مهارات تعليم الأطفال استخدام المرحاض :))

[~ أم العبادلة ~ 1903]

أنا عارفة إن فيه أخوات هيستغربوا ويقولوا ليه أنا بحكي كل حاجة بالتفصيل الممل بس لو صبرتم، إن شاء الله هتعرفوا الإجابة وهي إن معظم اللي بتسألوا عنه أنا مريت بيه فقلت بدل ما أرد على كل واحدة، أحكي قصتي مفصلة شوية ومنها تعرفوا الإجابة بإذن الله.

 

المهم بحثت ودورت ولقيت كلام كثير عن تعليم الأطفال من الشهور الأولى وإن دي كانت سنة أجدادنا مع أطفالهم يعني الدراسات لم تخترع شيء جديد وإنما بتجدد سنة اندثرت مع الأجيال اللي أصبحوا يفضلوا ترك أطفالهم حتى سن متأخر ليعلموهم الحمام.

 

فتحمست وقلت أحاول مع عبد الرحمن وبدأت ألبسه حفاضات قماش وجبت ورقة وقلم وقعدت أسجل التفصيل الوقت اللي بيعمل فيه ونوعية الحمام (بول ولا براز) وتقريبًأ تاني يوم قدرت أظبط مواعيدي معاه وخليته يعمل في القصرية وكذا مرة، وعدى اليوم الثالث وتقريبًا الرابع وأنا مبسوطة كتير من النتائج بس فجأة تعبت وأصبت بدور برد شديد وكان صعب إني أواصل فتوقفت وبعدها كسلت.

 

بعد عدة شهور (مع دخول الصيف)، قررت أبدأ تاني من جديد وكان عنده حوالي 8 شهور ولكن النتائج لم تكن جيدة مثل المرة الأولى، فأصابني الإحباط وتوقفت

ثم انشغلت بعد ذلك بقدوم أهلي وزوجي من السفر وانتهى الصيف وقررت الانتظار للصيف الذي يليه.

 

المرحلة الثانية

 

ثم بدأت مرة أخرى من حوالي شهر وكان هناك عدة حوافز، منها حملي ومنها أنه أصبح كبير بما يكفي وشعرت بالاحراج من نفسي لأني تركته كل هذه الفترة.

 

في البداية بدأت معه بأن يخلع الحفاضات بالنهار فقط وأن يلبس ملابسه الداخليه بدلا منها، كان كل ما يعمل حمام ويبل نفسه، أخذه للقصرية وأقوله "إإ إح القصرية" وأخليه يقعد وأغير ملابسه بملابس جديدة

ففهم أنه إذا بل ملابسه فيجب عليه إخباري لأجلسه على القصرية وأغير ملابسه

ثم بدأ بتجاهل إخباري وبالتالي كان علي أن أكتشف بنفسي أنه عمل حمام، فأضفت شيء جديد:

- كل مرة يعمل حمام، أشير إلى الآرض المبللة وأقول "كخ"

ثم أشير إلى القصرية وأقول "إإ إح القصرية"

- بدأت أيضًا أجعله يلمس ملابسه المبللة وأقول "كخ"

ثم أحضر ملابس نظيفة وأقول "جميل"

 

ملحوظة: والده دايمًا يقوله كلمة جميل على الأشياء الحلوة علشان يأكلها ويشربها وعلشان كده هو عارفها، وأنا كنت بقوله كلمة كخ على الأشياء الوحشة وبالتالي عرفها هي كمان

 

مر حوالي إسبوع على هذا الحال بدون نتيجة وأصبت بإحباط شديد وقررت البحث على النت، فوجدت أكثر من أخت شجعت وجود الطفل بدون ملابس وأنه فعل معهم مفعول السحر

والبعض الآخر أثنى كثيرًا على المكافأة بالحلويات

 

فقررت الخوض بالتجربة بدون ملابس وبدأت في متابعته:

- لاحظت أنه مازال لا يشعر بنفسه عندما يقوم بالتبول لأنه بيكون واقف عادي وفجأة يلاحظ تيار مياه خارج منه فينظر للأسفل ليرى من أين يأتي هذا ومن هنا بدأ يتنبه بعد عدة أيام

استجابته في البراز كانت أفضل وأسرع بكثير

- الطرقة التي عرف بها أنه من المفروض أنه يعملها القصرية هي عدة أشياء:

* كنت آخذ القصرية معي في كل غرفة أو مطبخ وعندما أراه يبدأ في التبول أو التبرز، أجري وأجلسه وفي الغالب كنت أفشل

- عندما عملها في القصرية أول مرة، جلست أسقف وأقول "هييييييييه" "إإ إح القصرية جميل"

وعملت له فرح علشان يشعر إنه عمل شيء كويس فوجدته

مش عارف ايه اللي بيحصل بس ابتسم بخجل وشعر أنه فعل شيء جميل

وجلست أكرر نفس الشيء في كل مرة يعمل بالقصرية

- شيء آخر كنت أفعله وهو بمجرد استيقاظه أحاول وضعه على القصرية وإغرائه ليبقى أكبر فترة ممكنة وده كان أصعب شيء، لغاية ما مرة عملها وطبعًا عملته فرح وشوية شوية بدأ يستوعب

 

تقريبًا مع بداية الاسبوع الثالث، بدأ إنه يخبرني بنفسه بس المشكلة إنه كان بيخبرني قبلها بربع ساعة ويقعد على القصرية وبعدها بثواني يقوم لأنه كان بيزهق، فأفضل أحاول أقنعه يقعد تاني وغالبًا كنت بفشل

 

شيء مهم جدًا وهو أنه في كل مرة لازم أفضل جالسة جنبه لغاية ما يعملها

وفي يوم كنت عارفة إنه خلاص هيعملها أكيد ومش قادرة أقنعه بالجلوس فناديت على زوجي يساعدني فقعد معاه ومسك إيده وبدأ يلعب معاه لعبة البيضة "آدي البيضة واللي اشتراها واللي سلقها واللي قشرها واللي واللي أكلها ممممممممم ^_^"

اللعبة عجبت عبد الرحمن جدًا وبقى يقعد ويعطيني كف إيده علشان ألعبها معاه

 

- من المشاكل اللي عانيت منها هي إزاي أفهمه إنه المفروض يتبول في القصرية لأنه استوعب البراز أما البول فلا

فخطرت على بالي فكرة وهي إن كل ما أشوفه يتبول، أجري عليه بالقصرية وأضعها أمامه لألتقط ما يمكن إلتقاطه وشوية شوية بدأ يستوعب وبدأ يتبول في القصرية بس على الواقف، كنت حزينة بس قلت مش مشكلة، على الأقل بيعملها في القصرية.

