اذهبي الى المحتوى
أمة الله أم حمزة

إلحقوني....عاوزة خبيرة بيئة تقولي إيه اللي في الحمام ده ؟؟؟؟؟

المشاركات التي تم ترشيحها

السلام عليكم ورحمة الله وبركاته

 

حبيباتي وأخواتي

 

مش عارفة ابدأ ازاي بصراحة مسألة مدمراني

 

إمبارح وبعد ما غسلت الحمام أعزكم الله

 

قضيت حاجتي وأنهيت ما عندي وخرجت وجلست مع إبني ثم بعدها بساعة أو ما شابه

 

دخلت الحمام أشطف حمزة وكان عمل حمام في القصرية

 

فلاقيت قي القاعدة بتاعة الحمام أعزكم الله .......... دودة رفيعة جداً جداً كالشعرة والعياذ بالله

 

ما تعرفوش أنا باقرف أد إيه

 

ووالله أنا أكثر مكان يهمني نظافته هوه الحمام بشهادة الجميييييييييييييييع

 

حتى إني لا أدخل حمام بالخارج أبداً غير عند والدتي وأخواتي إلا للظروف القصوى

 

وبانضف الحمام لدرجة انكو لو شفتوه تقولوه إنه جديد نوفي لدرجة إني رأيت ما رأيت هذا واضحاً رغم صغر حجمها رأيتها واضحة لنصاعة الحمام ولمعانه

 

والمصيبة الكبرى زوجي رأى واحدة بالحوض اليوم صباحاً وقال لي أنها كانت تذهب للمكان الذي به الماء يعني هيا تعيش في الماء

 

ووجدت أخرى بقاعدة الحمام اليوم في نفس المكان بتاع امبارح في القاعدة من تحت خالص أعزكم الله المكان اللي بتكون المياه موجودة فيه

 

سامحوني الموضوع مقرف جداً بس مش عارفة أعمل إيه

 

وبحثت ع النت مش لاقية أي حاجة مفيدة في الموضوع خلاص هاتجنن

 

ما تقولوليش استعملي مطهر لأني مش باقدر أصلاً أنظف ولا أقتنع بالنظافة وخصوصاً الحمام إلا باستعمالي كلوروكس علشان يطهر وينظف

 

لدرجة إن صدري بيتعبني جداً أثناء التنظيف وعيني ورأسي لكني ما اقدرش ما استعملهوش لأني مش باحس ان الدنيا نظفت وتعقمت تماماً إلا بيه

 

أنا هاتجنن أو هايجرالي حاجة

 

بالله عليكم عاوزة واحدة تكون خبيرة في الأمر ده تقولي إيه ده ومن إيه وأعمل إيه علشان يمشي

 

وادعولي بالله عليكم أن يذهب الله عني هذا البلاء يا رب العالمين

 

المسألة بالنسبة لي متعبة جداً

 

أنا منتظرة أي رد مفييييييييييييييد من فضلكم عاوزة رد مفيد

 

الله المستعان

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

بصراحة مش عارفة أقولك أية ما صدفتنيش حاجة زى دى قبل كدة بس هقولك حاجة و متضحكيش عليا

ما يمكن يكون حد فيكو عنده ديدان و نزلت مع البراز وده احتمال لانك بتقولى إنها موجودة فى القاعدة من أسفل و واحده منهم سرحت فى الحمام لحد ما وصلت للحوض

أوعى تزعلى انا مش بهزر و لا بتريأ

أنا بتكلم بجد

شارك هذه المشاركه


رابط المشاركه
شارك

حبيبتي أنا فعلاً أو ما شوفتها زهلت وقلت يا نهار أبيض أنا عندي ديدان

وبعد كده سكت وقلت هاعمل العلاج بتاع الديدان وأنا عارفاه

وبعدين لما زوجي قالي لاقيت في الحوض

فقلت لأ يبقى الموضوع مش كده وبعدين احنا بنشد السيفون على طول فوراً مش ممكن تكون حاجة فلتت من اندفاع الماء الشديد من السيفون

وهوه ده اللي خلاني أكتب لكم لأني تأكدت انه مش ممكن تكون حاجة فلتت من السيفون وبعدين لو كده إيه اللي هايوصلها للحوض

ادعولي بالله عليكو احسن باموت

شارك هذه المشاركه


رابط المشاركه
شارك

حاجة من الاتنين يا وقعت من السقف يا ما حد عنده ديدان لان ده شكلها رفيعه وطويلة

 

يا اما بقى السيفون افتحيه وبصى فيه

 

ربنا يصبرك حبيبتى

شارك هذه المشاركه


رابط المشاركه
شارك

وعليكم السلام ورحمة الله وبركاته،،

لا حول ولا قوة إلا بالله

أنا مقدرة وحاسة باللى انتى حاسة بيه..لأنى لما بكون منظفه أى مكان فى البيت وألاقى حاجة غريبة مش عارفاها تدخل شقتى ببقى مرعوبة ومقروفة لحد ما أتأكد تماما إنها مشت..

