تســـاؤلاتكن..هنـــــــــــــــــــــا

[أم عائشة المصرية 242]

السلام عليكن ورحمة الله وبركاته

 

حبيباتي يا غاليات..

كما تعلمون لقد بدأت في الشهر الثامن من حملي الثاني..والحمد لله.

وهناك شيء يقلقني وهو "سبوع الولادة "..

ففي بلدي نقوم بعمل سبوع الولادة للمرأة الوالدة وغالبا ما يكون اليوم السابع للمولود ويجتمع فيه الأهل من الطرفين (يعني أهلي وأهل زوجي) والجيران والأصدقاء أحيانا..

وتقدم فيه حسب العادات مشروب المغات ويوجد البعض يقدم فيه أطعمة مثل الكسكسي ومعه أي طبخ مثلا ولو كان في عقيقة تغني عن هذا الأكل..

 

المهم أنا محتارة من جهة كذا حاجة، وعاوزة مساعدة الأخوات اللي عندهم خبرة في هذا الأمر..

 

*يعني مثلا المفروض ألبس إيه في اليوم ده (لأني أذكر لما كنت صغيرة أن قريباتي يوم السبوع هذا يكونون في أجمل هيئة من ملابس وعطور وتسريحات...إلخ)

لكني بصراحة أتكسف جدا ولا أتجمل إلا أمام زوجي فقط..يعني أكثر حاجة ممكن أعملها قدام الناس هي الكحل..

فأنا عاوزة أكون جميلة في لبسي ومظهري بدون بهرجة..

وخصوصا إنه في غير ملتزمات سوف يأتون ليباركوا ولا أريد تعقيدهم من الملتزمات..

 

*هل في حاجة معينة المفروض ألبسها للمولود الجديد؟

 

* ايه هي الملاحظات اللي ممكن ما أخدشي بالي منها..يعنى ممكن الأمهات الكبار يلفتوا نظري ليها..

 

*إن شاء الله حنعمل عقيقة للمولود ولكن لنفترض أنه قدر ولم نعمل عقيقة هل يكفي المغات فقط في التقديم ولا عيب ولازم يبقى طبيخ وحوسة والذي منه؟

 

 

 

حبيباتي لا تستغربون من أن هذه الولادة الثانية فأنا في ولادتي الأولى كانت والدتي مسافرة وبوظت الدنيا وكنت لابسة جلابية عادية يعني مش جديدة ومش جميلة ومش وحشة برضه..ولم اكن متزينة وكنت تعبانة وشوية وحعيط كمان..وكنا عاملين عقيقة..والبيت اتبهدل جدا وأنا مش عاوزة كل ده يتكرر تاني..

وماما معندهاش خبرة في المواضيع دي أوي لأني أكبر بنت في العائلة(يعني أول واحدة أتزوج ولا نعرف ايه اللي المفروض نأخد بالنا منه)..

 

بانتظاركم وسامحوني على الرغي الكتير ده..

[أم عائشة المصرية 242]

يعني باختصار عوزة أعرف:

*ألبس إيه؟

*ألبس النونو إيه؟

*في ملاحظات بالنسبة للأكل والشرب اللي بيتقدم ولا لا؟

*في ملاحظات بالنسبة لفرش البيت لأنه اتبهدل جدا في سبوع عائشة زي ما ذكرت لكم؟

*في ملاحظات تانية؟

 

بانتظاركم

[*لقاء* 1]

حيا الله الغالية

 

ام عائشة

 

وربنا يكمل لك على خير اختى الحبيبة

 

ان شاء الله اجاوب على اسئلتك ويارب يقدرنى وافيدك

 

*ألبس إيه؟

 

طبعا اكيد بعد الولادة جسمك اتغير

 

بس حاولى تشوفى حاجة من ملابسك تكون مضبوطة عليكِ

 

يعنى ما فى داعى انك تشترى ملابس جديدة

 

الناس عارفة انك والدة ...........

