اختى....ايه رأيك تكونى منتقبة؟

[نوبية 0]

السلام عليكم و رحمة الله تعالى و بركاته

 

أسال الله العظيم رب العرش الكريم أن يشفى أختنا آيات ويرفع بما اصابها درجاتها و يحط من خطاياها

 

 

أسأل الله العظيم رب العرش الكريم ان يشفى أختنا الحبيبة الغالية أم عبد الرحمن و يجعل ما أصابها فى ميزان حسناتها

 

 

اللهم آمين ....أمين........ أمين

[أم الرميساء* 0]

السلام عليكم ورحمة الله وبركاته،،

جزاكى الله خيرا اختى ماربيل انا لست منتقبة ولكن كما قلتى من قبل افرح كثيرا عندما ارى اختا لى قد ارتدت النقاب وتدمع عيناى فرحا لها و انا مثل لخواتى مشكلتى هى رفض ابى ولا يعطينى سببا مما يزيد من حزنى وعدم قدرتى على تمالك نفسى وهو يقابلنى بالرفض فسرعان ماتتغير ملامح وجهى ويبدو الغضب وضعوا انفسكم مكانى فعندما اذكر النقاب يتضايق و يقول اننى احسسه انه يقف فى طريق طاعة كما فعلت اختى من قبل ولكنها بفضل من الله تزوجت و انتقبت قبل الزواج بفتره قصيرة اى وهى مخطوبه

وعندما اقول لامى ان الزواج رزق تقول لى انها مقتنعة بان البس النقاب ولكن المشكلة رفض ابى الغير مبرر ادعو لى ان يرزقنى الله النقاب

[التائبه_الى_الله 0]

السلام عليكم ورحمة الله وبركاته،،

انا اللى شدنى للمنتدى ده هو موضوع النقاب لانى نفسه البسه اوى لدرجه انى ببكى فى صلاتى وقبل مانام عشان لسه ملبستوش لان بالرغم من اختلاف العلماء على فرضيته لكنى احسه فرض والله .والحمد لله انه اعطانى من الجمال قدر كبير وده من الاسباب برده اللى خلتنى عايزه البسه . ياريت تقبلونى اخت لكم فى الله لانى جديده هنا ومعرفش حد مع انى معجبه بكاتبه الموضوع ده الاخت ماربل والاخوات اللى ارتدوا النقاب ماشالله ربنا يباركلهم ويثبتهم ويرزقنى النقاب يا رب امين

[marble 2]

السلام عليكم ورحمة الله وبركاته

هو بصراحة أنا مش لاقية كلمة إعتذار مناسبة :smile: على إهمالى للموضوع

وان شاء الله مش عايزين نتوقف عن الدعوة الى النقاب وبفضل الله الاقبال على النقاب زاد والنفوس مهيئة لفعل الطاعات

اسأل الله الإخلاص والسداد هذه المرة :smile: وأكمل الموضوع بحول الله وقوته إن شاء الله!

[خُـزَامَى 1492]

السلااام عليكم ورحمة الله تعالى وبركاته،،

يعلم كم فرحت لرؤية إسمك ياحبيبة

عودا حميدا ياغالية

دا أنتي طولتي الغيبة خالص شكلك إتزوجتي ودوبك تجي :)

[خُـزَامَى 1492]

السلااام عليكم ورحمة الله تعالى وبركاته،،

يعلم كم فرحت لرؤية إسمك ياحبيبة

عودا حميدا ياغالية

دا أنتي طولتي الغيبة خالص شكلك إتزوجتي ودوبك تجي :)

[¯`ღ سماح ღ´¯ 42]

وعليكم السلام ورحمة الله وبركاته،،

 

حيا الله الغالية ماربل

 

منورة المنتدى من جديد

 

بارك الله فيك وفي وقتك

[ياقوته 0]

حبيبه قلبى ماربيل والله اشهد الله انى احبك فى الله من غير ما اعرفك خالص بس من خلال الموضوع ده

 

وكنت زعلانه جدااااااااااااااا ان الى كاتبه الموضوع الجميل ده مش موجوده عشان تتجاوب معانا

 

انا فرحانه اوى والله بارك الله فيكى وجزاكى الله الفردوس الاعلى يا حبيبه

 

