اذهبي الى المحتوى
راغبة بالفردوس

برنامج العروسه (رائــــــــــــــــــــــــــــع) هديتي لأخوات طريق الاسلام

المشاركات التي تم ترشيحها

post-25272-1253861539.gif

 

السلام عليكــم ورحمـة الله وبركاتــة ،،

 

 

اتمنى لكم كل التوفيق في حياتكم الجديدة

 

 

وكهدية بسيط مني

 

 

يا رب تقبلوها

 

 

هقولكم على نظام العناية ببشرتكم لو الوقت ازف ومش لاحقين تعملو حاجه

 

 

النظام ده هتمشي عليه قبل الفرح بشهر او اقل

 

 

 

 

 

 

 

 

 

برنامج العروسة

 

 

 

 

 

 

طبعا في نصائح بسيطة مهمه جدا

 

 

 

 

 

 

اولا واهم شيء الاستعانة والتوكل على الله

 

 

 

 

 

 

 

واخلاص النيه لتكوني اجمل امام زوجك

 

 

و سم الله قبل كل خطوة

 

 

 

 

 

 

 

 

1- المفروض متجربيش اي حاجه جديده قبل فرحك بتلات شهور

 

 

 

 

 

 

 

 

2- اعملي جدول لنفسك فيه حل لكل مشاكلك وامشي عليه

 

 

 

 

 

 

 

 

3- هاتي كل الحاجات اللي ناقصاكي في يوم واحد اول ما تحددي البرنامج

 

 

 

 

 

 

 

 

4- كوني حريصة على التنفيذ بدون اي تكاسل

 

 

 

 

 

 

 

 

5 - حللي نسبة الهيموجلوبين في الدم للتاكد من عدم وجود انيميا

 

 

 

 

 

 

 

6- شرب 8 اكواب ماء يوميا

 

 

 

 

 

 

 

 

7- الاهتمام بغسل الاسنان بعد كل وجبة

 

 

8- الاهتمام بترطيب اليدين والقدمين خمس مرات يوميا يعني بعد كل وضوء

 

 

9- ترطيب القدمين مساءا ب CARBAMIDE كريم من الصيدليه ب 3 جنيه ولبس شراب قطن

 

 

مع سنفرة خفيفة الصبح بحجر ناعم

 

 

 

 

الوجه

 

 

 

اصحاب البشرة الحساسه ارجو الحرص وتجربة اي ماسك لفترة بسيطة عشر دقائق فقط

 

 

ولما نطمن له نزود المده

 

 

اما اصحاب حب الشباب

 

 

البرنامج شديد على بشرتهم جدا

 

 

واكيد ليهم نظام للعناية بالحبوب خاص جدا

 

 

 

الخطوة الاولى

 

 

 

 

 

 

 

 

 

قبل كل شيء لازم نعمل تنظيف عميق للوجه لازالة الجلد الميت

 

 

 

 

وبالتالي نستفيد من فائدة الماسكات

 

 

 

 

ازاي ؟؟؟

 

 

 

 

 

 

 

 

هقول لكم

 

 

 

بسم الله الرحمن الرحيم

 

 

حبايبي..........

 

 

 

من اهم اسباب الحفاظ على البشرة التنظيف الجيد

 

 

 

خطوات النيتوياج ( التنظيف العميق للبشرة) لازالة الجلد الميت.....

 

 

1- ازالة الميكب جيدا : احلى منظف للوجه وازالة الميكب وازالة الماسكارا والايلينر المقاوم للماء

يعني مش خطر على العين

هو مش غسول هو لوشن يستخدم مباشرة على الوجه ويمسح بقطنه

منظف جونسون وده صورته بحوالي 18 جنيه في السوبر ماركت وفي الصيدليات 20 جنيه

 

 

 

 

2- وضع مقدار من بودرة السدر في كف اليد وماء دافيء ونغسل الوجه جيدا

ده صورته على هيئة ورق علشان لما تشتروه من العطار

سعر الكيلو 40 جنيه هاتي نصف او ربع بس

 

 

 

 

 

ويتم طحنه ...

