هذه هي قصتي مع النقاب + منتقبة؟؟ ماقصة لبسكِ للنقاب ؟؟

[نجمة فلسطين 34]

انا مش متنقبة للاسف و بتمنى انو البسو .. بدي اخلي اليهود يشوفو انهم مش هيقدروا غيروا ديننا

 

اختي ام فاتن هلا فيكي انتي من فلسطين؟؟....

زي ما قرات في توقيعك انو في بلدتك في كتير متنقبات... الحمد لله نحن في بلدنا بس في مرأة وحدة متنقبة ونسبة كبيرة جدا بلبسن خمار ابيض طويل بيغطي الصدر بس ما بيغطي الوجه و جلابيب فضفاضة

[مريـ التائبة ــم 0]

السلام عليكم ورحمة الله

 

أخواتى فى الله

كل عام وأنتم بخير بمناسبة حلول شهر رمضان المبارك

أعاده الله علينا بالخير واليمن والبركات

 

كنت كتبت هنا من فترة إنى نفسى أنتقب بس

كان فيه ظروف حالت بينى وبين لبس النقاب

وطلبت منكم تدعولى .. وبفضل ربنا ثم دعواتكم

الحمد لله لبست النقاب أمس

 

متتصوروش فرحتى قد إيه .. حاجة كده لا توصف

النهاردة أول يوم أنزل بيه الشارع وأصررت إنى أروح بيه الكلية (تدريب فى الأجازة كده)

بس علشان أثبت حضور وأشوف فرحة صدديقاتى وأخواتى بيه

الحمد لله الذى هدانا لهذا وما كنا نهتدى لولا أن هدانا الله

 

معلشى مقدمة طويلة بس ده من فرحتى والله

نبدأ بقى بقصة إرتدائى للنقاب

 

من سنتين إنتقبت صديقة وأخت ليا فى الله

وكانت كمان زميلة معايا فى الكلية .. كانت دى

هى نقطة البداية .. كنت فرحانة ليها قوى

شفت إزاى النقاب غيّر فيها حاجات كتيرة

بقت أكثر إلتزاماً وحباً لمساعدة الغير وزادها الله

حباً للعلم الشرعى وحفظ القرآن والتجويد

كنت لما بشوفها وهى ماشية فى الكلية كنت بحس قد إيه

الناس بتحترمها وبتقدرها فعزمت النية إنى أرضى ربنا

وآخد الخطوة دى .. طبعاً من هنا وبدأت المشاكل

فأبى رفض رفضاَ شديداً وأمى كذلك

فإكتفيت السنة إللى فاتت بلبس الملحفة .. كان فى رمضان

وفاكرة ساعتها إن والدى قاللى إلبسى إللى إنتى عايزاه

لكن كله إلا إنك تغطى وجهك

ورضيت بالحال ده وقلت دى فترة مؤقتة وبكرة أقنعه بيه

وطوال السنة دى وأنا بحاول أكون أحسن

أكون مسلمة ملتزمة على حق

بدأت بفضل الله أدرس علم شرعى

وأصبح لدى معلمة _ ربنا يبارك فيها _ تعلمنى كل شىء

عن أصول الدين وحفظ القرآن والتجويد

كنت كل ما بشوف أخت ليا فى الله إنتقبت

بفرح ليها وبحزن على حالى إنى نفسى أكون زيها

لغاية لما قررت أفتح الموضوع تانى مع أمى .. القلب الكبير

كان إعتراضها إنه هيكون عائق ليا للزواج

قعدت أقنعها إن ممكن أموت قبل ما أتزوج وإنى مش ضامنة عمرى

وإن الزواج ده هدية من المنان فكيف أعصيه بعدم إرتدائى

للحجاب الشرعى وأطلب منه أن يمن عليا بالزواج

وكمان إنى مش هوافق أتزوج أى حد رافض فكرة

لبسى للنقاب وإنى أتمنى أن أرتبط بشخص ملتزم

وكانت هى مش مقتنعة تماماً بالفكرة دى

لغاية لما حصل موقف وسبحان الله خلاها تعيد تفكيرها

بفضل ربنا وكرمه إللى ملهوش حدود كانت ماما نازلة مرة

تتسوق فقابلت شاب فى محل فراح موقفها وقالها هو حضرتك

إللى بنتك واقفة بره ولابسه نقاب ؟؟ فراحت ماما قالته لأ

قالها يا خسارة عايز أرتبط بواحدة منتقبة

ماما ساعتها أول ما روحت البيت قالتلى ألبسيه

كانت فرحتى لا توصف إن أمى هتساعدنى نكلم والدى فى الموضوع من تانى

 

وبدأنا نكلمه بكل الطرق بلا جدوى

لحد لما فى يوم من حوالى شهر كده كنت أنا وبابا صاحيين والبيت كله نايم

كلمته بهدوء شديد وحب وقلتله إيه سبب إعتراضه على النقاب

قاللى إنه مش معترض عليه لكن رافض مبدأ إنى أدرس بيه

ونظراً لأنى فى كلية طب فقاللى إن أساس المهنة هو البسمة فى وجه المريض !!

