@كل يوم وانتي احلى :دورة تدريبيه (خواطر من قلب وعقل صيدلانية )@

[راغبة بالفردوس 477]

أنا منزله صور مش عارفه منزلتش ليه ؟؟؟؟؟؟؟؟؟؟؟؟؟؟؟؟؟

[راغبة بالفردوس 477]

شكرا " على هذا الموقع المميز و اتمنى ان اكون من المشاركات فيه

 

 

لا شكر علي واجب حبيبتي ، وإحنا يسعدنا ان تكوني معنا أم خلفان

 

أهلاً بيكِ ونورتي المنتدي

[راغبة بالفردوس 477]

السلام عليكم

جزاك الله خيرا على موضوعاتك المميزة

المشكلة انا شاغلة نفسي اليومين دول بتطبيق نصايح الشعر وبرنامج العروسة...

خايفة اشغل نفسي بميت حاجة و ف الاخر ماعملش حاجة

و خايفة استنى شوية يفوتني كتير...

محتارة :oops:

رإيك استنى شوية و لاابدا اتابع معاكو هنا كمان؟

وجزاك الله كل خير

 

 

أهلاً بيكِ حبيبتي نورتي الموضوع

 

وخليكي في موضوع واحد عشان ما تلخبطيش نفسك

 

وياريت تخليكي في الموضوع ده لغايه ما يخلص ، لاننا بنشجع بعض

وبراحتك برده ، يعني لو عرفتي تطبقي نصائح الشعر مع الموضوع ده يبقي كويس

 

انتِ وشطارتك يعني :grin: ;-) :cry:

[أمة من إماء الله 6]

جزاك الله خيرا

انا الحمدلله قرات نصايح الشعر

وعملت لنفسي جدول امشي عليه ان شاء الله...

ممكن اسيبني من برنامج العروسة دلوقتي او على حسب الوقت(بس كنت عملت ماسك التفتيح العظيم وكنت عايزة اكمل لو سبته ف التلاجة فترة هيبوظ؟)...

ان شاء الله احاول اتابع معاكو...

[راغبة بالفردوس 477]

جزاك الله خيرا

انا الحمدلله قرات نصايح الشعر

وعملت لنفسي جدول امشي عليه ان شاء الله...

ممكن اسيبني من برنامج العروسة دلوقتي او على حسب الوقت(بس كنت عملت ماسك التفتيح العظيم وكنت عايزة اكمل لو سبته ف التلاجة فترة هيبوظ؟)...

ان شاء الله احاول اتابع معاكو...

 

تمام كدا

 

وممكن تعملي الماسك برده ،وما تبوظيهوش

 

وسعيده بإ نضمامك للموضوع :biggrin:

[بنوته مسلمه مصريه 458]

جزاك الله خيرا رغوبه

الحقيقه انا لسه مانفذتش بس ان شاء الله هنفذ

بصراحه بنسى كتير اوى بشرتى ومبفتكرش غير لما اقف قدام المرايه

بتبقى حالتى صعبه اوى

وكنت مهتميه بى من اسبوعين ودلوقتى مش عارفه ايه اللى حصل

بس ان شاء الله اتابع معاك وانفذ

[**نحو غدٍ أفضل** 15]

الله يبارك فيكِ ياجميل ، وتواصلك معي هو الاجمل :sad: :biggrin:

 

وربنا يكرمنا جميعاً :rolleyes:

 

علي فكره أنا حاولت انزل الصور بالطريقه اللي قلتيها ، لكن بيفضل فتره طويــــــــــــــــــــــــــله قوي يحمل في الصور وما بتتحملش برده

 

مش عارفه ايه الحكايه ؟؟؟؟؟؟؟ :unsure: :unsure:

 

بصى يا ستى

 

افتحى الصور ببرنامج paint الرسام دا

 

و بعدين اختارى save as

 

هيظهرلك كدا

 

 

هتغيرى save as type

 

و هتختارى gif

 

هيقولك تحذير الألوان هتتغير عادى دوسى ok

 

و بعدين save

 

و بعدين حمليها فى الموضوع

 

و إن شاء الله هتتحمل معاكى بسرعة

[متاع الغرور 84]

بس حبيبت اسجل متابعة وشكر للاخت العسولة النحولة راغبة بالفردوس

وكمان

انا اشوف ان الافضل بخصوص حلاقة العانة هو ما جاء على الطريقة السنية

لان طريقة النتف بيكون مؤلمة كثير وبتعمل ترهل للمنطقة مع الوقت

 

اقبلو نصيحتي والا ارموها براحتكم :mrgreen:

 

 

:mrgreen:

عهود .......