بعد ما حسيت إنه أستوعب، وبدأ يطلب مني إنه يعمل في القصرية، بقيت أخليه يجلس وبدأ يتعود على التبول جالس

 

- بعد ما خلاص اتعلم، كانت بتيجي فترات ويكبر دماغه ويعمل على الأرض متعمد وكنت بتجنن منه ساعتها وأزعق له (وده غلط بس الحمدلله كنت بزعق له بعد ما يخلص لأنه غلط الطفل يخاف وهو بيتبول)

وكان ساعات يعصبني جدًا ويضحكني في نفس الوقت لأنه أحيانًا يعملها على الأرض وقبل ما أتكلم يقلدني ويشاور على الأرض ويقول "قا قا قا" يقصد "كخ كخ كخ"

على رأي أمي، هو بيقول خلاص أنا عرفت إن ده غلط وريحي نفسك وما فيش داعي تزعقي لي

 

- صحيح في التفرة دي لما بدأ يعمل بالقصرية، بدأت أكافئه بالحلويات وكان فرحان جدًا بيها ودايمًا عايز حلويات وأنا أقوله "إإ إح القصرية حاجة حلوة"

يعني لو عايز حاجة حلوة يبقى لازم تعملها بالقصرية وده من الأشياء اللي شجعه كتير

 

زي ما ذكرت في الأول إني بدأت أدربه بالنهار فقط وبالليل بيكون لابس حفاضة بس الخطأ اللي خطأته إنه لما يصحى الصبح، كنت ساعات بكسل أخلع له الحفاضة على طول وبالتالي كان نصف اليوم بتدرب والنصف الآخر لا وأظن ده له عامل في إنه يتأخر في الاستيعاب

 

بعد ما لقيته اتمكن وبقت تمر عليه أيام يعمل أغلبه بالقصرية وأحيانًا كله، بدأت ألبسه ملابس داخلية وطبعًا كانت معركة

- لأنه اتعود يكون بدون ملابس فكنت بلبسه غصب عنه

- لأننا رجعنا للسفر، لأنه يظهر عقله الباطن خلاه يفكر إن الملابس زي الحفاضة وبالتالي كان بيتجاهل إحساسه وهو لابسها

وأصابني إحباط كبير لإحساسي أن كل تعبي راح على الأرض بس الحمدلله ده كان لمدة يوم وفي اليوم الثاني بدأ في القصرية تاني وبعدها بيومين، عرف إنه لازم يعملها في القصرية سواء كان لابس أو لا

 

في الأول كنت بلبسه ملابس داخلية بس حسيت إنها مش جايبه همها فاستبدلتها ببناطيل علشان لما يتبول على نفسهن يغرق رجله كلها وبالتالي هينتبه ويبدأ يطلب القصرية

 

في نفس الوقت اللي بدأت ألبسه فيه الملابس، خليتها ليل ونهار يعني بدأت أدربه بالليل أيضًا وكل شوية اقلق من النوم وأصحيه وأسأله، ولو قال آه، بخليه يقعد على القصرية يعملها

الحين هو اللي بقى يصحيني لما يحب يعملها وأكثر شيء بعانيه لو بطنه شغاله وعايز كل شوية يعمل سواء كان ليل أو نهار ول كنت نايمة، مش بيسيبني أبدًا ويفضل يزقني بالقصرية علشان ننظفها

 

من الأشياء اللي بتخليه يحب يعمل في القصرية، إنه لما بيخلص هو اللي بيشيل القصرية بنفسه للحمام ويفضل يرقص وهو ماشي ويغني لنفسه وبعدين في الحمام يشطفها ويشد السافون

هو مدمن للعب في المياه وده بيخليه يعمل علشان يدخل الحمام ويلعب بالمياه طبعًا ده كله تحت إشرافي

حبه ده بيخليه ساعات يضحك عليا ويوهمني إنه عايز يعمل حمام وبعدها يشيل القصرية وعايز يروح الحمام ولما أشوف القصرية ألاقيها فاضية ^_^

وأقول له لا دي فاضية وما فيش حمام

 

من الأشياء اللي عملتها أثناء تدريبي له هو إنه يتعلم بعض الكلمات

مثل:

حمام - قصرية - حاجة حلوة - إلبس - بنطلون - ....

وحاليًا بحاول أعلمه يلبس ويقلع البنطلون لوحده علشان يعتمد على نفسه وبيفرح جدًا لما بيلبس نفسه لوحده

 

وهنا نصيحة مني إنك لما تعودي ابنك يلبس لوحده، يا ريت تكوني الملابس بتاعته من غير سوستة أو أستك ضيق لأنه هيكون صعب يلبسه وإنما خلي ملابسه قماشتها طرية وتكون سهلة في الخلع واللبس

 

خطتي اللي جاية هي إني أخلي القصرية في الحمام علشان يتعود يمسك نفسخ شوية وعلشان لو عندنا ضيوف ما يصحش يعمل قدامهم

 

بعد ما أحط القصرية بالحمام ويبدأ يعمل فيها ويتمكن من التحكم في نفسه، هحاول أخرج بيه من غير حفاضة إن شاء الله.

 

لي عدة إن شاء الله

 

[ساجدة للرحمن 2049]

السلام عليكم ورحمة الله وبركاته،،

 

ربي يبارك فيك أمومة

صراحة أستفدت كثيرا من تجربتك مع عبد الرحمن

وأيضا ضحكت كثيرا وخاصة موضوع الحساب والورقة القلم

معقولة فعلا هو بيكون مظبط المواعيد ؟؟؟؟؟؟؟

 

المهم ...أعتقد إن أهم شيء طلعت بيه إن مفروض لما الواحدة تبدأ مع غبنها تستمر ولا تيأس أبدا

لأنه كده بينسى كل إللي فات وبترجع لنقطة البداية

 

المشكلة عندي إن زوجي موسوس في موضوع الطهارة

يعني لو شاف (على) من غير بامبرز بيقولي لبسيه ...فبكون مضطره إني ألبسه البامبرز لما والده ييجي

يعني في فترة الصباح باتركه بملابسه الداخليه فقط ...أما بعد مجيء والده لازم ألبيسه

وده طبعا بيعمل لخبطه ...لأني بكسل كل شوية أشيل البامبرز وأحطه

 

بالإضافه إلى أنه عندما يعمل حمام على نفسه واروح أجيب القصرية ألاقيه خلاص مش عايز يكمل

وممكن يكمل الحمام بتاعه بعد نصف ساعة ...والموضوع ده مزهقني كتير لأني باكون طول الوقت شايله الهم وخايفه إن يعمل في أي وقت

 

حبيباتي

في النهاية يجب أن نعلم أن التربية ليست سهلة

وأنه أكيد ستواجهنا صعوبات في تعليم الأبناء ...وإن شاء الله لو جددنا النية لله عزوجل فلن نحرم الأجر