 

 

 

 

3- مسح الوجه بقطنه مبلله باللبن بطريقة دائريه من اسفل لاعلى باتجاه الجبهة

 

 

 

4- فوطة مبلله بماء دافيء ويمسح بها الوجه ويدلك برفق ويشطف بماء فاتر

 

 

5- نضع كميه مناسبة من الزبادي حتى لو منتهي الصلاحيه على الوجه وللرؤوس السوداء نضع فازلين على اماكن تواجدها وليس زبادي واثناء ذلك

 

 

6- نبدا بتسخين الماء في حله متوسطه وعند الغليان يضاف اليه النعناع او البقدونس او الاتنين و نضع فوطه على راسنا ونستمتع بالبخار عشر دقائق

 

7- يمسح الوجه من الزبادي بفوطة او اسفنجه او قطنه ( لا يشطف )

 

 

8- يدلك الوجه بالسكر برفق ولمدة 3 دقائق لكن برفق

للرؤوس السوداء يستعمل فتله لازالتها راح جاي بالفتله وممكن التعصير بقطنه

 

9- تزال اثار السكر ويوضع ماسك الترمس المطحون والخميرة ( يفضل من الفرن ) وقليل من اللبن للبشرة الجافه والعاديه او الماء الدافيء للبشرة الدهنيه والمختلطة يدلك 3 دقائق ويترك ليجف

 

 

10- يشطف جيدا بالماء الفاتر ويوضع ماسك العسل لمدة ربع ساعه او نصف ساعه

 

11- يشطف الوجه ويمسح بقطنه مبلله بماء الورد مضاف اليه قليل من الليمون

 

 

12- يمرر تلجه على الوجه لغلق المسام

 

 

 

 

وبكده هتلاقي بشرتك نقيه و نظيفه و منورة و مفيش قشور وتعاد الطريقه كل شهر او اكثر

 

 

 

............................................................

 

 

 

مع الإنتباه يا عروسة إن

 

 

النيتوياج يكون مرة في الشهر مش اكتر وفي يوم منفصل عن اي ماسكات او اي ازالة او تشقير لشعر الوجه

 

 

 

................................................................................

.........................................................

 

الخطوة الثانية

 

 

 

 

 

 

اهتمي بتنظيف بشرتك يوميا مرتين في اليوم صباحا ومساءا

 

 

 

بالصابون او الغسول المناسب

 

 

 

 

 

 

 

الماء يكون فاتر لا بارد ولا ساخن

 

 

 

 

 

 

 

 

 

 

ثم التونر بقطنه يمسح الوجه بقطنة مبلله بالتونر او نمرر تلجه وننشف كويس

 

 

 

 

 

 

 

 

وكريم مرطب مناسب لنوع بشرتك ويفضل ان يكون كريم نهار

 

 

 

 

 

 

 

 

ونفس الطريقه قبل النوم لكن كريم ليل او اي كريم مرطب

 

 

 

الخطوة التالتة

 

 

 

 

 

 

جدول العناية بالوجه

 

 

 

 

 

 

طالما عروسة لازم كل يوم ماسك

 

 

 

 

 

 

 

 

بس لازم بعد النيتوياج زي ما اتفقنا

 

 

 

 

ونحضر الماسك ده ( ماسك التفتيح العظيم )

 

 

 

 

 

 

 

 

بطاطسية مسلوقة بقشرها بعد غسلها كويس جدا طبعا +

قشر موزتين نضيفه بردو

 

 

+عصير نصف ليمونة او ليمونة حسب

 

 

 

 

حساسية البشرة + نصف كوب لبن

 

 

 

 

 

 

 

 

 

ونضربهم في الخلاط ونحفظهم في زجاجه في التلاجه ليها غطاء محكم

 

 

الجدول

 

 

 

 

 

 

 

 

 

 

الخميس : ماسك التفتيح العظيم

 

 

 

 

 

 

 

 

يدلك به الوجه لمدة 3 دقائق ويترك حتى يجف حوالي نصف ساعه

 

 

 

 

 

اما اصحاب البشرة الحساسه ربع ساعه فقط لا غير

 

 

 

 

 

 

ثم يشطف بماء فاتر

 

 

 

 

 

 

ونمرر تلجه وننشف الوجه جيدا

 

 

 

 

 

 

وترطيب بكريم خفيف

 

 

 

 

 

الجمعة : ماسك التفتيح العظيم

 

 

 

 

 

 

مثلا صباحا

 

 

 

 

 

 

ومساءا

 

 

 

 

 

ماسك بذرة قطونة (رااااائع)

 

 

 

 

 

 

 

 

 