 

ممكن عباية شيك تغنيك عن مشكلة مقاس جسمك اللى غير بعد الولادة

 

مع شوية مكياج خفيف لا داعى للمبالغة

 

مكياج خفيف ورقيق يكفى لجعل وجهك مشرق ويخفى ارهاق ما بعد الولادة والسهر والذى منه

 

يعنى يادوب تخفى الارهاق

 

 

*ألبس النونو إيه؟

مافيش داعى للحيرة بالنسبة للنونو

 

معظم محلات ملابس الاطفال بيكون عندها ملابس لهذه المناسبة

 

فستان سبوع للمولود

 

وفى منه اشكال وموديلات كتير

 

*في ملاحظات بالنسبة للأكل والشرب اللي بيتقدم ولا لا؟

 

بيتقدم الموغات طبعا زى ما انتى قلتى

 

وبيتقدم معاه كمان الكسكسى بالسكر والمكسرات

 

وهذا يكفى

 

*في ملاحظات بالنسبة لفرش البيت لأنه اتبهدل جدا في سبوع عائشة زي ما ذكرت لكم؟

 

الله غالب........................

 

هههههههههههههههههه

 

*في ملاحظات تانية؟

 

لو افتكرت حاجة تانية هادخل اقوللك

[أم عائشة المصرية 242]

جزاكِ الله خيرا أختي لقاء على تنويرك للموضوع وإفادتي..

 

الله غالب........................

:(............لا يوجد حل اليس كذلك..الحمد لله..

ربنا يعينني على اليوم ده ويعديه على خير..

[وتر حساس 1]

أختي الحبيبة أم عائشة المصرية

 

لسه مجربتش :roll: بس حبيت أدعي ربنا يقومك بالسلامة وتكوني بصحة وعافية

 

وربنا يعينك في داك اليوم :icon15:

 

بس في سؤال حتعزميني ولا لأ :huh:

 

:wub:

[ام الفاروق عمر 0]

السلام عليكم ورحمة الله وبركاته،،

 

 

حبيبتى أم عائشة انا مصرية اعيش فى ايطاليا

 

عندى ولدين والاثنين الحمد لله عملت عقيقة كانت

 

منظمة وجميلة ومن غير بهدلة فى البيت اشتريت

 

 

من الجزارة خروف مذبوح جاهز وعزمنا كل الاقارب

 

هنا والمصريين النعرفهم وطبخنا والرجال كانو فى مكان

 

والحريم فى مكان والكل أكل بنظام فى التقديم لان كل واحدة

 

كانت متخصصة فى شىء واحدة للطعام ووادة للحلويات

 

وواحدة للمشروبات وتكون مسئولة عن كل ما يخصها من

 

الاطباق والملاعق وكل شىء وفى الاخر كله ساعد بعضه للتنظيف

 

واما بالنسبة للمولود كان لابس لبس جديد ونظيف وموجود فى السرير

 

الخاص به من يريد رؤيته يذهب ليراه وكان سبوع جميل جدا وبيحكو بيه

 

لحد الان وعقبال ما تشوفى اولادك عندهم 16 سنة والثانى 14 سنة

 

وربنا يوفقك وتقومى بالف سلامة وطمانينى عليكى

[أم عائشة المصرية 242]

حبيبتي وتر حساس

جزاك الله خيرا على ذوقك الرفيع وعقبال ما ربنا يكرمك بذرية صالحة وتعمليلهم أحلى سبوع..

وإن شاء الله إنتي أول المعزومات من المنتدى...:)

 

أختي أم الفاروق

جزاكِ الله خيرا

فعلا نصيحة جميلة موضوع إني أخصص واحدة لكل حاجة يعني واحدة للمغات وواحدة لتوزيع الطعام..إلخ

وربنا يعينني وأجد ذلك..

بالنسبة لموضوع الخروف فهذا لو تم سيكون بإذن الرحمن سهل لأننا سنذبحه بواسطة الجزار وسمعنا عن مطعم يستلم الخروف مذبوحا ويسلمه لنا مطبوخا..

لكن المشكلة في موضوع الأكل ده أنا قلقانة منه لأن الضيوف بيآخدوا راحتهم أوي أوي..ومعاهم أطفالهم ولكنهم يتركونهم بدون رقيب والأطفال بيعتبروا إنهم في فسحة..

