**متميز**شعري ضنايا:سايبني ورايح فين؟؟؟؟برنامج يوم ورا يوم لتربية الشعر

[*تاجى حجابى* 13]

السلام عليكم ورحمة الله وبركاته،،

 

جزاكِ الله خيرا حبيبتى

وان شاء الله أبتدى التطبيق وربنا ييسر

بجد بجد

لا حرمكِ ربى الأجر على تشجيعك لينا وربى يجعله فى موازين حسناتك يارب

فى حفظ الرحمن (:

[رحيل القمر 1]

ساتابع واتابع

وهطبق ان شاء الله النهارده

مشكوره يارغوبه

[راغبة بالفردوس 477]

السلام عليكــم ورحمـة الله وبركاتــة ،،

 

لا شكر علي واجب أخواتي تاجي حجابي ,ورحيل القمر

 

أنا اللي سعيده بمشاركتكم الطيبه

 

وربنا يجعله بفائده

[راغبة بالفردوس 477]

السلام عليكــم ورحمـة الله وبركاتــة ،،

 

بســم الله الـرحمــن الرحيــم

 

اذيكوا ياجماعه أيه الاخبار ؟؟؟؟؟؟؟؟

 

يارب تكونوا بتطبقوا أول بأول عشان تبقي عاده عندكوا ،وتتمتعوا بشعر صحي وجميل

 

 

هقول شوية ملاحظات من اسئلتكم

 

شعري بيقع كتير وانا بسرحه بالمشط الخشب؟؟؟

التسريح برفق جدا جدا جدا ومرة واحده في اليوم لكن المرتين التانيين تسريح عادي

 

...............

 

 

نيجي للمهم

الحلقة السابعه

 

الانيميا

طبعا فيكم حلل وفيكم كان محلل

 

وفيكم بيخاف يحلل

 

والنتائج متفاوتة جدا

 

عايزة اقولكم بعض اعراض الانيميا علشان اللي محللوش او خايفين يحللوا

مع ان الصح كلنا نحلل

علشان نحلل تاني كمان 3 شهور ونشوف اتعالجنا ولا لا

 

بس انا بعمل اللي عليا وانتم احرار؟؟

انا غلبت فيكم

من اعراض الانيميا الاحساس بالتعب والارهاق والخمول

 

شحوب الوجه وزي ما قلتلك الشفايف فاتحه والجفن السفلي من جوة العين فاتح

 

خفقان في القلب

 

سرعة التنفس خاصة بعد اي مجهود

 

واحيانا تنميل في الاطراف

 

 

اهم شيء لعلاج الانيميا الاكل قبل تناول اقراص الحديد

 

 

الاطعمه الغنيه بالحديد وحمض الفوليك

 

 

اللحوم والبيض والاسماك

كورن فلكس غنيه بالحديد

الخضروات الورقيه : الجرجير والسبانخ والخس والبقدونس

الفول السوداني وزبده الفول السوداني

المشمش والتين المجفف

الفول والعدس واللوبيا والبسله والفاصوليا

 

 

الاطعمه الغنيه بفيتامين C اللي بيساعد على امتصاص الحديد

 

الفراولة المانجو الكيوي

البرتقال اليوسفي الليمون

الطماطم الفلفل الخضر والاحمر

 

بعض المشروبات مهمه جدا للعلاج من الانيميا

 

1- عصير الطماطم محلى بالعسل على الريق

2- بلح منقوع من بالليل في لبن على الريق

السنة سبع تمرات

3- الينسون والنعناع قبل الغداء والعشاء

4- الحلبه وتاكلي الحصا بتاعها يااااااااااااااه على الاستفاده يااااااااااااااااااااه

 

طبعا كل واحد يثبت لنفسه حاجه منهم علشان متحيروش نفسكم

انا مش هلزمكم بحاجه منهم بس منتظرة ردودكم كل واحده تقولي هتعمل ايه بالضبط

 

نيجي للعلاج الدوائي

 

طبعا الانواع كتيييييييير جدا

انا هرشح نوع واللي بياخد غيره مفيش مشكلة خالص المهم الاستمراااااااااار

لكن :ممنوع للحامل في اول تلات شهور او المقبله على حمل

ممنوع لامراض الكبد وامراض الدم

 

بالنسبة ليكم انتم منقسمين لناس معندهاش انيميا خالص

دول يحرصوا على الاطعمه بس علشان الوقايه من الانيميا وعلشان يغذوا ضناهم

وناس عندها انيميا 11 او 12

وبيقولوا كده مش محتاجين علاج

لا محتاجين بالذات بعد البريود

وطبعا الاطعمه التركيز جدا فيها

وناس اقل من كده ودول بءى على جنب

لازم لازم كبسولات حديد الى جانب الاطعمه

الى جانب حبوب الخميره 60 قرص بسته جنيه قرصين بعد كل وجبه يعني 18 جنيه في الشهر

بس بتحسن الصحه والبشرة كمان بس اللي هيحس ان الميزانيه خرمت اهم حاجه الحديد

 

انواع كبسولات الحديد

 

1- اللي مش بيعانوا من الامساك خالص خالص : هيموتون : كبسولة يوميا 14 كبسولة تقريبا 11

2- اللي بيعانوا من الامساك احيانا

Iron SR: كبسولة واحده يوميا 20 كبسولة في حدود 14 جنيه

 

كفايه كده النهارده

اتمنى اكون وفيت

اتمنى لكم الصحه والعافيه

[رحيل القمر 1]

اتمنى اكون وفيت

 