ده غير إن النقاب ممكن يعطلنى عن الدراسة أو يحرمنى من دخول الإمتحانات !!!

 

طبعاً أنا مكنتش مقتنعة بالموضوع ده

بس ساعتها معرفتش أجادله بالحق

ورحت سبته ونمت ببكى على السرير

وبقول خلاص مفيش فايدة

 

لحد لما أخت ليا فى الله بعتتلى لينك شريط

فصل الخطاب فى حكم النقاب للشيخ مسعد انور

فلما سمعته بقى عندى أدلة أقدر أواجه بيها الكون كله

وبجد الشريط ده كان ليه فضل كبير عليا إنى أثبت والحمد لله

 

ومرت أيام وبعدين فجأة ومع دخول رمضــان لقيت ماما بتقولى

تعالى إنزلى معايا نشترى حاجات .. وكانت المفاجأة دخلتنى محل

ملابس محجبات واشترتلى نقاب وقالتلى علشان تفتكرى

إنى أول حد يجيبلك نقاب

مش تتخيلوا فرحتى بماما كانت قد إيه

ولما جربته فى المحل مكنتش عايزة أخلعه

بس هى قالتلى لازم بابا يوافق الأول

وقررنا نأجل الخطوة دى لحد آخر الإسبوع ده

 

ومن يومين بالظبط

كنت قاعدة مع بابا بنتكلم وكان بيكلمنى عن الجنة والنار

وإن مش ممكن يتساوى حد بيصوم ويصلى ويقيم الليل بحد مش بيعمل كل ده

المهم لقيتها فرصة الصراحة ودعوت ربى فى سرى

إنه لو عالم بمدى صدق إخلاصى ونيتى فى إرتداء النقاب

فيساعدنى إنى أواجه والدى بالموضوع ده تانى

 

وبالفعل لقيتنى بقوله وإيه رأيك يا بابا لما تاخد دلوقتى ثواب عظيم

قاللى إزاى ؟؟ قلتله إنك توافق على لبسى للنقاب فبكده

تكون حافظت عليا وصونتنى من عيون الناس ونفذت أمر ربنا

قاللى : لأ خليكى معتدلة أحسن , قلتله يا بابا أنا مقتنعة إنه فرض

ومفيش إعتدال فى الفروض إللى أمرنا بيها ربنا وبعدين أنا بجد

مش هستريح إلا لما ألبسه .. أنا لما بنزل الشارع من غير ما أغطى

وجهى بحس إنى كأنى مش لابسه حاجة

ولو على الدراسة فذكرت له إن زميلة ليا

ما شاء الله عليها مجتهدة ومنتقبة بقالها سنين وبترتب كل سنة على الدفعة

والنقاب لم يعطلها عن شىء وقلتله إنى هشتغل فى مجال بعيد عن المرضى

زى معمل أو ما شابه ومش محتاجة أضحك فى وجه حد

ووضحت ليه إن فى مجالات كثيرة للطبيبة الملتزمة زى النسا والتوليد والأطفال

وقلتله إنى مش هلبسه طالما إنه رافض وإنى مش بكسر كلامه

فراح قاللى : إلبسيه , مكنتش مصدقة رحت قبّلت رأسه ويده ودعيتله كتير قوى

ومن كتر فرحتى طار النوم من عينى وقعدت كل إللى فى بالى

" اصدق الله يصدقك "

الحمــــــد لله .. ده بجد فضل وكرم كبير قوى من عند ربنا

لو عشت عمرى كله أحمده عليه مش هقدر أوفيه أبداً

 

وبجد يا أخوات النقاب ده عزة وشرف وحماية ونصرة للدين

وبداية فى طريق الهداية والإلتزام

وأول ما لبسته سمعت حلقة (ماذا بعد النقاب) للشيخ هانى حلمى

رائعة بجد وساعدتنى كتير وثبتتنى ياريت الكل يسمعها

 

معلشى طولت عليكم جداً

بارك الله فيكم جميعاً

 

والسلام عليكم

[(حفيدة الصحابة) 91]

وعليكم السلام ورحمة الله وبركاته

ماشاء الله قصتكِ رائعه :)

مبارك لكِ النقاب أختى الغاليه :)

وأسأل الله أن يثبتكِ عليه وأن يجعلكِ الله داعية للخير مؤثرة فى الغير

اللهمـ أمين

لقد أعجبت بقصتكِ ماشاء الله

أسأل الله أن تكون سبباً فى هداية الكثير من الأخوات

أعاننا الله وأعانكِ

 

[النقاب تاجي 0]

مبرووووووووووووك عليك النقاب اختي مريم وقصتك حلوه جدا ثبتك الله وان شاء الله تكوني سبب هدايه لباقي الاخوات

فرحتلك خالص ومبروك عليكي لباس الحشمه والوقار و ادعيلي انا كمان اعمل ألبسه

لكن لي طلب : ممكن توصفيلنا نقابك ؟

[ام حبيبة الله 0]