تم تعديل 19 مايو, 2010 بواسطة قطرات من ندى القوافي

[محبة لربها، ادعوا لي بالثبات 72]

موضوع رائع جدا تسلم ايديك حبيبتى على كل ما تقدمينه لاسعاد وخدمة اخواتك

 

ولى تعليق على ازالة الرؤوس السوداء وهو تطريتها بالبخار الساخن لمده 7 او عشر دقائق((وممكن بفوطه ساخنة مثلا او حلة ميه تغلى ونطفى عليها ثم نستقبل البخار الناجم منها بوجوهنا على ان تكون درجة السخونه محتمله)) اولا حتى تفتح المسام ثم تتم سنفرتها بقليل من الملح وزيت الزيتون واللبن البودرة*عجينة متوسطة الليونه* ثم ازيليها بأى طريقة تحبين ولتكن الافضل هو اداه لا تتعدى السبع جنيهات فى الصيدليات وان لم توجد فالضغط عليها بقطنه نظيفه وتكرار العمليه اذا لزم الامر وان كانت الاداة افضل

[راغبة بالفردوس 477]

السلام عليكــم ورحمـة الله وبركاتــة ،،

 

**اليوم السادس **

 

 

نصائح عامه

 

بســم الله الـرحمــن الرحيــم ، وبه نستعين **********************************************

**********************************************

 

 

 

اولا وقبل كل شيء احب اقول نصيحتي لكل واحده

 

ربنا انعم علينا بمميزات لا حصر لها

 

وانعم علينا بمشاكل في جسمنا تكاد تكون معدودة

 

وكل مشكلة هي تكفير عن ذنب

 

او تخفيف عن مصيبة

 

 

فلازم نحمد ربنا على ما ابتلانا

 

ونحمده لانه عافانا مما ابتلى به كثير من الناس

 

وبدل ما نركز بس على اصلاح مشاكلنا

 

ليه بننسى نبرز جمالنا

 

طبعا للازواج اقصد

 

ايه يعني حبوب او نمش او كلف

 

اه شكلها وحش ده لو انتي شعرك كحكه وشفايفك

 

مشققه وعينك دبلانة

 

اما لو اهتميتي بشعرك

 

وسرحتيه تسريحه حلوة و دلعتيه

 

وحطيتي روج وكحل بس حتى

 

شوفي الاختلاف

 

بلاش نحط مشاكلنا عقبة لاظهار جمالنا

 

المميزات تخفي العيوب وتكاد تمحيها

وفي نفس الوقت هنعالج مشاكلنا على اد ما ربنا يقدرنا ونوصل لاحسن حل

 

ونعمل اللي علينا لكن من غير احباط

 

ولا انتحار

 

ولا كره للحياة

 

ولا تعقيد

 

 

**************************************

**************************************

 

 

اتمنى منكم التغيير ... تغيير افكارنا

 

تغيير طريقتنا في الحياة

 

بلاش نبص للنصف الفارغ من الكوب وننسى النص المليان

 

 

**************************************************

**************************************************

 

 

 

ثانيا بلاش نستخدم وصفات غريبة بجد مفيش حاجه لها مفعول السحر

 

دايما خلينا في المعروف والمضمون

 

يمكن الغريب يكون ليه اضرار منعرفاش سواء عاجلا ام اجلا

 

زي نوى التمر المحروق

 

 

واكرر مفيش سحر

 

******************************************************

*****************************************************

 

 

 

ثالثا عدم تداول اي كريم من الصيدليه الا بعد استشارة الصيدلي ما هو واقف اهوه اساليه قبل ما تشتري

 

وافهمي كويس اللي هيقوله واستفسري عن كل نقطة

 

واقري النشرة وركزي وشوفي الاحتياطات

 