ده انتى وفيتى وزياده

وهختار طماطم وفلفل رومى والحجات اللى موجوده

عندى حديد بس مكسله انتى شجعتينى هبداء اخدو ان شاء الله

المشط الخشب دخت عليه مش لاقياه فى السعوديه ربنا يرزقهونى ان شاء الله

وبدات انفز التسريح براحه وعملت حمام كريم وعملت كمان مساج قبل الحموم بيوم

واكلت سلطات

معلش انا رغايه بس شعرى اتحسن بعد الحمام والمساج شكرا جدا

الى الامام رورو حبيبتى اختك

[راغبة بالفردوس 477]

ده انتى وفيتى وزياده

وهختار طماطم وفلفل رومى والحجات اللى موجوده

عندى حديد بس مكسله انتى شجعتينى هبداء اخدو ان شاء الله

المشط الخشب دخت عليه مش لاقياه فى السعوديه ربنا يرزقهونى ان شاء الله

وبدات انفز التسريح براحه وعملت حمام كريم وعملت كمان مساج قبل الحموم بيوم

واكلت سلطات

معلش انا رغايه بس شعرى اتحسن بعد الحمام والمساج شكرا جدا

الى الامام رورو حبيبتى اختك

 

جزاكي الله خيراً يارحوله علي متابعتك الدائمه وتنفيذك للنصائح بدقه :unsure:

 

وان شاء الله ربنا مو هيضيع تعبك باذن الله ، وترين في شعرك ما يقر عينك :unsure:

 

وأكيد هتلاقي في السعوديه أمشاط خشبيه ، أمال هما بيسرحوا بإيه؟؟؟؟ :mrgreen:

[راغبة بالفردوس 477]

السلام عليكــم ورحمـة الله وبركاتــة ،،

 

بســم الله الـرحمــن الرحيــم

 

الحلقة الثامنه

 

 

 

 

المشاط

 

 

 

 

المشاط ليه سموه كده؟؟؟

 

 

 

 

لانه زمااااااااااااااااان كان بيتعجن بماء ساخن

 

 

وياخده منه بمشط واسع ويسرحوا شعرهم

 

 

 

 

وخصوصا للعرايس لان طبعا ريحته جميله

 

 

 

 

هي ريحته بالضبط قرتفل لانه من مكوناته

 

 

 

 

هو موجود عند حراز وليه سر تركيبه طبعا

 

 

 

 

يعني مجموعة اعشاب مفيده للشعر ومخلوطة مع بعضها

 

 

 

بمقادير معينه

 

 

 

ومطحونه مع بعض

 

 

 

 

فيكون شكله النهائي بودرة زيتي فاتح

 

شبه الحنه

 

 

 

طبعا ناس كتير راحت تدور عليه عند عطارين تانيين بس ادوهم حاجات غريبه جدا مش مشاط خالص فيا ريت متجازفوش وركزوا لازم يكن مطحون شبه الحنه بالضبط لانه اعشاب مختلفه منها:

 

 

 

 

القرتفل

 

 

 

المحلب

 

 

 

بردقوش

 

 

 

الاس

 

 

 

القطونة

 

 

 

وممكن حنا بسيط 100 جم للكيلو

 

هل بياثر على اللون اللي عاملين هايلايت؟؟؟؟؟

 

 

 

طريقة استخدامه؟؟

 

 

 

 

الطرق كتيييييييييييير

 

 

هقولكم شوية طرق:

 

 

 

 

1- يعجن بماء ساخن لو دافيء فقط ويترك ساعه ثم يوضع على الشعر

 

 

 

2- يعجن بماء بصل احمر او جزر او الاتنين

 

 

 

3- يعجن بماء بابونج

 

 

 

4- يعجن بالزيوت

 

 

 

5- يعجن بالزيوت والزبادي

 

 

 

6- يعجن بالماء ومعاه صفار بيض

 

 

 

7- يعجن بمغلي الحلبه

 

الخلاصه:

 

 

 

 

اعجنيه باي طريقه وحطي عليه اي اضافات

 

 

 

انا افضل اول طريقه اما لو عايزين تحطوا اضافات اوك

 

 

 

بس الاول نعجنه بماء ساخن ونسيبه يتخمر

 

 

 

وبعدين نحط عليه اي اضافات عايزينها

 

 

ليه؟؟؟

 

 

 

 

لان فيه بذرة قطونه واعشاب تانيه وانتوا عارفين

 

 

 

بذرة قطونة لازم ماء ساخن علشان يخرج منها المادة اللزجه المفيدة

 

 

 

وهتلاحظو انه بيكون لزج جدا بعد مايتعجن بماء دافي مايل للسخونه

 

 

وكل الاعشاب بنستخدم ماء ساخن قبل ما نستخدمها صح؟

 

 

وكمان ممكن نستخدمه بالماء الساخن بس

 

 

 

وبعد ما نشطفه نحط حمام زيت واي حاجه عايزينها

 

 

 

لمدة نصف ساعه او ساعه

 

 

 

 

انا بصراحه افضل استخدامه لوحده من غير اضافات

 

 

ليه؟؟؟

 

 

 

 

لان الزيوت ممكن تعمل عازل ومش نستفيد من فوائد الاعشاب اللي فيه

 

 

 

 

اه هتحسي بنعومه لو حطيتي زبادي وزيوت

 

 

 

 

بس ممكن ده من تاثير الزبادي والزيوت لو حدها

 

 

ايه ضمنك انك استفدتي من المشاط؟؟؟؟؟؟؟؟

 

 

 