السلام عليكم ورحمة الله وبركاته

ربنا يبارك فيكى ومبارك عليكى النقاب

انا بعد ما قرات قصة نقابك بدعى ربنا انى يبقى عندى الشجاعه زيك واقدر اقنع والدى

ياريت اى حد يشوف الرد بتاعى يدعى لى ان ربنا يقدرنى والبسه قريب

وربنا يثبتك ياقمر ويبارك فيكى

[كلنا فقراء 0]

السلام عليكــم ورحمـة الله وبركاتــة ،،

موفقة ان شاء الله

[مريـ التائبة ــم 0]

السلام عليكم ورحمة الله وبركاته

 

(حفيدة الصحابة)

النقاب تاجى

أم حبيبة الله

كلنا فقراء

 

جزاكم ربى خير الجزاء على تهنئتكم لى وتثبيتكم

أسأل الله أن يثبتنا وإياكم دوماً على الحق

ويرزق كل من تتمنى النقاب لبسه بإذن الله

هدعي لكل واحدة نفسها تلبسه كتير زى ما دعتولى وربنا يستجيب إن شاء الله

 

لكن لي طلب : ممكن توصفيلنا نقابك ؟

نقابى حبيبتى سعودى (إللى اسمه المروحة) وأنا بلبس فوقه الملحفة وبحرص دائماً على السواد

[(حفيدة الصحابة) 91]

السلام عليكــم ورحمـة الله وبركاتــة

 

ثبتكِ الله مريم الغاليه :) وأسأل الله أن يجعلكِ داعية للخير مؤثرة فى الغير

 

ولاتنسى أن تكونى داعية فى أى مكان تذهبين فيه وأن تكونى طبيبة مسلمة إن شاء الله

وهمسه للحبيبه كلنا فقراء أتمنى تغيير صورة توقيعك حتى نرضى الله بارك الله فيك

[ام صفى الله 1]

السلام عليكــم ورحمـة الله وبركاتــة ،،

اختى نجمة فلسطين اسال الله العظيم ان يمن عليكِ بالنقاب عاجلا لا اجلا

واسال الله ان ييسر لك امرك كله ويجعلك من الدعاة لدينه

مبارك اختى الحبيبة مريم اللهم بارك ... اللهم بارك

أسال الله لك الثبات والقبول والبركة فى العمل الصالح والعمر والرزق

اخواتى الحبيبات حياكن الله مبارك عليكن الشهر

احببت ان اشاركن الموضوع بقصه لاخت لى فى الله

اسالكم الدعاء لها بالثبات والتقى وحفظ القران

وانقلها لكن بعد ان استئذنتها ورحبت بذلك اسال الله ان يجعلها من اهل الفردوس الاعلى

 

الموقف الاول

 

 

فتاة فى المسجد تصلى صلاة التهجد فى العشر الاواخر من رمضان

ترتدى البنطال الجينز ومعها ملابس واسعه تلبسها عندما تصلى وتخلعها عند الخروج من المسجد

انتهت الصلاه وخلعت الفتاة ثوبها الواسع وهمت بالخروج من مصلى النساء

اذا بفتاه تلبس الحجاب الشرعى يغطى سائر البدن تضحك وتبش فى وجهها وتقول لها بغته

ياااااااااااااااااااا الله ما اجمل الثياب الواسعه التى كنتى تلبسينها ..... تصدقى كنتى حلوة قوى

فى اللبس الواسع

نظرت لها الفتاه التى لم تعتاد من بعض الاخوات اللاتى يرتدين اللباس الشرعى فى المسجد

لم تعتاد منهن الا نظرات غاضبه او عدم اكتراث او كلمات ساخطه عليها او زعيق (طبعا دول بعض منهم وليس الجميع)

نظرت لها الفتاه بفرحه شديده وضحكت وكان بها هم كبير وقالت لها ادعى لى

تبسمت اختنا ودعت لها ومشت كل واحده منهما مع اهلها الى بيتها

 

نفس الفتاه بعد مرور عام وفى رمضان نراها بالمسجد تلبس خمارا كبيرا وعباءه واسعه

 

باركنا وكبرنا وسالناها متى حدث ذلك التغيير وكيف ؟؟؟؟؟؟؟؟

قالت: كنت العام الماضى فى هم كبير واشعر انى غير راضيه عن لباسى ولكن

القرار كان صعب وفى ليلة كلمتنى الاخت وقالت لى هذه الكلمات الرقيقه شعرت انها رساله لى

لكى البس الخمار واللباس الواسع ولكن نسيت الامر فتره.............

وعندما قدر الله لى بان البسه تذكرت الكلمات الرقيقه والوجه الضاحك

الفتاه الوحيده التى لم تنظر لى نظرة غاضبه او عابسه او حتى نظرة شفقه

وانما نظرت لى نظره مملؤة بالحب .......عسى ان يكون ربى استجاب لدعائها ليلتها

فاكرمنى بالخمار واللباس الواسع........

