الحقونى انا خايفه ومرعوبه وبعيط

[ياقوته 0]

السلام عليكم ورحمه الله وبركاته

 

اخواتى الحقونى انا خايفه ومرعوبه وقربت اعيط والله ومش عارفه اكتب اصلا

 

انا زوجى مسافر وقاعده انا وبنتى لوحدنا وساكنه فى بيت فى الدور الاول الارضى يعنى ومن شويه الساعه 12 بالليل خبط عليا صاحب البيت فرديت اشوف مين من ورا الباب فقاى انا فلان وسكت فسالته عاوز حاجه قالى اقفلى الشبابيك الى على الشارع قلت له مقفولين قالى لا مفتوحين كل ده وهو عمال يزق فى الباب كانه بيقولى افتحى والشبابيك فعلا مقفولين انا من المغرب او العشاء بالكتير بكون قافله الشبابيك كلها والباب بالترباس والمفتاح كمان

 

وبعدين قلت له الشباك نهوه بالظبط قالى الشبابيك الى على الشارع يعنى حيت ان لهجته غريبه انا خايفه اوى ومش عارفه انام وخصوصا ان الراجل ده قبل كده كان بيبص لى بصات مرعبه انا خايفه وبعيط ونفسى يكون حد معايا دلوقتى ويطمنى

 

تفتكرو يكون ايه ده يكون عايز ايه ممكن يكون فعلا ما خدش باله بس كان بيزق الباب ليه وسكوته فى الاول بعد ما قال هو مين كانه منتظر انى افتح والى مخوفنى اكتر ان زوجته بتنام عند اهلها كل يوم لاسباب معينه بس فيه سكان تانيين فى البيت هو البيت 4 ادوار

 

وفى الاخر لما انا صممت ان الشبابيك مقفوله قالى ماشى يا بنتى عشان العيال الى فى الشارع بس

 

مش عارفه معقول يكون فى دماغه حاجه وحشه من ناحيتى ............ لا يا رب ميكونش كده

 

بجد قولولى انا متهيالى والموضوع عادى وانا الى خايفه وخلاص والا ايه

 

وبالله عليكم تردو لانى هستناكم

[المستبشرة خيراً 18]

وعليكم السلام ورحمة الله وبركاته،،

اختى الحبيبة يا قتوتة ما تخفايش ولا تقلقى حبيبى اطمنى

ان شاء الله خيرا

قومى اقرىء قران و واتوضىء صلى ركعتين وان شاء الله ربنا يبعد عنك كل حزن وخوف والم وروحى نامى وقولى اذكار النوم واية الكرسى واذكرى الله كثيرا وانت على السرير هجيلك النوم هوااا باذن الله :)

اللهم اعلم بنوايا هذا الرجل بس انصحك انك تتجنبى التعامل معاة نهائى حتى لو خبط على الباب بلاش تفتحى الباب

وخاصا فى وقت الليل ...و لو فى اى طلبات او مصالح قوليلة لما زوجى يرجع تتكلم معاة مثلا.. وربنا يوفقك لما فية الخير والصلاح اللهم امين

[ياقوته 0]

جزاكى الله خير يا حبيبتى و انا عملت كل الى انتى بتقولى عليه ده

 

بس المشكله فى النوم وعدمه المشكله انى خايفه ليكون فى دماغه حاجه

 

وانا ما فتحتش الباب طبعا انا مش بفتح لاى حد الباب لا بالليل ولا بالنهار كله من ورا الباب للرجال يعنى بس هو كان بيزق الباب وهو مقفول

 

وكمان انا مليش اى تعامل معاه نهائى نهائى كل التعامل مع زوجته لكن دلوقتى زوجته عند اهلها وهو لوحده

 

جزاكى الله كل خير يا حبيبه قلبى طمنتينى شويه والله بس لسه خايفه ومن ساعتها وانا عندى صداع ومن خوفى قلقانه من الشقه كلها ربنا يعدى الليله دى على خير يا رب والصبح ان شاء الله انا هروح عند ماما