لكن أنا فعلا مش قادرة حتى أتخيل الموضوع اللى بتحكيه..

بس ممكن تسألى اى دكتور أو صيديلى

هل ممكن ديدان البطن اللى بتخرج مع عملية الإخراج تتحرك بعد تنظيف التواليت وعمل السيفون...!

 

ادعى ربنا يرفع عنك البلاء ده وإن شاء الله متقلقيش..

شارك هذه المشاركه


رابط المشاركه
شارك

جزاكي الله خيراً أم عبد الله نظرت في السيفون ولم أجد شيئاً

 

جزاكي الله خيراً أم عائشة والله ما تتصوريش حالتي بسبب الأمر ده وأسأل الله أن يزيل البلاء عنا وعن المسلمين أجمعين

شارك هذه المشاركه


رابط المشاركه
شارك

اختي هل هذه الديدان حمراء اللون و طويلة او قصيرة

لان هناك ديدان تعيش في المياه تسمى العلق لعلها هي و لا علاقة لها بالنظافة

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،ربنا يرفع عنك هذا البلاء فعلا حاجه تضايق بس فعلا انا مع موده ممكن تكون من الميه واسالى برضه يارب حد يفيدك من الاخوات

شارك هذه المشاركه


رابط المشاركه
شارك

حبيبتى امه الله ام حمزه

 

انا عارفه انتى مضايقه اد ايه طبعا حاجه تضايق ربنا يكون بعونك بس ان شاء الله قريب ينتهى الامر

 

حبيبتى ما تصفيه ليس الا هو من امرين

الاول ان فعلا الديدان اللى انتى بتوصيفها ديه هى الديدان اللى فى الامعاء وبتخرج مع البراز معلشى ممكن مع النظافه تيجى للاطفال والاهم انها معديه من خلال استعمال ادوات الطفل المصاب

 

تانى حاجه ممكن يكون فى حاجه عندك بيتكاثر فيها الدود ده

 

الحل الامثل انك تسألى الصيدلى وتعملى تحليل stool براز لابنك وليكوا " معلشى اصلها معديه " والعلاج بيكون شربه كده يعنى حاجه بسيطه وطبعا نطفى الحمام بديتول وان شاء الله يخفف الله عنك

 

لكى محبتى .... كان الله بعونك

شارك هذه المشاركه


رابط المشاركه
شارك

أنا بحثت عن اللى قالت عليه مودة ورحمة

وهذه هى النتيجة:

حشرة العلق:

تعيش حشرة العلق في المياه العذبة والبيئة البحرية وفي جميع أنحاء العالم . وهناك بضع الأنواع التي تفظل العيش في المناطق الاستوائية والارضية . يبلغ طول حشرة العلق عموما حوالي 1 سم (0.5 بوصة). وهناك نوع يعرف بـ Bloodsuckers وهو غاليا ما يبلغ طولها حوالي 10 سم (4 بوصات). يوجد حوالي 650 نوعا في العالم من حشرة العلق ، 70 منها موجودة في كندا . فهي شائعة جدا في كل المقاطعات والاقاليم . يمكن العثور على حشرة العلق في كل منطقة تحتوي على المياه العذبة ، باستثناء القارة القطبية الجنوبية والقارة القطبية الشمالية . كما يمكن العثور على هذه الحشرة في البحيرات والانهار .