****************************************************

****************************************************

 

 

رابعا اي حمضيات سواء طبيعيه مثلا ليمون برتقال او صناعيه بلاش خالص خاصة لو البشرة حساسة

 

ولو خلاص لازم استشيري صيدلي شاطر

 

شااااااااااااااطر

 

 

*****************************************************

*****************************************************

 

 

 

خامسا الوصفات منتشرة جدا بين المنتديات

وبتنتقل بدون وعي

 

ولما بتشوفيها كتير بتقولي ده فعاله

 

وممكن كلام البنت يشجعك

 

خلي بالك ده كلام منتديات ليس له اي مصادر علمية موثوق فيها

 

ومن امثلة كده

 

اشاعة البيتادين للتفتيح

 

طبعا البيتادين مش للتفتيح ده مضاد للفطريات اللي قد تسبب اسمرار

 

طيب لو اصلا مش عندك الفطريات ده

 

اذن هيقتل البكتيريا النافعه

 

وهيسبب التهابات واسمرار

 

شايفين الفرق

شايفين رحنا للاسمرار برجلينا

 

وفعلا بتلاقي بنات تشتكي ان المنطقة اسمرت بعد استخدام مرهم بيتادين

 

 

طيب ليه؟؟؟

 

ناخد بالنا احسن

 

**************************************************

**************************************************

 

 

سادسا البشرة و الشعر والجسم والصحه مربع متساوي الاضلاع

 

لا يمكن الاستغناء عن اي ضلع فيهم

 

وكلهم مكملين لبعض

 

*****************************************************

*****************************************************

 

 

سابعا في وصفات مناسبة للبعض فقط

 

مثلا زيت جنين القمح للوجه

اد ايه حلو!!!!!!

 

اد ايه بينقى البشرة!!!!!!!!

 

اد ايه بيزود سمك الشعر في الوجه

 

يبقى اصبح اد ايه وحش

 

مينفعش للمشعرات

 

 

******************************************************

******************************************************

 

 

ثامناً : لو قلت وصفات لبكرة لا شعرك ولا بشرتك هتتحسن

 

بامانه التحسن داخليا وخارجيا مع بعض

 

لازم نهتم بالغذاء والماء والصحه بوجه عام

 

****************************************************

****************************************************

 

 

تاسعاً : عمر الوصفة المكلكعه ما هتجيب نتيجه احسن من البسيطة

 

بالعكس المكلكعه هنكسل نعملها

 

والاستمراااااااار اهم شيء

 

المكلكعه فيها محتويات كتير تم خلطها بدون علم مجرد ان كل مكون مفيد

 

خلاص نخلطهم

 

وده غلط

 

لان عند الخلط في تفاعلات منعرفاش

 

وممكن تضر مع بعضها

 

وكمان مثلا خلط

 

مثلا زيت جنين القمح مع كريم مرطب

 

طيب هتستفيدي بالزيت ولا الكريم

 

استحاله هيوصلوا الاتنين لبشرتك

 

الزيت هيعزل الكريم

 

والكريم هيضايق الزيت

 

اذن يمكن عدمهم افضل

 

ليه نوهم نفسنا ان احنا تمام

 

مش بكتر الخلطات

 

**********************************************

**********************************************

 

 

وده كانت نصائحي ليكم على السريع وطبعا الكلام مش عايز يخلص

 

 

لكن احنا مع بعض

ان شاء الله

 

أشوفكم علي خير

[راغبة بالفردوس 477]

جزاك الله خيرا رغوبه

الحقيقه انا لسه مانفذتش بس ان شاء الله هنفذ

بصراحه بنسى كتير اوى بشرتى ومبفتكرش غير لما اقف قدام المرايه

بتبقى حالتى صعبه اوى

وكنت مهتميه بى من اسبوعين ودلوقتى مش عارفه ايه اللى حصل

بس ان شاء الله اتابع معاك وانفذ

 

 

جزانا واياكِ حبيبتي

 

ليه بس ما طبقتيش !!!!!!!