وطبعا أنا مش بقدر أتكلم لأني صاحبة البيت..

أسأل الله أن يمرر هذا اليوم على خير.

أما عن موضوع الرجال والنساء فالعقيقة للرجال تكون في المسجد والنساء عندي في البيت.

بارك الله لكِ في أولادك وعقبال ما تزوجيهم وتعمليلهم سبوع للنونو كمان :)

 

بانتظار مشاركاتكن يا غاليات..نفعني الله وإياكن...

[ام يوسف و عمر 0]

السلام عليكم اختى الحبيبة ام عائشة

ربنا يتملك الحمل على خيييروترزقى بالولدالصالح

انازى وتر حساس لسه مجربتش بس انا لمابروح

سبوع بيكون غالبا عقيقة وكمان احسن حاجه تلبسيها

هى العباية ولازم تحطى شوية مكياج عشان الارهاق

زى ما قالت اختى لقاء امابالنسبة للشقة طبعا شيلى

اى حاجة تتكسر بعيدعن الاطفال عشان متبقيش

قلقانة ويارب يسعدك ويتمملك على الف خييير

وابقى طمنينا عليكى

[يارحمان يارحيم 0]

كده ياأخواتى الحبيبات ايه الحكايه محدش عارف خالص اى

 

وصفه :ninja: :blink:

 

أرجوكم محتاجه الوصفات ديه جدااااااااااااااااااااااااااا النهارده ان شاء الله

 

همتكم ياحبيبات

 

معلش حتعبكم معايا

:wacko:

[أم ريتاج 7]

السلام عليكم و رحمة الله و بركاته

 

ربنا يتمم لك حملك على خير يا غالية

و يجعل ذريتك فخر للاسلام و المسلمين و اولادنا يارب العالمين

 

بالنسبة حبيبتى للسبوع

 

فزى ما قولتى عندنا فى مصر طقوس خاصة للسبوع

 

لكن حبيبتى برضو عندنا فى مصر نوعين من المعازيم لازم تفرقى بينهم

 

النوع الاول :blink: الاهل و الاقارب و اخص منهم اللى هيبقوا موجودين معاكى من اول النهار و هيتغدوا عندك او حتى اللى هيجوا لك على الغدا

 

و النوع التانى :wacko: هما المعازيم اللى مش هيتغدوا عندك . يعنى جم عندك بعد الغدا مثلا او مش عايزين ياكلوا اصلا

 

فعشان كده لازم تكونى عاملة حسابك فى الاكل و المشروبات على حد سواء

 

لان اللى مش اتغدى عندك هيبقى عايز تقديمى له مشروب و اللى اتغدى كمان هيبقى عايز مشروب برضو .

 

و لازم تنوعى فى المشروبات عشان مش الكل بيحب المغات

 

فلازم يكون عندك عصائر او ما شابه

 

أما يا ستى بالنسبة للى هيتغدوا عندك فمعظمهم هيكون من الاهل و الاقارب و دول هما اللى هيسعدوكى فى عمايل الاكل

 

عن تجربتى انا فلما عملنا العقيقة جبت اللحمة من قبلها بيوم بس جبت لحمة كندوز

 

و سلقتها ليلة السبوع و حضرت الرز و الحاجة كلها بتاعة الفته و حضرنا عصير الطماطم و الرز

 

و تانى يوم قمنا ظبتنا الشقة و حضرنا هدوم المولود و هدومى

 

و على بعد الظهر كده عملنا الرز و صلصة الفته و حضرنا الاطباق و بعتنا المسجد كانت الناس بقا بدأت تيجى

 

و بالنسبة للشقة فهى هتبوظ هتبوظ لا مفر

 

و بالذات لو عملتى زى ما جدتى عملت عندنا انها مسكت الملح و السبع حبوب و قعدت ترشهم عليا فى كل حته فى الشقه و مش ينفع نكنسهم فى نفس اليوم لا دول لازم يباتوا فى الشقة و يتكنسوا تانى يوم

 

عادات عجيبة

بس جميلة

 

هكمل معاكى ان شاء الله

[~أمُّ تَسنِيم~ 1]