لكن ممكن نعجنه بماء البابونج او الحلبه او مغلي الاس

 

 

 

او نضيف ماء البصل او عصير الجزر او عصير الجرجير كل ده ماشي الحاجات السخنه نعجن بيها والبارده نحطها عليه بعد ساعه

 

 

اتفقنا؟؟؟؟؟؟؟؟؟

 

 

 

 

ووطبعا هو بيكون لزج جدا

 

 

 

طريقة الاستخدام؟؟؟

 

 

 

 

لازم يكون الشعر نضيف يعني مغسول او مفيهوش اي زيت

 

 

 

علشان نضمن وصول فائدة خلاصة الاعشاب

 

 

لازم تلبسي حاجه غامقه

 

 

هنحطه عل الشعر بمشط واسع بلاستيك لازم شعرك يكون مغسول ومتسلك

تقسمي شعرك وتحطي على جزء جزء وتسرحي بالمشط طبعا قدام الحوض لانك هتنقطي اكيد

وتعملي ضفيرتين ترفيعهم على راسك عكس بعض وبنستين

 

 

ونحط فوقه بونيه بلاستيك وايشارب او اشاربين تاني علشان

 

 

 

هو بينقط ميه احيانا

 

 

 

 

ونسيبه 4 او 6 ساعات او تنامي بيه بس حطي فوطة على المخده لانه بينزل ميه احيانا

 

 

 

 

وبعدين نغسله تحت الحنفيه في البانيو او الحوض المهم ماء جاري فاتر لانه متعب في غسله

 

 

 

من غير شامبو خالص

 

 

 

وتتخللي الشعر بايدك لغاية ما ينضف حوالي ربع ساعه

 

 

 

تحت الحنفيه

 

 

 

وبعدين لما ينضف خالص حطي الشامبو بئه

 

 

 

 

اما لو هتعملي بعده حمام زيت يبقى قبل غسله بالشامبو اشطفيه بس وبعدين حطي حمام الزيت ولما تخلصي

 

 

 

ابقي اغسليه بالشامبو

 

النتيجه:

 

 

 

 

عادي جدا مش هتحسي باي فرق

 

 

 

ايه رايكم في الاحباط ده

 

 

 

بس انا اتعودت اقول الحقيقه دايما

 

 

 

بس هو في فرق ايه هو؟

 

 

 

 

ريحة شعرك قرنفل

 

 

 

شعرك ناشف شويه وفيه بواقي من المشاط حتى بعد غسله بذمة

 

 

 

علشان كده بتحسي انه تقيل

 

 

 

وعلشان بينشف الشعر بفضل بعده حمام زيت او كريم

 

 

 

لكن مش مهم الفايدة القريبه المهم الفايدة البعيده

 

 

 

 

طبعا هو بيقلل التساقط والقشرة وبيقوي الشعر

 

 

 

 

حراز بيقول ان الكورس شهرين كل اسبوع او عشرة ايام تعمليه مرة لمدة شهرين

 

 

 

 

انا شايفه انك تعملي كده بس طبعا لو استمريتي مفيش اي مشكله خالص بس في الاول لازم كل اسبوع لمدة شهرين

 

 

 

الكميه اللي هتناسب الشعر المتوسط يعني في مستوى الصدر كده ملعقتين اكل مليانين

 

 

 

 

والاطول والاقصر يزود او ينقص حسب شعره

 

وكفايه كدا النهارده

اتمنى اكون وفيت

[*تاجى حجابى* 13]

السلام عليكم ورحمة الله وبركاته،،

 

جزاكِ الله خيرًا حبيبتى رغوبه

 

جبت نتيجة التحليل وطلعت 12

معنى كده إنى اظبط شويه

 

ان شاء الله أجيب المشاط فى أقرب وقت >>المشكله بئه ان الامتحانات عا لأبواب ،،فربنا ييسر ونفسى تنفتح وأعمل الحاجات دى

 

دعواتك حبيبتى

فى حفظ الله.

[راغبة بالفردوس 477]

السلام عليكم ورحمة الله وبركاته،،

 

جزاكِ الله خيرًا حبيبتى رغوبه

 

جبت نتيجة التحليل وطلعت 12

معنى كده إنى اظبط شويه

 

ان شاء الله أجيب المشاط فى أقرب وقت >>المشكله بئه ان الامتحانات عا لأبواب ،،فربنا ييسر ونفسى تنفتح وأعمل الحاجات دى

 

دعواتك حبيبتى

فى حفظ الله.

 

السلام عليكــم ورحمـة الله وبركاتــة ،،

 

جزيتُ خيراً علي متابعتك حبيبتي ، وفعلاً انتي محتاجه تظبطي شويه

 

، واعتقد ان الحاجات دي مش هتعطلك لانها ما بتاخد وقت طويل

وربنا يوفقك في الامتحانات يارب , ويجعلها سنه سعيده من جميع النواحي

[راغبة بالفردوس 477]

علي فكره ياجماعه المشاط مش ضروري انا بس حبيت اوضحه لان في ناس كتير بتسأل عنه

[راغبة بالفردوس 477]

 

السلام عليكــم ورحمـة الله وبركاتــة ،،

 

 

بســم الله الـرحمــن الرحيــم

 

هدخل في الموضوع علي طول :icon15:

 

 

بتشربي كام كوبايه ميه في اليوم؟؟؟؟

 

 

 

 

 

الحلقة التاسعه

 

 

شرب الماء

 

 

وجعلنا من الماء كل شيء حي

 

 

مش هقول كتر شرب الماء هيمنع التساقط والتقصيف و........ لا لا

 

 

لكن قلة شرب الماء يسبب التساقط ومشاكل الشعر

اي نعم ليس العامل الاساسي ولكنه من الاسباب

 

 

 

 

أهمية شرب الماء[/u]

 

 

·يمنح الجسم الرطوبة الكافية مما يسكب الجلد والشعر الليونة ويحفظ للعينين البريق.

