هذه هي قصتي مع النقاب + منتقبة؟؟ ماقصة لبسكِ للنقاب ؟؟

[ام مالك المصرية 0]

السلام عليكــم ورحمـة الله وبركاتــة ،، بسم الله والصلاة والسلام على رسول الله

حبيباتى اعضاء منتدى موقع اخوات طريق الاسلام ... اين انتن يا منتقبات اين تشجيعكن لأخواتكم الغير منتقبات .. وتغطية الوجه في زماننا هذا اصبحت واجبة على قول ان النقاب مستحب

فما بالنا بالذى قال النقاب فرض :biggrin: .. ياريت تكون هنا ساحة للحوار في موضوع مسألة تغطية الوجه لعلنا نكسب ثواب في اخت او اكثر ونشجعها على ارتداء لباس العفة والطهارة .. لباس عائشة وسودة وزينب وجويرية وأم سلمة واسماء رضى الله عنهم اجمعين

وياريت كل اخت تدخل لا نبخل على اخواتها بكتابة ولو نبذة عن تجربتها مع النقاب والصعوبات التى واجهتها

لتعلم كل اخت ان النقاب غالى والدين عزيز والجنة هى اغلى سلعة ممكن نشتريها

وانا ان شاء الله سوف اوافيكم بقصتى مع النقاب تفصيليا .. وربنا يبرك في اوقاتنا

والسلام عليكم ورحمة الله

[أم حذيفة السامرائية 0]

وعليكم السلام ورحمة الله وبركاته،،

وفقك الله حبيبتي وبارك فيك على فتح هذا الموضوع

بالنسبة لتجربتي فكانت عبارة عن جهاد

أولا ارتديته بدون موافقة أهللي وخاصة أبي فضلت أن أبقى في ابيت مدى الحياة على أن أخلعه,لأنني علمت أنه هو تاج العفاف

أما في الشارع فلا تسمع الا(نينجا,غرابة,معقدة)والكثير لكن قول الله عز وجل

﴿ وعباد الرحمن الذين يمشون في الأرض هونا واذا خاطبهم الجاهلون قالوا سلاما ﴾

يقوي عزيمتنا وايماننا ويزيدنا تشبتا به وحبا لله

اللهم ارضى عنا ولا تهنا وزدنا ولا تنقصنا

اللهم اهدنا نساء وفتيات المسلمين الى ارتداء النقاب وحببه اليهن

[مريم فوزي 1646]

السلام عليكم ورحمة الله وبركاته،،

موضوع مهم يا غالية جعله الله في ميزان حسناتكِ ..

لن اكتب الان ولكني احببت ان اوضح لكِ ان العلماء اختلفوا علي النقاب فيوجد من يقول انه فرض ويود من يقول انه فضيلة ..

سأحكي لكِ ان شاء الله ولكن ليس الان .. عودة ..

[ام مالك المصرية 0]

شفتوا النقاب من 100 سنة بس كان موجود ازاى عندنا احنا المصريات .. يعنى مش عادة بدوية ولا سعودية.. والحجاب فضل يتحدر حاله لحد ما وصلنا للى أحنا فيه دلوقتى بدى ضيق و جينز داخل بلبيسة على حتة قماشة ملونة والمسكينة فاكرة ان ده حجاب معقول هى اللى عاملة كده مصدقة ان ده حجاب شرعى وهو ده اللى ربنا فرضه علينا

واخت اعرفها تسعى للعمل في مجال الدعوة وترتدى عباءة كتف ( مخالفة لشروط الحجاب) وطرحة طويلة وتنكر انا النقاب كان لنساء الؤمنين وتقول انه لزوجات النبى فقط

يعنى اللى عايز يجادل في المسألة دى يروح يغير كلام ربنا لو يقدر

مش ربنا عز وجل قال يا ايها النبى قل لأزواجك وبناتك ونسااااااااااااااااااااااااااء المؤمنين يدنين عليهن من جلابيبهن

هو احنا مش نساء المؤمنين ولا حاجة؟؟؟؟؟؟؟؟؟

____100_____2.bmp

[ام مالك المصرية 0]