 

نحتاج فقط للصبر والمواظبة

 

جزاك الله خيرا أمومة ومتابعه معاك ...وعسى قريبا أبشركن بالنجاح ^__^

[~ أم العبادلة ~ 1903]

السلام عليكــم ورحمـة الله وبركاتــة ،،

 

بما إن الموضوع كبير وطويل وتفاصيله كتيرة، فأنا بحاول أعصر مخي على قد ما أقدر وأتذكر كل لحظة فيه بس أحيانًا بنسى ومش بفتكر إلا لما أطلع من المنتدى فيا ريت تسامحوني ولو افتكرت شيء وأنا هنا، إن شاء الله هذكره

 

من الأشياء اللي ذكرتها قبل كده إنك تلاعبي الطفل وتفضلي قاعدة معاه

حبيت ألفت الانتباه إن ده لفترة محدودة لانك لو لاعبتيه كتير، هينشغل وينسى الحمام ومش هيعمل حاجة وخصوصًا مع البراز لأنه بيحتاج تركيز وهتلاحظي إن أعصابه مشدودة شوية وممكن يرتعش

 

بالنسبة لجلوسك معاه، بعد فترة لما تلاقيه اتعلم، اشغلي نفسك وانتِ قاعدة معاه وبعدها بفترة حاولي تقومي وتعملي حاجة وانت واقفة جنبه وهكذا يعني انسحبي شوية شوية

 

وأيضًا بعد ما يتعلم بفترة، حاولي تعملي نفسك مشغولة وتطلبي منه يحاول يقعد لوحده علشان يبدأ يعتمد على نفسه

 

نيجي للحبيبة ساجدة للرحمن

 

في مشاركتك الأولى

صراحة (على )الآن أحاول معه ...مع أنه حوالي السنتين وشهر

وكانت غلطتي الأساسية أنه لم يخلع البامبرز أبدا طوال السنتين ....ربما لأني أنشغلت ببقية الأولاد _ الله يهديهم

بصراحة شيء بيحيرني إن علي مش أول طفل يعني المفروض عندك الخبره بس مع ذلك حاسة إنك محتاسة سبحان الله

 

والآن أنا أدفع الثمن

هو الآن عندما يعمل حمام في البامبرز يقول لي لكي أخلعه له

لا يا حبيبة مش بتدفعي الثمن ولا حاجة بالعكس إنتِ ماشية صح بس محتاجة تصبري شوية لأنه طالما بيلبس ملابس حفاضات، يبقى الموضوع هيطول شوية على ما هو يستوعب ويبدأ يطبق

 

يعني بعد ما يعمل

المشكلة عندي إزاي أعرفه إنه مفروض قبل ما يعمل يقولي مش بعديها

دي كانت مشكلة عندي أنا كمان حتى إني سألت الأخوات هنا فيها بس الرد لم يكن شافي بالنسبة لي

وبإذن الله مع مرور الوقت هتلاقي علي بيقولك ويطلب بنفسه

 

زي ما قلتلك، عبد الرحمن ما كانشي واخد باله وكل شوية يلاقي في حاجة نازلة منه بس طبعًا مش عارف منين لأني كنت بلبسه ملابس داخلية وبعدها بفترة بدأ يربط بين الأحساس اللي بيحس بيه ووقت نزول البول منه

 

حاولي تعملي هنا زي أم عائشة، بمعنى شوفي مواعيد الحمام متشابهة ولا لأ

 

كنت محملة ملف بس للأسف مسحته وهو عبارة عن جدول متابعة

كان مقسم لعدة خانات والمفروض إنك تسجلي في التوقيت بإستمرار علشان تعرفي هو بيعمل امتى بالتقريب وبالتالي تقدري تعزمي عليه في الوقت اللي تحسي إنه هيعمل فيه والخانات هي

- اليوم (أيام الاسبوع - ممكن تخليها شهرية)

- وقت الحمام قبل النوم (يعني بيعمل قبل ما ينام بساعة ولا نص ساعة ولا أقل و...)

- وقت الحمام بعد الاستيقاظ (بيعمل بعد ما يصحى بقد إيه)

- وقت الحمام قبل الأكل

- وقت الحمام بعد الأكل

- (ومن عندي وقت الحمام أثناء الأكل لأن عبد الرحمن دائمًا في نص الاكل يطلب القصرية ويعمل حمام)

- وقت الحمام أثناء النهار (يعني في الاوقات الاخرى بيعمل امتى)

وسجلي الوقت بالظبط مع نوع الحمام (11:30 صباحًا بول _ أو _ 9:00 صباحًا براز)

 

بعد يومين، اجلسي وشوفي اللي سجلتيه وحاولي تشوفي إذا كانت المواعيد متقاربة أم لا وإن شاء الله هتعرفي منها كيفية عمل جسم ابنك وتقدري تحددي مواعيد الحمام بالتقريب

 

هممممممممممم، مش عارفة ليه عندي إحساس إنك عدلتِ في مشاركتك ومسحتي منها شيء ^_^

 

المهم زي ما ذكرت قبل كده في سن بيسموه سن التمرد، وفي السن ده الطفل بيحاول يفرض شخصيته وبتخرجي من السن ده بحاجة من اثنين

- يا إما يكون إبنك عرف إن الكلمة الأولى والآخيرة ليكِ مع السماح له ببعض الاستقلالية والحرية وطبعًا كل ده من غير ضرب

- يا إما بتكوني لغيتي شخصيتك ويبدأ هو يتحكم فيكِ وكل من حولك بسبب إنك دلعتيه زيادة عن اللزوم وتبدأ المعاناة في تقويمه

 

في كل الأحوال الطفل بيكون عنيد شوية في المرحلة دي وعلاجه إنك تحسيسيه بذاته بأشياء بسيطة وتكون بمتابعتك علشان يحس إن له شخصية ويسمع كلامك

يعني مثلاً أنا بسمح لعبد الرحمن إنه يشيل القصرية بالرغم من إن أبوه كان بيعارض كتير في الأول والحمدلله خفت المعارضة وده لخوف من إن عبد الرحمن يسكب القصرية على الأرض

بس قلتله إني متابعاه وبكون معاه وأحيانًا أمسكها معاه علشان زوجي ما يزعلش

- السبب إني عملت ده هو علشان عبدالرحمن حابب الشيء ده وبيحس إنه كبير وموثوق فيه وده يخليه يحب القصرية

- ثاني شيء علشان يعتمد على نفسه ويتعود من صغره

 