وحمدا لله على سلامتك .......... بس !!!!!!!!!!!!!!!!!!!!!1

 

لازم تعترفى انتى كنتى فين كل ده وبعدين ننظر فى حالتك نسامحك على غيابك والا لا

 

يلله عايزين نكمل الموضوع

 

وبالمره بقه ادعولى ربنا ييسر لى وانتقب قريبا بالله عليكم

[marble 2]

وعليكم السلام ورحمة الله وبركاته

ياااادى الاحراج :rolleyes: ربنا يكرمكم جميعا يارب :wub:

 

أختى الحبيبة زهرة الخزامى

يشهد الله أنى أحبكِ في الله :smile: ..ولفت نظرى اول ما دخلت المنتدى لقيت لونك بقي برتقالى :rolleyes: قلت يا ترى هم خلوها برتقالى ليه؟

المهم يا ستى عذرى مقبول ان شاء الله :tongue: ومش جواز ولا حاجة :closedeyes: ...ربنا يرزقنى الزوج الصالح التقي دعواتك :blush:

الحكاية إنى اتخرجت الحمدلله و.................ومااشتغلتش ولا هاشتغل ان شاء الله :smile: وكنت بس عايزة فترة نقاهة ذهنية وتزامن معاها ان النت عطل لمدة شهرين والحمدلله لسه راجع امبارح طااازة :biggrin:

سؤال هو انتى عضوة في منتدى انا مسلمة او عمروخالد؟

 

أختى الفاضلة سماح

وحياكِ الله مشرفتنا الغالية...وجزاكِ الله خيرا على ترحيبك ودايما سباقة للخيرات :smile: وربنا يبارك فيكِ

 

أختى الحبيبة ياقوتة

:blush: :blush: :blush: ربنا يكرمكِ يارب...أنا مش أد الكلام الحلو ده كله...ولو تعرفينى هتلاقينى زى ما بيقولوا عندنا في مصر بضرب لخمة لما بيتقال لى كلام حلو كده :closedeyes:

وأحبكِ الله الذى أحببتينى فيه وإنى أحبكِ في الله

بارك الله فيكى وجزاكى الله الفردوس الاعلى يا حبيبه

آميـــــــــــــــــــــــــــن وإياكِ يارب !

سبب غيابي ذكرته فوق يافندم :rolleyes: !

وبالمره بقه ادعولى ربنا ييسر لى وانتقب قريبا بالله عليكم

اسأل الله العظيم رب العرش العظيم أن يرزقكِ النقاب عاجلا غير آجل وان شاء الله أدعيلكِ :smile:

[*زهرة السلام* 0]

السلام عليكم ورحمة الله وبركاته

جزاكِ الله خيرا أختِ ماربل

موضوعك رائع واسلوبك اروع وانا نقلت كلام كتيير منه لاخوات وبفضل الله في منهم انتقبو ربنا يثبتهم ويثبتنا

ومبارك لنجاحك يا د/ ماربل ;-)

[خُـزَامَى 1492]

مش حنسامحك إلا تدخلي علينا يوميا وإلا مافيش مسامحة

هو لوني صار برتقالي لأني صرت مساعدة مشرفة

لا لست عضوة في منتدى عمرو خالد ولن أكون فمنتدانا يكفيني عن كل منتدى آخر

[أم مريم ومحمد ومعاذ 5]

السلم عليكم ورحمة الله وبركاته

جزاكى الله خيرا عن موضوعك الجميل

ولله الحمد تفضل الله على وهدانى للبس النقاب منذ فترة طويلة وساعدنى زوجى وايدنى

ولله اقول

انا يغيرنا الا الافضل وييساعدنا على غض البصر وعدم الالتفات الى محرمات كنا نظنها هينة ولكن بلاؤها علينا عظيما

ويمنعنا من الانغماس فى شهوات الزينة والتبرج

وحب الظهور

فهو بفضل الله يعطينا التقوي والزهد وحب الزينة المحرمة

وتقبل الله منا جميعا صالح الاعمال ;-)

[أم مريم ومحمد ومعاذ 5]