ربنا يكرمك ويثبتنا واياك يا ام حذيفة وجزاك الله خيرا يا صمت الالم وانا اعلم حبيبتى ان المسألة خلافية ولكن لو اطلعتى على اراء العلماء لوجدتى ان ابو حنيفة ومالك والشافعى قالوا هو سنة مستحبة ولكن قالوا انه في زمان الفتنة واجب

فهل مر على المسلمين زمان اكثر فتنة من زماننا هذا والاباحيات موجودة على النت والفضائيات حتى الشوارع ترى الشباب والفتيات في اوضاع مخزية

وبالتالى اجتمع اهل السنة والجماعة في كل مكان ان هذا زمن الفتنة وبالتالى النقاب اصبح واجب بل ضرورة

ولا تعلم فضل تغطية الوجة ولبس الجلباب إلا من جربته وذاقت حلاوة الحجاب الذى فرضة الله علينا

ثم ان على عهد رسول الله صلى الله عليه وسلم كان النساء كلهن منتقبات فيما عدا الإماء فقط

..

ووالله ان الوجة هو موضع الفتنة وموضع التبرج الحقيقى فوالله قبل ان يمن عليا ربى بتغطية الوجة كنت ارتدى عباءة فضفاضة وطرحة طويلة (وكنت اتخيل انى كده خضرا الشريفة)

وكنت اتعاكس كتيير جدا .. ويتقدم لى للزواج الكثير.. أليس كل هذا سببه الوجة؟؟... وعلى فكرة كنت كمان بلبس جونتى

[ام مالك المصرية 0]

منتظرة تجربتك يا حبيبتى صمت الالم .. ويا رب تكونى منتقبة .. وإن لم تكونى فبادرى باللحاق بالركب :cry:

[السعاده في طريق الالتزام 1]

حبيبتي ام مالك المصريه

تجربتي مع النقاب سهله وبسيطه جدا

انا كنت بحب المنتقبات اوي

كنت لما بشوف مثلا صحبتي منتقبه وكده كان نفسي البسه

وكنت لما بسمع ان حد هيلبسه كنت بزعل علي نفسي

بس كنت بقول لنفسي لما اتجوز او اتخطب

بس المهم اتخطبت لانسان ملتزم جدا وملتحي ومقصر

فبصراحه كنت مبسوطه اوووووووووي

ولبست النقاب بعد الخطوبه وخطيبي كان مشجعني جامد طبعا

ولكن لم يقدر لي الله الاستمرار مع خطيبي

ولكني والحمد لله لازت منتقبه فادعي الله لي بالثبات

[مريم فوزي 1646]

السلام عليكم ورحمة الله وبركاته،،

جزاكـِ الله خير

انا فعلا بفضل الله منتقبة ولله الحمد

لي عودة ..(:

[ام مالك المصرية 0]

ربنا يثبتنا واياكم يا اختى السعادة في الالتزام ز صمت الالم........ ربنا يبارك فيكم

انا برضو يا اخواتى كنت عندما ارى المنتقبات اشعر بالفخر وانى يوما ما اريد ان افعل مثلهم

ولكن لم اكن اعرف ان هذا هو الفرض الذى افترضه الله علينا .. فكنت ارتدى عباءة الكتف والطرحة الطويلة.. وبعدين في يوم من الايام....

[غالية 2 0]

السلام عليكــم ورحمـة الله وبركاتــة ،،

 

أخواتى إننا فى زمن الفتنة زمن الضياع زمن إختلط فيه الحابل بالنابل وبذلك أرى أن لبس النقاب واجب شرعى وهو يمنح المرأة ثقة بنفسها

 

وهذا عن تجربة الحمد لله أرتديت النقاب منذ ذهابى للعمرة وهذا قرار إتخذته وأدعو الله أن يثبتنى قولوا أمين

[غالية 2 0]

السلام عليكــم ورحمـة الله وبركاتــة ،،

 

أخواتى إننا فى زمن الفتنة زمن الضياع زمن إختلط فيه الحابل بالنابل وبذلك أرى أن لبس النقاب واجب شرعى وهو يمنح المرأة ثقة بنفسها