ملعقة صغيرة مملوءة بذرة قطونة + ماء مغلي حوالي اتنين ملعقة

 

 

كبيرة

 

 

 

 

 

 

ويقلب كل شوية ولما يبرد هنلاقيه لزج كده عندك اختيارين

 

 

تستخدميه كده بحبوبه او تصفيه وتاخدي السائل اللزج

 

 

 

 

 

 

 

 

 

 

 

هتصفيه بشاشه او شراب فيليه او قماش خفيف اوي

 

 

 

 

 

 

 

 

وتفرديه على الوجه والرقبه ساعه او ساعتين حسب وقتك مع استرخاء تام تام

 

 

 

 

 

 

مهم جدا الاسترخاء لانه بيشد الجلد فلازم يكون الجلد مسترخي

 

 

 

 

 

 

 

 

 

 

وبعدين تشطفي وجهك بماء فاتر وتمرري تلجه وتنشفي وجهك كويس

 

 

 

 

 

وترطيب خفيف

 

 

 

 

السبت : ماسك التفتيح العظيم

 

 

 

 

صباحا

 

 

 

 

 

 

 

 

ومساءا

 

 

ماسك الزبادي

 

 

 

 

 

 

 

 

زبادي بلدي حتى لو منتهي الصلاحيه

 

 

 

 

 

ويفرد على الوجه مع التدليك 3 دقائق

 

 

 

 

 

 

ويترك نصف ساعه ويشطف بماء فاتر

 

 

 

 

 

 

ونمرر تلجة

 

 

 

 

 

 

وترطيب خفيف

 

 

 

 

الاحد : ماسك الترمس المطحون والخميرة

 

 

 

ملعقة ترمس مطحون صغيرة مليانه + ملعقة صغيرة خميرة جافه

 

 

 

 

او طرية مذابة في قليل من الماء الدافئ

 

 

 

 

 

 

 

 

 

وتخلط مع الترمس المطحون

 

 

 

 

 

 

 

 

وتفرد على الوجه حتى تجف حوالي نصف ساعه

 

 

 

 

 

 

 

 

وتبلل اليد بالماء ونبدا في ازالته بالتدليك برفق

 

 

 

 

 

 

 

 

وده تعتبر سنفرة خفيفه

 

 

 

 

 

 

 

 

ويشطف جيدا بالماء الفاتر

 

 

 

 

 

 

 

 

ونمرر تلجه وننشف الوجه جيدا وترطيب خفيف

 

 

 

 

 

 

 

 

 

ومساءا كبسولة فيتامين E تدلك بها البشرة بعد حمام بخار خفيف

 

 

جدا

 

 

 

 

 

 

 

 

الاتنين :ماسك التفتيح العظيم صباحا

 

 

 

ومساءا ماسك بذرة قطونة

 

 

 

 

 

 

 

 

 

 

الثلاثاء : ماسك التفتيح العظيم

 

 

 

 

 

 

 

 

 

 

 

 

 

الاربعاء : ماسك التفتيح العظيم

 

 

 

 

 

 

 

 

ومساءا كبسولة فيتامينE بعد حمام بخار خفيف جدا

 

 

 

 

 

 

 

 

وطبعا قبل الفرح بيوم نعمل النيتوياج تاني

 

 

 

 

 

 

 

 

وان شاء الله تبقي قمر 14

 

 

 

 

 

 

الجسم

 

 

 

 

 

 

يوميا شاور تحت الدش ربع ساعه او في البانيو وتكوني حاطة

 

 

 

مغلي اعشاب الكاموميل في البانيو

 

 

 

 

 

 

او في شراب فيليه تحت الدش لو مفيش بانيو

 

 

 

 

 

 

 

 

 

 

 

 

ونفرد ماسك التفتيح العظيم على الجسم كله

 

 

 

 

 

 

 

 

 

 

وعندما يجف نزيله بطريقة السنفرة كما فعلنا في الوجه

 

 

 

 

 

 

 

 

 

وطبعا ندعك جسمنا كويس بالليفة والصابون قبل وبعد الماسك

 

 

 

 

 

 

 

 

 

وناخد دش بارد سريع ولو 30 ثانيه فقط

 

 

 

 

 

 

 

 

 

ونجفف الجسم جيدا

 

 

 

 

 

 

 

 

ثم ترطيب للجسم كله بكريم جليسوليدGLYSOLID

 