 

علي العموم الحلقات اللي فاتت كانت حلقات عامه ، لكن ان شاء الله الحلقات الجايه هتكون خاصه

 

وهيبقي فيها تطبيق كتير ، ويارب أسمع انك طبقتي عشان تشجعوني أكمل البونامج

 

وأعتقد ان حلقه اليوم فيها رد كافي ليكِ ، صح ولا لا :biggrin:

[راغبة بالفردوس 477]

حبيبتي نحو غدٍ أفضل ، برده مش عارفه أنزلها ، أنا نزلتها في حلقه أمس لكن ظهرت علي هيئه كلام مش صور

 

مش عارفه ايه الخطأ عندي !!!! :biggrin: :roll: :roll:

[بنوته مسلمه مصريه 458]

ياسلام يارغوبه ايه الكلام الجامد ده ياعم

ربنا يكرمك ويبارك فيك رغوبه

مع انى كنت لسه هكتب موضوع لعمل كريم النهار والليل وكان فيه زيت جنين القمح

بس خلاص بقى طالما تأثيره وحش كده

بس طبعا ده هيخلينى اسألك عن اسامى كريمات نهار وليل وياريت الاسعار كمان

اصل المنتشر كريمات الترطيب العاديه وانا احيانا بستعمل نيفيا او ايفا بالعسل

وساعات بنسى طبعا

انا مش عايزه اسبق الامور بس عايزه اعرف يعنى ايه كريم العين وهل زيت اللوز يغنى عنه

وايه الافضل زيت اللوز المر ولا الحلو

ياه سألت كتير بس معلش ياقمر هتعبك معايا

[راغبة بالفردوس 477]

بس حبيبت اسجل متابعة وشكر للاخت العسولة النحولة راغبة بالفردوس

وكمان

انا اشوف ان الافضل بخصوص حلاقة العانة هو ما جاء على الطريقة السنية

لان طريقة النتف بيكون مؤلمة كثير وبتعمل ترهل للمنطقة مع الوقت

 

اقبلو نصيحتي والا ارموها براحتكم :roll:

 

 

:biggrin:

عهود .......

 

 

أهلاً بيكِ ياحبيبتي نورتي الموضوع :roll: :icon17: :icon17:

 

وأنا مش قد الكلام الجامد بتاعد ده ، ربنا يعزك ويكرمك

 

وشكراً علي النصيحه ، بس مش عارفه الاحاديث الوارده في هذا الموضوع بالظبط

 

وسعيده بمشاركتك :tongue:

[راغبة بالفردوس 477]

السلام عليكم دي طريقه عمل الفتله بالصور

 

 

طريقة الفتلة بالصور

 

 

 

بالنسبة للخيط المستعمل نوعية جيدة قطن لا رفيعة ولا خشنة

 

 

خذي قطعة من الخيط طولها 40 سم تقريبا اربطيها بشكل عقدة من الطرفين

 

 

 

 

 

 

 

 

 

 

حاولي تخلي العقدة قريبة من واحده من ايديكي

 

 

 

 

 

 

 

 

نعمل كام تقاطع بالخيط

 

 

 

 

 

 

 

 

بالشد يمرر الخيط على البشرة بطريقة الفتح والغلق كالمقص وبشكل سريع

الايدين تكون لتحت

 

 

 

واحده ثابته والتانيه الصباعين بيتحركوا زي المقص

 

 

ده اهم نقطه ان ايد منهم ثابته والتانيه بس هي اللي الصباعين بيتحركوا زي المقص

 

 

 

 

 

الحمد لله أول مره أعرف انزل الصور ، ربنا يكرمك حبيبتي نحو غدٍ أفضل

 

لانك عرفتيني الطريقه

 

بس مش عارفه بقه الصور دي هتتحذف ولا اي اللي هيحصل :icon15:

[رحيل القمر 1]

جميل قوى والمتبعين ماشاء الله حلوين جدا ونشطين

شكرا جدا يا رغوبتى

بس انتى كده خوفتينى من الوصفات

بس يالا عشان ناخد بلنا

[راغبة بالفردوس 477]