سبحان الله بسمه وكلمات بسيطه .........كم هو غالى هذا الدين

ليت كل من يدعو الى الله يعلم ان من يدعوه انسان لديه من الهم والاحزان ما لا يعلمه

فاجعلوا اخوتى الكلمه التى لا نلقى لها بالا طبيبا ودواء لنفوس من حولنا

ولا تجعلوها مطيه للشيطان يمتطيها ليبعد من قيلت له الكلمه عن سبيل الله

 

الموقف الثانى

 

 

 

نفس الفتاه بدات فى تعلم القران

ذهبت لمعهد لتحفيظ القران

المعهد كله تقريبا اخوات يلبسن الحجاب الشرعى الذى يغطى سائر البدن

هى من القلائل فى المعهد اللاتى لا يرتدين النقاب

كانت ترفضه بشده وتقول عصرنا هذا من الصعب ان تتعامل فيه المنتقبه مع الاخرين

النقاب سنه او فضيله ولكنه ليس فرضا ولن البسه ابدا

الحمد لله انا البس الان الملابس الواسعه ولا البس الا الوان غامقه لا تبهر احد

كانت هذه كلمات بينها وبين نفسها ولم يكلمها احد يوما عن النقاب او يعرف افكارها تلك

فى يوم كانت بالمعهد وكانت الاخوات يتكلمن عن فرضية النقاب وادلته من الكتاب والسنه

وان تغطية العينان افضل ووووووو بدات تتكلم معهن

وقالت لهن عن افكارها عن النقاب وانها لن تلبسه ابدا

لان ذلك سيقيد حركتها كانت جريئه جدافى عرضها لتلك الافكار

وكل من حولها منتقبات........... وكانت تتصور انهن سيتضايقن

ولكن فوجئت بردهن عليها بمنتهى الرقه وعرض ادلة فرضية النقاب

وناقشوها نقاشا هادئا عكس ما كانت تتوقع تماما

فهى حتى تلك اللحظه تعتقد ان المنتقبات عصبيات وثائرات الا فئه قليله منهن

لان كل من راتهن فى المسجد كانوا كذلك ما عدا واحده

ففرحت كثيرا وبدات تتكلم معهن دون ان تتوجس من ردود فعلهن وقالت كل ما لديها

قالت واحده منهن هل سمعتى شريط محمد حسين يعقوب عن الحجاب؟؟؟؟؟

 

وبصرخه مفاجاءه ردت الفتاه لآلآلآلآلآلآلآلآلآلآ لا احب ان اسمع هذا الشيخ

عنيف جدا لا احب حتى سماع صوته..........!!!!!!! تخيلوا ماذا كان رد الاخت عليها

 

قالت لها: ضحكت وقالت كلنا كنا بنقول كده فى الاول بس يا ريت تسمعيه ولو محاضره

 

قالت الفتاه فى تصميم : لا احبه لا لن اسمعه وحاولت ان تبتعد عنهن

 

 

وسبحان الله بالفعل المؤمن كيس فطن غيرت الاخوات مجرى الحديث لحديث اخر

لانهم شعروا انهن سيفقدوها من بينهن وهى اشد تصميما من ذى قبل على فكرتها عن الحجاب الشرعى

وبدأن يتقربن لها حتى صرن صديقات قريبات لها

 

 

وفى يوم جاءت الاخت التى كلمتها عن محاضرة الشيخ يعقوب ومعها اشرطة تسجيل لمشايخ اجلاء

واعطتها الشرائط وقالت لها اسمعيهم وكلما تنهى من شريط رديه لى واتفقا على تبادل الشرائط

ونظرت الفتاه فى الشرائط وكانت سعيده جدا بان صديقتها تهتم بها

بعد فترة جاءت لها صديقتها بمجموعه جديدة من الشرائط

وهذه المره كان من ضمنها شريط الحجاب للشيخ يعقوب

وقالت للفتاه اسمعيه من ضمن الشرائط لن تخسرى شيئا

وتعالى قولى لى رايك اتغير فى الشيخ وبدات تحبين تسمعين محاضراته ام لا

وافقت الفتاه واخذت الشرائط وجعت لبيتها

وطبعا كما تتوقعون استمعت لكل الشرائط وردتها لصديقتها وناقشتها فيها

وما بقى الا شريط الشيخ يعقوب والحجاب..........

وكانت تريد ان تعطيها الشريط دو ان تسمعه هى اساسا لا تتقبل من الشيخ كلمه

ولكن شئ منعها وقالت اسمعه واشوف

وبدات تسمع المحاضره............ المفاجاءة الكبيرة

 

مع كل كلمه للشيخ يعقوب قلبها يكاد يخرج من ضلوعها

هذا هو الحجاب ما ارتديه ليس حجابا

هذا هو الحجاب

تقول الفتاه كنت اسمع صوتا داخلى يتكلم صوته اعلى من صوت الشيخ

يقول هذا هو حجابك لم تتركيه

لم تصارح صديقتها بما حدث لها ولكن شكرتها وقالت كويس الشريط

خافت ان تقول لها لانها لا تستطيع لبسه الان صحيح اقتنعت ولكن

ماذا عن اهلها لن يسكتوا لا يوجد واحده بعائلتها منتقبه

بل الاكثر هى اكثرهن احتشاما الان بعد ان لبست اللباس الواسع والخمار

وظلت فترة طويله قرابة العام فى صراع نفسى مع كيف تقول فى البيت

كيف تقنعهم؟؟؟؟؟؟؟ وهل تستطيع تحمله ام ستخلعه كما يحدث للبعض؟؟؟؟؟؟

وجاءت اللحظه وقالت لاهلها ......... طبعا رفضوا ولكنها صممت وحاولت

الى ان اكرمها الله ووافقوا على ان تلبسه بعد فتره طويله

 

