هذه هي قصتي مع النقاب + منتقبة؟؟ ماقصة لبسكِ للنقاب ؟؟

[حيُّ على الجهاد 0]

حبيبتي أمة الله جزاكي الله خيرا على تشجيعي

 

حبيبتي حفيدة الصحابة

الأنشودة دي لازم لازم تجيبيهالي بطريقة احملها بيها وانزلها على موبايلي

مليش دعوة انا عايزاها

تحفة تحفة

مؤثرة جدا

محتاجة اسمعها كتير

[حيُّ على الجهاد 0]

خلاص انا لقيتها هنا ع المنتدى

https://akhawat.islamway.net/forum/index.php?showtopic=212066

[دعاء بنت مصر 8]

الموضوع ده بجد جميل جداااااااااااااااا

وكنت بشوفه زمان وكان نفسي يجي اليوم اللي اكتب فيه قصتي مع النقاب واكون لبسته

والحمد لله جيه اليوم ده

 

انا قصتي مع النقاب طووويله بس اجيب من الاخر

 

مع بدايه الكليه وانا مكنتش حطه في دماغي خااااالص فكره اني البس النقاب دلوقتي وقلت البسه لما اخلص الكليه

وسبحان ربي اللي قدر لي البسه

 

كنت في عمره في الاجازه اللي فاتت

وساعتها ربنا قذف في قلبي اني البس النقاب ساعتها اعدت اعمل استخاره وادعي ربنا انه يمن عليا بالحجاب اللي يرضى بيه عليا

ورجعت بلدي والموضوع في دماغي الموضوع وجت فتره كانت زوجه اخويا ربنا ياااااااارب يبارك فيها كانت اعده معانا حوالي شهرين تقريبا

واعدت تكلمني عن النقاب وقالتلي كلمه من ساعه ماسمعتها وانا كنت هيحصلي حاجه والبسه قالتلي(لما بتخرجي بوشك بكون غيرانه عليكي اوي )

 

اعدت افكر ازاي فعلا اي حد كده يشوف وشي وانا ماشيه مع اني الحمد لله كنت بلبس واسع وكنت بلبس خمار

اعدت فتره كبييييييره وانا نفسي البسه بس عرفه ان بابا مش هيوافق

وجت عليه فتره تعب في اول رمضان فمكنتش اقدر اقوله حاجه زي كده في الوقت ده ومكنتش بنزل كتير من البيت كنت يادوب بنزل لدرس القران بس

 

ومرت حاجات كتيييييير بس علشان مطولش عليكم

 

جه يوم كان جمعه قبل العشر الاواخر من رمضان باسبوع تقريبا

وقلت لاخويا متخش تكلم بابا في الموضوع وهو يقولي استني شويه قلتله على فكره انا مش هخرج بكره الا بيه

وتاني يوم لبست خلاص وجهزت حجاتي وكنت رايحه درس القران واخويا وزوجته وماما كانوا نازلين وكنت نزله معاهم فقبل مانزل اخويا بيهزر معايا على اني هنزل بوشي وكده وانا عرفه انه بيهزر بس كنت خلاااااااااااص جبت اخري سبتهم

 

دخلت على بابا اعدت اتكلم معاه شويه وهو يقولي لا فعيط واعدت اعيط واتكلم معاه فقالي اعملي اللي انتي عيزاه بس انا برضه مش راضي

وبعد كده روحت اعدت ابوس فيه وقولتله والله يابا انا يهمني انك ترضى عني بس انا بحب النقاب

 

بس وخرجت من عنده وده كله هما مستنييني اني انزل معاهم ودخلت اوضتي واعدت اعيط من الفرحه واعيط جااااااااااامد والله العظيم دي اول مره في حياتي اعرف معنى اني اعيط من الفرحه

وماما واخويا يقولولي مالك بتعيطي ليه وانا مش قدره اتكلم فرحت خدت الملحفه بتاعت اختي ونقابها ولبستهم وهما طبعا مش فهمين اللي بيحصل

بس الحمد لله دخلت صليت ركعتين اشكر ربنا فيها على النعمه اللي اديهالي

ونزلت معاهم وخرجت معاهم وانا والله والله والله والله نزله اول مره احس اني نزله ملكه ايوه والله العظيم ملكه

 

نزله وانا حسه اني لسه مولوده حالا

 

والله العظيم بعدها بابا تقبل الموضوع عااااادي وبيقولي (انتي غاليه عندي اوي وانتي حبيبتي )وبيعاملني كويس الحمد لله

والحمد لله طبعا حسنت علاقتي ببابا اكتر واكتر علشان ابين صوره كويسه للنقاب

 

ودلوقتي اني اخلع نقابي تعني اني اخلع حياتي مني

 

بس كده الحمد لله

 

معلش انا اسفه طولت عليكم بس متتخيلوش فرحتي اد ايه وانا بفضفض معاكم

 

ياااااااااارب يرزق جميع بنات المسلمين بلبس النقاب عاجلا غير اجل

[(حفيدة الصحابة) 91]