ياسلام يارغوبه ايه الكلام الجامد ده ياعم

ربنا يكرمك ويبارك فيك رغوبه

مع انى كنت لسه هكتب موضوع لعمل كريم النهار والليل وكان فيه زيت جنين القمح

بس خلاص بقى طالما تأثيره وحش كده

بس طبعا ده هيخلينى اسألك عن اسامى كريمات نهار وليل وياريت الاسعار كمان

اصل المنتشر كريمات الترطيب العاديه وانا احيانا بستعمل نيفيا او ايفا بالعسل

وساعات بنسى طبعا

انا مش عايزه اسبق الامور بس عايزه اعرف يعنى ايه كريم العين وهل زيت اللوز يغنى عنه

وايه الافضل زيت اللوز المر ولا الحلو

ياه سألت كتير بس معلش ياقمر هتعبك معايا

 

أنا بصراحه متلخبطه ومش عارفه ايه أفضل الانواع بالظبط ، لانها تعتمد علي التجربه

 

أنا بستعمل كريم دووف ونتيجته حلوه برده ، لكن مش عارفه هو الافضل ولا لا

 

ووفي سن سكرين مخصص للعين مثلا من لانكوم علشان نحمي عنينا من الشمس ومنطقة ما حول العين

 

ودي صورته

 

 

 

 

 

أما زيت اللوز الحلو فيستخدم في اذاله الهالات السوداء

 

حيث يمكنك خلط ملعقة من زيت اللوز مع ملعقة من منقوع النعناع وادهني يوميا محيط عينيك بهذا الخليط

 

لمدّة أسبوعين على الأقل، ستلاحظين بعدها أن هذه الهالات بدأت تخفّ بشكل تدريجي.

 

 

وطبعاً طبعاً في اختلاف وفرق كبير بين زيت اللوز الحلو والمر

 

 

فزيت اللوز الحلو خصائص رائعة تفيد في تنظيف البشرة،ويمكن استخدامه لتنظيف البشرة والعناية بها عبر العديد من الطرق

 

ولمختلف أنواع البشرة.أما زيت اللوز المر فيطلي به الوجه لعلاج الكلف والنمش.

 

ويمكن استخدام زيت اللوز الحلو لتركيب الزيت المناسب لبشرتك أو عمل قناع من زيت اللوز

 

وأتمني أكون أفدتك

 

وأي حاجه انا في الخدمه ان شاء الله

[راغبة بالفردوس 477]

جميل قوى والمتبعين ماشاء الله حلوين جدا ونشطين

شكرا جدا يا رغوبتى

بس انتى كده خوفتينى من الوصفات

بس يالا عشان ناخد بلنا

 

انتِ الاجمل يارحوله

 

وأنا بطبق وبنفذ وباخد بالي ذيكم بالظبط

[أمة من إماء الله 6]

السلام عليكم

معلش انا متاخرة

ممكن اسال في الدرس الاول

انا لما جيت اشوف نوع بشرتي حسيت ان مافيش دهون في المنديل خالص

انا فعلا بحس انها احيانا بتكون جافة بس مش في كل وقت احيانا بتكون عادية

انا كنت بحسبها مختلطة عشان كان فيها حب شباب و فيها بعض الرؤوس السوداء هو حب الشباب ينفع يجي للبشرة الجافة و لا كده تكون مختلطة؟

اه و كمان بحس انها حساسة انا جلدي عموما بيبقى حساس لبعض الحاجات مثل المية و الصابون الكتير و ساعات بيجي فيه حساسية لوحده كده...

كده انا حيرتك معايا :rolleyes:

انا كده بشرتي جافة و لا مختلطة و لا حساسة؟

اعتقد انها متقلبة بينهم؟

-------

[راغبة بالفردوس 477]

السلام عليكم

معلش انا متاخرة

ممكن اسال في الدرس الاول

انا لما جيت اشوف نوع بشرتي حسيت ان مافيش دهون في المنديل خالص

انا فعلا بحس انها احيانا بتكون جافة بس مش في كل وقت احيانا بتكون عادية

انا كنت بحسبها مختلطة عشان كان فيها حب شباب و فيها بعض الرؤوس السوداء هو حب الشباب ينفع يجي للبشرة الجافة و لا كده تكون مختلطة؟

اه و كمان بحس انها حساسة انا جلدي عموما بيبقى حساس لبعض الحاجات مثل المية و الصابون الكتير و ساعات بيجي فيه حساسية لوحده كده...