 

وهذا عن تجربة الحمد لله أرتديت النقاب منذ ذهابى للعمرة وهذا قرار إتخذته وأدعو الله أن يثبتنى قولوا أمين

[غالية 2 0]

السلام عليكــم ورحمـة الله وبركاتــة ،،

 

أخواتى إننا فى زمن الفتنة زمن الضياع زمن إختلط فيه الحابل بالنابل وبذلك أرى أن لبس النقاب واجب شرعى وهو يمنح المرأة ثقة بنفسها

 

وهذا عن تجربة الحمد لله أرتديت النقاب منذ ذهابى للعمرة وهذا قرار إتخذته وأدعو الله أن يثبتنى قولوا أمين

[غالية 2 0]

السلام عليكــم ورحمـة الله وبركاتــة ،،

 

أخواتى إننا فى زمن الفتنة زمن الضياع زمن إختلط فيه الحابل بالنابل وبذلك أرى أن لبس النقاب واجب شرعى وهو يمنح المرأة ثقة بنفسها

 

وهذا عن تجربة الحمد لله أرتديت النقاب منذ ذهابى للعمرة وهذا قرار إتخذته وأدعو الله أن يثبتنى قولوا أمين

[غالية 2 0]

السلام عليكــم ورحمـة الله وبركاتــة ،،

 

أخواتى إننا فى زمن الفتنة زمن الضياع زمن إختلط فيه الحابل بالنابل وبذلك أرى أن لبس النقاب واجب شرعى وهو يمنح المرأة ثقة بنفسها

 

وهذا عن تجربة الحمد لله أرتديت النقاب منذ ذهابى للعمرة وهذا قرار إتخذته وأدعو الله أن يثبتنى قولوا أمين

[غالية 2 0]

السلام عليكــم ورحمـة الله وبركاتــة ،،

 

أخواتى إننا فى زمن الفتنة زمن الضياع زمن إختلط فيه الحابل بالنابل وبذلك أرى أن لبس النقاب واجب شرعى وهو يمنح المرأة ثقة بنفسها

 

وهذا عن تجربة الحمد لله أرتديت النقاب منذ ذهابى للعمرة وهذا قرار إتخذته وأدعو الله أن يثبتنى قولوا أمين

[مرافئ الحنين 0]

موضوع جميل ولي عودة للقراءة المتأنية بإذن الله والمشاركة :rolleyes:

[مياه عزبه 0]

تجربتي مع النقاب؟؟

مممممم اتجهت للدين و بعدين قابلت منتقبات فأحببت النقاب جدا جدا جزاهم الله عني خيرا الأخوات دول و انتقبت و بس !

[وفاء السلفية 19]

جزاكِ الله خيرا حبيبتى فى الله ام مالك على طرح هذا الموضوع المهم اسال اله ان يجعله فى ميزان حسناتك وان يثبتكِ وجميع الاخوات المنتقبات وان يرزق اخواتنا غير المنتقبات لبس النقاب وان يثبتهن عليه امين

انا تجربتى مع النقاب تبدا من وانا فى سنة اولى كلية يعنى حوالى من 11 سنة كان لى صديقة منتقبة وكانت سبب فى حبى لنقاب ثم تعرفت على الكثير من الاخوات المنتقبات وكنت اتمنى ارتداء النقاب ولم اكن اعلم بفرضيته لكنى كنت احبه وكان لبسه صعب جدا بالنسبة لى وحتى ارتداء الخمار لم يكن سهل ابدا فى بيتى انا كنت ايامها بلبس طرحة لف والوان فاتحة ثم فى يوم اتخذت قرارا بان ارتدى الخمار كان اهل البيت خارجين فاتصلت على صديقتى ثم اخبرتها بانى عايزة احول الطرح لخمارات طبعا هى فى الاول خافت بس بصراحة شجعتنى وحولناهم وبعدين لما امى اكتشفت طبعا انتوا عارفين كم التهزيئ اللى اخدته بس عدت بس حتى الناس اللى هدوها من ناحيتى قالولى بس عند كده وقفى يعنى ما حاولش البس النقاب انا فى الاول قولتلهم ماشى لحد ما الموضوع يهدى ده كله كان فى اجازة سنة اولى يعنى وانا داخلة سنة تانية بعد كده طبعا فضلت اطلب النقاب وطبعا قوبل الطلب بالرفض المهم فصديقتى فى يوم وهى بتحمسنى قولت لها انا عايزة البسه بس مش مستعدة احارب علشانه كنا ايامها فى رمضان فصديقتى قابلت احدى طالبات العلم فى صلاة التراويح واخبرتها بان وفاء عايزة تلبس النقاب بس مش مستعدة تحارب علشانه فقالت لها كلنا كنا كده خليها تسمع شريط شبهات فى وجه الحجاب للشيخ محمد حسين يعقوب وهى مش هتخرج من تحت السرير