السلم عليكم ورحمة الله وبركاته

جزاكى الله خيرا عن موضوعك الجميل

ولله الحمد تفضل الله على وهدانى للبس النقاب منذ فترة طويلة وساعدنى زوجى وايدنى

ولله اقول

انا يغيرنا الا الافضل وييساعدنا على غض البصر وعدم الالتفات الى محرمات كنا نظنها هينة ولكن بلاؤها علينا عظيما

ويمنعنا من الانغماس فى شهوات الزينة والتبرج

وحب الظهور

فهو بفضل الله يعطينا التقوي والزهد وحب الزينة المحرمة

وتقبل الله منا جميعا صالح الاعمال ;-)

[سُندس واستبرق 4686]

موضوعك اكثر من رااااااااااااااااائع

[أمّ عبد الله 2371]

السلام عليكم ورحمة الله وبركاته،،

عودا حميداأختي الحبيبة ماربل

مبارك التخرج

أسأل الله أن يباك لنا في أوقاتنا .

[ياقوته 0]

بارك الله فيكى وجزاكى خيرا

 

بس فين الهمه عايزين نكمل الموضوع

 

بصى انا عندى اقتراح ........... ايه رايك لو تفتحى موضوع جديد بعنوان .........( اختى ايه رايك تكونى منتقبه 2 ) بحيث كلنا نبدا من الاول لان الصفحات دى كتيره اوى ومعظمنا قراها بحيث انك بفضل الله تكملى الموضوع فى الموضوع الجديد واحنا معاكى من الاول

 

وكمان ندعى لبعض .......... بتاعه مصلحتى ههههههه ............. للى لسه مالبسوش النقاب ان ربنا يمن عليهم وييسر لهم والى لبسوه ان ربنا يثبتهم وكده يعنى ونناقش الامور الخاصه بالنقاب وممكن كل واحده منتقبه تقول قصتها عشان تشجعنا وتقوى عزيمتنا

 

ولما يكون الموضوع جديد من بدايته اعتقد انه هيكون عليه اقبال اكتر

 

فايه رايك يا حبيبتى والقرار راجع لك انتى

 

وياريت الاخوات يقولو رايهم برده عشان نعرف الفكره سديده والا لا

 

احبكن فى الله

[خُـزَامَى 1492]

ماربل تاني عملتيها وغبتي؟ تعالي هنا يابنتي نحن منتظرينك

وأوافق ياقوته الحبيبة

إقتراحك جميل جدا ياقوتي بارك الله فيك

[ياقوته 0]

بارك الله فيكى يا زهوره يا عسل

 

بس منتظرين الست هانم المتاخره دايما دى

[barby 0]

بسم الله الرحمن الرحيم

 

السلام عليكم ورحمة الله وبركاته،،

اختى الحبيبه ماربل جزاكى الله خيرا على موضوعك الجميل

انا غير منتقبه ونفسي تدعولى انى انتقب

انا مكتوب كتابى وخطيبى بيشجعنى على النقاب وبيطلب انى البسه بس انا خايفة البسه لان انا ماعنديش حد فى العائلة لبسه وعارفة ان العائله هاتعارضنى والكل بيكرهنى فيه ويقولى مش دلواتى ما عدا خطيبى ياريت تنصحينى وتدعيلى بلبسه .

وعلى فكرة انا قريت اول صفحتين من الموضوع بس وانا مع اقتراح الاخت قوته .

معلش طولت عليكم . بس بجد عاوزاكم تدعولى .

وعليكم السلام ورحمة الله وبركاته،،

[¯`ღ سماح ღ´¯ 42]

أختى الفاضلة سماح

وحياكِ الله مشرفتنا الغالية...وجزاكِ الله خيرا على ترحيبك ودايما سباقة للخيرات وربنا يبارك فيكِ

الله يحيك حبيبتنا

وانت من اهل الجزاء

جعلك الله من السباقات للفردوس الاعلى

[marble 2]

وعليكم السلام ورحمة الله وبركاته

خلاص ان شاءالله هأحرم اتأخر مع إنى كنت بدخل الايام اللى فاتت ضيفة :blush:

 

أختى الحبيبة *زهرة الخزامى*

:unsure: ...خلاص إن شاء الله هاجى ويمكن سبحان الله أخواتى سماح وناديا ليا فهموا مشكلتى اسأل الله بركة الوقت!