كده انا حيرتك معايا :icon15:

انا كده بشرتي جافة و لا مختلطة و لا حساسة؟

اعتقد انها متقلبة بينهم؟

-------

 

 

أعتقد ان كدا بشرتك حساسه + مختلطه ياجميل :rolleyes:

 

وعلي فكره هو ده نوع بشرتي برده :icon15: :icon15:

[أمة من إماء الله 6]

جزاك الله خيرا حبيبتي..

كويس طلعنا زي بعض :icon15:

إن شاء الله اقرأ بقيت الحلقات و احاول احصلكو...

[راغبة بالفردوس 477]

السلام عليكــم ورحمـة الله وبركاتــة ،

 

 

 

 

يارب تكونوا بخير وبأحسن حال

 

اليوم السابع

 

 

ازالة الشعر من المنطقة الحساسة

 

 

 

 

تعددت الطرق والغرض واحد

 

 

نضافه

 

 

نعومه

 

 

هو ده الغرض الاساسي من ازالة الشعر

 

 

وسائل ازالة الشعر من المنطقه الحساسه معروفه

 

 

المهم نختار الوسيلة اللي تناسبنا

 

 

هنقارن بين المميزات والعيوب ونشوف ايه اهم متطلباتنا في الوسيلة

 

 

قبل كل شيء

 

 

السنفرة مهمه جدا قبل اي ازالة للشعر بايام ونواظب عليها اسبوعيا

بتشيل الجلد الميت وتسهل خروج الشعر اللي بيكون تحت الجلد

 

 

وبالتالي تسهيل الازالة

 

 

 

*******************************************

******************************************

 

 

اولا : الحلاقة Shaving

 

مميزاتها :سريعه - سهلة -غير مؤلمة - مريحه - في اي وقت واي مكان - تنفع في الازمات - غير مكلفة

 

عيوبها :الشعر بيطلع تاني يوم وطبعا تكرارها بيسبب جروح ومتاعب للجلد

 

 

 

 

untitled.bmp

 

 

 

 

نصائحي

 

1- غسل المنطقه جيدا قبل الحلاقه بصابونة ديتول او ماء مخفف ب سيتيال المطهر

 

2- الحلاقة تكون تحت الدش او باستخدام معجون حلاقه مستغربين ليه؟؟

 

3- ممكن استخدام زيت الزيتون على المنطقه قبل الحلاقه بنص ساعه هيسهل عملية الحلاقة بردو

 

4- اما رش بودرة التلك ده حوار فاشل

 

5- عدم الحلاقة في عكس اتجاه الشعر

 

6- ترطيب المنطقه جيدا تاني يوم بالذات لان الشعر هيطلع وغالبا بيسبب التهابات وحكه وطبعا استخدام كريم مضاد للالتهاب عند الضرورة زي بيتاديرم او فيوسيكورت وممنوعين للحامل والمرضع طبعا فيهم كورتيزون

 

7 - عدم الاكثار من مرات الحلاقة المتتاليه لان ده بيسبب التهاب وبالتالي اسمرار للمنطقه

 

 

من وسائل الحلاقة ايضا شفرة الحلاقة في سيلك ابيل

 

**************************************************

**************************************************

 

 

ثانيا : كريم او مستحضرات ازالة الشعر

 

مميزاتها :غير مؤلمة - قليلة التكلفة - سريعة ويمكن استخدامها في البيت بكل سهولة

 

عيوبها : قد تتسبب المواد الكيميائية الموجودة في مزيلات الشعر تهيج البشرة وقد يكون الكريم عبارة عن مادة مركبة قوية جدا قد تترك أخطار حب الشباب أو الحروق من المواد الكيميائية وطبعا غير الرائحة غي المستحبة

 

 

 

 

 

 

 

نصائحي

 

 

بلاش منها خالص

او للضرورة القصوى

لكن متخلوهاش عادة

 

 

 

********************************************

*******************************************

 

ثالثا : ماكينة الملاقيط silk epil

مميزاتها : ملائمة وبسيطة جدا - تستخدم في البيت - نظافه من غير تلزيق - لا ينمو الشعر مجددا لحوالي أسبوع