فأنتِ شوفي علي بيحب إيه وحاولي تحسيسيه إنه كبير وتعامليه بهذا الأساس وحاولي تخليه يرتبط بالقصرية ودي أهم شيء وأصعب شيء لأن أهواء الأطفال مش زي بعض وهتاخدي بعض الوقت على ما تعرفي إيه اللي يخليه يحب القصرية

 

آه صحيح أنا تذكرت إنه في الحضانة اللي كنت بشتغل فيها، كان في واحدة بتدرب بنت كان عمرها ما بين سنتين وسنتين ونصف

كانت كل ربع ساعة بالظبط تأخذ البنت للحمام ولو البنت رفضت، كانت تسيبها خمس دقائق وتعزم عليها تاني

ولو البنت بتلعب أو مشغولة بشيء، تنبها قبلها بدقيقتين وتقولها كمان شوية هتروحي الحمام علشان البنت تستعد نفسيًا وما تضايقشي من أنهم بياخدوها من لعبها

والبنت في الفترة دي كانت بتلبس ملابس داخلية

 

في مشاركتك الثانية

وأيضا ضحكت كثيرا وخاصة موضوع الحساب والورقة القلم

معقولة فعلا هو بيكون مظبط المواعيد ؟؟؟؟؟؟؟

لا طبعًا مش بالظبط بس بالتقريب يعني أحيانًا كل نصف ساعة وأحيانًا كل 45 دقيقة

 

وكنت كمان كل ما يعمل بالقصرية بسجله علشان أعرف أنجزت كام بالمائة وأتذكر إنه في يوم عمل حوالي 4 مرات بالقصرية و5 خارجها

 

المهم ...أعتقد إن أهم شيء طلعت بيه إن مفروض لما الواحدة تبدأ مع ابنها تستمر ولا تيأس أبدا

لأنه كده بينسى كل إللي فات وبترجع لنقطة البداية

صح الكلام بالاضافة لذلك إنه كل لما يكبر كل ما يستوعب ويقدر يقول لا أنا مش عايز وتبدأ الأمور تكون صعبة ولازم تتفاهمي معاهم وتقنعيهم وتغريهم علشان يوافقوا

 

ده مش معناه إن وهم صغيرين بيكون سهل، هو ممكن سهل في التدريب بس بتكون مسؤلية وبيعتمدوا عليكِ لانهم بيكونوا مش عارفين يزحفوا او يمشوا

 

المشكلة عندي إن زوجي موسوس في موضوع الطهارة

هههههههههههههههه، حدث ولا حرج

أنا زوجي كان في فترة عايز يموتنا ويقول حرام عليكم خليتو الأرض مش طاهرة وهنصلي إزاي وكانت حكاية

آخر ما زهقت، قلتله خلاص علمه إنت، أنا ما عرفش غير كده ^_^

المهم الحمدلله بعدها على طول ربنا ستر عليا وبدأ عبد الرحمن يستجيب وبدأ زوجي يتقبل الوضع ويصبر ويشجعني

 

يعني لو شاف (على) من غير بامبرز بيقولي لبسيه ...فبكون مضطره إني ألبسه البامبرز لما والده ييجي

يعني في فترة الصباح باتركه بملابسه الداخليه فقط ...أما بعد مجيء والده لازم ألبيسه

وده طبعا بيعمل لخبطه ...لأني بكسل كل شوية أشيل البامبرز وأحطه

أولا لو عايزة ابنك يتدرب يبقى انسي الكسل تمامًا

ممكن تخدعي زوجك وتلبسي علي بنطلون وبالتالي زوجك مش هيعرف <<< شريرة

وكل شوية اعزمي على علي

في كل الاحوال طالما إنتِ بتلبسيه سواء حفاضات أو ملابس يبقى لازم تعزمي عليه كل شوية

 

وفي رأيي الشيء الوحيد اللي يخلي الطفل يستجيب ويفهم، هو أنه يعملها قدرًا بالقصرية ويلاقيكي فرحانة وبتشجعيه ومرة ورا التانية هتلاقي إنه بدأ يفهم ويتجاوب

 

بالإضافه إلى أنه عندما يعمل حمام على نفسه واروح أجيب القصرية ألاقيه خلاص مش عايز يكمل

وممكن يكمل الحمام بتاعه بعد نصف ساعة ...والموضوع ده مزهقني كتير لأني باكون طول الوقت شايله الهم وخايفه إن يعمل في أي وقت

طيب سيبك من علي وحطي نفسك مكانه، إنتِ تقدري تسمعي كلام حد في إنك تمسكي نفسك علشان تكمليها بالقصرية ؟؟ طبعًا صعب وخصوصًا مع طفل بيحاول يتعلم

أظن المفروض القصرية تكون جنبك ومش بعيد ولو حسيتي إنه ما كملهاش، يبقى كوني مستعدة لأنه هيكملها بعد ما تسترخى أعصابه وبيرجع لهدوئه

 

حبيباتي

في النهاية يجب أن نعلم أن التربية ليست سهلة

وأنه أكيد ستواجهنا صعوبات في تعليم الأبناء ...وإن شاء الله لو جددنا النية لله عزوجل فلن نحرم الأجر

 

نحتاج فقط للصبر والمواظبة

صدقت والله

وفعلا مع عبد الرحمن بدأت اتعلم الصبر في أشياء كثيرة

 

جزاك الله خيرا أمومة ومتابعه معاك ...وعسى قريبا أبشركن بالنجاح ^__^

وجزاك خيرًا يا حبيبة وإنتظار بشراك وتجربتك حتى تستفيد منها الأخوات وأكيد هيكون فيها بعض لمساتك الخاصة التي ستفيد إحدى الأخوات إن شاء الله تعالى

 

وفي انتظار بشراكِ

[~ أم العبادلة ~ 1903]

وعليكم السلام ورحمة الله وبركاته

الحبيبة مسلمة مجاهدة

 

عارفة مشكلة الأمهات مع أول طفل إيه؟؟ وأنا أولهم طبعًا

 

إنهم مفكرين إن العملية سهلة وإنه في خلال يومين هيكون اتعلم يعمل حمام

لكن بننسى إن ما فيش شيء بيجي بسرعة وعلشان الطفل يتعمل شيء ويتمكن منه لازم ياخد وقته في التعلم والتدريب

 

طيب انا ابني الان عنده سنتين ونصف طبعا اتأخرت معاه في استعمال الحمام... انما الان اهو ما زلت بعلمه... في النهار مش بخليه في الحفاض ابدا... وكل شوية اعرض عليه واحيانا هو يقول لي نونو او تواليت خخخخ المهم نجري جري... طبعا لازم ياخذ معاه العابه! المهم احيانا يصيب واحيانا بيقولي بعد ما بيعملها او ربما نصفها ونلحق النصف التاني في الحمام!