 

 

 

 

 

 

 

 

واليوم التالي ناخد نفس الشاور لكن بدل ماسك التفتيح العظيم نعمل سنفرة بزيت الزيتون والملح

 

 

 

 

 

 

 

 

 

 

وبعدها نشطف الجسم بالماء البارد 30 ثانيه

 

 

 

 

 

 

والتجفيف جيدا

 

 

 

 

 

 

 

 

 

 

والترطيب جيدا

 

 

 

 

 

 

 

 

 

وهكذا يوم ويوم

 

 

 

 

 

 

 

 

 

 

 

 

 

 

 

 

 

 

وده برنامج ممتاز هيحل مشاكل كتير وطبعا هو مكثف

 

 

 

 

 

 

 

 

 

يعني ممكن نعمله لمدة اسبوع او عشرة ايام فقط

 

 

 

 

 

 

 

 

لكن لو معانا وقت هنعمله لمدة شهر

 

 

 

 

 

 

 

 

 

ولو معانا وقت اكتر هنعمل نفس النظام في الاول لمدة اسبوع

 

 

 

 

 

 

 

 

 

 

 

 

 

 

 

 

 

وبعد كده

 

 

 

 

للجسم

 

 

 

 

 

 

 

هنعمل بس الشاور والترطيب يوميا

 

 

 

 

 

 

 

 

وسنفرة زيت الزيتون مرة في الاسبوع

 

 

 

 

 

 

 

 

وماسك التفتيح العظيم مرتين في الاسبوع

 

 

 

 

 

والوجه

 

 

 

 

 

 

 

 

ماسك بذرة قطونة مرتين في الاسبوع

 

 

 

 

 

 

 

 

وماسك الترمس المطحون مرتين في الاسبوع

 

 

 

 

 

 

 

اخيرا الشعر

 

 

 

 

 

 

موضوع كبير مهما قلت مش هقدر اوفيه حقه

 

 

 

 

 

 

وطبعا نتائج مذهلة الحمد لله

 

 

 

 

بشهادة المشتركات

 

واقل حاجه ممكن تعمليها لشعرك هي وصفة العمر

مرة في الاسبوع

 

 

موجوده في

النصيحة الثانية عشرة

 

 

وده رابط الموضوع كله

 

https://akhawat.islamway.net/forum/index.ph...t=0&start=0

 

 

 

او حمام زيت زيتون او زيت جوز الهند او اي زيت مضمون مع التدليك عشر دقائق مرتين في الاسبوع

 

 

 

 

ارجو اني اكون افدتكم

 

 

 

 

ولا تنتسوني من صالح دعائكم

تم تعديل بواسطة جهاد و كفى

شارك هذه المشاركه


رابط المشاركه
شارك

السلام عليكــم ورحمـة الله وبركاتــة بسم الله ماشاء اللهم بارك كل ماادخل موضوع يعجبني يكون بتاعك ماشاء الله مهتميه بالعرايس :closedeyes: ياريتك كنت لحقتيني قبل مااتجوز :sad: حاجات كلها ماشاء الله جميله بس مش مشكله هاعملها برده :unsure: ،،

post-130696-1273756309.gif

شارك هذه المشاركه


رابط المشاركه
شارك
السلام عليكــم ورحمـة الله وبركاتــة بسم الله ماشاء اللهم بارك كل ماادخل موضوع يعجبني يكون بتاعك ماشاء الله مهتميه بالعرايس :closedeyes: ياريتك كنت لحقتيني قبل مااتجوز :sad: حاجات كلها ماشاء الله جميله بس مش مشكله هاعملها برده :unsure: ،،

 

 

السلام عليكــم ورحمـة الله وبركاتــة ،،

 

بارك الله لكِ وسعدتي في الدنيا والاخره

 

أسعدني مرورك حبيبتي نيمو

 

وبعدين انتِ ما زلتي عروسه برده ، يعني تعملي الحاجات دي وتقوليلنا علي النتيجه بإن الله

 