تنزع اصغر الشعيرات - مناسبة في السفر

 

عيوبها : مؤلمة في البداية لغاية ما تتعودي

مؤلمة لو الشعر طويل وكثيف الافضل اول باول

قد تسبب تهيج للبشرة في اوائل مرات استخدامها لغاية بردو ما تتعودي

 

 

 

 

 

 

نصائحي

 

 

1- النظافه والتطهير قبل الازالة للمنطقة وللماكينة

2-اول مرات هتكون غير مريحه تماما لكن هتتعودي عليها

3- بلاش لو الشعر طويل او كثيف لازم يكون قصي ومش كتير يعني اول باول كل اسبوع عشرة ايام اسبوعين بالكتير اوي

 

 

 

 

**************************************************

*************************************************

 

رابعا : الشمع الشرائح

 

مميزاتها : سهولة الاستخدام - سريعه - منجزة - تنزع الشعر من الجذور

 

عيوبها : تكلفتها عالية - ممكن تيجي سايحه لسوء التخزين وبالتالي فلوسك في الارض

 

 

 

 

 

 

 

 

نصائحي

 

 

1- النظافه والتطهير للمنطقه

 

 

2- بعد الازالة نمسح البشرة بزيت الاطفال لازالة اي بقايا

 

 

**************************************************

**************************************************

 

 

 

خامسا :جهاز الواكس (شمع )

 

مميزاتها : تنزع من الجذور والشعيرات الاصغر بالمقارنه مع السويت والوبر كمان بتشيله وبتشيل الجلد الميت ويدي نعومة وبياض

 

عيوبها : تكلفة عاليه - قد تسبب حساسية لبعض الاشخاص بالذات في اوائل المرات - ممكن سخونة الشمع تسبب حروق بسيطة - مش هتكوني ماهرة في الاول - اثار الشمع تزال بالزيت وليس مجرد شاور

 

 

 

 

 

نصائحي

 

 

 

1- النظافه والتطهير للمنطقه

 

 

 

2- بعد الازالة نمسح البشرة بزيت الاطفال لازالة اي بقايا

 

 

 

 

3- متحاوليش تعملي لنفسك غير بحرص شديد لانها ممكن تسبب التهابات وكدمات والشمع يلزق في الجسم

 

 

 

 

 

 

**************************************************

**************************************************

 

 

سادسا : السويت

 

 

مميزاتها : ازالة من الجذور - نعومة لمدة طويله - ازالة الجلد الميت - غير مكلفه تماما

 

عيوبها :ممكن تسيح - بتبهدل الدنيا حوالينا - لازم درجة حرارة معينه في الجو والا هتسيح او تجمد - استهلاك وقت اطول في الازاله - لا تنزع الشعر الصغير ولا الوبر

 

 

 

 

 

 

 

 

 

نصائحي

 

 

 

1- كل شهر لان لو اقل الشعر بيكون لسه قصير شوية

 

 

2- النظافه والتطهير

 

 

 

 

 

 

3- استخدام كريم مهدئ للالتهابات زي بيتاديرم وممنوع للحامل والمرضع اذا حدث اي احمرار وذلك لتجنب الاسمرار

 

 

 

 

 

الطريقة

 

 

 

طري قطعة السويت كلها وبعدين خدي منها قطعتين صغيرين كل واحده بحجم عقلتين صباع ونفس سمك عقلة الصباع

 

 

وافردي واحده في جهة اليمين والاخرى في جهة اليسار في اتجاه الشعر طبعا من الاطراف مش في نص المنطقه لا اطراف منطقة الشعر

 

 

 

 

انزعي اليمين عكس اتجاه الشعر وارجعي افرديها تاني على المنطقه المجاورة

 

 

 

 

 

وبعدين انزعي اللي في اليسار وافرديها تاني

 

 

 

وهكذا بالتبادل

 

 

وده بيخلي السويت تمسك كويس في الشعر والجلد

 

 

وبتوفري في الوقت وبتقلل الالم

شيلي منطقه صغيرة منطقه صغيرة

 

 

********************************************

********************************************

 

سابعا : الليزر

 