حبيبتي

أم عائشة

ربنا يسهل عليك الولادة و يتمم لك بخير

ربنا يقومك بالسلامة و العافية من السبوع

و يحفظ ليك عائشة يا رب

اللهم آميييييين

حبيبتي أنا معنديش فكرة على عادات المصريين فيا لسبوع :mrgreen:

و ادا أردت عادات المغرب أنا ممكن أقدم لك الملف كامل حبيبتي ان شاء الله :wub:

بس عندي سؤال محيرني :icon15:

هو أنا معزومة ولا لا :closedeyes:

[ام بسمله 0]

السلام عليكم ورحمه الله وبركاته

اختى يارحمان يا رحيم

احسن حاجه للقشره

انك تستعملى خل مع ماء الشطف

بعد غسل الشعر وطبعا يفضل لو شامبو ضد القشره

بس الخل بينشف الشعر شويه بس ممكن بعد ماتخف القشره

ترطبيه بماسكات

دى اللى اعرفه

[أم عائشة المصرية 242]

أختي مريم المسلمة

جزاكِ الله خيرا على نصيحتك وفعلا إن شاء الله آخد بالي من موضوع الحاجات اللي لازم اخفيها من أمام الأطفال.

حبيبتي أم ريتاج

بالنسبة للشقة فهى هتبوظ هتبوظ لا مفر

ربنا يستر بجد..

المشكلة إن السبوع المرة اللي فاتت كان في بيت ماما وكنت محرجة جدا إني أبوظ لها شقتها..لكن الحمد لله عدت على خير لأنها كانت مسافرة ولما رجعت كنا عملنا إعادة هيكلة للشقة من جديد :))))))

وأنا إن شاء الله أنا ناوية اعمل السبوع المرة دي في بيتي وأسأل الله أن يعطيني الصحة والعافية إني أرجع البيت قبل السبوع بيومين مثلا علشان ألحق أجهز....

بانتظار بقية مشاركتك يا أم ريتاج وايه رأيك بالنسبة للبس بتاعي عندك جديد غير إضافات الأخوات؟أم محمد أنس

جزاكِ الله خيرا وطبعا معزمومة من غير كلام....ولازم تجيبي هدية للنونو كمان (مفيش دخول من غير الهدية..اتفقنا....:))))

حبيبتي عاداتنا المصرية كما ذكرتها أم ريتاج ولو عندك جديد فأهلا وسهلا ومرحبا أضيفيه كي نستفيد..

[أم عائشة المصرية 242]

للرفع..:)

 

بانتظار بقية مشاركاتكن يا غاليات..

[أم ريتاج 7]

للرفع..:)

 

بانتظار بقية مشاركاتكن يا غاليات..

السلام عليكم و رحمة الله و بركاته

 

شوفى بقا يا ام عائشة

 

فى كمان فكره واحدة صدقيتي عملتها و كانت فكره بجد روعة ما شاء الله عليها و على زوجها اصلها داعية و زوجها ايضا داعى

 

بصى عملت ايه ما شاء الله

 

اولا بالنسبة للاكل

 

عملت زي و حضرت الحاجة قبلها بيوم و تانى يوم كملت الباقى الصبح

 

و على الظهر كده بدأو يعملوا الرز

 

و جابت علب زي علب الكشرى كده و حطت فيها شوية رز و عليهم صلصة طماطم و عليهم حتة لحمة و قفلت العلبة

 

و جابت اكياس و حطت في كل كيس علبة و ملعقة برستيك و نصف رغيف و منديل

 

و رصت العلب على ترابيزة السفرة

 

نزلت المسجد شوية منهم على اد الموجودين و الباقى خلته في البيت عشان اللى يجيى يأكل يلاقى الاكل جاهز

 

و بكده استريحت من غلبة رص الاكل و شيله و بعدين ترجعى تحطى للى لسة جى و كده يعنى

 

بس و بعد اذان العصر رشوا الملح و وزعوا الفشار و الشمع و الحاجات دي

 