 

ولكن......... هل يتركها الشيطان

 

ذهبت لتشترى النقاب ومعها اختها وكانت تضعه على وجهها لترى شكلها بالمرءاة

تقول ذهلت وجدت نفسى داخليا اصرخ من داخلى لن ارتديه ما هذا

لالالالالالالالالالالالا وجرت اختها خلفها وقالت يلا هشترى يوم تانى

وكانت مشتعله غضبا بعد كل هذا العناء مع الاهل لن البسه والسبب

السبب اننى لم احب شكلى به....... ماذا افعل؟؟؟؟؟

 

 

وتذهب للبيت واذا بالهاتف بعد ساعه تقريبا من رجوعها

انها صديقه لها تبكى منهاره تقول لها صديقتى التى عرفتك عليها من قبل

ماتت امس ....... ماتت وكانت لا تزال عروسا جديده إِنَّا لِلَّهِ وَإِنَّا إِلَيْهِ رَاجِعُونَ

وكانت تحمل بين احشائها جنين ... ماتت هى وجنينها

حاولت ان تهدأ صديقتها وتهون عليها

ولكن صديقتها كانت فى شده الانهيار حاولت مرارا وتكرارا

الى ان هدات قليلا بفضل الله

وبعد ان هدأت الصديقه قالت لها هناك شئ نسيت ان اخبركى به

قالت لها الفتاه ماذا حبيبتى قولى

قالت لها: ما يجعل الصدمه تهون عنى قليلا هو استشعارى بان الله اكرمها بفضل كبير من عنده قبل موتها بشهر

قالت لها : قولى لى ما هو هذا؟؟؟

 

قالت لقد لبست النقاب قبل موتها بشهر وكان الكل معترض على ذلك

فكيف ترتدى عروس جديده النقاب وتسجن نفسها ولكنها احتملت تعليقات الاخرين

وصبرت ولقد شجعتها على قرارها

فالحمد لله ان اكرمها الله به قبل موتها والحمد الله انى لم اكن من ضمن العقبات

التى واجهتها عند ارتداء النقاب لانى كنت ساندم ندم شديدا على ما فعلت

مع انى لست مع ارتداء النقاب ولكنى شجعتها عندما رايت ان الكل يزجرها

لم ترد عليها الفتاه...... قالت فقط الله يرحمها ساكلمك غدا بان الله

وبدات فى نوبة بكاء شديده

تقول لنفسها ياااااااااااااااا الله الان فقط اعلم انها ارتدت النقاب

هى رساله ارسلها لى ربى لتثبيتى على لبسى للحجاب الشرعى

وبعد بكااااااااااااااااء شديد

قالت: لن اتاخر اكثر من ذلك لن اتاخر

ولبست الحجاب الشرعى

و قابلناها بالمسجد وفرحنا وهللنا

يااااااا الله من البنطال الجينز الى الحجاب الشرعى

اراها تغطى حتى عينيها ولا تبالى بكلام الاخرين

تقول امهلنى ربى كثيرا وسخر لى كل من حولى

لتكون اسباب لتثبيتى

فالحمد لله

الفتاة الان على طريق الاستقامة ثبتها الله وايانا على الطريق المستقيم

 

 

من كان يتخيل ان تصير هكذا....... الحمد لله

 

قالت لنا الفتاه : والله اخواتى لولا فضل الله على ثم الاخوات اللاتى تحملن غلظتى معهن

لكنت تاخرت كثيرا فى فهم حقيقة الحجاب الشرعى فقد كانت الامور ملتبسه على جدا

ولولا فضل الله على ثم الهاتف الغريب الذى جعله الله تثبيتا لى فيما كنت امر به

لكنت ندمت كثيرا على تفريطى فى حجابى الشرعى

 

 

انتهت القصه

 

وكلمه

 

 

لاتجعلوا اخواتى غلظة من تدعونهم الى الحق تؤدى بكم الى ان تيأسوا من دعوتهم او تبادلونهم غلظه بغلظه اشد

قد تبعدهم كلماتكم عن الطريق المستقيم دون ان تدروا

و اصبروا تحملوا فكل شئ يهون فى سبيل ان يهدى الله بكم اخت

 

 

والى اخواتى

 

 

انظرن كم هو حجابنا الشرعى غالي احياء واموات

فها هى اختنا ماتت وجعلها الله سبب لتثبيت اخت اخرى لا تدرى عنها شيئا

اسال الله ان يجعلها فى ميزان حسناتها ويرحمها ويغفر لها هى وامواتنا واموات المسلمين

 

ملحوظه

 

 