هو لوني صار برتقالي لأني صرت مساعدة مشرفة

ماشاء الله مبارك أختاه :smile:

 

أختى في الله أم مريم ومحمد ومعاذ

وجزاكِ الله خيرا...اسأل الله لنا ولكِ الثبات :smile:

انا يغيرنا الا الافضل وييساعدنا على غض البصر وعدم الالتفات الى محرمات كنا نظنها هينة ولكن بلاؤها علينا عظيما

ويمنعنا من الانغماس فى شهوات الزينة والتبرج

وحب الظهور

فهو بفضل الله يعطينا التقوي والزهد وحب الزينة المحرمة

صدقتى فعلا وسبحان الله الفتن بتزيد يعنى انا لما كنت في اخر عام جامعى كنت بقول لنفسي الحمدلله انى لبست الحجاب بدرى قبل ما تطلع علينا فتن جديدة في اللبس والخلاعة فعلا سبحان الله النقاب عصمة

وتقبل الله منا جميعا صالح الاعمال

آميـــن

 

أختى في الله اسوة حسنة

جزاكِ الله خيرا وأهلا بكِ معنا...بس مقلتيش انتى لابسة النقاب ولا ناوية :ohmy: ؟

 

أختى الفاضلة نادية ليا

جزاكِ الله خيرا مشرفتنا الحبيبة على ترحيبك ودعائك

 

أختى في الله ياقوته

ربنا يكرمك :tongue: ...اقتراح جميييل :rolleyes: معنديش مانع بس ياترى الادارة توافق؟

هو انا كان لى بس وجهة نظر انا حاسة انى بقيت مفلسة الا من موضوع النقاب وكان نفسي يبقي موضوع واحد عن النقاب عشان ماازهقش حد منى ولو هافتح موضوع تانى في اى فرع تانى من ديننا بس الفكرة انى حاليا بدخل منتديات الاخوات تصفح او لو هعلق تعليق او حاجة على اى موضوع استوقفنى فمش عارفة هل انا كده صح ولا ايه؟...بس على اقتراحك معنديش مانع والرأى لكم برضه

وكمان ندعى لبعض .......... بتاعه مصلحتى ههههههه

طلباتك أوامر :tongue: افتح لك موضوع خاااص ندعيلك فيه باسمك :blush:

 

أختى في الله barby

وجزاكِ الله خيرا....اسأل الله العظيم رب العرش العظيم أن يرزقكِ النقاب :smile:

انتو بقيتو تلاتة عايزين افتح موضوع جديد؟؟...ربنا يسهل بس اشوف رأى حد من المشرفات عشان ميبقاش تكرار مواضيع ومايوافقوش

بس انا خايفة البسه لان انا ماعنديش حد فى العائلة لبسه وعارفة ان العائله هاتعارضنى والكل بيكرهنى فيه ويقولى مش دلواتى ما عدا خطيبى ياريت تنصحينى وتدعيلى بلبسه .

وعلى فكرة انا قريت اول صفحتين من الموضوع بس وانا مع اقتراح الاخت قوته .

امممم بالنسبة لمشكلة ان مفيش حد عندك في العيلة لابسه...على فكرة اغلب اللى لبسوه كانوا كده برضه انا اعرف واحدة صاحبتى منتقبة كانت لها واحدة قريبتها كان نفسها تلبس النقاب وتخيلى البنت دى مامتها اصلا مش محجبة !!!...وماشاء الله بفضل الله ربنا رزقها النقاب وتزوجت من اخ ملتحى ماشاءالله واسأل الله لها الثبات...كانت صاحبتى بتعتبرها يعنى مثلها الاعلى في الجهاد عشان النقاب وكده

وتقريبا برضه انا كنت اول واحدة في الجيل الصغير من عيلتنا لابساه... عندى 3 بنات خالاتى لابسينه بس من زمان اوى لانهم كبار بس بقي جم عندى ومش عاجبهم :wacko:

وجزاه الله خيرا خطيبك بجد ربنا يكرمه :smile: اسأل الله أن يتمم لكما ويجمع بينكما على خير...طب لو هو له تقل"تأثير" يعنى على مامتك او باباكى ممكن يؤثر عليهم

وكمان انتى مكتوب كتابك يعنى في حكم العاقدة يعنى له حق انه يطلب ذلك لانك في حكم زوجته اللهم الا المسائل اياها :dry:

وعايزاكى ان شاء الله تستعينى بالله ولا تفترى من الدعاء...ماتعرفيش في اى مرة ممكن ربنا يستجيب لك فيها :smile:

وخلى خطيبك كده يدخل على مامتك مرة بهدية :wink: ويقول لها كلمتين حلو وان شاءالله توافق على النقاب وخليه بدأ بمامتك لانها هى اللى ممكن تأثر على اباقي بعد كده...وان شاءالله لا ننساكى من الدعاء انتى وياقوتة

 

السلام عليكم ورحمة الله وبركاته

[barby 0]

بسم الله الرحمن الرحيم

السلام عليكم ورحمة الله وبركاته،،

شكرا لكى يا اخت ماربل على ردك عليا ووالله بحبك فى الله وجزاكى الله خيرا

انا خايفة البسه لانى خايفة اتهز من اى كلمه هاسمعها من اى حد وانا متاكدة انى هاسمع كلام كتير سواء من الجيران او من العائلة لكن هو ما حدش هايعارض عندى بس هاسمع تريقه وانا خايفه اضعف واقلعه او ازهق رغم ان خطيبى موافق وبيصر عليه وبالنسبه لل فى البيت انا متاكده ان انشاء الله مافيش معارضة بس مش حابين لبسه خالص وهايتريقه.. على فكرة انا لبسه الاسدال وخطيبى هو اللى لبسهولى لكن انا خايفة من نفسي ساعات ااقول هالبسه وساعات تغرنى الدنيا وارجع فى كلامى.. بس حاسه انى انا عاوزة دفعه قويه وخايفة اتسرع فى لبسه وبعد كده اقلعه وعاوزه اقتنع بيه 100% عشان ما اقلعهوش وابقى لبساه لله سبحانه وتعالى عشان ماتهزش باى كلمه مهما كانت معلش طولت عليكم ارجوكم تدعولى

تم تعديل 2 ديسمبر, 2007 بواسطة barby

[ياقوته 0]

السلام عليكم ورحمه الله وبركاته

 

حبيبتى ماربل بارك الله فيكى

 

مع انى مش فاهمه ردك كله بس الى فهمته انك خايفه تفتحى موضوع جديد عشان محدش يزهق ........بالعكس يا حبيبتى الموضوع لما يبدا من البدايه تانى يكون فيه تشجيع اكتر والى هتشوف انه لسه جديد هتدخل وتشارك وتتابع من الاول غير لما يكون الموضوع مفتوح من زمان

 

وبعدين انتى بتقولى انك مفلسه الا من موضوع النقاب ......... اذا كان قصدك انك معندكيش حاجه تقوليها غير عن النقاب فانا بهنيكى والله طيب يا ريت واحده بس او اكتر من الاخوات ربنا يكرمها بتشجيعنا لبعض ودعائنا لبعض وان شاء الله ماجوره يا حبيبتى

 

وبعدين النقاب مش حاجه بسيطه .......... ده من الاساسيات فى الدين انا بتكلم عن الحجاب الشرعى الكامل زى ما الله ورسوله صلى الله عليه وسلم امرونا به

 

فانتى يا حبيبتى ركزى كده وجددى النيه وضيفى وافيدينا بما عندك وان شاء الله يكون فى ميزان حسناتك

 

فكرى وردى عليا !!!!!!!!!!!!!!!!

 

وبالنسبه للاداره اعتقد مفيش مشكله واذا فيه مشكله اكيد هيردو فى الموضوع ده ويقولوا قبل ما نفتح الموضوع

[ياقوته 0]

السلام عليكم ورحمه الله وبركاته

 

حبيبتى ماربل بارك الله فيكى

 

مع انى مش فاهمه ردك كله بس الى فهمته انك خايفه تفتحى موضوع جديد عشان محدش يزهق ........بالعكس يا حبيبتى الموضوع لما يبدا من البدايه تانى يكون فيه تشجيع اكتر والى هتشوف انه لسه جديد هتدخل وتشارك وتتابع من الاول غير لما يكون الموضوع مفتوح من زمان

 