 

واحيانا ما بيقول لي ابدا! يعني جنننيييييييييييي الله المستعان...

يا مسلمة الله يهديكِ ويصلح حالك يا رب

 

ما شاء الله إنتِ مشيتي شوط طويل جدًا طالما بدأ يطلب بنفسه

ولو عايزة الأمور تنتهي أسرع يبقى هاتي قصرية وخليها معاكم في كل حجرة

ولو عايزة إنه يستمر يعملها في الحمام يبقى اصبري عليه شوية لغاية ما يقدر يتحكم في نفسه لأن انتم بتاخدوا فترة طويلة على ما تروحوا تيجيبوا اللعب وتروحوا الحمام

 

اما بالليل فهو مازال في الحفاض... وكل يوم يستيقظ تقريبا مبلل نفسه! لذلك انا شايفة انه لسى مش جاهز .. برغم انه مش بخلي يشرب سوائل كتير قبل النوم واحيانا بالمرة ما بخليه يشرب.. لكن برضوا كل يوم او يومين ثيابه مبللة واحيانا الفرشة كمان!

إنتِ قلتي كل يوم أو يومين ثيابه مبللة يعني في أيام بيكون مش مبلل وده كويس جدًا

لو بينام معاكِ في نفس الغرفة يبقى سهل تدربيه بليل أما لو بينام في غرفه لوحده يبقى هيأخذ فترة أطول شوية

وشكلك كده بتخليه ينام في حفاض قماش طالما الفرش بيتبل

 

فإيه هو الحل؟!؟!؟!؟

 

ما تقولولي استيقظي بالليل وقوميه.. لأن اصلا انا لما بنام ما بفيق خخخخخخخ الا على صوته... ولو قومته حيبكي وما يكون مسرور!

أي أم لازم تضحي في بداية حياة طفلها علشان يتعلم

ومش لازم يا ستي تصحي من النوم بس على الأقل وإنتي سهرانة بليل شوفيه وإعرضي عليه الحمام

لو كان نايم فصحيه براحة وبهدوء وإسأليه عايز يعمل حمام ولا لأ

كرري السؤال عليه كذا مرة علشان يفوق ويقدر يجاوبك ولو صمم على الرفض سيبيه واعزمي عليه بعد شوية

بعد كده لما يلاقي نفسه مبلول على طول، هيتضايق ويبدأ يوافق ويطلب منك

 

امومة يا ريت تمدينا بالبحوثات اللي عندك! وتفيدينا افادكِ الله

اتفضلي يا حبيبة بعض المواقع وكلها بالانجليزية

 

بعض المواقع دي شاملة على أشياء كثيرة جدًا للحمل والولادة ورعاية الأطفال وغيره

 

http://www.babycenter.com/100_hot-topic-po...ning_5235246.bc

http://www.pottytrainingsite.com/

http://www.pottytrainingtips.com/

http://potty-training.suite101.com/article...n_communication

http://babycare.iloveindia.com/baby-needs/...y-training.html

http://babyparenting.about.com/cs/pottytra.../f/infantpt.htm

 

أي خدمة يا جميل أنا موجودة

[ساجدة للرحمن 2049]

السلام عليكم ورحمة الله وبركاته،،

ربي يبارك فيك أمومة .....حاسة إننا تعبناك ...على الٌأقل في الكتابة ^__^

 

 

بصراحة شيء بيحيرني إن علي مش أول طفل يعني المفروض عندك الخبره بس مع ذلك حاسة إنك محتاسة سبحان الله

 

ممكن ...فعلا عندك حق

يعني أنا ربيت ثلاثة قبله ولم تواجهني هذه المشكلة أبدا

يعني الأولاد كانوا من سن سنة ونصف أو سنتين بالكتير بيكونوا خرجوا معايا من البيت من غير بامبرز

بس المشكلة في (على ) عدة أمور

منها أن الفرق بينه وبين أخته الأخيرة 5 سنوات يعني ممكن تقولي كده إن أنا نسيت كنت باعمل إيه ^__^

 

الحاجة التانية إني فعلا مشغولة 24 ساعة

بين مذاكرة الأولاد لأنهم الثلاثة في مدارس ...و بين مسئوليات البيت الكثيرة وطبعا مع وجود البامبرز الواحد بيكسل و بيأجل

كل فترة أقول أسيبها لبعدين ....بس الفترة دي بدأت أصمم لأني خلاص كلها شهر ونصف وسأنزل مصر ونفسي أكون علمته قبل هذا الوقت ...

ولا أعرف هل هذا تفاؤل أم لا ؟؟؟؟؟

 

 

هممممممممممم، مش عارفة ليه عندي إحساس إنك عدلتِ في مشاركتك ومسحتي منها شيء ^_^

لا ....^__^ صدقا لم أفعل

 

 

أولا لو عايزة ابنك يتدرب يبقى انسي الكسل تمامًا

نعم بالفعل ....و الحمد لله هذا الموضوع شجعني كثيرا

فجزاك وجزى كاتبة الموضوع خيرا

[~ أم العبادلة ~ 1903]

السلام عليكم ورحمة الله وبركاته،،

ربي يبارك فيك أمومة .....حاسة إننا تعبناك ...على الٌأقل في الكتابة ^__^

بصراحة إيدي وجعتني بس بقول كله بأجره إن شاء الله وفي نفس الوقت عايزة أسيب أكبر قدر ممكن من الفايدة قبل ما أسافر لأنه فاضل اقل من إسبوعين والله أعلم في ظروف النت هناك وبعدها الولادة.

 

ممكن ...فعلا عندك حق

يعني أنا ربيت ثلاثة قبله ولم تواجهني هذه المشكلة أبدا

يعني الأولاد كانوا من سن سنة ونصف أو سنتين بالكتير بيكونوا خرجوا معايا من البيت من غير بامبرز

بس المشكلة في (على ) عدة أمور

منها أن الفرق بينه وبين أخته الأخيرة 5 سنوات يعني ممكن تقولي كده إن أنا نسيت كنت باعمل إيه ^__^

 

الحاجة التانية إني فعلا مشغولة 24 ساعة

بين مذاكرة الأولاد لأنهم الثلاثة في مدارس ...و بين مسئوليات البيت الكثيرة وطبعا مع وجود البامبرز الواحد بيكسل و بيأجل

كل فترة أقول أسيبها لبعدين ....بس الفترة دي بدأت أصمم لأني خلاص كلها شهر ونصف وسأنزل مصر ونفسي أكون علمته قبل هذا الوقت ...