 

السلام عليكــم ورحمـة الله وبركاتــة

جزاكِ الله خيرا حبيبتى أمة الله ولكن والله أعلم أن الذين قالوا بإستحباب النقاب قالوا فيجب فى زمن الفتنه والله أعلم

 

وتفضلى حبيبتى حى على الجهاد :)

 

http://saaid.net/flash/1187045363.htm

 

 

وإليك هذا فيه الكثير من الفلاشات عن الحجاب إن شاء الله

 

http://saaid.net/flash/female.htm

 

ماشاء الله أختى سفيرة الإسلام إنك لاتهدى من أحببت ولكن الله يهدى من يشاء قصتكِ رائعه بارك الله فيكِ

ورزقنا وإياكِ الثبات إن شاء الله

[الجمال الباكى 0]

حبيبتى حى الجهاد حمد لله على السلامه

والله فعلا عندك حق لما قولتى ملكه ولابسه تاج

والله انى لسه لحد النهارده بتأثر جدا باى واحده تنتقب واقول ياريتنى اكون مكانها

ربنا يثبتك يارب ويقويكى

وعندهم حق فعلا لما حد يناقشك فى مشروعيه النقاب وفرضيته وما تناقشيش دلوقتى

انا قالى نفس الكلمه دى اول يوم نقاب

وبالنسبه للكليه انا كان عندى امتحان من كام يوم كل اللى حصل سألونى على البوابه على الكرنيه وشافه وخلاص

مفيش اى حد سألنى اى حاجه ولا طلب حتى انه يشوفنى ولا اى كلمه والله

وللعلم انا مصريه وجامعه المنصوره

[حيُّ على الجهاد 0]

أختي الحبيبة الجمال الباكي

جزاكي الله خيرا على نصايحك وتشجيعك

حبيبتي ربنا يطمنك

انا جامعة المنوفية

هروح الكلية ان شاء الله الحد الجاي وهشوف النظام ايه ان شاء الله

بالله عليكي تدعيلي

[دعاء بنت مصر 8]

والله يا جماعه بالنسبه للجامعه فالحمد لله ربنا معانا

 

انا والله بخش الكليه عادي جدا وانا كليه طب القاهره

وبوريهم الكارنيه وبحط ايدي على الصوره كمان وبيدخلوني عادي

[امـ حبيبة 0]

اختى الغالية ربنا يثبتك

انا مش منقبة بس ادعيلى ربنا يهدينى

نفسى من جوايا اقتنع اكتر

كمان عشان مضعفش قدام الكلام الكتير الى عمالة اسمعة

[حيُّ على الجهاد 0]

أختي سفيرة الاسلام انتي في سنة كام

انا كمان في كلية طب منوفية

 

أختي أم حبيبة

أسأل الله أن يرزقكي النقاب عاجلا وليس آجلا

انا كمان كنت كدة والله

لكن بجد لما تلبسيه احساس تاني

وكفاية انه لبس امهات المؤمنين

من تشبه بقوم فهو منهم

[نسمه الايمان 1]

حبيبتى حفيدة الصحابه ممكن تيجيلى نفسى اتكلم معاكى

[دعاء بنت مصر 8]

حبيبتي حي على الجهاد

 

انا في سنه تانيه

انتي في سنه كام

[(حفيدة الصحابة) 91]

السلام عليكــم ورحمـة الله وبركاتــة

 

حى على الجهاد لاتلقى :blush: فمادمتِ تطيعين الله فتأكدى بأن الله سينصركِ

لماذا وأنتِ دون نقاب يرتاح لكِ بال وأنت ترتديه تقلقى

إن الله يحبكِ ولذلك إختصكِ من العفيفات ثبتكِ الله

 

اختى الغالية ربنا يثبتك

انا مش منقبة بس ادعيلى ربنا يهدينى

نفسى من جوايا اقتنع اكتر

كمان عشان مضعفش قدام الكلام الكتير الى عمالة اسمعة

 

هدانا الله وإياكِ ياحبيبه

طب تسمحيلى أحاول أقنعك :unsure:

الله المستعان

يلا ياحبيبه إحكى عن لماذا تؤجلين ذلك التاج وإن شاء الله سأحاول الحوار معكِ وإقناعكِ إن شاء الله

و(إنك لاتهدى من أحببت ولكن الله يهدى من يشاء )

 

[(حفيدة الصحابة) 91]

السلام عليكــم ورحمـة الله وبركاتــة

 

ممممم :blush: إياكم والخروج عن قوانين المنتدى يادكتورات :unsure:

[(حفيدة الصحابة) 91]

يادكاتره :blush: :unsure:

[حيُّ على الجهاد 0]

حبيبتي حي على الجهاد

 

انا في سنه تانيه

انتي في سنه كام

يا ثكر انتي صغنونة اوي

لا انا عجوزة

انا داخلة سنة سادسة ان شاء الله بس مستنية نتيجة خامسة

اسألك الدعاء

يريت لو نتواصل عن طريق المشرفات الحبيبات

 