·يجدد حيوية كل خلايا الجسم.

·ينظم درجة حرارة الجسم.

·يعمل على تخليص الدم من السموم والرواسب.

·ينشط الجهاز الهضمي وعملية الإخراج.

·يخفف سوائل الجسم.

·يعمل على ترطيب المفاصل وليونة حركتها ويحميها من الكدمات.

·يعوض ما يفقده الجسم من السوائل التي تخرج في البول والعرق والبراز ورطوبة الزفير.

·ينشط وظائف الكلى.

 

 

الكمية الكافية لشرب الماء:

 

 

 

·يحتاج الجسم العادي إلى 2 – 3 لترات يومياً بمعدل 8 أكواب 160 ملليلتر.

·كلما تقدمنا في السن تصير جلودنا وأغشيتنا أكثر رقة وتفقد المزيد من الماء وتقل كفاءة الكلى فتزداد الحاجة إلى الماء.

·تزداد الكمية في حالة الحمل والرضاعة والطقس الحار وعند ممارسة رياضة عنيفة.

 

 

 

 

 

الإكثار من شرب الماء يؤدي إلى:

 

 

·انتفاخ البطن.

·الشعور بالثقل.

·كثرة الغازات.

·يؤدي إلى تمدد مصل الدم، ويباعد بين الأنسجة والحجيرات ويجعلها تبطئ القيام بعملها.

·في حالات نادرة يؤدي إلى تسمم الماء .

 

 

الإقلال من شرب الماء يؤدي إلى:

 

 

 

·الجفاف والتعب وقلة النشاط.

·فقدان القدرة على ضبط حرارة الجسم.

·فقدان التوازن.

·إمساك.

حصى الكلى

النسيان

جفاف العين والفم والجلد

 

 

ولذا فخير الأمور أوسطها، لا بالإكثار ولا تقليل.

 

 

 

 

 

متى نشرب الماء؟

 

 

·نبدأ النهار بعد فراغ المعدة طول الليل بشرب كوب من الماء؛ لينبه الأمعاء ويغسل المعدة ويخلص الكليتين من الشوائب والرواسب والرمال، وينبه الكبد لفرز الصفراء، وتحضير المعدة لهضم طعام الإفطار.

·نشرب الماء البارد (المعتدل الحرارة) قبل الطعام بساعة – بعد الطعام بساعتين؛ حتى لا يسيء إلى عمل العصارات الهاضمة ويقلل من كفاءة عملها.

·لا تزيد على كوب واحد من الماء البارد مع الأكل، ونشربه على فترات حتى لا يعوق عملية الهضم.

·نشرب كوبا من الماء البارد مع الأغذية الجافة، مثل الخبز واللحم ليسهل عملية الهضم.

·نشرب ماءا باردا بعد القيام بمجهود كالرياضة أو المشي ولكن بعد أخذ قسط من الراحة وبهدوء وتدرج.

·نشرب الماء في حالة تناولنا مدرات، مثل القهوة والشاي والمشروبات الغازية.

·عند اتباعنا لحمية النحافة.

·الرضاعة لإدرار اللبن وتعويض السوائل في جسم الأم.

·عند الشعور بالحرارة في الجو.

·المرأة الحامل.

·قبل النوم.

 

 

 

و اهم شيء ان احنا نحاول نخلي شرب الماء عادة:

ازاي؟؟

 

 

·كوب عند الاستيقاظ .

·كوب مع كل وجبة.

·كوب بعد ساعة أو ساعتين من كل وجبة.

·كوب قبل النوم.

 

 

 

كده المجموع = 8 أكواب يومياً وده المفيد

 

 

وكمان نعمل حاجه ظريفه

 

 

نحط ازازة في كل اوضه بالذات المطبخ والليفنج وغرفة النوم جنب السرير

 

 

وكل ما نشوف ازازاة نشيلها ونبوسها

 

 

بوسة كبيره اد الكوباية

 

 

فاهمين طبعا

ومننساش لازم ناخد واحده واحنا خارجين علشان ضنانا

 

تحذيرات

 

 

 

1.عادة شرب الماء المثلج وقت الشعور بالحر تؤدي إلى التهاب الغشاء المبطن للمعدة ـ وخاصة المعدة الضعيفة ـ والتهاب الحلق.

2.كبار السن لا يشعرون بالعطش رغم حاجة أجسامهم للماء؛ لذا لا بد من جعل شرب الماء عادة من الصغر للتذكير عند الكبر.

3.شرب الماء المثلج أثناء وجبات الطعام يؤثر في عملية الهضم ويعوق إفرازات المعدة ويؤخر الهضم.

4.الإكثار من شرب الماء أثناء الوجبات يؤخر عملية الهضم ويؤدي إلى الشعور بالثقل وكثرة الغازات.

5.كثرة شرب الماء في حالة السمنة يؤدي إلى إبطاء عملية الهضم فيؤدي إلى تحول الأغذية إلى طبقات دهنية بدلاً من احتراقها لتعطي النشاط والطاقة للجسم.

 

 

 

واخيرا اختم الحلقه بهذا الحديث الشريف

 

 

 

 

عن أبي هريرة رضي الله عنه أن النبي صلى الله عليه و سلم قال :

 

 

 

لا يشربن أحدكم قائماً فمن نسي فليستقيء . رواه مسلم .