الشيخ محمد حسين يعقوب اصبح من احب المشايخ الذين تستمع اليهم الان وتوقره جدا

وتشعر بالسكينه عندما تستمع لمحاضراته........سبحان الله

فيا مقلب القلوب ثبت قلوبنا على دينك

بارك الله لنا فى الشيخ ونفعنا بعلمه هو وكل علماء الامه الربانيين

 

ختام

 

 

كنا نسمع هذه القصه من الفتاه ولسان حالنا يقول

 

 

 

وَعَسى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ

 

تم تعديل 26 أغسطس, 2009 بواسطة ام صفى الله

[(حفيدة الصحابة) 91]

وعليكم السلام ورحمة الله وبركاته

جزاكـِ الله خيرا أختى الغاليه أم صفى :)

ونفع الله بالقصه إن شاء الله

وأسأل الله أن يجزيكِ عن كتابتها خيراً وأيضا للأخت صاحبة القصه وأن يثبتها الله

ولكِ خالص الشكر لكتابتكِ القصه ياغاليه

جوزيتم خيرا

ولاتنسونى من صالح دعائكم

[ام صفى الله 1]

حياك الله الحبيبة حفيدة الصحابة

اسعدك الله حبيبتى فى الدارين واتم عليكِ الصالحات

[(حفيدة الصحابة) 91]

وعليكم السلام ورحمة الله وبركاته،،

للرفع رفع الله قدركن

[muslima2009 5]

[دمعه في عيني 0]

مشالله بارك الله فيكي وكل الي شارك بالرد

[الجمال الباكى 0]

ربنا يثبت الجميع ويهدى الكل

انا نفسى اوى اسمع قصه (حفيده الصحابه ) وازاى لبست النقاب وذكرياتها اول يوم تخرج بيه

[(حفيدة الصحابة) 91]

ربنا يثبت الجميع ويهدى الكل

انا نفسى اوى اسمع قصه (حفيده الصحابه ) وازاى لبست النقاب وذكرياتها اول يوم تخرج بيه

 

اللهم أمين

أختى الجمال الباكى حياكِ الله ياغاليه :)

أما عن قصتى فليست لى قصة

أما عن ذكريات أول يوم أخرج بيه :)

فحين خروجى كان أول ذهب لى به كان للدراسه وذهبت مع زميلتى

ودخلت وأكيد كنت سعيده كثيرا وأكيد هناك النقاد وهناك المباركه والحمدلله مع أن النقد كان أكثر

ألا أن الله رزقنى الثبات وأسأل الله أن يقينى الفتن ماظهر منها ومابطن

وأن يرزقنا الأخلاص فى القول والعمل

بارك الله فيكِ أختى

 

همسه :_ أتعلمين أختى حينما أجد أخت جاهدت من أجل نقابها أغبطها على ذلك

دوما أقول لنفسى أنا نعم إرتديت النقاب دون معاناه فمابال الذين جاهدوا فأجرهم

أكبر من أجرى بكبير أسأل الله لنا ولهم الثبات

ولكن أحاول أن أفعل شئ أخر لأصل لدرجة ثوابكم

ونسأل الله الإخلاص فى القول والعمل

 

 

2.أخبرينى ماهو حالك الأن مع النقاب ياحبيبه :)

طمئنينى عن حال نقابكِ حفظكِ الله

 

[الجمال الباكى 0]

شكرا على رد وانشاء الله نكون كلنا فى الفردوس الاعلى مع الحبيب المصطفى

انا ونقابى والحمد لله فى حال طيب

مازال النقد مستمر والتهديد لاخلعه لكنى ادعو الله ان يثبتنى

انا بتخيل انى لو قلعته كأنى ممكن اموت من الحزن والحسره

لكنى واثقه ان ربنى هيثبتنى وانشاء الله يرزقنى واياكم حسن الخاتمه

لكن امبارح حصل حاجه تانيه خالص مع اختى عندها 12 سنه

كنا بنتفرج على الداعيه مصطفى حسنى وكان بيتكلم عن وقفات الناس يوم القيامه وذكر ان البنت المسترجله لن ينظر الله لها ولن يكلمها ولن يزكيها

وفجأه لقيت اختى بتبكى جامد جدا وعماله تقولى هو انا هقف فين يوم القيامه ؟؟!!

وجابت ماما وبابا وفضلت تبكى وتقنع ماما ان تسمحلها بلبس الاسدال او العبايه

وماما كانت رافضه على اساس انها لسه صغيره

وفجأه ينطلق من اختى كلمه فى غايه الغرابه

قالت لماما وهى بتنفطر من العياط

( انتى ليه مستهونه بالموضوع ده ربنا مش هيبصلى اصلا وانا نفسى اشوفه )

ورجعت تقول ...