[المستبشرة خيراً 18]

حبيبتى ما تخفيش والله

بالنسبة للصداع خذى قرص ريفو او اسبرين وبالشفا ان شاء الله

وياستى عمرى الشقة بالمئكة وذكر الله شغلى قران وانتى على المنتدى واسمعية بصوت عالى مثلا

والله خيراااااااااا ما تقلقيش

ربنا يبعد عنك شر شياطين الانس والجان

ويبعد عنك عين الحاسدين وحقد الحاقدين وكيد الاعداء اللهم اميييييييييين

اهدىء بقى :)

[الولاء والبراء 35]

وعليكم السلام ورحمة الله وبركاته،،

أختي إتصلي بأخواتك وأهلك أو أهل زوجك

ولا تجلسي بمفردك مرة أخرى

إتصلي بيهم يجوا دلوقتي

يارب يحفظك أنتِ وابنتك يارب

اللهم احفظهم يارب

أختي اتصلي بهم الآن وأخبريهم واجلسي عند أهلك فترة سفر زوجك

وخصوصاً أنتي في الدور الأرضي يعني معرضة لأي شيء

لا أريد أن أرعبك ولكن أخاف عليكِ يا أختي

ربنا يحفظك يارب

وتأكدي أن الباب مغلق جيداً والشبابيك أيضاً

ربنا يحفظك

طمنينا عليكِ يا أختي

[ياقوته 0]

حبيبتى نسالكن الدعاء

 

بارك الله فيكى والله على اهتمامك يا حبيبتى

 

ان شاء الله خير

 

وجزاكى الله خيرا على الدعاء ............... امين

 

ما تستغربيش من قلقى يا حبيبتى ده طبيعى لواحده فى ظروفى .............. يا رب رد كل زوج غايب لزوجته وقر عين كل زوجه بزوجها وقر عين كل زوج بزوجته ............. امين

 

معلشى قلقتك لكن انا لما بكون متوتره مبقدرش اهدى بسرعه ولا ابطل عايط

[ياقوته 0]

بارك الله فيكى حبيبتى الاخت ام عبد الرحمن

 

لكن انا اصلا اهلى من بلد تانيه محدش هيقدر ييجى دلوقتى وهيقلقو وخلاص واهل زوجى كمان بعيد

 

وبالنسبه للقعده عند اهلى ما اقدرش اسيب بيتى واعيش عند اهلى هعيش السنه دى والا الى جايه هناك وانتى اكيد فهمانى يا حبيبتى

 

انا بقفل من بدرى على طول وعامله ترابيس على الشبابيك والباب وربنا يسترها

 

هو بس القلق من الراجل ده بقه

 

وجزاكى الله خيرا على الدعاء يا غاليه ........امين

[أمة الباري 0]

:icon16:

السلام عليكم ورحمة الله وبركاتة

حبيبتي ياقوتة لاتخافي وتوكلي على الله

وانا مع أختي في الله نسألكن الدعاء

قومي صلى ركعتين واقرئى قرآن

ولو عندك تلفون وممكن تتصلي على أحد من أهلك يبات

معاك لو قريبين يعني في نفس المدينه

رددي (استغفر الله واتوب اليه مائة مرة)(حسبي الله ونعم الوكيل)(اللهم أني وكلت أمري بين يديك اللهم لاملجئ ولامنجى منك الا اليك)

وكلي امرك الى الله وثقي ثقة كامله ان الله لايضيعك

طمنينا عليكي

يسر الله للجميع طريقاً الى الجنة

[المستبشرة خيراً 18]

ربنا يكرمك يارب ويجمعك بزوجك فى اقرب وقت اللهم امين

انا عارفة ومقدرة ظروفك وقلقك هو قلقى مش احنا اخوات واحبات فى الله ولا اية

[ياقوته 0]

حبيبتى امه البارى

 

جزاكى الله خيرا انا دلوقتى والله احسن بفضل الله ثم بردكم عليا وربنا يسترها وتقبل الله منكى الدعاء يا حبيبتى