و بعدها قعدوا كلهم و كانت جايبه لهم المصحف على 30 كتاب اى في كل كتاب جزء و كل واحدة من اللى موجودين اخدت لها جزء و قرأته لحد ما خلص المصحف كاملا

 

و ده اخد مننا لحد اذان العشاء

 

بعدها قدمت لنا المغات و المشروبات

 

و بس

 

و نزلنا روحنا بس كنا فرحانين جدا

 

ايه رأيك بقا

 

على فكرة

 

انا فكرت اخلف العيل الرابع عشان اعمل الفكرة دي في السبوع

 

هههههههههههههههههههههههههههههههه

 

يعنى اخلف عيل عشان اعمله السبوع

 

مش اعمل السبوع عشان العيل

[*أم رقية* 473]

السلام عليكم ورحمة الله وبركاته،،

حبيبتى ام عائشة

الله يتمم حملك على خير

 

فكرتينى بسبوع رقية ورجعتينى 3شهور للوراء

 

يعني باختصار عوزة أعرف:

*ألبس إيه؟

*ألبس النونو إيه؟

*في ملاحظات بالنسبة للأكل والشرب اللي بيتقدم ولا لا؟

*في ملاحظات بالنسبة لفرش البيت لأنه اتبهدل جدا في سبوع عائشة زي ما ذكرت لكم؟

*في ملاحظات تانية؟

 

بانسبة لبسك ياغالية

زى ماقالوا الاخوات

عباية شيك وجميلة وتكون الوانها زاهية

 

وبالنسبة للنونو

 

دلوقتى المحلات عملت فساتين حلوة للبنات وسلوبتات للولاد

 

بالنسبة للاكل والشرب

من عادتنا ان كل اللى بيخى لازم ياكل

عشان الصواب للمولودوربنا يجعل فيه بركة

اما المشروبات نوعى بس الغالب بتبقى مغات

 

بس احنا عملنا حاجةتانية

فىناس مبتبقاش عايزة تاكل

وناس مش عايزة تشرب مغات

 

فعملنا كمان رز بلبن

 

اشترينا علب كعلب الزبادى

وعملنا اعداد كتيررررررررررة بزيادة يعنى :wink:

 

بس اتاكل كلة اصلة كان لذيذ اوى

 

امابقى الهم الكبير

 

الشقة

 

هتتبهدل هتتبهدل لامفر :sad: :tongue:

 

زوجى كان عايزيعمل العقيقة عند والدتة هى فى الدور اللى تحتينا

بس انا بقى قولت ازاى

 

لازم فى الشقة :angry:

 

يعنى اصحابى يكلوا تحت :angry:

 

 

وجت على دماغى

 

 

مكنتش اعرف اللى هيحصل زاد عدد الناس بطريقة فظيعة

 

لدرجت انى تعبت واتخنقت :ohmy:

وكرهت السبوع

 

 

 

دوشتك

 

المهم

 

احنا عملنا فرش للصالون عشان ميدبهدلش من الاولاد

 

بس فى ناس مش بتحب كدة

 

بس دة وان كان بيدارى جمالة بس بيحمية ويصونة

 

 

وكمان لو عندك ملايات جديدة افرشيها

 

وزينى سرير البيبى بشكل مختلف

 

 

 

ملحوظة

 

 

 

احذرى حبيبتى

 

 

الهون

 

رش الملح

 

لانهم بدعة

[ام عمر 2003 1]

السلام عليكم ورحمة الله وبركاته،،

حبيبتي الغالية ام عائشة ربنا يقومك انتي والنونو بالسلامة

يارب

بصي بقي زي ما الحبيبات قالوا

البسي عباية تكون شيك بص بالله عليكي سيبي الاررهاق يبان

احس في ناس ما شاء الله ربنا يحميكي انتي والنونو وحاولي تاخري العقيقة شوية

لما تبقي كويسة يعني مثلا بعداسبوعين ان شاء الله

علشان تكوني اتحسنت

بس متنسيش تنعزمي ام عمر

[ommo abderrahman 0]

السلام عليكن ورحمة الله وبركاته

 

حبيباتي يا غاليات..

كما تعلمون لقد بدأت في الشهر الثامن من حملي الثاني..والحمد لله.