 

ولكن الرسول صلى الله عليه وسلم

شرب قائما وقاعدا للتخفيف عن امته

 

 

 

 

 

والاعجاز العلمي في الحديث واضح جدا فعلا اثبت العلم والطب مضار الشرب اثناء الوقوف

 

 

 

 

هقولكم قليل منها باختصار لا وليه؟؟؟

 

 

 

 

انا اجيبلكم نص الكلام احسن اكيد هتستفادو جدا

 

اكد الدكتور عبد الرزاق الكيلاني * أن الشرب و تناول الطعام جالساً أصح و أسلم و أهنأ و أمرأ حيث يجري ما يتناول الآكل والشارب على جدران المعدة بتؤدة و لطف . أما الشرب واقفاً فيؤدي إلى تساقط السائل بعنف إلى قعر المعدة و يصدمها صدماً ،و إن تكرار هذه العملية يؤدي مع طول الزمن إلى استرخاء المعدة و هبوطها و ما يلي ذلك من عسر هضم . و إنما شرب النبي واقفاً لسبب اضطراري منعه من الجلوس مثل الزحام المعهود في المشاعر المقدسة ، و ليس على سبيل العادة و الدوام . كما أن الأكل ماشياً ليس من الصحة في شيء و ما عرف عند العرب و المسلمين .

 

 

 

و يرى الدكتور إبراهيم الراوي

 

 

 

أن الإنسان في حالة الوقوف يكون متوتراً و يكون جهاز التوازن في مراكزه العصبية في حالة فعالة شديدة حتى يتمكن من السيطرة على جميع عضلات الجسم لتقوم بعملية التوازن و الوقوف منتصباً .

 

 

 

 

 

و هي عملية دقيقة يشترك فيها الجهاز العصبي العضلي في آن واحد مما يجعل الإنسان غير قادر للحصول على الطمأنينة العضوية التي تعتبر من أهم الشروط الموجودة عند الطعام و الشراب ، هذه الطمأنينة يحصل عليها الإنسان في حالة الجلوس حيث تكون الجملة العصبية و العضلية في حالة من الهدوء و الاسترخاء و حيث تنشط الأحاسيس و تزداد قابلية الجهاز الهضمي لتقبل الطعام و الشراب و تمثله بشكل صحيح .

 

 

 

 

 

و يؤكد د. الراوي

 

 

 

 

أن الطعام و الشراب قد يؤدي تناوله في حالة الوقوف ( القيام) إلى إحداث انعكاسات عصبية شديدة تقوم بها نهايات العصب المبهم المنتشرة في بطانة المعدة ، و إن هذه الإنعكاسات إذا حصلت بشكل شديد و مفاجىء فقد تؤدي إلى انطلاق شرارة النهي العصبي الخطيرة Vagal Inhibation لتوجيه ضربتها القاضية للقلب ، فيتوقف محدثاً الإغماء أو الموت المفاجىء .

 

 

كما أن الإستمرار على عادة الأكل و الشرب واقفاً تعتبر خطيرة على سلامة جدران المعدة و إمكانية حدوث تقرحات فيها حيث يلاحظ الأطباء الشعاعيون أن قرحات المعدة تكثر في المناطق التي تكون عرضة لصدمات اللقم الطعامية و جرعات الأشربة بنسبة تبلغ 95% من حالات الإصابة بالقرحة .

 

 

 

 

كما أن حالة عملية التوازن أثناء الوقوف ترافقها تشنجات عضلية في المريء تعيق مرور الطعام بسهولة إلى المعدة و محدثة في بعض الأحيان آلاماً شديدة تضطرب معها وظيفة الجهاز الهضمي و تفقد صاحبها البهجة عند تناوله الطعام و شرابه

 

 

 

 

يا رب تكونوا استفدتوا زي ما انا استفدت

 

 

 

 

ونشرب كل يوم 8 كوبايات ونخليها عادة علشان مننساش ابدا

 

 

 

 

لانها حاجه رخيصه وسهله وفوايدها لا تعد ولا تحصى

تم تعديل 2 مايو, 2010 بواسطة جهاد و كفى

[راغبة بالفردوس 477]

مية شرب الماء[/u]

 

أهميه شرب المياه

[راغبة بالفردوس 477]

الظاهر اني بكتب المضوع ده لنفسي :rolleyes:

 

 

يلا ذي بعضه :lol:

[حفصة أحمد 40]

ال

سلام عليكم ورحمة الله وبركاته،،

 

ما شاء الله لا قوة الا بالله

موضوع مميز جدا كان نفسى فى حاجه ذى حدوته عن شعرى عشان استفيد

 

سبحان الله من فتره كنت تعبانه باملاح على الكلى وسبحان الله العظيم اتوصفلى ان الميه بكثره هى العلاج باذن الله

ومن وقتها اشرب الميه كتييييييييير والفرق طبعا واضح على بشرتى وعلى جسمى وشعرى(ضنايا)

والحمدلله

 

جزاك الله خير ونفع بكى

وعن تجربه انصحكم اشربوا ميه كتيييييير وبعد فتره مش كبيره هتشوفوا الفرق بامرالله

[فدوى المسلمي 531]

السلام عليكم ورحمة الله وبركاته،،

اللهم بارك

بجد جهد رائع يا قمر

تسلمي حبيبتي

ربي لا يحرمك الأجر

تعرفي كتير في البيت باختلف معهم بسبب قلة شربهم للماء

ييجوا يشوفوا عشان يعرفوا انه عندي حق :)