وبعدين انتى بتقولى انك مفلسه الا من موضوع النقاب ......... اذا كان قصدك انك معندكيش حاجه تقوليها غير عن النقاب فانا بهنيكى والله طيب يا ريت واحده بس او اكتر من الاخوات ربنا يكرمها بتشجيعنا لبعض ودعائنا لبعض وان شاء الله ماجوره يا حبيبتى

 

وبعدين النقاب مش حاجه بسيطه .......... ده من الاساسيات فى الدين انا بتكلم عن الحجاب الشرعى الكامل زى ما الله ورسوله صلى الله عليه وسلم امرونا به

 

فانتى يا حبيبتى ركزى كده وجددى النيه وضيفى وافيدينا بما عندك وان شاء الله يكون فى ميزان حسناتك

 

فكرى وردى عليا !!!!!!!!!!!!!!!!

 

وبالنسبه للاداره اعتقد مفيش مشكله واذا فيه مشكله اكيد هيردو فى الموضوع ده ويقولوا قبل ما نفتح الموضوع

[هجــرة 0]

أختى ماربل بارك الله فيكى وأثابك على هذا الموضوع

بس أحب أرد على أختى حبيبى barbyبسم الله الرحمن الرحيم

 

السلام عليكم ورحمة الله وبركاته،،

شكرا لكى يا اخت ماربل على ردك عليا ووالله بحبك فى الله وجزاكى الله خيرا

انا خايفة البسه لانى خايفة اتهز من اى كلمه هاسمعها من اى حد وانا متاكدة انى هاسمع كلام كتير سواء من الجيران او من العائلة لكن هو ما حدش هايعارض عندى بس هاسمع تريقه وانا خايفه اضعف واقلعه او ازهق رغم ان خطيبى موافق وبيصر عليه وبالنسبه لل فى البيت انا متاكده ان انشاء الله مافيش معارضة بس مش حابين لبسه خالص وهايتريقه.. على فكرة انا لبسه الاسدال وخطيبى هو اللى لبسهولى لكن انا خايفة من نفسي ساعات ااقول هالبسه وساعات تغرنى الدنيا وارجع فى كلامى.. بس حاسه انى انا عاوزة دفعه قويه وخايفة اتسرع فى لبسه وبعد كده اقلعه وعاوزه اقتنع بيه 100% عشان ما اقلعهوش وابقى لبساه لله سبحانه وتعالى عشان ماتهزش باى كلمه مهما كانت معلش طولت عليكم ارجوكم تدعولى

يااختى لو انتى مقتنعة بما تفعلين لانه لله فلن يهمك كلام احد

والحمد لله ان خطيبك موافق .. وهو ان شاء الله زوج المستقبل

طيب ماذايضيرك لو ان زوجك يوافق على شىء وكل الناس لاتوافق عليه؟

انا من رأيى ان موافقة زوجك هى الاهم "مع انه لاطاعة لمخلوق فى معصية الخالق" لكن الحمد لله انه اعانك بارك الله لك فيه

 

وبعدين يااختى انتى عايزة تمر حياتك كدة من غير ابتلاءات ؟ ماينفعش قال الله تعالى : أحسب الناس أن يُتركوا أن يقولوا آمنا وهم لايفتنون" أول سورة العنكبوت

يعنى لايمكن مؤمن لايُبتلى وكل واحد على قدر دينه

انتى انوى والبسى وماتفكريش بعد كدة حاتواجهى ازاى عشان انتى تاخدى ثواب اى واحدة ممكن تلبسه بعد كدة فى العيلة

وبعدين ياحبيبتى الناس مش بيعجبها حاجة وهم حايتكلموا شوية وبعدين حايستسلموا للامر الواقع بل بالعكس بعد كدة حايشجعوكى عليه كمان " وده انا شفته بعينى فى نماذج كتير حوالىّ"

وماشاء الله طالما انك لابسة الاسدال حايبقى سهل عليكى انك تلبسى النقاب باذن الله

 

بس ياحبيبتى حبيت انبهك ان كلمة انشاء الله تكتب>>>>> ان شاء الله حتى لايكون المعنى خاطىء بارك الله فيك

وادعو لك بلبس النقاب وان يثبتنا الله على ذلك وان يرزقنا بالنفس التى ترضى بحكم الله

 

 

أحبك فى الله