المهم ان الشريط مكانش عندنا وبعد رمضان انا وصديقتى نزلنا عشان نجيب الشريط فاحضرناه وطبعا سمعناه عندها عشان مكانش ينفع الشرايط دى تدخل بيتنا طبعا هتقولوا وفضلتى برة بيتك كل الوقت ده ازاى؟؟ هقولكم احنا اصلا من ايام ثانوى واحنا بنذاكر مع بعض واليوم ده كان اول ليلة امتحان فى امتحانات نصف العام لسنة تالتة المهم سمعت الشريط عند صديقتى ولبست النقاب وانا راجعة من عندهم ولبست نقاب اختها علشان كان سعودى يعنى سهل اقلعه وانا داخلة البيت من غير ماحد يشوفوه وفعلا اقلعته بعد ما دخلت من البوابة ودخلت البيت وانا قلبى بيدق على اخره مع ان مفيش حد شافننى بيه

تانى يوم يعنى اول يوم فى ايام الامتحانات لبست نقابى ابى شافنى بيه بس لحد دلوقتى معرفش هو كان واخد باله ولا لاء هو معلقش قلت يمكن عشان الامتحان روحت الامتحان والاخوات لما شافونى بيه كانوا فرحانين قوى ودعوا لى بالثبات وفى اخت قالت لى انا هقول للاخوات يدعولك انا كنت لابسة بيشة وجه فقط وبعدين بعد ما طلعت من الامتحان ذهبت انا وصديقتى لمكتبة اسلامية عشان اشترى بيشة العين وطلبت صديقتى من الاخوات فى المكتبة ان يدعوا لى بالثبات لان كان اول يوم انا فى الاول فكرت افضل لبساه فى السر لكن صديقتى لم تشجعنى على ذلك وبعدين انا قولت خلاص اقولهم واتهزء دلوقتى واخلص عشان صعب الاستمرار عليه فى السر المهم دخلت البيت امى مكانتش فى الصالة فدخلت غيرت ملابسى وخبيت النقاب فى مكان مفيش حد يعرف يوصله لان امى كانت عايزة تحرقه وانا كنت عارفة ان ده هيكون رد فعلها طبعا حصلت مشاكل جامدة واتهزئت بس سبحان الله كنت سعيدة جدا ازاى معرفش ومكنتش باخد التهزيئ لنفسى كنت بعتبرهم بيهزؤا الحيطة والحمدلله عدت ودلوقتى امى اصبحت تحب المنتقبات جدا وتكره المتبرجات وتفتخر بان 3 من بناتها منقبات بعد ما كانت بتتكسف تخرج معايا عشان منتقبة وشكلى مش حضارى وطبعا فى الاول ا مى ما كا نتش عايزانى حتى اجلس معاهم على نفس السفرة واحنا بناكل لكن الحمدلله بعد فترة بسيطة كل ده اتغير وربنا هداهم وثبتنى وكان من اهم اسباب ثباتى معرفتى لقصص اخواتى الائى ارتدين النقاب وواجهن صعوبات اكتر منى ثم ثبتهن الله وهدى امهاتهن حتى ان امهاتهن ارتدين النقاب واصبحن يدعين الى ارتداءه وعشان كده طلبت منك التعجيل بهذا الموضوع يا ام مالك حتى يجعلنا الله سببا من اسباب ثبات اخواتنا ومن اهم الاسباب ايضا كثرة الدعاء وكثرة الاستغفار والاكثار من الصلاة والسلام على النبى محمد صلى الله عليه وسلم

