سؤال في الطبخ..ممكن تساعدوني..ايه نوع الجبنة دي؟

[أم عائشة المصرية 242]

السلام عليكم ورحمة الله وبركاته،،

 

 

يالا يا عبقريات وروني الشطارة

 

عندي ليكم سؤال بخصوص الجبنة المقلية؟

 

فأنا اشتريت سندويتش جبنة مقلية وعجبني بس للأسف مش عارفة أعرف ايه نوع الجبنة دي..

 

وانا كان نفسي أعمل السندويشات دي في البيت بإيدي..بس مش عارفة ايه نوع الجبنة..

 

يا رب تكونوا عارفين وتفيدويني..

 

معلش كمان لو ممكن تقولولي على الطريقة لأن واضح إنها مقلية بحاجة مثل الفيجيتار مثلا..

 

[أم عائشة المصرية 242]

:ninja: :?:

[الولاء والبراء 35]

وعليكم السلام ورحمة الله وبركاته،،

أختي الحقيقية أنا أعرف الجبنة الرومي أنا بضعها في الفرن في عيش

وأتركها تسيح بتبقى طعمها جميل جداً

لكن مقلية لا أعرف إن شاء الله الأخوات يعرفوا :)

[لواء العزة 5]

السلام عليكم ورحمة الله وبركاته،،

بارك الله فيكِ اختي

ام عائشة

ولكني مثل الحبيبة ام عبد الرحمن لا اعرف عنها شيئاً

[بنت الصادق 9]

حبيبتي ام عائشة المصرية.. اعتقد انك بتتكلمي عن الجبنة الحلوم.. ودي جبنة رائعة وطعمها جميل.. بناكلها هنا سواء مقلية في سندوتشات بس بدون بقسماط.. أو جوة الفطاير.. والاتنين بتبأة روووووووووعة

 

وبيحطو عليها كمان زيتون وزيت زيتون وزعتر وطماطم..

 

دة نوع الجبنة الوحيدة الي انا باكله مقلي

 

وبتكون ناشفة شوية.. اما لو تقصدي الجبنة الي بتبأة عند المطاعم برة زي كنتاكي وبيتزا هت وكدة.. فللأسف انا معرفش طريقتها !

(أصابع الجبنة) اعتقد دة اسمها

[أم عائشة المصرية 242]

حبيباتي بارك الله فيكن على مشاركتي الموضوع حتى لو لم تعرفن الإجابة...الغاليتين أم عبد الرحمن ومروة تركي

 

الغالية بنت الصادق جزاك الله خيرا بس أنا أول مرة اسمع عن النوع ده من الجبن..الحلوم!!

 

بما انك مصرية قوليلي طيب ألاقيها فين او باسم ايه؟

[الجمانة 3]

كنت أحسب إني أبفيدك بس للأسف ما أعرف..

[*لقاء* 1]

مكرر

تم تعديل 24 نوفمبر, 2007 بواسطة لقـــــــــــــــــــاء

[*لقاء* 1]

 

اختى الحبيبة لقد بحثت لكِ عن الجبنة المقلية

 

واليكِ الطريقة

 

المقادير:

كوب طحين+ كوب طحين النشا+ بيضتان+ كوب بقسماط+ نصف كيلو جبنة مازرولا + زيت + كوب ونصف ماء

صلصه حلوه وحاره تحصلين عليها جاهزه اسمها صلصه تايلانديه

الطريقه:

نخفق الطحين مع النشا والبيض والماء الى ان تصير العجينه ناعمه نضع البقسماط في وعاء اخر

نقطع الجبنه الى اصابع نغم س الاصابع في العجينه ثم في البقسماط ونغمسها مره ثانيه في العجينه ثم في

البقسماط ونقليها وتؤكل مع الصلصه.

 

ارجو ان تكون هى المطلوبة

تم تعديل 25 نوفمبر, 2007 بواسطة لقـــــــــــــــــــاء

[أم عائشة المصرية 242]

حبيبتي الجمانة بوركت يا غالية على ذوقك...