 

 

 

 

طبعا يا حبيبتى يا نسالكن الدعاء والله ربنا يعلم انا بحبك فى الله اد ايه واكيد انتى حاسه بيا يا حبيبتى والا مكنتيش اهتميتى

 

عارفه ايه المشكله اصلا ... المشكله هى انك تحسى ان الناس عامه والرجال خاصه بيبصو للواحده الى عايشه لوحدها على انها زى الفريسه او انها سهله وده مش اول موقف اتعرض له بس ده اول موقف مباشر وان كنا مش متاكدين من نيه الراجل لكن الحرص واجب وانه طالما ان البنت زوجها مش معاها تبقى ممكن تعمل اى حاجه

 

والله نفسى كل راجل من النوع ده يتقى الله ويعرف انه (كما تدين تدان )

 

يا رب احفظ كل نساء المسلمين يا رب العالمين

[أمة الباري 0]

:icon16:

أسأل الله العظيم أن يفرج عنك وأن يكشف كربتك وأن يزيح الهم والغم عنك

اللهم يا حنان يامنان فرج كربتها كن عونا لها وجارا وسندا

اربط على قلبها وثبتها يارحيم

ارحم ضعفها واجبركسرها يارحيم

قلبي معــــــــــــــــــــــــاك( اللهم لاسهل الاماقد جعلتة سهلا وانت تجعل الحزن اذا شئت سهلا)

يسر الله للجميع طريقاً الى الجنة

[ياقوته 0]

بارك الله فيكى حبيبتى امه البارى وجزاكى الله كل خير

 

اللهم امين اللهم امين اللهم امين

 

يا رب استجب دعاءنا وعافنا واعفو عنا

 

ان كنا لسنا اهلا لرحمتك فانت اهلا لان ترحمنا يااااااااااااااااااااااااااالله يا رحيم يا حى يا قيوم

 

امين

[المستبشرة خيراً 18]

معكى والله يا ياقوتة فى كل كلمة قولتيها

ربنا يحفظك يارب من كل سوء

تصدقى بقى ان دة خير ليكى هتقوليلى ازاى اقولك

تروحى تحكى لزوجك على الموقف دة وتقوليلة يمكن فتن بوجهى مثلا هههههه

بس ويمكن يكون خير ليكى بالنقاب يعنى كلمية بطريقة غير مباشرة

ويا حبيبتى لو قدرتى تسافرى لزوجك او هو يجى هنا وتعيشوا مع بعض على طول يبقى افضل لك ولابنتك ومن كل شىء

[المستبشرة خيراً 18]

على فكرة انا مش منتقبة بس اسال الله ان ييسر لى النقاب :) بزوج صالح كمان اللهم امين

[قلب صغير 0]

السلام عليكم اخيتي ياقوتة

 

ما تخافيش اختي ...واستعيذي بالله من الشيطان الرجيم...

 

انا أختك ام عمار من المغرب...

 

ما تخافي والو اختي ...ما تخليش الوسواس يتحكم فيك...ياك انت سديت الباب والنوافذ مزيان...تأكدي انهم مسدودين مزيان... وما تخافي من والو...قراي شوية القرآن ...أكثري من قول..: اللهم اكفنيه بم شئت وكيف شئت....ان شاء الله ربي ما غاديش يخيبك......ياااربي يحفظك من كل سوء و شر....يارب يجمعك بزوجك في اقرب وقت وياااربي يبعد عليك الشر و اهل الشر...