والسلام عليكــم ورحمـة الله وبركاتــة ،،

شارك هذه المشاركه


رابط المشاركه
شارك

بســم الله الـرحمــن الرحيــم

ماشاء الله

سلمتِ وسلمت يداكِ

رائـــــــــــــــــــــــــــــــــــــــــــــــــــــــع

الحمدلله إني لحقته قبل الجواز باقي على فرحي شهر ونصف إن شاء الله

وبإذن الله أطبق الحاجات الجميلة دي وكمان سهله

بارك الله فيكِ

وجزاكِ كل الخير

شارك هذه المشاركه


رابط المشاركه
شارك
بســم الله الـرحمــن الرحيــم

ماشاء الله

سلمتِ وسلمت يداكِ

رائـــــــــــــــــــــــــــــــــــــــــــــــــــــــع

الحمدلله إني لحقته قبل الجواز باقي على فرحي شهر ونصف إن شاء الله

وبإذن الله أطبق الحاجات الجميلة دي وكمان سهله

بارك الله فيكِ

وجزاكِ كل الخير

 

 

الله يبارك فيكِ ويتمم لكِ علي خير ياعروسه :arrow:

 

بس أهم شئ تقوللنا علي النتيجه علي طول

 

وإوعوا تنسوني من صالح دعائكم

 

نورتي الصفحه ياقمر :arrow: :cry:

شارك هذه المشاركه


رابط المشاركه
شارك

السلام عليكم ورحمة الله وبركاته،،

تسلم الايادي يا رغوبة

رررائع

شارك هذه المشاركه


رابط المشاركه
شارك

السلام عليكم ورحمة الله وبركاته،،

تسلم الايادي يا رغوبة

رررائع

 

تسلميلي مشرفتي الغاليه ، وربنا يحفظك من كل سوء

 

مرورك هو الاروع يا فدود :biggrin:

شارك هذه المشاركه


رابط المشاركه
شارك
مشكورة على الموضوع النافع

بارك الله فيك

 

وفيكِ بارك حبيبتي

 

نورتيلي الصفحه :blush: :roll:

شارك هذه المشاركه


رابط المشاركه
شارك
جزاكى الله خيرا عالموضوع الرائع

بارك الله فيكى

 

 

وفيكِ بارك حبيبتي

 

سعدتُ بمرورك ونورتي الصفحه :icon17: :icon17:

شارك هذه المشاركه


رابط المشاركه
شارك

شكرا ياجميل

 

بس انتي عارفة انا بقيت ما احبش الحاجات الغريبة دي

 

أسهل حاجة عندي أجيب كريمات من الصيدلية وأريح دماغي

 

عارفة هتقولي مش طبيعي

 

بس الطبيعي معايا يمكن مش بيعمل حاجة

 

بس هو أنا عايزة أسال

 

لو انا أصلا بيضا ومش باخرج ف الشمس

 

لو عملت ماسك تفتيح هيعمل ايه

 

يعني هايفتح البشرة أكتر من طبيعتها؟؟؟

 

وان شاء الله قبل الفرح هابقي أعدي عالموضوع تاني

 

وأجرب اللي فيه

 

جزاكم الله خيرا

شارك هذه المشاركه


رابط المشاركه
شارك
شكرا ياجميل

 

بس انتي عارفة انا بقيت ما احبش الحاجات الغريبة دي

 

أسهل حاجة عندي أجيب كريمات من الصيدلية وأريح دماغي

 

عارفة هتقولي مش طبيعي

 

بس الطبيعي معايا يمكن مش بيعمل حاجة

 

بس هو أنا عايزة أسال

 

لو انا أصلا بيضا ومش باخرج ف الشمس

 

لو عملت ماسك تفتيح هيعمل ايه

 

يعني هايفتح البشرة أكتر من طبيعتها؟؟؟

 

وان شاء الله قبل الفرح هابقي أعدي عالموضوع تاني

 

وأجرب اللي فيه

 

جزاكم الله خيرا

 

يا هلا بالحبيب.....

 

لا شكر علي واجب ياقمر

..........