[راغبة بالفردوس 477]

السلام عليكــم ورحمـة الله وبركاتــة ،،

 

الحمد لله ان في حبايب جداد هيتابعوا الموضوع ده وهينفذوا النصائح :biggrin:

 

جزكن الله خيراً أحبابي ***** حفصه50 - وجهاد وكفي****** علي مشاركتكم الجميله

 

وفعلاً المياه فوائدها لا تعد ولا تحصي

 

وصدق الله " وجعلنا من الماء كل شئٍ حي " ، فسبحان الله

[راغبة بالفردوس 477]

السلام عليكــم ورحمـة الله وبركاتــة ،،

 

 

بســم الله الـرحمــن الرحيــم

 

الحلقه الحادية عشر

 

 

القشرة

 

طبعا القشرة مشكله عند ناس كتير بالذات الشعر الدهني

 

 

والمشكله انها من اهم اسباب التساقط

 

 

علشان كده لازم تتعالج بسرعه جدا

 

العلاج

 

 

 

1- شامبو نيزورال : ممتاز اي حد هيقول مبيعملش حاجه هقوله انتي مستخديمتيهوش صح

 

 

لازم اتباع التعليمات بدقة

 

 

بعد الشامبو العادي بتاعنا نشطف ضنانا وناخد في راحة اليد كميه حوالي ملعقه صغيره و نغسل بيه الفروة

 

 

نتخلل الفروة بس مننضيعوش على الشعر كله

 

 

ونسيبه 5 دقايق ونشطفه

مرتين في الاسبوع لغاية العلبه ماتخلص

ان شاء الله تكون القشرة خلصت بردو

 

2- طريقه مجربة استخدام ديتول او سافلون والسافلون ارخص وفعال

 

 

لو بشرتك حساسه خفيفيه الضعف

 

 

اما لو مش حساسه استخدمي الزجاجه كلها (العبوة الصغيرة)على فروة الراس قبل غسل الشعر بنصف ساعه

 

 

 

من اول او تاني مرة مفيش قشرة

 

 

3- لاصحاب الفروة الدهنيه واللي بيعانوا دايما يستخدموا هيد اند شولدرز او اي شامبو ضد القشرة على طول

 

 

او شامبو للشعر الدهني

 

 

ويشطفوا شعرهم دايما بخل تفاح او خل عادي بس خل التفاح افضل مخففين يعني ملعقة خل على كوب ماء

 

 

وزودي على حسب طول شعرك

 

 

والطرق كتير اوي بس انا خترتلكم اضمن حاجه واسهل حاجه

 

كفايه كدا النهارده

 

 

اشوفكم على خير

[رحيل القمر 1]

يااااااه

ده انا تئخرت جدا

3 حلقات تفوتنى

الحمد لله انا سيد ابو قشطه

بشرب ماء بشكل ملاحظ

بس انتى معلوماتك قيمه للغايه

 

نفسى وصفه تطول الشعر

لحسن قصيته لغايه كتفى

الدكتور قال لى قصى الاطراف المقصفه

هتقضى كده على شعرك لو خلتيها لانها بايظه

وبتبوظ بقيت شعرك

 

انتى مبتكلميش نفسك انا معاكى

وتقبلى هديتى المتواضعه على مجهودك الرائع

ارجو ان تقبليها

[راغبة بالفردوس 477]

يااااااه

ده انا تئخرت جدا

3 حلقات تفوتنى

 

علي فكره حلقه امس كانت العاشره وليست الحاديه عشر ، أنا بس حبيت اعرف مين اللي متابع كويس

والحمد لله طلعتوا كلكوا متابعين كويس :tongue:

الحمد لله انا سيد ابو قشطه

بشرب ماء بشكل ملاحظ

 

هههههههههههههههههه

 

بس انتى معلوماتك قيمه للغايه

 

نفسى وصفه تطول الشعر

لحسن قصيته لغايه كتفى

الدكتور قال لى قصى الاطراف المقصفه

هتقضى كده على شعرك لو خلتيها لانها بايظه

وبتبوظ بقيت شعرك

فعلاً التقصيف بيبوظ الشعر ، وذكرنا ذلك بالتفصيل في الحلقات الاولي

 

انتى مبتكلميش نفسك انا معاكى

وتقبلى هديتى المتواضعه على مجهودك الرائع

ارجو ان تقبليها

 

شكراً علي الهديه الجميله ياعسل ، مقبوله منك ياجميل :mrgreen: :tongue: :tongue:

[راغبة بالفردوس 477]

 

السلام عليكــم ورحمـة الله وبركاتــة ،،

 

بســم الله الـرحمــن الرحيــم

 

(حلقه أمس كانت العاشره وليست الحاديه عسر)

الحلقه الحاديه عشر

 

وصفة العمر

 

 

الوصفة ده كانت هتخلي شعرك تحفة بجد

 

 

يا ريت كلكم تواظبو عليهاوالله يا بنات انا مقدرش اقول غير انها نعمة من الله

المهم الاستمرااااااااار

الاستمرااااااار

ااستمراااار

 

في وصفات تانيه كتير بس ياريت كلنا نتفق نستمر على دي وهي نتيجتها 100% بإذن الله

 

المهم مش هرغي اكتر من كده

الوصفه

 

علبة زبادي

 

2 ملعقة عسل ابيض مضمون

 

صفار بيضه

 

2 ملعقة زيت جوز الهند بالذات الي في صفيح خضرا وهتلاقوها عند العطارين

............................