وهناك شيء يقلقني وهو "سبوع الولادة "..

ففي بلدي نقوم بعمل سبوع الولادة للمرأة الوالدة وغالبا ما يكون اليوم السابع للمولود ويجتمع فيه الأهل من الطرفين (يعني أهلي وأهل زوجي) والجيران والأصدقاء أحيانا..

وتقدم فيه حسب العادات مشروب المغات ويوجد البعض يقدم فيه أطعمة مثل الكسكسي ومعه أي طبخ مثلا ولو كان في عقيقة تغني عن هذا الأكل..

 

المهم أنا محتارة من جهة كذا حاجة، وعاوزة مساعدة الأخوات اللي عندهم خبرة في هذا الأمر..

 

*يعني مثلا المفروض ألبس إيه في اليوم ده (لأني أذكر لما كنت صغيرة أن قريباتي يوم السبوع هذا يكونون في أجمل هيئة من ملابس وعطور وتسريحات...إلخ)

لكني بصراحة أتكسف جدا ولا أتجمل إلا أمام زوجي فقط..يعني أكثر حاجة ممكن أعملها قدام الناس هي الكحل..

فأنا عاوزة أكون جميلة في لبسي ومظهري بدون بهرجة..

وخصوصا إنه في غير ملتزمات سوف يأتون ليباركوا ولا أريد تعقيدهم من الملتزمات..

 

*هل في حاجة معينة المفروض ألبسها للمولود الجديد؟

 

* ايه هي الملاحظات اللي ممكن ما أخدشي بالي منها..يعنى ممكن الأمهات الكبار يلفتوا نظري ليها..

 

*إن شاء الله حنعمل عقيقة للمولود ولكن لنفترض أنه قدر ولم نعمل عقيقة هل يكفي المغات فقط في التقديم ولا عيب ولازم يبقى طبيخ وحوسة والذي منه؟

 

 

 

حبيباتي لا تستغربون من أن هذه الولادة الثانية فأنا في ولادتي الأولى كانت والدتي مسافرة وبوظت الدنيا وكنت لابسة جلابية عادية يعني مش جديدة ومش جميلة ومش وحشة برضه..ولم اكن متزينة وكنت تعبانة وشوية وحعيط كمان..وكنا عاملين عقيقة..والبيت اتبهدل جدا وأنا مش عاوزة كل ده يتكرر تاني..

وماما معندهاش خبرة في المواضيع دي أوي لأني أكبر بنت في العائلة(يعني أول واحدة أتزوج ولا نعرف ايه اللي المفروض نأخد بالنا منه)..

 

بانتظاركم وسامحوني على الرغي الكتير ده..

[** اللؤلؤة المكنونة ** 69]

• 
  

بسم الله الرحمن الرحيم

 

السلام عليكم ورحمة الله وبركاته،،،

ام عائشة اتم الله حملك على خير ان شاء الله

 

ه

• 
  

فى البداية انوى انك متعمليش مخالفات شرعية

• 
  

ما هو السبوع؟ كلمة ليس لها اصل فى ديننا انما فى يوم سابعة تذبح الاضحية وبعد كده تطهى فى اى يوم

• 
  

لاززززززززززززززم الحذر من تكسير عظام الاضحية فلا يجوز تكسيرها الا بعد ان تستوى

• 
  

والهون والملح وعدم كنس الشقة فى نفس اليوم كل ده بدع

• 
  

قال رسول الله صلى الله عليه وسلم ( ايااكم ومحدثات الامور، فان كل بدعة ضلالة وكل ضلالة فى النار )

• 
  

• 
  

• 
  
• 
  

حبيبتى اما عن موضوع العقيقة

• 
  

فانا عن نفسى ما حبيت اعمل صلصة وفتة وارز لان دى عكة كل ما تيجى مجموعة تاكل تفيض الفتة ما بتعرفى تعملى فيها ايه

• 
  

انا عملت ارز بسمتى بالمكسرات وممكن تعمليه بدون مكسرات واللحمة بعد ما استوت وقطعتها قطع وضعت عليها صلصة ودخلتها الشواية فى الفرن لحد ما احمرت وكانت تحفى مع شربت لسان عصفور والمخللات طبعا وكمان سلطة خضراء او مايونيز

• 
  
• 
  

بصراحة لحد اليوم اصحاب زوجى فى العمل بيحلفوا بيها

• 
  

وبالنسبة للشقة شيلى كل الحاجات المهمة فى حجرة واقفليها بالمفاتيح ولا تنسى الفقراء فى هذه الوليمة

تم تعديل 23 مارس, 2008 بواسطة rona81

[أم عائشة المصرية 242]

أم ريتاج...