094j_p_m_decora_p.jpg

شارك هذه المشاركه


رابط المشاركه
شارك

السلام عليكم ورحمة الله وبركاته

هوني على نفسك حبيبتي أم حمزة ولا تخافي لأن الأمر أبسط من كده

المتهم الأول هو ابنك العسول لأن أكيد رميتي اللي في القصرية في التواليت وبعدين شطفتيه

غالبا هتكون منه واللي في الحوض من غسيل اليد

أهم شئ زي ماقالولك الأخوات عمل تحليل براز للبيت كله خشية الإصابة

 

وبعدين الدودة لو على حرف القاعدة مش هييجي عليها مية السيفون

 

المتهم الثاني هو الذباب أو أي حشرات طائرة فهي عندما تضع البيض أو ما يفقس بيكون ديدان ثم تتحول إلى يرقة ثم حشرة وخصوصا الفراشات

ممكن جداااااااا يكون هو ده السبب

 

المتهم الثالث هو الخضروات

إنتي عارفة طبعا إن البطاطس أو الطماطم لو فيها جزء مبلول وحصل له عفونة بيكون فيه دود أبيض رفيع وأنا مرة زوجي اشترى شوال بطاطس وأنا بفضيه لقيت فيه بطاطساية فيها عفن وفيها دود كثير جداااااا

 

وممكن مايكونش ولا حاجة من اللي ذكرتها ويكون حادث عابر ومش هيكرر بإذن الله يعني الدودة عجبها الحمام النضيف فراحت تزوره وطلعت لجوزك تغسل إيديها معاه :smile:

 

لو لقيتيه بكثرة يبقى حسد ولازم ترقي البيت وأنا جربت الموضوع ده بنفسي جالي ضيوف مرة وقابلتهم بجلابية مفتوحة شوية من الظهر ولونها جميل جدااا

كنت والدة ومحتاسة ومش عارفة أقوم أغير ولا استقبل

المهم فضلت الضيفة تتأملني شبرا شبرا

لما مشيوا وغيرت الجلبية دخلت بعدها الحمام سبحان الله العلي العظيم منظر لم أنساه أبدا رأيت الجلبية جميعها مليئة بالدود الرفيع حوالي مية دودة

الصراحة مش عارفة إزاي تمالكت اعصابي ووضعتها في كيس وألقيت بها في القمامة وخرجت القمامة بره الشقة

وغسلت الحمام بالكلور وقلت الحمدلله إن الدود جيه في الجلبية مش في جسمي

 

أنا مش قصدي أقرفك والله أنا بس بهون عليكي :rolleyes:

شارك هذه المشاركه


رابط المشاركه
شارك

فعلا ممكن يكون من الحسد

اذكر ان احد الشيوخ كان يتحدث عن الحسد فقال بان اهل بيت زارتهم احدى النسوة و كانوا ممن يحافظون على نظافة البيت و ترتيبه

بعد خروجها امتلأ عليهم البيت بالدود و لا ينفع معه تنظيف ولا غسل

اللهم عافنا

و سبب ذكره لهذه القصة هو اتصال احدى النساء عليه قالت المسكينة بانها ترى دودا كلما ارادت ان تاكل و الاخرون لا يرونه في الاكل و قال لها الشيخ بان هذه عين

نسال الله العافية

شارك هذه المشاركه


رابط المشاركه
شارك

جزاكن الله خيراً يا حبيباتي فتحت الصفحة وشفت ردودكن ولكن ما عرفتش أرد عليكن علشان زوجي كان قاعد

إن شاء الله غدا أرد عليكن لأن الوقت تأخر وسأذهب للنوم

بس بالله عليكن لا تنسوني من الدعاء

على فكرة هيه رفيعة جدا جدا كالشعرة أو كخط القلم وكمان مش كانت تمشي بس مش على جانب الحمام في القاعدة من تحت المكان اللي فيه الماء وقبل ما أشطف حمزة أو أدلق القصرية علشان أنا باشطفه الأول فجيت علشان أشطفه ورفعت الغطاء للحمام ففوجئت بشيء رفييييييع جدا قلت إيه ده أنا لسة منظفة الحمام معقولة الفرشة ما وصلتش لهذا الشيء الدقيق في قعر الحمام فلما دققت النظر وجدتها

وطولها يعني قدر عقلتين من الإصبع

وإن شاء الله آجي أكمل رد عليكو غداً

ومش عارفة اشكركو ازاي على اهتمامكو .... بارك ربي فيكن وأدام علي نعمة أخوتكن

شارك هذه المشاركه


رابط المشاركه
شارك

السلام عليكم ورحمة الله وبركاته،،

للاسف حبيبتي لا يوجد عندي ما اضيفه ,ولكن اساْل الله لك الاعانة واقدر ما انت فيه ,حاولي اجراء التحليلات من باب الاطمئنان

وضعي في الحمام مطهر وباذن الله يرفع الله عنك هذا البلاء .