 

طبعا غالبا بيكون متماسك سيحيه على نار هاديه بسيط وكمان هيخلي الوصفه دافيه

 

اخلطي كله على بعض وحطيه على شعرك بعد تقسيمه زي اي حمام زيت على الفروة والاطراف حطي عليه كيس بلاستيك و فوطه سخنة

 

وممكن تحطي كام نقطة ليمون على بياض البيضه او نشا وتحطيهم على وجهك كماسك

 

وقومي روقي الشقه علشان تعرقي والمسام تتفتح

 

اللي مش عنده زيت جوز الهند يبقى زيت السمسم

 

او اي زيت تاني زيت زيتون مثلا

 

 

وزيت املا ممتاز برده

أتمني تجربوا الوصفه دي واللي يجربها أو حتي بيفكر يجربها ياريت يقول

 

أرجوكو ياجماعه اتفاعلوا معايا شويه بقي ، وخلونا نشجع بعض

[صلاتي حيلتي 0]

الله يجزاك خير

[راغبة بالفردوس 477]

الله يجزاك خير

آآآآآآآآآآآمين ، وإياكِ حبيبتي

بارك الله فيكِ وفي مرورك العطر

[راغبة بالفردوس 477]

 

السلام عليكــم ورحمـة الله وبركاتــة ،،

 

بسم الله الرحمن الرحيم

 

رجعتلكم واتمنى يكون ضناكم بخير ويكون احسن المفروض التساقط يبدا يقل طمنوني

 

ده اول النتائج اللي هتظهر

 

مش هرغي كتير ندخل في المهم

 

الحلقة الثانيه عشر

 

التقصف

 

مشكلة عند الكل ليييييييييييييييييييييه؟؟

 

علشان اسبابه كتييييييييييييييير

 

1- الغسيل المتكررللشعر اللي يتعدى المعدل الطبيعي مما يفقده المواد الدهنية والأملاح اللازمة لمرونته وحمايته

 

2- غسله بشامبو لا يتناسب مع الشعر أو غسله بنوع من الصابون القوي المزيل للدهون فيفقد الحد الأدنى من المواد الدهنية اللازمة لمرونته وقوة تحمله

 

3- عدم العناية بشطف الشعر جيدا بالماء النقي بعد غسله بالصابون أو الشامبو

 

4- ترك الشعر بدون غسيل مدة أكثر من اللازم فتتراكم الأتربة حول ساق الشعر فتسبب تقصفه

 

5- استخدام مشط أسنانه حادة لتسريح الشعر خصوصاً إذا كان مصنوعاً من البلاستيك مما يؤدي إلى حدوث كهرباء في الشعر تؤدي إلى تقصفه

 

6- تمشيط الشعر بالفرشاة وهو مبلول بعد غسله وهو عادة بيكون هش و شديد الحساسية عديم المقاومة يسهل تقصفه

 

7- فرك الشعر بالفوطة بقوة كمحاولة لتجفيفه ( نسيبه ينشف تحت الفوطة عشر دقايق )

 

 

8- استخدام السشواركطريقة لتجفيف الشعر مما يسبب جفاف بساق الشعر أو أطرافه نتيجة زيادة جفاف الجو أو ارتفاع درجة حرارته بنسبة كبيرة

 

9- استخدام كريمات فرد الشعر أو تجعيده

 

10- الانتقال من بيئة ذات جو عادي إلى جو حار

 

11- سوء التغذية ( اتفقنا عليه خلاص صلحناه ان شاء الله)

 

12- استخدام بنس الشعر بعنف او استخدام البكر تحت السشوار الساخن

 

13- المواد الكيمائية الموجودة في الصبغات واللي بتدخل الخلايا وتؤدي إلى تشقق الشعرة وتلفها

 

اختبارين مهمين جدا

 

الاختبار الاول

 

ازاي تعرفي ان شعرك قوي او لا ؟؟

خدي شعرة من اللي واقعين في المشط واربطي طرفيها بين صوابعك الابهام والسبابه في كل ايد وشدي بالراحه

 

المفروض تتمدد حوالي 20 او 30 % من طولها ده لو شعرك صحي

 

وترجع تاني

 

لكن اللي هيحصل مع المعظم اكيد عارفاكو بتعملو ايه في ضناكم

 

انها هتتقطع

 

 

صح ولا ايه؟؟

 

يا رب يكون ضناكم قوي ولو مش قوي دلوقتي تهتموا بيه وتشدوا حيلكم علشان يشد حيله

الاختبار التاني

 

شعرك مقصف ولا لا؟؟

 

طبعا الاطراف متشعبه ده حاجه واضحه لكن احيانا الشعر بيكون هايش من غير اطراف متشعبة

 

ده نوع من التقصيف بردو

 

هاتي شعرة من اللي واقعين في المشط الخشب

 

وغمضي عينيك وحطيها بين السبابه والابهام من طرفها العلوي اللي عند الجذر

 

واسحبي صوابعك عليها هتحسي ان من فوق ناعم وبعدبن فيه مطبات في الملمس من تحت

 

علشان كده شعرك من تحت هايش

 

مع الاهتمام والوقت كل ده هيروح ان شاء الله

 

علاج التقصيف

القص القص القص

 

لكن الاهتمام بالغذاء وكل النصائح اللي فاتت وتجنب الاسباب اللي قلتها اهم شيء علشان نوقف مهزلة التقصيف اللي مبوظه ضنانا خالص

 

ولا حاسين بطوله ولا نعومته ولا حنيته ولا اي حاجه على طول ناشف كده

 