فكرة جميلة فكرة العلبة اللى شبه علبة الكشري دي وأكيد حتقلل من البهدلة اللي ممكن تحصل وخصوصا تبقي بواقي أكل..

أم ريتاج ممكن أقولك حاجة..أنا كنت معلماكي بالصورة بتاعة البنت اللى بالأبيض والاسود وكل ما أشوف واحدة حطاها أقول دي بتاعة أم ريتاج...هههههه

انا فكرت اخلف العيل الرابع عشان اعمل الفكرة دي في السبوع

ههههه أضحك الله سنكِ...

 

 

أم رقية

جزاكِ الله خيرا على نصايحك وربنا يباركلك في بنوتك..وعقبال المرة الجايـــــــــة..

 

 

 

أم عمر..

يا غالية لك مدة طويلة لا تظهرين في المنتدى قلقت عليكي...

جزاكِ الله خيرا على نصايحك...وخصوصا دي..أضحكتيني أضحك الله سنكِ..

بالله عليكي سيبي الاررهاق يبان احسن في ناس ما شاء الله ربنا يحميكي انتي والنونو

 

 

ommo abderrahman

أهلا بك في منتدانا ولي الشرف إن أول ردودك تكون في موضوعي..

يا ترى هل كنت تريدين إضافة رد جديد ولكن حدث خطأ أم أنكِ تقصدين بردك أنك عند نفس سؤالي؟

 

 

rona81

جزاكِ الله خيرا أختي على نصيحتك وإن شاء الله لن يكون هناك مخالفات شرعية..

أما عن رش الملح والهون والكلام هذا فلن يحصل اصلا بإذن الله..

لكن ما الدليلمن كتاب الله ومن السنة على كلامك هذا فأنا أرى أنه غريب جدا ولم أسمع به من قبل..

لاززززززززززززززم الحذر من تكسير عظام الاضحية فلا يجوز تكسيرها الا بعد ان تستوى

بانتظار ردك..

تم تعديل 23 مارس, 2008 بواسطة أم عائشة المصرية

[(:بسمة تفاؤل:) 4]

السلام عليكم اختى الحبيبة ام عائشة

ربنا يتملك الحمل على خيييروترزقى بالولدالصالح

انازى وتر حساس لسه مجربتش بس انا لمابروح

سبوع بيكون غالبا عقيقة وكمان احسن حاجه تلبسيها

هى العباية ولازم تحطى شوية مكياج عشان الارهاق

زى ما قالت اختى لقاء امابالنسبة للشقة طبعا شيلى

اى حاجة تتكسر بعيدعن الاطفال عشان متبقيش

قلقانة ويارب يسعدك ويتمملك على الف خييير

وابقى طمنينا عليكى

[ام خديجه 7]

السلام عليكم ورحمة الله وبركاته،،

حبيبتي ام عائشه اسأل الله ان يرزقك ولاده سهله ويقر عينك بالولد الصالح

بصي يا حبيبتي انا لسه مش جربت والله يعني لم ارزق بأطفال بعد

انا لسه متزوجه من فتره صغيره

بس عندي ليكي شويه نصائح احسبها مفيده لكي............

 

بالنسبه للبسك ..........انا شايفه انك ممكن تلبسي عبايه شيك وقيمه او جوب وبلوزه كويسين ده طبعا لانك جسمك هيكون اتغير .وتعملي شعرك لو حبيتي او تلبسي طرحه فاتحه وطبعا تحطي ميكيب خفيف عشان يكون وشك منور.