شارك هذه المشاركه


رابط المشاركه
شارك

بما أنك ذكرتك الفرشاة الخاصة بالتواليت فحاولي بعد الإستخدام تضعيها في شوية ماء بكلور أو مطهر

 

وخلي بالك الافراط في استعمال الكلور وشمه يضر الكبد جداااا ويضر الأطفال لو قريب منك فحاولي تخفيفه والاكتفاء بالمطهرات إلا عند الحاجة

شارك هذه المشاركه


رابط المشاركه
شارك

حاجه غريبة فعلا يا ام حمزة

 

قلقتينى وشغلتى بالى عليك

 

يارب تكون اختفت النهاردة ويبعد عنك شر العين والحسد ويحفظك وزوجك وولدك

شارك هذه المشاركه


رابط المشاركه
شارك

السلام عليكم ورحمة الله وبركاته

جزاكن الله كل الخير يا حبيباتي على الاهتمام وبارك ربي فيكن

حبيبتي مودة

أنا أعرف دودة العلق لأن زوجي كان يبحث فيها على النت الفترة الماضية كثيراً لأنه عطار وهي تستخدم في شفاء بعض الأمراض عافانا الله وإياكم من كل بلاء يا رب العالمين ... ففي فترة بحثه تلك رأيت عدة صور لدودة العلق وأعرف أن رأسها ثخين عن جسمها والتي رأيتها تختلف تماماً فهي رفيعة جداً جداً وتكاد لا ترى بالعين المجردة وطولها مش عقلتين إصبع لأ أنا بالغت أوي في النقطة دي طولها عقلة إصبع واحدة أو أقل فأنا رأيتها أمس مرة ثانية :unsure: :oops: :cry:

 

الله المستعان

 

إمبارح وجدتها في قطرة ماء في الحوض لدرجة إني شاكيت إنها من المياة من الحنفية وتعبت نفسياً جداً وزوجي قالي آخذها لمعمل التحاليل نحللها علشان نعرف إيه دي ومن إيه بالظبط لأنه خشينا أن تكون بتخترق الجلد لشدة رفعها

بس ما خدهاش قالي ممكن يكون شيء عابر ولو لاقيناها تاني ناخدها ونحللها

بس أنا متأكدة أنه حمزة ما عندهوش ديدان لأنه ليها أعراض جانبية أخرى والحمد لله مش موجودة عنده ولا عند أحد مننا وإحنا مش بناكل أي أكل من الخارج وأنا بانظف الأكل جداً بفضل الله

وأختي سجودي لله .. جزاكِ الله خيراً كثيراً حبيبتي ... بس كمان لو كانت من إحدى الخضروات كنت الأولى أن أجدها في الخضروات مش لكنها مش في أي خضار من عندي

انتابني شك آخر

أن تكون من عند الجيران ووصلت من البالوعة مش عارفة عقلي هايشت وقرفت من كل حاجة حتى المياة اللي باشربها خايفة لاتكون منها

إدعولي بالله عليكم ماتنسونيش من الدعاء أن يزيل الله عني هذا البلاء

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

أختي الحبيبة أم حمزة حياك الله :)

واسأل الله أن يزيل عنك هذا البلاء من بيتك.

 

هناك مالفت نظري في موضوعك يا غالية ، اهتمامك الشديد بالنظافة ، بل هوسك بها

فلماذا يا غالية كل هذا ؟ لا يكلف الله نفسًا إلا وسعها .. نعم الإسلام يحثنا على النظافة لكن بهذه الطريقة سنتعب كثيرًا نفسيًا وجسديًا بحق .

أكيد إنك لا تحبين أي أحد يوسخ لك بيتك ، وبالتالي ممكن تقعي في عديد من الإحراجات صح؟ حاولي أن تجدي حل لهذه المشكلة ، فهي مشكلة عويصة أكثر من هذه الكائنات يا حبيبة.

 

وحاولي السيطرة على شعورك عند رؤية مثل هذا ، فلايخلو أحسن البيوت من هذه الكائنات :)

شارك هذه المشاركه


رابط المشاركه
شارك

حبيباتي من لم يشكر الناس لا يشكر الله جزاكن الله كل الخير حبيباتي الغاليات

أم مصرية ............. جزاكِ الله خيراً

أم عبد الله وحيد .... بارك ربي فيكِ منمن حبيبتي وجزاكِ خيراً

أم عائشة المصرية .... ربنا يباركلك على بحثك في الأمر يا حبيبتي وأدري كم أخذ من وقتك جزاكِ الله خيراً

مودة ورحمة ....... ربنا يكرمك يا حبيبتي ويبارك فيكي على اهتمامك بأمري جزاكِ الله خيراً كثيراً