يقوم شعاع الليزر باتلاف البصيلات والشرط ان يكون البشرة فاتحه والشعر غامق حتى يستطيع التمييز والا سيسبب حروق للبشرة

 

مميزاته : يدوم طويلا

 

عيوبه : مؤلم - لازم مكان مضمون جدا جدا - الازالة مش هتكون نهائية 100 % - تكلفه عاليه جدا

يسبب بعض الحروق للبشرة - محتاج جلسات كتير

 

 

 

*********************************************

*********************************************

 

الليزر هو الحل الوحيد لازالة شبه نهائية

 

اي وصفات ليس لها اساس علمي وغير مضمونة وغير امنه

 

 

***************************************************

**************************************************

 

ارشادات بصفه عامة

 

 

1- السويت او الشمع الواكس ممكن تسبب ترهلات لانها منطقه غير مشدوده زيها زي الوجه تقريبا نسبة الترهلات اد ايه ؟؟ هل تستحق ان اننا نمنع استخدام السويت؟؟

الله اعلم لان علشان نعرف لازم نجيب واحده ست ليها عمرين عمر منهم استخدمت الويت

وفي العمر التاني استخدمت الحلاقة وتقارن بئه

 

 

لكن الكلام ده كلام علمي ونظري فقط اي حاجه هتشد الجلد فجاة وكتير اكيد هتسبب ترهلات على المدى

 

2- لكن طبعا هي نضافه لمدة اسبوعين على الاقل غير الحلاقه خالص

3- لكي كامل الاختيار بين اي وسيلة منهم لان كل واحده ليها ظروف حياة مختلفه عن الاخرى

 

 

 

 

 

 

 

 

تخدير المنطقة الحساسة

 

 

طبعا في حاجات زي زيت القرنفل

ومعجون الاسنان

 

 

تاثيرهم يكاد لا يذكر

 

غيرطبعا مكونات معجون الاسنان الغير مؤهلة للبشرة اطلاقا

 

 

 

لكن في من الصيدليه مخدر موضعي اسمه

 

 

Lidocaine 2% gel

 

 

او

 

 

Emela

 

 

تاثيرها حوالي 50% مش اكتر

 

 

نحط طبقه سميكه على المنطقه خارجيا طبعا

 

 

نسيبه نص ساعه وبعدين نمسحه

 

 

ونبدا الازالة

 

ودمتم في حفظ الله

untitled.bmp

[رحيل القمر 1]

على فكره انا اتابع

بس مره جيت ادخل قالى

مرتين هذا العضو غير موجود بس الحمد لله

دخلت وبرد ةعليكى

جزيتى الجنه وربنا يقر عينكى ان شاء الله

انا مبعرفش غير سويت

وكريم بس يالا عرفنا معلومات كتيره

مشكورررررررررررررره

[ريحانه الاسلام22 0]

السلام عليكم ورحمه الله

يسعدني ان اكون في صحبتكم وجزاكي الله خير الجزاء عنا يا اختاه

ارجو ان تعذريني علي تاخري بس انشاء الله اجتهد واحصلكم

ارجو معزرتي هبتدي معاكي من الاول وعندي شويه اسئله

انا اختبرت بشرتي وهي (عاديه )

وبالنسبه لواقي الشمس انتي بتقولي كثره استخدامه مش كويس انا كل يوم بنزل وبتعرض للشمس وخصوصا الشهر القادم كده في ضرر علي بشرتيوهل ينفع احطه عند منطقه العين

وعفووووووووا علي اطالتي

[محبة لربها، ادعوا لي بالثبات 72]

الغاليه راغبه الفردوس ربنا يبلغك اياها يا رب ويرزقك حسن الخواتيم واللهم اجمعك بأحبائك بالجنه

 

نصرة حبيبتى الدكتورة لرسولنا الكريم اللهم صلى وسلم وبارك عليه وعلى آله وصحبه وسلم الافضل للمنطقه الحساسه هو الازاله بالموسي او الكريم وذلك رجوعا للحديث الشريف القائل

 

فيما معناه((اربع من سنن الفطرة نتف الابط ،حلق العانه، تقليم الاظافر‘ الخ.... معذرة لا احفظ متن الحديث

 

دمتن بود يا اخوات