 

 

اما البيبي اذا رزقت ببنت ممكن فستان بيكون ابيض او بنك بيكون مخصص للسبوع -موجود ف محلات الاطفال-واذا ولد ممكن بدله جميله وتكون مناسبه ليوم زي ده .

 

 

اما الاكلللللللللللللللللللللللللللللللللللللل......................

 

بصي لو هتعملي عقيقه طبعا زي ما الاخوات قالو في دلوقتي محلات بتاخد العقيقه وترجعها لك مطبوخه ومشويه واحسن ما انت هتعمليها بكتير وكمان بيكون معاها رز بسمتي ومكسرات وكده ودي فكره هايله هتريحكوا من المطبخ والبهدله .

 

 

 

واذا مش هتعملي عقيقه ممكن تعملي كسكسي ورز بلبن للناس اللي هتيجي بعد العصر وكمان عشان الرجال

او لو الناس هتيجي من بدري يبقي لازم تعملي اكل بس خلي الاخوات يساعدوكي من قبلها بيوم عشان ما تتعبوش كله ف يوم واحد

ممكن تعملي اسهل حاجه فته ولحمه ورز.................وده سهل انا يتحضر جزء منه قبلها بيوم زي ما اختنا قالت.

 

عندي فكره للاكل

لو البيت عندك واسع ممكن تخلي غرفه منفصله للاكل تكون معده لذلك بمعني انك تحطي فيها كراسي وترابيزه عليها مفرش وكل اللي ييجي يدخل ياكل فيهاو بعدين يكملوا قاعدتهم ف الانتريه مثلا_ولتكن هذه الغرفه غرفه الصالون او الغرفه الصغيره بتاعه عائشه مثلا او غرفه السفره لو كانت منفصله وده يكون احسن_ اوممكن تفرشى ع الارض بدل التربيزه او السفره عشان المكان يستوعب اكبر عدد.

وبعدين تتقدم الموغات ثم عصير او حاجه ساقعه لان الجو هيكون حااااار.

 

 

وبعدين لازم تشيلي التحف من المكان اللي الناس هيقعدوا فيه وتوسعي الفوتيهات وتحطي كراسي تانيه عشان العدد لو زاد.

 

طبعا طبعا الرجال هيكونوا في مكان منفصل او في المسجد طبعا.

 

لازم تعرفي مين اللي هيساعدك عشان يقدم الاكل والحلو والمشروبات وانت كفايه عليكي انت ترحبي بالضيوف وتشوفي عائشه والبيبي وتشرفي علي كل ده. خلي اعصاب كهاديه ان شاء الله هتعدي علي خير وهتفتكريها ذكري حلوه.

 

 

 

 

واهم من كل ده الرقيه الشرعيه لكي وللبيبي عشان ربنا يحفظكوا بأذن الله -0وماتنسيش عائشه وابوها- :excl:

 

 

 

 

 

 

معذره اني طولت عليكي بس والله انا كنت عايزه انصحك................ :icon15:

 

 

 

 

 

ادعيلي..........

تم تعديل 24 مارس, 2008 بواسطة ام خديجه

[أم عائشة المصرية 242]

أختي اللهم صلى وسلم على محمد "اللهم آمين"

جزاكِ الله خيرا وأسأل الله أن يرزقك ذرية صالحة طيبة تقر بها عينك..

 

أختي أم خديجة..

جزاكِ الله خيرا على النصيحة وأسأل الله أن ييسر لك الخير ويرزقك ذرية صالحة طيبة تقر بها عينك..

[marmar1212 0]

السلام عليكم ورحمه الله وبركاته

انا كنت طالبه مساعدتكم اخواتى فى الله انا بس طالبه اسم كريم اساس اللى بيلمع البشره اللى بيخلى البشره بتلمع زى ما تكون عرقانه انا بشوف ناس كتير وشهم بيلمع اوى كده وطبعا بتحرج اسأل عن اسم المكياج بالله عليكم اللى تعرف تقولى على اسمه عشان اشتريه وجزاكم الله خيرا

[*أمة الودود* 0]

والله انا لا اعرف اسمه

انا منتظره معك حديخبرنا