السلام عليكــم ورحمـة الله وبركاتــة

 

ممممم إياكم والخروج عن قوانين المنتدى يادكتورات

 

حبيبتي حفيدة الصحابة

هو احنا كدة خرجنا عنها ؟؟؟؟؟

احنا مقلناش معلومات شخصية

طب لوينفع يا جميل نتواصل عن طريقك

يللا هدبسك بقى

 

وبجد بجد جزاكم الله خيرا على الفلاشات

اكثر من رائعة

[دعاء بنت مصر 8]

يا ثكر انتي صغنونة اوي

لا انا عجوزة

انا داخلة سنة سادسة ان شاء الله بس مستنية نتيجة خامسة

اسألك الدعاء

يريت لو نتواصل عن طريق المشرفات الحبيبات

 

انتم السابقون ونحن الاحقون يا قمر في الكليه طبعا

 

ربنا ييسر لك امورك

 

وياريت نتواصل انا اتشرف

بس معرفش ازاي الصراحه لاني اعرف ان الرسايل الخاصه مش مسموحه بين العضوات

[دعاء بنت مصر 8]

احنا اسفين يا حفيده الصحابه لو كنا خرجنا عن القوانين

 

وزي ما اختي حي على الجهاد قالتلك احنا نتواصل عن طريقك

 

هندبسك هههههههههههههه

 

واشهد الله اني احبك في الله

[حيُّ على الجهاد 0]

هههههههههههه

محبة الصحابة انا افتكرتك مشرفة

 

احنا يا سفيرة الاسلام ممكن نتواصل عن طريق المشرفة

[(حفيدة الصحابة) 91]

السلام عليكــم ورحمـة الله وبركاتــة

 

أولا ممنوع التعرف ويمنع ذلك ويمنع التحايل على ذلك بأى وسيله

 

7_ تُمنع العضوات من وضع عناوين بريدهن الالكتروني أو أرقام هواتفهن أوالإدلاء بالمعلومات الشخصيّة ( أو التحايل على ذلك بأي وسيلة من الوسائل)

 

https://akhawat.islamway.net/forum/index.ph...;f=27&id=12

 

وثانيا أنا عضوه ياحبيبا ت :icon15:

[دعاء بنت مصر 8]

ههههههههههههههههههههه

والله ماشاء الله اللهم بارك من نشاطك افتكرتك مشرفه

ربنا يعزك يا حبيبتي يا رب ويبارك فيكي

[ام فاطمه 22 0]

قصتي

انامن فتره الكليه واناتمنا ان البسه لان بجد بحبه

ولم تزوجت سئلت زوجي ممكن البسه الصراحه

مرفضش قالي براحتك ونا طبعا راحتي فيه

انا هكمل سنتين عن قريب ان شاء الله

والله حاسه ونا لابسه بالشموخ والوقار

وبالرغم من مشاكلي اللي المفروض افقد ثقتي بنفسي

الا انه هو اللي مخليني واثقه من نفسي

بجد بندم علي ايامي اللي ضاعت من غير لبسه

[(حفيدة الصحابة) 91]

وعليكم السلام ورحمة الله وبركاته،،

جزاكِ الله خيرا أختى الغاليه أم فاطمه

ثبتنا الله وإياكِ

[Bent El Nile El Masry 0]

السلام عليكم ورحمة الله وبركاته

بجد يااارب ابقي زيكو واهلى يوافقوا

بجد انا بقنعهم من رمضان اللى فات لحد دلوقتى وكل مرة الموضوع يقلب بعياط ونكد

واخر مرة ماما عيطت وبابا ضغطه على مع انى ماكنتش برد عليه ساعتها كنت بعيط بس وبتحاشي انى اتنرفز او انفعل برغم كلامهم والطريقة الاستفزازية اللى بيتعمدواا يكلمونى بيها ع المنتقبات وانهم سلوكهم مش كويسي وعليهم شبهات وبيتستروا وراه

ولما اقنعهم بكل حاجة يقولولى انتى لسة ف تانية ثانوى ومش عارفة مصلحة نفسك ومش ناضجة عشان تاخدى قرار مصيرى زى ده استنى لما تدخلى الجامعة

وانا تعبت نفسيا ومدمرة ومش عارفة اركز ف المذاكر

[طيف الكاميليا 0]

خلاص انتي حليتيها اما النقاب والا فلا

 

شدي حيلك خليكي قويه وناقشيهم بهدوء والا اشتريه والبسيه وربنا هيعينك باذن الله وانا معاكي في اي حاجه ممكن اساعدك باذن الله وابشري بالدعاء

[طيف الكاميليا 0]

خلاص انتي حليتيها اما النقاب والا فلا

 

شدي حيلك خليكي قويه وناقشيهم بهدوء والا اشتريه والبسيه وربنا هيعينك باذن الله وانا معاكي في اي حاجه ممكن اساعدك باذن الله وابشري بالدعاء