لكن اهم حاجه هقولها النهارده

 

الاهتمام بالترطيب لان جفاف الشعره هو من اهم اسباب تقصيفها

 

البلسم مهم وبيسهل التسريح علشان منرهقش الشعرة في التسريح وبيدي رطوبة

 

 

ماسك حلو لحماية الشعر من التقصيف

موزة مستوية + معلقتين عسل+ معلقتين زيت زيتون

 

قبل غسل الشعر بنصف ساعه او ساعه

 

والناس اللي بتكسل ارجوكم بس حمام زيت اي زيت قبل كل غسل للشعر لو حتى نص ساعه ولو اكتر مفيش مشاكل لغاية 8 ساعات

 

ترطيب الشعر مهم حتى الفروة الدهنيه يحطوا على اطراف الشعر بس

 

يا رب تكونوا استفدتم

 

 

منتظراكم

[راغبة بالفردوس 477]

السلام عليكــم ورحمـة الله وبركاتــة ،،

 

بسم الله الرحمن الرحيم

 

 

الحلقة الثالثه عشر

 

الحلقة ده مهمه اوي علشان فيها نتيجة تعبنا

طبعا النصائح لسه مخلصتش

 

بس اللي فات كان مهم اوي والحمد لله كل اللي التزم لقى نتيجه الحمد لله

 

ان الله لا يضيع اجر من احسن عملا

 

 

أكيد انتم شعركم اتحسّن وانا سعيده و الفضل اولا واخيرا لله

 

الشعر مش وصفه ولا اتنين

 

لا ده موضوع كبير ونظام عنايه كاملة

طبعا في متابع بس مالتزمش بالتنفيذ

 

ربما معاكم ويهديكم وتنفذوا انا بس حبيت اقولكم ان اللي نفذ النتيجه ظهرت مع ان كل اللي فات أيام معدوده فما بالك لو استمريتي العمر كله

 

 

وعلى فكرة الشعر مش بيبان عليه التاثير بسرعه زي البشرة

 

 

انا بس حبيت اشجعكم تلتزمو اكيد لما تشوفو نتائج هتتشجعو اكتر

 

وعلي فكره المفروض دي كانت تبقي حلقه الغد ، ولكن انا قلت أكتبها اليوم لان ما في تواصل معايا ذي ما أنا كنت متوقعه

 

وكمان ناويه أكتب الحلقه الاخيره الان ، بس يارب النت ما يفصل

 

خليكوا معايا......

[راغبة بالفردوس 477]

بسم الله الرحمن الرحيم

 

 

الحلقة الاخيرة

 

انا بصراحه صعبان عليا اكتب الاخيرة ،وكنت بفكر أجيب موضوعات تانيه ذي دي بس البركه فيكم تشجهوا أي حد :mrgreen:

 

 

بس لكل شيء اخر

 

 

لكن طبعا موضوعنا مالوش اخر ومازال مستمروهنفضل متابعين مع بعض اي تطورات لشعرنا

 

 

انا حبيتكم جدا جدا جدا

 

 

واكيد انتو كمان حبيتوني طبعا

 

 

 

واحنا مع بعض لسه اكيد هنروح من بعض فين

 

النهاردة هقولكم حاجات متفرقه يمكن وقعت من بعضكم او مكنتش واضحه

 

 

 

يا ريت نسمي باسم الله قبل كل خطوة ونتوكل على الله ونكون على يقين ان ربنا هيبارك

1- امبولات ايفا بالبانثينول

 

 

 

ده للي شعرهم وقع كتير او مجهد من الصبغات او الاهمال وفعلا حلوة

 

 

مع كل النصائح طبعا هتجيب نتيجه كويسه جدا

 

 

تستعمل مرتين في الاسبوع على الفروة الشعر نضيف خالص وناشف ونحط بونيه بلاستيك

 

 

وفوطة سخنه نكرر الفوطة اربع مرات ومنغسش شعرنا عادي

 

 

الاستخدام لمدة اربع شهور على الاقل وطول الاستخدام مش مضر ابدا

 

 

 

2- التسريح بالمشط الخشب وبالنسبة للتسريح 100مرة يفضل الواسع او الفرشاة الخشب ويا ريت الاستغفار مع كل مرة

 

 

وده مرة واحد يوميا لكن نسرح شعرنا عادي مرتين كمان خلال اليوم مع تغيرر اتجاه الشعر ضروري

 

 

3- التدليك برفق ارجوكم والشعر الدهني بلاش تدليك خالص والتسريح كمان براحه خالص ومش لازم 100 مرة

 

 

 

 

 

4- بالنسبة للصابون النابلسي وغيره : مفيش صابون مفيهوش قلويات ده قاعده اساسيه

 

 

زيت زيتون مثلا + قلوي=صابون

 

 

انا بصراحه مش ضد الشامبوهات خالص

 

 

لكن طبعا اللي مرتاح مع الصابون عادي بردو

 

5- بالنسبة للم الشعر دايما خلوه مرتاح مش مشدود سواء ضفيرة واسعه او استيك واسع المهم ميكونش مشدود وبس

 

 

6- اهم شيء واسهل شيء حمام زيت ولو مرة في الاسبوع مش صعبه

 

 

........................................

 

والحمد لله الذي بنعمته تتم الصالحات

 

أستودعكم الله ........وياريت كل اللي يقرأ الموضوع ده ويستفيد منه يدعيلي بصلاح الحال في الدنيا والاخره

 

والله وليُّ التوفيق

 

والسلام عليكــم ورحمـة الله وبركاتــة ،،