 

بيتهيألي لو بشرتك لونها أبيض ووضعتي ماسك للتفتيح هيعطي للبشره نضاره أكثر

 

 

وليش ماتعدي علي الموضوع الاخر من الان ، الحاجات دي بتاخد وقت ولازم تتعودي عليها عشان تبقي عاده عندك

 

وربنا يتمم لكِ علي خير ياحبيبه قلبي

شارك هذه المشاركه


رابط المشاركه
شارك

طيب اوكي

ياستي انا باحب اسمع الكلام

 

وطبقت شوية نصايح منهم

أصل أنا أحب أجرب علطول

شارك هذه المشاركه


رابط المشاركه
شارك

ما شااااء اللله عليكي يا قممممر

انتي مذهلة والله

كل مره موضوع جديد ومفييييد

عامله زي النحله مااااشاء الله عليكي

 

مع اني شغلة الاعشاب والخلطات ما اطبقها كثير احسها صعبه ونتايجها مش بتظهر بسرعه

بس معاكي شجعتيني احببببب التجارب

تسلممممممممم اليد اللي بتكتب وتبحث :oops:

اكرر امتتناني

و

اعجاااااااااابي الشديد بكل ما تخطه يدك الجمييله 

شارك هذه المشاركه


رابط المشاركه
شارك
ما شااااء اللله عليكي يا قممممر

انتي مذهلة والله

كل مره موضوع جديد ومفييييد

عامله زي النحله مااااشاء الله عليكي

 

مع اني شغلة الاعشاب والخلطات ما اطبقها كثير احسها صعبه ونتايجها مش بتظهر بسرعه

بس معاكي شجعتيني احببببب التجارب

تسلممممممممم اليد اللي بتكتب وتبحث :biggrin:

اكرر امتتناني

و

اعجاااااااااابي الشديد بكل ما تخطه يدك الجمييله 

 

ربنا يبارك فيكِ حبيبتي قطرات من ندي القوافي

والله انا لا أستحق كل هذا التقدير

وأسأل الله ان يغفر لي ما لا تعلمون

 

أعزكِ الله ورفع شأنكِ وأعلي ذكركِ ، وبارك لكِ

 

وربنا يجعل كل المواضيع دي بفايده ، فهدفي الاساسي انكوا تستفيدوا من المواضيع دي

 

لكِ حبي وخالص ودي

في رعايه الله

 

والسلام عليكــم ورحمـة الله وبركاتــة ،،

شارك هذه المشاركه


رابط المشاركه
شارك

جزاك الله خيرا

موضوع جميييل جدا

وعندما يجف نزيله بطريقة السنفرة كما فعلنا في الوجه

معلش ماهي طريقة السنفرة المقصودة؟

شارك هذه المشاركه


رابط المشاركه
شارك
جزاك الله خيرا

موضوع جميييل جدا

وعندما يجف نزيله بطريقة السنفرة كما فعلنا في الوجه

معلش ماهي طريقة السنفرة المقصودة؟

 

وتبلل اليد بالماء ونبدا في ازالته بالتدليك برفق

 

وده تعتبر سنفرة خفيفه

 

هي دي السنفره المقصوده

 

وبارك الله فيكِ حبيبتي أمه من اماء الله

 

وفعلاً فعلاً نورتي الموضوع :biggrin: :icon15: :unsure:

شارك هذه المشاركه


رابط المشاركه
شارك

جزاك الله كل خير حبيبتي

الموضوع منور بأصحابه...

ياخسارة فاتني هذا البرنامج قبل فرحي :cry:

بس انا بقالي قرب 3شهور متزوجة

اعتبر نفسي لسة عروسة ؟:wub:

ان شاء الله اجربها

طب لو الواحد عايز يثبت منها برنامج يمشي عليه على طول مش لفترة مؤقتة

يبقى ازاي او كل اد ايه؟؟؟

(عايزة جدول سهل :closedeyes: عشان استمر عليه إن شاء الله

ممكن تساعديني؟؟؟ :rolleyes: )

عشان حاسة ان دي دورة مكثفة لفترة مؤقتة..

وجزاك الله خيرا حبيبتي...

تم تعديل بواسطة أمة من إماء الله

شارك هذه المشاركه


رابط المشاركه
شارك

السلام عليكم ورحمة الله وبركاته،،

هلا هلا بالحبيبه

صدق أنتِ رائعه رغوبه (:

إن شاء الله بعد الامتحانات أطبق تلك النصائح الجميله >>دعواتك بالتيسير ^^

 

لا حرمكِ ربى الأجر يا غاليه

شارك هذه المشاركه


رابط المشاركه
شارك
السلام عليكم ورحمة الله وبركاته،،

هلا هلا بالحبيبه

صدق أنتِ رائعه رغوبه (:

إن شاء الله بعد الامتحانات أطبق تلك النصائح الجميله >>دعواتك بالتيسير ^^

 

لا حرمكِ ربى الأجر يا غاليه

 

ربنا يكرمك يا أختي ويرفع شأنك ويُعلي ذكرك

 

وربنا ييسرلك أمورك ويوفقك ياحبييتي تاجي حجابي

شارك هذه المشاركه


رابط المشاركه
شارك
جزاك الله كل خير حبيبتي

الموضوع منور بأصحابه...