ولا أعرف هل هذا تفاؤل أم لا ؟؟؟؟؟

لو كده يبقى الله يعينك

 

وحلو إنك تكوني متفائلة لأنك لو متفائلة وواجهتك عقبات، هتقدري تفكري وتمخمخي وتبدعي علشان تنجحي

 

لا ....^__^ صدقا لم أفعل

همم طيب، أصلي ظنيت إنك كتبتِ شيء عن إن ابنك عنيد وعلشان كده اتكلمت عن سن التمرد بس بعدين اليوم ما وجدت ولا جملة عن العند ^_^

 

يظهر إن عقلي خلاص بقى في الباي باي

 

نعم بالفعل ....و الحمد لله هذا الموضوع شجعني كثيرا

فجزاك وجزى كاتبة الموضوع خيرا

وجزاكِ خيرًا

[مسلمة مجاهدة 353]

السلام عليكــم ورحمـة الله وبركاتــة ،،

 

فعلا الله يجزيكِ الخير امومة على هذه المعلومات فعلا مفيدة

 

الله يبارك لك في عبد الرحمن وييسر ولادتك يا رب

 

 

إنتِ قلتي كل يوم أو يومين ثيابه مبللة يعني في أيام بيكون مش مبلل وده كويس جدًا

لو بينام معاكِ في نفس الغرفة يبقى سهل تدربيه بليل أما لو بينام في غرفه لوحده يبقى هيأخذ فترة أطول شوية

وشكلك كده بتخليه ينام في حفاض قماش طالما الفرش بيتبل

 

لا مش بينام معاي في الغرفة بل لوحده وعلى سرير لوحده طبعا..

 

اما بالنسبة للحفاض فهو بيلبس حفاض عادي مش قماش لكن بردو بيسرب على تيابه واحيانا الفرش الحمد لله الان بقى مدة مش بيبلل سريره انما بيبلل ثيابه بالرغم اني لما انزعله الحفاض مش بيكون مليان ولسى بيستحمل لكن تكون احيانا جانبية او شي واحيانا ثيابه بتكون جدا مبللة واحيانا قليلا!!! مش عارفة شو العمل... لكن اعتقد انه بسبب الجو فالان تعرفي بدأنا بالشتاء وهو من النوع بيتكشف كتير فربما هذا سبب! الله المستعان

 

اما بالنسبة

أي أم لازم تضحي في بداية حياة طفلها علشان يتعلم

ومش لازم يا ستي تصحي من النوم بس على الأقل وإنتي سهرانة بليل شوفيه وإعرضي عليه الحمام

لو كان نايم فصحيه براحة وبهدوء وإسأليه عايز يعمل حمام ولا لأ

كرري السؤال عليه كذا مرة علشان يفوق ويقدر يجاوبك ولو صمم على الرفض سيبيه واعزمي عليه بعد شوية

بعد كده لما يلاقي نفسه مبلول على طول، هيتضايق ويبدأ يوافق ويطلب منك

 

طيب بس انا بخاف اني لو صحيته انه ينزعج ويتذمر ويبكي ويصرخ!!! لأن بعرف كم هي مزعجة ان الواحد يصحيكي وانت نايمة ومرتاحة! ^___^ ....فمش عارفة امتى اتشجع واخد هذه الخطوة!

 

حتى لما بخرج للسوق مثلا وهو معاي بخليه بالبول اب حتى مش اتلبك خاصة لو الحمام بعيد او مافيش حمام مكان ما انا!....

 

فعلا تربية الاولاد وتعليمهم شي ليش بسهل! وبحاجة الى تعب وجهد وصبر وعزيمة!

 

الله يساعدنا ويقدرنا على تربيتهم جيدا يا رب

 

[~ أم العبادلة ~ 1903]

الحبيبة مسلمة مجاهدة

 

تسريب الحفاضة له سببان فقط لا غير (على حسب علمي)

1- إن نوع الحفاض سيء وبالتالي بيسرب

2- إنك مش بتلبسيه الحفاض بالطريقة صح وبالتالي بتتركي فراغ بتسبب في تسريب البول

 

طيب بس انا بخاف اني لو صحيته انه ينزعج ويتذمر ويبكي ويصرخ!!! لأن بعرف كم هي مزعجة ان الواحد يصحيكي وانت نايمة ومرتاحة! ^___^ ....فمش عارفة امتى اتشجع واخد هذه الخطوة!

لما تيجي تصحيه شيليه واحضنيه وكلميه براحة خالص

أو ممكن تلمسي خده بأصابعك وتكلميه براحة لغاية ما يصحى ويحس بيكِ، يعني صحيه برقة وحنان ^_^

لازم تتشجعي وتعلميه حاجات كتيرة قبل المولود الثاني لما يجي

 

بالأمس كنت بقرأ في كتاب عن تهيئة الطفل الأول لاستقبال الثاني ومن ضمن الأشياء اللي ذكروهاظن إنك تزيدي جرعة الحنان مع طفلك الأول بس في نفس الوقت تكوني عودتيه على كل شيء محتاجه من إنه يأكل لوحده ويشرب ويخلع ملابسه ويلبسها ويعمل حمام لوحده وينام لوحده وكل الأشياء دي بدون مساعدتك

لآنه لو جاء الطفل الثاني وطفلك الأول كان لسه معتمد عليكِ وطلب منك شيء وإتأخرت بسبب المولود الثاني، هتبدأ تتكون مشكلة معاه ويكره البيبي.

 

حتى لما بخرج للسوق مثلا وهو معاي بخليه بالبول اب حتى مش اتلبك خاصة لو الحمام بعيد او مافيش حمام مكان ما انا!....

إبدأي بالذهاب لمشاوير صغيرة الأول أو مكان قريب

 

يعني مثلاً إن شاء الله أول مكان هروح فيه بعبد الرحمن لما زوجي يفضى هو الحديقة اللي أمام العمارة اللي ساكنين فيها علشان نكون قريبين من البيت وطبعًا قبل ما أنزل هخليه يعملها بالبيت وهشوف هيعمل إيه

[مسلمة مجاهدة 353]

الله المستعان

 

الله يجزيكي الخير على النصائح ...

 

بالنسبة للحفاض انا ما خليت نوع ما جربته لكن الكل نفس الشي!

 

وانا بلبسبه اياه صح وبشده كمان ......

 

لكن انا بلاحظ انه فقط في فصل الشتاء بيبلل نفسه واعتقد لأنه يتكشف كتير بالليل فبيبرد وهذا هو السبب !!!

 

الله يكون في عون الجميع ويساعدنا على تربية اولادنا التربية الصالحة كما يحب ويرضى الله تعالى

 

[أم عائشة المصرية 241]

............أووووووووه

أنا نسيت الموضوع تماما

ولم أتذكره إلا الآن..

وكمان مكنتش فاكرة هو فى أنهى ساحة..ألحمد لله إنى لقيته..