 

حبيبتي لقاء..جزاك الله خيرا...هي بالفعل شبيهه بالصورة..ولكن اسمحيلي أسألك عن المقادير لأني مس فاهمة يعني ايه طحين وطحينة النشا..!!

 

بانتظارك وآسفة إن كنت تعبتك معايا...

[*لقاء* 1]

اختى الحبيبةام عائشة

 

بانتظارك وآسفة إن كنت تعبتك معايا...

 

ما تقوليش كده انتى تعبك راحة يا جميل

 

الطحين هو الدقيق

 

وطحين النشا هو دقيق النشا ( النشا العادى يعنى )

 

واى استفسار انا حاضرة

[*فداء النبي* 0]

السلام عليكم ورحمة الله وبركاته

 

انا اول مره اسمع عن الجبنه المقليه بس هي شكلها حلوه وان شاء الله اجربها في اهلي بس لو حصلهم حاجه تبقي علي مسئولية المنتدي كله

 

بس يا ريت حد يقولي يعني ايه جبنه مرولا :wub:

[*لقاء* 1]

اهلا بالاخت فداء النبى

 

اسمك جميل اوى

 

بس يا ريت حد يقولي يعني ايه جبنه مرولا

 

معلش انا صلحت الاسم

 

هى الجبنة المازرولا والمقصود بيها الجبنة الموتزاريللا

[*فداء النبي* 0]

جزاكي الله خيرا يا أخيتي

وأسأل الله ان يجعلني وبنات أمتي فداء لعرض النبي

[حياء الورد 0]

السلام عليكم ورحمة الله وبركاته،،

جزاكن الله خيرا أخواتي ، وبوركتِ عزيزتي لقـــــــاء على الوصفة .

أخواتي الحبيبات هل منكن من عملتها ؟

لأني عملتها لكن حين أقليها فإن أغلب الأصابع تسيح منها الجبنة ولم يسلم إلا عدد قليل :biggrin:

تم تعديل 3 ديسمبر, 2007 بواسطة قلبٌ كسير

[** أم عائشة ** 0]

اصابع الموتزاريلا المقليه

 

 

المقادير

 

 

3 ملاعق كبيره دقيق

2 بيضه مخفوقتين

3/4 كوب بقسماط

1/2 كيلو جبنه موتزاريلا تقطع شرائح طوليه 8 سم وعرضها حوالي 2 سم

1 ملعقه كبيره فلفل احمر

2 ملعقه صغيره ثوم بالملح بودره

حوالي كوب زيت اي نوع حسب الرغبه للتحمير

اي نوع صلصه للتغميس

 

 

الطريقه

 

 

نضع الدقيق في طبق غويط ويوضع البيض المخفوق في طبق غويط ثاني ويوضع البقسماط في طبق غويط ثالث ويضاف للبقسماط الفلفل والثوم والملح ويقلب جيدا.

نقوم بتجهيز اصابع الجبنه كالتالي :

نغمس الاصابع في الدقيق حتي تغطي تماما به كل اصبع علي حده ثم نغمسها في البيض ثم نضعها في خليط البقسماط والتوابل ونغمسها جيدا حتي تتغطي تماما به ثم نضعها مره اخري في البيض ونغمسها فيه جيدا ثم نضعها مره اخيره في خليط البقسماط والتوابل . نكرر في كل اصابع الجبنه حتي ننهي كل الكميه .

 

نقوم بتسخين الزيت علي النار ثم نضع فيه اصابع الجبنه وتترك لتحمر لمده 30 ثانيه فقط او حتي تصبح ذهبيه اللون مع مراعاة عدم تركها لفتره طويله حتي لا تسيح الجبنه وتتفكك من البقسماط .

تنزع من الزيت وترفع علي ورق مطبخ ليمتص الزيت وتقدم ساخنه مع صوص التغميس

تم تعديل 26 يونيو, 2008 بواسطة ايمان البدري

[أم عائشة المصرية 242]

جزاكِ الله خيرا أخيتي على ردك واهتمامك بالموضوع..

سلمت يمينك..وإن شاء الله أحاول أجربها...