[يالله الجنة 0]

لاتخافين وتعوذي من إبليس الله يخزيه

 

اسمعي كلام الأخوات ورحي نامي نوووووووم العوافي

 

كلها ساعتين ويطلع الصبح

[قلب صغير 0]

أخيتي ياقوتة....في امان الله...وتصبحين على خير

 

استودعك الله الذي لا تضيع ودائعه

[rey7an 1]

بسم الله الرحمن الرحيم

 

حبيبتي واختي ياقوته لا تخافي ووكلي الامر لله

 

من راي اختي نسالك الدعاء ان تقومي وتصلي ركعتين وتدعي

 

اللهم انا نجعلك في نحرة ونعوذ بك من شرة

 

حبيبتي ربي يطمنى عليك :icon16:

[ياقوته 0]

الغاليه نسالكن الدعاء ................... اضحك الله سنك يا غاليه والله ضحكت وانا فى عز الخوف والقلق

 

وتصدقى سبحان الله انتى قريتى افكارى انا كنت لسه بفكر فى كده واتلهيت عن الخوف بانى بفكر فى الطريقه الى احكيله الموضوع بها بحيث الفت نظره للنقاب بطريق غير مباشر .............. وانى والله بقول اذا انا كنت منتقبه اكيد لا هو ولا غيره هيتجراو مجرد النظر لى بس لكن ربنا ييسر لنا كل امر عسير

 

اللهم ارزق اختى بالزوج الصالح يا رب العالمين وجميع الاخوات

 

وارزقنا جميعا لباس العفه الحجاب الشرعى الكامل يا الله

 

على فكره يا اخواتى احنا فى ساعه اجابه كل واحده تدعى لعل الله يستجيب وطبعا ندعى واحنا عندنا حسن ظن بالله انه هيستجيب

 

وان شاء الله تدعولى ربنا يفرج همى وييسر لى الانتقاب ................. وفعلا لعل الى حصل ده خير

[ياقوته 0]

حبيبتى ام عمار جزاكى الله خيرا وتقبل الله منكى الدعاء يا غاليه

 

اختى يالله الجنه عندك حق والله وبارك الله فيكى يا حبيبتى

 

بارك الله فيكى حبيبتى ريحان وجزاكى الله كل خير وانا الحمد لله صليت ودعيت ربنا وان شاء الله انا واثقه انه ربنا مش هيخيب ظنى ومش هيردنى خائبه

[المستبشرة خيراً 18]

امييييييين

 

اية خدمة

 

عسى ان تكرهوا شيئا وهو خيرا لكم

 

ويارب نسمع عنك كل خير

 

ويارب استجب دعواتنا يارب العالمين

[المستبشرة خيراً 18]

قومى نامى يا بنتى صحتى المنتدى كلوووووو هههههههه

 

العضوات: نسألكن الدعاء, rey7an, يالله الجنة, ياقوته, أم منو نه, أمة الباري

 

قومى واتغطى كويس وشدى اللحاف والبطنية وما تنسيش تشربى اللبن ونامى فى حضن بنتك :)

[ياقوته 0]

بارك الله فيكن يا حبيبتى والله انا كنت فى حاله ربنا الى عالم وحده بيها

 

لكن دلوقتى الحمد لله وده برده من كرم ربنا انى لقيت اخواتى جنبى لما احتاجتكهم

 

الحمد لله انا بقيت كويسه والله بفضل ربنا ثم بفضل دعاؤكم ليا

[ياقوته 0]

حاضر يا ابله

 

معلشى الكل صحى باينى كنت بعيط بصوت عالى

 

انا هنام وانتم كمان روحو نامو تصبحو على خير يا احلى اخوات فى الله

[أم منو نه 8]

حفظك الله من كل شر

 

أوصيك بقول* اللهم إنى أعوذ بك من شره وأجعلك فى نحره*

وقول* اللهم اكفينيهم بما شئت*

 

وأوصيك يا غاليه لاتجلسى وحدك ما استطعت إلى ذلك سبيلا ما استطعت على الأقل اذهبى لأهلك فى سفر زوجك بعد استئذانه فى ذلك

 

لو اضطررت إلى البيات وحدك حاولى ألا تعلمى الجيران بذلك خاصة صاحب البيت ولا حتى زوجته .

 

لا تردى على صاحب البيت خاصة ولاعلى أى رجل حتى من خلف الباب

 

يسر الله لك أمرك كله