 

فعلا أمة الرحمن تجربتك وضحتليى حاجات كتير كنت فاهماها غلط..

فطستيني من الضحك مع تجربتك انتى وابنك ربنا يحفظهولك..

 

لى عودة بإذن الله بعد الرد الطوييل..

[نور هدى 7 0]

ما شاء الله

موضوع حلو كتير

بارك الله فيك

[ام يوسف التائبة 0]

موضوعك مهم جدا يااختى موئل لانك فتحتى مجال لكل اخت تقول خبرتة فى هذا الموضوع.

انا عندى يوسف فى شهر سبعة يتم ان شاء الله السنتين وهو الان تعود انة يعمل حمام فى القصرية منذ شهر تقريبا فى فترة النهار لكن اثناء النوم بيلبس بامبرز نفسى اعلمة يقعد فى الحمام بس مبيرضاش وعندى كمان بنوتة عندها ست شهور بس لسة معلمتهاش حاجة لانى سمعت فى برنامج فى التلفزيون التعليم بعد سنة ونص ارجوا ان تفيدونى بارائكم.

وانى احبكم فى الله........... :rolleyes:

[~ أم العبادلة ~ 1903]

السلام عليكم ورحمة الله وبركاته،،

 

كيف حالكم يا بنات وكيف حال تدريب أطفالكم ؟؟ ما زلت في انتظار تجاربكن

 

الحمدلله اعتبر انتهيت من تدريب عبد الرحمن سواء بالليل او النهار وحتى أثناء الخروج

الشيء الوحيد اللي تاعبني هو الفلتات اللي بتحصل تقريبا مرة باليوم بس هما بيقولوا إنه شيء عادي وبيستمر لمدة 6 شهور بعد تدريبهم على الحمام

 

بالنسبة لتدريبهم أثناء الخروج فمن النصائح المهمة التي قرأتها:

1 - كيف تريدين من طفلك ان يجلس على قاعدة الحمام في الخارج إذا كان لا يجلس عليه في المنزل لأنه يستعمل القصرية

وبالتالي لابد من تعويد طفلك على استخدام الحمام بالمنزل قبل أن تقنعيه باستخدامه خارج المنزل

2- الطفل عادة يخاف من الأماكن المغلقة والصغيرة وبالتالي عند ذهابك لأي مكان فلابد من ان تعرضي على طفلك دخول الحمام ليستكشفه ويرى ما فيه وحاولي ان تلاعبيه بالداخل بفتح صنبور المياه حتى يذهب عنه الخوف ويوافق على الجلوس فيه لعمل الحمام

3- بصفة عامة حاولي دائمًا وأنت في الخارج أن تأخذي طفلك للحمام باستمرار حتى اذا لم يطلب منك ذلك وان شاء الله لن يبلل نفسه

4- خذي معك دائما ملابس احتياطية ومناديل مبللة فربما لا يستطيع التحكم في نفسه ولا تجدي مكان لتشطيفه

 

انا عندى يوسف فى شهر سبعة يتم ان شاء الله السنتين وهو الان تعود انة يعمل حمام فى القصرية منذ شهر تقريبا فى فترة النهار لكن اثناء النوم بيلبس بامبرز نفسى اعلمة يقعد فى الحمام بس مبيرضاش

كيف حالك أم يوسف؟؟

بالنسبة لابنك فنصيحتي أن تؤجلي تدريبه على قاعدة الحمام حتى تنتهي من تدريبه بالليل والنهار على القصرية

ثم بعد ذلك ستحتاجي لنوع من الحيلة لتقنعيه بالجلوس على قاعدة الحمام فأنا أيضًا ابني تعبني فيها ولكن الحمدلله الآن يوافق في بعض الأحيان والأخرى يرفض لأن الجلوس بصفة عامة على الأماكن العالية يتعب الرجل ويسبب بعض التنميل والألم إلا إذا وضعتي تحت رجله شيء ليضع قدمه عليه

[***أم محمد*** 8]

السلام عليكم ورحمة الله وبركاته،،

 

انا عند ابني انهى سنة و 9شهور......بس لسه ما بيعرف يتكلم ابدا

ولما بعملها في البامبرز بعد ما يخلص بيبكي فبعرف انه عاملها على روحه

 

قرأت بعض الردود وستفدت منها

بس ياريت تحكولي متى ابدأ دربه على القصرية.......في ناس قالولي على عمر السنتين؟

ماذا تنصحوني

[ام يوسف التائبة 0]

جزاكى الله خيرا اختى أمة الرحمن

[~ أم العبادلة ~ 1903]

السلام عليكم ورحمة الله وبركاته،،

 

انا عند ابني انهى سنة و 9شهور......بس لسه ما بيعرف يتكلم ابدا

ولما بعملها في البامبرز بعد ما يخلص بيبكي فبعرف انه عاملها على روحه

 

قرأت بعض الردود وستفدت منها

بس ياريت تحكولي متى ابدأ دربه على القصرية.......في ناس قالولي على عمر السنتين؟

ماذا تنصحوني

وعليكم السلام ورحمة الله وبركاته

نصيحتي ليكِ إنك تبدأي حالاً في التدريب

هتلاقي بعض التفاصيل عن السبب في المشاركة رقم 26

 

جزاكى الله خيرا اختى أمة الرحمن

وجزاكِ خيرًا يا حبيبة

[وفاق 0]

السلام عليكــم ورحمـة الله وبركاتــة ،،

انا عندي بنت عمرها سنه و8 اشهر وبدات محاولات التنظيف منذ شهر لكن ما في استجابه منها

المشكله انه انا كمان 5 اشهر بخلف ابني التاني وبدي انظف البنت قبل ما اخلف

ساعدوني اذا حدا عنده خبره

[***أم محمد*** 8]

السلام عليكم ورحمة الله وبركاته،،

 

انا عند ابني انهى سنة و 9شهور......بس لسه ما بيعرف يتكلم ابدا

ولما بعملها في البامبرز بعد ما يخلص بيبكي فبعرف انه عاملها على روحه

 

قرأت بعض الردود وستفدت منها

بس ياريت تحكولي متى ابدأ دربه على القصرية.......في ناس قالولي على عمر السنتين؟

ماذا تنصحوني

وعليكم السلام ورحمة الله وبركاته

نصيحتي ليكِ إنك تبدأي حالاً في التدريب

هتلاقي بعض التفاصيل عن السبب في المشاركة رقم 26

 

جزاكى الله خيرا اختى أمة الرحمن

وجزاكِ خيرًا يا حبيبة

 

 

جزاك الله خيرا ياغالية

بس ياريت تشرحيلي كيف ابدأ..............مع العلم انو ابني مابيحكي ولا شيء

[طامعه في رضا الله 0]