ياخسارة فاتني هذا البرنامج قبل فرحي

بس انا بقالي قرب 3شهور متزوجة

اعتبر نفسي لسة عروسة ؟

ان شاء الله اجربها

طب لو الواحد عايز يثبت منها برنامج يمشي عليه على طول مش لفترة مؤقتة

يبقى ازاي او كل اد ايه؟؟؟

(عايزة جدول سهل عشان استمر عليه إن شاء الله

ممكن تساعديني؟؟؟ )

عشان حاسة ان دي دورة مكثفة لفترة مؤقتة..

وجزاك الله خيرا حبيبتي...

شكلك ماخدتيش بالك من مشاركتي :mrgreen:

على العموم كويس عشان عايزة اسألك عن حاجات تانية بالمرة:

ثم التونر بقطنه يمسح الوجه بقطنة مبلله بالتونر او نمرر تلجه وننشف كويس

 

هل التلجة تغني عن التونر؟

وهل ممكن ماء ورد بدل التونر؟

 

 

 

وكريم مرطب مناسب لنوع بشرتك ويفضل ان يكون كريم نهار

ونفس الطريقه قبل النوم لكن كريم ليل او اي كريم مرطب

هل الكريم المرطب ينفع : فازلين او جليسوليد؟

شارك هذه المشاركه


رابط المشاركه
شارك
بس انا بقالي قرب 3شهور متزوجة

اعتبر نفسي لسة عروسة ؟

 

دائماً منوراني حبيبتي أمه من إماء الله ، وطبعاً انتِ لسا عروسه ، أمال ايه !!!!!1

 

طب لو الواحد عايز يثبت منها برنامج يمشي عليه على طول مش لفترة مؤقتة

يبقى ازاي او كل اد ايه؟؟؟

(عايزة جدول سهل عشان استمر عليه إن شاء الله

ممكن تساعديني؟؟؟ )

 

بيتهيألي برنامج كل يوم وانتِ أحلي (دوره تدريبيه يفي بالغرض ) ولا اي رأيك ؟؟؟؟؟

 

شكلك ماخدتيش بالك من مشاركتي

 

أنا أسفه والله أنا قرأت كل الردود في الثلاث موضوعات بتوعي مره واحده وتهت فيهم ، ورديت علي قد ما قدرت

معلش سامحيني :wacko:

 

هل التلجة تغني عن التونر؟

 

أيوه ممكن تغني عنها

 

وهل ممكن ماء ورد بدل التونر؟

 

مش عارفه ، بس ماء الورد مفيد للبشره برده

 

هل الكريم المرطب ينفع : فازلين او جليسوليد؟

 

لا الكريم المرطب أفضل ، لكن ممكن اصحاب البشره الجافه يستخدموه ، بس أنا شخصياً لا أفضل الفازلين علي البشره

تم تعديل بواسطة راغبة بالفردوس

شارك هذه المشاركه


رابط المشاركه
شارك

جزاك الله خيرا حبيبتي على اهتمامك...

 

يتهيألي برنامج كل يوم وانتِ أحلي (دوره تدريبيه يفي بالغرض ) ولا اي رأيك ؟؟؟؟؟

معذرة اين هذا الموضوع .. فانا لاعرفه؟

ممكن الرابط؟

 

لا الكريم المرطب أفضل ، لكن ممكن اصحاب البشره الجافه يستخدموه ، بس أنا شخصياً لا أفضل الفازلين علي البشره

طب ايه كريم مرطب حلو للوجه؟

وايه كريم مرطب حلو لليدين و القدمين؟

اعتقد للجسم ذكرتي في الموضوع جليسوليد

ممكن ده وهل ممكن برضه بدي لوشن(هل يعتبر مرطب للجسم)

معلش عارفة ان طلباتي كترت :blink:

بس انا عايزة استفيد

ونفسي استقر على حاجات و جدول للجسم والبشرة و الشعر اداوم عليه ان شاء الله...

جزاك الله كل خير فالموضوع ده و موضوع العناية بالشعر اكثر من رائع...

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×