معلش طولت عليكم بس حبيت احكى الحكاية من اولها لحد اخرها لعلها يكون فيها ما يثبت اخواتنا

وهذا هو رابط شريط شبهات فى وجه الحجاب للشيخ محمد حسين يعقوباضغطى هنــــــــــــــــــــــــــــــــــــــــــــــــــــــا

تم تعديل 23 يونيو, 2009 بواسطة وفاء ام اُبَى

[أنين أمّة 19]

وعليكم السلام ورحمة الله وبركاته،،

 

ليست قصتي مميّزة ,,

أسأل الله أن يمنّ على جميع الأخوات بإرتداء النقاب ,,

وأن يثبنا جميعًا حتى الممات .

 

بوركتِ .

[حفصة أحمد 40]

السلام عليكم ورحمة الله وبركاته،،

 

عجبانى جدا فكرة الاهتمام بالحديث عن النقاب وما ذقناه الى ان من الله علينا بالنقاب والحمدلله .

 

قصتى مع النقاب طويله نوعا ما وكثير ممن حولى تعجبوا لما راونى بالنقاب .

سبحان الله اشعر وانا اكتب الان بانى اذا ظللت عمرى كله اشكر الله على نعمته ما وفيته حقه جل فى علاه .

 

المهم واحده جارتى التزمت بالخمار المعروف وبدات تفكر فى النقاب لكن اهلها اعترضوا جدا وبدات كمان تحاول معايا انى البس الخمار مثلها طبعا ابى فى الاول اعترض لكن وافق بصعوبه فى النهايه ولبسته لمدة 3 سنوات وصراحه لم تطرا فكرة النقاب على بالى الا احيانا قليله ولم احدث بها احد ولا يوجد العزم لذلك .

 

بعدها كانت فترة الانتقال من ثانوى الى الجامعه فلبست الاسدال ومن هنا بدات فكرة النقاب تاتى على بالى احيانا كثيرة واتحدث به مع اهلى ولكن العزم كان ضعيفا .

فى هذا الوقت كنت اشعر وكانى اتغير ويغيرنى ربى لما يرضيه لانى كنت ادعو فى صلاتى "يارب وفقنى لما تحب وترضى" فابتعدت عن الاغانى بحول الله ثم بعده بفتره ابتعدت عن التليفزيون بفضل الله وخلال ذلك اشعر باشياء داخلى لم اشعر بمثلها من قبل ..والحمدلله وحده .

 

بدات اتكلم مع ابى بجديه وابين له العزم فى كل مره نقاش وكان يرفض ويقول اسباب كثيره ولكن سبحان من كان يجرى الحق على لسانى فى كل رد حتى مل ابى من النقاش وانهاه بجملة "مش هتلبسيه وخلاص .انت عجبانى كده"

 

زاد اصرارى على النقاب وكان دعائى لله يزداد ايضا وبالتضرع والدموع من اجل النقاب ولما علمت ان لبسى للنقاب ليس به عقوق لهما اخبرتهما بانى سالبسه حتى ان لم يوافقا ولكن فى كل كنت اقول نفسى البسه وهما راضيينوالحمدلله بعد سنه ونصف جلست مع ابى واخبرته برغبتى الشديده فى النقاب وبكل ادب ناقشته ككل مره ولكن سبحان الله فى هذه المره كان يسمع والمفاجاهانه وافق وقال لى "البسيه وربنا يعيينك"

يااااااااااااااااااااااااااااااااااااااااااااااااه على فرحتى الدنيا بوسعها مش سيعانى من الفرحه امى عارضت لكن ابى سبحان الله وقف معايا وهى الى الان تسالنى "امتى هتشليه؟" اقولها "فى الجنه باذن الله"

نزلت واشتريته وكان نفسى كلللللللللللللللللللللللللللللللللللللللل الناس اللى تعرفنى تشوفنى بيه .