:blush: جزاكم الله خيرا على هذه المعلومات الرائعه

زلكم انا مشكلتي مختلفه قليلا فانا ابني الان 3 سنوات وكان بيعمل حمام وهو صاحي وهو نايم بالحمام ولكن الان ومع قدوم اخته(عمرها سنه) لايريد القول بانه يريد الذهاب للحمام لا ليل ولا نهار

ارجو الافاده

[~ أم العبادلة ~ 1903]

السلام عليكم ورحمة الله وبركاته،،

 

انا عند ابني انهى سنة و 9شهور......بس لسه ما بيعرف يتكلم ابدا

ولما بعملها في البامبرز بعد ما يخلص بيبكي فبعرف انه عاملها على روحه

 

قرأت بعض الردود وستفدت منها

بس ياريت تحكولي متى ابدأ دربه على القصرية.......في ناس قالولي على عمر السنتين؟

ماذا تنصحوني

وعليكم السلام ورحمة الله وبركاته

نصيحتي ليكِ إنك تبدأي حالاً في التدريب

هتلاقي بعض التفاصيل عن السبب في المشاركة رقم 26

 

جزاكى الله خيرا اختى أمة الرحمن

وجزاكِ خيرًا يا حبيبة

 

 

جزاك الله خيرا ياغالية

بس ياريت تشرحيلي كيف ابدأ..............مع العلم انو ابني مابيحكي ولا شيء

يا حبيبة اقرأي المشاركة رقم 26 وستجدي فيها طريقة مفصلة لكيفية البدء مع ابنك

 

:rolleyes: جزاكم الله خيرا على هذه المعلومات الرائعه

زلكم انا مشكلتي مختلفه قليلا فانا ابني الان 3 سنوات وكان بيعمل حمام وهو صاحي وهو نايم بالحمام ولكن الان ومع قدوم اخته(عمرها سنه) لايريد القول بانه يريد الذهاب للحمام لا ليل ولا نهار

ارجو الافاده

يا هلا بك معنا أختي الحبيبة

مشكلتك سببها هو شعور ابنك بالغيرة او فقدان الاهتمام والرعاية التي كان يتلقاها

فلقد كان محور اهتمام الجميع وبعد ظهور اخته، اصبحت هي محور الاهتمام والتالي فهو يحاول جذب الانتباه بتصرفه هذا حتى تهتموا به مرة أخرى

وهذا شئ يقع فيه معظم الاباء والامهات

والحل الوحيد هو زيادة الاهتمام به واشعاره بالحب والحنان ومحاولة التقرب اليه وقضاء بعض الوقت معه في اللعب وغيره وعندما يستقر نفسيا وتبدأي ترى انه اصبح سعيدا مرة أخرى وتلاحظي تغيير في تصرفاته وطباعه للاحسن، حاولي وقتها ان تدربيه مرة اخرى وان شاء الله سيكون التدريب سهل

 

وفقك الله ورعاك

[~ أم العبادلة ~ 1903]

السلام عليكم ورحمة الله وبركاته،،

 

بعض النصائح لما عانيته لفترة ومازلت أعالجه:

 

- لا تدربي طفلك ان نويت السفر بعد شهور قليلة

- لا تدربي طفلك قبل ولادتك بشهور قليلة

- لا تدربي طفلك إذا كنت تنوي الانتقال الى منزل آخر قريبا

- لا تدربي طفلك اذا كنت نويت الرجوع للعمل بعد قليل

- لا تدربي طفلك ان نويت التقديم له في حضانة

 

بصفة عامة لا تدربي طفلك إذا كان هناك شئ سيتغير في روتينه بعد تدريبه بشهور لان ذلك يؤثر على نفسيته سلبيا ويجعل كل جهودك تضيع هباء وتعاني من تبوله الدائم في ملابسه

[ساجدة للرحمن 2049]

السلام عليكم ورحمة الله وبركاته،،

 

بعض النصائح لما عانيته لفترة ومازلت أعالجه:

 

- لا تدربي طفلك ان نويت السفر بعد شهور قليلة

- لا تدربي طفلك قبل ولادتك بشهور قليلة

- لا تدربي طفلك إذا كنت تنوي الانتقال الى منزل آخر قريبا

- لا تدربي طفلك اذا كنت نويت الرجوع للعمل بعد قليل

- لا تدربي طفلك ان نويت التقديم له في حضانة

 

بصفة عامة لا تدربي طفلك إذا كان هناك شئ سيتغير في روتينه بعد تدريبه بشهور لان ذلك يؤثر على نفسيته سلبيا ويجعل كل جهودك تضيع هباء وتعاني من تبوله الدائم في ملابسه

 

السلام عليكــم ورحمـة الله وبركاتــة ،،

بارك الله فيك أمة

وأوافقك تماما في الرأي

لأنني فعلت ذلك قبل سفري ...وبعد أن بدأ الطفل التعود على التحكم في نفسه ...انشغلت عنه في السفر

ورجع إلى سابق عهده

ولكن بعد أن عدت من سفري بدأ الحمد لله يتعود مرة أخرى بعد أن أستقرت الأمور

وأنتهينا من هذه المشكلة ولله الحمد ^___^

[زهرة نسرين 246]

مشكورة اختي العزيزة,فبالنسبة الي مشكلة الاولاد و المرحاض لا يستهان بها ابدا,ابنتي عمرها الان سنتين و ثلاثة اشهر في الصيف الماضي دربتها على المرحاض و استغنيت على الحفاظات ليلا و نهارا,و في رمضان رزقني الله صبيا و منذ ذلك الحين عدت لوضع الحفاظات من جديد الى يومنا هذا,و لا تقول لي حتى تفعل ما تفعل لاغير لها الحفاظة , و شخصيا لي تجربة سيئة عن التبول في الفراش ,ربما لا يصدقني احد و لكن لي اخ عمره الان 25 سنة و لا يزال يتبول في فراشه,نعم 25 سنة تخيلو معاناته اليومية عندما يستيقظ كل صباح ليجد نفسه غارقا , و تخيلو حال امي التي و منذ اذكرها تغسل يوميا فراشه قبل الذهاب لعملها ليومنا هذا,خصصت له فراشان كل يوم واحد و تخيلو ايام البرد القارص كيف تمضيه و حتى هو لا يستطيع ان ينعم بفراش دافئ ,اخواتي لا تستهينو ابدا بهذه المشكلة فقد تاخذكم الى مالن تتمنوه

[ام رحمة السلفية 12]

السلام عليكــم ورحمـة الله وبركاتــة ،،

 

موضوع رائع

استفدت منه كتير

جزاكنّ الله خير

[ام حفصة الوديعة 0]

جزاكن الله خيرا أخواتي الكريمات وجعله في ميزان حسناتكن