معزومة على عرس .............سكت و زعلت

و بعد فترة طويله اكتشفت ان زوجي يحب المكياج الخفيف اللي يبرز جمال الوجه لكن من دون ما تكون ملفته للنظر

و الحمدلله عجبه هيك .........................

[أم يـونـس 12]

ضحكتونى وفكرتونى ..مرة حبيت اعمل لزوجى مفاجاة حلوة فدخلت اوضة النوم والنور كان قليل اوى وحطيت ميكب كامل بس علشان النور ضعيف تقلته اوى وانا فاكرة انه كده مظبوط بس وطلعتله الصالة وعينكم متشوف الا النور من الضحك ..اصلى كنت شبه المهرج بتاع السيرك انا نفسى لما بصيت فى المراية قعدت اضحك لما فطست من الضحك ..بعد كده بقيت اعمل مكياج ونور البيت كله منور هههههههههههههههههههههههههه

 

الله يسامحك والله ضحكتيني بالدموع

لاني نفسي جربتها مرة

وانا طبعا لست متزوجة لكن دخلت غرفة امي وطلبت منها اني اضع قليلا من المكياج تبعها لانها لاتضعه

وطبعا جلست في الغرفة قرابت الساعة واستغليت فرصة سفر ابي واخي

 

وجلست اضع كل طبقات الالوان واقول هي لمادا لاتظهر

المهم خرجت وجلست بالقرب من امي وقلت لها مارأيك لايظهر شيء اليس كذلك

قالت لي طيب روحي ولعي ضوء الغرفة الاخرى وانظري جيدا

 

وبعيد عنك نفس حالتك هي التي كنت فيها

[ام حياء 0]

اولا جزاكى الله خيرا اختنا دينا على هذا الموضوع بس كنت عاوزه اقول لكى ان بدل متضعى كريم الاساس والبودره دلوقتى فى حاجه بتجمع بين الحاجتين دول وهى البودره المائيه وكمان دى احسن لانها بتكون مظبوته اكتر

اما بالنسبه للاخوات الفضليات اللى ازوجهم مش بيحبو المكياج انتم اكيد بتضعو المكياج فى الظلام او فى مكان اضاته ضعيفه ثم تذهبين الى مكان اضاه عاليه فيراكى زوجك فيه فلم يستحسنه

انا من راى ان الزوجه لازم تكون متجدده دائما يعنى مره تحط ميك اب كامل مره متوسط مره بسيط

لان الميك اب اكيد يبرز جمال الزوجه

بس طبعا المفروض ان الزوجه بتكون متعلمه المكياج وفنه من قبل متتزوج مش تقول اتعلمه بعد الزواج على شان تكره زوجها

اكيد لو وضعته مش كويس حيكره الميك اب

بس والله انى احبكم فى الله

[ام بسمله 0]

انا عن نفسى حاولت مع الميك اب الكامل دايما بحس انى مش انا

بس لما بحط حاجات بسيطه بحسه احسن

وده برده راى زوجى

[راجيه عفو الرحمن 1]

السلام عليكم ورحمة الله وبركاته،،

جزاك الله خيرا اختنا دينا علي وصفتك الجميله

اتمني ان نستفيد منها جميعا

واضحك الله سنكن اخواتي فعلا مواقف محرجه ومضحكه

الله يسترها معي ومع اخواتي الغير متزوجات

السلام عليكم ورحمة الله وبركاته،،

[مسلمة 20 0]

شكرا لكي يا اختي دينا على الموضوع

انا غير متزوجة لكن بضع المكياج باستمرار بس بعرف كيف اضعه بس ماما في الفترة الاخيرة حكتلي لما يبقالك زوج ابقي حطي كيف بدك

[shahd_elislam 2]

يا اخوات والله انا شايفة فعلا ان make up مهم جدا جدا للمتزوجات

لانه لازم التجديد من حين الى اخر

يعنى انا مثلا جوزى بيفرح جدا لما احط مكياج بذات لو full make up ويقولى ايه الحلاوة دى

دا مش معناه انى انا قبيحة جدا :blink:

لكن اصلا الرجالة بطبيعتهم بيملوا بسرعة ويحبوه التجديد

تجديد فى شعر سواء اصة او لون جديد

تجديد فى لبس

وكذلك المكياج مرة صارخ مرة هادئ

 

البنت اللى ما بتعرفش تحط مكياج وعمرها ما حطت حاجة فى وشها ابل كدة

بعد الجواز بتحتاس حوسة ما يعلم بيها الا ربنا

ومنهم اللى بتجيب صحبتها تعملها اي حاجة

ومنهم اللى بتروح كورس فى المكياج زي مثلا اورفيلم دا هااااااااايل بيعلم عملى :icon15:

 

الاخت اللى جوزها يقولها ما تحوتيش مكياج شكلك كدة احلى هو بيقول كدة عشان المكياج مخليها وحشة جدا :ninja: عشان هي حطاه غلط او بطريقة غير صحيح او مش لائق مع بعضه ومع اللبس اللى هي لابساه

 

عمر المكياج الجميل والصح ما يكون وحش ولا يخلي الشكل وحش ابدا

الا بقى ما كانتش المذيعات والممثلات حطه مكياج وبيكونو زي القمر

بسبب المكياب اللى بيداري كل الدوفوهات ;-)

حاولى يا اختى تجربي مرة واتنين وتلاتة لحد ما تحترفي

كل بنت فيها حاجة حلوة جدا وتتميز بيها عن غيرها والمكياج هو اللى بيبرزها

يعنى مثلا اللى عيونها وسعة وجميلة ورموشها طويلة دى لو حطت شوية حكل بس من غير لغوسة :icon_eek: وماسكرا خفيف خفيف كدة شفافة مثلا بتظهر عيونها احلى واحلى

 

 

بالمونزبة انا عاقدة بس

والبناء ان شاء الله فى الصيف وطبعا طبعا كلكم معزومين :wub:

[faiza2008 0]

السلام عليكم و رحمة الله و بركاته

 

مشكورة حبيبتى على الافادة

[عائدة بادن الله 0]

اما انا كنعرف نوضع الماكياج لاني قبل الحجاب

 

كنت احب اظبطنفسي كما تقول الاخوات المصريات لكن بعد الانجاب مابقاتش عندي

 

الكانة يعني ماليش نفس مع زوجي يحبه.

[ام روعه 0]

مشكووووووووووووووووووووووووووووووووووووووووووووووره اختي على الافاده وجزاكي الله الف خير