سجودي لله فقط..... مش عارفة اشكرك ازاي على اهتمامك بأمري ومتابعتك له جزاكِ الله خيراً جزيلاً حبيبتي

بنت أم عبد ..... ربي يبارك فيكِ حبيبتي وأسألكِ الدعاء

om mana....... جزاكِ الله خيراً

صاحبة القلب الطيب ..... جزاكِ الله خيراً حبيبتي وبارك ربي فيكِ

مريومة يا روح قلبي..... شفتي اللي انا فيه ... مش قادرة اوصفلك إحساسي .... ادعيلي يا مريومتي بالله عليكي ... جزاكِ الله خيراً

شارك هذه المشاركه


رابط المشاركه
شارك
وعليكم السلام ورحمة الله وبركاته،،

 

أختي الحبيبة أم حمزة حياك الله :)

واسأل الله أن يزيل عنك هذا البلاء من بيتك.

 

هناك مالفت نظري في موضوعك يا غالية ، اهتمامك الشديد بالنظافة ، بل هوسك بها

فلماذا يا غالية كل هذا ؟ لا يكلف الله نفسًا إلا وسعها .. نعم الإسلام يحثنا على النظافة لكن بهذه الطريقة سنتعب كثيرًا نفسيًا وجسديًا بحق .

أكيد إنك لا تحبين أي أحد يوسخ لك بيتك ، وبالتالي ممكن تقعي في عديد من الإحراجات صح؟ حاولي أن تجدي حل لهذه المشكلة ، فهي مشكلة عويصة أكثر من هذه الكائنات يا حبيبة.

 

وحاولي السيطرة على شعورك عند رؤية مثل هذا ، فلايخلو أحسن البيوت من هذه الكائنات :)

 

 

 

جزاكِ الله خيراً حبيبتي أمل الأمة

فعلاً اللي أنا فيه مش طبيعي ونفسي أتغير وساعات باحس اني قريبة جداً من الوسوسة في المسألة دي وزوجي كمان بيقولي انتي كده هاتخلي الوسواس يسيطر عليكي بس أنا بحاول إني ما أكونش موسوسة ... الله المستعان وأسأل الله أن يقينا شر الوسواس الخناس

وجزاكِ الله خيراً حبيبتي فكلامكِ صحيح لكني بس علشان ده شيء طارئ اتخضيت جداً وده كان سبب اني كتبتلكم

ربنا يبارك فيكِ حبيبتي

وأسألكِ الدعاء

شارك هذه المشاركه


رابط المشاركه
شارك

طمنينا عنك حبيبتى دلوقتى

 

؟؟؟؟؟؟؟؟؟؟؟؟

شارك هذه المشاركه


رابط المشاركه
شارك

الغاليه سموءه هونى على نفسك

 

فعلا كان عندى فى البلكونه دود ابيض وكل لما امسح بالجاز يرجع تانى وكمان بقيت اتتبع خط سيره لانه كان سرب مالاقيش له اول ولا اخر ينتهى على ما فيش وبيبتدى برضه على مافيش

 

لدرجة واحده ام لصاحب ابنى قالت لى ده حسد وقرر وعين ورقيت البيت والحمد لله من يومها ماجاش

 

انت ف اى مدينه يا سمسم لحسن يكون من المياه فعلا

شارك هذه المشاركه


رابط المشاركه
شارك

السلام عليكم

جزاكن الله خيراً حبيباتي

صاحبة القلب الطيب

أم الأشبال

محبة لربها . ادعولي بالثبات

جزاكن الله خيراً

كنت منتظرة لأنها لم تظهر قلت أنتظر يوم أو اثنين قبل ما أرد عليكم والحمد لله من ساعتها لم أرى أثر لها بفضل الله

حبيبتي سموءة أنا في إمبابة .. الكيت كات بالظبط

بس لو ظهرت تاني إن شاء الله آخذها لمعمل التحاليل لأعرف من أي شيء أتت

جزاكن الله خيراً على الاهتمام حبيباتي الغاليات

وأسألكن الدعاء أن يرفع الله عنا البلاء وعن المسلمين أجمعين

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏قال أبو بكر البلخي: ‏"شهر رجب شهر الزرع ‏وشهر شعبانَ شهر سقيِ الزرعِ.. ‏وشهر رمضانَ شهر حصادِ الزرع". ‏فمن لم يزرع في رجب، ‏ولم يسق في شعبان، ‏فكيف يحصد في رمضان؟! ‏اللهم بلِّغنا رمضان

×