( انتى هتبقى مبسوطه لما اكون واقفه على الصراط واقول لربنا هى دى اللى مش راضيه تخلينى البس الاسدال )

( انتى خايفه عليا ابقى مش مبسوطه فى الدنيا ويبقى شكلى وحش ومش خايفه عليا ادخل النار )

وكلام كتير من هذا القبيل مع الدموع وكنت حاسه ان قلبى بيتخلع وهيا ببتتكلم

انا نفسى لما كنت بتكلم مع ماما وبابا كنت بخاف اقولهم الكلام ده عشان ما اجرحش مشاعرهم

لكن الكلام طلع منها بصدق وبحرقه جامده قوى

وبابا فعلا نفذ طلبها على طول واتأثر بكلامها جدا ووافق انها تلبس العابيه

وفجأه اخرى بس من بابا المره دى ينده على اختى التانيه

ويقرر ممنوع لبس البنطلون وممنوع اى لبس مش تمام والالون الجذابه ممنوعه والمكياج ممنوع اى كانت المناسبه واصدقاءك لازم يكونوا كده هما كمان والا ....

كان امبارح يوم جميل جدا فى بيتنا يارب يثبتنا ويعينا ويهدى كل ضال

[حيُّ على الجهاد 0]

ما شاء الله أختي الجمال الباكي

أسعدتي قلبي حقا جعله الله في ميزان حسناتك

 

بالله عليكن أسألكن الدعاء

 

انا ان شاء الله خارجة بعد المغرب وهتبقى ان شاء الله اول خروجة ليا بالنقاب

ادعولي ربنا يثبتني

ولما ارجع ان شاء الله هحكيلكو على احساسي

نفسي اجرب الاحساس الجميل ده

[(حفيدة الصحابة) 91]

شكرا على رد وانشاء الله نكون كلنا فى الفردوس الاعلى مع الحبيب المصطفى

انا ونقابى والحمد لله فى حال طيب

مازال النقد مستمر والتهديد لاخلعه لكنى ادعو الله ان يثبتنى

انا بتخيل انى لو قلعته كأنى ممكن اموت من الحزن والحسره

لكنى واثقه ان ربنى هيثبتنى وانشاء الله يرزقنى واياكم حسن الخاتمه

لكن امبارح حصل حاجه تانيه خالص مع اختى عندها 12 سنه

كنا بنتفرج على الداعيه مصطفى حسنى وكان بيتكلم عن وقفات الناس يوم القيامه وذكر ان البنت المسترجله لن ينظر الله لها ولن يكلمها ولن يزكيها

وفجأه لقيت اختى بتبكى جامد جدا وعماله تقولى هو انا هقف فين يوم القيامه ؟؟!!

وجابت ماما وبابا وفضلت تبكى وتقنع ماما ان تسمحلها بلبس الاسدال او العبايه

وماما كانت رافضه على اساس انها لسه صغيره

وفجأه ينطلق من اختى كلمه فى غايه الغرابه

قالت لماما وهى بتنفطر من العياط

( انتى ليه مستهونه بالموضوع ده ربنا مش هيبصلى اصلا وانا نفسى اشوفه )

ورجعت تقول ...

( انتى هتبقى مبسوطه لما اكون واقفه على الصراط واقول لربنا هى دى اللى مش راضيه تخلينى البس الاسدال )

( انتى خايفه عليا ابقى مش مبسوطه فى الدنيا ويبقى شكلى وحش ومش خايفه عليا ادخل النار )

وكلام كتير من هذا القبيل مع الدموع وكنت حاسه ان قلبى بيتخلع وهيا ببتتكلم

انا نفسى لما كنت بتكلم مع ماما وبابا كنت بخاف اقولهم الكلام ده عشان ما اجرحش مشاعرهم

لكن الكلام طلع منها بصدق وبحرقه جامده قوى

وبابا فعلا نفذ طلبها على طول واتأثر بكلامها جدا ووافق انها تلبس العابيه

وفجأه اخرى بس من بابا المره دى ينده على اختى التانيه

ويقرر ممنوع لبس البنطلون وممنوع اى لبس مش تمام والالون الجذابه ممنوعه والمكياج ممنوع اى كانت المناسبه واصدقاءك لازم يكونوا كده هما كمان والا ....

كان امبارح يوم جميل جدا فى بيتنا يارب يثبتنا ويعينا ويهدى كل ضال

 

ماشاء الله بارك الله فى أختكِ وفيكِ

أسعدتينى بذلك أسأل الله لكم الثبات وأن يهدى والديكِ للحق دوماً

وبإذن الله مادام الأمر كذلك فلاتلقى فوالديكِ سيوافقون بإذن الله

وأتمنى لكِ السعاده وبإذن الله لوأردتِ أى شئ

فستجدين جميعا بجانبكِ إن شاء الله ياحبيبه ثبتكِ الله

 

 

وبخصوص كتابتكِ لإن شاء الله فتفضلى هذا

 

الفرق بين إن شاء الله وإنشاء الله

 

http://www.islam2all.com/dont/dont/latnshor/14.html

 

تم تعديل 14 اكتوبر, 2009 بواسطة (حفيدة الصحابه)

[(حفيدة الصحابة) 91]

ما شاء الله أختي الجمال الباكي

أسعدتي قلبي حقا جعله الله في ميزان حسناتك

 

بالله عليكن أسألكن الدعاء

 

انا ان شاء الله خارجة بعد المغرب وهتبقى ان شاء الله اول خروجة ليا بالنقاب

ادعولي ربنا يثبتني

ولما ارجع ان شاء الله هحكيلكو على احساسي

نفسي اجرب الاحساس الجميل ده

 