 

ربنا يمن على كل البنات بالنقاب وييسر امر لبسه عليهن .

اسفه جدا انى طولت .

[سلماء 140]

السلام عليكم ورحمة الله وبركاته،،

ماشاء الله .بارك الله فيكي اختي ام مالك المصرية.

بصراحة حلم حياتي ان انتقب .لكن ..............

[ام مالك المصرية 0]

ربنا يبارك فيكم اخواتى غالية ومرافئ الحنين ومياه عذبة.... و حبيبتى في الله وفاء ام ابى

ربنا يثبتنا واياك على النقاب وعلى الحق وفعلا ما فيش حد بيلبس النقاب من غير ما يلاقى صعوبات ولكن لازم المجاهدة

[ام مالك المصرية 0]

اختى انين امة شاركينى بتجربتك .. و كفاية انها هتكون متميزة بإنك في الاخر لبستى النقاب

[ام مالك المصرية 0]

حبيبت قلبى حفصة ربنا يبارك فيك ويثبتنا واياك .. ام انت يا سلماء لازم تقوليلى ايه الحكاية ليه مش لابسة النقاب

لازم اعرف ايه حكاية لكن دى ... مش هاسيبك غير لما اعرف :grin:

[ام مالك المصرية 0]

قصتى مع النقاب.....

حبيباتى في الله القصة تبدأ اساسا من الالتزام .. فأنا كنت مثلى مثل كل الفتيات الضائعات البعيدات عن طريق الالتزام وكان مجرد تفكيرى

في الحجاب بعيد جدا جدا لأنى كنت في كلية اعلام وكان هدفى الدخول في عالم الاخراج( الحمد لله الذى عافانى)

والحمد لله كنت اتمتع بقدر من الجمال كان دائما يطمع الطامعين وكنت اتضايق جدا من هؤلاء الطامعين

حتى دخلت ماسبيرو بالفعل وانا في السنة الثالثة كتدريب ورأيت كل الانحلال الاخلاقى على كل المستويات مذيعيين ومذيعات ومعدين وحتى بتوع الاضاءة قبلات والفاظ مشينة

وطبعا تعرضت لمضايقات عديدة وفي النهاية قررت اخد وقفة مع نفسي..........

وقفة اقول لنفسي فيها انا رايحة فين .. يعنى حتى لو اشتغلت في التليفزيون وحتى لو بقيت مشهورة يعنى وبعدين

وفي الاخر انا عملت ايه ربنا انا بعيدة ليه كده.. وكنت الحمد لله في الفترة دى بصلى

المهم عشان مطولش عليكوا ... من الله عليا بالحجاب فكنت البس طرحة طويلة وعباءة وجوانتى ولم ابدأ بالبنطلون الحمد لله

وبعدين بعد ما اتخرجت كنت طبعا عايزة اشتغل زى اى بنت وطبعا كنت قليلة العلم وكنت ما اعرفش (و قرن في بيوتكن )

وبرضو انتوا عارفين الشيطان مش بيسيب حد ابدا

طبعا نسيت اقولكوا ان والدى كان رافض للحجاب لانه كان نفسة انى اشتغل مذيعة وكان عنده الوسطة اللى تشغلنى :grin:

المهم لما لقيت قناة اقرأ وأنا اسميها حاليا بعد انحدرها (اغرق) :lol:

المهم ابويا اتوسطلى عند شخصية معروفة انه يشغلنى في قناة اقرأ .. وبعدين انا رجعت في كلامى في اخر لحظة لانى برضو حسيت انه مدخل شيطان تانى ليا

فنفس الوسطة شغلتنى ولكن في موقع انترنت ومش هاقولكوا اسمه :cool:

وفي هذا الموقع تعرفت على زوجى ابو مالك وكان ملتحى بفضل الله وبعد الخطوبة وكتب الكتاب .. كنت في يوم من الايام بكلم واحدة صاحبتى بسأل عليها فرديت عليا اختها

.............