بشركِ الله بالجنان أختى الحبيبه حى على الجهاد :)

أسعدتينى أسعدكِ الله

وننتظر قصتكِ ياحبيبه بشوق

[الجمال الباكى 0]

شكرا ليكى اختى ( حفيده الصحابه )

انا فعلا عمرى ما اخدت بالى من النقطه دى وهيا دى اكتر حاجه مخوفانى انى اقابل ربنا وانا شايله ذنوب مااعرفش اصلا انى بعملها

ربنا يعفو عننا جميعا

 

 

واختى حى على الجهاد

ربنا يتقبل منك ويثبتك والله فرحتى قلبى ربنا يقويكى

ياريتنى كنت معاكى والله وحشنى الاحساس ده

لازم تحكيلنا لما ترجعى بالسلامه ان شاء الله

[(حفيدة الصحابة) 91]

شكرا ليكى اختى ( حفيده الصحابه )

انا فعلا عمرى ما اخدت بالى من النقطه دى وهيا دى اكتر حاجه مخوفانى انى اقابل ربنا وانا شايله ذنوب مااعرفش اصلا انى بعملها

ربنا يعفو عننا جميعا

 

بورك فيكِ أختى الغاليه الجمال الباكى :)

وإن شاء الله مادمتِ لاتعرفين فلاإثم عليكِ إن شاء الله

وفقكِ الله للخير

 

عن عائشة رضي الله عنها قالت: قال لي رسول الله صلى الله عليه وسلم:

 

" يا عائشة إياك ومحقرات الأعمال فإن لها من الله طالبا"

 

"اللهم إنا نسألك الهدى، والتقى، والعفاف، والغنى؛ اللهم إنا نعوذ بك من شر ما عملنا، ومن شر ما لم نعمل؛ اللهم اغفر لنا وارحمنا، وارض عنا، وتقبل منا، وأدخلنا الجنة ونجنا من النار، وأصلح لنا شأننا كله؛ اللهم أنفعنا بما علمتنا، وعلمنا ما ينفعنا، وزدنا علما، والحمد لله على كل حال، اللهم إنا نعوذ بك من عذاب النار"

[حيُّ على الجهاد 0]

السلام عليكم ورحمة الله وبركاته،،

انا جيييييت الحمد لله

بجد احساس رائع

من الآخر كدة حسيت اني ملكة ولابسة تاج

الحمد لله حمدا كثيرا طيبا مباركا فيه كما ينبغي لجلال وجهك وعظيم سلطانك

 

بس ناس كتير اعدوا يقولولي انتي جاية تلبسيه دلوقتي دول بيشددوا عليه جامد في الكليات

يريت تدعولي ربنا يثبتني واخواتي اللي بدأوا الدراسة يقولولي الأحوال عندهم ايه عشان دراستي لسة مبدأتشي

[(حفيدة الصحابة) 91]

السلام عليكم ورحمة الله وبركاته،،

انا جيييييت الحمد لله

بجد احساس رائع

من الآخر كدة حسيت اني ملكة ولابسة تاج

الحمد لله حمدا كثيرا طيبا مباركا فيه كما ينبغي لجلال وجهك وعظيم سلطانك

 

بس ناس كتير اعدوا يقولولي انتي جاية تلبسيه دلوقتي دول بيشددوا عليه جامد في الكليات

يريت تدعولي ربنا يثبتني واخواتي اللي بدأوا الدراسة يقولولي الأحوال عندهم ايه عشان دراستي لسة مبدأتشي

وعليكم السلام ورحمة الله وبركاته

الحمدلله الذى بنعمته تتم الصالحات

أختى لاتسمعى لحديثهم أسأل الله أن يرزقكِ الثبات إن شاء الله

وبخصوص الجامعه والله ليس هناك أى شئ والحمدلله

ولكن أختى إسألى الله دوماً الثبات

 

وأهديكِ هذا

 

 

[أم عبد الوارث 24]

وعليكم السلام ورحمة الله وبركاته،،

 

اختي حي على الجهاد، ثبتك الله يا غالية :) ما اجمل لبس النقاب :)

 

عندما يقول لي البعض لما لا تكتفين بالخمار اقول لهم وجهي للشخصيات المهمة VIP لا تراه الا النساء و محارمي . و اسألهن اين تضعن ذهبكن ( و يكون دائما مخبأ وسط الغرفة و الغرفة لها باب و توجد داخل بيت و البيت له باب بمفتاح لا يدخله اي احد) فأقول هذا و الذهب غالي و هل يوجد أغلى من المرأة؟

 

اذا ما ناقشكي احد لا تناقشي فرضيته لانها محل خلاف معتبر ( و كما سمعت من الشيخ محمد حسان عندما بين حكم النقاب ذكر الخلاف و قال انه يدين لله بفرضية النقاب لكن لا يعيب على المخالفين) يعني اذكري الخلاف الموجود و اذكري فضله ( تشبه بأمهات المؤمنين، قربى لله عز و جل، اتباع و المحبة هي الاتباع...)

وفقني الله و اياك :)